29/07/2025
🌧မိုးရာသီဟာ ရောဂါဘယတွေအဖြစ်များတဲ့ရာသီပဲဖြစ်ပါတယ်။
အအေးမိဖျားနာ၊ ရာသီတုပ်ကွေး၊ သွေးလွန်တုပ်ကွေး၊ ခြင်မှတစ်ဆင့်ကူးစက်တတ်သောရောဂါများနှင့် ဝမ်းရောဂါများ အဖြစ်များတဲ့ရာသီလည်း ဖြစ်ပါတယ်။
ဒီနေ့မှာတော့ မာရှန်လေးက မိုးရာသီမှာအဖြစ်များတဲ့ ဝမ်းရောဂါအကြောင်းကို ဗဟုသုတအဖြစ်ပြောပြပေးသွားမှာဖြစ်ပါတယ်
။
🤗 🌦မိုးရာသီရဲ့ ပူနွေးစိုစွတ်မှုက ဝမ်းရောဂါဖြစ်စေနိုင်သော 🦠ဘတ်တီးရီးယားအပါအဝင် အခြားရောဂါပိုးများနှင့် မှိုရောဂါ ပေါက်ပွားမှုကိုအားပေးတာကြောင့် လေထုနှင့်ရေထုထဲတွင် ဘတ်တီးရီးယားများပြန့်နှံ့ခြင်းဖြစ်နိုင်ပါတယ်။
😯 ဘတ်တီးရီးယာများကပ်ငြိနေသည့် မသန့်ရှင်းသော အစားအစာများနှင့် မသန့်ရှင်းသောရေများသောက်သုံးမိခြင်းကြောင့် အစာအိမ်နှင့် အူလမ်းကြောင်းတစ်လျှောက်တွင်ပိုးဝင်ပြီး ဝမ်းရောဂါတွေဖြစ်နိုင်ပါတယ်။
ဘာကြောင့် မိုးရာသီမှာ ဝမ်းရောဂါတွေပိုဖြစ်တာလဲ❓
မိုးသည်းထန်စွာရွာခြင်းကြောင့် ရေနှုတ်မြောင်းများရေလျှံခြင်းနှင့် လမ်းမများပေါ်တွင် 💦မိုးရေတင်ကျန်ခြင်းတို့ဖြစ်နိုင်ပြီး ထိုရေများတွင် ဘတ်တီးရီးယားပိုးမွှားများပါဝင်နိုင်ပါတယ်။
ထိုမသန့်ရှင်းသောရေများဟာ မြစ်၊ ချောင်း၊ အင်းအိုင်များအတွင်းသို့စီးဆင်းခြင်းနှင့် မြေကြီးထဲသို့စိမ့်ဝင်ခြင်းကြောင့် သောက်သုံးရေ အရင်းအမြစ်များတွင် 🦠ဘတ်တီးရီးယားပိုးမွှားများအနည်ကျခြင်းဖြစ်နိုင်ပြီး မသန့်ရှင်းသောရေသောက်သုံးမိခြင်းကြောင့် ဝမ်းရောဂါဖြစ်နိုင်ပါတယ်။
😦 ထို့အပြင်မိုးရာသီရဲ့ ပူနွေးစိုစွတ်မှုက 🦟ယင်ကောင်ပေါက်ပွားမှုကိုလည်း တိုးစေနိုင်ပြီး ယင်နားခြင်းကြောင့် အစားအစာများတွင် ဘတ်တီးရီးယားများကပ်ငြိခြင်းတွေဖြစ်နိုင်ပါတယ်။
⚠ယင်နားထားတဲ့ မသန့်ရှင်းသောအစားအစာများကိုစားသုံးမိခြင်းကြောင့်လည်း ဝမ်းရောဂါဖြစ်စေနိုင်ပါတယ်။
