04/11/2025
အေးချမ်းသာယာပျော်ရွှင်သော တန်ဆောင်မုန်းလပြည့်နေ့
တန်ဆောင်မုန်းလပြည့်နေ့သည် သီတင်းကျွတ် လပြည့်နေ့ကဲ့သို့ပင် ဗုဒ္ဓဘာသာဝင်တို့အတွက် နေ့ထူးနေ့မြတ်တစ်နေ့ပင် ဖြစ်သည်။ တန်ဆောင်မုန်းလပြည့်နေ့၌ ကျင်းပလေ့ရှိသော တန်ဆောင်တိုင်ပွဲတော်သည် ဘုရားရှင်အား ဆီမီးထွန်းညှိပူဇော်သည့် ပွဲတော်ဖြစ်သကဲ့သို့ ကထိန်သင်္ကန်း ကပ်လှူခွင့်ရသော နောက်ဆုံးနေ့ လည်းဖြစ်ပါသည်။
ထို့အပြင် တန်ဆောင်မုန်းလပြည့်နေ့သည် မြတ်စွာဘုရားရှင်က အဇာတသတ်မင်းကြီး အမှူးပြုသော ပရိသတ်တို့အား သာမညဖလသုတ်တော် ခေါ် ရဟန်းပြုရ အကျိုးပြတရားတော်ကို ဟောကြားတော်မူသော နေ့ထူးနေ့မြတ် ဖြစ်နေသောကြောင့်ပင် ဖြစ်သည်။
အဇာတသတ်မင်းကြီးအား မြတ်စွာဘုရားရှင် က သာမညဖလသုတ်တော်ကို ဟောကြားတော်မူသည့်
ခဝဲပန်းများ လှိုင်လှိုင်ပွင့်သော အေးချမ်းသာယာကြည်လင် သော တန်ဆောင်မုန်းလပြည့် ညချမ်းပင်ဖြစ်သည်။ ထိုသို့ ဘုရားရှင်သည် တန်ဆောင်မုန်းလပြည့်နေ့တွင် သာမညဖလသုတ်တော်ကို ဟောကြားတော်မူခြင်းကို အကြောင်းပြု၍ တန်ဆောင်မုန်းလပြည့်နေ့ကို သာမညဖလ အခါတော်နေ့ဟု သတ်မှတ်ခေါ်ဝေါ်ကြခြင်းဖြစ်သည်။
သာမညဖလတရားတော်ကို နာကြားလိုက်ရသည့်အတွက် အဇာတသတ်မင်းအဖို့ အိပ်မပျော်သော ရောဂါဝေဒနာလည်း ငြိမ်းအေးပျောက်ကွယ်သွားသည်။ ထိုမျှမက ခမည်းတော်ကို သတ်ခဲ့မိသော သူ၏အမှားကိုလည်း ကြီးစွာ နောင်တရခဲ့သည်။ သတိတရားရခဲ့သည်။
ထို့ကြောင့် တန်ဆောင်မုန်းလပြည့်နေ့ဟူသည် ဗုဒ္ဓဘာသာဝင်တို့အား ရဟန်းပြုခြင်း ၏ အကျိုးတရားများကို အမှတ်ရအောင် သတိပေးနေသည့် နေ့ထူးနေ့မြတ်ကြီး ဖြစ်ပါသည်။
အားလုံးဘဲ အန္တရာယ်ကင်းပြီး အေးချမ်းသာယာသော
တန်ဆောင်တိုင်လပြည့်နေလေးဖြစ်ကြပါစေ🙏
#ထွန်းသစ္စာတိုင်းရင်းဆေး
#ထွန်းတိုင်းရင်းဆေးခန်းနှင့်ဆေးဆိုင်
