Your Fitster, Building 14, MICT Park, Yangon (2025)

27/08/2021

🚨ဝဝကစ်ကစ်လေးတွေ သတိရှိပါ🚨

📈တတိယလှိုင်းမှာ ကြည့်ပေးခဲ့တဲ့ လူနာ ၁၅၀ ကျော်မှာ အသက် ၃၀-၄၀ ကြား ဝဝကစ်ကစ် အမျိုးသားတွေ တစ်လအတွင်း ဆုံးပါးသွားတာ ၆ ဦးလောက်ရှိပါတယ်...
📈ဝဝကစ်ကစ်တွေဟာ ကိုဗစ်ဖြစ်ရင် ပိုဆိုးဝါးတဲ့ လက္ခဏာတွေကို ခံစားကြရပါတယ်... အောက်ဆီဂျင်ပိုလိုအပ်တယ်.... သွေးကျဲဆေးတွေ ပိုပေးကြရတယ်…

ဒါတွေက မြေပြင် အတွေ့အကြုံအရပြောတာပါ...

သုတေသနတွေက ဘာပြောသလဲ?

ကိုယ်ခန္ဓာအလေးချိန်ညွှန်းကိန်း (Body Mass Index - BMI) ၂၅ အထက် ရှိသူတွေဟာ ကိုဗစ်ဖြစ်တဲ့အခါ တခြားလူတွေထက်

🔴သေဆုံးနိုင်ခြေ ၃ ဆ ရှိတယ်

🔴ဆိုးရွားလက္ခဏာ ခံစားရနိုင်ခြေ၂ ဆ ပိုများတယ်

🔴အသက်ရှူလမ်းကြောင်းဆိုင်ရာ အထောက်အပံ့လိုအပ်မှု ၆ ဆ ပိုလိုအပ်နိုင်တယ်

ဘာကြောင့်ဒီလိုဖြစ်ကြရသလဲ?

🔶ဝတဲ့သူတွေဟာ မလိုအပ်တဲ့ အဆီပိုတွေကြောင့် သွေးကြောအတွင်း နဲ့ ကလီစာတွေမှာ နာတာရှည် ယောင်ရမ်းခြင်းကို ပိုခံစားရတယ်... ဒီကနေ သွေးခဲခြင်းတွေ ဆက်ဖြစ်တတ်ပါတယ်…

🔶ကိုယ်အလေးချိန်များပြီး ဝတဲ့သူတွေဟာ အဆုတ်ရဲ့ လုပ်ဆောင်မှု ကျဆင်းပါတယ်…

🔶ဝတဲ့လူတွေဟာ နာတာရှည် ရောဂါတွေဖြစ်တဲ့ ဆီးချို ကင်ဆာ သွေးတိုးရောဂါတွေနဲ့ ဆက်နွယ်နေပါတယ်…

ကိုယ်ခန္ဓာအလေးချိန်ညွှန်းကိန်း (Body Mass Index - BMI) ဆိုတာ ဘာလဲ❓

🟥 Body Mass Index= Weight/ (height)2
ခန္ဓာကိုယ်အလေးချိန် (kilogram or pounds) ကို အရပ်အမြင့် (meter or inches)နှစ်ဆကိန်း နဲ့ စားရင် BMI ရပါတယ်...

တွက်ဖို့မခက်ပါဘူး
Google မှာ free BMI calculator တွေရှိပါတယ်... အောက်က link တွေမှာ နှိပ်ပါ
https://www.nhlbi.nih.gov/health/educational/lose_wt/BMI/bmicalc.htm

https://www.cdc.gov/healthyweight/assessing/bmi/adult_bmi/english_bmi_calculator/bmi_calculator.html
ကိုယ်အလေးချိန်နဲ့ အရပ်အမြင့်ကို သိရင် အလွယ်တကူ မိမိရဲ့ BMIကို သိရပါတယ်

🔻BMI < 18.5= Underweight လျော့နည်း
✅BMI 18.5 to 24.9 = Healthy ပုံမှန်
🔺BMI 25 to 29.9 = Overweight ဝနေသူ
🔴 BMI >30 = Obese အဝလွန်သူ

BMI ဟာ နာတာရှည်ရောဂါတွေဖြစ်နိုင်ချေအတွက် ယေဘုယျအားဖြင့် အသုံးတည့်တဲ့ ညွှန်းကိန်းဖြစ်ပါတယ်... ကိုယ်ထဲမှာ အဆီတွေ ဘယ်လောက်ရှိသလဲဆိုတာ အကြမ်းဖျင်း သိနိုင်တဲ့ ညွှန်းကိန်းတစ်ခုပါ..

BMI 25 နဲ့အထက် ရှိသူတွေဟာ အောက်ပါရောဂါတွေနဲ့ ဆက်နွယ်မှု ရှိတတ်ပါတယ်...
❗️သွေးတိုး
❗️ဆီးချို
❗️နှလုံးရောဂါ
❗️လေဖြတ်
❗️ကင်ဆာ (အချို့)
❗️သည်းခြေအိပ်
❗️အရိုးအဆစ်ရောင်ရောဂါ
❗️အိပ်နေစဥ်အသက်ရှူရပ်ခြင်း

BMI 25 အထက်ရှိနေရင် ဘာလုပ်သင့်သလဲ?

👉စားသောက်မှုပုံစံပြောင်းပါ🥑🍏🥦🥬🥕
👉ကိုယ်လက်လှုပ်ရှားမှု ပြုပါ🏃🏃‍♀️⛹️‍♀️
👉အရက်ဘီယာ ဆေးလိပ်လျော့ပါ ဖြတ်ပါ 🚫🍺 🚭
👉စိတ်ဖိစီးမှုလျော့ချပါ 🧘‍♂️ 📵
👉ရောဂါများစစ်ဆေးပြီး ကုသမှုခံယူပါ 👨‍⚕️ 👩‍⚕️

“ဝရင် လှတယ်” ဆိုတာ ဂျင်းပါ!

ဝရင် BMI 25 အောက်ရောက်အောင်လုပ်မှ ကျန်းမာပါလိမ့်မယ်...

⛑ကိုဗစ်က ဝဝကစ်ကစ်လေးတွေကို ကြိုက်တတ်ပါတယ်⛑
မူရင်းရေးသားသူအား credit ပါ

05/08/2021

ရပ်ကွက်ထဲ COVID ကာကွယ်ဆေးထိုးဖို့ နှိုးဆော်သံ ကြားလို့ ဒီစာကို ရေးလိုက်ပါတယ်၊ ကိုယ် ထိုးရမယ့်ဆေးရဲ့ ကောင်းကျိုးဆိုးကျိုး၊ ထိုးသင့်မသင့် ဗဟုသတ ရှိထားဖို့ပါ

💉 ဘယ်သူတွေ ကာကွယ်ဆေး ထိုးလို့ရလဲ?
▪︎အသက် ၁၈နှစ်အထက် ဖြစ်ရပါမယ်
▪︎Pfizer တံဆိပ်ဆိုရင် အသက် ၁၂နှစ်ကျော်ရင် ရပါပြီ
▪︎Sinovac နဲ့ Sinopharm တံဆိပ်ဆိုရင်တော့ ၁၈-၆၀နှစ်အတွင်း ထိုးဖို့ပဲ သုတေသန လုပ်ပြီးသေးပါတယ်
▪︎ဆီးချို၊ သွေးတိုး၊ ကျောက်ကပ်၊ ပန်းနာရင်ကြပ်လိုနာတာရှည်ရောဂါရှိသူတွေလဲ ထိုးလို့ရပါတယ် (Aspirinလို သွေးကျဲဆေး သောက်နေရလဲ ထိုးလို့ရပါတယ်)

💉 ဘယ်သူတွေ ကာကွယ်ဆေး ထိုးလို့မရဘူးလဲ?
▪︎ဖျားနေတဲ့သူတွေ
▪︎ကိုယ်ဝန်ဆောင် အမျိုးသမီးများ ဆေးထိုးဖို့ သုတေသန မလုံလောက်သေးပါ (နို့တိုက်မိခင် ထိုးလို့ရပါတယ်)
▪︎ကာကွယ်ဆေးနဲ့မတည့်သူ
▪︎သွေးမတိတ်ရောဂါရှိသူ (bleeding disorders)
▪︎HIV သမား CD4 ၂၀၀ အောက် ကျနေတဲ့အခါ
▪︎အခြားကာကွယ်ဆေးတစ်မျိုးမျိုး ထိုးထားတာ ၂ပတ် မပြည့်သေးတဲ့အခါ

