Counseling Com SJ

14/03/2022

සත්‍ය සිදුවීමක් ඇසුරෙන් මෙසේ සටහන් තබමි . (නම් ,ගම් මනඃකල්පිතයි . සමජයේ යහපත උදෙසාම )

" නොම්බර 4 යන්න ඇතුළට"

දොර ඇරෙනවාත් සමඟ මා ඉදිරියේ සිටියේ තරුණියන් දෙදෙනෙකි. වාඩිවෙන්න. මා කතාව පටන්ගන්නත් පෙරම...

" මැඩම් මේ මගේ දුව "

මේ ඇවිත් ඉන්නේ අම්මයි දුවයි කියලා වැටහුණේ එවිටයි....

මව රමණී ලෙස හදුන්වමි . දියණිය නිෂ්මි ලෙස හදුන්වමි ....

මේ රමනිලාගේ කතාවයි..

රමනි ජීවත් වූයේ පිටිසර ගමක. යාන්තම් වයස 14 සම්පූර්ණ වෙද්දීම ගමේ තරුණයකු සමග රමණී දීග ගියාය. වසරක් ගතවන්නටත් මත්තෙන් කුලුදුල් දරුවා බිහි විය. ඇය ගැහැනු දැරිවියකි. ඕ නිෂ්මි වූවාය .

දරුවාත් හදා වඩා ගනිමින් ජීවිතය ගෙවද්දී අග හිග කම් එන්න එවන්න ම වැඩි විය. මේ නිසාම රමණී දියනිය මවට භාර දී විදේශ ගත වූවාය .

රමණී පිට රටදී පුරුෂකු හා සම්බන්ධයක් ඇති කරගෙන ඔහු හා එකට ජීවත් විය. ඔහු සමන් ලෙස හදුන්වමි .ඔහුද විවාහකයෙකි. කාලය කෙමෙන් ගතවිය. රමණී නැවත ලoකාවට ආවාය.

රමණී විවාහක සැමියා දමා තම 16 හැවිරිදි දියනියත් සමඟ වෙළෙඳ කලාපයේ රැකියාවකට ආවේ යෙහෙළියගේ උදවු වෙනි. දැන් රමණීත් නිෂ්මිත් එකම ඇගලුම්හලේ වැඩ . මෙසේ කාලය ගෙවෙද්දී රමනිගේ පිට රට හිටි පෙම්වතා සමන් රමණී හොයාගෙන එයි. නැවත සම්බන්ධය අලුත් වෙයි.

රමණී සහ දියණිය සිටි බෝඩිමට නිතර නිතර සමන් එයි. සමහර දිනවලට සමන් ආවාම දින දෙක තුනක් බෝඩිමේ සමන් නතර වෙයි. රමණී රාත්‍රි වැඩ දිනවල නිෂ්මි බෝඩිමේ සිටියේ තනිවම. රමණී සමන් පිළිබඳ දැඩි විශ්වාසයෙන් සිටියේ . රමණීට නොදැනීම තම දියණිය සමන් සමඟ සම්බන්ධයක් ඇති කරගෙන. රමණී නොමැති සෑම දිනකම සමන් බෝඩිමට එයි.

රමණීට ඇතිවූ කිසියම් සැකයක් නිසා රාත්‍රි වැඩට යන බව පවසා බෝඩිමට යාබද ස්ථානයක සැගවී සිටියාය . රමණීගේ ඇස් අදහා ගත නොහැකි විය . සමන් බෝඩිමට ආවේය. රමණී සෙමින් බෝඩිමට ඇතුළු විය . දුටු දේ හිතාගැනීමට නොහැකි විය . රමණී සමන් සමඟ කොතරම් රන්ඩු කලත් පලක් නොවීය. දැන් රමනිගේ ඇස් ඉදිපිටම සමන් නිෂ්මි ගේ කැමැත්තෙන්ම ඇය අපයෝජනයට ලක් වෙයි.

" අනේ මැඩම් දැන් වෙන්න තියන සේරම දේවල් වුනා . මට මැරෙන්නම හිතෙනවා ......ආපසු ගමට යන්න හිතෙනවා ඒත් දුව යන්න කැමති නැහැ .....මට නින්ද යන්නෙ නැහැ , කන්න බැහැ ...මැරෙන්න ඕනෑ ...

මේ රමනිලාගේ කතාවයි...

රමනිගේ මනස සුවපත් කරන්න මට හැකියාව ලැබුනත්....මේ අනතුර ඇතිකර ගත්තේ රමනිගේ නොසැලකිලිමත් කම නිසාය . ලොකුමහත් වූ දියණියක් සිටිනා මවක් මෙවැනි දේ කිරීමෙන් වැනසෙන්නේ තම දියණියයි. කොතෙකුත් මේ රටේ රමණී වැනි මව්වරුන් සිටියි. කිසිදාක දියණියක් සිටිනා නිවසකට කිසිම පිටස්තර පිරිමියෙක් විස්වාසෙයෙන් ගෙන්වා ගැනීම සුදුසු නොවේ...

