Beldi Space فضاء البلدي

فضاء البلدي: صحة و جمال من الطبيعة

سلمان و هدى، زوجين شابين ساكنين فمدينة القنيطرة. و بحال أغلب الزيجات الحديثة 👩‍❤‍👨، كانو متعودين ياكلو أحيانا على برا، ينعسو معطلين، يشريو تشيبس...و بزاف ديال العادات الغذائية السيئة. مع مرور الوقت بداو كيحسو ببعض الإضطرابات الصحية😟: مرة مشكل فالهضم، مرة فالجلد، العياء و الستريس..و زيد و زيد. دكشي علاش خداو قرار يديرو سطوب لماكلة الزنقة🤚 و سطوب لعشوائية 🤚و يبدلو مجهود باش يغيرو نمط العيش ديالهم كامل، لأنهم باغيين يحافضو على صحتهم و بالتالي يعيشو مرتاحين و بالأخص باش وليداتهم مستقبلا يطلعو مزيانين...👼👨‍👩‍👧‍👦 هكدا بدا سلمان و هدى كيسمعو لنخبة من المختصين في علم التغذية الي غيرو فحياتهم بزاف د الحاجات، أولها أنهم نقصو بزاف من السم الأبيض(السكر💣) على أمل يجي نهار يتخلاو عليه فمرة، ثم قطعو عهد باش يمارسو الرياضة و يحاولو يتخلاو على المواد المصنعة. و نزيدكم، هدى قررات تلوح جميع مساحيق التجميل و المواد الكيماوية لي كتستعمل فالحمام من شمبوان و جيل دوش و غيرهم و تعوضهم بمنتوجات طبيعية...

فالحقيقة، اتخاذ القرار كان أول خطوة و تحدي كبير بالنسبة لهم، لكن المشكل الأكبر لي واجهم هو العثور عن البديل. الحاصول داكشي الطبيعي و البلدي قليل فمدينتهم... كان هدا هو الدافع الرئيسي لي خلاهم يحلمو بواحد الفضاء مستوحى ١٠٠% من الطبيعة ولي يقدر يوفر ليهم كل ما هو مفيد للصحة و الجمال ديالهم. قلبو عليه فمدينتهم...والو...المواصفات لي بغاو ماكيناش...و نظرا للعزيمة القوية و الرغبة في التغيير لي عندهم قررو باش هما بنفسهم يخلقو هاد الفضاء ليهم و لكاع الشباب و الناس بحالهم لي بغاو يحافضو على صحتهم و يبانو دائما في أبهى هيئة و أحسن حال، و يطوروه شوية بشوية حتى يولي تماما كيفما تخيلوه. كانت هدي هيا الإنطلاقة ديال فضاء البلدي Beldi Space لي غدي يوفر ليكم كل ما هو طبيعي و مفيد لصحتكم و جمالكم.💪 🧠 ❤️

فالواقع Beldi Space هو أيضا فضاء للإرشادات و تقديم المعلومات القيمة، و هدى و سلمان غادي يديرو ما فجهدهم باش ينصحوكم و يساعدوكم على اختيار الأفضل للصحة و الجمال ديالكم و على تجاوز بعض المشاكل الصحية لي تقدر تواجهكم.

مرحبا بكم عند فضاء البلدي

 ...