ရှင်ဘုရင် တိုင်းရင်းဆေး

03/04/2026

#ပျားမြီးစွဲရွက်
အရသာနှင့်အကျိုးသွား
ပူ၊ခါး၊စပ် အရသာရှိသည်။
အာကာသကိုရစေတတ်သောကြောင့်
ပတ်ဖွဲ့မှုများသောရောဂါများကိုသက်သာစေပါသည်။
အဆစ်ရောင်ခြင်း၊ဝမ်းလျှောရောဂါ၊ဝမ်းကိုက်ရောဂါ
ကျောက်ကပ်နှင့်ဆိုင်သောရောဂါများ၊ဆီးချုပ်ခြင်း
ဆီးချိုရောဂါတို့ကိုသက်သာစေနိုင်သော
အကျိုးအာနိသင်ရှိသည်။
အရွက်ကိုထမင်းစားသည့်အခါ
လူပိန်လျှင်တစ်နေ့(၃)ရွက်၊လူဝလျှင်(၅)ရွက်
ဆီးချို၊သွေးချိုတက်နေပါက(၃-၇)ရက်စားပေးပါက
ဆီးချို၊သွေးချိုကိုကျစေပါသည်။

အသုံးပြုပုံ

၁။ကျောက်ကပ်နှင့်ပက်သက်သောရောဂါများအတွက်
အရွက်ပြုတ်ရည်ကိုသောက်ပေးနိုင်ပါသည်။

၂။ခန္ဓာတစ်ကိုယ်လုံးနာကျင်ကိုက်ခဲခြင်းအတွက်
အရွက်ပြုတ်ရည်ကိုရေချိုးခြင်း၊သောက်ပေးခြင်းတို့
ပြုလုပ်နိုင်ပါသည်။

၃။အရွက်သတ္တုရည်သည်သွေးတွင်းသကြားဓာတ်ကို
သိသာစွာကျဆင်းစေတတ်ပြီး
အဆီဓာတ်များကိုလည်းကျစေနိုင်သောသတ္တိရှိသည်။

၄။ပိုးမွှားများကြောင့်ဖြစ်သောအနာများနှင့်
အဆစ်ရောင်ခြင်းတို့တွင်သတ္တုရည်ကိုလိမ်းပေးနိုင်သည်။

၅။သွေးချို၊ဆီးချိုရောဂါအတွက်
ပျားမြီးစွဲရွက်လတ်လတ်ဆတ်ဆတ်
တစ်ခါစား(၃)ရွက်နံနက်၊ညစားပေးခြင်းဖြင့်
သွေးတွင်းရှိသကြားဓာတ်ကိုကျဆင်းစေ၍
ဆီးချိုသက်သာစေသည်။

ပါဝင်သောဓာတုဒြပ်ပေါင်းများ

Saponins(methyl,protodehonin+methyl protoclioscin)

Source : Google

လက်တွေ့အသုံးချဆေးဖက်အပင်များပေါင်းချုပ်(၂)-
ကျန်းမာရေးဝန်ကြီးဌာန
crd
#ရှင်ဘုရင်လိမ်းဆေးဆီ

01/04/2026

29/03/2026

27/03/2026

ဒူးနာ ခါးနာ ကျီးပေါင်း လေငန်း ထုံကျင် ကြွက်သားနာကျင် ဒဏ်ကြေ အကြောလိမ်းဆေးဆီ အမြို့မြို့နယ် ဆိုင်တွင်မေးဝယ်ပါ

27/03/2026

ဒူးနာ ခါးနာ ကျီးပေါင်း လေငန်း ထုံကျင်ကိုက်ခဲ အကြောတက် ကြွက်သားနာဒဏ်ကြေ လိမ်းဆေးဆီ

