Hpa-An WAD Quiz-2020

30/11/2021

မနက်ဖန်
ဒီဇင်ဘာလ တစ်ရက်နေ့ ဆိုတော့. . .

17/09/2021

Group လေးမှာ activity မရှိတာ ကြာပြီ ဆိုပေမယ့်

မင်မင်တို့က HIV ပိုး ရှိသူများ
အတွက် စဥ်ဆက်မပြတ် ဆေးဝါး ထောက်ပံ ပေးလျက်ပါနော်

ဒါပေမယ့် HIV ပိုး မဝင်ရောက်အောင်
မျိုးဆက်ပွား ကျန်းမာရေး စောင့်ရှောက်နိုင် ရင် အကောင်းဆုံးပါ

LGBT များ အပါအဝင် လူငယ်များ အတွက်
မျိုးဆက်ပွားကျန်းမာရေး စောင့်ရှောက်မှုက မင်မင်ရဲ့ အထူးပြု ဘာသာရပ် ဖြစ်ပါတယ်

မျိုးဆက်ပွား ကျန်းမာရေးကို ကျောင်းသင်ခန်းစာထဲမှာလည်း ပါဝင်တာမို့ ခုလို ကျောင်းတွေ မဖွင့်သေးတဲ့ အချိန် မိဘက ဖတ်ရှုပြီး သားသမီးကို သင်ကြားပေးသင့်ပါတယ်နော်

အဆင်မပြေတာရှိရင် မိဘတွေကzoom class လေး ဖွင့်ရင် သင်ချင်ကြလား သိချင်ပါတယ်ရှင့်

15/09/2021

အေအာတီ ဆေးဝါး

မပြတ်ဖို့
တစ်ဦးနဲ့ တစ်ဦး လက်တွဲကူစို့

27/01/2021

Covid-19 vaccines and HIV

ပိုးကူးစက်ခံနေရသူများအတွက် Covid-19 vaccines ကာကွယ်ဆေးတွေဟာ အန္တရာယ်ကင်းရဲ့လား

လက်ရှိ စမ်းသပ်ထုတ်လုပ်ဆဲ နှင့် သုံးစွဲရန် အတည်ပြုပြီးသော Covid-19 vaccines ကာကွယ်ဆေးများသည် အိပ်ချ်အိုင်ဗွီပိုးကူးစက်ခံနေရသူများ အပါအဝင် လူအများစုအတွက် လုံခြုံစိတ်ချရပြီး အန္တရာယ်ကင်းသည်ဟု ယုံကြည်ရသည်။

Covid-19 vaccines ကာကွယ်ဆေးများကို စမ်းသပ်ကာလမှ လူသားများတွင် သုံးစွဲရန်အတွက် တိုးမြှင့်ထုတ်လုပ်ခြင်း မပြုလုပ်မီ အထိ သက်ဆိုင်ရာပညာရှင်များမှ လူအများစုတွင် သုံးစွဲရန် လုံခြုံစိတ်ချရမှု ရှိ/မရှိ ဆေးအမျိုးအစား တစ်ခုချင်းစီ၏ အချက်အလက်များကိုပြန်လည်စစ်ဆေးအတည်ပြု (data review) ပြီးဖြစ်သည်။ အဆိုပါ data review အရ Covid-19 vaccines ကာကွယ်ဆေး ထိုးနှံခြင်းကြောင့် အိပ်ချ်အိုင်ဗွီပိုးကူးစက်ခံနေရသူသည် အခြားသူများထက် ပိုမိုအန္တရာယ်ရှိကြောင်း အချက်အလက် အထောက်အထားများ မတွေ့ရှိရပါ။

အဆိုပါ ကာကွယ်ဆေးများတွင် SARS-CoV-2 (COVID-19 ကိုဖြစ်ပေါ်စေသောဗိုင်းရပ်စ်) မှမျိုးရိုးဗီဇပစ္စည်းအချို့ပါဝင်သည်။ ၄င်းတို့မှ လူ့ကိုယ်ခံစွမ်းအားစနစ်ကိုမြှင့်တင်ပေးသည့် ပဋိပစ္စည်း (antibodies) များ ထုတ်လုပ်နိုင်ရန်ကူညီပေးပြီး ရောဂါပိုးကူးစက်မှု ကိုဖြစ်ပေါ်စေသည့် SARS-CoV-2 spike protein များနှင့် လူသား ဆဲလ်များ တွယ်ကပ်ခြင်း (binding to human cells) မှကာကွယ်ပေးမည်ဖြစ်သည်။