💉 COVID ဖြစ်ပြီးရင် ကာကွယ်ဆေးထိုးဖို့ လိုသေးလား?
▪︎COVID ဖြစ်ပြီးရင် ခန္ဓာကိုယ်တွင်းက Antibody ထွက်ပါတယ်၊ ၆-၈လအထိ ခံတာမို့ ပုံမှန်တော့ ထိုးဖို့ ညွှန်းလေ့မရှိပါ
▪︎လူတစ်ယောက်နဲ့တစ်ယောက် Antibody ထွက်တဲ့ပမာဏချင်း မတူနိုင်တာမို့ စိတ်မချလို့ ထပ်ထိုးချင်လဲ ရပါတယ်

💉ကာကွယ်ဆေးထိုးပြီးရင် COVID ပြန်ဖြစ်နိုင်လား?
▪︎ပြန်ဖြစ်နိုင်ပါတယ်၊ ကာကွယ်ဆေးက ၁၀၀% အပြည့်မကာကွယ်ပါဘူး၊ အတိုင်းအတာ တစ်ခုအထိ ရောဂါမပြင်းထန်အောင် ကူညီတာပါ၊
▪︎ဒါကြောင့် Maskတပ်, လက်ဆေး, ၆ပေခွာနေ ဆက်ကျင့်ကြံရပါမယ်

💉 ကာကွယ်ဆေး မထိုးခင် ဘာတွေပြင်ဆင်မလဲ?
▪︎ကိုယ် ထိုးရမယ့် ကာကွယ်ဆေးအကြောင်း လေ့လာပါ
▪︎နဂို သောက်လက်စ ဆေးတွေရှိရင် ဆက်သောက်ပါ
▪︎အိပ်ရေးဝဝအိပ်ပါ၊ ရေများများသောက်ပါ
▪︎ဖြစ်နိုင်ရင် ကော်ဖီ, အရက် တစ်ရက် ကြိုရှောင်ပါ

💉 ကာကွယ်ဆေးထိုးပြီး ဘာတွေ သတိထားမလဲ?
▪︎ထိုးပြီးပြီးချင်း နာရီဝက် ငြိမ်ငြိမ်နေပါ၊ ဓါတ်မတည့်မှု ရှိမရှိ စောင့်ကြည့်ပါ
▪︎နာကျင်ကိုက်ခဲလျှင် ပါရာစီတမော သောက်လို့ရပါတယ်
▪︎၂ပတ်အတွင်း အခြားကာကွယ်ဆေး မထိုးသင့်ပါ

💉 ဆေးရဲ့ ဘေးထွက်ဆိုးကျိုးတွေ ခံစားရတာက ဆေးအောင်တာလား?
▪︎မဆိုင်ပါဘူး၊ ဆေးအောင်မအောင် Antibody titre စစ်နိုင်ရင် သိရပါတယ်

💉 ကာကွယ်ဆေးထိုးပြီးရင် Antigen ထွက်တာလား, Antibody ထွက်တာလား?
▪︎Antibody ထွက်တာပါ
▪︎Antigen ထွက်နေတယ်ဆို အဲဒါ COVID ဖြစ်နေတာပါ၊ ဆေးအောင်တာ မဟုတ်ပါဘူး

💉 ကာကွယ်ဆေးထိုးပြီးရင် ဘယ်အချိန် Antibody စ,ထွက်လဲ? ဘယ်လောက်ခံလဲ?
▪︎ဆေးထိုးပြီး ၂ပတ်လောက်ဆို Antibody စ,ထွက်ပါပြီ၊
▪︎ဆေး ၂ကြိမ် အပြည့်ထိုးထားရင် ၆-၈လအထိ ဆေးအာနိသင် ခံလေ့ရှိပါတယ်

💉 ပထမတစ်ကြိမ်မှာ တံဆိပ်တစ်မျိုး ထိုးပြီး နောက်တစ်ကြိမ် အခြားတံဆိပ် ပြောင်းထိုးရင်ကော အာနိသင်ရလား?
▪︎တိကျတဲ့ သုတေသန အဖြေမထွက်သေးပါဘူး
▪︎ဖြစ်နိုင်ရင် တံဆိပ်တစ်မျိုးတည်းကိုပဲ ၂ကြိမ်အပြည့် ထိုးစေချင်ပါတယ်

ပြည်သူများ ကပ်ဘေးမှ အမြန်ဆုံး ကျော်လွှားနိုင်ကြပါစေ

Credit..Dr. NI (ဒေါက်တာနီနီ)

(P.S - ပုံထဲက %တွေက စာဖတ်တဲ့ website ပေါ် မူတည်ပြီး ကွဲလွဲမှု ရှိနိုင်ပါတယ်)

16/07/2021

COVID လူနာအား အိမ်တွင်ထားကာ ကုသနေသူများသိစေရန်

မိမိအိမ်တွင်ကုနေသောcovid လူနာများသည် Day 7,8,9 ကျော်လွန်သွားသည်အထိ oxygen မကျ မမော အဖျားမကြီးတော့ဘူးဆိုလျှင် အကောင်းဘက်သို့ ရောက်ရှိပီဟု မှတ်ယူနိုင်သည်။

Day ကို ရောဂါလက္ခဏာစပြသည့်ရက်မှ စတွက်ရမည်။

ဥပမာ စဖျားရက် အနံ့စပျောက်သောနေ့ ကိုယ်လက်ကိုက်ခဲသောရက်မှ စတင်ရေတွက်ပါ။ ၁၁ ရက်ထိရောက်လျှင် အလွန်စိတ်ချရပေသည်။ ၁၄ ရက်ပြည့်လျှင် သီးသန့်နေထိုင်ခြင်း ပီးဆုံးပါမည်။

