ස්වාභාවික සුවය

14/10/2020

💚💚ලෙඩරෝග වළක්වාගැනීමට ශරීරයට ලබා දියයුතු සර්විස් එක මොකද්ද?💚💚

ඔබ වාහනයක් පාවිච්චි කරනවනම් යම්කිසි දුර ප්‍රමාණයකට වතාවක් හෝ එයට සර්විස් එකක් (Service) දානවා නේද?
එහෙම කරන්නෙ මොකද කියල ඔබ දන්නවා ඇති. එහෙම සර්විස් එකක් නොදැම්මොත් වාහනය දීර්ඝ කාලීන පැවැත්මට බාධා එනවා නේද? ඒ කියන්නෙ වාහනය ලෙඩ දෙන්න ගන්නවා.
හොඳයි මේ දේම අපේ ශරීරයෙත් වෙනවා කියල කිව්වොත් ඔබ පිළිගන්නවද? මේ කියන්න යන්නේ අපේ ශරීරයටත් සර්විස් එකක් කරගන්නෙ කොහොමද කියන කාරණයයි.

ලෝකයේ දැනට ජනප්‍රිය වෙමින් පවතින ප්‍රතිකාර ක්‍රමයක් තමයි Detoxification හෙවත් ශරීරයේ විශ හරණය කිරීමේ ක්‍රමවේදය. මෙය සිදුකරන්න හේතුවෙන්නෙ දීර්ඝ කාලීනව වස විස ද්‍රව්‍ය අපේ ආහාර වලින් ශරීර ගතවීම සහ අපේ ශරීරය තුළ ජීවත් වන බැක්ටීරියා වැනි ජීවීන් නිපදවන අහිතකර ද්‍රව්‍ය ශරීරයේ එකතුවීම නිසයි.

මෙවැනි විස රසායනික ශරීරයේ එකතුවීමෙන් අපගේ සෛල වලට නිසි පරිදි කාර්‍යයන් ඉටුකර ගැනීමට නොහැකිවෙනවා. මේ නිසා මෙම අහිතකර විස ද්‍රව්‍ය ඉවත් කර නොගත්තොත් පසුකාලීනව විවිධ රෝගාබාධ ඇතිවෙනවා. හර්දයාබාද, ආතරයිටීස් වැනි සන්ධි ආශ්‍රිත රෝග, සමේ රෝග, ස්නායු රෝග, දියවැඩියාව, අක්මාරෝග, බොහෝ පිළිකා ඇතුලු රෝග බොහෝමයක් ඇතිවීමට ප්‍රධාන හේතුව තමයි මේ විස ද්‍රව්‍ය ශරීරයේ එකතුවීම.
(මේ රෝග ඇතිවෙන ආකාරය වෙන වෙනම විද්‍යාත්මකව ඉදිරියේදී දැනුවත් කරන්නම්.)

මේ රෝග බොහෝමයක් ඇතිවීම වළක්වාගෙන නිරෝගී ජීවිතයක් ගතකරන්න නම් විසද්‍රව්‍ය ශරීර ගතවීම සහ උරාගැනීම වළක්වාගන්න ඕන. ඒ සඳහා තමයි අර කලින් කිව්ව Detoxification ක්‍රම ලෝකයේ භාවිතාවෙන්නෙ. මේවා විද්‍යාත්මක පදනමකින් තමයි දැන් ලෝකයේ ජනප්‍රියවෙමින් පවතින්නෙ. ඒ නිසා මෙම ක්‍රම බටහිර වෛද්‍ය විද්‍යාවට අභියෝගයක් වෙමින් පවතිනවා. ඇත්තටම මේ නිසා බටහිර සහ පෙරදිග විද්‍යාවේ (Science) එකතුවක් පෙන්නුම් කරනවා. මෙය බටහිර වෛද්‍ය විද්‍යාව (Medicine) තරමක් පැරණි ගමනකම ගෙනයාමට සමහරු උත්සාහ කරනවාදෝ වගේ ස්වභාවයක් තමයි පෙන්නුම් කරන්නෙ.

ඔබ සමහර විට දැකල තියෙනව ඇති ශරීරයේ විස හරණයකර ගැනීමට කකුල් දෙක ද්‍රාවණයක් පිරවූ බේසමක දාගෙන හිටියාම ද්‍රාවණයේ පැහැය වෙනස් වෙනවා. ඒකත් විශ හරණයේ එක්තරා ක්‍රම වේදයක්ම තමයි. ශරීරගත විශ කකුල්වල මහපට ඇඟිලි හරහා ඉවත් කිරීමේ ක්‍රමවේද දේශීය වෙදකමේ සඳහන් වෙනවා. එහිදී කකුල්වල මහපට ඇඟිලිවල යම් ඖෂධ තබා වෙලුමකින් ඔතා තැබීමෙන් එම විස වර්ග ඉවත් කිරීම සිදු කරනු ලබනවා. එවැනි විවිධ ක්‍රම වලින් විස ඉවත් කිරීම ආයුර්වේදයේ සඳහන් වෙනවා. නස්න ක්‍රම වලිනුත් එක්තරා ආකාරයකට කරන්නෙ විස ඉවත් කිරීමක්. ලෝකයේ විවිධ විස ඉවත්කිරීමේ ක්‍රමවේද ජනප්‍රිය වෙමින් යද්දි අපේ රටේ ඉතා ඈත අතීතයේ සිටම පැවතුනු වටිනා ක්‍රම අපේ අය භාවිතයට නොගැනීම ඉතා අවාසනාවන්ත තත්ත්වයක්.