လက်ရှိ စမ်းသပ်ထုတ်လုပ်ဆဲ နှင့် သုံးစွဲရန်အတည်ပြုပြီးသော Covid-19 vaccines အားလုံးသည် live attenuated vaccines များမဟုတ်သည့်အတွက် virally suppressed မဖြစ်သေးသော HIV ပိုးကောင်ရေများနေသည့် PlHIV များသာမက လူ့ခန္တာကိုယ် ကိုယ်ခံစွမ်းအားစနစ် ချို့ယွင်းနေသူများအတွက်ပါ လုံခြုံစိတ်ချရမှုရှိသင့်သည်။

ကာကွယ်ဆေးအတွက်စမ်းသပ်မှု (trials) အချို့မှာတောင်အာဖရိကကဲ့သို့သောအိပ်ခ်ျအိုင်ဗွီကူးစက်/ဖြစ်ပွါးမှုများသောနိုင်ငံများ တွင်ပြုလုပ်သည့်အတွက် အိပ်ချ်အိုင်ဗွီပိုးကူးစက်ခံထားရသော PLHIV များပါ အဆိုပါ trials များတွင်ပါ၀င်မည်ဖြစ်သည်။ သို့သော်အချို့သောစမ်းသပ်မှု (trials) များတွင် အိပ်ချ်အိုင်ဗွီပိုးကူးစက်ခံနေရသူများကို ကြိုတင်ကာကွယ်သည့်အနေဖြင့် ချန်လှပ်ထားခဲ့သည်။

အခြားကာကွယ်ဆေး အများစုကဲ့သို့ပင် COVID-19 vaccines ကာကွယ်ဆေးထိုးပြီးနောက်ရက်အနည်းငယ်အတွင်းအချို့သောလူများတွင် ဆေးထိုးခံထားရသည့် လက်မောင်း တစ်ဝိုက် နီရဲခြင်း၊ နာကျင်ခြင်း၊ မအီမသာဖြစ်ခြင်း၊ ငွေ့ငွေ့ဖျားခြင်း စသည့် ယေဘူယျ လက္ခဏာများခံစားရနိုင်သည်။ အရေအတွက် အလွန်နည်းသော လူတချို့တွင်သာ ပြင်းထန်သောဓာတ်မတဲ့မှု (serious allergic reaction) များကြုံတွေ့ရနိုင်ပြီး၄င်း ဓာတ်မတဲ့မှုကို အရေးပေါ် manage လုပ်နိုင်ရန်အတွက် ကာကွယ်ဆေးထိုးပြီးနောက် ဆေးရုံ ဆေးခန်းများတွင် ၁၅ မိနစ်မှ မိနစ် ၃၀ အထိ အနီးကပ်စောင့်ကြပ်ကြည့်ရှုသင့်သည်။ အိပ်ခ်ျအိုင်ဗွီပိုးကူးစက်ခံထားရသူများအနေဖြင့် အခြားသာမာန်လူများထက်ပို၍ (အသင့်အတင့်သို့မဟုတ်ပြင်းထန်သော) ဓာတ်မတဲ့မှုများ ဖြစ်ပေါ်စရာအကြောင်းမရှိပါ။

ကာကွယ်ဆေး၏ပြင်းထန်သောဘေးထွက်ဆိုးကျိုးများမှာအလွန်တွေ့ရခဲသောကြောင့် ၎င်းတို့သည်ကာကွယ်ဆေးထိုးမှုခံယူမည့် ပထမ ဦးဆုံးလူများတွင်မတွေ့ရှိနိုင်ပါ။ သို့သော် ရှားရှားပါးပါးကြုံတွေ့ရနိုင်သည့် ဘေးထွက်ဆိုးကျိုးများကို ပြည်သူ့ကျန်းမာရေး ဦးစီးဌာနမှ တာဝန်ရှိသူများနှင့် ကာကွယ်ဆေးထုတ်လုပ် သည့် ကုမ္ပဏီများထံ ပြန်လည်တင်ပြနိုင်ရန်အတွက်စောင့်ကြည့်စနစ်များ (surveillance systems) စီစဉ်ထားရှိပြီးဖြစ်သည်။

