Mandalay Genius Hub

01/12/2025

💁🏻‍♀️မိဘအုပ်ထိန်းမှုပုံစံနှင့်ကလေးရဲ့ကိုယ်ရည်ကိုယ်သွေး။

ကလေးပြုစုပျိုးထောင်မှုအကြောင်းပြောကြမယ်ဆိုရင် Nature & Nurture ဆိုတဲ့ဗီဇနဲ့ပတ်၀န်းကျင်ကို အရေးကြီးတဲ့အချက်အနေနဲ့ထည့်သွင်းစဉ်းစားဖို့လိုပါတယ်။ ဗီဇဟာပိုအရေးကြီးသလား ပတ်၀န်းကျင်ကပိုအရေးပါသလားဆိုရင်တော့ နှစ်ခုလုံးအရေးကြီးပြီး တစ်ခုတည်းသီးခြားခွဲထုတ်လို့မရနိုင်ပါ။ ဥပမာ-ချို့တဲ့အားနည်းတဲ့ဗီဇတစ်ခုဟာ ပတ်၀န်းကျင်ကောင်းရဲ့အကျိုးကျေးဇူးကိုအပြည့်အ၀မရရှိနိုင်သလိုဗီဇကောင်းတစ်ခုဟာလည်းပတ်၀န်းကျင်ကြောင့်ဖွံ့ဖြိုးတိုးတက်မှုနှေးကွေးနောက်ကျနေနိုင်ပါတယ်။

ကလေးပြုစုပျိုးထောင်သူ မိဘ ဆရာ ဆရာမများအနေနဲ့ ဗီဇဆိုတဲ့အရာကိုမပြုပြင်နိုင်ပေမယ့် ပတ်၀န်းကျင်ကောင်းဖန်တီးပြီးကလေးများကို ကူညီပျိုးထောင်နိုင်ပါတယ်။ ပတ်၀န်းကျင်အကြောင်းပြောတဲ့နေရာမှာဇီ၀ပတ်၀န်းကျင်လို့ခေါ်တဲ့ အစာအာဟာရပြည့်၀မှု ကျန်းမာရေးစောင့်ရှောက်မှု ဆေးဝါးပံ့ပိုးမှု စသည်တို့မှလူမှုပတ်၀န်းကျင်လို့ခေါ်တဲ့ မိသားစု ရွယ်တူအုပ်စု ကျောင်း ရပ်ရွာအဖွဲ့အစည်း ယဉ်ကျေးမှုဓလေ့ထုံးစံအထိ ပါ၀င်ပါတယ်။

အခုဆွေးနွေးမယ့် အကြောင်းအရာကတော့ လူမှုပတ်၀န်းကျင်ထဲမှတစ်ခုဖြစ်တဲ့ မိဘအုပ်ထိန်းtမှုပုံစံအကြောင်းဖြစ်ပါတယ်။ မိဘအုပ်ထိန်းမှုပုံစံအမျိူးမျိူးရှိတဲ့အထဲမှ အဓိကပုံစံလေးမျိုးကိုတင်ပြပါမယ်။ အဲဒါတွေကတော့..

၁။ Authoritarian Parenting Style (အာဏာရှင်ဆန်တဲ့မိဘအုပ်ထိန်းမှုပုံစံ)

၂။ Authoritative Parenting Style (စည်းကမ်းနည်းလမ်းကောင်းနှင့်မျှတတဲ့မိဘအုပ်ထိန်းမှုပုံစံ)

၃။ Neglectful Parenting Style ((သူစိမ်းလို မိဘအုပ်ထိန်းမှုပုံစံ)

၄။ Indulgent Parenting style
(အချစ်ပို၍နစ်စေ သော မိဘအုပ်ထိန်းမှုပုံစံ) တို့ပဲဖြစ်ပါတယ်။