အားလုံးကျန်းမာချမ်းသာကြပါစေ။

Dr. Kyi Htoo

15/07/2021

#ကိုယ့်ဆီဘယ်တော့ရောက်မလဲ မခန့်မှန်းနိုင်တဲ့အတွက် ကြိုတင်စုဆောင်းထားဖို့ဆိုရင် လူတစ်ယောက်စာအတွက်...
ဓာတ်ဆား ၁၀ထုတ်
ဘိုင်အိုဂျက်စစ် ၃ကဒ်
Vitacee ၃ကဒ်
ပြဒါးအဖျားတိုင်း.. ၁ခု
အောက်စီဂျင်တိုင်းတဲ့ စက်ကလေး
တစ်ရှူးတစ်လိပ်
ထွန်းရွှေဝါတစ်ဗူးဒါမှမဟုတ်ကျားဘမ်းပရုပ်ဆီ
ရှုဆေးတစ်မျိုးမျိုး
အဖျားကြီးရင်ထည့်သောက်ရန် ဂိုးလ်ဖန်တစ်ကဒ် ဆိုရင် လုံလောက်ပါပြီ.....
ကိုဗစ်ကို ကုသတဲ့ဆေးမရှိပဲ ကိုယ်ခံအားနဲ့ ကြံ့ကြံ့ခံ ရင်ဆိုင်ရတယ်ဆိုတာ လူတိုင်း သိထားပြီးသားပါ...ဒါကြောင့် ပထမဆုံးနှစ်ရက် သုံးရက်မှာ အစာ စားချင်စိတ်မရှိပဲ အော့အန်ချင်နေတာမျိုးဖြစ်လာခဲ့ရင် ဓာတ်ဆားကို ဝင်အောင်သောက်ရပါမယ်....
အဖျားကြီးရင် ရေအေးဝတ်အုပ်ပေးရပါတယ်
ဒါကြောင့်ရေခဲသေတ္တာထဲ ရေခဲတုံးလေးတွေ ကြိုတင်ထည့်ထားသင့်ပါတယ်...
အဖျားကြီးတဲ့အတွက် ...
ဆေးတွေသောက်ရတဲ့အတွက် အစာမစားချင်ဖြစ်နေမှာပါပဲ...
စွပ်ပြုတ်ပူပူနွေးနွေး တစ်ပန်းကန်လောက်တော့ ကြိုးစားပြီး သောက်သင့်ပါတယ်ရှင့်..
အဖျားကြီးခြင်းနဲ့ တွဲပြီး ခေါင်းအုံခေါင်းခဲခြင်းကို ပြင်းပြင်းထန်ထန်ခံစားရတဲ့အခါ မကြောက်ကြပါနဲ့....
ကိုဗစ်ကြောင့်ခေါင်းခဲခြင်းအတွက် ထန်းလျက်စစ်စစ်က နိုင်ပါတယ်..
တစ်ရက်အတွင်း သုံးလေးခဲခန့် ဝင်အောင်စားပေးရင် သက်သာပါတယ်ရှင့်.......
လူငယ်တွေအနေနဲ့ အဖျားရက်ရှည်တဲ့ ဒီကိုဗစ်နဲ့ကြုံတဲ့အခါ စိတ်မရှည်တတ်ကြပါဘူး....
လူမမာစာလည်း စားဖို့ အကြောက်အကန်ငြင်းကြပါလိမ့်မယ်....
သူတို့အတွက်ကြိုကြိုတင်တင် ခေါက်ဆွဲခြောက် အသားခြောက် သီးစုံဓာတ်ဆားတို့ကို ကြိုတင်စုထားသင့်ပါတယ်.......
ကိုဗစ် ဖျားပုံဖျားနည်းကြီးက တစ်မျိုးကြီးပါ..
တငွေ့ငွေ့နဲ့ ချွေးလည်း အများကြီးထွက်နေတာမျိုးပါ....
ချွေးထွက်လေ.... နှာမွှန်လေ.....
နှာမွှန်လေ....အသက်ရှုခက်လေပါပဲ....
အဖျားကျဖို့ ဘိုင်အိုဂျက်ဆစ်သောက်ရပါတယ်..
ဘိုင်အိုဂျက်ဆစ်သောက်ပြန်ရင်လည်း ချွေးတွေက အလွန်အမင်း ထွက်လာပါတယ်...
အဲဒါဆိုရင် အသက်ရှုရတာ နည်းနည်း အဆင်မပြေပါဘူး.....
လိုအပ်သည်ထက်ပိုထွက်နေတဲ့ ချွေးကို နည်းသွားစေဖို့ ဆိမ့်တာ တစ်ခုခု စားပေးရပါတယ်..
ကြက်ဥပြုတ်၊ နွားနို့၊ အစေ့အဆံ တစ်ခုခုပေါ့..
အဖျားငါးရက်ကျော်လာတဲ့အခါ ညောင်းပြီး နုံးနေတာမျိုး ဖြစ်နိုင်ပါတယ်.....အစားကို ဝင်အောင်များများစားတာမျိုးဖြစ်ဖြစ် စွပ်ပြုတ်သောက်တာမျိုးပဲဖြစ်ဖြစ် ပြန်လည် အားဖြစ်စေနိုင်ပါတယ်........
သံပရာရည်သောက်ခြင်းဖြင့်လည်း နေရတာသက်သာပြီး အစာစားချင်စိတ်ကို ပြန်ရစေနိုင်ပါတယ်.....
နှာမွှန်ပြီ ဆိုတာနဲ့ တစ်ရှူးကို နှစ်ခေါက် ခေါက်ပြီး ထွန်းရွှေဝါဆေး တို့လိုက်ပါ...ထပ်ခေါက်လိုက်တဲ့အခါ လေးခေါက်ချိုးပေါ့..
ဆေးတို့ထားတဲ့ လေးခေါက်ချိုးတစ်ရှူးစလေးကို နှာခေါင်းပေါ်မှာ မကြာမကြာအုပ်ပြီး ရှုပေးပါ...
အိပ်တဲ့အခါလည်း နှာခေါင်းပေါ်တင်ပြီး အိပ်ရင် အိပ်ရတာ အသက်ရှု မကြပ်ပဲ လွယ်ကူစေပါတယ်...
ဒီနေရာမှာ ထပ်ပြီး ပြောပြချင်တာရှိပါတယ်....
ထွန်းရွှေဝါပဲဖြစ်ဖြစ် ရှုဆေးတစ်မျိုးမျိုးကိုပဲဖြစ်ဖြစ် ရှုပေးနေခြင်းဟာ နှာခေါင်းရဲ့နှာမွှန်နေခြင်းကို သက်သာစေသလို လိုအပ်တဲ့ဆေးပေးနေရခြင်းလို့လည်း သိစေချင်ပါတယ်....
နှာခေါင်းမှာ ထူးဆန်းတဲ့ အနံ့တစ်မျိုး ရနေပါလိမ့်မယ်...
ရလည်း ရနေပါတယ်...
အဲဒီအနံ့ပျောက်ခြင်း ရှူဆေးနဲ့ နှာခေါင်းရဲ့အနံ့ခံအာရုံကို ကုသပေးသင့်ပါတယ်.....
မိမိကျန်းမာရေးအတက်အကျကို သိဖို့ အဖျားတိုင်းခြင်းနဲ့ အောက်စီဂျင်တိုင်းခြင်းကို တစ်နေ့ နှစ်ကြိမ်ခန့် တိုင်းသင့်ပါတယ်......
တကယ့်တကယ် ရင်ဆိုင်ကြုံတွေ့လာတဲ့အခါ စိတ်ပျက် အားလျော့ မနေပဲနဲ့ ဘယ်လို အကောင်းဆုံးကျော်ဖြတ်မလဲ ဆိုတဲ့ အတွေးနဲ့ ပြင်ဆင်ပြီး ကျော်ဖြတ်ကြပါ......လို့.....
နောက်ဆုံးအနေနဲ့.......
ကိုဗစ်ဖြစ်လာပြီးတဲ့နောက် သတ်မှတ်ရက်က နှစ်ပတ်ပါ....
နှစ်ပါတ်မပြည့်မခြင်း အိမ်အပြင်သို့ လုံးဝ မထွက်ခြင်းဖြင့် မိမိမှ သူတစ်ပါးသို့ ကူးစက်ခြင်းအန္တရာယ်မှ ကင်းဝေးကြပါစေ......
ကိုယ်တိုင်ဂရုစိုက်ခြင်းဖြင့် ကျော်လွှားနိုင်ကြပါစေ...
Cr ပေးပါတယ်

10/07/2021

COVID လူနာတွေ ဘာလို့ Oxygen ကျတာလဲ ??

လေထဲမှာက အောက်စီဂျင်က ၂၁%၊ နိုက်ထရိုဂျင် ၇၀% နဲ့ အခြားဓာတ်ငွေ့တွေပါပါတယ်။ ဒီနေရမှာ ကိုဗစ်လူနာတွေအောက်စီဂျင်ဘာကြောင့်လိုတာလဲနဲ့ ဘယ်လောက်လိုတာလဲသိဖို့လိုပါတယ်။

ပုံမှန်ကျန်းမာတဲ့လူဟာ လေထဲမှာရှိတဲ့အောက်စီဂျင်ပမာဏနဲ့လုံလောက်နေပါတယ်။

ဒါပေမယ့် ကိုဗစ်ရဲ့ အဓိက တိုက်ကွက်က အသက်ရှုလမ်းကြောင်းနဲ့ အဆုတ်ကိုပါ။ အရင်လိုလေထဲမှာရှိတဲ့ပမာဏကိုပဲ အပြည့်အဝမစုပ်ယူနိုင်တော့ပါဘူး။ အဲ့အတွက်တစ်ခါရှုလိုက်တိုင်းမှာ အောက်စီဂျင်ပမာဏအရင်ကထက်များများလိုလာပါတယ်။

အဲ့ဒါကြောင့် အောက်စီဂျင်သန့်သန့် (သို့) ၉၉% လောက်ပြည့်ဝတဲ့အောက်စီဂျင်ဘူးတွေကိုပေးရတာပါ။

