Nan Taw Pharmacy

25/10/2025

13/06/2025

နန်းတော် မှာ ရာသီစာလေးတွေ

12/06/2025

သဘာဝဆိုတာဆန်းကြယ်တယ်

12/06/2025

ရေလိုအေးလို့ပန်းလိုမွှေးကြပါစေ

11/06/2025

အသားအရေနှင့် အလှအပ
အသားအရေ ထိန်းသိမ်းခြင်း

အသားဖြူချင်သူတိုင်း သိထားသင့်တဲ့ အလှအပရေးရာအကြောင်း

ဒီဘက်ခေတ်မှာ ကျား၊ မ အသက်အရွယ်မရွေး ကိုယ့်ရဲ့ အသားအရေနဲ့ အလှအပကို ပိုပြီး စိတ်ဝင်စားလာကြပါတယ်။ ပြောင်းလဲတိုးတက်လာတဲ့ နည်းပညာအရ အသားဖြူစေတဲ့၊ နုပျိုလှပစေဖို့ အလှကုန်ပစ္စည်းတွေလည်း ဈေးကွက်ထဲမှာ အပြိုင်အဆိုင် ထွက်ရှိလာကြပါတယ်။

အသားဖြူချင်သူတိုင်း သိထားသင့်တဲ့ အလှအပရေးရာအကြောင်း

အသားဖြူဖို့၊ လှဖို့အတွက် ဓာတုဗေဒပစ္စည်းတွေ ပါနေတဲ့ အသားဖြူဆေးတွေ၊ အလှကုန်ပစ္စည်းတွေကို အသုံးပြုမယ့်အစား နေ့စဉ် နေထိုင်စားသောက်ပုံနဲ့ ကိုယ့်ရဲ့ အပြုအမူလေးတွေကို ပြင်လိုက်ရင် အဆင်ပြေပါတယ်။ ဒါဆိုရင် အသားဖြူစင်လှပဖို့၊ နုပျိုကျန်းမာတဲ့ အသားအရေပိုင်ရှင်တွေ ဖြစ်ဖို့ လိုက်နာသင့်တဲ့အချက်လေးတွေ၊ ဆောင်ရန်၊ ရှောင်ရန်လေးတွေကို ပြောပြပေးမယ်နော်။

၁။ ရေများများသောက်ပါ။ လူတစ်ယောက်ဟာ နေ့စဉ် ရေ ဖန်ခွက် ၈ခွက်ခန့် အနည်းဆုံး သောက်ပေးဖို့ လိုအပ်ပါတယ်။ အားကစားလိုက်စားသူတွေ၊ ကိုယ်လက်လေ့ကျင့်ခန်း လုပ်တဲ့အခါ ခန္ဓာကိုယ်က ရေဓာတ် ပိုဆုံးရှုံးနိုင်တဲ့အတွက် ပိုပြီး သောက်ပေးဖို့ လိုအပ်ပါတယ်။

၂။ အပြင်ထွက်တိုင်း နေလောင်ကာခရင်မ် (Sunscreen) လိမ်းပေးပါ။ ခရမ်းလွန်ရောင်ခြည်ဟာ အသားအရေကို ကြမ်းတမ်းစေပြီး နဂိုမူလအသားအရောင်ကို မှိန်စေပြီး မွဲခြောက်စေတဲ့ တရားခံတွေထဲက တစ်ခုပဲ။ ဒါကြောင့် အပြင်သွားတော့မယ်ဆိုရင် နေရောင်နဲ့ ထိတွေ့နေမယ့် မျက်နှာ၊ လည်ပင်း၊ လက်တွေမှာ နေလောင်ကာခရင်မ်ကို လိမ်းပေးဖို့ မမေ့ပါနဲ့။

၃။ ရေချိုးပြီးတိုင်း အစိုဓာတ်ထိန်းခရင်မ်ကို သတိရပါ။ ကျန်းမာပြီး စိုပြေကြည်လင်တဲ့ အသားအရေမျိုး ပိုင်ဆိုင်ရဖို့အတွက် အစိုဓာတ်ပြည့်ဝနေဖို့ လိုအပ်ပါတယ်။ ဒါကြောင့် ရေချိုးပြီး ခြောက်အောင် သုတ်ပြီးတဲ့အခါ မျက်နှာကို အဓိကထားပြီး အစိုဓာတ်ထိန်းခရင်မ်လိမ်းပေးပါ။ ကိုယ်ခန္ဓာကိုလည်း lotion လိမ်းပေးပါ။

၄။ နေပူထဲ သွားတော့မယ်ဆိုရင် ထီး၊ ဦးထုပ်ဆောင်းသွားပါ။ အဝတ်အစားကို လုံလုံခြုံခြုံ ဝတ်ဆင်ပါ။ အသားအရေကို အေးမြစေပြီး လေဝင်လေထွက်ကောင်းစေဖို့ ချည်သားအဝတ်အထည်တွေကို ဝတ်ဆင်ပါ။ လိုအပ်ရင် နေကာမျက်မှန် တပ်ထားပါ။