၁။ Authoritarian Parenting Style
(အာဏာရှင်ဆန်တဲ့မိဘအုပ်ထိန်းမှုပုံစံ)
---------------
ဒီအုပ်ထိန်းမှုပုံစံမှာတော့ တင်းကျပ်တဲ့ထိန်းချုပ်မှုတွေ အပြစ်ပေးမှုတွေနဲ့ ပြည့်နေတတ်ပါတယ်။ အရာရာကိုစောဒက တက်ခြင်း မေးမြန်းခြင်း ဆွေးနွေးခြင်းမရှိဘဲ မိဘရဲ့ ဆန္ဒအတိုင်းလုပ်ဆောင်ရပါတယ်။က လေးရဲ့ ဆန္ဒ ခံစားချက် သ ဘောထားများကို ထုတ်ဖော်ပြောဆိုခွင့်မရှိ သ လောက် နည်းပါတယ်၊အဲဒီအုပ်ချုပ်မှုပုံစံအောက်မှာ နေရတဲ့ က လေးများဟာရွှင်ပျမှုမရှိဘဲ ကြောက်ရွံ့အားငယ်နေတတ်ပြီး တစ်ခါတစ်ရံမှာကြမ်းတမ်းခက်ထန်တဲ့ ကိုယ်ရည်ကိုယ်သွေးမျိုးရှိ နေတတ်ပါတယ်။ ပြောဆို ဆက်သွယ်မှုစွမ်းရည်အားနည်းပြီး ဦးဆောင်လုပ်ရမယ့် အရာတွေမှာ အခက်အခဲရှိတတ်ပါတယ်။

၂။ Authoritative Parenting Style
(စည်းကမ်းနည်းလမ်းကောင်းနင့်မျှတတဲ့မိဘအုပ်ထိန်းမှုပုံစံ)
---------------
မျှတတဲ့မိဘအုပ်ထိန်းမှုပုံစံလို့ဆိုတဲ့အတိုင်း က လေးရဲ့ ဆန္ဒ သ ဘော ထား ခံစားချက်များကို အ လေးထားတဲ့ မိဘ အုပ်ထိန်းမှုပုံစံမျိုးဖြစ်ပါတယ်။က လေးရဲ့လွတ်လပ်မှုကို အတိုင်းအတာတစ်ခုအထိ ပေးထားလေ့ရှိပြီး အပြုသ ဘောဆောင်တဲ့စည်းကမ်းဘောင်တစ်ခုတည်ဆောက်ထားတတ်ပါတယ်။ က လေးလုပ်ချင်သည့်ကိစ္စများကို လုပ်ဆောင်ခွင့်ပေးရာတွင်ဖြစ်ပေါ်လာမယ့်ကောင်းကျိုးဆိုးကျိုးများကိုပါတာဝန်ယူတတ်စေရန် သင်ကြားတတ်ပါတယ်။အများလုပ်မျသည်ကိုအပြစ်မတင် ဘဲအ မှားထဲမှ သင်ယူတတ်စေရန် လမ်းညွှန်ပြသ ပေးတတ်သောကြောင့်ကိုယ့်ကိုယ်ကိုယ် ယုံကြည်မှုရှိပြီး စိတ်ဖိစီးမှုများကိုအလွယ်တကူ ဖြေ ဖျောက်နိုင်တဲ့ က လေးများဖြစ်လာပါတယ်။ရွှင်ပျတဲ့ပုံစံ အမှီအခိုကင်းပြီး ရင့်ကျက်တဲ့ကိုယ်ရည်ကိုယ်သွေးများရှိတတ်ပါတယ်။