နောက်တစ်မျိုးအနေနဲ့ လေထဲကအောက်စီဂျင်ကို ဖိအားသုံးပြီး စစ်ထုတ်ကာ စုပေးတဲ့ Oxygen Concentrator စက်တွေကို လည်းသုံးလို့ရပါတယ်။ အဲ့လိုစက်တွေတောင်မှ အများဆုံး အောက်စီဂျင် ၉၃ - ၉၅ % လောက်ထိပဲ စစ်ထုတ်ပေးနိုင်ပါတယ်။ အဲ့လောက်ထိရောက်အောင် အနည်းဆုံစက်ကို မိနစ်သုံးဆယ်လောက်ဖွင့်ထားရပါသေးတယ်။

မှတ်ချက်။ oxygen concentrator တွေဟာလဲ ထုတ်လုပ်တဲ့ company နဲ့ quality ပေါ်မှုတည်ပြီး အောက်စီဂျင်သန့်စင်ပေးတဲ့နှုန်းတွေမတူပါဘူး။ အများအားဖြင့် ၃လီတာအား လောက်မှာ ၉၅% ဖြစ်ပေမယ့် ၅လီတာအားလောက်ကျရင် ၉၀% အောက်လောက်ပဲပေးနိုင်တော့တာတွေရှိပါတယ်။ အဲ့အတွက် ဝယ်ရင်သေခြာမေးမြန်းပြီးဝယ်ကြပါ။

ရောဂါ အပြင်းအပျော့ပေါ်မှုတည်ပြီး အသက်ရှုလမ်းကြောင်းနဲ့ အဆုတ်က ပုံမှန်လုပ်ဆောင်နိုင်မှုတွေဟာလဲ အနှေးနဲ့အမြန်ကျဆင်းလာပါတယ်။ အဲ့အတွက် ရောဂါပြင်းထန်မှုပေါ်မူတည်ပြီး အောက်စီဂျင်လိုအပ်တဲ့ပမာဏဟာလဲမတူတော့ပါဘူး။

နောက်ပိုင်းလူနာရဲ့အဆုတ်က အရမ်းထိခိုက်လာတယ်ဆိုရင် လေပါမရှုနိုင်တော့ပါဘူးအဲ့ကြရင်တော့ ventilator လိုစက်မျိုးနဲ့ပါ လေကိုတွန်းပို့ပြီး အသက်ဆက်ရပါတယ်။

မနေ့က အောက်စီဂျင်ကျလို့ အရေးပေါ် အောက်စီဂျင်ရှာမရင် အလှမွေးငါးကန်မှာသုံးတဲ့ လေပန့် (အောက်စီဂျင်စက် လို့မှားခေါ်) ၃ လုံးလောက်ကို ရေဘူးက ရေကိုဖြတ်ပြီးရှုရင်ရတယ်ဆိုတဲ့ post တွေတော်တော်များများတက်လာပါတယ်။

အလှမွေးငါးကန်သုံးတဲ့ လေပန့်က ပြင်ပကလေကို ငါးကန်ထဲထည့်ပေးတာလောက်ပဲလုပ်ပေးတာပါ။ အောက်စီဂျင်စစ်ထုတ်ပေးတာမလုပ်ပါဘူး။

အဲ့ဒါကြောင့် အလှမွေးငါးလေပန့်လောက်နဲ့အဆင်မပြေပါဘူး သတိထားကြပါ။

Ko Myo

05/07/2021

Dr Askari ဆိုသူသည် အီရန်နိုင်ငံ တီဟီရန်မြို့ရှိ ဆေးရုံတစ်ရုံတွင် တာဝန်ထမ်းဆောင်နေသည်မှာ နှစ်ပေါင်း ၂၀ခန့်ရှိနေပြီဖြစ်ပါသည်။ ၄င်းမှ Covid-19 Corona Virus ကို ကြိုတင်ကာကွယ် တားဆီးနိုင်ရန်အတွက် အလွန်လွယ်ကူပြီး ဆေးဝါးမလိုအပ်သည့် နည်းလမ်းကို လမ်းညွှန်ပေးထား ပါသည်။

၁ ။ လည်ချောင်းတွင် စူးရှရှခံစားလာပြီး လည်ချောင်း နာချင်လာပြီဟု ခံစားလာပြီဆိုလျှင် ဆားရေနွေး နွေးလေးကို ငုံပြီး ခေါင်းမော့၍ ပလုပ်ကျင်းပါ။ မိမိခံ နိုင်သည့်အပူချိန်ကို အသုံးပြုပါ။ တစ်နေ့လျှင် တစ်မိနစ်ခန့် သုံးကြိမ်ပြုလုပ်ပါ။ ယခုကဲ့သို့ပြုလုပ်မည်ဆို ပါက ပထမဆုံးနေ့တွင်ပင် virus ကို အနိုင်ယူ နှိမ် နင်းနိုင်မည် ဖြစ်ပါသည်။

၂ ။ လည်ချောင်းစူးရှမှု ပိုပြင်းထန်လာခဲ့ပါက ဆားရေကို ငုံခြင်းအပြင် ကြက်သွန်ဖြူ တစ်တက်ကို ခွာပြီး ပါးစပ်အတွင်း ငုံထားပါ။ ဝါးမစားရပါ။ ထို့နောက် ကြက်သွန်ဖြူကို သွားဖြင့် အနည်းငယ် ဖိကိုက်လိုက်ပါ။ ကြက်သွန်ဖြူမှ အရည်နှင့်အတူ စူးရှသည့်အပူ ထွက်လာပါလိမ့်မည်။ ထိုအပူရှိန်ကို အဆုတ်အထိ ရောက်အောင် ရှူသွင်းလိုက်ပါ။ ထို့နောက် ၁၀ စက္ကန့်ခန့် အသက်အောင့်ထားပါ။ ၄င်းတွင်ပါဝင်သည့် ဓာတ်သည် ပိုးမွှားကို သေစေလိမ့်မည်ဖြစ်သည်။ ဤသည် လည်ချောင်းနာခြင်းကို သက်သာစေပြီး ရောဂါ ၏ 80%ကို ကုသပေးသည်။

၃ ။ လည်ချောင်းနာနေပြီး ချောင်းဆိုးစတင်လာပြီဆို လျှင် ရေနွေးငွေ့ကို မျက်နှာရှေ့ထားပြီး အငွေ့များကို အဆုပ်ထိရောက်အောင် ရှူပေးပါ။ တစ်နေ့ ၃ကြိမ် နှစ်ရက်ခန့် ပြုလုပ်ပေးလျှင် ရောဂါ၏ 90%ကို ကုသ နိုင်ပြီး virus ကိုလည်း နှိမ်နင်းနိုင်မည်ဖြစ်သည်။

၄။ အထပ်ပါအလုပ်များကို မလုပ်ဆောင်နိုင်ခဲ့ပဲ ရောဂါဖြစ်နေပြီဆိုလျှင် အချက် ၃ချက်စလုံးကို လုပ်ဆောင် ရင်း
က။ သံပုရာရည် တစ်ဇွန်း+ပျားရည်တစ်ဇွန်း သောက်ပါ။ ဤနည်းလမ်းသည် virus များကို နှိမ်နင်းရာ တွင် အထိရောက်ဆုံးနည်းလမ်းဖြစ်သည်။

ခ ။ လဘက်ရည်ပူပူ (အချိုခြောက် ရေနွေး သကြားအနည်းငယ်) စွတ်ပြုတ်များကို သောက်ပါ။ ခုခံအား ကောင်းရန်ဖြစ်သည်။

ဂ ။ လေဝင်လေထွက်ကောင်းသည့်နေရာတွင်နေပါ
ဖော်ပြပါအချက်များကို တိကျစွာလုပ်ဆောင်မည်ဆို လျှင် ရောဂါ၏ 99% ကို ကုသနိုင်မှာဖြစ်ပြီး ယခြဖြစ်ပေါ်နေသည် covid-19 corona virus ကိုလဲ အနိုင်ယူတွန်းလှန်နိုင်မည် ဖြစ်ပါသည်။