ඉතිහාසයේ සිටම මෙවැනි දේ සිදුවුවත් හැගීම් වලට වහල්වීම නිසාම ඉතිහාසයෙන් පාඩම් ඉගෙන ගන්නේ නැත . ඒ සෑම කතාවකම අම්මා ගත්තු පිරිමියා දුවත් ගත්තේ ය. මම හිතෙනවා නූතනයේ තරුණ අම්මලාට මේ කතාව පාඩමක් වෙයි කියලා https://youtu.be/CnHtb-JZNxc (මෙවැනි වීඩියෝ නරඹන්නට මේ ලින්ක් එකෙන් )

ඔබට , ඔබේ දරුවාට , වැඩිහිටියා ට , කිසියම් හෝ මානසික ගැටලුවක් ඇතිනම් , දරුවන් ගේ අධ්‍යාපන ගැටලු , මත්ද්‍රව්‍ය , ජoගම දුරකථන ආදී ඇබ්බැහි වීම් හා මෝහන ප්‍රතිකාර ආදී සේවාවන් ලබා ගත හැකිය .

ජ්‍යෙෂ්ඨ මනෝ විද්‍යා උපදේශිකා හා මනෝ චිකිස්සක
ශාන්ති කුමාරි ජයනෙත්ති
Re no SLPPCA 236

හමුවීම් ...
නවලෝක රෝහල -ගම්පහ
නවලෝක රෝහල-මීගමුව
නවලෝක රෝහල - කොළඹ 07

විමසීම් ...
WhatsAppe 0774071401
Call 0714827988

14/03/2022

13/03/2022

"අනේ මගේ දරුවා ගොඩක් වෙලා බාත්රූම් එකේ ඉන්නවා සමහර වෙලාවට පැය එකහමාරක් දෙකක් විතර , ඒ වගේම නිතර නිතර අත් හෝදනවා. සමහර වෙලාවට විනාඩි විස්සක් විතර යනවා. ඉන්නේ නිතරම කේන්තියෙන් . හැම දෙයක්ම පිළිවෙළට පිරිසිදුවට ඕනෑ . මේ පිරිසිදු වැඩිකම හින්දා එයාට කිසිම දෙයක් වෙලාවට කරගන්න බැහැ . "

මේ මගේ සේවය පතා දරුවකු සමග පැමිණි මවකගේ කතාවයි. එම දරුවා පැතුම් ලෙස හදුන්වමි . පැතුම් ඉගෙන ගත්තේ 9 වන පන්තියේ ය. පැතුම් ට මේ තත්ත්වය ඇතිවී බොහෝ කාලයකි. එහෙත් දැන් මේ තත්ත්වය එන්න එන්න ම වැඩිය. පැතුම් ගේ මව හිතුවෙ පැතුම් ට වැලදී ඇත්තේ බඩේ අමාරුවක් බවයි එමනිසා ඔහු වැඩි වේලාවක් නාන කාමරයේ රැදෙන බවත් වැසිකිළි යාම නිසා මෙසේ නිතරම අත පිරිසිදුවට තබන බවත් ය. පැතුම් ගේ මව බඩේ අමාරුව සදහා ලoකාවේ සිටින ඉහළ පෙලේ වෛද්‍යවරුන් සොයා ගියාය. එහෙත් පැතුම් ගේ බඩේ කිසිම ලෙඩක් නොතිබිණි . අවසානයේ ඇය මා සොයා පැමිණියේ මනෝ ප්‍රතිකාර සදහා ය .

පැතුම් ගේ කතාව මෙසේය . පැතුම් උදේ හතරට පමණ අවදි වී නාන කාමරයට යයි ඔහු එයින් එලියට එන්නේ පැය දෙකකට විතර පසුවය. නාන කාමරයේ කරාම අල්ලන්නේ ටිශූ කඩදාසි භාවිතයෙනි. ගෙදර බොහෝ බඩු භාන්ඩ අල්ලන්නේ ටිශූ කඩදාසිවලිනි. ගෙදර සිටින බල්ලාවත් පූසාවත් කිසිවිටෙකත් අල්ලන්නේ නැත . කුමන දෙයක් අත ගෑවුණත් ඒ සැනින්ම ගොස් සබන් යොදා බොහො වේලාවක් අත් සෝදයි. පැතුම් කරන සෑම වැඩේම පිළිවෙළට ම සිදුකරයි. ඒ පිළිවෙළ නිතර නිතර කරයි මේසය පිරිසිදු කිරීම එක්වරක් කලාට මදි එය නැවතත් පිරිසිදු කරයි. නිතරම ඉන්නේ කේන්තියෙන් . පාසල් වැඩ කරනවා ට වඩා පැතුම් කලේ පොත් පත් පිළිවෙළට පිරිසිදුවට තැබීමයි. පැතුම් ගේ කාමරයට කිසිම පිටස්තර කෙනෙක් ඇතුල්වනවාට ඔහු කැමති නැත . එසේ පැමිණියේ නම් කොට්ටා මෙට්ටා අව්වේ දමා ඇද ඇතිරිලි සෝදයි .