၃။ Neglectful Parenting(သူစိမ်းလိုမိဘအုပ်ထိန်းမှုပုံစံ)
--------------
ဒီပုံစံက တော့ သူစိမ်းဆန်လှပြီးက လေးကြီးပြင်းမှုတစ် လျှောက်မှာ မိဘရဲ့ပါဝင်ပတ်သက်မှုဟာမရှိသ လောက်နည်းပါးပါတယ်။က လေးကိုအချိန်ပေးမှုမရှိသလို က လေးရဲ့ကောင်းမှုဆိုးမှုအ ပေါ်မှာလည်း စိတ်ဝင်စားမှုနည်းပါးတတ်ပါတယ်။ ဒီလိုမိဘမျိုးရဲ့လက်မှာကြီးပြင်းလာတဲ့ က လေးများဟာ ကိုယ့်ကိုယ်ကိုယ်တန်ဖိုးထားမှုမရှိဘဲ မရင့်ကျက်တဲ့ကိုယ်ရည်ကိုယ်သွေးမျိုးရ ရှိတတ်ပါတယ်။လူမှုဆက်ဆံရေးညံ့ဖျင်းတတ်သလိုမိမိကိုယ်ကိုထိန်းချုပ်နိုင်စွမ်းလည်း အားနည်းတတ်ပါတယ်။

၄။Indulgent Parenting Style(အချစ်ပို၍နစ်စေသော မိဘအုပ်ထိန်းမှုပုံစံ)
---------------
က လေးကိုအလိုလိုက်လွန်းတဲ့အုပ်ထိန်းမှုပုံစံဖြစ်ပါတယ်။စည်းကမ်းဘောင်မရှိသ လောက်ဖြစ်ပြီး က လေးလုပ်ချင်တာမှန်သမျှကို အ ကောင်းအဆိုးမခွဲခြားဘဲ လုပ်ခွင့်ပြုတတ်ပါတယ်။ဒီလိုအုပ်ထိန်းမှုပုံစံဟာ တစ်ကိုယ်ကောင်းဆန်တဲ့ က လေးတွေကိုမွေးထုတ်ပေးတတ်ပါတယ်။အရာ ရာကို မိမိကိုယ်ကို ဗဟိုပြုစဉ်းစားလေ့ရှိပြီး တခြားသူများရဲ့စိတ်ခံစားချက်ကိုလစ်လျူရှုတတ်ပါတယ်။မိမိရဲ့စိတ်လှုပ်ရှားမှုနဲ့ အပြုအမူကိုရိန်းချုပ်နိုင်စွမ်းနည်းပါးတတ်ပြီးလူမှုဆက်ဆံရေးလည်းညံ့ဖျင်းတတ်ပါတယ်။
အထက်ဖော်ပြပါ မိဘအုပ်ထိန်းမှုပုံစံ လေးမျိုးကိုလေ့လာပြီး က လေးပြုစုပျိုးထောင်သူ မိဘ ဆရာများအ နေဖြင့် က လေးတွေကိုကိုယ်ရည်ကိုယ်သွေးကောင်းတွေ တည်ဆောက်ပေးနိုင်လိမ့်မယ်လို့ ယုံကြည်ပါတယ်။

ဦးသူရကျော်
Founder of GENIUS
Early Childhood Educator

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09794298292
☎️09784949946

29/11/2025

🔍ယခုလို "Feedbacks" ကောင်းများအား 100% မိဘများထံမှ ကြားသိရရှိလို့ အတိုင်းမသိ ဝမ်းသာဂုဏ်ယူမိပါတယ်ရှင့်။❣️ ❣️