26/03/2026

#မုန်လာဥဖြူ
ကျန်းမာရေးအတွက် ကျောက်က'ပ်ကို ဆေးကြောသန့်စင်ခြင်း (တရုတ်နှင့် ဗီယက်နမ်ရိုးရာနည်းလမ်း)
မုန်လာဥဖြူ တစ်ဥတည်းဖြင့် မိမိတိုရဲ့ ကျောက်က'ပ်ကို အလွယ်တကူ သန့်စင်နိုင်ပါတယ်။ ကျောက်က'ပ်ရောင်သည်ဖြစ်စေ၊ ကျောက်က'ပ် ကျောက်တည်သည်ဖြစ်စေ ၊ကျောက်က'ပ်ကြောင့် ဖြစ်ပေါ်တတ်တဲ့ ခါးနာခြင်း၊ နူံးချိခြင်းနဲ့ အော့အန်ခြင်း ဝေဒနာရှင်များအတွက် အထူးသင့်လျော်ပါတယ်။
ပြုလုပ်ပုံအဆင့်ဆင့်
• မုန်လာဥဖြူ တစ်လုံးကို သန့်ရှင်းအောင် ဆေးကြောပြီး ရေအနည်းငယ်ထည့်ကာ ကြိတ်ချေပါ။
• ရရှိလာတဲ့ အဖတ်များကို စစ်ထုတ်ပြီး အရည်ကိုသာ သောက်သုံးပေးရပါမယ်။
ဒီဖျော်ရည်ကို သောက်သုံးပြီးပါက ခါးနာခါးကိုက်ခြင်းများ သိသိသာသာ သက်သာသွားပါလိမ့်မယ်။ မုန်လာဥဖြူရည်ဟာ ကျောက်ကပ်အတွင်းရှိ အညစ်အကြေးများကို ထိရောက်စွာ ဖယ်ရှားပေးနိုင်ပါတယ်။
အူကျဝေဒနာ ခံစားနေရသူများလည်း အသုံးပြုနိုင်သလို၊ ကျန်းမာရေး ကာကွယ်လိုသူများအနေနဲ့ တစ်ပတ်တစ်ကြိမ် မုန်လာဥဖြူကို ဟင်းလျာအဖြစ် ချက်စားခြင်းဖြင့် ကျောက်ကပ်ကို ထိန်းသိမ်းနိုင်ပါတယ်။
အခြားစားသုံးနည်းနှင့် အကျိုးကျေးဇူးများ
မုန်လာဥအစိမ်းကို သံပုရာသီးဖြင့် နှပ်၍ သုပ်စားခြင်းက ပိုမိုဆေးဖက်ဝင်ပါတယ်။ မုန်လာဥဖြူဟာ-
• က'င်ဆာရောဂါကို ကာကွယ်ပေးခြင်း
• သွေးတွင်းသကြားဓာတ်နှင့် သွေးပေါင်ချိန်ကို ထိန်းညှိပေးခြင်း
• ဝမ်းမှန်စေပြီး ကိုယ်အလေးချိန် ကျဆင်းစေခြင်း
• အသားအရေ စိုပြေကာ အရွယ်တင်နုပျိုစေခြင်း စတဲ့ အကျိုးကျေးဇူးတွေ ရရှိစေမှာပါ။

အားလုံးပဲ ဘေးဘယာ ဝေးကွာပြီး ကျန်းမာပျော်ရွှင်ကြပါစေ။ မိမိအတွက် အကျိုးရှိတယ်ဆိုရင် တဆင့် ပြန်လည်မျှဝေပေးနိုင်ပါတယ်။


crd
#ရှင်ဘုရင်လိမ်းဆေးဆီ

24/03/2026

#တန်ဖိုးရှိတဲ့ ကန်စွန်းရိုးနီပြုတ်ရည်/ ဆေးဖက်ဝင် ကန်စွန်းရိုးနီ

ငွေကုန်သက်သာကာ ခန္ဓာကိုယ် အတွက် အကျိုးများစေတာ မသိကြတဲ့သူတွေများလို့ မျှဝေပေးချင်ပါတယ်။

သွေးသားသန့် ကိုယ်တွင်းအပူကင်း အသားအရည်ပါကြည်လင် လာစေတာပါ ကျားမ မရွေး သောက်လို့ရပါတယ်။

တပတ်အနည်းဆုံး ၂ ရက် ၃ရက် လောက်သောက်ပေးသင့်ပါတယ်။ နေ့တိုင်းသောက်နိုင်ရင်တော့ ပိုကောင်းတယ်

ကန်စွန်းရိုးနီကို ဆားရည်နဲ့ သေချာဆေး၊ မန်ကျည်းသီး၊ ဆား အနည်းငယ်၊ ထန်းလျက်ထည့်၊ အနည်းဆုံး ၂စီးလောက်ပြုတ်တယ် ရေမြုပ်အောင်ထည့် ဆူလာရင် ကန်စွန်းရိုးနီတွေ တဖက်ကို လှန်ပေး အနည်းဆုံး မိနစ် ၂၀လောက်တည်တယ်။ မနက် တခွက်၊ အိပ်ခါနီး အစာနဲ့ဝေးချိန် တခွက်သောက်ပေးပါ။