ඔබේ දරුවාත් වැඩිහියාත් මෙසේ විය හැකිය . මෙය සාමාන්‍ය තත්ත්වයක නොව OCD නම් මානසික තත්ත්වයයි. මේ සදහා ප්‍රතිකාර නොකර සිටියහොත් මේ තත්ත්වය උග්‍ර අතට පත් වුවහොත් ඔහුගේ කටයුතු අකර්මණ්‍ය වී සියදිවි නසා ගැනීමට පවා සිත් වෙයි. සමාජයේ මෙවැනි මානසික තත්ත්වය ඇති අය සියට පහලොවක් පමන ඇත . මෙම රෝගය පිට අයට පෙනෙන්නේ නැත . මෙම රෝග තත්ත්වය තිබුනද ඔහුට සාමාන්‍ය විදිහට ජීවිත් විය හැකිය .

මානසික රෝග ප්‍රධාන කොටස් දෙකක් වශයෙන් පෙන්වා දීමට පුළුවන. භයානක මානසික රෝග හා භයානක නොවන මානසික රෝග වශයෙනි. OCD භයානක නොවන මානසික රෝග කාන්ඩයට අයත් වෙයි. බොහෝ දේ නිතර නිතර කරන්නේ ඔහුට එන සිතුවිල්ලක් නිසාය. මෙය කරන්නේ කැමැත්තකින් නොවේ .. නැවත නැවත කරන්නේ සිතේ ඇතිවන සිතුවිල්ල නිසාය. එම සිතුවිල පාලනය කරගත නොහැකි සිතුවිල්ලකි. එනිසාම එය නැවත නැවතත් කරයි. එනිසාම එය රෝගයක් බවට පත්වෙයි . මෙය Obsessive Compulsive Disorder හෙවත් ග්‍රස්ථිය ක්ලමථඅක්‍රමිකතාව ලෙස මෙම රෝග තත්ත්වය හදුන්වයි.

පිළිවෙළට පිරිසිදුවට සිටීම ජීවිතයේ අoගයකි. එහෙත් මෙසේ එන වැඩට නැති සිතුවිල්ලක් නිසා රෝග තත්ත්වයක් බවට පත් වෙයි. තමුන් පිරිසිදු නැත යන සිතුවිල්ල සිතට එයි එවිට පිරිසිදු වෙයි. නැවතත් එම සිතුවිල්ලම එයි එවිටද පිරිසිදු වෙයි. මෙය වැඩකට නැති සිතුවිල්ලක් බවට වැටහුනත් , නැවත නැවතත් එන සිතුවිල්ල බලවත් වෙයි. එමනිසා ම ආයෙමත් එසේම කරයි.

එදිනෙදා කරන වැඩ කටයුතුවලටද එසේම ය. කරන ලද කාර්යය පිළිවෙළ මදි කියා නිතර නිතර සිතුවිලි එයි එනිසාම එය නැවත නැවත පිළිවෙළට පිරිසිදුවට කරයි.

මෙම රෝගයේ ප්‍රධාන ලක්ෂණය නම් නිතරම තරහ යාමයි. ආවේගශීලි වීමත් මෙහි ප්‍රධාන ලක්ෂණයයි.එයට හේතුව වන්නේ සෑමවිටම පිළිවෙළ අවශ්‍ය වීම නිසාය .එය තදින්ම බලපායි. මෙවැනි රෝගය ලක්ෂණ ඇති අය නිදා ගැනිමට යාමේදී දොර වසා ඇත්දැයි කියලා නිතරම බලයි එක්වරක් දොර පරික්ශාකර බලා පැමිණ නැවතත් පරික්ශාකර බැලීමට සිතුවිල්ලක් එයි. එසේ කිහිප වරක් කරනු ලබයි .මෙම රෝගය බරපතල වුවහොත් විශාදය දක්වා බරපතල විය හැකිය .

බොහෝ දෙනෙක් මෙය රෝගයක් බව දන්නේ නැත . මෙනිසා බොහෝ ප්‍රශ්න ඇතිවේ.

* පවුල් ප්‍රශ්න
* රැකියා ප්‍රශ්න

ජානමය සාධක මතද මේ රෝගය ඇතිවේ. මේ රෝගය සදහා ප්‍රතිකාර තිබේ . අධිසoවේදී පුද්ගලයකු නම් ප්‍රතිකාර කිරීමට බොහෝ කාලයක් ගත වෙයි. අඩුම වශයෙන් වසරක් පමණ ප්‍රතිකාර ලබා ගැනීමෙන් මෙම රෝගය සුව කරගත හැකිය .

මෙය මනෝ උපදේශක වරයෙකු හෝ මනෝ චිකිත්සක වරයෙකු මගින් සුව කරගත හැකිය .