⚠ ဝသန်ရာသီမှာဖြစ်တတ်တဲ့ ဝမ်းရောဂါတွေကနေ သားသားမီးမီးလေးတွေကို ဘယ်လိုကာကွယ်မလဲ❓
✅သားသားမီးမီးလေးတွေကို ရေသန့် (သို့) ကျိုချက်ထားသောရေကိုသာတိုက်ကျွေးပါ။
✅သားသားမီးမီးများကို ကျက်အောင်ချက်ပြုတ်ထားသော အစားအစာများကိုသာ ကျွေးမွေးပါ။
✅အစားအစာများကို ခြင်ယင်မနားနိုင်အောင် လုံခြုံစွာဖုံးအုပ်ပါ။ သားသားမီးမီးလေးတွေ ယင်နားစာများ မစားသုံးမိစေရန်ဂရုစိုက်ပေးပါ။
✅အစားအစာများကို မကိုင်တွယ်ခင် လက်ဆေးခြင်းနှင့် အိမ်သာမှပြန်ထွက်လာပြီးတိုင်း လက်ဆေးခြင်း အလေ့အကျင့်ကို သင်ကြားပေးပါ။
✅သားသားမီးမီးလေးတွေ တစ်ကိုယ်ရည်သန့်ရှင်းမှုရှိစေရန် ဂရုစိုက်ပေးပါ။
✅သားသားမီးမီးလေးတွေနေထိုင်ရာပတ်ဝန်းကျင်ကို ခြင်၊ ယင်တို့မပေါက်ပွားစေရန် ဂရုစိုက်ပေးပါ။
✅ဖေဖေ၊ မေမေများအနေနှင့်လည်း သားသားမီးမီးတို့အတွက် အစားအစာများမပြင်ဆင်မီလက်ဆေးခြင်း၊ အညစ်အကြေးနှင့် အမှိုက်သရိုက်များကိုင်တွယ်ပြီးတိုင်း လက်ကိုသေချာစွာဆေးကြောခြင်းတို့ပြုလုပ်ပေးသင့်ပါတယ်။
ဝသန်ရာသီကို ဝမ်းရောဂါကင်းရှင်းပြီး ကျန်းမာစွာနဲ့ကျော်ဖြတ်နိုင်ပါစေကြောင်း မာရှန်လေးက ဆုမွန်ကောင်းတောင်းပေးလိုက်ပါတယ်။။🤗
𝐑𝐞𝐟𝐞𝐫𝐞𝐧𝐜𝐞
𝐡𝐭𝐭𝐩𝐬://𝐞𝐡𝐩.𝐧𝐢𝐞𝐡𝐬.𝐧𝐢𝐡.𝐠𝐨𝐯/𝐝𝐨𝐢/𝐟𝐮𝐥𝐥/𝟏𝟎.𝟏𝟐𝟖𝟗/𝐄𝐇𝐏𝟔𝟏𝟖𝟏
𝐡𝐭𝐭𝐩𝐬://𝐚𝐜𝐚𝐝𝐞𝐦𝐢𝐜.𝐨𝐮𝐩.𝐜𝐨𝐦/𝐚𝐣𝐞/𝐚𝐫𝐭𝐢𝐜𝐥𝐞/𝟏𝟕𝟗/𝟑/𝟑𝟒𝟒/𝟏𝟎𝟒𝟐𝟏𝟗 𝐖𝐚𝐭𝐞𝐫 𝐐𝐮𝐚𝐥𝐢𝐭𝐲 𝐓𝐨𝐩𝐢𝐜𝐬: 𝐏𝐚𝐭𝐡𝐨𝐠𝐞𝐧𝐬 | 𝐔𝐒 𝐄𝐏𝐀 𝐄𝐱𝐭𝐫𝐞𝐦𝐞 𝐰𝐚𝐭𝐞𝐫-𝐫𝐞𝐥𝐚𝐭𝐞𝐝 𝐰𝐞𝐚𝐭𝐡𝐞𝐫 𝐞𝐯𝐞𝐧𝐭𝐬 𝐚𝐧𝐝 𝐰𝐚𝐭𝐞𝐫𝐛𝐨𝐫𝐧𝐞 𝐝𝐢𝐬𝐞𝐚𝐬𝐞 - 𝐏𝐌𝐂 (𝐧𝐢𝐡.𝐠𝐨𝐯)
𝐡𝐭𝐭𝐩𝐬://𝐰𝐰𝐰.𝐚𝐩𝐨𝐥𝐥𝐨𝐜𝐥𝐢𝐧𝐢𝐜.𝐜𝐨𝐦/𝐛𝐥𝐨𝐠/𝐜𝐨𝐦𝐦𝐨𝐧-𝐦𝐨𝐧𝐬𝐨𝐨𝐧-𝐢𝐥𝐥𝐧𝐞𝐬𝐬-𝐚𝐧𝐝-𝐩𝐫𝐞𝐜𝐚𝐮𝐭𝐢𝐨𝐧𝐬/ #:~:𝐭𝐞𝐱𝐭=𝐃𝐢𝐠𝐞𝐬𝐭𝐢𝐯𝐞%𝟐𝟎𝐬𝐲𝐬𝐭𝐞𝐦%𝟐𝟎𝐢𝐧𝐟𝐞𝐜𝐭𝐢𝐨𝐧𝐬%𝟑𝐀,%𝟐𝐂%𝟐𝟎𝐥𝐨𝐨𝐬𝐞%𝟐𝟎𝐦𝐨𝐭𝐢𝐨𝐧𝐬%𝟐𝐂%𝟐𝟎𝐚𝐧𝐝%𝟐𝟎𝐧𝐚𝐮𝐬𝐞𝐚.
𝐡𝐭𝐭𝐩𝐬://𝐰𝐰𝐰.𝐦𝐨𝐡𝐬.𝐠𝐨𝐯.𝐦𝐦/𝐩𝐚𝐠𝐞/𝟏𝟎𝟖𝟖𝟗