ကန်စွန်းရိုးနီ၏ အကျိုးအာနိသင်များ

၁။ ကန်စွန်းရွက်ရည်ကို မီးလောင်နာ၊ ရေငတ်နာ၊ ဆီးနှင့်ပက်သက်သည့် အဖျားရောဂါများ ပျောက်ရန်အတွက်လည်းကောင်း၊ အဆိပ်အတောက်ပြေစေရန် အတွက်လည်းကောင်း သုံး၏။

၂။ အရွက်ကို ဟင်းချက်စားသော် သွေးဝမ်းရောဂါပျောက်၏။

၃။ဆီးအိမ်တွင် ဆီးရှိပါလျက် ဆီးမထွက်ခြင်းနှင့် ဓမ္မတာလွန်ခြင်း ရောဂါအတွက် ကန်စွန်းရွက်ကို ဘူးရွက်၊ မန်ကျည်းရွက်တို့နှင့် အမျှကြိတ်၍ ဆန်မှုန့်ညက်ညက်နှင့်ဖျော်ပြီး ဆီးခုံပေါ်တင်ထားပါက ၁၅ မိနစ်အတွင် ဆီးကျဆင်း၏။ ဓမ္မတာလွန်ခြင်းလည်း ရပ်တန့်စေ၏။

၄။ ကန်စွန်းရွက်ကို ပြုတ်သောက်ပါက ရင်ပြည့်ဝမ်းကျရောဂါပျောက်၏။

၅။ ကန်စွန်းရွက်ကို ထန်းလျက်၊ မန်ကျည်းမှည့်နှင့် ဆားထည့်၍ ကျိုသောက်က ဆီးကျောက် တည်ခြင်းနှင့်တကွ ဆီးရောဂါ ဟူသမျှ ပျောက်၏။

၆။ ငန်းမန်းရှိသောအနာကို ဘူးရွက်များနှင့်ရောစပ်၍ ရေစိမ်ပြီးအနာကို ဆွတ်လိမ်းခြင်းအားဖြင့် ငန်းမန်းကျစေနိုင်၏။
crd
#ရှင်ဘုရင်လိမ်းဆေးဆီ

18/03/2026

#သွေးတိုး #ဆီးချို #အာရုံကြော #ငရံ့ပတူ
ဟင်းတမယ်အနေနဲ့ရော #အေးခါး ဓါတ်စာ အနေနဲ့ရော အရွက်ကို ပြုတ်စား ကြော်စားပါက ကိုယ်ပူ ချောင်းဆိုး လေနာနှင့်မီးယပ်သွေးခဲ၊ သွေးကျန်တို့ကို ကြေပျက်၍ ကျစေသည်။

အရွက်ကိုပြုတ်၍ သုပ်စားပါက လေကောင်း ဝမ်းမှန်စေသည်။

အမြစ်ကိုသွေး၍ ချင်းခြောက်မှုန့်နှင့်ရောပြီး ရေနွေးနှင့်သောက်ပါက အဆုတ်နာပျောက်၏။

အစေ့ကို လူပျိုနာကြောင့်ဖြစ်သော အဆစ်ရောင် ရောဂါများအတွက် အသုံးပြုသည်

မြန်မာဆေးကျမ်းများအလိုအရ ငရံ့ပတူ အမြစ်နှင့် အရွက်သည် ပူ၊ခါး သော အရသာရှိ၏။ ကြေညက်၍ ပူသော ဂုဏ်သတ္တိရှိ၏။ သွေးကို ကြွစေပြီး လေကို ရစေသည်။

တိုင်းရင်းဆေးသမားတော်များက
အရွက်နှင့် အမြစ်တို့ကို သန်ကျဆေး အနာကြီးရောဂါဆေးများနှင့် မီးယပ်ဆေး များဖော်စပ်ရာတွင် ထည့်သွင်းအသုံးပြုသည်။

အမြစ်နှင့် ဖော်စပ်သောဆေးသည် ဒူလာ၊ ညောင်းကျ၊ ပန်းနာ၊ ရင်ကျပ်၊ ချောင်းဆိုး၊ အကိုက်အခဲ ကို ပျောက်ကင်းစေနိုင်သည်။
Crd