මේ ලියන්නේ ලිපියේ වැදගත්ම කොටසයි. ඔබ නිරෝගීව සිටීමට අත්‍යාවශ්‍යයෙන්ම ප්‍රයෝජනයට ගතයුතු කොටසයි. ඒතමයි ආයුර්වේදයේ සඳහන් වෙන විරේකය.
මෙමගින් ඔබට පුලුවන් ඔබේ ශරීරයට අවශ්‍ය සර්විස් එක ලබාදෙන්න.
විරේකය ඇතුලත් වෙන්නෙ ශෝධනය කියන කොටසට. එමගින් කරන්නේ ශරීරයේ ඇති විශ ද්‍රව්‍ය සහ අහිතකර බැක්ටීරියා විවිධ මාර්ගවලින් ඉවත් කිරීමයි. සම්පූර්ණ විරේකයක් ගැනීමට කලින් මෘදු විරේකයක් කියල සතියක් විතර ගන්න ඖෂධ තියෙනවා. එමගින් මුත්‍රා සහ මළපහ හරහා විසවර්ග ඉවත් කිරීම සිදුවෙනවා. මෙහිදී රත කල්කයත් ලබාගන්න වෙනවා. එහි අඩංගු රත් හඳුන් වැනි ඖෂධ ප්‍රභල විශ ඉවත් කිරීමේ හැකියාවකින් යුක්තයි. එමෙන්ම ආහාර මාර්ගයේ ජීවත්වන අහිතකර බැක්ටීරියා ඉවත් කිරීම සිදුවෙනවා. ප්‍රතිශක්තිකරණ පද්ධතියෙන් 70-80% ප්‍රමානයක් විකරණය (Immunity Modulation) වන්නේ ආහාරමාර්ගය තුළයි. මෙම රතකල්කය මගින් එම හැකියාව වර්ධනය කරනු ලබනවා.
මෘදු විරේකයෙන් අනතුරුව තනි දවසක් ලබා ගැනීමට සම්පූර්ණ විරේකයක් ලබා දෙනවා. එම ක්‍රමවේදය සම්පූර්ණයෙන් අවුරුද්දකට වතාවක් හෝ අවුරුදු කිහිපයකට වතාවක් බැගින් සිදු කිරීමෙන් ශරීරයට ඉතා ප්‍රයෝජනවත් සර්විස් එකක් ලබා දෙන්න පුලුවන්. මෙය ලෝකයේ බොහෝ දෙනා යොමුවෙමින් පවතින Detoxification හෙවත් විශ හරණ ක්‍රමවේදයට බොහෝ සෙයින් සමාන ක්‍රමයකි.

මෙහිදී සම්පූර්ණ විරේකය සඳහා සහිඳ ලුණු සහ එඬරු තෙල් වෙන වෙනම භාවිතා කරමින් ආයුර්වේදයෙන් ලබා දෙන වට්ටෝරුවකට කසායක් හිඳවා භාවිතාකළ යුතු වේ. මෙය භාවිතා කරන දවසට ආහාර වේල් ලබාගත යුතු ක්‍රමයක් තියෙනවා. එළවලු බත්, ලුණුකැඳ සහ තැම්බුන් හොඳි සමග ආහාර රටාව ගතයුතු ආකාරය වෛද්‍යවරයා ඔබට පැහැදිලි කර දෙනු ඇත. ඇතැමුන්ට බඩ විරේකය වීමේදී වැඩි වාරගණනක් බඩවිරේක විය හැකිය. එම නිසා එම දිනය නිවාඩු දිනයක් වීම වඩා වැදගත් වේ. නමුත් මෘදු විරේකය ගන්නා සතිය තුල එතරම් අපහසුවක් ඇති නොවේ. එම නිසා ඔබ රැකියාවට යන ගමන් වුනත් මෘදු විරේකය ගෙන පසුව නිවාඩු දිනයක පූර්ණ විරේකය ලබාගත හැක.

මෙය භාවිතයෙන් පසුව මළපහ පිට වීම ඉතා පහසු වන අතර ශරීරයේ රෝග ඇතිකරන අහිතකර බැක්ටීරියා බොහෝ ප්‍රමාණයක් ශරීරයෙන් ඉවත් වෙනවා. එසේම බඩවැල් වල තැන්පත්වී ඇති අහිතකර විසවර්ගද බොහෝමයක් ශරීරයෙන් ඉවත් වෙනවා. එසේම තැම්බුම් හොදි දිගටම භාවිතා කිරීමෙන් බඩවැල් වල අහිතකර බැක්ටීරියා වර්ධනය අවම කරගන්න පුලුවන්. එමගින් දීර්ඝ කාලීන නිරෝගීභාවය ඔබට ලඟා කර දෙනු ඇත.

ලඟම ඇති ආයුර්වේද රෝහලේ වෛද්‍යවරයා ගෙන් මේ ගැන විමසීමක් කරන්න. එමගින් ඔබට නොමිලේම ඔබගේ නීරෝගීභාවය පවත්වාගෙන යාමට අවශ්‍ය සර්විස් එක ලබාගන්න පුලුවන්. මීට අමතරව වස විස අඩංගු ආහාර පරිභෝජනය නවත්වාගත යුතුයි.
හැකිනම් ඉහත දැක්වූ පරිදි ආහාර ගැනීමට පෙර තැම්බුම් හොඳි නිතර භාවිතා කිරීමට පුරුදු වන්න.
අඩුම තරමින් අවුරුද්දකට වතාවක් බඩවිරේකයක් ගැනීමට ඉහත ක්‍රියාවලිය නැවත සිදු කරගන්න.