၅။ ဟင်းသီးဟင်းရွက် များများစားပါ။ ကျွန်တော်တို့ လူ့ခန္ဓာကိုယ်နဲ့ ကျန်းမာရေးအတွက် နေ့စဉ်လိုအပ်တဲ့ ဗီတာမင်နဲ့ သတ္တုဓာတ်တွေကို ဟင်းသီးဟင်းရွက်တွေကနေ ရရှိနိုင်ပါတယ်။ ဒါ့အပြင် အသားအရေကို သဘာဝအတိုင်း ဖြူစင်ဝင်းပစေတယ်။ အရေးအကြောင်းတွေ ကင်းစေပြီး တင်းရင်းစေတယ်။ ဒါကြောင့် ကျန်းမာပြီး လှပလိုသူတွေအတွက် နေ့စဉ် မဖြစ်မနေ စားပေးသင့်တဲ့ အစာအာဟာရထဲမှာ ဟင်းသီးဟင်းရွက်တွေလည်း ပါဝင်ရပါမယ်။

၆။ အသီးအနှံတွေကိုလည်း အမြဲ စားသုံးပေးပါ။ အသားအရေကို ရေဓာတ်ဖြည့်တင်းပေးနိုင်တဲ့အပြင် ဖြူစင်ဝင်းပလာစေတဲ့ ဗီတာမင် စီ ဓာတ်တွေ အများအပြားပါဝင်တဲ့ သစ်သီးဝလံတွေကိုလည်း မေ့ထားလို့ မဖြစ်ပါဘူး။

၇။ ကိုယ်နဲ့ လိုက်ဖက်မယ့် အလှကုန်ပစ္စည်းတွေ သေချာရွေးဝယ်ပါ။ ကိုယ်က အဆီပြန်တတ်တဲ့သူလား၊ အသားအရေခြောက်တတ်လား၊ ထိခိုက်လွယ်တဲ့ အသားအရေပိုင်ရှင်လားဆိုတာ သေချာသိထားမှ ကိုယ်နဲ့ လိုက်ဖက်ညီတဲ့ အလှကုန်တွေ၊ အသားအရေထိန်းသိမ်းတဲ့ ပစ္စည်းတွေ သေချာဝယ်ယူလို့ ရမှာပါ။ ဈေးကွက်ထဲမှာ ပေါ်နေတဲ့ ပစ္စည်းမှန်သမျှ လိုက်သုံးကြည့်တာထက် အရေပြားဆရာဝန်နဲ့ သေချာပြသတိုင်ပင်ပြီး ကိုယ်နဲ့ လိုက်ဖက်ညီတဲ့ အလှကုန်ပစ္စည်းတွေကို မှန်ကန်တဲ့ နည်းစနစ်နဲ့ အသုံးပြုနိုင်ရင် အကောင်းဆုံးပါပဲ။

10/06/2025

❤️♥️မင်းဘူး မြို့က ချစ်ရတဲ့ ကာကာလေးတို့ရေ မိုးရာသီရောက်လာပြီမို့ ကျန်းမာရေး အထူးဂရုစိုက်ကြပါနော် ချစ်တို့ကျန်းမာရေးအတွက် ဆေးဝါးလေးတွေလိုအပ်လာပြီဆိုရင်တော့ စျေးလမ်းထဲ မီးပွိုင့်နား က နန်းတော် ဆေးဆိုင်က တာဝန်ယူပါရစေ ♥️❤️❤️

09/06/2025

“ သိုင်းရွိုက်ဟော်မုန်းရောဂါများ ( Hypothyroidism and Hyperthyroidism ) ”

အရှေ့တစ်ပတ်က လည်ပင်းကြီးရောဂါ ( Goitre ) အကြောင်း ပြောပြပြီးပြီဆိုတော့ ခုက သိုင်းရွိုက်ဟော်မုန်းရောဂါတွေအကြောင်း ပြောပြပါမယ်။

သိုင်းရွိုက်ဂလင်းဆိုတာ ဘာလဲက ပြန်စလိုက်ရအောင် …..

သိုင်းရွိုက်ဆိုတာ လည်ပင်းရှေ့တည့်တည့် အောက်ခြေနားလောက်မှာရှိတဲ့ လိပ်ပြာပုံစံ gland ပဲ ဖြစ်ပါတယ်။ သိုင်းရွိုက်ဂလင်းဟာ ခန္ဓာကိုယ်ရဲ့ အင်္ဂါအစိတ်အပိုင်းအားလုံး ဇီဝကမ္မဖြစ်စဉ်တွေ နေ့စဉ်ပုံမှန်လုပ်ဆောင်ဖို့အတွက် အလွန်အရေးကြီးတဲ့ သိုင်းရွိုက်ဟော်မုန်းတွေကို ထုတ်လုပ်ပေးပါတယ်။ သိုင်းရွိုက်ဟော်မုန်း နည်းခြင်းများခြင်းဟာ ကိုယ်တွင်းအင်္ဂါတွေရဲ့ လုပ်ဆောင်မှုတွေကို ပျက်စေပြီး ရောဂါများ ဖြစ်စေပါတယ်။

