19/06/2025
📌သွေးလွန်တုပ်ကွေးရောဂါဟာ မိုးရာသီမှာ ကလေးတွေအဖြစ်များဆုံးရောဂါဖြစ်ပါတယ်။💁♂️🦟
သွေးလွန်တုပ်ကွေးရောဂါဟာ ရောဂါပိုးသယ်ဆောင်ထားတဲ့ "အေးဒီးစ်"(Aedes) ခြင်ကျား အကိုက်ခံရခြင်းကြောင့်ကူးစက်ခံရနိုင်ပါတယ်။🦟
သွေးလွန်တုပ်ကွေးရောဂါအတွက် ထိရောက်တဲ့ ကာကွယ်ဆေးနဲ့ ကုသရန် ဗိုင်းရပ်စ်ပိုးသတ်ဆေးများမရှိသေးတာကြောင့် မိမိတို့ရဲ့သားသားမီးမီးလေးတွေကို သေချာဂရုစိုက်သင့်ပါတယ်။✔️
ရောဂါပိုးကူးစက်ခံရတဲ့ လက္ခဏာတွေကတော့..
❎အဖျားကြီးခြင်း
❎ခန္ဓာကိုယ်တွင် အနီစက်များထွက်ပေါ်လာခြင်း
❎ခေါင်းကိုက်ပြီးကိုယ်လက်များကိုက်ခဲခြင်း
❎ပျို့အန်ခြင်း
❎ဝမ်းလျှောခြင်းတို့ပဲဖြစ်ပါတယ်။
မိမိရဲ့ကလေးဟာ....
📌နှာခေါင်းသွေးလျှံခြင်းနှင့် သွားဖုံးသွေးယိုခြင်း
📌 ကော်ဖီရောင်အန်ခြင်းနှင့်ဝမ်းမဲများသွားခြင်း
📌 အလွန်မှိန်းပြီးခြေဖျားလက်ဖျားအေးစက်ခြင်း
📌 ကယောင်ကတမ်းပြောခြင်း
📌 ဆီးသွားနည်းပြီးရုတ်တရက် ဗိုက်အောင့်ခြင်း စသည်တို့ဖြစ်ပေါ်လာသောအခါ မပေါ့ဆဘဲ ဆေးရုံဆေးခန်းသို့အမြန်ဆုံးသွားရောက်ပြသသင့်ပါတယ်။
မိုးရာသီမှာ အဖြစ်များတဲ့သွေးလွန်တုတ်ကွေးရောဂါကို ကာကွယ်ခြင်းဖြင့် ကိုယ့်ရဲ့တန်ဖိုးထားရတဲ့ သားသားမီးမီးလေးတွေရဲ့ ကျန်းမာရေးကို ဂရုစိုက်လိုက်ရအောင်