နိုင်ငံသူ/သားအပေါင်း Covid-19 Corona Virus
မှ ကင်းဝေးနိုင်ကြပါစေ💪👊💯🇲🇲

မူရင်းတင်သူ Ko Wunna အား CREDIT ပေးပါတယ်ခင်ဗျာ 🙏

14/12/2020

vitamin C နှင့် Coronavirus (Covid-19)

ဗီတာမင်စီဟာ ရေဓာတ်အဓိက ပါဝင်သည့်အတွက် အရွယ်ရောက်ပြီးသော လူတစ်ယောက်အများဆုံး သောက်သုံးသင့်သည် ပမာဏမှ 2000mg ဖြစ်ပြီး တစ်ရက်လိုအပ်သော ပမာဏထက် ပိုပြီးစားသုံးမယ် သောက်သုံးမယ်ဆိုရင်တော့ ဗိုက်အောင့်ခြင်း ခေါင်းမူး ခေါင်းကိုက် ပျို့အန်ခြင်းများ ဖြစ်တတ်ပါသည်။

Coronavirus (Covid-19) ကြောင့်လဲ vitamin C ဟာ လူတိုင်းနီးပါး နေ့စဉ်သောက်သုံးနေသော ဆေးတစ်မျိုးဖြစ်လာပါတယ်။ vitamin C ဟာ Coronavirus (Covid-19) ကိုကာကွယ်ပေးတာမဟုတ်ပါဘူး။ ခုခံအားကောင်းဖို့အတွက်သာ vitamin C ကိုသောက်သုံးကြတာဖြစ်ပါတယ်။

အကယ်၍ ဗီတာမင်စီ ဆေးလုံးသောက်မည်ဆိုပါက နေ့စဉ်သောက်သုံးသင့်သည့်ပမာဏမှာ အောက်ပါအတိုင်းဖြစ်ပါသည်။

အရွယ်ရောက်ပြီးသော အမျိုးသား 90 mg
အရွယ်ရောက်ပြီးသော အမျိုးသမီး 75 mg
ကိုယ်ဝန်သည် 80-85 mg
မွေးစကလေး မှ ၆လအရွယ် 40 mg
၇လမှ ၁၂လအရွယ် ကလေး 50 mg
၁နှစ်မှ ၃နှစ် 15 mg
၄နှစ်မှ ၈နှစ် 25 mg
၉နှစ်မှ ၁၃ နှစ် 45 mg
၁၄နှစ်မှ ၁၈နှစ် (ယောကျ်ားလေး) 75 mg
၁၄နှစ်မှ ၁၈နှစ်(မိန်းခလေး) 65 mg

နေ့စဉ် စားသုံးနေသာ အသီးအနှံများမှရရှိနိုင်မည့် သဘာဝ Vitamin C

ခန္ဓာကိုယ်အတွက် လိုအပ်သော Vitamin C ကိုအောက်ပါအသီးအနှံများစားသုံးခြင်းဖြင့် လွယ်ကူစွာရရှိနိုင်ပါသည်။

၁။ သီးစုံဖျော်ရည်
၂။ခရမ်းချဉ်သီး
၃။မာလကာသီး
၄။သဘော်သီး
၅။စတော်ဘယ်ရီ
၆။ငရုပ်သီးအနီရောင်
၇။အဝါရောင်ငရုပ်ပွ
၈။ပန်းပွင့်စိမ်း
၉။အစိမ်းရောင်ဟင်းရွက်များ
၁၀။တရုတ်နံနံ
၁၁။အာလူး
၁၂။အသဲ
၁၃။ငါးဥ တို့ဖြစ်ပါသည်။

ကျန်းမာရေး၊ အလှအပနဲ့ပါတ်သက်တဲ့ ဗဟုသုတလေးတွေ သူငယ်ချင်းတွေသိစေဖို့ Like & Share လုပ်ခြင်းဖြင့် မျှဝေလိုက်ပါအုံးနော်

❤ sharing is caring ❤

Your Fitster (ကျန်းမာရေး နှင့် အလှအပ Mobile App)

11/12/2020

အားလုံးမျှော်လင့်နေကြတဲ့ COVID ကာကွယ်ဆေးအကြောင်း သိကောင်းစရာ.

မျော်လင့်နေကြရတဲ့ Covid 19 ကာကွယ်ဆေးက UK မှာအခုစထိုးပေးနေပါပြီ။ ရှေ့နှစ်လည်လောက်တော့ မြန်မာပြည်ရောက်နိုင်ပါတယ်။ ဒီထက်လည်း စောနိုင်ပါတယ်၊ ဒီမှာဖော်ပြထားတဲ့ ၃ မျိုးကတော စမ်းသပ်မှုရလဒ်ကောင်းတွေနဲ့ နာမည်ကြီးနေတဲ့ ကာကွယ်ဆေးတွေပါ။ ဒီကာကွယ်ဆေးတွေအကြောင်းနဲ့ ဆေးဘယ်လိုထိုးရတယ်ဆိုတာ လေ့လာမိသလောက်လေး ဖော်ပြပေးတာပါ။

☑Oxford AstraZeneca (အောက်စဖို့ကာကွယ်ဆေး UK)
▪ စျေးနုန်း $4 ( မြန်မာငွေ ၅ ထောင် ကျပ် ခန့်မှန်း)
▪70-90% ကာကွယ်ပေးနိုင်ပါတယ်
▪၆ လအထိထားခံ (အိမ် သုံး ရေ ခဲ သေတ္တာ ထဲ)

☑ Pfizer/BioNtech (ဖိုင်ဇာ-ဘိုင်ယွန်တက် US-German)
▪ စျေးနုန်း $20 ( မြန်မာငွေ ၂ သောင်း ကျပ် ခန့်မှန်း)
▪95% ကာကွယ်ပေးနိုင်ပါတယ်
▪၅ ရက် အထိထားခံ (အိမ်သုံး ရေခဲသေတ္တာထဲ)
▪၁ လ အထိအထားခံ Dry-Ice Chest
(ရေခဲအိတ်ခြောက်ဖြင့်သိမ်းဆည်းထားလျှင်)
▪၆ လ အထိထားခံ (အဆင်မြင့်စီမံထားတဲ့ -70 degrees Celcius အထိအေးတဲ့ Cold Freezer ထဲမှာသိမ်းဆည်းလျှင်)

☑ Moderna (မိုဒါးနား USA)
▪ စျေးနုန်း $15-$25 ( မြန်မာငွေ ၂ သောင်း ကနေ
၃ သောင်းခွဲလောက်ကျနိုင်ပါတယ်)
▪94% ကာကွယ်ပေးနိုင်ပါတယ်
▪ ၁၂ နာရီ အထိထားခံ (သာမန် အခန်းအပူချိန်ထဲ)
▪၁ လ အထိထားခံ (အိမ် သုံး ရေခဲ သေတ္တာ ထဲ)
▪၆ လ အထိထားခံ ( Standard Cold Freezer
ထဲမှာသိမ်းဆည်းလျှင်)

☑ အခြားတရုပ်၊ ရှရှားနဲ့ အိန္ဒိယ ကထုတ်တဲ့အမျိုးအစားတွေလည်းရှိနေပါသေးတယ်။

☑ မြန်မာနိုင်ငံ လူဦးရေရဲ့ ၂၀ % အတွက် ကာကွယ်ဆေးကို COVAX အစီအစဉ်မှနေပြီး နောက်နှစ် မက်လ နောက်ပိုင်းမှာရရှိမည်ခန့်မှန်းထားပါသည်

☑ ကျန်ရှိတဲ့ လူဦးရေအတွက် ကာကွယ်ဆေးကိုလည်း အမေရိကန်၊ ယူကေ၊ တရုပ် နဲ့ အိန္ဒိယ နိုင်ငံတွေက ဝယ်ယူဖို့ ဆွေးနွေးနေကြပါတယ်။

UK မှာတော့ ကာကွယ်ဆေးနှစ်မျိုးကို အသုံးပြုရန်ရှိပါတယ်. နှစ်မျိုစလုံးက ရလဒ်ကောင်းတွေ ရထားပြီးတော့ 90-95% အထိကာကွယ်ပေးနိုင်ပါတယ်။ ယခု UK မှာစထိုးပေးနေတာက Pfizer/BioNtech (ဖိုင်ဇာ-ဘိုင်ယွန်တက် US-German) အမျိုးအစားပါ။ နောက်တစ်မျိုးကိုတော့ မကြေငြာသေးပါဘူး။