ශාන්ති කුමාරි ජයනෙත්ති
ජේෂ්ඨ මනෝ විද්‍යා උපදේශක හා මනෝ චිකිත්සක

මනෝ විද්‍යාත්මක උපදේශනය හා මනෝ චිකිස්සාව සදහා විමසන්න .
Re.no. SLPPCA .236

හමුවීම් ...
නවලෝක රෝහල -ගම්පහ
නවලෝක රෝහල - මීගමුව
නවලෝක රෝහල -කොළඹ 07

Online සේවාව ඔස්සේද ඔබට සේවාව ලබා ගත හැක...

විමසන්න ....
0774071401 / 0714827988
මෙවැනි වීඩියෝ නරඹන්නට පහත ලින්ක් එකෙන් අවස්ථාව ලැබේ .https://youtu.be/71nxxDzPVFM

13/03/2022

අපෙ අම්මා පුවත්පතෙන් මෙවර මගේ ලිපිය ....ඔබේ දියණිය සුරක්ෂිතද.....

13/03/2022

අභියෝග හමුවේ නොසැලී ඉදිරියටම .....ගම්පහ නවලෝක රෝහල සමගින් ....

04/03/2022

"අලියන්ට ළමයින් ට නලියන්ටමයි හිත " ඕනෑම දරුවෙක් දගකාරයි. දගකාර කම,හා ක්‍රියාශිලි දරුවන් නිරෝගී සම්පන්නයි. බොහෝ වැඩිහිටියන් දරුවන් ගේ දගකාර කම් හෙලා දකී. කියන දේ අසා එක තැනක වාඩිකර තැබීමට නිතරම වැඩිහිටියන් උත්සාහ දරයි. මේසේ උත්සාහය ගන්නේ දරුවාට යම් යම් දඩුවම් ලබා දීමෙනි. එනම් කායික දඩුවම හෝ මානසික දඩුවමයි.

අධික ලෙස මානසික අපයෝජනයට ලක්වූ දරුවකු පිලිබඳ මෙසේ සටහන් තබමි. ඔහු සුදාර නමින් හදුන්වමි . මීට මාස කිහිපයකට පෙර සුදාර කැදවා ගෙන එන්නේ තම මව විසිනි ,

"මේ දරුවා ඉන්නේ අපිත් එක්ක ලොකු වෛරයෙන් , මෙයා අපිව පාලනය කරන්න අරන් ,කතා කරන්න බැහැ . අපිට බනිනව , ගොඩක් ම තරහ මෙයා ගේ මල්ලි එක්ක මල්ලි ගෙ ඇදුම් ඉරනවා පොත් ඉරනවා , මල්ලිගේ කෑමවලට රොඩු දානවා . මට කොහොමහරි මේ ළමයා හදලා දෙන්න "

මේ සුදාර ගේ මවගේ ඉල්ලීමයි. සුදාරට වයස අවුරුදු 8කි. සුදාර සමග සාකච්ඡා කිරීමේදී සුදාර දෙමාපියන් අතින් තදබල ලෙස මානසික අපයෝජනයට ලක්වී ඇතිබව පෙනුනි.

" අම්මලා මට ආදරය නැහැ . මල්ලි ට විතරයි ආදරය කරන්නේ . මට හැමවෙලාවෙම බනිනව . මල්ලිට හොඳ කියනවා. මට මල්ලි වාගේ හැදෙන්න කියනවා . ඉතින් මට ඒක හින්දා මල්ලි පේන්න බැහැ "

" මේකා කට ඇරියොත් කියන්නේ බොරුවක් "
"මේකා හදලා හමාරයි "
"මහ නොසන්ඩාලයෙක්"
"අපේ පවුලට අවනම්බු කරන්න ආපු අසමත්ජාතියෙක්"

"මට අම්මයි, තාත්තා යි බනින්නේ මෙහෙමයි.ඉතින් මම එයාලට කැමති නැහැ "

මේ සුදාරගේ කතාවයි.

දෙමාපියන් සෑමවිටම මුලින්ම යොදා ගන්නේ මානසික දඩුවමයි. ශාරීරික දඩුවමට වඩා මානසික දඩුවම ඉතාමත් බරපතලයි.

මොකක්ද මේ මානසික දඩුවම කියන්නේ , මානසික දඩුවම කියන්නේ මානසිකව හිරිහැර කිරීමකි . මානසික හිරිහැර නිසා ළමයාගේ පෞරුෂය බිද වැටෙයි. මානසික පීඩනයට පත් වෙයි. මානසික දඩුවමේ අදහස ළමයාට විනය ඉගැන්වීම මිස ඔහුගේ පෞරුෂය බිද දැමීම නොවේ.

මානසික හිරිහැර කියන්නේ නින්දා අපහාස කිරීමයි.

