رمضان الغزواني

28/11/2025

التهاب الجيوب الأنفية | الجزء الأول 1️⃣

28/11/2025

خطأ يومي يسبب لك صداع أو إرهاق… وأنت مش واخد بالك خصوصاً توا في الشتاء ‼️

في ناس تعاني من صداع، إرهاق، وخمول طول اليوم… والسبب بسيط جداً
انك تشرب اقل من احتياج جسمك للماء ❌

الجفاف يسبب:
صداع
تركيز ضعيف
جفاف في الفم
إرهاق بدون سبب
دقات قلب سريعة

المفروض تشرب من لتر و نص لل2 لتر ✅
تزيد الكمية لو كنت تتريض✅
و شوف لون البول ، لو غامق معناها جسمك عطشان❌

هل تشربوا كويس ولا مهملين ؟ 🙂

27/11/2025

ربي يبارك ماشاءالله

🎉🎊 🎊🎉

#قررريباً_جداً_إن_شاءالله... ...
{وَزَكَرِيّا إِذْ نَادَىَ رَبّهُ رَبِّ لاَ تَذَرْنِي فَرْداً وَأَنتَ خَيْرُ الْوَارِثِينَ ۝ فَاسْتَجَبْنَا لَهُ وَوَهَبْنَا لَهُ يَحْيَىَ وَأَصْلَحْنَا لَهُ زَوْجَهُ}...
السلام عليكم ورحمة الله وبركاته...
يسرني أن أعلن لحالاتي ومتابعيني عن تشخيص وعلاج العقم وتأخر الإنجاب والإخصاب المساعد ومتابعة الحمل تحت إشراف #الدكتور إسماعيل الكبير في زليتن بالقرب من مجمع عيادات الحوريات قريبا جداً سعياً منا في التخفيف والتقليل من تعب ومعاناة الإنتظار وللرقي بالخدمات الصحية في ... اللهم إجعلها #فاتحة خير وتحقيق أحلام وفرحة وسرور لنا ولكل زوجين يتمنو الذرية الصالحة يارب العالمين أجمعين 🤲🏻
اللهم أرزق كل محروم ومشتاق بالذرية الصالحة عاجلاً غير آجلاً يارب العالمين أجمعين 🤲🏻

27/11/2025

اسهال الاطفال و الفلاجيل ‼️

27/11/2025

شن القصة ⁉️
الموضوع يستحق التعمق فيه و دراسته بشكل كافي في ليبيا ‼️

انتشار الأورام بجميع أنواعها في ليبيا ‼️

انتشار العقم و مشاكل الهرمونات ايضاً بشكل كبير ‼️

مش نعرفوا الشيء هذا ضروري نشوفوا عاداتنا اليومية
خصوصاً الأكل و المنتجات الي نستخدموا فيها سواءاً الي تخش ع جسمنا أو حتى تنحط ع الجلد الخارجي راه 🫠

باذن الله نحاول ندير دراسة و استطلاع رأي بسيط للموضوع هذا
و حنديرلكم سلسلة فيديوهات توعوية بالخصوص

ساعدوني في التعليقات شن ممكن يكون سبب انتشار الامراض هادي ⁉️

26/11/2025

المضاد الحيوي مش علاج للبردة
نقطة و انتهى الكلام 🙂

25/11/2025

أكثر مسكن آمن طبقاً للدراسات و منظمات الصحة العالمية 👌🏻💊

#وجع #مسكن #صحة #الم #ليبيا #طرابلس

25/11/2025

موضوع البلاستك خطير هلبا في حياتنا ان شاءالله حيكون ليا فيديوهات للحديث عن الموضوع هذا ‼️

24/11/2025

هل الكلام هذا حقيقي ؟
نبوا حد يأكدلنا

كان في منه فعلاً والله مصيبة ، يعني بدل نزيدوا نتطوروا قعدنا للخلف ، عالقين انديترو 💔🫠

23/11/2025

الى متى الاستهتار بحياة المواطن ‼️

المشكلة الموضوع بسيط و الحل بسيط
يا حسن خطك يا اما دير وصفة مطبوعة

الحل بسيط و يعطي نتيجة ممتازة و نفتكوا من هلبا مشاكل و أخطاء مع المرضى 🫠‼️

في وصفات يتحملن الخطأ لكن في وصفات و أدوية الغلطة بورطة فيها حياة و موت

منعرفش من الجهة المسؤولة عن انه ادير قرار زي هكي
لكن مفروض وزارة الصحة تهتم بالجانب هذا

و نأمل فيهم خيراً ان شاءالله

23/11/2025

شن المصيبة هادي الي انحلت علينا 💔🫠

راه لما تقول مستشفى يعقم بمعقم مضروب معناها المرض و العدوى منتشرة بين المرضى

معناها البكتيريا تلعب 9 في الناس ‼️

ضروري من التأكد من جودة المعقمات لان والله شيء مهم هلبا هلبا هلبا ، ان شاءالله الرقابة تنهي الموضوع هذا و يكون في حزم و شدة أكثر

و نسأل الله ان يهدي البلاد و العباد 🤲🏻💙