🔷 ဘယ်သူတွေကို ကာကွယ်ဆေးအရင်ထိုးမှာလဲ။

ကာကွယ်ဆေးကို တစ်ကမ္ဘာလုံး လူဦးရေကို ထိုးရမှာဖြစ်တဲ့အတွက် လုံလုံလောက်လောက် တပြိုင်တည်း မရနိူင်ပါဘူး။ ဒါကြောင့် UK မှာ အသက် ၈၀ အထက်လူကြီးများ၊ ကုသရေးဘက်က ကျန်းမာရေးဝန်ထမ်းများ၊ ပြင်းထန်ရောဂါဝေဒနါ ခံစားနေရသူများ ကိုအရင် ဦးစားပေးပြီး ထိုးပေးပါတယ်။ ပြီးတော့မှ ကျန်တဲ့သူများကို အစီအစဉ်တကျ ထိုးမှာပါ။ မြန်မာပြည်မှာလည်း ဒီအတိုင်းဘဲ လုပ်ဆောင်ကြဖို့ များပါတယ်

🔷 ကာကွယ်ဆေးကို ဘယ်လိုထိုးရမလဲ။

အပေါ်ကဖော်ပြထားတဲ့ ကာကွယ်ဆေးအားလုံးက ရလဒ်ကောင်းတွေ ရထားပြီးတာမို့ မည်သည့် အမျိုးအစားဖြစ်ဖြစ် ၉၀% အထိကာကွယ်မှုပေးမှာ ဖြစ်တာကြောင့် အခွင့်အရေးရတာနဲ့ မဖြစ်မနေထိုးသင့်ပါတယ်။

ပြည်တွင်းကို ဘယ်အမျိုးအစား အရင်တင်သွင်းရောက်ရှိမယ်ဆိုတာကတော့ စျေးနုန်း၊ ရရှိနိူင်မည့် ပမာဏ၊ သယ်ယူပို့ဆောင််မှု နဲ့ ထိမ်းသိမ်းဖို့အတွက် လိုအပ်တဲ့ အအေးခန်း storage အစရှိတာတွေအပေါ် မူတည်နိုင်ပါတယ်။

🔷 မည်သည့် အမျိုးအစားထိုးထိုး ၂ ကြိမ်ထိုးရပါမယ်

▪ပထမ အကြိမ်ထိုးပြီး ၃ ပတ် (သို့) ၄ ပတ်နေလျှင် ဒုတိယကာကွယ်ဆေးကို ထိုးရပါမယ်။
▪ကာကွယ်ဆေး ၂ ကြိမ်ပြည့်အောင်ထိုးမှသာ အပြည့်အဝကာကွယ်နိုင်မှာ ဖြစ်ပါတယ်။
▪ကာကွယ်ဆေးဟာ ပထမအကြိမ်ထိုးပြီး ၁၀-၁၂ ရက်လောက် ကြာမှ စတင်အလုပ်လုပ်မှာ ဖြစ်ပါတယ်။
▪ဒုတိယ အကြိမ် ထိုးပြီးမှသာ ရာနုန်းပြည့် ကာကွယ်မှုလုပ်မှာ ဖြစ်ပါတယ်။

🔷 ဆေးထိုးရင်နာမှာလား၊ ဘေးထွက်ဆိုးကျိုး Side effects ကရော ဘာတွေဖြစ်နိုင်မလဲ။

အခြားကာကွယ်ဆေးတွေလိုဘဲ အနည်းနဲ့အများ ဆိုသလို side effects အနည်းငယ်တော့ ရှိတက်ပါတယ်။ ဒါပေမယ့် လူတိုင်းတော့ မဖြစ်ပါဘူး၊ တစ်ချို့သော လူအနည်းငယ်မှာသာ ဖြစ်တတ်တာမျိုးပါ။ ဒါပေမဲ့လည်း အဲဒီ side effects က ပြင်းထန်တဲ့ခံစားမှုမျိုးမဟုတ်ဘဲ၊ ခဏတာသာဖြစ်တာမျိုးပါ။

🛑 ဖြစ်နိုင်တဲ့ side effects များကတော့ 🛑

▪ဆေးထိုးထားတဲ့နေရာကနေပြီး ထိုးပြီး ၂ ရက်လောက်မှာ နာကျင်တာ၊ ရောင်ယမ်းတာ မျိုးလေးတွေ ဖြစ်တတ်ပါတယ်။

▪ခေါင်းကိုက်တာ၊ ပင်ပန်းနွမ်းနယ်တာမျိုးနဲ့

▪ဆေးထိုးပြီး ၂ ရက် ၃ ရက်လောက်ကြာတဲ့အခါ ကိုယ်ငွေ့ငွေ့ပူပြီး ဖျားချင်သလိုမျိုးလေးတွေ ဖြစ်တက်ပါတယ်။

▪အခြားတုပ်ကွေး (Flu) ရောဂါလက္ခဏာမျိုးနဲ့ ကိုယ်လက်ကိုက်ခဲတာ မျိုးလေးတွေ ဖြစ်တတ်ပါတယ်။

▪ခုပြောပြတဲ့ side effects တွေဟာ လူတိုင်းတော့ မဖြစ်ပါဘူး၊ ဖြစ်ခဲ့ရင်လည်း သေချာစွာ အိပ်စက်အနားယူ၊ Paracetamol လောက်သောက်ရုံနဲ့ ၁ ပတ်လောက်နေရင် သက်သာသွားတက်ပါတယ်။

🔷 ဆေးထိုးပြီးရင် ဘာတွေ ဆောင်ရရှောင်ရမလဲ။

ဆေးထိုးပြီး မူးတာဝေတာမျိုး ဖြစ်တတ်တဲ့ အတွက် ဆေးထိုးပြီးတာနဲ့ ခဏလေး ငြိမ်ငြိမ်လေးနေ ဖို့လိုပါတယ်။ ဘာရောဂါလက္ခဏာ မှမခံစားရဖူး ဆိုရင်တော့ ပုံမှန်လုပ်ဆောင်တာတွေ လုပ်လိုရပါတယ်။

▪ဆေးထိုးထားတဲ့ လက်မောင်းနေရာက နာကျင်ယောင်ယမ်းနိုင်တဲ့ အတွက်ကြောင့် လေးပင်တဲ့အရာများကို မရင် သတိထားသင့်ပါတယ်။

▪ဆေးကြောင့် မူးဝေတာမျိုး၊ နေမကောင်းတာမျိုး ဖြစ်စေခဲ့ရင် ကားမောင်းတာမျိုး ကို ခဏရှောင်သင့်ပါတယ်။

▪ကာကွယ်ဆေး ထိုးပြီး ၂ လ အတွင်း ကိုယ်ဝန်ဆောင်တာမျိုးကိုလည်း ရှောင်သင့်ပါတယ်။

🔷 ဆေးထိုးပြီးရင် Covid 19 မကူးနိုင်တော့ဘူးလား။

ကာကွယ်ဆေးတွေ အားလုံးက 95% အထိ ကာကွယ်မှုပေးနိုင်တဲ့ အတွက်ကြောင့် မိမိကိုယ်ကူးစက်ခံရဖို့နဲ့ မိမိထံမှနေပြီး အခြားသူတွေဆီ ကူးဆက်ဖို့ အခွင့်အလမ်းက အရမ်းကို နည်းသွားပါပြီ။ ဒါပေမယ့် မည်သည်ကာကွယ်ဆေးမဆို 100% ကာကွယ်မှုပေးနိုင်ခြင်းမရှိပါဘူး။ ကျန်တဲ့ 5 % ကနေပြီး ကိုယ်ချစ်တဲ့ မိသားစု၊ သူငယ်ချင်း၊ မိတ်ဆွေတွေ ဆီကို ဆက်ပြီး မကူးဆက်ဖို့ အတွက်အရင်လိုဘဲ သတိရှိရှိလေးနဲ့ ဆက်နေပေးကြရအောင်နော်။

✅ Mask တပ်ပါ ✅ လက်ဆေးပါ ✅ မျက်လုံး၊နှာခေါင်းနဲ့ မျက်နှာကို မကြာခဏ ထိတွေ့တာ ရှောင်ရှားပါ ✅ လူစုလူဝေးရှိတဲ့ နေရာများရှောင်ရှားပါ။

လက်ရှိအချိန်လေးမှာတော့ ကျန်းမာပျော်ရွင်စွာ နေထိုင်ဖို့ ကြိုးစားရင်း နောင်နှစ်သစ်မှာ ရမယ့် Covid Vaccines လေးကိုတူတူ စောင့်စားကြတာပေါ့နော်။ ❤❤❤

ဆုမွန်ကောင်းများစွာဖြင့်
Dr Khin Myat Myat Nway
ကလေးအထူးကု (ထားဝယ်ဆေးရုံ)

25/11/2020

ကိုယ့်မျက်နှာတဖက်ခြမ်းဟာ ဘာလို့အခြားတစ်ဖက်ထက် ကြည့်ကောင်းနေတာလဲ?