*උඹ මහම මහ මෝඩයෙක්
*මහ කාලකණ්ණියෙක්
*කෙරුවොත් කරන්නේ තකතීරු ගොන් වැඩක්
*වැඩකට නැති බූරුවෙක්
*නෝටි බබෙක් ඔයා
*චීයා නරක බබෙක්

බැනවැදීම, නිතරම කුමක් හෝ වරදක් අල්ලාගෙන විවේචනය කිරීම , එසේම පෞරුෂය විවේචනය කිරීමත් මානසික දඩුවමට අයත් ය .

අනෙක් ළමයින් ගේ ගුණ වර්නනා කරමින් තමුන්ගෙ වැරදි නිතරම විවේචනය කිරීම මානසික දඩුවමේ බරපතල අවස්ථාවක් ලෙස පෙන්වා දිය හැකිය . මෙවැනි අවස්ථාවක දරුවා ගේ පෞරුෂය හීන වනවා සේම අන් දරුවන් කෙරෙහි තදබල වෛරයක් ඇති වේ. එම නිසා නිතරම ඒ ළමයින් සමග රණ්ඩු කෝලාහාල පවා ඇතිකර ගනී.

මානසික දඩුවම අසාර්ථක දෙයකි. මේ තුලින්දරුවාගේ පෞරුෂය බිද වැටෙනවා සේම දරුවා ආවේග ශීලී වෙයි. අවසානයේ දෙමාපියන් ට පාලනය කරගන්න බැරි හිතුවක්කාර ගතිලක්ෂණ පෙන්වන දරුවකු බවට පත් වෙයි.

ආදරණීය දෙමාපියනි ඔබේ දරුවා ගේ යම් යම් වැරදි ආදරණීය ව පෙන්වා දෙන්න . වරදෙහි බරපතලකම පිලිබඳ දරුවා ට දැනෙන ලෙස දරුවා සමග නිදහසේ සාකච්ඡා කරන්න . එවිට ඔබේ දරුවා කිසිම විටක මානසික අපයෝජනයට ලක් නොවෙයි .

ශාන්ති කුමාරි ජයනෙත්ති
ජේෂ්ඨ මනෝ විද්‍යා උපදේශක හා මනෝචිකිත්සක

හමුවීම් ...
නවලෝක රෝහල -ගම්පහ
නවලෝක රෝහල - මීගමුව
නවලෝක රෝහල - කොළඹ 07

0774071401/0714827988

Online මනෝ විද්‍යාත්මක උපදේශනය හා මනෝ චිකිස්සාව සදහා අවශ්‍ය අය ඉහත දුරකථන අoකයට කතා කරන්න .

මෙවැනි වීඩියෝ නරඹන්නට මේ ලින්ක් එක ඔස්සේ සම්බන්ධ වෙන්න https://youtu.be/onA3KdFu0gU
-------------------------------------

02/03/2022

"අනේ මට මගේ දරුවෝ සලකන්නේ නැහැ . මට කන්න දෙන්නෙ නැහැ . උයන කෑම රහ නැහැ . මගේ ඇහැට දාන බෙහෙත් කුප්පියට අපේ ලේලි ඇසිඩ් දාලා ඒක හින්දා මගේ ඇහැ පේනවා අඩුවෙලා . අනේ මට මුන් රෑට නිදියන්නේ නැහැ කියලා බනිනව .අනේ මට බෙහෙතක් දෙන්න නෝනේ මට මැරිලාවත් යන්න."....

මේ එක්තරා වයෝවෘද්ධ කාන්තාවකගේ කතාවකි ඇය විමලාවතී ලෙස හදුන්වමි . විමලාවතී මනෝ උපදේශන ප්‍රතිකාර සදහා රැගෙන ආවේ ඇගේ පුතා විසිනි. ඇගේ වයස අවුරුදු 72 කි. ඇය ජීවිත් වන්නේ ඇගේ පුතා ගේ නිවසේ ය . ඇගේ ස්වාමිපුරුෂයා මීට වසර 15 ට පෙර මියගොස් ඇත . එසේම ඇගේ වැඩිමහල් පුතා 1989 බීෂණ සමයේ දී නිවස ඉදිරිපිට පුලුස්සා මාරා දමා ඇත .

මෙසේ කාලය ගතවත්ම ඇයට සිදුවන බොහෝ දේ අමතකය. කෑම කා අවසන් වී විනාඩි කිහිපයකින් මට කන්න දුන්නේ නැහැ කියලා ලේලියට බනිනව . ගෙදර අයට නොකියා තැන තැන ඇවිදිනවා , බොහෝ වෙලාවට හේතුවක් නැතුව මහ හයියෙන් අඩනවා ...මේ ලක්ෂණ සියල්ලම ඩිමෙන්ෂියා තත්ත්වයේ ලක්ෂණ ..

ඩිමෙන්ෂියා තත්ත්වය ඇති වන්නේ වයෝවෘද්ධ අයට පමනි . වයස අවුරුදු 65 ට වැඩි බොහෝමයක් වැඩිහිටියන් තුළ මේ ලක්ෂණ තිබිය හැකිය . විවිධ හේතු නිසා මොලයේ ස්නායු සයිල ක්‍රමයෙන් මිය යාමෙන් ඇතිවන රෝග තත්ත්වයකි .නමුත් මෙම රෝග තත්ත්වය සාමාන්‍යයෙන් වයසට යාමේ ප්‍රතිඵල යක් නොවේ .

