يومي الجميل الأول في كورس التغذية الصحية مع طالباتي الجميلات 🤍
11/07/2025
⚠️ الخلطة السحرية للتسمين قبل العرس؟
خليها عنك… راهي كارثة مش حل!
الأيامات هذي أي بنت قرب عرسها تمشي للصيدلية وتقول بكل فرحة:
“نبي ترايكتين مع ديكسازون”
فرحانة إنها أخيرًا بتسمن وتكون “مليانة”
لكن الحقيقة اللي ما تعرفهاش، إن اللي بيصير في جسمها مش تسمين حقيقي…
بل ضرر وكارثة على صحتها ‼️
💉 شن يصير لجسمك لما تاخدي الكورتيزون (ديكسازون)؟
•يحبس المية والملح في الجسم
•يخلي الوجه مدور ومنفوخ (نقوله عليه وجه القمر)
•هادا عرض معروف طبيًا باسم Cushing syndrome
يعني وزنك يزيد، لكن الزيادة وهمية ومضرة.
😣 وشن أضرار الاستخدام المستمر؟
•يرفع الضغط ⬆️
•يرفع السكر في الدم ⬆️
•يهلك العظام ويضعفها
•يضر العين (مياه بيضاء - ضغط عيون)
•يضعف العضلات
•ينزل المناعة وتقعدي تمرضي على أقل حاجة
والكارثة الكبيرة؟
لو بطّلتيه فجأة بعد فترة…
ينزل ضغطك مرة وحدة، تصيرلك دوخة، جفاف، ونقص أملاح خطير.
💊 وترايكتين؟
غير معمول للبنات السليمات!
هو فاتح شهية للناس اللي صحتهم تعبانة، مش وسيلة للتسمين.
✅ الحل الصحّي؟
لو تبّي تزيدي وزنك بطريقة صح:
🍽️ كلي أكل متوازن
🏋️♀️ حركي روحك شوية
💧 شربي مي كفاية
🧠 وصبري، راه الجسم الصحي ياخذ وقته باش يبان
الزبدة🫶🏻ماتديريش مصيبة بصحة جسمك عشان شكل مؤقت، فيه طرق آمنة وجميلة تخليكي تزيدي جسمك وتكوني راضية عليه 🌸
Be the first to know and let us send you an email when Dietitian Roya posts news and promotions. Your email address will not be used for any other purpose, and you can unsubscribe at any time.
