Therapy Talk - For Inner Health

30/11/2025

30/11/2025

19/11/2025

22/10/2021

" ඔබෙන් එක් අයෙකු හෝ තර්ජනයට ලක් වූවා නම් ඔබ සැවොම අනතුරේ බව සිහියේ තබා ගන්න.... "
👇💡
----------------------------------------------------------
ගම ගෙදරක ගුලක් ඇතුලේ ජීවත් උන මීයෙක් දවසක් ගුලෙන් එලියට ඇවිත් බලන් හිටියේ ගමරාළ නගරෙට ගිහින් ගෙනාපු පාර්සලයක් ගම මහගේට පෙන්නන්න විවෘත කරන හැටි.

මීයා හිතුවේ මොනවා හරි අලුත් ජාතියක කෑම වර්ගයක් ගෙනල්ලා කියලා....

ඒත් පාර්සලේ ඇතුලේ තිබුනු දේ දැක්කම මීයට එලොව පොල් පෙනුනා.

පාර්සලේ ඇතුලේ තිබුනේ අලුත්ම අලුත් මී කතුරක්.

මේ බව ගමගෙදර වාසය කරපු අනෙක් සත්තුන්ටත් කියන්න හිතපු මීයා ඉස්සෙල්ලාම ගියේ වත්තට වෙලා කුණු ගොඩක් පහුරු ගාමින් සිටිය කුකුළා ලගට.

"ගමරාල මී කතුරක් ගෙනල්ලා...ගමරාල මී කතුරක් ගෙනල්ලා"

හිස ඔසවලා මීයා දිහා බලපු කුකුළා මෙහෙම කිව්වා

"මීයෝ...ගෙදරට මී කතුරක් ගෙනාපු එකෙන් මට අනතුරක් නෑ. ඒකෙ අනතුර තියෙන්නේ උඹටයි...ඒ නිසා උඹ පරිස්සම් වෙයන්"

ඊට පස්සේ මීයා ගියේ මඩ වලක බැහැලා හිටිය ඌරා ලගට...

"ගමරාල මී කතුරක් ගෙනල්ලා...ගමරාල මී කතුරක් ගෙනල්ලා" මීයා කෑ ගැහුවා

"මට උඹ ගැන දුකයි මීයෝ...ඒත් මට උඹ වෙනුවෙන් කරන්න දෙයක් නෑ...මම දෙවියන් ගෙන් ඉල්ලන්නම් උඹව මී කතුරෙන් බේරන්න කියලා" ඌරා උත්තර දුන්නා.

ඊට පස්සේ මීයා ගියේ වත්තේ තණකොළ උලා කමින් හිටිය හරකා ලගට

"ගමරාල මී කතුරක් ගෙනල්ලා...ගමරාල මී කතුරක් ගෙනල්ලා" මීයා ආයෙත් කෑ ගැහුවා.

"ඔය කියන්නේ ඇත්තද මීයෝ..ඒත් ඉතින් මට නම් මී කතුරක් ගැන බය වෙන්න දෙයක් නෑ"කියපු හරකා ආයෙත් තණකොළ කන්න පටන් ගත්තා.

යාලුවෝ කියපු කතා වලින් දුර්මුඛ වුන මීයා ආයෙත් තමන් ගේ ගුලට ආවේ මී කතුරට තනියම මුහුන දෙන හැටි සිතමින්.

එදා රාත්‍රියේම මුලු නිවස පුරා ශබ්දයක් පැතිර ගියා,මී කතුරට ගොදුර හසු වී තිබුනා.

ගම මහගේ මී කතුරට අහුවුනේ මොකෙක්ද බලන්න දුවගෙන ආවා....

කලුවර නිසා ඇය දැක්කේ නෑ මී කතුරට අහු වෙලා තිබුනේ විශකුරු සර්පයෙකුගේ වල්ග ප්‍රදේශය කියලා.....

කෝපාවිශ්ට වෙලා හිටිය සර්පයා ඇයව දෂ්ඨ කලා....