အာရုံကြော ကျန်းမာစေနိုင်တယ်

အာရုံကြောဆိုင်ရာ ကျန်းမာရေး ပြဿနာတွေ ဖြစ်ကြတဲ့ အယ်လ်ဇိုင်းမား၊ ပါကင်ဆန်၊ multiple sclerosis (MS)တွေလိုမျိုး ကျန်းမာရေးပြဿနာတွေကို ကင်းစေဖို့ ငါးရံ့ပတူရွက်ကို စားပေးလို့ ရပါတယ်။ ဓာတ်တိုးဆန့်ကျင် အာနိသင်ပါဝင်နေတာကြောင့် ဓာတ်တိုးပစ္စည်းတွေကြောင့် အာရုံကြောတွေ ထိခိုက်မှုကို ကာကွယ်ပေးနိုင်ပါတယ်။

အသက်အရွယ်ကြောင့်ဖြစ်တဲ့ အာရုံကြောဆိုင်ရာ ကျန်းမာရေးပြဿနာတွေကို ကင်းစေဖို့ဆိုရင် ငါးရံ့ပတူရွက် စားပေးလို့ ရပါတယ်။

ဆီးချို ကာကွယ်ပေးနိုင်တယ်

အမျိုးအစား – ၂ ဆီးချိုကလည်း တော်တော်လေး အဖြစ်များလာတဲ့ ကျန်းမာရေး ပြဿနာပါ။ ဒီကျန်းမာရေးပြဿနာကို ကာကွယ်ဖို့ပဲဖြစ်ဖြစ် သက်သာစေဖို့ပဲဖြစ်ဖြစ် ငါးရံ့ပတူရွက်ကို စားပေးလို့ ရပါတယ်။ အဝမလွန်စေဖို့လည်း ကာကွယ်ပေးနိုင်ပါတယ်။

ဓာတ်တိုးဆန့်ကျင်အာနိသင်ကြွယ်ဝတာကြောင့် ဆီးချိုအပါအဝင် နာတာရှည် ရောဂါတွေ မဖြစ်စေဖို့ ကာကွယ်ပေးနိုင်ပါတယ်။

သွေးတိုး ကာကွယ်ပေးနိုင်တယ်

သွေးတိုးတာကလည်း အသက်အန္တရာယ်ကို ခြိမ်းခြောက်နေတဲ့ ကျန်းမာရေး ပြဿနာ တစ်ရပ်ပါ။ သွေးတိုးကြောင့် နှလုံးရောဂါ၊ နှလုံးသွေးကြောကျဉ်းတာတွေကို ခံစားရနိုင်ပါတယ်။

သွေးတိုးသက်သာစေဖို့နဲ့ သွေးတိုးကာကွယ်ဖို့ဆိုရင် ငါးရံ့ပတူရွက်ကို စားပေးလို့ ရပါတယ်။

ကင်ဆာ သက်သာစေနိုင်တယ်

ကင်ဆာက တစ်ကမ္ဘာလုံးကို ခြိမ်းခြောက်လာတဲ့ ကျန်းမာရေး ပြဿနာပါ။ ကင်ဆာက ဆဲလ်တွေ ထိန်းချုပ်မရနိုင်အောင် ပွားလာရာကနေတဆင့် အသက်အန္တရာယ်ကို ထိခိုက်စေတဲ့အထိ ပြင်းထန်လာပါတယ်။

ဒီကင်ဆာတွေကို ဖြစ်နိုင်ခြေ လျှော့ချဖို့အတွက် ဖြစ်ဖြစ်၊ သက်သာစေဖို့ ဖြစ်ဖြစ် ငါးရံ့ပတူရွက်ကို အသုံးပြုပေးလို့ ရပါတယ်။

ဓာတ်တိုးဆန့်ကျင်အာနိသင် ကြွယ်ဝတယ်

တစ်နေ့တာ လှုပ်ရှားမှုအတွင်း ထိတွေ့မိတဲ့ ဓာတ်တိုးပစ္စည်းတွေကြောင့် ခန္ဓာကိုယ်က ဆဲလ်တွေကို ထိခိုက်မှု ကင်းစေဖို့ဆိုရင် ငါးရံ့ပတူရွက်ကို စားပေးလို့ ရပါတယ်။ ဓာတ်တိုးဆန့်ကျင် အာနိသင် ကြွယ်ဝတာက တစ်ရှူးတွေနဲ့ ဆဲလ်တွေ မပျက်စီးအောင် ကာကွယ်ပေးသလို နာတာရှည်ရောဂါတွေနဲ့ ကင်ဆာ မဖြစ်စေဖို့ ကာကွယ်ပေးပါတယ်။

