SDSP Morondava

04/03/2026

Ny mpianatra 3 ème tao amin'ny CEG Centre indray no nanaovana fanentanana mahakasika ny VIH/SIDA sy Mpox androany Alarobia 04/03/26. Andriamatoa Médecin Inspecteur, ny Tompon'andraikitra ny fahasalamana ara-pananahana ary ny Tompon'andraikitra ny fampiroboroboana ny fahasalamana eto amin'ny distrika Morondava no nanatanteraka ny fanentanana.
▶️ Nohamafisina nandritra izany ny Famporisihana azy ireo tsy hiditra amin'ny firaisana ara-nofo na hampiasa kapaoty hiarovana amin'ny IST/VIH, ny vohoka aloha loatra sy ny vohoka tsy irina.
▶️ Nohazavaina tamin'izy ireo fa ny fitiliana irery ihany no ahafantarana fa mitondra tsimok'aretina VIH ny olona iray na tsia.
▶️ Nampahafantarina azy ireo fa CSB sakaizan'ny tanora ny CSB2 Morondava ary afaka mandray n'y tanora isaky ny Alarobia hariva.
▶️ Nentanina izy ireo mba hanaja ny fepetra sakana mba tsy hiparitahan'ny Mpox ary hanatona tobim-pahasalamana raha sendra misy soritr'aretina mampiahiahy.
▶️ Voaentana : lahy 70, vavy 77
Ho tatitra
PF Com Morondava

03/03/2026

Anio Talata 03/03/26, Mialoha ny visite médicale ny mpianatra kilasy terminale, miisa 139, ao amin'ny Lycée Privée Catholique Saint Paul Namahora Morondava,dia nanao fanentanana mahakasika ny VIH/SIDA sy Mpox ny ekipa EMAD izay notarihin'Atoa Médecin Inspecteur, nahitana ny Tompon'andraikitra ny fahasalamana ara-pananahana sy ny Tompon'andraikitra ny fampiroboroboana ny fahasalamana eto amin'ny distrika.
Nampahafantarina azy ireo :
👉Ny atao hoe VIH/SIDA sy Mpox, ny fisehony, ny fomba fifindràny, ny fisorohana ary ny tokony hatao raha sendra misy soritr'aretina mampiahiahy.
👉 Nohamafisina fa ny fitiliana irery ihany no ahafantarana na mitondra ny tsimok'aretina VIH ny olona iray na tsia.
👉 Nentanina izy ireo hampihatra ireo fepetra sakana mba tsy hiparitahan'ny valan'aretina Mpox, hampiasa kapaoty hiarovana amin'ny IST/VIH/SIDA sy ny vohoka tsy irina.
👉 Nampahafantarina azy ireo ihany koa fa ny CSB2 Morondava dia sakaizan'ny tanora afaka mandray raha misy olana.

26/02/2026

🛑CSB2 BEMANONGA SDSP MORONDAVA 🛑
Nototosaina anio alakamisy 26/2/26 ny regroupement AC volana février
Namafisina ny fitazonana ny traikefa tsara nahatsara ny vakisiny ho an'ny Zaza 0-23 mois,namerenana ireo asan'ny AC ary fandrafetana ireo fandaharam potoana eo amin'ny Toby mandritra n'y taona 2026,ny famenoana ny boky fotsy ara potoana

Ny fiaraha miasa eny ifotony homena lanja bebekokoa
Natao ihany koa ny fanentanana am MPox,palu, grippe ary n'y fivalanana

Mizotra tsara ihany koa ny VOAMAMI,ary efa nisy ny fizarana tombontsoa amin'ny jiro
Natao ho tatitra tompoko

23/02/2026

Nanatanteraka fanentanana tao amin'i RNM/TVM Kolondoy Morondava ny Médecin Inspecteur sy ny tompon'andraikitra fampiroboroboana ny fahasalamana distrika anio Alatsinainy 23/02/26, izay hatao isaky ny Alatsinainy.
Ny Gripa sy ny MPOX no nanaovana fanentanana. Nampahafantarina ny mpihaino/mpijery ny antony mahatonga azy, ny fisehony, ny fomba fifindràny ary notsindriana mafy ny fisorohana mba tsy hampiparitahan' ny aretina.
👉 Nentanina ny mpihaino/mpijery mba tsy hisalasala hanatona tobim-pahasalamana raha misy soritr'aretina fa vonona handray azy ireo ny mpiasan'ny fahasalamana.
👍 Mankasitraka ny ekipa EMAD sy ny mpanao gazety nampiaina ny fandaharana.
Ho tatitra
PFcom Morondava

