JAZ Insurance Broker

26/11/2025

نفس الورقة فيك تشتريها بالف ليرة
او بالف دولار
او حتى بعشرة الاف دولار
الفرق بيللي مكتوب بقلبها
مش بنوعية الورق
اذا عم تدور على نوعية ورق
طلبك مش عنا

07/11/2025

وكأنهم مغرومين بالزبون وخايفين عليه
وخايفين على صحتك امن معنا
وخايفين على مستقبلك امن معنا
ونحنا عتلانين هم ولادك امن معنا
هيدا الكلام بيستفزني
واضحة صارت الدعاية استقطاب الزبائن
انا هالطريقة ما بتمشي معي
انا بخاف على مصداقيتي اذا انت امنت من خلالي
بخاف ما غطيك وقت الحادث
بخاف تكون زبون ومش مرتاح وواثق فيي انو وقت المصيبة لك كون حدك
هيدا الفرق
والفرق كبير ليللي بيعرفو قيمة بوليصة التأمين يللي ما بتكون حبر على ورق

02/11/2025

🚩وقعت بفخ شركات تأمين؟
دفعت اللي عليك وتبهدلت بالمستشفيات.؟
طبيعي... لأنك ما سألت عن البروكر ولا طلبت نسخة الشروط والتغطيات بس اخدت البطاقة وطمنت بالك
طبيعي هيك يصير طالما والاحتيال صار سيد الموقف! وقلال صارو الشركات يلي بتشتغل ضمير...
ما بدي قول اكتر
غير اسألوا الناس يلي امنت من خلالنا... شوفوا خبراتن مع شركتنا... وشوفوا انو الدني ما بتخلى!
#لبنان #تأمين

27/10/2025

الدراسات بتقول إنو السهر لوقت متأخّر برفع نسبة الجلطات لأكتر من ٨٠ بالمية
حتى لو نمط حياتك ممتاز
يعني كل رياضة، وكل وجبة صحية، بتروح إذا ما كنت عم تنام صح

المشكلة؟🚩🚩🚩🚩
إنك تحس حالك مرتاح، بس جسمك عم يحترق من جوّا وانت مش منتبه

النوم بعد طلوع الضو ما بيعوّض شي
ما في شمس، ما في حركة، ما في مي، ما في حياة

شو الحل؟🚩🚩🚩
نام قبل نص الليل
سكّر الشاشة قبل النوم
اشرب مي أول ما تفيق
حرّك جسمك شوي الصبح

صحّتك ما بتحب السهر

25/10/2025

مفاجأة مزعجة🚩🚩

مش كل قنينة زجاج أنضف من البلاستيك.
بفرنسا لقوا ميكروبلاستيك أكتر ببعض القناني الزجاج لأن طلاء أغطية المعدن مش منيح ابدا . الخطر الصحي بعدو مش محسوم بس الاحتياط واجب

:اختيارات أذكى يوميا🚩🚩🚩
قنينة ستانلس للمَي🔹

اذا زجاج جرّب غطا مش مبطن_

ما تحط مشروب سخن بالقنينة_

ما ترجها بقوة_

خلّيها واقفة والغطا لفوق_

بدّل الغطا اذا تخدش او تآكل_

اغسل القنينة والغطا بمي فاتر_
قبل اول استعمال

ما تتركها بسيارة حامية_

وقت الغسيل فك الغطا ونضّف الحافة منيح

الفكرة بسيطة🚩🚩
اختار القنينة الصح ووفّر على جسمك حمل زيادة

Joyce Abou Zeidan

23/10/2025

لا! منا زابطة تشتري اي بوليصة من اي ابليكايشين من دون ما تسأل الف سؤال
ليش؟
لأن لازم تعرف الشروط والتغطيات؟
الا اذا عم تشتري الورق
ووقت المصيبة منقللك ما منعرف
شوف الشركة

معليش يعني
مش عم نبيع بصل ابو مية الف
ليرة
اغلب الناس بتشيل اللقمة من إدامها تا تشتري بوليصة

مفروض عم تشتري بوليصة تغطيك وقت مصيبتك
ومش بس هيك
عندك بوليصة سقفها مثلا عشرة الاف دولار
يعني اقل عملية بتدفع عنك الشركة عشرة الاف
والباقي انت بدك تشوف كيف ومن وين تجَمعو

ف خلليك اذكى
في الف سؤال ينسأل
ومش كل العالم بتخبرك عنن
لأن اخر همن شو بيصير معك
مهم يبيعو
#تأمين #لبنان

18/10/2025

ما في وجع، ما في إنذار بيوقع إنسان بكامل صحّته
من دون أي إنذار، الكوليسترول والدهون بيصيروا حديث الناس، وكل حدا بيفكّر إنو الكوليسترول عدوي
بس الحقيقة إنو الجسم بيصنّعو كل يوم لأنو محتاجو
الكوليسترول مش مرض، هو عنصر أساسي للحياة
الخطر الحقيقي بيبلّش لما يختل توازن الدهون بالدم
يعني لما ترتفع الدهون الثلاثية أو الكوليسترول الضار (LDL) أو ينخفض الكوليسترول الجيد (HDL)

اعملوا فحوصاتكن بانتظام، خصوصاً إذا بتاكلوا كتير نشويات وسكريات أو بتعانوا من تعب، زيادة وزن، أو ضغط عالي
ما بيكفي تعرفوا الكوليسترول الكلي
اطلبوا من طبيبكن يفحص الدهون الثلاثية، LDL، HDL، ووظائف الكبد

العلم واضح
الكوليسترول بحد ذاتو مش العدو، هو مادة أساسية بتبني خلايا وهرمونات
بس وقت يختل التوازن، بتبدأ المشكلة
الدهون الثلاثية العالية والكوليسترول الضار سوا هنّي السبب الحقيقي لتعب الشرايين وتصلّبها
والنتيجة ممكن تكون جلطة، ضغط، أو تعب بالقلب

تذكير مهم
كل جسم حالة فريدة
ما في وصفة وحدة للجميع
راجعوا الطبيب الادامي أو طبيب العائلة، ليفهم السبب قبل ما يكتب دواء
الوقاية هي العلاج قبل تفاقم الحالة

خففوا السكريات والنشويات والمشروبات الغازية والعصائر
وخلوا أكلاتكن تعتمد عالخضار، السمك، وزيت الزيتون
المشي اليومي أهم من ألف دواء
ما في حدا أنقذتو الحبوب أكتر من نظام حياة صحي

الفحوصات يلي بتطمن وبتكشف الخطر من قبل
1 فحص الدهون الكاملة (Lipid Panel)
2 فحص سكر الدم (Fasting + HbA1C)
3 فحص وظائف الكبد
4 فحص ضغط الدم بانتظام
5 فحص الغدة الدرقية وفحص دم شامل إذا الطبيب شاف داعي

الوقاية مش رفاهية، الوقاية حياة
ما تنطروا الوجع ليحكي، تحركوا قبل ما يبلّش

ما في حدا بيتمنى المرض، بس الكل بيهمل الفحص
فحص دم بسيط ممكن ينقذك قبل ما يصير الخطر
خمس دقايق من وقتك… يمكن تكون الفرق بين حياة وعجز
اعملوا فحوصاتكن، اليوم قبل بكرا
ما حدا رح يحافظ ع صحتك قدّك
الوقاية مش ترف، الوقاية حياة

JAZ Insurance Broker

12/10/2025

12/10/2025

"Follow our channel for more medical research updates and useful health advice."

"تابع قناتنا لتصلك أحدث الأبحاث الطبية والنصائح الصحية المفيدة."