මෙය ඉතාම විද්‍යාත්මක ක්‍රියාවක්. මෙහි වටිනාකම අවබෝධ කරගැනීමෙන් ඉදිරි කාලයේදී බොහෝ දෙනා මෙම ක්‍රියාවලියට යොමුවෙනවා නිසැකයි.

~ස්වාභාවික සුවය~
(අවසරයකින් තොරව උපුටා ගැනීම තහනම්)

ෆේස් බුක් එකේ සඳහන් වුනු විරේකයක්

https://m.facebook.com/mobile/android/upsell_link/?upsell_id=fb4a_attribution&impression_id=7d6a2bb5-de07-423b-8cff-30998b261ada&app=fb4a&install_method=google_play&use_open_sso=rollout&ext=1602900383&hash=AeS0caiZqQoIjcHDmr4&__tn__=-R

(මෙහි වගකීමක් අප නොදරණ අතර ඔබට කැමතිනම් මෙවැනි විරේකයක් ගත හැක. වඩාත්ම සුදුසු වන්නේ ආයුර්වේදය මගින් ඔබට ලබාදෙන උපදෙස් අනුව කටයුතු කිරීමයි)

11/10/2020

සර්ජිකල් මාස්ක් එක මගින් හොඳම ආරක්ෂාවක් ලබා ගැනීමට නම් බොහෝ දෙනෙක්ට මෙය කළයුතු වෙනවා.
නැතිනම් හිඩස ඇතුලෙන් හුස්ම ගැනීමේදී වෛරසයක් ඇතුලුවීමේ හැකියාවක් තියෙන්න පුලුවන්

09/10/2020

ඩොනල් ට්‍රම්ප් විතරක් ඉක්මනින් සුව වුනේ කොහොමද??

ඩොනල් ට්‍රම්ප් කොරෝනා හැදිලා දවස් කීපයෙන් හොඳ වුනා. ඒක ගැන විවිධ අය එක එක කතා කියන්න ගත්තා. ඒත් ඉතින් අලුත් පරීක්ෂණ එක්ක දුන්නු ඖෂධ ක්‍රමවේදය නිසා රෝගය ඉක්මනින්ම සුව කරගන්න පුලුවන් වුනා. මේ ඖෂධ ක්‍රමවේදය එක්තරා ආකාරයකින් ස්වාභාවික සහ තාක්ෂණික සහ සාමාන්‍ය Biochemistry/ Physiology වල එකතුවක් වගේ දෙයක්

කොවිඩ් 19 එක්ක සිදුවුනු බොහෝ පරීක්ෂණ එක්ක අලුත් දේවල් ගොඩක් බටහිර වෛද්‍ය ක්‍රමයට එක්වෙන්න ගත්තා. ඒකෙ හොඳම උදාහරණයක් තමයි ඩොනල් ට්‍රම්ප්ට දුන්නු බෙහෙත් වට්ටෝරුව

Regenron's Antibody Cocktail

Remdesivior

Zinc

Vitamin D

Melotonine

Famotidine

Aspirin

Dexamethasone

මෙවැනි විවිධ ආකාරයේ ඖෂධ ක්‍රමවේද ගණනාවක් (Protocol) විවිධ රටවල භාවිතා වුනා. ඒවා අතරින් සමහර ක්‍රමවේද ඉතා හොඳ ප්‍රතිපල ලබා දීලා තියෙනවා. සමහර ක්‍රමවේදවල Hydroxychloroquine, Azythromycin වැනි ඖෂධ භාවිතා වුනා.
මේ ඖෂධ ක්‍රම භාවිතා කළයුතු අවස්තා වෙනස් වන අතර ඩොනල් ට්‍රම්ප් ආසාදිත බව වේලාසනින්ම හඳුනාගත් නිසා ඔහුට භාවිතා කර ඇත්තේ මෙම ඖෂධ වට්ටෝරුවයි. මෙය Viral phase අවධියේදී භාවිතා කරනු ලබන අතර Immuni Desregulation අවස්තාවේදි වෙනත් ක්‍රමවේදයක් භාවිතා කළ යුතුවේ.

මෙහි වැදගත්ම ඖෂධය වන්නේ Regenron's Antibody Cocktail නමින් හඳුන්වන ඖෂදයයි.
මෙය Polyclonal Cocktail වර්ගයේ ඖෂධයකි
මෙහි අඩංගු වන්නේ Covid 19 ඇතිකරනු ලබන SarsCoV2 වෛරසයේ අඩංගු ප්‍රතිදේහ ජනක වලට එරෙහි ප්‍රතිදේහ වර්ග රාශියක මිශ්‍රනයකි.

සාමාන්‍යයෙන් ඖෂධ සඳහා භාවිතා කලේ Monoclonal Antibody හෙවත් එකම වර්ගයේ ප්‍රතිදේහ අඩංගු ඖෂධ වන නමුත් එම වර්ගයේ ඖෂධ ලබාදීමට නොහැකි වන්නේ කොවිඩ් රෝගය ඇතිකරනු ලබන වෛරසය වෙස්මාරු කරගැනීම හෙවත් ඉහළ විකෘති ඇතිකරගැනීමේ හැකියාවකින් (Mutation) යුක්ත වීම නිසා එකම වර්ගයේ ප්‍රතිදේහ රෝගීන්ට ලබා දීමේදි ඉක්මනින්ම ඖෂධය ක්‍රියා නොකිරීමට පටන් ගන්නා නිසාවෙනි.