ပိုးကူးစက်ခံနေရသူများ COVID-19 vaccines ကာကွယ်ဆေးထိုးသင့်ပါသလား

COVID-19 vaccines ကာကွယ်ဆေးများသည် အခြားသာမာန်လူ တစ်ဦးချင်းစီ နှင့်လူမှုအသိုင်းအဝိုင်းအားလုံးအတွက် အကျိုးကျေးဇူးရှိသလို အိပ်ချ်အိုင််ဗွီပိုးကူးစက်ခံနေရသူများ တွင်လည်း တူညီသော အကျိုးကျေးဇူး ရနိုင်ပါသည်။ ၄င်းကာကွယ်ဆေးများသည် SARS-CoV-2 ကြောင့်ပြင်းထန်သောရောဂါဖြစ်ပွါးမှုမှကာကွယ်ပေးနိုင်သကဲ့သို့ SARS-CoV-2 virus ကူးစက်ခံရမှုကိုလည်း လျှော့ချပေးနိုင် ပါသည်။
လူထုထဲတွင် SARS-CoV-2 virus အရေအတွက် မရှိသလောက်နည်းသွားသည့် အချိန်အထိ ကြိုတင်ကာကွယ်သည့် အလေ့အထများ (တစ်ဦးနှင့်တစ်ဦးခပ်ခွါခွါနေခြင်း၊ လက်မကြာခနဆေးခြင်း၊ မျက်နှာဖုံးနှင့် ပါးစပ်နှာခေါင်းစည်းများတပ်ခြင်း)ကို
ဆက်လက်လုပ်ဆောင်ဖို့လိုနေဦးမည်ဖြစ်သည်။

အိပ်ချ်အိုင်ဗွီပိုးကူးစက်ခံထားရသူများအနေဖြင့် ထိရောက်သော အေအာတီကုထုံး (antiretroviral therapy) ဖြင့်ကုသမှုခံယူသင့်သည်။ သို့မှသာ သာမာန်လူများကဲ့သို့ ကျန်းမာစွာနေနိုင်ပြီး အခြားသူများသို့ ထပ်မံကူးစက်မှုကို ကာကွယ်ပေးနိုင်မည်ဖြစ်သည်။



The National AIDS Program

Ref:

The COVID-19 vaccines under development or approved by regulators are believed to be safe for most people, including people living with HIV. This document is also available in Arabic

23/12/2020

ကျန်းမာရေး ဝန်ထမ်းများ အတွက်

သီးသန့် ပြိုင်ပွဲလေးပါ

ကရင်ပြည်နယ်က ဆု ဆွတ်ခူးနိုင်ပါစေနော်

https://m.facebook.com/story.php?story_fbid=4070509249645016&id=199295433433103

အခြေခံကျန်းမာရေးဝန်ထမ်းပညာရှင်များ၏ ကျန်းမာရေးစောင့်ရှောက်မှု အထောက်အကူပြု Mobile Tablet အသုံးပြုနိုင်မှုစွမ်းရည်ပြိုင်ပွဲကျင်းပသွားမည်
(၂၀၂၀) ပြည့်နှစ်၊ ဒီဇင်ဘာလ (၂၃) ရက်နေ့

ကျန်းမာရေးနှင့်အားကစားဝန်ကြီးဌာနသည် ပြည်သူများ၏ ကျန်းမာရေးအသိပညာ မြင့်မားတိုးတက်လာစေရန်၊ ကျန်းမာရေးဝန်ထမ်းများ၏ လုပ်ငန်းစွမ်းဆောင်ရည်များအား မြှင့်တင်နိုင်ရန်နှင့် ပြည်သူ့ကျန်းမာရေးစောင့်ရှောက်မှုလုပ်ငန်းများ ပိုမိုထိရောက်အောင်မြင်စွာ ဆောင်ရွက်နိုင်ရန် နှင့် သတင်းအချက် အလက်နှင့် ဆက်သွယ်ရေးနည်းပညာ (ICT) ကို အသုံးချနိုင်သည့်စွမ်းရည်များ ပိုမိုတိုးတက်မြင့်မားလာစေကာ နိုင်ငံတော်မှ အကောင်အထည်ဖော်နေသော e-Government စနစ် ပီပြင်အောင်မြင်စေရန် ရည်ရွယ်၍ တိုင်းဒေသကြီး/ ပြည်နယ်အသီးသီးမှ အခြေခံကျန်းမာရေးဝန်ထမ်းပညာရှင်များ ထံသို့ ကျန်းမာရေးစောင့် ရှောက်မှု အထောက်အကူပြု Mobile Tablet များ ဖြန့်ဝေခဲ့ပါသည်။ Mobile Tablet များ ကို မြို့နယ်ပြည်သူ့ကျန်းမာရေးနှင့် ကုသရေးဦးစီးဌာနမှူးများနှင့် တိုက်နယ်ဆရာများထံသို့ (၁,၀၁၃)လုံးနှင့် အခြေခံကျန်းမာရေး ဝန်ထမ်းပညာရှင်များ ထံသို့(၂၆,၀၄၉) လုံးဖြန့်ဝေပေးပြီးဖြစ်ပါသည်။

