Divisional Hospital Madampagama

10/01/2026

01/01/2026

2026 නව වර්ෂයේ උදාව නිමිති කරගෙන අද දින (2026.01.01) මහා සංඝරත්නය උදෙසා දානමය පිංකම පැවැත්විණ.එම උතුම් කර්තව්‍යය සාර්ථක කර ගැනීම වෙනුවෙන් මුලිකව කටයුතු කල මාදම්පාගම ප්‍රාදේශීය රෝහලේ ආයතනය භාර වෛද්‍ය තුමන්ටත් සියලුම කාර්ය මණ්ඩලයේ සාමාජික සාමාජිකාවන්ටත් සුවමිතුරු කමිටුවේ සාමාජික මහත්ම මහත්මීන්ටත් අපේ ප්‍රණාමය පුද කරමු..!

31/12/2025

දින සති මාස මැකී ගොස් 2025 අපේ සිත් හි සදා නොමැකෙන කාල පරිච්ඡේදයක් සටහන් කලේය.'දිට්ටා' මෙන්ම නමක් පටබැඳීමට නොහැකි ව්‍යංගාර්ථ සුළි කුණාටු රැසකින් අප හෙම්බත් කලෝය.ඒ අදුරු අතීතයේ නිමග්නව සිටි අපි දැන් සොදුරු නව වසරකට පිය නගා ඇත්තෙමු.අදින් දළුලන ඒ 2026 වසර සියලු ලෝ වාසීන්ට අනාගතය අදට කැන්දන සුභම සුභ නව වසරක් වේවායි අපි සුභාසිංෂණ ගෙන එන්නෙමු.🙏🙏🙏🙏

08/11/2025

සීනිගම "ගුණ ජය සතුට පදනම" ට අනුබද්ධිත අකුරල- අධ්‍යාපන මද්‍යස්ථානයේ දුවා දරුවන් විසින් සකස් කල,1500 ක් පමණ වූ ෆාමසි කවර පරිත්‍යාගයක් 2025.11.07 වන රෝහල් පරිශ්‍රයේදී සිදුවිය.මේ වෙනුවෙන් කැපවීමෙන් ක්‍රියාකල එම ආයතනයේ සියලු දෙනා වෙනුවෙන් අපගේ ගෞරව ප්‍රණාමය පුද කරන්නෙමු!

20/10/2025

පර්යේෂණවලින් පෙනී යන්නේ වයස අවුරුදු 13 ට පෙර ස්මාර්ට්ෆෝනයක් ලබා ගන්නා දරුවන්ට කාංසාව, මානසික අවපීඩනය සහ අවධානය යොමු කිරීමේ දුෂ්කරතා ඇතුළු මානසික සෞඛ්‍ය ගැටළු වර්ධනය වීමට සැලකිය යුතු ලෙස වැඩි ඉඩක් ඇති බවයි.

තිරවලට නිරාවරණය මොළයේ වර්ධනය, චිත්තවේගීය නියාමනය සහ සමාජ කුසලතාවන්ට බලපායි. අධික ස්මාර්ට්ෆෝන් භාවිතය නින්දේ රටා කඩාකප්පල් කිරීමට, ශාරීරික ක්‍රියාකාරකම් අඩු කිරීමට සහ සයිබර් හිරිහැර කිරීම් හෝ ඍණාත්මක සබැඳි අන්තර්ගතයන්ට නිරාවරණය වීම වැඩි කිරීමට හේතු විය හැක. මෙම සාධක එක්ව, දරුවෙකුගේ මානසික සහ චිත්තවේගීය යහපැවැත්මට කල් පවතින ප්‍රතිවිපාක ඇති කළ හැකිය.

විශේෂඥයින් නිර්දේශ කරන්නේ වයස අවුරුදු 13 න් පසු ස්මාර්ට්ෆෝන් ප්‍රවේශය ප්‍රමාද කිරීම සහ කුඩා දරුවන් සඳහා දෛනික තිර කාලය සීමා කිරීමයි. එළිමහන් ක්‍රීඩා, සමාජ අන්තර්ක්‍රියා, කියවීම සහ විනෝදාංශ දිරිමත් කිරීම චිත්තවේගීය ඔරොත්තු දීමේ හැකියාව, සංජානන සංවර්ධනය සහ සෞඛ්‍ය සම්පන්න මොළයේ වර්ධනය ශක්තිමත් කිරීමට උපකාරී වේ.

ඩිජිටල් ලෝකයක තරුණ මනස ආරක්ෂා කිරීමේ වැදගත්කම මෙම අධ්‍යයනයෙන් ඉස්මතු කෙරේ. ස්මාර්ට්ෆෝන් ප්‍රවේශය පිළිබඳ කල්පනාකාරී සීමාවන් සහ සැබෑ ලෝක අත්දැකීම් ප්‍රවර්ධනය කිරීම දරුවන් සෞඛ්‍ය සම්පන්න, වඩාත් සමබර වැඩිහිටියන් බවට පත්වීමට උපකාරී වන අතර මුල් අවධියේ මානසික සෞඛ්‍ය අභියෝගවල අවදානම අඩු කරයි.

11/10/2025

මෙරට සෑම දිනකම කාන්තාවන් 15ක් පියයුරු පිළිකාවට ගොදුරුවන බවත් දිනකට තිදෙනෙකු ජීවිතක්ෂයට පත්වන බවත් සෞඛ්‍ය අංශ පෙන්වා දී තිබේ.

සෞඛ්‍ය විශේෂඥයින් පෙන්වා දෙනුයේ පියයුරු පිළිකා සම්පූර්ණයෙන්ම සුවකළ හැකි බවත් වයස අවුරුදු 20න් පසුව සෑම කාන්තාවක්ම ස්වයං පියයුරු පරීක්ෂාවක් සිදුකරගත යුතු බවය.

මේ සම්බන්ධව නිවේදනයක් නිකුත් කරමින් සෞඛ්‍ය අමාත්‍යාංශය සඳහන් කර ඇත්තේ අවුරුදු 20-40ත් අතර වසයේ පසුවන අයෙකු වේ නම් වසර 3කට වරක්ද, අවුරුදු 40කට වැඩි නම් වර්ෂයකට වරක් සායනික පියයුරු පරීක්ෂාවකටද යොමුවන ලෙසය.

පියයුරේ හෝ කිහිල්ලේ ගැටිති, පියයුරේ සමේ වල ගැසීම, පියයුරු ඉදිමීම, තන පුඩුවේ අසාමාන්‍ය ශ්‍රාව්‍යක් හෝ ලේ ගැලීමක්, තන පුඩුව ඇතුළට ගිලී යාම, පියයුරුවල වේදනාව, සමේ ඇතිවන වෙනස්කම් වැනි රෝග ලක්ෂ හෝ අවදානම් සාධක වේ නම් වෛද්‍ය උපදෙස් සහ ප්‍රතිකාර ලබා ගන්නා ලෙසට ද ඒ සඳහා සුනනාරි සායන, සුවදිවි සායන, පිළිකා කල් තියා හඳුනා ගැනීමේ මධ්‍යස්ථාන, පියයුරු සායන, ශල්‍ය සායන සඳහාද යොමු විය හැකි බවද සෞඛ්‍ය අමාත්‍යාංශය සඳහන් කළේය.