නමුත් මෙම Polyclonal Cocktail ක්‍රියාවලියේදී සිදුකර ඇත්තේ SarsCov2 වෛරස අපගේ සෛල වලට සම්බන්ද වන්නාවූ Spike Protein (S Protein) කොටස් වල කෙලින්ම අපගේ සෛලවලට සම්බන්ධ වන්නාවු ( ACE 2 Receptors) ස්ථාන වලට අදාල ප්‍රතිදේහ වර්ග 2ක් එකතු කර ඖෂධය නිපදවීමයි. එවිට වෛරසය ප්‍රතිදේහ වර්ග දෙකටම ප්‍රතිරෝධිවන ආකාරයෙන් විකෘති වීමේ සම්භාවිතාවය අවම වෙනවා. මෙය යම් තරමක තාක්ෂනික වැඩක් වගේ. මෙම ඖෂධය ලබා දියයුත්තේ Viral Phase අවධියේදී පමණයි.
කියපු ටික නම් ගොඩක් දෙනෙක්ට තේරෙන්න නැතිව ඇති 😊 මේක ඉතින් ටිකක් ලොකු කතාවක්. ලිපියකින් පැහැදිලි කරන්න අමාරුයි.

දෙවැනි ඖෂධය Remdesivior ඉබෝලා වෛරසයට එරෙහිව නිපදවූ ඖෂධයක්. මෙහි ක්‍රියාකාරීත්වය විද්‍යාත්මකව රසවත් ක්‍රියාවලියක්. වෛරසයක් අපේ සිරුරේ සෛල වල ප්‍රගුණනය වීමට නම් එම වෛරසයේ RNA අණුවද ප්‍රගුණනය විය යුතුයි. මේ සඳහා Viras RdRP එන්සයිමය අවශ්‍ය වෙනවා. එයට අදාල කේතයන් වෛරසයේ ජාන සැකැස්මේ සටහන් වෙනවා. මෙම එන්සයිමය ක්‍රියා කාරී වී mRNA අණු සැකසීමේදී ඊට වැරදි අමුද්‍රව්‍යයන් ලෙස (Fake Raw Material) Remdesivior ඖෂධය සහභාගී වෙනව. එවිට තැනෙන වෛරස අංශුන් ඉතාම දුර්වල වෙනවා. ඒවගේම වෛරස ජාන අණුවක් (RNA) ඇතිවීමෙන් පසු එය නිවැරදිදැයි බැලීමට නැවත කියවා බැලීමේ එන්සයිමයක් වෛරසය සතු වෙනවා (Viral Proof Reading). මෙම Remdesivior ඖෂධය මගින් එම නිවැරදිතාවය පරීක්ෂා කිරීමේ එන්සයිමය අක්‍රීය කරනු ලබනවා. එමගින් වෛරසය තවත් දුර්වල කිරීමට හැකියාව ලැබෙනවා. හැබැයි මෙම ඖෂධය මගින් තරමක් බරපතල අතුරු ආබාධ ඇතිවීමේ හැකියාව තියෙනවා.

මෙහි ඊළඟ ඖෂධ 3 ස්වාභාවික ඖෂධ වගේ. Zinc කියන්නෙ මූල ද්‍රව්‍යක් නේ. ඒක ශරීරයට අවශ්‍ය වෙනවා විශේෂයෙන්ම ප්‍රතිශක්තීකරනය ශක්තිමත් කිරීමට. මෙහි ක්‍රියාකාරීත්වය Viral RdRp එන්සයිමය අක්‍රීය කිරීම මගින් සිදුවෙනවා. කොහොම වුනත් Zn වලින් 50mg ප්‍රමාණයක් අවශ්‍ය වෙනවා ZnSO4 වලින් දෙනවනම් 220mg ලබා දෙන්න වෙනවා.
Zn සෛල තුළට ඇතුලුවීමේ හැකියාව Hydroxychloroquine වලින් වැඩි කරනවා (Zinc Ionophores). ඒවගේම විශේෂිතම දෙයක් වන්නේ එම හැකියාව Greem Tea වල අඩංගු EGCG මගින්ද ඇති කිරීමයි. අපේ රටෙත් කොවිඩ් 19 හැදුනු රෝගීන්ට බොහෝවිට ලබාදෙන්නෙ Zinc Sulphate ඖෂධයයි. මේ සමග Green Tea එකකුත් බොන්න පුලුවන්නම් (සීනි නැත්නම් වඩා හොඳයි) ප්‍රතිඵල වැඩියි.

ඊළඟට ප්‍රධානම ඖෂධය වන්නේ විටමින් D එකයි. මෙය ඉතාම හොඳින් ලබාගන්න නම් ඉර එලියට නිරාවරනය වීමෙන් පුලුවන්. හැකියාවක් ඇති හැම දෙනාම උදෑසන 9-10ත් අතර වගේ වෙලාවෙ හිරු එළියට විනාඩි 20-30 වත් ඉන්න පුලුවන් නම් ඉතාම හොඳයි. ශරීරයෙ සියලුම සෛල වල විටමින් D ප්‍රතිග්‍රාහක අඩංගු බව සොයා ගත්තේ මෑතකදී. එමගින් ප්‍රතිශක්තීකරණය විකරණය කිරීමක් ( Immuno Modulation) සිදුවෙනවා. එසේම ශ්වසන පද්ධතියේ ආස්තරණ සෛල ස්ථායි කිරීමක්ද සිදුවෙනවා. මෙහි හොඳ ප්‍රතිඵල ලබාගැනීමට රුධිර මිලිලීටරයක විටමින් D 40ng ප්‍රමාණයක් හෝ ඊට වැඩියෙන් තිබිය යුතුයි.