ගමරාළ ඇයව රෝහලට රැගෙන ගියා. දින කීපයකින් ගෙදර පැමිනියත් ඇයට සුව නොවෙන උණ රෝගයක් වැලදුනා.

හිතවතුන් හැමෝම ගමරාලට කිව්වා උණ රෝගයට කුකුල් සුප් එකක් දුන්නා නම් ගුණයක් ලැබෙයි කියලා.

ගමරාල ගෙදර හිටිය කුකුලව මරලා සුප් එකක් හදලා ඒක ගමමහගේට දුන්නා....

ඒත් ගමමහගේට ඒකෙන් සුවයක් ලැබුනේ නෑ.

ගමමහගේ බලන්න ආව නෑදෑ හිත මිතුතන් ගෙන් ගමගෙදර පිරුනා,මෙයාලට කන්න දෙන්න ඕනි නිසා ගමරාල ගෙදර හිටිය ඌරව මැරුවා....

මෙහෙම ටික දවසක් දුක් විදපු ගමමහගේ මියගියා.

මෙයාගේ මළ ගෙදරට සහභාගි වෙන්න ගොඩක් මිනිස්සු ගමගෙදරට ආව නිසා එයාලට කන්න දෙන්න ගමරාලට ගෙදර හිටිය හරකත් මරන්න සිද්ධ උනා....

සිද්ද වෙච්ච සියල්ල දිහා තමන් ගේ ගුලට වෙලා බලන් හිටිය මීයා ගොඩක් දුකෙන් සුසුමක් හෙලුවා...

ඔබ සමග එකම ආයතනයේ සේවයේ යෙදෙන,ඔබ සමග එකම විශ්ව විද්‍යාලයේ/පාසලේ අධ්‍යාපනයේ යෙදෙන කෙනෙකු කිසියම් අයෙකු ප්‍රශ්ණයකට මුහුන දුන් විට එය ඔබට අදාල නොවේ යැයි සිතා ඔබ එය නොසලකා හරින්න එපා....

ඔබෙන් එක් අයෙකු තර්ජනයට ලක් වූවා නම් ඔබ සැවොම අනතුරේ බව සිහියේ තබා ගන්න....

ජීවිතය නැමති ගමනේදී අප සෑම දෙනාම එකිනෙකා හා සම්බන්ධ අතර අන් අයෙකුට ප්‍රශ්ණයකට මුහුන දුන් විට ඔහුව/ඇයව තනි නොකර ඔහුව/ඇයව දිරිමත් කිරීම ඔබගේ වගකීමක් බව සිතට ගන්න.

එය ස්වභාවධර්මයේ රීතියයි....!

18/08/2021

ඖෂධ අවභාවිතය ( DRUG MISUSE 💉 )
මත්ද්‍රව්‍ය භාවිතය හා ඇබ්බැහිවීම සම්බන්ධයෙන් සාකච්ඡා කිරීමේදී වර්තමානයේ බොහෝ දෙනා ඉතාමත් පහසුවෙන් මේ සඳහා යොමු වීමට මාර්ගයක් ලෙස තෝරා ගන්නේ මේ ඖෂධ අවභාවිතය කිරීමයි. ඖෂධ අවභාවිතය නැතිනම් ඖෂධ අපයෝජනය ලෙස හඳුන්වන මේ ක්‍රමවේදය ඔවුන් නොදන්නවා නමුත් ❗ශරීරයට ඉතාමත් අහිතකර තත්වයක් ඇති කරනවා. ❗මේ සඳහා වැඩිපුර ඇබ්බැහි වීමක් තරුණ සහ බාලවයස් කාර දරුවන් අතර බහුලව දැකගන්නට පුලුවන්. මීට අමතරව හෙරොයින් , ගංජා, කොකේන් යන මත්ද්‍රව්‍ය සහ මත්පැන් යන සියලුම දේවල් වලට ඇබ්බැහි වී සිටින අයද ඖෂධ අවභාවිතය කිරිමෙන් මත් වීම අපේක්ෂා කරයි. කාලයක් යන විට ශරීරයට ලබා දෙන මත්ද්‍රව්‍ය ප්‍රමාණයට ශරීරය හුරු වීම නිසාත් කලින් ලබා ගත් ප්‍රමාණය ගත්තද මත්වීමක් සිදු නොවන නිසාත් මෙවැනි විවිධ ඖෂධ වර්ග එකක් හෝ දෙකක් හෝ කීපයක් එක වර ලබා ගනිමින් මත්වීමට උත්සාහ කිරීම ඔවුන්ගේ අපේක්ෂාවයි.