ඩිමෙන්ෂියාවේ ප්‍රතිඵල ලෙස ...

අමතක වීම ඇතුලුව මොලයේ ක්‍රියා කාරිත්වයේ දුබලතා ඇතිවේ. අවසානයේ පුද්ගලයාගේ පෞරුෂය මුලින්ම වෙනස්වනු ඇත .ඇතැම් හේතු නිසා ඇතිවන ඩිමෙන්ෂියාව යථා තත්ත්වයට පතකල හැකිවුවත් බොහෝ අවස්ථාවලදී කළ හැක්කේ රෝග ලක්ෂණ පාලනය කිරීම පමනි.

ඩිමෙන්ෂියා රෝග ලක්ෂණ ..

***එදිනෙදා කටයුතු අමතක වීම .තමාගේ බඩුබාහිරාදිය තැබූ තැන් අමතක වීම නිසා අන් අය ඒවා සොරකම් කලා යැයි දොස් නගයි.
රැකියාවේ හා අනෙකුත් ගෙදර දොර කටයුතු වලදී අමතක වීම් නිසා අඩුපාඩු සිදුවේ. තමුන් ගන්නා ආහාරය පවා අමතක වෙයි. උග්‍ර අවස්ථාවලදී තමන්ගේ සහකරු , දරුවන් පවා හදුනා ගැනීමට නොහැකි වෙයි එසේම තමාගේ නමපවා අමතක වෙයි.

***හැසිරීමේ වෙනස්කම ඇතිවේ. නින්ද අඩු වීම, අරමුණක් නොමැතිව තැන තැන ඇවිදිම , කේන්ති යාම හා කළබල කාරීබව, අනවශ්‍ය ලෙස කෑගැසීම වැලපීම, ලිoගික හැසිරීම්වල වෙනස්කම්.

***අහේතුක සැකය හා බිය පළකිරීම , අසාමාන්‍ය සoවේදන දැනීම .

***විශාදී රෝග ලක්ෂණ පහල වීම .

*** නව පරිසරයකට හැඩගැසීමේ හැකියාව නොමැති වීම .

***මුත්‍රා පිටවීම පාලනය කරගත නොහැකිවීම

මානසික ආතතියකට මුහුණ දීම හේතුවෙන් මිනිස් මොලය අවම වශයෙන් වසර 4කින් වයසට යා හැකි බව ඇමරිකානු සමීක්ෂකයෝ පවසති .

* දරුවකුගේ වියෝව
*දික්කසාද ය
*රැකියාව අහිමි වීම

වැනි හේතු නිසා සිදුවන දැඩි ආතතිය නිසා පසුකාලීනව ඩිමෙන්ෂියා රෝග ලක්ෂණ ඇතිවන බව සමීක්ෂණ වාර්තාවලින් හෙලි වේ.

ඩිමෙන්ෂියා රෝග ඇතිකරන සමහර හේතු කාරක ප්‍රතිකාර මගින් නිවැරැදි කරගත හැකි බැවින් ඉක්මන් ප්‍රතිකාර සදහා යෙදවීම වැදගත් ය. තවද ප්‍රතිකාර මගින් රෝග තත්ත්වය පාලනය කරගත හැකිය . ඖෂධ ප්‍රතිකාර සේම මනෝ ප්‍රතිකාරය ද ඉතාමත් වැදගත් වන්නේ ය.

ශාන්ති කුමාරි ජයනෙත්ති
ජේෂ්ඨ මනෝ විද්‍යා උපදේශක හා මනෝ චිකිත්සක

හමුවීම් ..
නවලෝක රෝහල -ගම්පහ
නවලෝක රෝහල -මීගමුව
නවලෝක රෝහල - කොළඹ 07
0774071401 /0714827988

24/02/2022

ඔබේ දරුවාත් ගේම්වලට ඇබ්බැහි වෙලාද ...."අපෙ අම්මා" පුවත්පතෙන් කියවන්න ......

17/02/2022

14/02/2022

දරුවන් වීඩියෝ ගේම්වලට ඇබ්බැහි වීම අති භයානකයි ......
====================================

" අනේ නෝනා මාව බේරා ගන්න . අරූ මගේ පස්සේ එලවනවා පිහියක් අරන් "

එදා නිවාඩු දිනයක් බැවින් මම මිදුලේ මල් පැළ වලට සාත්තු කරමින් සිටියෙමි. මේ කෑගහන්නේ මගේ නිවසට යාබද නිවසක වෙසෙන කානතාවකි. ඈ පිටුපසින් ඇගේ එකම පුතා ද ඉක්මන් ගමනේ එයි . මා දකිනවාත් සමගම ඔහුගේ වේගය අඩුවිය.