Melotonin සෛලීය පරිවෘත්තිය සාමාන්‍ය පරිදි පවත්වාගෙන යාමට උදව් වෙනවා. එහි කාර්‍යයත් තරමක් විස්තර සහිත නිසා දීර්ඝව ලියන්නේ නැහැ.

මෙහි famotidine වල Covid 19 වලදී සිදුවන ක්‍රියාකාරීත්වය හරිආකාරව හඳුනාගෙන නැහැ. නමුත් එමගින් මරණ ඇතිවීම පාලනය කරනු ලබනවා. අනෙකුත් ඖෂධ වල ක්‍රියාකාරීත්වය සාමාන්‍ය වෛද්‍යවරු දන්නවා. ඉහත දැක්වූ ඖෂධ වෛද්‍ය නිර්දේශයකින් තොරව ලබාගැනීමෙන් අහිතකර ප්‍රථිඵල ලැබිය හැකිබව කියන්න පුලුවන්.

ලිපිය තරමක් සංකීර්ණයි. මේ ගොඩක් දේවල් නොතේරෙන්න ඇති. ඒත් බටහිර ඖෂධ වල ක්‍රියාකාරීත්වයෙත් යම් විද්‍යාත්මක රසවත් බවක් තියෙනවා. එසේම පහුගිය කාලයේ නිපදවුනු ඇතැම් ඖෂධ වල ක්‍රියාකාරීත්වය නිසි පෝෂණයක් ලබාදීම මගින්ද සිදුවන බවත් පරීක්ෂණ වලින්ම සොයාගත්තා. එසේම හරි ආකාරව පරීක්ෂණ සිදුවෙනවනම් ශාක සාරමය ඖෂධ වලින්ද රෝග සුව වීමේ ක්‍රමවේද විග්‍රහ කරන්න පුලුවන්.

~ස්වාභාවික සුවය~
අවසරයකින් තොරව උපුටාගැනීම තහනම්

08/09/2020

මේ පණිවිඩය පහුගිය කාලයේ බොහෝ දෙනා පළකලා. මෙය නිරන්තරයෙන් සමාජය තුළ ස්මතුකළ යුතු ඉතාම වැදගත් පණිවුඩයකි...

02/08/2020

Using a 10 mg/mL NaHCO3 washing solution, it took 12 and 15 min to completely remove thiabendazole or phosmet surface residues, respectively, following a 24 h exposure to these pesticides, which were applied at a concentration of 125 ng/cm2. LC–MS/MS results showed, however, that 20% of applied thiabendazole and 4.4% of applied phosmet......

31/07/2020

30/07/2020

කොවිඩ්19 රෝග‍ය සහ විද්‍යාව

සාමාන්‍යයෙන් වසංගත අවස්තාවකදී විද්‍යාවෙන් අලුත් දේවල් බොහෝමයක් ලෝකයට ලැබෙනවා. එය හොඳින්ම අත්විදින්න පුලුවන් කාලසීමාවක් තමයි මේ ගෙවෙන්නෙ. මේ කාලයේදී මෙම වෛරසය සහ ප්‍රතිශක්තීකරණ පද්ධතිය ගැන බොහෝ විද්‍යාත්මක පරීක්ෂණ ගණනාවක් සිදුවුනා. වෛද්‍ය ක්ෂේත්‍රයට විතරක් නෙමෙයි තවත් ක්ෂේත්‍රවලටත් මෙය බලපානවා.

වෛද්‍ය ක්ෂේත්‍රය ගැන කතා කරොත් පරීක්ෂණ වැඩි වීමට විවිධ හේතු බලපානවා.

🔎මරණ ප්‍රමාණය වැඩිවීම නිසා අනිවාර්‍යෙන් ඖෂධ සොයාගැනීමට ඇතිවන අවශ්‍යතාවය.

🔎පරීක්ෂණ සඳහා ස්ව කැමැත්තෙන් සහභාගීවන්නන් පිරිස වැඩිවීම

🔎විවිධ සංවිධාන මගින් පරීක්ෂණ සඳහා මුදල් යෙදවීමට උදව් කිරීම

🔎අඩුවශයෙන් පරීක්ෂන සිදුවී ඇති එහෙත් වෛරසයට අදාල පරීක්ෂණ නැවත සිදුකිරීම.

🔎ලොක් ඩවුන් තත්ත්වය යටතේ අනෙකුත් කාර්‍යයන් බොහෝමයක් නතර වීම නිසා විද්‍යාත්මක සොයාගැනීම්වල නියලෙන්නන් වෛරසයට අදාල පරීක්ෂණ සිදුකිරීම.

මේ කාර්ණා ඇතුලුව තවත් විවිධ කාරණා නිසා පරීක්ෂණ ප්‍රමාණය වැඩිවෙනවා. උදාහරණයක් විදියට සංවර්ධන නොවූ රටවල නීති සහ රෙගුලාසි මට්ටම අඩු නිසා රෝගයට ලක්වූවන් බොහෝමයක් දෙනා විවිධ පරීක්ෂණ සඳහා ස්ව කැමැත්තෙන් ඉදිරිපත් වෙනවා. මේ නිසා පාකිස්තානය වගේ රටවල් මේවන විට වඩා හොඳින් රෝගය පාලනය කරල තියෙනවා. මේවන විට කොවිඩ් 19 රෝගය පාකිස්තානයේ සාමාන්‍ය වෛද්‍යවරු තමන්ගේ පෞද්ගලික සායන මධ්‍යස්තාන වලින් නියම කරන ඖෂධ වලින් Out Patient ලෙසින් පාලනය කරල තියෙනවා.

