03/10/2025
السلام عليكم 🌷
نبي نقول رأيي بخصوص القطاع الطبي الخاص في بلادنا .
………………
زي ماأنتم عارفين انو دولتنا مش مهتمة بالمراكز العامة من مستشفيات ومستوصفات ومراكز رعاية صحية بشكل عام ،بل انو صاير تهميش كبير لفئة الأطباء والعناصر الطبية المساعدة .
هذا التهميش يتمتل في غياب التشجيع المادي والمكافآت والدورات التدريبية داخل وخارج ليبيا .
ومع ذلك لايزال الطبيب الليبي ينحت في الصخر ،ويشتغل في العام والخاص ويطور من نفسه ويحط في القرش عالقرش مش يسافر (على حسابه الشخصي)طبعا مش يحضر دورات في مصر مثلا ودول أخرى ويروح مفلس ماديا (ومع ذلك فرحان ) لانو عارف نفسه انو استتمر في دماغه .
ويجي مثلا يحط (شقى عمره)ويشارك زميلة اللي وضعه متحندب زيه ويفتحو عيادة او مصحة يوفرولك بيها خدمات وأجهزة ممكن أول مرة تدخل البلاد!
تطور إيجابي رائع يشهده القطاع الخاص وخصوصا طب الأسنان ،قفز قفزة رائعة من أجل توفير أفضل الخدمات ليك كا مواطن ليبي ،
بعد هدا كله يجيك المواطن ويقولك مافيش طب في ليبيا ومافيش أطباء بس لانو يشوف فيك استغلالي لانك مطور من نفسك في القطاع الخاص ومش عابي عالدولة !
ماهي تونس 🇹🇳 الطب تتطور فيها بفضل القطاع الخاص ،جيبولي ليبي واحد من اصل 7مليون يعاين غادي في القطاع العام !
مش الكل يدفع في دم قلبه غادي ،ومش حاسس بالاستغلال !
د.هناء المعلول