ဓာတ်တိုးပစ္စည်းတွေကြောင့် ကျန်းမာရေး မထိခိုက်စေဖို့ ကာကွယ်ပေးနိုင်ပါတယ်။

ဘက်တီးရီးယားတွေကို တိုက်ဖျက်ပေးနိုင်တယ်

လေ့လာမှုတွေအရကတော့ ငါးရံ့ပတူရွက်က ခန္ဓာကိုယ်ကို အကျိုးပြုတဲ့ ဘက်တီးရီးယားတွေကို အားဖြည့်ပေးပြီး ခန္ဓာကိုယ်ကို ထိခိုက်စေနိုင်တဲ့ ဘက်တီးရီးယားတွေကို တိုက်ထုတ်ပေးနိုင်ပါတယ်။

ဘက်တီးရီးယား ကူးစက်မှုကြောင့် ဖြစ်တဲ့ ကျန်းမာရေးပြဿနာတွေကို ကာကွယ်ဖို့အတွက် စားသုံးပေးလို့ ရပါတယ်။

ဗိုင်းရပ်စ်တွေကို တိုက်ဖျက်ပေးနိုင်ပါတယ်

နှစ်စဉ် ကမ္ဘာတလွှားမှာ ဗိုင်းရပ်စ်ပိုးတွေ အမျိုးမျိုးကူးစက်နေပါတယ်။ ဒီလိုမျိုး ဗိုင်းရပ်စ်တွေ ကူးစက်တာကြောင့် ပြင်းထန်တဲ့ ကျန်းမာရေးပြဿနာတွေကို ခံစားကြရပါတယ်။

ဒါကြောင့် ဗိုင်းရပ်စ်တွေကြောင့်ဖြစ်တဲ့ ကျန်းမာရေးပြဿနာတွေကို ကာကွယ်ပေးဖို့ဆိုရင် ငါးရံ့ပတူရွက်ကို စားပေးလို့ ရပါတယ်။

အရောင်ကျစေနိုင်တယ်

ထိခိုက်မှုကြောင့် ဖြစ်ဖြစ်၊ ပိုးဝင်ကူးစက်မှုကြောင့်ဖြစ်ဖြစ် အရေပြားပေါ်မှာဖြစ်တဲ့ ရောင်ရမ်းမှုတွေကိုရော၊ ကိုယ်တွင်းက ရောင်ရမ်းမှုတွေကိုပါ သက်သာစေဖို့ဆိုရင် ငါးရံ့ပတူရွက်ကို စားပေးလို့ ရပါတယ်။ နာတာရှည် ရောင်ရမ်းမှုတွေကိုလည်း သက်သာစေဖို့လည်း အသုံးပြုပေးလို့ ရပါတယ်။ ခန္ဓာကိုယ်ကဆဲလ်တွေ ရောင်ရမ်းတာကို သက်သာစေဖို့ အသုံးပြုပေးလို့ ရပါတယ်။

အသည်း ကျန်းမာစေနိုင်တယ်

Bioactive ဒြပ်ပေါင်းတွေ ဖြစ်တဲ့ (phenolics၊ tannins၊ flavonoids၊ alkaloids၊ terpenoids၊ saponins နဲ့ sterols)တို့ ပါဝင်နေတာကြောင့် အသည်းကို ထိခိုက်စေမှုတွေကနေ ကာကွယ်ပေးပါတယ်။ အသည်းက အဆိပ်အတောက်တွေကို ထိထိရောက်ရောက် ဖယ်ရှားပေးနိုင်ပါတယ်။

ဆေးဝါးတွေ၊ အယ်လ်ကိုဟောနဲ့ အခြားသော အရာတွေကြောင့် အသည်း ထိခိုက်တာတွေ ကင်းစေဖို့ အသုံးပြုပေးလို့ ရပါတယ်။
Crd
#ရှင်ဘုရင်တိုင်းရင်းဆေး