📌 HYPOTHYROIDISM

သိုင်းရွိုက်ဂလင်းက လုပ်ဆောင်မှုအားနည်းပြီး သိုင်းရွိုက်ဟော်မုန်းနည်းနည်းပဲထုတ်တဲ့အခါ Hypothyroidism ဖြစ်စေပါတယ်။ ဒီ Hypothyroidism ဟာ အသက်အရွယ်မရွေး ဖြစ်နိုင်ပေမယ့် အသက်ကြီးတဲ့သူတွေမှာတော့ risk ပိုများပါတယ်။ မျိုးရိုးကြောင့် ပိုအဖြစ်များပြီး အမျိုးသမီးတွေမှာ အမျိုးသားတွေထက် သုံးဆလောက် ပိုအဖြစ်များတာကို တွေ့ရပါတယ်။

❓Hypothyroidism ဖြစ်စေတဲ့ အကြောင်းအရင်းတွေက ဘာတွေလဲ

* Hashimoto thyroiditis လို့ခေါ်တဲ့ ခုခံအားပုံမမှန်တဲ့ရောဂါ

* မျိုးရိုးလိုက်ခြင်း

* အိုင်အိုဒင်းဓာတ် ချို့တဲ့ခြင်း

* ကင်ဆာဓာတ်ရောင်ခြည်ကုထုံးဖြင့် ကုသခြင်း

* ကင်ဆာ၊ နှလုံးနှင့် စိတ်ရောဂါနှင့် ပတ်သက်သောဆေးများ သောက်သုံးနေရခြင်း

* သိုင်းရွိုက်ဂလင်း ခွဲစိတ်ထားခြင်း

❓Hypothyroidism မှာ ဘယ်လိုလက္ခဏာတွေ တွေ့ရမလဲ

အများအားဖြင့် သူ့ရဲ့လက္ခဏာတွေက သိသာမထင်ရှားဘဲ အခြားရောဂါကြောင့်လို့ ထင်တတ်ကြပါတယ်။ အဖြစ်များတဲ့ လက္ခဏာတွေကတော့ ….

* ကိုယ်အလေးချိန်တက်လာခြင်း၊ ဝိတ်ချဖို့ခက်ခဲခြင်း

* နုန်းချိခြင်း

* စိတ်ကျလွယ်ခြင်း

* ဆံပင်ကျွတ်ခြင်း၊ ဆံသားခြောက်ခြင်း

* ကြွက်သားများ တောင့်တင်းခြင်း

* အရေပြားခြောက်ခြင်း

* လည်ပင်းကြီးလာခြင်း

* ခြေသည်းလက်သည်း ကျိုးလွယ်ခြင်း

* နှလုံးခုန်နှုန်းနှေးခြင်း

* အအေးမခံနိုင်ခြင်း

* ရာသီမမှန်ခြင်း

* ဝမ်းချုပ်ခြင်း

❓Hypothyroidism ကို ဘယ်လို ကုသကြမလဲ

သိုင်းရွိုက်ဟော်မုန်းအစားထိုးကုသမှုတွေ Levothyroxine လို့ခေါ်တဲ့ဆေးကို ဆရာဝန်ညွှန်ကြားချက်ဖြင့် သောက်သုံးနိုင်ပါတယ်။

📌 HYPERTHYROIDISM

သိုင်းရွိုက်ဂလင်းက သိုင်းရွိုက်ဟော်မုန်းထုတ်လုပ်မှုများနေပါက Hyperthyroidism ဖြစ်စေပါတယ်။
❓Hyperthyroidism ဖြစ်စေတဲ့ အကြောင်းအရင်းတွေက ဘာတွေလဲ ?

* လည်ပင်းကြီးရောဂါတစ်မျိုးဖြစ်တဲ့ Graves’ disease

* သိုင်းရွိုက်ဂလင်းကြီးခြင်း

* သိုင်းရွိုက်အကျိတ်ကြီးခြင်း

❓Hyperthyroidism မှာ ဘယ်လိုလက္ခဏာတွေ တွေ့ရမလဲ ?

* ကိုယ်အလေးချိန်လျော့ကျခြင်း

* စိတ်လှုပ်ရှားလွယ်ခြင်း

* နှလုံးခုန်နှုန်းမြန်ခြင်း၊ ရင်တုန်ခြင်း

* ခြေလက်များ တုန်ခြင်း

* ချွေးထွက်များခြင်း

* အပူဒဏ်မခံနိုင်ခြင်း

* အရေပြားနီပြီး ယားခြင်း

* ဆံပင်ပါးခြင်း

❓Hyperthyroidism ကို ဘယ်လို ကုသကြမလဲ

သိုင်းရွိုက်ဟော်မုန်းနည်းစေတဲ့ ဆေးတွေ သောက်သုံးနိုင်ပေမယ့် ခွဲစိတ်မှုခံယူဖို့နဲ့ ရေဒီယိုသတ္တိကြွ အိုင်အိုဒင်းကုထုံးတွေကသာ ရောဂါကို ပျောက်ကင်းသက်သာစေနိုင်ပါတယ်။