නමුත් ඇමරිකාව වගේ රටවල නීති සහ රෙගුලාසි මට්ටම වැඩි නිසා ඔවුන්ට විවිධ ඖෂධ එක්වරම අත් හදා බැලීමේ හැකියාව අඩු මට්ටමක පවතිනවා. එසේ යම් ඖෂධයක් රෝගීන්ට ලබා දීමට යොමුවී එමගින් අහිතකර ප්‍රථිපලයක් ලැබුනොත් ඒ සඳහා නීතිමය ක්‍රියාමාර්ග ගැනීමට තරම් ඇතැම් රෝගීන් පෙළඹෙන්න පුලුවන්. එහෙම ගැටලුවක් ඇති වුනොත් එය එම රටවල දේශපාලනය දක්වා බලපෑමක් ඇති කරන්න පුලුවන්. මේ ආකාරයේ විවිධ දේශපාලන බලපෑම් සහ නීති රීති නිසා එවැනි රටවල මෙම වසංගතය තවමත් ව්‍යාප්ත වෙමින් පවතිනවා. ඩොනල් ට්‍රම්ප් වරෙක පැවසුවා තමන් හයිඩ්‍රොක්සි ක්ලොරොක්වීන් ඖෂධය ලබා ගන්නා බව. ඒ ගැන පැවැත්වු විවිධ පරීක්ෂණ මගින් දෙවිදියටම අදාල නිරීක්ෂණයන් දකින්න ලැබුනා. නමුත් සංවර්ධන වෙමින් පවතින ඇතැම් රටවල් මෙම හයිඩ්‍රොක්සි ක්ලෝරෝක්වීන් සමග සින්ක් සල්ෆේට් (ZnSO4) භාවිතය මගින් සාධනීය ප්‍රතිපල ලබාගෙන තියෙනවා. විවිධ රටවල විවිධ ආකාරයේ ඖෂධ ලබා දීම දකින්න පුලුවන්. ලංකාවේ තත්ත්වය ඉතා යහපත්ව තබාගැනීමට සාමාන්‍ය ඖෂධ මගින් ලාංකික වෛද්‍යවරු සමත්වෙලා තියෙනවා.

කෙසේ වෙතත් මෙම තත්ත්වයෙන් මිදීම සඳහා අනිවාර්‍යෙන්ම එන්නත් භාවිතා කළ යුතු වෙනවා. එහිදී මෙම වෛරසයට එරෙහිව ප්‍රතිදේහ අපගේ ශරිරය තුළදීම නිපදවිය හැකි (සරලව කිව්වොත් බෙලහීන කරන ලද වෛරසයක්) එන්නතක් සමාජයේ පුද්ගලයින්ට එකම කාලසීමාවක් තුලදී ලබා දිය යුතුවෙනවා.
මේවන විට ඔක්ස්ෆර්ඩ් එන්නත යම් සාර්ථක ප්‍රතිඵල ලබා දීලා තියෙනවා. එහිදී Covid19 රෝගය ඇති කරනු ලබන SARS COV 2 වෛරසයෙ පිටත ඇති S ප්‍රෝටීන නිපදවීමට අදාල ජානකොටස (m RNA) වෙනත් අප දන්නා බෙලහීන කරණලද වෛරසයක් තුලට (Adenovirus)
ඇතුලු කර එය එන්නත් කිරීමෙන් ප්‍රතිශක්තීකරණයක් ඇති කිරීමට උත්සාහ ගන්නවා. 90%ක සාර්ථකත්වයක් මේ වනවිට පෙන්වා ඇති අතර තවත් පරීක්ෂණ අදියර ඉදිරියේදි කිරීමට නියමිතවෙලා තියෙනවා. ඒවගේම තවත් විශ්වවිද්‍යාල සහ ආයතන වලින් විවිධ එන්නත් අත් හදා බැලීම දිගටම කරමින් පවතිනවා. කෙසේ වෙතත් නිවැරදි එන්නතක් සොයාගැනීමට කොතරම් කල් ගතවෙයිදැයි නිශ්චිතවම කියන්න තවමත් හැකියාවක් නැහැ.

~ස්වාභාවික සුවය~

29/07/2020

බටහිර විද්‍යාව පමණක් නිවැරදියි කියන මානසිකත්වයෙන් මිදෙන්න. බටහිර විද්‍යාව වානිජ්‍යය මගින් සීමාවලට කොටුකර ඇත.
ඒ නිසා නිවැරදි සත්‍ය දැනුම පෙරහන් වලින් ඉවත්වී රොඩ්ඩ පමණයි බොහෝ විට සාමාන්‍ය ජනතාව වෙත ලැබෙන්නෙ

28/07/2020

ආධ්‍යාත්මික සුවකිරීම් බටහිර වෛද්‍ය විද්‍යවටත්....??