" මොකද මේ අම්මාගෙයි පුතාගෙයි ගෝරනාඩුව "

" ගිය සුමානෙ රුපියල් 75,000/= දීලා කොම්පියුටර් එකක් අරන් දුන්නා . ඌට ලොකු ගේම් ගහන්න ඒකේ රැම්එකද මොකක්ද එක මදිලු. මම කිව්වා තාත්තා සල්ලි එව්වා ම වෙන එකක් ගම්මු කියලා . මේකා අහන්නේ නැහැ . ඊයේ රෑ මූට තද වෙලා කොම්පියුටර් එක පොලොවේ ගැහුවා . දැන් කීතු කීතු වෙලා උගේ කාමරේ කෑලි හැමතැනම . මූ ඉල්ලන්නේ රුපියල් ලක්ෂ එකහමාරක එකක් . අනේ මට මේකාවත් මරලා මටත් මැරෙන්න හිතෙනවා "

" දැන් ඉතින් කළබල වෙලා වැඩක් නැහැ . අපි හෙමිහිට ප්‍රශ්නවලට විසදුම් හොයමු."

ඇය නිවස ඇතුලට කැදවාගෙන විත් ඇගේ හිතට හයියක් වෙන්න මට වැඩි වේලාවක් ගියේ නැත. තවමත් ඇගේ දරුවා ඇය එනතුරු මගේ නිවසට හැරෙන මග බලා හිදි යි.

එම දරුවා සනුග ලෙස හදුන්වමි .

" සනුග ටිකක් මෙහෙ එන්නකො. මොකෝ මේ පිහි අරන් රට්ටු හිනස්සන්නේ ඔයා ලොකු කොල්ලෙක් නේ දැන් . ටිකක් පාටත් වැටිලා . පහුගිය ටිකේ දැක්කේ නැති හින්දා මම හිතුවෙ රට වත් ගියා ද කියලා තාත්තා බලන්න . මෙහෙම එන්නකො සනුග "

දරුවා කීකරු පූස් පැටියෙක් වාගේ මගේ ලගට ආවෙ .
---------------------------------------------------------------------

සනුග අම්මා තාත්තා සමග අපේ ගෙවල් ලග පදින්චියට ඇවිත් දැන් වසර 10 පමන ඇති . ඒ වෙනකොට සනුගට වයස අවුරුදු 5 ක් පමණ . සනුග ගේ පියා හිටියේ ඩුබායි රටේ රැකියාවක මවත් සනුගත් නිවසේ තනිවිය. නිතරම සනුගගේ මව ජන්ගම දුරකතනය අතැතිව සිටියේ පිටරට සිටින තම ස්වාමිපුරුෂයා සමග කතා කිරීම සදහා ය. ටික කලක් ගතවත්ම මම සනුගගේ නිවස අසලින් ගමන් කරන සෑම මොහොතේ ම ජන්ගම දුරකතනය සනුග අතේ තබාගෙන ඔහු එයින් යම්කිසි ක්‍රීඩාවක් කරමින් නිතරම පසුවන බවක් පෙනුනි. මේ වෙද්දී සනුග පෙරපාසල් වයසේ පසුවිය.

කිහිප දිනක්ම සනුගගේ මව ට දරුවා ට ජන්ගම දුරකතනය නුසුදුසු බව පැවසුවත් ඇයට දැනුනෙ මම ඇය ට කරදරයක් සේය.

කාලය මෙහෙම ගත වෙද්දී සනුග ටැබ් එකක් අතැතිව නිතරම ක්‍රීඩා කලේය . සනුග ගේ මවට සනුගගේ මේ හැසිරීම ඉතාමත් අගනා දෙයක් විය. වෙන දරුවන් මෙන් ඇවිදීමට යාම . බෝල ගසා වීදුරු බිදීම් ආදිය සනුග කලේ නැත.

සනුගට වයස අවුරුදු 10 තරම් වෙද්දී ගේ ඇතුලේ නිතරම ඇහුණේ වෙඩි තියෙන ශබ්ද ඩිශූ ඩිශු හඩත් හුරේ හඩත් පමනි. සනුග පාසල් යන්නේ කලාතුරකින් . උදේ ට ගෙදර මහා හයියෙන් අම්මාගෙයි පුතා ගෙයි ශබ්දය ඉස්කෝලේ ගමන නිසා . ඉස්කෝලේ ප්‍රශ්න කියමින් සනුගගේ මව පාසලට බැන වදිමින් ඉස්කෝල කිහිපයකට ම සනුග මාරු කරන ලදී . ඒ කෙසේ වුවත් සනුගට එය ප්‍රතිඵල දායක නොවුනි.