16/03/2026

#ခွေးတောက်

ခွေးတောက်ကို မြန်မာတို့သည် အရက်ချိုးချသောဆေးအဖြစ် သုံးစွဲကြသည်။ အရက် သောက်သုံးမှုများပြီး အရက်နာကျသူများ သက်သာပျောက်ကင်းစေရန်အတွက် ခွေးတောက်ရွက်ကို ကြက် ရိုးဖြင့် ချက်စားကြသည်။ ဟင်းခါးချက်သောက်ကြသည်။

အညောင်းများသူ၊ အထိုင်များသူ၊ ခါးနာရောဂါစွဲ နေသူများသည် ဆေးခါးကြီးအစား ခွေးတောက်ရွက်ကို ဟင်းချိုချက်သောက်၍လည်းရသည်။ မကြာခန ဆီးအောင့်တတ်သူ၊ အဝေးပြေးကားမောင်းသူများ ဆေးဖက်ဝင်အဖြစ် သုံးစွဲလေ့ရှိကြသည်။

ဆေးဖက်ဝင်အသုံးပြုပုံ

၁။ အနာစိမ်း၊ သွေးစုနာများပေါက်လျှင် ခွေးတောက်ရွက်ကို မီးကင်၍ ကပ်ပေးလျှင် နုသောအနာများပိန်၍ ရင့်သောအနာများ ပြည်ပေါက်စေနိုင်သည်။

၂။ လေထိုးလေအောင့်ရောဂါ၊ ဆီးအောင့်ဆီးချုပ်ရောဂါဖြစ်လျှင် ခွေးတောက်ရွက်ကို ကြော်စားခြင်း၊ အတို့ အမြှုပ်လုပ်စားခြင်းဖြင့် ပျောက်ကင်းစေနိုင်သည်။

၃။ ရေယုံပေါက်လျှင် ခွေးတောက်ရွက်ကို အရည်ညှစ်၍ လိမ်းပေးခြင်းဖြင့် သက်သာပျောက်ကင်းစေ နိုင်သည်။

၄။ ဥတုဖျား၊ တုတ်ကွေးဖျားများမှ ကာကွယ်ရန်အတွက် ခွေးတောက်ရွက်ကို ဘဲဥနှင့် ရော၍ ကြော်စားပါ။ အားရှိ၍ အဖျားမှ ကာကွယ်သည်။

၅။ အပူနာ၊ အကျိတ်အလုံးကြီးများထွက်လျှင် ခွေးတောက်ရွက်ကို ထောင်း၍ အုံစည်းပေးခြင်းဖြင့် သက် သာစေနိုင်သည်။

၆။ ဒူးနာရောဂါဖြစ်လျှင် ခွေးတောက်ရွက်များကို မီးကင်ပြီးကပ်၍ ပတ်တီးစည်းပေးခြင်းဖြင့် အကိုက်အခဲ သက်သာစေသည်။

၇။ အရက်၊ ထန်းရည်ချိုးကပ်အောင် သောက်သုံးသူများ အရက်ချိုးများအတွက် ခွေးတောက်ရွက်ကို ကြက်သားဖြင့် မကြာခန ချက်၍ စားပေးသင့်သည်။

၈။ ခွေးတောက်မြစ်ကို အဆိပ်အတောက်မိလျှင် အန်ဆေးအဖြစ် သွေးပြီးတိုက်လေ့ရှိသည်။ ခွေးရူးပြန် ဆေး၊ သလိပ်ကြေဆေးများတွင်လည်း ထည့်သွင်းအသုံးပြုသည်။

၉။ဆီးကျိတ်ကြီးရောဂါရှိသူများသည် ခွေးတောက်ရွက်ကို နေ့စဉ်စားသုံးပေးခြင်း။သို့မဟုတ် တစ်ပါတ်(၂)ကြိမ်စားသုံးပေးခြင်းဖြင်​့သက်သာစေနိုင်သည်။

ကြည်လွင်မြင့်(မုဒြာ)
crd
#ရှင်ဘုရင်တိုင်းရင်းဆေး

13/03/2026

#ကလေးကို ဉာဏ်ကောင်းစေချင်လို့ စာတွေ အများကြီးသင်နေပေမယ့် ခေါင်းထဲ မဝင်တာ ဘာလို့လဲ? 🧠💡

ကလေးတွေ ဉာဏ်ကောင်းဖို့ဆိုတာ Flashcards တွေ ပြနေရုံ၊ စာတွေ အတင်းကျက်ခိုင်းနေရုံနဲ့ မရပါဘူး။ "ဦးနှောက်ရဲ့ တည်ဆောက်ပုံ" ကို အရင်ဆုံး နားလည်ဖို့ လိုပါတယ်။