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09794298292
☎️09784949946

20/11/2025

💁🏻‍♀️ကလေးငယ်များအားသင်ပေးရမည့် လူမှုကျင့်ဝတ်များ

1. တခုခုလိုအပ်လို့ တောင်းဆိုရင် "ကျေးဇူးပြု၍" (Please) ဆိုတဲ့စကားကိုပြောတတ်အောင်သင်ပေးပါ။
2. တစုံတယောက်က ကိုယ့်ကိုအကူအညီပေးရင် "ကျေးဇူးပါ" (Thank You) လို့ အမြဲပြောပါ။
3. ပစ္စည်းတခုခုလက်ခံရရှိရင်လဲ အမြဲ "ကျေးဇူးတင်ပါတယ်" (Thank you) လို့ပြောပါ။
4. တစုံတယောက်ရဲ့အာရုံကိုရရန်လိုအပ်ပါက "တဆိတ်လောက် ကျေးဇူးပြု၍ခွင့်ပြုပါ" (Excuse me) လို့ပြောပါ။
5. သူတပါးရဲ့ရုပ်ရည် ၊ အဆင်းသဏ္ဍန် အားနည်းချက်တွေကို လှောင်ပြောင်ပျက်ရယ်ပြုတာမျိုးရှောင်ရှားပါ။
6. မလိုအပ်ပဲ ကျယ်လောင်စွာ အော်ဟစ်ပြောဆိုတာမျိုး ရှောင်ရှားပါ။
7. တစုံတယောက်က သင့်ကိုနှုတ်ဆက်ရင် ယဉ်ကျေးပျူငှာစွာဖြေကြားပါ။
8. သူငယ်ချင်းအိမ်မှာ သွားကစားရင် ပျော်ရွှင်ခဲ့တဲ့အချိန်တွေအတွက် သူငယ်ချင်းရဲ့မိဘတွေကို ကျေးဇူးတင်စကား ပြောပါ။
9. တခါးပိတ်ထားတဲ့အခန်းထဲကို ၀င်ဖို့ တံခါးခေါက်ပြီး၀င်ခွင့်တောင်းပါ။
10. ညစ်ညမ်းရိုင်းစိုင်းသော စကားအသုံးအနှုန်းများကို ရှောင်ရှားပါ။
11. လူတွေကို အမည်ပြောင်၊ အမည်ဆိုးတွေ - ဥပမာ သွားခေါ ၊ ပြောင်ကြီး ၊ ထိပ်ပြောင်၊ ၀က်ပုတ် အစရှိတဲ့ နာမည်ဆိုးတွေ ခေါ်ဝေါ်ခြင်းရှောင်ရှားပါ။
12. ချောင်းဆိုးရင် ဟပ်ချိုးချေလျှင် နှာခေါင်းတွေ၊ ပါးစပ်တွေကို လက်နဲ့ ဖုံးအုပ်ပါ။
13. လူတွေကြားထဲမှာ နှာခေါင်းနှိုက် / ပါးစပ်နှိုက် / သွားနှိုက်တာမျိုးမလုပ်ပါနဲ့။
14. ကိုယ်ကအခန်းတခါးတခုကိုဖွင့်ပြီး ဖြတ်သွားတဲ့အခါ၊ နောက်လူပါလာ၇င် တခါးကိုခဏကိုင်ပြီး ဟထားပေးပါ။
15. အိမ်မှာ တဦးဦးက အလုပ်လုပ်နေ၇င် အကူညီလိုသလားလို့ မေးပြီး လိုအပ်၇င်ကူညီပေးပါ။
16. အိမ်မှာ မိဘ၊ ဘိုးဘွားတွေက အကူညီတောင်းရင် မြည်တွန်တောက်တီးမှု မပြုပဲပါ၀င်ကူညီပါ။
17. ကျေးဇူးတင်တတ်တဲ့ စိတ်ရှိအောင် ကျေးဇူးတင်ကြောင်းပြသတတ်အောင် ကလေးကိုလေ့ကျင့်ပေးပါ။