දැන් සනුගගේ වයස අවුරුදු 15 කි. ඔහු පාසල් යන්නේ ම නැත. නිතරම මව සමග රන්ඩු. සනුග ගේ ඇග ඉතාමත් විශාල ලෙස වැඩී ගොසිණි . ඔහුට නිතරම කෑම අවශ්‍ය ය. අවශ්‍ය දේ ඒ මොහොතේ ම ලැබිය යුතුය . නැතිනම් මවට සිදුවන්නේ තම දරුවාගෙන් පහර කෑමටය. සනුග ගේ පවුලේ ප්‍රශ්න අහලපහල අය දැන සිටියත් ඇය එවැනි තත්ත්වයක් කිසිවෙකුට හගවන්නේ නැත. අවසානයේ ඇය මාගේ නිවසට දුවගෙන ආවේ සිය පන ගලවා ගැනීම පිණිසය .
-------------------------------------------------------------
ඉහත සිදුවීම මා මුහුණ දුන් සත්‍ය සිදුවීමකි. මෙවැනි කතා අප සමාජයේ කොතෙකුත් ඇත. දරුවන් වීඩියෝ ගේම් වලට් ඇබ්බැහි වන්නේ තම දෙමාපියන් ගේ වරදිනි.

දරුවා අතට ජoගම දුරකථනයක්, පරිගණකයක් , ටැබ් යන්ත්‍රයක් පත්කරන්නේ නම් දෙමාපියන් දැඩි අදීක්ෂණයක් තිබිය යුතුය . Online අධ්‍යාපන කටයුතු වල නියැලෙන දරුවා පිළිබඳ අනිවාර්යයෙන් දෙමාපියන් අදීක්ෂණය කළ යුතුමයි . ඔබේ අවධානය ගිලිහී යන්නෙ නම් දරුවා නොයෙකුත් පරිගණක ක්‍රියා හා සමාජ මාධ්‍ය පිළිබඳව ඇබ්බැහිවීමට ලක් වේ. .

ගේම් වලට ඇබ්බැහි වීම් නිසා දරුවන් ජීවිතයෙන් වන්දි ගෙවූ අවස්ථා තිබුණි . එසේම ලිoගික හිoසනයට දරුවන් ගොදුරු වීම, සේම දරුවන් ගෙන් කප්පම් ගත් අවස්ථාද පසුගිය දිනවල වාර්තා විය. මේ හේතුවලට වග කිව යුත්තේ දෙමාපියන්ය.

අද බොහෝ මව්වරුන් තමුන්ගෙ වැඩ කරගැනීමට දරුවන් නලවන උපකරණයක් ලෙස දකින්නේ ජන්ගම දුරකතනයයි. ඉතාමත් කුඩා දරුවන් ජන්ගම දුරකතනය ට ඇබ්බැහිවීම් තුලින් අනාගතයේ දී චිත්තවේගමය ගැටලු , මානසික දුබලතා හා අහිතකර චර්‍යා වර්ධනය විය හැකි දරුවන් බිහි වේ.

අධික ලෙස වීඩියෝ ගේම් වලට ඇබ්බැහිවීම් තුලින් භින්නෝන්මාදය, කාන්සාව වැනි මානසික රෝග වැලදීමේ හැකියාව තිබේ . නිතරම තනිවෙන්න උත්සාහ දැරීම , කිසිවෙක් සමග කතා කිරිමට අකමැති වීම, නිතරම ඔවුන් සිතන්නේ තමා අන් අය විවේචනයට ලක් කරන බවයි . මේ නිසාම නිතරම සැගවීමට උත්සාහ දරයි.

වීඩියෝ ගේම් වලට ඇබ්බැහි වූවන් මනා පෞරුෂයක් නැත . කිසිම අවස්ථාවක තනියම කිසිම දෙයකට ඉදිරිපත් වීමට හැකියාව අඩුය. එහෙත් නිතරම ආවේගශීලිය.

මේ සදහා ප්‍රතිකාර තිබේ ........................

වීඩියෝ ගේම් වලට ඇබ්බැහි දරුවන් මනෝවෛද්‍ය වරයෙක් හරහා ඖෂධ ප්‍රතිකාර වලට යොමු කිරිම සුදුසු ය. ඖෂධ ප්‍රතිකාර අතර තුර මනෝ උපදේශන හා මනෝ ප්‍රතිකාර ද අවශ්‍ය වේ. දීර්ඝ කාලක් මේ සදහා ප්‍රතිකාර වලට යොමු විය යුතුය . ඒ අතර තුර දෙමාපියන් විසින් වෙනත් ශාරීරික ක්‍රීඩා හා කලා කටයුතු සදහා ද දරුවා යොමු කලයුතු . දරුවන් ප්‍රතිකාර සදහා ගෙන ඒමට අපහසු නම් දෙමාපියන් ගොස් මනෝ උපදේශක වරයෙක් මුනගැසී අවශ්‍ය උපදෙස් ලබා ගත යුතුය .

ශාන්ති කුමාරි ජයනෙත්ති .
ජේෂ්ඨ මනෝ උපදේශිකා හා මනෝචිකිත්සක .

හමුවීම් ....
නවලෝක රෝහල -ගම්පහ
නවලෝක රෝහල - මීගමුව
නවලෝක රෝහල - කොළඹ 07
0774071401. / 0714827988