ကလေးရဲ့ ဦးနှောက်ထဲက အာရုံကြောလေးတွေကို "လျှပ်စစ်ဝါယာကြိုး" လေးတွေလို့ မြင်ကြည့်ပါ။
ဝါယာကြိုးတွေမှာ အပြင်ကနေ "ရာဘာစွပ်" မဖုံးထားရင် လျှပ်စစ်တွေ ပေါက်ထွက်ပြီး ရှော့ခ် (Short Circuit) ဖြစ်သလိုပဲ... ကလေးဦးနှောက်မှာ "ကျန်းမာရေးနဲ့ညီညွတ်တဲ့ အဆီဓာတ်" တွေ မရှိရင် သူတို့ရဲ့ အာရုံကြောလေးတွေဟာ အလုပ်လုပ်နှေးကွေးသွားပြီး၊ မှတ်ဉာဏ်တွေ ပျောက်ဆုံးတာ၊ ခဏခဏ ဂျီကျ စိတ်တိုတာတွေ ဖြစ်လာပါတယ်။

ဒါကြောင့် ဝါယာကြိုးလေးတွေကို ရာဘာစွပ် ဖုံးပေးသလို ကလေးဦးနှောက်ကို ကာကွယ်ပြီး ဉာဏ်ရည်ကို ၂ ဆ မြန်စေမယ့် သဘာဝ Superfoods (၄) မျိုးကို မိတ်ဆက်ပေးပါရစေ။

၁။ ထောပတ်သီး (Avocado) - ဦးနှောက်ကို ကာကွယ်ပေးမယ့် "ရာဘာစွပ်" 🥑
ကလေးဦးနှောက်ရဲ့ ၆၀ ရာခိုင်နှုန်းကို အဆီ (Fat) တွေနဲ့ ဖွဲ့စည်းထားတာပါ။ ထောပတ်သီးမှာ ပါဝင်တဲ့ အဆီဓာတ်ဟာ အာရုံကြောလေးတွေကို ဖုံးအုပ်ပေးမယ့် Myelin လို့ခေါ်တဲ့ အလွှာလေးကို ထူထဲလာစေပါတယ်။ ဒီအလွှာလေး ထူလေလေ ကလေးရဲ့ စဉ်းစားတွေးခေါ်နိုင်စွမ်းက မြန်ဆန်လေလေ ပါပဲ။

၂။ ဥအမျိုးမျိုး (Eggs) - မှတ်ဉာဏ်တွေကို သယ်ဆောင်ပေးမယ့် "စာပို့သမား" 🥚
ကလေးကို ကြက်ဥ/ဘဲဥ ကျွေးရင် "အနှစ်" ကို မဖြစ်မနေ ကျွေးပါ။ အနှစ်ထဲမှာ (Choline) လို့ခေါ်တဲ့ ရှားပါးဓာတ်တစ်မျိုး ပါပါတယ်။ ဒီဓာတ်ဟာ ကလေးမြင်သမျှ၊ ကြားသမျှ အရာတွေကို ဦးနှောက်ရဲ့ မှတ်ဉာဏ်စင်တာထဲ သယ်သွားပေးမယ့် "စာပို့သမား" လေးတွေ အများကြီး မွေးဖွားပေးပါတယ်။

၃။ ငါး (Fish) - ဦးနှောက်စက်ရုံကြီးရဲ့ "အုတ်မြစ်" 🐟
ဆယ်လ်မွန်၊ တူနာ နဲ့ ရေချိုငါး တချို့မှာ (Omega-3 DHA) အများကြီး ပါပါတယ်။ ဦးနှောက်ဆဲလ် အသစ်တွေကို တည်ဆောက်တဲ့အခါ ဒီ DHA က အုတ်ခဲတွေလို အလုပ်လုပ်ပါတယ်။ ဒါ့အပြင် ဦးနှောက်ရောင်ရမ်းမှုကို ကျဆင်းစေလို့ ကလေးတွေ အာရုံစူးစိုက်မှု ပိုကောင်းလာစေပါတယ်။

