12/02/2026
ඩෙංගු රෝගය යනු වෛරසයක් මගින් බෝවන රෝගයක් වන අතර ආසාධිත මදුරුවකු වාහකයෙක් ලෙස ක්රියා කරයි .
Aedes aegypti හා Aedes albopictus යන මෙම මදුරුවන් බිත්තර දැමීමේදී පිරිසිදු ජලය සහිත බදුන් හෝ ස්ථාන වල ජලය හා ගැටෙන පෘෂ්ඨයේ බිත්තර ඇලවෙන සේ සිදු කරයි. එම නිසා එම ජලය සහිත බදුන් වල ජලය බිත්තර දැමීමට පසු ඉවත් කලද බිත්තර අදාල බදුනේ පෘෂ්ඨය මත ඇලවී තිබේ. මෙම හේතුව නිසා ජලය නොමැතිව වසරක පමණ කාලයක් වුවත් සජීවීව තිබෙන බිත්තර වසරකට පසුව ජලය සමග ගැටීමේදී බිත්තර තුලින් මදුරු කීටයන් ඇති වී මදුරුවන් ලෙස බාහිර පරිසරයට පිටවී යයි.
මිල්ලනිය මහජන සෞඛ්ය පරීක්ෂක ක්ෂේත්රයේ මාවත්ගම ප්රදේශයේ මිල්ලනිය සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂක වරු, ඩෙංගු මර්ධන සහයකයන් මිල්ලනිය ප්රාදේශීය සභා මහජන සෞඛ්ය පරීක්ෂක තුමාගේ සහභාගිත්වයෙන් ඩෙංගු මර්ධන වැඩසටහනක් පවත්වන ලදී.
ඒ සදහා ලගාන පවුල් සෞඛ්ය සේවා නිලධාරීනී ප්රමුඛ මවු හවුලේ සහය ලැබින.
එහිදී මදුරුවන් බෝවිය හැකි ස්තාන නිවැරදි කිරීමට උපදෙස් ලබා දීම, ඩෙංගු රෝගය හා එම රෝගය පැතිරිම හා පාලනය කිරීම පිලිබදව දැනුවත් කිරීම හා මදුරුවන් බෝවන ස්ථාන පවත්වාගෙන ගිය පුද්ගලයින් සදහා නීතිමය කටයුතු සිදු කිරීම සිදු කරන ලදී.
ඔබත් ඔබගේ නිවස හා අවට මදුරුවන් බෝ නොවන සේ පිරිසිදුව තබා ගන්න.