සැ. යු.❗නමුත් ❗
ඖෂධ අවභාවිතය හේතුවෙන්

• සිහි මුර්ජාව
• චර්මාබාධ
• හෝමෝන ක්‍රියාකාරිත්වයේ අක්‍රමතා
• අක්මා ආශ්‍රිතව ඇතිවන රෝග
• වකුගඩු දුර්වල වීම
• ලිංගික දුබලතා
• ආහාර අරුචිය
• හිසකෙස් ගැලවී යාම
• හෘද ස්පන්දනය වැඩි වීම හෝ අඩු
වීම
• හෘදයාබාධ
• අපස්මාරය
• භින්නෝන්මාදය, විශාදය, භ්‍රාන්තිමය තත්වයන්
• මතක ශක්තිය දුර්වල වීම
• සමාජ රෝග පැතිරීම
• ශ්වසන රෝග
• පිළිකා
• වඳ බව
• ස්නායු අබාධ
ඇති විය හැකි බව මතක තබා ගන්න. 💉 👩‍⚕‍

Psychology for Life
By Sardha Madhubhashini

04/08/2021

H A P P I N E S S !! 😌
First remove '' I '' that's EGO
Then remove " WANT " that's DESIRE

01/08/2021

🔸 මානය ආකාර 3කි.
එයින් ඔබ කොතැනද❓
කෙසෙල් ගෙඩි ලෙල්ලක්, පොල් ලෙල්ලක් මෙන් අහක දැමිය යුත්තක් නොවනවා මෙන්..තමා ද ගත යුතු සැලකිය යුතු එක්තරා කෙනෙකු යැයි තමා උසස් කොට ගන්නා ස්වභාවය මානය යි..

මානය තමා ගේ තත්ත්වය මැන ගැනීමේ ලක්ෂණයෙන් එකක් වුව ද, සෙය්‍යමානය, සදිස මානය, හීන මානය වශයෙන් ත්‍රිවිධ වේ.

🔸 උගත් කම් , ධනවත් කම් , සිල්වත් කම්, කුලවත් කම් ආදියේ අනුග්‍රහය ලත් කල්හි එය දියුණු වී කොඩියක් මෙන් , කොතක් මෙන් ජනයා අතර තමා මුදුන් කොට ගන්නා ස්වභාවය ට පැමිණේ...එය උමතු කමක් වැනිය... ධනවත් කම් ආදිය නිසා එසේ වැඩුණු මානය ඇත්තෝ හිස උදුම්මා ගෙන කිසිවෙකුට වත් ගරු නො කරමින් කාගේවත් කීමක් නො පිළිගනිමින් අන්‍යයන් ට අවමන් කෙරෙමින් හැසිරෙති..අන්‍යයන් ට වඩා තමා උසස් යැයි ගැනීම සෙය්‍යමානය යි...උන්නති ලක්ෂණය ඇත්තේ එහිය. මේ කියන ලද්දේ සෙය්‍යමානයා ගේ ආකාරය යි.

🔸 අන්‍යයෝත් මිනිස්සු ය, මමද මිනිසෙක්මි. අන්‍යයන් ට ඇත්තේ ද දෙපයක් හා දෑතකි. මට ඇත්තේ ද දෙපයක් හා දෑතකි..අන්‍යයන් ගේ හා මාගේ ඇති වෙනස කවරේ ද යනාදියෙන් අන්‍යයන් හා තමා සම කොට ගන්නා වූ ස්වභාවය සදිස මානයයි..