18. TELEPHONE ဖြေတတ်အောင် သင်ပေးပါ။ TELEPHONE ကိုယ်ကခေါ်တဲ့အခါ ကိုယ့်ကိုယ် ကို မိတ်ဆက်ပြီး အကြောင်းကိစ္စကို ယဉ်ကျေးစွာ ပြောတတ်အောင် သင်ပေးပါ။
19. နားထောင်တတ်အောင် အချင်းချင်းစကားပြောဆို ချိတ်ဆက် နားထောင်တတ်အောင် သင်ပေးပါ။ အခြားလူတဦးနဲ့ စကားပြောရာမှာ စိတ်၀င်စားမှုကို ကိုယ်အမူအရာအားဖြင့် ဥပမာ - ပြောတဲ့လူဘက်တည့်တည့်ကြည့်နားထောင်တာ၊ ခေါင်းငြိမ့်တာ၊ မေးခွန်းမေးခြင်း စသည်တို့သင်ပေးပါ။
20. တဦးနှင့်တဦး အလှည့်ကျစကားပြောတတ်အောင် သင်ပေးပါ။ တယောက်ပြောသည့်စကားကို တယောက်ပြီးအောင်နားထောင်ပြီး၊ လုမပြောပဲ နောက်တယောက်က ပြန်လည်ပြောဆိုပါ။
21. ကလေးအရွယ်နှင့် မျှတသည့် အလုပ်တာ၀န်များကို မိသားစုတွင် ဝိုင်း၀န်းပါ၀င်လုပ်ကိုင်ခွင့်ပေးပါ။ ဥပမာ - ပစ္စည်းတွေဝိုင်းသိမ်းတာ၊ ဖုန်သုတ်တာ စသဖြင့် ကလေး က တာ၀န်ယူတတ်လာပါလိမ့်မည်။
22. အစားစာတဲ့အခါ ပါးစပ်ဖွင့်ပြီးဝါးခြင်း၊ ပလုပ်ပလောင်းစကားပြောခြင်းများကိုရှောင်ရှားပါ။ ရှူးရှူးရှဲရှဲ အသံမြည် သောက်သုံးခြင်းများကိုရှောင်ရှားပါ။ လက်သုတ်ပဝါကို ပေါင်ပေါ်တွင်ဖြန့်ကာလိုအပ်ပါက ပါးစပ်သုတ်၇န်၊ သန့်စင်၇န် အတွက်အသုံးပြုနိုင်ပါသည်။
23. ထမင်းစားပွဲမှာ မမှီမကမ်း ဟင်းပွဲတွေကို စားပွဲပေါ်ဆန့်ပြီး အတင်းမယူပါနဲ့။ ဘေးလူထံလက်ဆင့်ကမ်းဘို့အကူညီတောင်းပါ။ ထမင်းစားပွဲမှာ ဖိတ်စင်ခြင်း၊ ညစ်ပေစွာစားခြင်း၊ ပေသောလက်ဖြင့် ဟင်းခတ်ဇွန်းများကိုကိုင်ခြင်းများကိုရှောင်ရှားပါ။
24. စားပွဲပေါ်တွင်တံတောင်ဖြင့် လက်ထောက်ခြင်း၊ မေးတင်ခြင်းများကိုရှောင်ရှားပါ။
25. ကျောင်းပွဲများ၊ အဖွဲ့အစည်းမှ ပြုလုပ်သော စုပေါင်းပွဲများတွင် မိမိအလှည့်ပြီးလို့ ထမပြန်ပါနဲ့။ အခြားသူများ၇ဲ့အလှည့်ကိုလည်း စောင့်ပြီး စိတ်၀င်စားကြောင်းပြသပါ။
26. လူကြီးတွေစကားပြောဆွေးနွေးတဲ့အခါ၊ အတင်းကြား၀င်ကြားဖြတ်ပြောဆိုခြင်းကို မပြုလုပ်ဖို့သင်ပေးပါ။ အရေးပေါ်ကိစ္စရှိမှသာ "Excuse me" လို့ခွင့်ပြုချက်တောင်းပြီးပြောခိုင်းပါ။
27. တန်းစီပါ။ ကြားဝင်မဖြတ်ပါနဲ့။

