05/12/2025
#نفسيآ 👥
🧠 السجْن التأَملِي النفْسِيّ 🧘 العزلة الذاتية (Self-Isolation)
او كما تتصف بعلم النفس، أحيانًا بـ التأمل الذاتي العميق (Deep Self-Reflection) أو المواجهة الداخلية (Inner Confrontation)،
وهي اللحظة التي يجد فيها الإنسان نفسه في يوم مجبرًا على التوقف، والتأمل في داخله، بعيدًا عن ضجيج الحياة، بعيدًا عن التعلّق بالآخرين.
وقت تلقى روحك قاعد مع نفسك غصب، مش لأنك تبي، لأن الحياة حبستك في زاوية ما فيهاش إلا صوتك الداخلي، بس
هديك اللحظة اللي تهرب منها دايمًا، بس تلقاها قدّامك بكل تفاصيلها.
هي اللحظة اللي تتقفل فيها كل الأبواب قدّامك، وتلقى روحك مضطر تجلس مع نفسك… مش جلسة راحة، بل جلسة حساب.
جلسة يطلع فيها صوتك الداخلي المكبوت، اللي كنت دايمًا تتهرب منه ومتبيش تسمعه.. :
ويكلمك ويسألك سؤال ما جاوبتش عليه، وجع خبّيته، خوف ما واجهته، وقرارات سكّرتها بـكلمة "مش توة".
في السجن هذا…⛓️
حتبدأ تفهم شنو اللي يربكك، وشنو اللي يجرحك، وشنو اللي تحاول ما تسمعاش.
تبدأ تلاحظ قيمتك، ونقائصك، وحتى الحاجات اللي كنت تبرّرها لنفسك.
ومع إنه هدا السجن مؤلم…إلا إنه في العادة يكون بداية الفهم ليك، وبداية الترميم، وبداية إنك توقف على رجليك بطريقة أوضح.
أحيانًا، أصعب جلسة في حياتك هي جلسة مواجهة الذات؛اللي تهرب منها بأبسط الأسباب؛... لكنها أكثر جلسة حتغيّرك، لبوابة الفهم الحقيقي..
🔖وديما طيبين....
______________________________________________
#نفسيًا
يوميات طبيب عام - General Physician Diaries👤