23/02/2026

🇲🇬 AKON'NY FANANGANAN-TSAINA 🇲🇬 anio Alatsinainy 23/02/26 tao amin'ny CSB2 Morondava izay teo ambany fitarihan'Atoa Médecin Inspecteur, nahitana ireo EMAD sy ny personnel avy ao amin'ny CSB2 Bemanonga, Befasy ary Morondava.
🙏 Taorian'ny firedonana ny hiram-pirenena dia nitondra am-bavaka ny asa hatrehina mandritra ity herinandro ity ny Solotena avy ao amin'ny CSB2 Morondava.
🎤 Nandritra ny fandraisam-pitenenana nataon'Atoa Médecin Inspecteur no nanaovana tatitra mahakasika ny fivoriana izay natrehin'izy ireo tany Fianarantsoa.
🎤Nohamafisiny hatrany ny Fanajana ny standard de service : ora fiasana izay tokony hahafeno 8 ora isan'andro ka tsy maintsy atao peta-drindrina ho hitan' izay manatona CSB. Nentanina ihany koa ny rehetra hanao mis à jour ny badge. Hapetraka any am topcom ny matrice ka samy manamboatra ny azy. Mila manao fanamiana izay mampiavaka azy ny tsirairay: médecin, infirmier, sage-femme, personnel d'appui,...

Ho tatitra

19/02/2026

Mitohy hatrany ny fanentanana mahakasika ny fiarovana tsy hiparitahan'ny Mpox ato amin'ny distrika Morondava. Manoloana izany dia ny FKT Avaradrova sy ny bazary bé FKT Morondava Centre no nanatanterahana ny fanentanana androany Alakamisy 19/02/26. Ny solotenan'ny Ben'ny Tanàna eto Morondava, ny Chef FKT Avaradrova, ny avy ao amin'ny population, ny mpanao gazety ary ny ekipa EMAR/EMAD no niara-nifarimbona ka nampahafantarina ireo nanatrika nandritra izany ny :
🎤 Famaritana ny atao hoe Nendran-drajako, ny fomba fifindràny, ny fisorohana ary ny tokony hatao raha sendra misy tranga hafahafa mampiahiahy.
🎤Notsindriana manokana fa aretina tsy mahamenatra izy io ka tokony tsy hisalasala manatona tobim-pahasalamana raha misy soritr'aretina.
🎤 Nohamafisin'ny avy ao amin'ny population fa tsy tokony hailikilika izay voany fa herisetra izany.
Mankasitraka ny ekipa rehetra
PFcom Morondava

12/02/2026

Salama iaby, anio Alakamisy 12/02/26, Nisy ny fiaonana teo Medecin Inspecteur , EMAD Ary ny Chef CSB 18 manerana ny SDSP MORONDAVA. Nisongadina tamin'izany ny :
👉Fifankahafantarana eo amin'ny MI vaovao sy ny Chef CSB.
👉 Fametrahana ny lamina sy fomba fiasa vaovao. Entanina ny Chef CSB hanaja ny antanantohatra raha misy tatitra halefa indrindra ny fifanajana eo amin'ny samy mpiara-miasa ho antoky ny fifankatiavana sy fahombiazana.
👉Fampahatsiahivana ireo tatitra tsy maintsy alefan'ireo CSB isan-kerinandro sy isam-bolana izay nohamafisin'ny EMAD.
👉Jeritodika mahakasika ny vokatra vaksiny nandritra ny taona 2025 ka nilazana ny Catégorie n'ny CSB tsirairay. Nanazava ny olana sedrainy izy ireo ary noezahina novahana izay azo novahana. Noresahina ihany koa mahakasika ny surveillance MEV

08/02/2026

Shout out to my newest followers! Excited to have you onboard! Hajatiana Séraphin, Jüst Ønē

05/02/2026

👉Fahasalama manakaiky vahoaka
🛑Hita sy tsapa fa nihanitombo ny Taha ny olona voan'ny tazomoka Tonga mamonjy ny CSB2 Bemanonga SDSP MORONDAVA. Tonga nanao be midina ny Mpiasa fahasalamana izay notarihin'i Medecin Inspecteur nanao fizahana ifotony tany amin'i Fokontany Tsitelo.

🛑Nisy tolotra ara-pahasalamana toy ny
✔️Fitsaboana ireo marary n'y tazomoka Ary maimaimpoana n'y fanafody
✔️fanaovambaksiny ho an'ireo Zaza latsaky ny 5 taona

🛑Namafisina ireo fepetra sakana amin'ny ady :
✔️tazomoka
✔️MPOX

05/02/2026

Un grand merci à mes nouveaux followers ! Hajatiana Séraphin, Jüst Ønē

02/02/2026

01/02/2026