၄။ အစေ့အဆန်များ (Nuts & Seeds) - ဦးနှောက်ဆီ သွားမယ့် "အောက်ဆီဂျင်" 🥜
ဖရုံစေ့၊ သီဟိုဠ်စေ့၊ မြေပဲ စတာတွေမှာ "သံဓာတ်နဲ့ ဇင့် (Zinc)" တွေ အပြည့်ပါပါတယ်။ ဦးနှောက်က ကောင်းကောင်းအလုပ်လုပ်ဖို့ အောက်ဆီဂျင် အမြဲလိုပါတယ်။ သံဓာတ်က သွေးထဲကနေတစ်ဆင့် ဦးနှောက်ဆီကို အောက်ဆီဂျင်တွေ အဆက်မပြတ် ပို့ပေးလို့ ကလေးတွေ စာလုပ်တဲ့အခါ ပင်ပန်းနွမ်းနယ်တာမျိုး မဖြစ်စေတော့ပါဘူး။

💡 မိဘများအတွက် အကြံပြုချက် -
ကလေးက ဒီအစာတွေကို ချက်ချင်း မစားဘူးဆိုရင် အတင်းမကျွေးပါနဲ့။ မနေ့က ပြောခဲ့သလို သီးသန့် ပန်းကန်လေးနဲ့ (No-Pressure) ချထားပေးပြီး ဖြည်းဖြည်းချင်း မိတ်ဆက်ပေးပါနော်။
crd
#ရှင်ဘုရင်တိုင်းရင်းဆေး

11/03/2026

#ဒန့်သလွန်အစေ့ခြောက်အစွမ်း

(၁) ဒန့်သလွန် ရွက် ဟင်းချိုချက်သောက်ခြင်း၊
ကြော်စားခြင်းဖြင့်အစာကြေစေသည်။သွေးတိုးအမူးရောဂါ သက်သာစေသည်။

(၂) ဒန့်သလွန်ရွက်အစိမ်းကိုထောင်း၊ အရည်ညှစ်၊ ဆားအနည်းငယ်ခပ်၍တိုက်လျှင် ချောင်းဆိုး။
ကိုယ္ပူ အဖျားရောဂါ သက်သာစေသည်။

(၃) ဒန့်သလွန်ရွက်သတ္တုရည်ကို မျက်စဉ်းခပ်ပေးလျှင် ခေါင်းကြီးကိုက်ရောဂါ သက်သာစေသည်။

(၄) ဒန့်သလွန်သီးမီးဖုတ်၊ အတွင်းမှ အစေ့နှင့်အသားကို ခြစ်ယူပြီး
ကြက်ဥနှင့်ရောကြော်စားသော် သွေးဝမ်း၊လိပ်ခေါင်းသွေးကျရောဂါ သက်သာစေသည်။

(၅) ဒန့်သလွန်သီးအရင့်ကို နေခြောက်လှန်း၊
အစေ့ခြောက်ကို ဖန်ပုလင်းဖြင့်သိမ်းထားပါ။

သွေးတိုးလျှင်နှစ်စေ့၊ သုံးစေ့ ဝါးစားပါ။ရေအဝသောက်ပါ။ နာရီဝက်အတွင်း သွေးတိုးကျပါသည်။
နှလုံးသွေးကြောကျဉ်းရောဂါရှိလျှင်
အစေ့ခြောက်ကို အမှုန့်ထောင်းပြီး ပျားရည်နှင့်နေ့စဉ်
ဟင်းစားဇွန်းတစ်ဇွန်းခန့်စားပါ။

ရင်ကြပ်၊ သွေးတိုး၊ နှလုံးမောရောဂါရှိလျှင် ဒန့်သလွန်သီးအစေ့အခြောက်အမှုန့်နှင့် ချင်း(ဂျင်း)ခြောက်မှုန့် ဆတူရောစပ်ပြီး ရေနွေးနှင့်သောက်ပါ။
ဒန့်သလွန်သီးအစေ့ခြောက်ကို နေလှန်းပြီး
သိမ်းထားလျှင် နှစ်ကြာသည်အထိ အာနိသင်မပျက်စီးပါ။

#ကျန်းမာရေးဗဟုသုတရကြပါစေ
crd
#ရှင်ဘုရင်တိုင်းရင်းဆေး

10/03/2026

မောကြီးပွဲရုံ မျက်စောင်းထိုး၊အုန္နဲပင်လမ်း၊ အေးသာယာရပ်ကွက်
၊မုံရွာမြို့။။
09942000755