ရွေ့လျားစာကြည့်တိုက်သဖွယ် အသုံးပြုနိုင်ရန်အဆိုပါ Mobile Tablet များတွင် အခြေခံကျန်းမာရေး ဝန်ထမ်းများအတွက် လုပ်ငန်းလမ်းညွှန်နှင့် ကျန်းမာရေးအသိပညာပေး စာအုပ်များ၊ပြည်သူများအတွက် ကျန်းမာရေးသတင်းအချက်အလက်များနှင့် ကျန်းမာရေး စောင့်ရှောက်မှုဆိုင်ရာMobile Application များကိုထည့်သွင်းပေးထားပါသည်။
ဝန်ကြီးဌာနအနေဖြင့် (၂၀၂၁) ခုနှစ်၊ ဇန်နဝါရီလနှင့် ဖေဖော်ဝါရီလတို့တွင် အခြေခံကျန်းမာရေး ဝန်ထမ်းပညာရှင်များ၏ Mobile Tablet တွင် ပါဝင်သောကျန်းမာရေး ဆိုင်ရာ စောင့်ရှောက်မှုဆိုင်ရာအချက်အလက်အကြောင်းအရာများကိုလေ့လာဖတ်ရှုထားမှု နှင့် Mobile Tablet အသုံးပြုနိုင်မှု စွမ်းရည်ပြိုင်ပွဲကို ကျင်းပသွားမည် ဖြစ်ပါသည်။
အခြေခံကျန်းမာရေးပညာရှင်များကို အောက်ပါအတိုင်းအုပ်စု (၃) ခုခွဲ၍ ပြိုင်ပွဲများကို ကျင်းပ သွားမည်ဖြစ်ပါသည်။

• အုပ်စု (၁) လက်ထောက်ကျန်းမာရေးမှူးများ၊ အမျိုးသမီးကျန်းမာရေးဆရာမများနှင့် ပြည်သူ့ကျန်းမာရေးကြီးကြပ် (၁)များ၊

• အုပ်စု (၂) သားဖွားဆရာမများ၊

• အုပ်စု (၃) ပြည်သူ့ကျန်းမာရေးကြီးကြပ် (၂) များ

ပြိုင်ပွဲပထမအဆင့်ကို Mobile Tablet များတွင်ပါဝင်သော ကျန်းမာရေး စောင့်ရှောက်မှုဆိုင်ရာအကြောင်းအရာ ဗဟုသုတသိမှတ်ဖွယ်ရာများကို အွန်လိုင်း မေးခွန်းလွှာဖြင့် စစ်ဆေးကာရမှတ်အများဆုံး (၁၅) ဦးကို ပဏာမ ရွေးချယ်သွား မည်ဖြစ်ပါသည်။

ဒုတိယအဆင့် အနေဖြင့် ပဏာမရွေးချယ်ထားသော (၁၅) ဦးကို Mobile Tablet အား လက်တွေ့ကျွမ်းကျင်စွာအသုံးပြုနိုင်မှုစွမ်းရည်အား စစ်ဆေးကာဆုရရှိသူများကို ရွေးချယ်သွား မည် ဖြစ်ပါသည်။

ဆုရရှိသူများကိုထိုက်တန်စွာဆုချီးမြှင့်သွားမည်ဖြစ်ကာ -

• ပထမဆု - (၅ ) သိန်း ကျပ်

• ဒုတိယဆု - (၃ ) သိန်းခွဲ ကျပ်

• တတိယဆု - (၂ ) သိန်းခွဲ ကျပ်

• နှစ်သိမ့်ဆု - (၁ ) သိန်းကျပ် သတ်မှတ်ချီးမြှင့်သွားမည်ဖြစ်ပါသည်။

အခြေခံကျန်းမာရေးပညာရှင် အုပ်စု အမျိုးအစား အလိုက် ၊ တိုင်းဒေသကြီး/ ပြည်နယ် (၁) ခုချင်းစီအလိုက် ပြိုင်ပွဲများကို ကျင်းပပြုလုပ်သွားမည်ဖြစ်ပါသည်။ သက်ဆိုင်ရာတိုင်းဒေသကြီး/ ပြည်နယ်အလိုက်ပြိုင်ပွဲပြုလုပ်မည့်နေ့ရက်နှင့် အစီအစဉ်များကို ထပ်မံထုတ်ပြန် ပေးသွား မည်ဖြစ်ပါသည်။

ကျန်းမာရေးနှင့်အားကစားဝန်ကြီးဌာန

10/12/2020

စကားသံလေးများ