පී එච් අයි මහත්තයා

04/12/2025

මනුසත්කමින් සිදුකලයුතු දේශපාලනය අපත ක්‍රමයට ගෙන යන මෙවන් මිනිසුන්ට නීතිය ක්‍රියාත්මක විය යුතුමයි...

ආපදා සහන සේවා රාජකාරියේ නියැලීසිටි මහජන සෞඛ්‍ය පරීක්ෂකවරයෙකුට මරණ තර්ජන .

එක්තරා දේශපාලන පක්ෂයක ප්‍රාදේශීය දේශපාලනඳයෙක් සමග පැමිනි බීමත් පිරිසක් ආපදා සහන සේවා රාජකාරියේ නියැලීසිටි මහජන සෞඛ්‍ය පරීක්ෂකවරයෙකුට මරණ තර්ජන සිදු කර රාජකාරියට බාධාකර ඇතැයි වාර්තා වනවා.

එම මහජන සෞඛ්‍ය පරීක්ෂකවරයාට අසභ්‍ය වචනයෙන්ද බැණ වැදුනු ඒ දේශපාලනඳයා නිළධාරියා ඇඳ සිටි ජීවිතාරක්ෂක කාබායද බලෙන් ගලවා ගෙන ඇති අතර අදාල දේශපාලකයා සමග පැමිනි සහචරයින් දැඩිලෙස අසභ්‍ය වචනයෙන් බැනවදිමින් එකී නිලධාරියා විසින් ගංවතුරින් පීඩාවට පත්වු ජනතාව වෙනුවෙන් සිදුකල රාජකාරියට කිහිපවරක් බාධාවන අයුරින් කටයුතු කර ඇත.

මේ සම්බන්ධව රත්නපුර පොලිස් ස්ථානයට පැමිනිලි කර ඇති අතර වරදකරුවන් සදහා උපරිම දඩුවම් ලබාදෙනු ඇතැයි අප බලාපොරොත්තු වන්නෙමු..

ආපදා සමයේ තම ජිවිතයද අනතුරේ හෙලා රාජකාරියේ නියැලෙන නිලධාරින්ට සහය දෙනු විනා මෙවැනි ක්‍රියා පිලිකුලෙන් යුතුව ප්‍රතික්ෂේප කරන්නෙමු.

උපුටා ගැනීමකි..

02/12/2025

සංගීත සාද වෙනුවට රටේ බොහෝ තැන් වල ඇසෙන්නේ විපතට පත් අපේම සහෝදර ජනතාවට පිහිට වීමට අපේම මිනිස්සුන්ගේ ඇති උනන්දුවේ හඬයි 🙏 ආදරෙයි 🌷

01/12/2025

30/11/2025

ගංවතුර බැස ගිය පසු නැවත නිවසට යාමේදී අනුගමනය කළ යුතු උපදෙස්

ගංවතුර අවසන් වුවත් අවදානම අවසන් නැත. ඔබේත් පවුලේත් ආරක්ෂාවට පහත උපදෙස් පිළිපදින්න.

1. නිවසට ඇතුළු වීමට පෙර ආරක්ෂාව තහවුරු කරගන්න

⭕️ විදුලිය: ප්‍රධාන ස්විචය (Main Switch) ඔන් කිරීමට පෙර සුදුසුකම් ලත් විදුලි කාර්මිකයෙකු ලවා නිවසේ වයරින් පද්ධතිය පරීක්ෂා කරගන්න. තෙත සහිත බිත්තිවල විදුලිය කාන්දු විය හැක.

⭕️ ගොඩනැගිල්ලේ ශක්තිය: නිවසේ බිත්ති ඉරිතලා හෝ අත්තිවාරම් ගිලා බැස ඇත්දැයි බලන්න. වහලය හෝ බිත්ති කඩා වැටීමේ අවදානමක් ඇත්නම් ඇතුළු නොවන්න.

⭕️ සතුන් පරීක්ෂා කරන්න: ගංවතුරත් සමග පැමිණි සර්පයන්, මීයන් වැනි සතුන් ගෘහ භාණ්ඩ අස්සේ හෝ අඳුරු මුලු වල සැඟවී සිටිය හැක. හොඳින් පරීක්ෂා කරන්න.

2. පිරිසිදු කිරීම් (Cleaning)

⭕️ ආරක්ෂිත ඇඳුම්: පිරිසිදු කරන විට සෑම විටම අත් ආවරණ (Gloves) සහ බූට් සපත්තු පළඳින්න. මඩ සහ ජලය විෂබීජ සහිත විය හැක.

⭕️ භාණ්ඩ: වතුරට යට වූ මෙට්ට, කොට්ට සහ පිරවුම් සහිත ගෘහ භාණ්ඩ නැවත භාවිතා කිරීමේදී කල්පනාකාරී වන්න. ඒවායේ පුස් (Mold) හටගත හැකි බැවින් හොදින් අව්වේ වියලා ගන්න (නැතහොත් ඉවත් කරන්න).

⭕️ විෂබීජ නාශක: නිවස සේදීමේදී විෂබීජ නාශක දියර භාවිතා කරන්න.

3. සෞඛ්‍යාරක්ෂාව (Health)

⭕️ මී උණ (Leptospirosis): ඔබ ගංවතුර පවතින විට ජලයේ ඇවිද්දේ නම් හෝ තුවාල සහිතව ජලයට බැස්සේ නම්, වහාම සෞඛ්‍ය වෛද්‍ය නිලධාරී (MOH) කාර්යාලයෙන් හෝ ළඟම රෝහලෙන් 'ඩොක්සිසයික්ලින්' (Doxycycline) ඖෂධය ලබා ගන්න. උණ ගැන අවධානයෙන් සිටින්න.

⭕️ ළිං ජලය: ගංවතුරට යට වූ ළිං ජලය පිරිසිදු කර (PHIs මහතුන්ගේ උපදෙස් මත ක්ලෝරිනීකරණය කර) මිස භාවිතා නොකරන්න. දැනට බෝතල් කළ හෝ උණුකර නිවාගත් ජලය පමණක් බොන්න.

උපුටා ගැනීම - Hello Teddy page.

30/11/2025

ඔබේ සෞඛ්‍ය රැක ගැනීමට කටයුතු කරගන්න... මේ අසීරු අවස්ථාවේදී ඔබ සෞඛ්‍ය සම්පන්නව සිටීම ඉතාම වැදගත් 🙏

30/11/2025

Mr. Premkumar Senavirathna ,PHI/Valaichenai Batticaloa ( 97/99 Batch),Due to the flood, he was swept away by the flood and met with an untimely death.The funeral arrangements will be announced later.”
contact 0777300211
=========================
😢 Phi union of Sri lanka
=========================

29/11/2025

අවධානය යොමු කරන්න...
උපුටා ගැනීම - කරණ්දෙණිය සෞඛ්‍ය වෛද්‍ය නිළධාරී කාර්යාලයේ මහජන සෞඛ්‍ය පරීක්ෂක නදීෂ ඉඳුරංග මහතාගේ ෆේස්බුක් පලකිරීමකි..🙏