23/03/2026
පුද්ගලයෙකු මව්කුසින් බිහි වන්නට පෙර සිට අවසන් සුසුම හෙළන තුරුම, ඔවුන්ගේ සෞඛ්ය තත්ත්වය යහපත්ව පවත්වා ගැනීම වෙනුවෙන් දිවා රෑ නොබලා ඇපකැප වන පිරිසක් වෙත්නම් ඒ අපයි. ළදරු සායන, පාසල් වෛද්ය පරීක්ෂණ, සුවනාරී සායන, එන්නත්කරණ වැඩසටහන්, බෝ නොවන රෝග සායන මෙන්ම ආහාර පරිහරණ ආයතන පරීක්ෂාව, ආහාර සෞඛ්යය තහවුරු කිරීම, මහජන පීඩා වැළැක්වීම සහ අවශ්ය විටදී අධිකරණය ඉදිරියේ නඩු පැවරීම දක්වා වූ අතිමහත් වගකීම් සමුදායක් අප දිනපතා ඔබ වෙනුවෙන් ඉටු කරන්නෙමු.
වර්තමානයේ රටේ පවතින අභියෝගාත්මක තත්ත්වය සහ රාජකාරිමය කාර්යබහුලත්වය නිසා ඇතිවන පීඩනය මැද, අඩුම තරමේ අපටම කියා ස්ථිර සෞඛ්ය වෛද්ය නිලධාරී කාර්යාල ගොඩනැගිල්ලක් පවා නොමැති පසුබිමක අප මේ ඉටුකරන්නේ සුවිශාල මෙහෙවරකි.
මේ සියලු බාධක හා වෙහෙසකර බව මොහොතකට අමතක කරමින්, අපගේ කාර්යමණ්ඩලය රත්මලාන යුනයිටඩ් ක්රීඩා සමාජ පිටියේදී කොළඹ ප්රාදේශීය සෞඛ්ය සේවා අධ්යක්ෂ කාර්යාලයේ සුබසාධක සංගමය මගින් සංවිධානය කළ සය සාමාජික ක්රිකට් තරගාවලියේ අතිශය තියුණු තරග කිහිපයකට මුහුණ දෙමින්, සමස්ත තරගාවලියේ ශූරතාවය දිනා ගැනීමට කැස්බෑව සෞඛ්ය වෛද්ය නිලධාරී කාර්යාලයේ "කාන්තා කණ්ඩායම" සමත් වූවාය! 🏏🥇
ඒ පමණක් නොව,
🌟 හොඳම පන්දු යවන්නිය
🌟 හොඳම පිතිකාරිනිය
🌟 අවසන් තරගයේ වීරවරිය
🌟 තරගාවලියේ වීරවරිය
යන සියලුම සුවිශේෂී සම්මාන අප සතු කරගැනීමට හැකිවීම අප ලද ජයග්රහණයකි.
එමෙන්ම, අපගේ පිරිමි කණ්ඩායම ද දැඩි තරගයක් ලබාදෙමින් අවසන් පූර්ව වටය දක්වා පැමිණීමට සමත් වූවා.
මෙවැනි බාධක හමුවේ වුවද කාර්යමණ්ඩලය ලද මේ ජයග්රහණය, නව ජීවයකින් සහ ජයග්රාහී මානසිකත්වයකින් යුතුව ඉදිරියටත් ඔබට වඩාත් ගුණාත්මක සෞඛ්ය සේවාවක් සැපයීමට අපට සුවිශාල ශක්තියක් සහ උපකාරයක් වනු නිසැකය.