හොඳින් බලන්න ජායාරූපය දිහා. මෙක්සිකානු රෝහලක සැත්කමකට පෙර රෝගියාට ආධ්‍යාත්මික රේකි ප්‍රතිකාරය ලබා දෙන අවස්තාවක්. මෙම රේකී ඇතුලු තවත් බොහෝ ආධ්‍යාත්මික සුවකිරීමේ ක්‍රම වේද මේවන විට ලෝකයේ ජනප්‍රිය වෙමින් පවතිනවා. කෙනෙකුට ආධ්‍යාත්මික මෛත්‍රී සහගත සිතුවිලි වලින් කරන ආශිර්වාදයත් එක්තරා ආකාරයකට ආධ්‍යාත්මික සුව කිරීමේ ක්‍රම වේදයක්. සාමාන්‍යයෙන් ලංකාවෙ ජන සමාජයේ කෙනෙක් රෝගයකට ලක් වුනොත්, සැත්කමකට නියම වුනොත් මේ ආකාරයේ ආශිර්වාද කරනවා. බෝධි පූජා, පිරිත් සඦ්ජායනය කිරීම, සෙත් ශාන්ති වගේ දේවල් මේ අතර වෙනවා. මේවා මගින් කිසිදු බලපෑමක් ඇතිවෙන්නෙ නැහැ කියල කියන පිරිසකුත් ඉන්නවා. නමුත් මේ වනවිට බටහිර ලෝකයේ ඉහළ වටිනාකමක් මෙම ආධ්‍යාත්මික සුව කිරීම් සඳහා ලැබෙමින් පවතිනවා.

ඇතැම් විට ෆේස් බුක් වැනි සමාජ ජාලාවලින් පින්තූර එකතු කරමින් සමහර අය ඉල්ලීම් කරනවා ඔවුන්ගේ ඥාතීන් රෝගී බවට පත්වෙලා ඉන්නවා ඔබට පුලුවන්නම් සුව වීම සඳහා ආශිර්වාදයක් කරන්න කියල. එමගින් රෝගියාගේ රෝගය සුවවීමට යම් කිසි බලපෑමක් සැබවින්ම ලැබෙනවා. හැබැයි ඒ සඳහා රෝගියාගේ කර්මය සහ තවත් දේවල් බලපෑම් කරනවා.

සමහර වෛද්‍යවරු ලබා දෙන පොඩි ඖෂධයටත් සුව වෙනවා කියල ජනසමාජයේ මතයක් පවතිනවා. මේ සඳහා එම වෛද්‍යවරයාගේ ආධ්‍යාත්මික ගුණ වැදගත් වෙනවා. වෛද්‍යවරුන්ගේ පමණක් නෙමෙයි හෙදියන්ගේත්, ඖෂධ වේදීන්ගේත් යහපත් වූ ගුණාංග රෝගියාට ආශිර්වාදයක් වෙනවා. විශේෂයෙන්ම මෛත්‍රිය සහගත සිතුවිලි, කරුණාවෙන් යුතු සිතිවිලි දරන්නාවු වෛද්‍යවරයෙක්, හෙදියෙක්, ඖෂධ වේදියෙක්, සාත්තු සේවකයෙක් හෝ වෙනයම් කෙනෙක්ට පුලුවන් රෝගියකුට සැබෑ පිහිටක් වීමට. ඔබ වෛද්‍යවරයෙක්, හෙදියක් හෝ වෙනයම් ආකාරයකින් රෝගීන්ට පිහිට වන්නෙක් නම් ‍රෝගියාට සුවපත් වේවා යන ප්‍රාර්ථනා වෙන්ම ඔවුන්ට පිහිටවන්න. මෙම සිතිවිල්ල ඔබ නිරන්තරයෙන් පුහුණු කරමින් රෝගීන්ට පිහිට වෙනවානම් එම සුවකාරක ශක්තිය ක්‍රම ක්‍රමයෙන් ඔබකරා ලංවනු ඇත. ආධ්‍යාත්මික සුවකිරීමේ ක්‍රියාවලිය තරමක් ගැඹුරු විද්‍යාවකි. ඉදිරි අවුරුදු කිහිපය තුල නිසි කාලය පැමිනි විට අප මෙහි ගැඹුරු විද්‍යාත්මක පදනම ක්‍රමාණුකූලව ඔබ වෙත ගෙන එනවා.

~ස්වාභාවික සුවය~

24/06/2020

කොවිඩ් නිසා වෛද්‍ය විද්‍යාවේ ලැබූ දියුනුව??

සාමාන්‍යයෙන් ලෝකයේ වෛද්‍ය විද්‍යාව (බටහිර වෛද්‍ය විද්‍යාව ගැනයි මේ කතාකරන්නෙ)
දියුනු වුනා කියනවනම් ඒ කියන දියුනුව ලැබීමට ලෝකයේ පැතිර ගිය වසංගත රෝග, ලෝක යුද්ධ සහ අභ්‍යාවකාශ දියුනුව කියන අවස්තා ප්‍රධාන හේතු වුනා.
වසංගත රෝග එන කාලෙදි ඒවායින් බේරීමට ඉතා ඉහළ පරීක්ෂණ ප්‍රමානයක් කෙටි කාලයකදි සිදුවෙනවා. මේක හරියටම අපේ රටේ සිදුවුනේ මේ වතාවෙදියි. ඒක නිසා නව නිර්මාණ බොහෝමයක් බිහිවුනා. මේ අවස්ථාවෙදි ලෝකයෙත් බොහෝ රටවල නව පරීක්ෂණ සහ නිර්මාණ බිහිවුනා. මේ අතරෙදි යම් ප්‍රමාණයකට සොයාගෙන තිබුනු දේවල් තවත් ගැඹුරට පරීක්ෂණාත්මකව සොයාගැනීමට හැකිවුනා. මේ ගැන තරමක දෙයක් මේ ලිපියෙන් දක්වනවා.