သူငယ်ချင်းတွေနဲ့ Group Photo ရိုက်တဲ့အခါ Groupထဲက သူငယ်ချင်းတစ်ယောက်က ''ဟဲ့ ဟဲ့ ခဏနေပါအုံးဆိုပြီး (သူမနှစ်သက်တဲ့ မျက်နှာတဘက်ခြမ်းကိုဉီးစားပေးပြီး Camera နဲ့ အဆင်ပြေပြေဖြစ်အောင် ဗယ်ဘက်ကနေ ညာဘက်ကိုသွားတာ၊ Group ရဲ့ညာဘက်ကနေ ဗယ်ဘက်ကိုသွားတာ ကိုယ်တွေ အပါအဝင်လက်တွေ.ဖြစ်ဖူးကြတယ်ဟုတ် :-)

ကိုယ့်ဂရုထဲမှာ ဒီလိုသူငယ်ချင်းလေးများရှိခဲ့ရင် အပြစ်မဆိုစေချင်ပါဘူး။ ဘာလို့လဲဆို သူမရဲ့ ကိုယ်ပိုင်ရွေးချယ်မှုကို လက်ခံသင့်လို့ပါ။ တကယ်လည်း ကိုယ်တွေရဲ့ မျက်နှာတဖက်ခြမ်းဟာ အခြားတစ်ဖက်ထက် ကြည့်ကောင်းနေတတ်လို့ပါ။ Selfies ရိုက်လေ့ရှိတဲ့သူ အတော်များများ ဒီအချက်ကို သတိထားမိကြမှာပါ။

Wake Forest University ရဲ့ ၂၀၁၂ လေ့လာတွေ့ရှိချက်များအရ၊ စိတ်ပညာရှင် များ၏ တွေ့ရှိချက်အရ လူအတော်များများမှာ မျက်နှာ၏ ဗယ်ဘက်ခြမ်းသည် ညာဘက်ခြမ်းထက် ပိုမိုကြည့်ကောင်းလေ့ရှိသည်ဟု သိရပါသည်။ ကဲ မှန်ထကြည့်တော့နော် :-p

တကယ်တမ်းမှာ မျက်နှာ ဗယ်ဘက်ခြမ်းနှင့် ညာဘက်ခြမ်းဟာ တစ်ဖက်နှင့် တစ်ဖက် မှီခိုမှုမရှိပဲ Selfies ရိုက်တဲ့အခါ ဗယ်ဘက်ခြမ်းကသာ ပိုမိုဆွဲဆာင်မှုရှိပြီး Camera နဲ့ပိုမိုအံဝင်ခွင်ကျ ဖြစ်လေ့ရှိတယ်လို့ သိရပါသည်။ မျက်နှာဗယ်ဘက်ခြမ်းဟာ မိမိစိတ်ခံစားမှုကို ပိုမို ဖော်ဆောင်လေ့ရှိပြီးဉီးနှောက်ရဲ့ အသိကို မျက်နှာဗယ်ဘက်ခြမ်း ရဲ့ ကြွက်သားများကဖော်ဆောင်ပေးတယ်လို့ ဆိုပါတယ်။

ကျန်းမာရေး၊ အလှအပနဲ့ပါတ်သက်တဲ့ ဗဟုသုတလေးတွေ သူငယ်ချင်းတွေသိစေဖို့ Like & Share လုပ်ခြင်းဖြင့် မျှဝေလိုက်ပါအုံးနော်

❤ sharing is caring ❤

Your Fitster (ကျန်းမာရေး နှင့် အလှအပ Mobile App)

24/11/2020

ပြန်လည်အသုံးပြုနိုင်သော အဝတ် Mask များကို နေလှန်းအသုံးပြုသင့်သလား?

စျေးကွက်တွင် တွေ့ရှိရေသော Mask အမျိုးမျိုးအနက် တစ်ခါသုံး Mask မဟုတ်ပဲ ပြန်လည်အသုံးပြုနိုင်သော အဝတ် Mask များကို အသုံးပြုသည့်အခါ Covid-19 (ကိုရိုနာဗိုင်းရပ်စ်)သည် အပူကိုကြောက်သည့်သဘောကြောင့် မိမိအသုံးပြုနေသည့် Mask များကို နေပူတွင်၁ရက် ၂ရက်ခန့်ထားပြီး ပြန်အသုံးပြုလေ့ရှိပါသလား ?

ထိုသို့ အသုံးပြုနေပါက ချက်ချင်းရပ်သင့်ပါသည်။ တကယ်တော့ ကိုရိုနာဗိုင်းရပ်စ်သည် ပူသော နေရောင်ခြည်နှင့်အပူချိန် ၂၅'C ရှိသည့်တိုင်အောင် (ပူသောနိုင်ငံ၊ နေရောင်ခြည်အမြဲရရှိသောနိုင်ငံ) များတွင်ပင်ကူးစက်နေသည်မှာ လက်တွေ့ပင်ဖြစ်ပါသည်။

Mask ကို မိမိနေ့စဉ်ဝတ်နေသည့် အတွင်းခံလိုမျိုး ပြန်ပြောင်းစဉ်းစားကြည့်ပါ။ မလျော်ဖွတ်ပဲ နေ့စဉ်မည်သူမှ ပြန်ဝတ်မည်မဟုတ်ပါ။ အဝတ် Mask ကို အသုံးပြုပြီးပါက နောက်တစ်ကြိမ်သုံးဖို့ အဆင်သင့်ဖြစ်စေရန် ဆပ်ပြာဖြင့် သေချာစွာ လျှော်ဖွတ်သင့်ပါသည်။ နေ့စဉ်ပြန်သုံးမည်ဆိုပါက နေ့စဉ်လျှော်ပါ။

သင်၏ Mask တွင် သင်သွားလာခဲ့သော ပတ်ဝန်းကျင်မှ ဗတ်တီးရီးယားနှင့် မှိုများ စွဲကပ်လာနိုင်သောကြောင့်ဖြစ်ပါသည်။ အကယ်၍ တစ်နေ့တာအတွင်းမှာ ဒီ Mask ကိုပဲ ဖြုတ်လိုက်၊ တပ်လိုက် လုပ်နေပါက ယခုကဲ့သို့ ပတ်ဝန်းကျင်မှ ဗတ်တီးရီးယားနှင့် မှိုများ စွဲကပ်လာနိုင်ပါသည်။

ထို့ကြောင့် ကျန်းမာရေးနှင့်ညီညွတ်စေရန် မိမိ နေ့စဉ် အသုံးပြုနေသာ ပြန်လည်အသုံးပြုနိုင်သည့် အဝတ် Mask များကို အဝတ်လျှော်စက်ဖြင့်ဖြစ်စေ၊ လက်ဖြင့်ဖြစ်စေ ဆပ်ပြာနှင့် သေချာစွာ လျှော်ဖွတ် သန့်စင်ပြီးမှ နောက်တစ်ကြိမ် အသုံးပြုသင့်ပါသည်။ လျော်ဖွတ်ပြီး Mask ကိုနေလှန်းခြောက်သွေ့နေသော အချိန်မှသာ နောက်တစ်ကြိမ်ပြန်လည် အသုံးပြုပြီး Covid-19 (ကိုရိုနာဗိုင်းရပ်စ်)ကို ထိရောက်စွာကာကွယ်ပါ။

