22/06/2024
"අනේ මගේ දරුවා #ගොඩක්_වෙලා_බාත්රූම්_එකේ_ඉන්නවා සමහර වෙලාවට පැය එකහමාරක් දෙකක් විතර, ඒ වගේම #නිතර_නිතර_අත්_හෝදනවා. සමහර වෙලාවට විනාඩි විස්සක් විතර යනවා. ඉන්නේ නිතරම කේන්තියෙන්. #හැම_දෙයක්ම_පිළිවෙළට_පිරිසිදුවට_ඕනෑ. මේ පිරිසිදු වැඩිකම හින්දා එයාට කිසිම දෙයක් වෙලාවට කරගන්න බැහැ" මෙහෙම කතා ගොඩක් මේ කියවන ඔබත් දන්නව ඇති, ඇතැම්විට ඔබටත් ඇති.
මේ මට හමුවුනු සුපුන් ගේ කතාව.
සුපුන් උදේ හතරට පමණ අවදි වී නාන කාමරයට යයි ඔහු එයින් එලියට එන්නේ පැය දෙකකට විතර පසුවය. නාන කාමරයේ කරාම අල්ලන්නේ ටිශූ කඩදාසි භාවිතයෙනි. ගෙදර බොහෝ බඩු භාන්ඩ අල්ලන්නේද ටිශූ කඩදාසිවලිනි. ගෙදර සුරතලුන් වන බල්ලාවත් පූසාවත් කිසිවිටෙකත් අල්ලන්නේ නැත.
කුමන දෙයක් අත ගෑවුණත් ඒ සැනින්ම ගොස් සබන් යොදා බොහො වේලාවක් අත් සෝදයි. සුපුන් කරන සෑම වැඩේම පිළිවෙළට ම සිදුකරයි. ඒ පිළිවෙළ නිතර නිතර අවශ්ය වේ. ඔහුගේ මේසය පිරිසිදු කිරීම එක්වරක් කලාට මදිය එය නැවතත් පිරිසිදු කිරීමට අවශ්ය වේ. පාසල් වැඩ කරනවා ට වඩා සුපුන් කලේ පොත් පත් පිළිවෙළට පිරිසිදුවට තැබීමයි.
ඔහු නිතරම ඉන්නේ කේන්තියෙනි. සුපුන්ගේ කාමරයට කිසිම පිටස්තර කෙනෙක් ඇතුල්වනවාට ඔහු කැමති නැත. එසේ පැමිණියහොත් කොට්ටා මෙට්ටා පවා අව්වේ දමා ඇද ඇතිරිලි සෝදයි.
පිළිවෙළට පිරිසිදුවට සිටීම ජීවිතයේ වැදගත් අoගයකි. නමුත් නිරන්තරයෙන් එන සිතුවිල්ලක් නිසා මෙය රෝග තත්ත්වයක් බවට පත් වෙයි. තමුන් පිරිසිදු නැත යන සිතුවිල්ල සිතට එයි එවිට පිරිසිදු වෙයි. නැවතත් එම සිතුවිල්ලම එයි එවිටද පිරිසිදු වෙයි. මෙය වැඩකට නැති සිතුවිල්ලක් බවට වැටහුනත්, #නැවත_නැවතත්_එන_සිතුවිල්ල_බලවත්_වෙයි. එමනිසා ම ආයෙමත් එසේම කරයි.
♓ඇතැම් අය නිදා ගැනිමට යාමේදී දොර වසා ඇත්දැයි කියලා නිතරම බලයි එක්වරක් දොර පරික්ශාකර බලා පැමිණ නැවතත් පරික්ශාකර බැලීමට සිතුවිල්ලක් එයි. එසේ කිහිප වරක් කරනු ලබයි.
♓තවත් අයෙක් ගෑස් ලිප හෝ යම් බල්බයක් හෝ ජල කරාමය හෝ වසා ඇත්දැයි කියා නිතරම පරීක්ෂා කර බලයි.
මෙම තත්වය #දරුවන්ගේ_පමණක්_නොව_වැඩිහිටියන්ගේද දැකිය හැක. මෙය සාමාන්ය තත්ත්වයක් නොව (Obsessive Compulsive Disorder) නම් මානසික රෝගී තත්ත්වයයි. මෙම රෝගයේ ප්රධාන ලක්ෂණය නම් නිතරම තරහ යාමයි. ආවේගශීලි වීමත් මෙහි ප්රධාන ලක්ෂණයකි. එයට හේතුව වන්නේ සෑමවිටම පිළිවෙළ අවශ්ය වීම නිසාය.
මේ සදහා ප්රතිකාර නොකර සිටියහොත් මේ තත්ත්වය උග්ර අතට පත් වී ඔහුගේ කටයුතු අකර්මණ්ය වී විශාදය ඇතිවී සියදිවි නසා ගැනීමට පවා බරපතල විය හැකිය. මෙම රෝගය පිට අයට නොපෙනෙන අතර ඔහුට සාමාන්ය විදිහට ජීවිත් විය හැකිය. සමාජයේ මෙම මානසික රෝගී තත්ත්වය 15% පමන ඇති බව පරීක්ෂණ වලින් හෙලිවී ඇත.
#බොහෝ_දෙනෙක්_මෙය_රෝගයක්_බව_දන්නේ_නැත. මෙනිසා බොහෝ ප්රශ්න ඇතිවේ.
*අධ්යාපනික ප්රශ්න
* පවුල් ප්රශ්න
* රැකියා ප්රශ්න
* සමාජයීය ප්රශ්න
ජානමය සාධක මතද මේ රෝගය ඇතිවේ. මේ රෝගය සදහා ප්රතිකාර ඇත. සුදුසුකම් සහිත වෛද්යවරයකුගෙන් හෝ මනෝ වෛද්යවරයකු හමුවී ප්රතිකාර ලබාගැනීමෙන් මෙම රෝගය සුව කරගත හැකිය .
Dr. Shanaka Kalupahane