🔸 මට අන්‍යයන් ට මෙන් ධනය නැත..නෑයන් නැත.. උගත් කම් නැත , රූප සෝබාව නැත යනාදීන් තමා පහත් කොට ගන්නා ස්වභාවය හීනමානයයි.........................................................................
Sardha Madhubhashini ©️®️
- සූත්‍ර ඇසුරෙන් -

14/07/2021

අමිහිරි මතක අමතක කරන හැටි..ඒ සඳහා කල හැකි දේවල් මොනවාද?? 🤔👩‍⚕‍
2වන කොටස.

12/07/2021

වේදනාකාරී මතකයන්ට ඔබගේ වර්තමානය සහ අනාගතය පාලනය කරන්නට ඉඩ දෙන්න එපා
>>
කොහොමද අපි නරක මතකයක් අමතක කරන්නේ?ඇයි අපි අතීතය මෙච්චරම අල්ලන් ඉන්නේ? අපේ ජීවිත වලට තවත් අදාල වෙන්නේ නැති දේවල් වලටම අපි ඇයි ඇලී ඉන්නේ?

By Sardha
Lecturer / Professional Counselor

http://motivation.lk/psychology/do-not-allow-painful-memories-to-control-your-present-and-future/

කොහොමද අපි නරක මතකයක් අමතක කරන්නේ?ඇයි අපි අතීතය මෙච්චරම අල්ලන් ඉන්නේ? අපේ ජීවිත වලට තවත් අදාල වෙන්නේ නැති දේවල් වලටම අපි ඇයි ඇලී ඉන්නේ? අපිට දුක් වේදනා ම ඇති කරපු ඒ අතීත අත්දැකීම් අත හැරීම එතරම්ම අපහසු ඇයි?

අපි නිතරම වගේ දැනගෙන ඉන්න ඕන කාරණාවක් තමයි, මේ අතීතයේ දී සිද්ද වෙච්ච අමිහිරි දේවල්, මතකයන් ඒ තුලින් දැනෙන වේදනාවන් වලින් මිදිලා එහෙමත් නැත්තම් ඒවා අමතක කරලා ජීවත් වෙන්න පුළුවන් ක්‍රම සහ ක්‍රියාමාර්ග තියනවා කියන එක.ඔබ අතීතය අතහැර දමන්න ඉගෙන ගන්නවා කියන්නේ නොදන්නා අනාගතයට ඉබේම පිවිසීමක් කියල ඔබ මෙතෙක් සිතන්නට වත් නැතුව ඇති. එනිසා අපි අද බලමු කොහොමද මේ අතීතයේ ඇති නරක මතක අමතක කරලා ජීවිතේ අලුත් ගමනක් යන්න සුදානම් වෙන්නේ කියලා.

01) අමිහිරි මතක අවුළුවන වස්තු සහ ස්ථාන වලින් ඈත්ව සිටීම.

වේදනාකාරී මතකයන් හෝ , වේදනාකාරී සිද්ධීන් නැවත මතක් කෙරෙන ස්ථාන හෝ ඒවා පිලිබදව කතා කරන පුද්ගලයින් සමග ඔබ සිටිනවා නම් ඔබ කල යුත්තේ එම ස්ථාන හෝ එම පුද්ගලයන් මග හැර යාම. උදාහරණයක් විදියට – ඔබගේ අමිහිරි වේදනාකාරී මතකය ඇත්තේ ඔබගේ ප්‍රාථමික පාසලේ නම් ඔබ උදේ හවස රැකියාවට යන්නේ එම පාසැල අසලින් නම් ඔබ කල යුත්තේ එය මග හැර යාමට විකල්ප මාර්ගයක් ( වීථියක් ) තෝරා ගැනීම. එසේ කිරීම මගින් ඔබගේ මනස නැවත නැවත ව්‍යාකුල වීමෙනුත් , පිඩාවට පත් වීමෙනුත් මුදවා ගෙන සිටීමට ඔබට හැකියාව ලැබෙනවා.

02) එම මතකය තුල ඇති බලය නැති වන තුරුම ඒ ගැන සිතන්න.