ကျန်းမာရေးနဲ့ပါတ်သက်တဲ့ ဗဟုသုတလေးတွေ သူငယ်ချင်းတွေသိစေဖို့ Like & Share လုပ်ခြင်းဖြင့် မျှဝေလိုက်ပါအုံးနော်

❤ sharing is caring ❤

Your Fitster (ကျန်းမာရေး နှင့် အလှအပ Mobile App)

19/10/2020

အနံ့ပျောက်လူနာများသို့

*** အနံ့ပျောက်သူများ အနံ့ပြန်ရရင် သူများကို မကူးနိုင်ဟု ထင်ကြပါတယ် ။ ဒါ မှားပါတယ်။ ၂ ပတ်အထိ ကူးနိုင်ပါတယ် ***

ယခုရန်ကုန်တိုင်းမှာ အနံ့ရုတ်တရက်ပျောက်လူနာတွေများလာပါတယ်။ ကျနော့်ကိုယ်ပိုင်အမြင်အရ COVID-19 ဘယ်လောက်ဆက်ပြီး ပျံ့မလဲဆိုတာက အနံ့ပျောက်လူနာတွေအနေနဲ့ အခြားသူဆီမကူးအောင် ဘယ်လောက်နေနိုင်လဲအပေါ်မှာ မူတည်ပါတယ်။ တကယ်လို့ သင်ဟာ အနံ့ပျောက်ပြီးဆိုရင် အောက်က အချက်တွေကို နားလည်ဖို့လိုပါတယ်။

👍🏼(၁) ဖျားတာ ချောင်းဆိုးတာ မရှိရင် အနံ့ပျောက်လူနာအများစုဟာ Covid-19 ရောဂါနောက်ဆက်တွဲ ဆိုးရွားတဲ့ ပြသနာတွေဖြစ်ပေါ်လေ့မရှိပါ။ အနံ့ တစ်ခုထဲ ပျောက်တာဟာ ဆေးပညာအရ good prognosis လို့တောင် ပြောကြပါတယ်။ ဆိုလိုတာက ကိုယ်ကိုယ်တိုင်အတွက် စိုးရိမ်စရာသိပ်မရှိပါ။

👍🏼(၂) အနံ့ပြန်ရဖို့ ထွေထွေထူးထူး ဆေးမလိုပါ။ သူ့ဘာသာ တစ်ပတ်လောက်အတွင်း အနံ့ပြန်ရပါတယ်။

👍🏼(၃) အနံ့ပျောက်လူနာများဟာ အနံ့မပျောက်ခင် ၂ ရက်ကစပြီး ၂ ပတ်အတွင်း အခြားလူများကို ကူးနိုင်ပါတယ်။ အနံ့ပြန်ရရင်လဲ ၂ ပတ်အထိ အခြားသူကို ကူးနိုင်လို့ သီးသန့်ခွဲနေဖို့ အရေးကြီးပါတယ်။

👍🏼(၄) အနံ့ပျောက်လူနာများဟာ အနံ့ပြန်ရရင်မကူးနိုင်တော့ဖူးလို့ ယူဆနေကြပါတယ်။ ဒါဟာ အယူအဆ အမှားပါ။ (၂) ပတ်အထိကူးနိုင်ပါတယ်။

👍🏼(၅) အနံ့ပျောက်ပြီဆိုတာနဲ့ အိမ်ကလူတွေနဲ့ ခွဲနေပါ။ နီးစပ်ရာ fever clinic (သို့) ဆေးရုံကို အကြောင်းကြားပြီး ကုသအကြံပေးမှုကိုခံယူပါ။ လိုအပ်ရင် fever clinic များမှ အနံ့ပျောက်စင်တာများသို့ ပို့ပေးပါလိမ့်မယ်။

👍🏼(၆) ကျနော်တို့ သတိပေးချင်တာကတော့ အနံ့မရတာ တခုပဲရှိတဲ့ လူနာတွေဟာ သူတို့ကိုကုဖို့ဆိုတာထက် အခြားလူကိုမကူးအောင် နေကြဖို့ပိုအရေးကြီးတယ်ဆိုတာကိုသတိပေးချင်တာပါ။ ဒါကြောင့် အနံ့ပျောက်လူနာများ သတိကြီးကြီးထားပြီး သီးသန့်နေကြမယ်ဆိုရင် Covid-19 ဆက်လက်ကူးစက်မှုကို တားဆီးနိုင်မှာ ဖြစ်ပါတယ်။

Dr Myat Min Oo

10/10/2020

အိမ်မှာနေရင်း လိုက်လုပ်နိုင်မယ့် "Burpees လေ့ကျင့်ခန်း"

ဒီ "Burpees လေ့ကျင့်ခန်း" ဟာဆိုရင် ဝမ်းဗိုက်နှင့် ပေါင်သားရှိ အဆီများကျစေရန် အိမ်မှာ နေ့စဥ်ပြုလုပ်သင့်သော လေ့ကျင့်ခန်းဖြစ်ပါတယ်။ Gym ပစ္စည်းကိရိယာများလည်း မလိုသလို နေ့စဥ် ၁၀ ခါ၊ ၁၅ ခါ လုပ်ရုံဖြင့် ၃ ပတ်အတွင်းမှာ သိသိသာသာ အဆီတွေကျလာမှာ လည်းဖြစ်ပါတယ်။

ကဲ့ Your Fitster နဲ့တူတူ လိုက်လုပ်ကြည့်လိုက်ရအောင်။

Stay Home လုပ်ရင်း အိမ်တွင် ကိုယ်တိုင်လိုက်လုပ်နိုင်သော Fitness လေ့ကျင့်ခန်း Video များအား "Your Fitster" (ကျန်းမာရေး နှင့် အလှအပ) Mobile App တွင် (အခမဲ့) ကြည့်ရှုနိုင်ပါပြီ။

ဤ လေ့ကျင့်ခန်း အတွက် Ultra Fitness မှ ကူညီပန့်ပိုးပေးပြီး Ultra Fitness မှ Instructor - Ko Robert ကို အထူးကျေးဇူးတင်ရှိပါသည်။

Your Fitster ဆိုတာ ကျန်းမာရေး နှင့် အလှအပ ဆိုင်ရာ Mobile App ဖြစ်ပြီး Your Fitster မှာ Beauty Spa များ၊ Gym / Fitness Center များ၊ Laser Clinic များ စုံလင်စွာပါရှိပြီး ၎င်းတို့၏ ဝန်ဆောင်မှုများ၊ Promotion များ၊ Photo များ၊ Video များ ကိုတစ်နေရာတည်းတွင် ကြည့်ရှုနိုင်မည့်အပြင် Your Fitster ၏ VIP Member Card ဖြင့် အထူး Exclusive Discount (5% ~ 30% အထိ) ရရှိမှာဖြစ်ပါတယ်။

Play Store နှင့် App Store တွင် " Your Fitster " ဟု ရိုက်ရှာကာ ဒေါင်းလုပ်ရယူနိင်ပါတယ် (သို့) Download လုပ်ယူရန် Link ကို ဤ Post အောက်ရှိ Comment တွင်ကြည့်ပါ။

Mobile App အသုံးပြုရန် အခက်အခဲရှိပါက Your Fitster Team အား မေးမြန်းနိုင်ပါတယ် 🙂

Your Fitster
ကျန်းမာရေး နှင့် အလှအပ
Web Portal & Mobile App (Android & iOS)

Your Fitster

27/08/2021

05/08/2021

16/07/2021

15/07/2021

10/07/2021

05/07/2021

14/12/2020

11/12/2020

25/11/2020

24/11/2020

19/10/2020

10/10/2020

Address

Telephone

Website

Alerts

Contact The Practice

Shortcuts

Share

Category

ကျန်းမာရေး နှင့် အလှအပ ဆိုင်ရာ Web Portal & Mobile App