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09 794298292
☎️09 784949946

20/11/2025

💁🏻‍♀️ Fun, Play, Learn

17/11/2025

Happy Birthday our little prince Htet Akar Bo @ Lucas .

May you have many happy years ahead and a wonderful life.”

15/11/2025

🙏🏻ပဥ္စမအကြိမ်မြောက် "Genius International School Mandalay" မိသားစု မဟာဘုံကထိန် ကို 13-11-25 ရက်နေ့မှာ ကျင်းပ ပြုလုပ်ခဲ့ပါတယ်။ မိသားစု မဟာဘုံကထိန် အလှူပွဲ ကြီး ဖြစ်မြောက်အောင် အစစအရာရာ ဝိုင်းဝန်း ကူညီ လှူဒါန်းကြသော မိဘများ ၊ဆရာမများ ၊ဝန်ထမ်းများ အားလုံးကိုလည်း အထူးကျေးဇူးတင် သာဓုခေါ်ပါတယ်။

📸 ကထိန်ပွဲအမှတ်တရပုံရိပ်လေးတွေကို မျှဝေပေးလိုက်ပါတယ်ရှင်။

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09794298292
☎️09784949946

12/11/2025

30/10/2025

💁🏻‍♀️ ပုံပြင်ပြောခြင်း၏ အကျိုးကျေးဇူးများ။

💁🏻‍♀️ torytelling (ပုံပြောခြင်း) သည် ကလေးများ၏ ဉာဏ်ရည်၊ စိတ်ခံစားမှုနှင့် လူမှုရေးဖွံ့ဖြိုးတိုးတက်မှုအတွက် အရေးပါသော နည်းလမ်းတစ်ခုဖြစ်ပါသည်။

💁🏻‍♀️ ဘာသာစကားနှင့် အရေးအသားစွမ်းရည်တိုးတက်စေခြင်း (Language & Literacy Skills)
🔺စကားလုံးအသစ်များ သင်ယူနိုင်ပြီး ဝေါဟာရကြွယ်ဝစေသည်။🔺အကြောင်းအရာ နားလည်မှု (Comprehension) နှင့် အတွေးအခေါ်ဖွင့်ထုတ်နိုင်စွမ်း တိုးတက်စေသည်။
🔺စိတ်ကူးစိတ်သန်းနှင့် ဖန်တီးနိုင်စွမ်းမြင့်တက်ခြင်း (Imagination & Creativity)ပုံပြင်ထဲမှ ဇာတ်ကောင်များနှင့် ဖြစ်ရပ်များကို စိတ်ကူးယဉ်နိုင်စွမ်း တိုးစေသည်။
🔺ပြဿနာဖြေရှင်းနိုင်စွမ်း (Problem-Solving Skills) ကောင်းမွန်လာစေသည်။

💁🏻‍♀️ စိတ်ခံစားမှုနှင့် လူမှုရေးဖွံ့ဖြိုးမှု (Emotional & Social Development)
🔺ကြင်နာမှု၊ သည်းခံမှု၊ မိသားစုချစ်ခြင်းမေတ္တာ စသည့် တန်ဖိုးများ သင်ယူနိုင်သည်။
🔺အခြားသူများ၏ ခံစားချက်ကို နားလည်လာစေသည် (Empathy)

💁🏻‍♀️ အာရုံစူးစိုက်မှုနှင့် မှတ်ဉာဏ်ကောင်းမွန်ခြင်း (Focus & Memory)
🔺ပုံပြောချိန်တွင် နားထောင်ခြင်း (Listening Skills) တိုးတက်လာပြီး အာရုံစိုက်နိုင်စွမ်းမြင့်တက်စေသည်။
🔺ဇာတ်လမ်းများကို ပြန်ပြောင်းပြောပြခြင်းဖြင့် မှတ်ဉာဏ်အားကောင်းစေသည်။

💁🏻‍♀️ ယဉ်ကျေးမှုနှင့် မိသားစုဆက်ဆံရေး ခိုင်မာစေခြင်း (Cultural & Family Bonding)
🔺ဒဏ္ဍာရီ၊ ရိုးရာပုံပြင်များ ပြောပြခြင်းဖြင့် ယဉ်ကျေးမှုအမွေအနှစ်ကို သိရှိစေသည်။
🔺မိဘနှင့်အတူ အချိန်ရှိနေနိုင်ပြီး မိသားစုချစ်ခြင်းမေတ္တာ ပိုမိုခိုင်မာစေသည်။

💁🏻‍♀️ ဒါကြောင့် ပုံပြောခြင်းသည် ကလေးများ၏ အနာဂတ်အတွက် အကောင်းဆုံးလက်ဆောင်တစ်ခုဖြစ်ပါတယ်။

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09794298292
☎️09784949946