Dr.Aliaa Ertima

01/03/2026

28/02/2026

زي ماعودناكم في الاروي اي جديد ينزل خص نص في الأروي قبل 👌

البوستر الاقوي 💪
تفتيح وشد ونضارة بس الكمية محدودة 😎

28/02/2026

موعدنا اليوم مساء بإذن الله في مصحة الاروي

🌙رمضان مبارك 🌙

10/رمضان /2026

إليكم جدول المناوبة ليوم السبت

الحجز ع خاص صفحه او عن طريق الارقام الاتية
📱091-3138209
📱091-7505230

📍العنوان : الشعبيـة خلف مبنى كوزال لتغليف الهدايا | سرت - ليبيا.

الأروى .. نحن نهتــم 🌘.
‏

27/02/2026

صحة فطوركم
مش عارفة نسموها يوميات طبيبة جلدية ولا اسم اخر المهم
انا منزلة صورة الحالة قبل وبعد لقيتها باعتتلي خاص ... دكتورة صورتي🤯 طبعا توقعت انها مش راضية الصورة تنزل بس انا عادة ناخذ اذن الحالة قبل مانزل الصورة ولازم نخفي المعالم ومع ذلك اقل من عشرة في المية اللي يوافق وهذا حقهم🤚
قلتلها خيرها صورتك قالتلي لا بس النتيجة علي الطبيعة احلي من الصورة🤔 قلتها كاميرتي مش حلوة اعذرينا🤐
طبعا اشتغلنا عدة جلسات بس اخر جلسة كانت الثيرافكس 👌

27/02/2026

قال لفاروق عمر بن الخطاب رضي الله عنه: "ما أعطي العبد بعد الإسلام نعمة خيراً من أخ صالح، فإذا وجد أحدكم وداً من أخيه فليتمسك به".
شكرا لكل تيم الاروي دكتورات ممرضات استقبال وإشراف
جبر الله خاطركم ورزقكم كل خير

26/02/2026

السلام عليكم ورحمة الله وبركاته
بوست توضيحي بخصوص مادة الثيرافيكس
زي ما انتم عارفين الطب التجميلي زي اي مجال صار فيه تطور رهيب السنوات الماضية ٠٠٠مثلا التليفونات في الاول بيلة وبعدها تطورنا النوكيا والسامسونج و بعدين الايفون وفي كل مرة في ميزات جديدة بس في الاخير كلها وسيلة اتصال🙆‍♂️
نفسىالشي الطب التجميلي بدا بفكرة حقن مواد معينه داخل الجلد عشان تعطينا نتايج زي مثلا التفتيح والترطيب وهكذا
بعدين البلازما وفكرتها انه يسحبوا عينة دم من المريض وتنحط في جهاز الطرد المركزي عشان يفصلوا البلازما ويردوا يحقنوها في البشرة 🤔 السؤال شن فايدتها
😎 البلازما متاع الإنسان غنية بعوامل النمو Growth factors وعوامل الالتئام يعني ربي سبحانه وتعالى دارلها وظيفة واللي هي اي التهاب او جرح في جسمك البلازما متاعك تحاول ترممه😎 بعدين تطورنا وقعدنا نفكروا علي حاجات اقوي زي مثلا الاكسوزوم اللي هو الخلايا الجذعية واللي فكرتها انه يستخلصوا خلايا جذعية سوي مصنعة او مستخلصة من نباتات او حيوانات ويحقنوها في البشرة قولو ا ليييش🤯
لانه الخلايا الجذعية اكثر نوع خلايا مسؤلة عن التجديد في كل شي بشرة او شعر او اي شي في جسمك هي موجودة فيك
بس فكرة الاكسوزوم او الخلايا الجذعية فيها نقطة خلاف
يعني مصدر الخلايا هل ممكن تكون اصليه واكيد غالية 🥹 بس هي كويسة في الاخير
من هذا كله جت فكرة الثيرافيكس المادة اللي منزلة صورتها
قالوا ليش نحقنوا خلايا جذعية في فكرة افضل واللي هي نحقن مواد معينه تحفز خلايانا احنا يعني الخلايا الجذعية اللي في جسمنا ونخليها تنشط وتادي مهامها علي اكمل وجه
يعني مثلا عندك تساقط شعر بغض النظر عن السبب لما تستخدم الثيرافكس يجدد بصيلات الشعر ويخليها تنتنج شعر جديد وصحي وكذلك البشرة خليها تتجدد وتقضي علي الشحوب والشيخوخة وحتي التصبغات يحفز خلايا البشرة انها تنتج خلايا جديد بأقل صبغة ميلانين 😎
يعني الثيرافكس هو الورقة الرابحة اللي ممكن تنضاف لخطة العلاج اللي انت ماشي عليها
طبعا في استخدامات اخري ليه خارج التجميل زي تقرحات الفم زي قرح القدمين في داء السكري وهكذا🤗
عارفة موضوع طوييل بس حاولت نبسط المعلومة👌

25/02/2026

صحة فطوركم
قبل مانزل طرائف عيادة الجلدية
ركزوا في المنتج وشن معلواتكم عليه ومن فيكم عنده تجربة معاه🤔

25/02/2026

السلام عليكم ورحمة الله
تقبل الله منا ومنكم الطاعات 🤲
في حالات يبعتولي يبوا السلسة الرمضانية 🤔 بس للاسف السنة هذي ماقدرت نكتب لظروفي الخاصة لذلك
قررنا نديروا اعادة لسلسلة السنة الماضية بنفس الترتيب واستنوا الحلقات علي قروب مصحة الاروي والرابط في أول تعليق👌

24/02/2026

سؤال محيرني 🤔 ليش كل الحالات لما نسألهم سؤال يردوا علي بسؤال
يعني تبعت ع الخاص دكتورة شن ناخذ لوجهي انا نسألها شن كنت تستخدمي ترد علي اللي انت كتبتيه لي🥹 ايوا شن هو
طبعا هي مش،متذكرة ومستغربة كيف انا اللي يوميا نشوف في كم حالة كيف نسيت كريمتها🤐
شكلنا بنزلوا فقرة طرائف عيادة الجلدية 😎

24/02/2026

شاركوا في مسابقة الاروي 🦌 اختيار الرابحين ان شاءالله بيكون يوم الخميس والسبت بأذن الله نبدأ سؤال جديد

24/02/2026