එකම ආහාරය උනත් එක දිගට හැමදාම කනකොට ඒ රස අපිට නීරස වෙනවා.ඒ වගේම තමයි එකම අදහස, සිතිවිල්ල ගැන සිතද්දී එය අපිට නීරස වෙනවා එහෙම නැතිනම් අපිට එය සාමාන්‍යකරණය ක් වෙනවා.ඒ වගේම ඔයාට තියන අමිහිරි මතක නැවත නැවත මතක් වෙනවා නම් ඊට අදාල සිද්ධි ඔයාට මතක් වෙනවා නම් එවලේම ඔයා කරන්න ඕන ඒවා මග හරිනවා වෙනුවට ඒ ගැන විනාඩි 5ක් 10ක් වත් අරගෙන ඒ මොහොත ගැන සිතන එක තමයි.එහෙම කරන්න හේතුව තමයි මතකයක් යටපත් කරලා අවිඥානයට තල්ලු කරලා දාන එක තාවකාලික දෙයක් වීම නිසා නැවත එය කොයි මොහොතේ හෝ නිසැකවම පිටතට මතුවන එක .එපමණක් නොවේ එය තිබු පමණටත් වඩා වැඩි ශක්තියක් ඇතුවයි ඔබ එලියට මුදා හරින්නේ. එනිසා එකම සිතුවිල්ල නැතිනම් එකම සිද්ධි රූප රාමුව කිහිප විටක් සිහිපත් කිරීම තුලින් මනස ඒ පිළිබදව තෘප්තිමත් වීමත් , එම සිතිවිල්ලේ ඇති බලය හීන වීම නිසා මනස ඒ ගැන සිතීම ක්‍රමයෙන් අඩු කරන්නටත් සමත්වනවා.

03) ප්‍රීතිමත් මතකයන් කෙරෙහි අවධානය යොමු කරන්න.

ඔබ වේදනාකාරී අත්දැකීම් සමග ගණුදෙනු කරනවා නම් ඒ වෙනුවට ප්‍රීතිමත් මතකයක් වෙත මාරු වීමට ඔබගේ මනස පුහුණු කරන්න.ඔබට කනස්සල්ලක් ඇතිවන විටදී එම මොහොතේම එය ප්‍රීතිමත් මතකයක් හෝ සිද්ධියක් පිළිබද ආවර්ජනය කරමින් එම සිතුවිල්ල වෙත මාරු වෙන්න.

උදාහරණයක් විදියට -කුඩා කල ඔබගේ යම් ඉදිරිපත් කිරීමක් අවුල් වූ නිසා පන්තියම සිනාසුන අවස්ථාව අමතක කල නොහැකි නම්, එම මතකයත් සමග ඔබගේ වර්තමානයේ ඔබ හොදින් ඉටු කල හා ප්‍රශංසාව ලැබූ කාලයක මතකයක් ගැන සිතන්න.
ඔබේ මනස හොද සිතුවිලි සමග නිතරම නැවුම්ව තබා ගැනීමට උත්සහ කරන්න.

(ඉතිරිය මීලඟ කොටසින් )

04/07/2021

දෙමව්පියන් වශයෙන් ඔබත් මේ ගැන සැලකිලිමත් ද? 👇
ක්‍රියාත්මක වන්න..දරුවන්ගේ වර්ධනය මෙන්ම සංවර්ධනය ද ඉතාම වැදගත් ✔️
Child psychology
By Sardha
Lecturer / Professional Counselor

29/06/2021

Attention Deficit Hyperactivity Disorder ( ADHD ) 👩‍⚕‍
ඌන අවධානය සහිත අධික්‍රියාකාරී තත්වය ඇති වන්නේ දරුවාගේ හෝ දෙමාපියන්ගේ වරදක් නිසා නොවේ. මෙය ඇති වන්නේ මොළයේ සෛලවල හා රසායනික ද්‍රව්‍යන්හි සිදුවන වෙනස්කම් නිසාය..👩‍⚕‍👇
By Sardha
Lecturer / Professional Counselor