අපි මේ වසංගතය ඇතිවීමට බොහො කාලයක ඉදන් කිව්වෙ චීන වෛද්‍යක්‍රමය සහ ස්වාභාවික වෛද්‍ය ක්‍රමවල දියුනුව සමග ලෝකයේ වෛද්‍ය විද්‍යාවේ ඊළග යුගයේ ස්වභාවය ගැනයි. මේ වසංගතය සමග ඇතිවූ තත්ත්වය ඒ අපි කියන ඊළග වෛද්‍ය යුගය තවත් ස්ථිර කිරීමකට ලක්වුනා. වසංගතය පැමීනීමට පෙර කුඩා ප්‍රමාණයෙන් සිදුවෙලා තිබුනු පරීක්ෂණ සායනික මට්ටමෙන් (Clinical) සහ පරීක්ෂණාත්මක මට්ටමෙන් (Biochemistry/Physiology/ Pharmacology) වඩා ඉහල ප්‍රමාණයෙන් පහුගිය කාලෙ සිදුවුනා. මේ අනුව ශරීරයේ ඇති ස්වාභාවික රසායනික සංයෝග වලින්ම රෝග සුවකිරීමේ හැකියාව ගැන විශේෂිත අනාවරණයන් සිදුවුනා. එම ක්‍රමවේද අනුව ඉතා නුදුරේදීම විවිධ රෝග සඳහා බටහිර වෛද්‍ය ක්‍රමයේ මෙතක් නිර්දේශ කළ ඖෂධ ක්‍රියාපිළිවෙලවල් (Protocols) වෙනස් වීමේ ඉහළ හැකියාවක් පවතිනවා. (එවා ගැන මෙම ලිපියේදී විස්තර කරන්නෙ නැහැ)

කෙසේ නමුත් වඩා සෞඛ්‍යයට හිතකර ඖෂධ ක්‍රම වේදයක් ඉදිරියේදී බිහිවනු ඇතැයි යනුවෙන් නිගමනයක් ලබාදෙන්න පුලුවන්. හැබයි එහෙම බටහිර වෛද්‍ය ක්‍රමය වෙනස් නොවුනොත් එහි වාසිය චීන වෛද්‍ය ක්‍රමය වැනි අනෙකුත් ස්වාභාවික වෛද්‍ය ක්‍රම (Naturopathy/Homeopathy/Herbal Medicine) මගින් ජනතාව අතර ව්‍යාප්තවීමේ ඉහළ හැකියාවක් පවතිනවා. මීට ප්‍රධාන හේතුව වන්නේ සමාජ මාධ්‍ය ජාල සහ අන්තර්ජාල පරිහරණය නිසා සාමාන්‍ය ජනතාව මෙවැනි රෝග සුවකිරීමේ ක්‍රමවේද ගැන සහ සෞඛ්‍යය ගැන දැනුවත් වීමයි. එමගින් සාමාන්‍ය ජනතාව තමන්ගේ නීරෝගීකම සහ රෝග සඳහා අවශ්‍ය ස්වාභාවික ඖෂධ, ප්‍රතිකාර ක්‍රම, ආහාර රටා සහ අනෙකුත් ජීවන රටා හැඩගැසීම් තමන් තනිවම ඉගෙන ගෙන ඒවා අනුගමනය කිරීමට පුරුදු පුහුනු වනු ඇත. ඒ අනුව අප පෙර කී පරිදි ජනතාව තමන්ගේ බොහෝමයක් රෝග තමන් විසින් පාලනය කිරීම සහ ප්‍රතිකාර කරගැනීමට යොමුවිය හැක. මේ නිසා බටහිර් වෛද්‍ය ක්‍රමය, ඖෂධ මාෆියාවේ ව්‍යාපාරික අදහස් මත තවදුරටත් නම්‍යශීලී නොවීම සහ වඩා ස්වාභාවික ක්‍රම වලට යොමු නොවීම නිසා ඉදිරියේදී ඔවුන්ට ගැටලු වලට මුහුණදීමට සිදුවේවි.

අප ස්වාභාවික සුවය මගින් හැමවිටම උත්සාහ කරන්නෙ වෛද්‍ය ක්‍රම අතර සමබරතාවය පවත්වා ගැනීමට උපදෙස් දීම වන අතර ජනතාවට වැරදි පුද්ගලයින්ගෙන් වැරදි උපදෙස් ලැබීම අවම කිරීමටද සුළු හැසිරවීමක් කරනවා. ඉදිරියේදී වඩා ගැඹුරින් මේවා ගැන විග්‍රහ කරන්න බලාපොරොත්තු වෙනවා. ඒ අනුව විද්‍යාත්මක ලෝකයේ අලුත්ම පරීක්ෂණ වලින් සොයාගන්නා දේවල් සහ සාම්ප්‍රදායික වෛද්‍ය ක්‍රම අතර සම්බන්දතාවයන් පෙන්වාදීමට සහ ඔබට නිරෝගීව ජීවත් වීමේ ක්‍රම ගැන ඉදිරියේදී ලිපි පෙළක් ගෙන එන්න බලාපොරොත්තු වෙනවා.

~ස්වාභාවික සුවය~

31/05/2020

බොහෝ වෛද්‍යවරු වරද්දාගන්නා තැන

21/05/2020

ඉදිරි අවුරුදු කිහිපයේදී සිදුවන වෙනසක්