14/10/2021
ဆံပင်နဲ့ဆိုင်တဲ့ ပြဿနာများအတွက်တော့ Sugarbear Hair
အိပ်စက်ခြင်းဆိုင်ရာ ပြဿနာများအတွက်တော့ Sugarbear Sleep
ခန္ဓာကိုယ် ကျန်းမာလှပဖို့ အတွက်တော့ Sugarbear Multi-Vitamin
သင့်ရဲ့ ပြဿနာတေကို ဖြေရှင်းပေးဖို့ ရောင်စုံ ဝက်ဝံလေးတွေက အသင့်ရှိနေပါပြီနော်
အခုတလော ဆံပင်အရမ်းကျွတ်နေကြလား❓
နုမြတ်တော့ ကျွတ်လွန်းလို့ အရမ်းစိတ်ညစ်နေပါပြီ.. 😥
ခေါင်းလျှော်ရင်လည်း ကျွတ်… ခေါင်းဖြီးရင်လည်း ကျွတ်… ဆံပင်စည်းရင်လည်းကျွတ်… ဆံပင်သပ်လည်းကျွတ်… အိပ်ရင်လည်းကျွတ်နဲ့ တကယ်ကို စိတ်ညစ်စရာနော်..
တံမြက်စည်းလှည်း ဖုန်စုပ်ရင်လည်း ကြမ်းပြင်မှာ ဆံပင်ချည်တွေက မမြင်ချင်မှအဆုံးပဲ ☹
Facebook ပေါ်မှာလည်း ဆံပင်ကျွတ်လို့ စိတ်ညစ်နေတဲ့ ပို့စ်တွေ ခဏခဏတွေ့ရပါတယ်..
အများစုက ကိုဗစ်ဖြစ်ခဲ့တဲ့သူတွေပါ..
🦠ကိုဗစ်နှင့် ဆံပင်ကျွတ်ခြင်း🦠
———————————————————-
အဲဒါနဲ့ ရှာဖတ်ကြည့်တော့ ကိုဗစ်ဖြစ်ပြီး နှစ်လ-သုံးလအကြာမှာ Side Effect အနေနဲ့ ဆံပင်ကျွတ်လေ့ရှိပါတယ်တဲ့
မျက်လုံးခြောက်တာ၊ အရေပြားမှာ အညိုအမဲကွက်တွေပေါ်လာတာ၊ ဆံပင်ကျွတ်တာက ကိုဗစ်ကနေပြန်ကောင်းလာပြီးနောက် ဖြစ်တတ်တဲ့ Side effect တွေပါတဲ့။ ကိုဗစ်လက္ခဏာတွေကို ၂ ပတ် ၃ ပတ်လောက်ခံစားခဲ့ရသူတွေမှာ Side Effect ပိုဖြစ်တတ်ပါတယ်။
တစ်နေ့ကို ဆံပင်အချောင်း ၁၀၀ လောက် ပုံမှန်ကျွတ်ပါတယ်။ ဒါပေမဲ့ ကိုဗစ်ဖြစ်အပြီးမှာတော့ တစ်နေ့ကို အပင် ၃၀၀-၄၀၀ လောက်ထိ ကျွတ်လာတတ်ပါတယ်။
ကိုဗစ်ကြောင့် ဆံပင်ကျွတ်တာကို ဆေးပညာအရ “Telogen Effluvium” လို့ခေါ်ပါတယ်။ ကင်ဆာရောဂါပျောက်ဆေးတွေ သောက်ရလို့ ဆံပင်ကျွတ်ပြီး ပြန်မပေါက်တာမျိုး (Hair Loss) မဟုတ်ဘဲ ရိုးရိုးဆံပင်ကျွတ်တာ (Hair Shedding) ပဲ ဖြစ်ပါတယ်။
ဖျားရင်၊ နေမကောင်းဖြစ်ရင်၊ Stress များလွန်းရင် ဆံပင်တွေကျွတ်လာတတ်ပါတယ်။
ဆံပင်ကျွတ်ရုံတင်မက ဦးရေပြားယားယံတာ၊ လောင်နေသလို ခံစားရတာ၊ အနာတွေပေါက်နေတာဆိုရင်တော့ အရေပြားဆရာဝန်နဲ့ ပြပေးသင့်ပါတယ်။
❓❓အမြဲကျွတ်နေတော့မှာလား❓❓
———————————————————-
ဆံပင်တအားကျွတ်တာ စိတ်ညစ်စရာကောင်းပေမဲ့ မစိုးရိမ်ပါနဲ့။ တစ်သက်လုံး ပြန်မပေါက်တော့ဘဲ ထိပ်ပြောင်သွားမှာတော့ မဟုတ်ပါဘူး။
ဆံပင်ကျွတ်တာက ၆ လ ကနေ ၉ လလောက်ထိတော့ ကြာပါမယ်။ အဲ့နောက်ပိုင်း ဆံပင်တွေ မကျွတ်တော့ပဲ ပုံမှန်ပြန်ဖြစ်မှာပါ။ အဲ့ဒီနောက် ပြန်ပေါက်လာတဲ့ ဆံသားနုလေးတွေနဲ့ ဆံပင်ပြန်အုံထူလာမှာပါ။
❓ဆံပင်အကျွတ်သက်သာအောင် ဘာလုပ်ရမလဲ❓
———————————————————-
ကိုယ်တိုင်လည်း ဆံပင်တအားကျွတ်နေတော့ ဆံပင်အကျွတ်သက်သာအောင် ဘယ်လိုလုပ်ရမလဲဆိုတာ ရှာဖတ်ဖြစ်ပါတယ်။ ကိုယ်ရှာတွေ့ထားတဲ့ နည်းတွေကို ပြောပြမယ်နော်…
ဆံပင်အတွက်အာဟာရ
🔸ဆံပင်နဲ့ အရေပြားကျန်းမာရေးအတွက် အရေးကြီးတဲ့ ဗီတာမင် B7 နဲ့ ဗီတာမင် D ချို့တဲ့ရင် ဆံပင်အကျွတ်များပါတယ်။ ဗီတာမင် B7 ရဲ့အခြားအမည်ဖြစ်တဲ့ Biotin ပါတဲ့ အားဆေးသောက်ပေးပါ။
🔸ဗီတာမင်ဒီသောက်ပါ။ မသောက်ချင်ရင် မနက်စောစောနေရောင်ကို ၁၅ မိနစ်လောက်ခံပေးရပါမယ်။
🔸သံဓာတ်ချို့တဲ့ရင်လည်း ဆံပင်ကျွတ်တတ်ပါတယ်။ သံဓာတ်များတဲ့ အစားအစာ စားပါ။ ဟင်းနုနယ်လို အစိမ်းရင့်ဟင်းသီးဟင်းရွက်၊ ဆိတ်သား၊ ဝက်သားလို အနီရောင်အသား၊ ပင်လယ်စာတွေမှာ သံဓာတ်ကြွယ်ဝပါတယ်။ Ferovit တို့ Ferofort တို့ Tothema တို့လို သံဓာတ်အားဖြည့်ဆေးသောက်ပေးပါ။
သတိထားရမှာက❗️
🔸ခေါင်းဖြီးတဲ့အခါ ဘီးကျဲနဲ့သာ ဖြီးပါ။
🔸ဆံပင်ကို တင်းနေအောင် မစည်းပါနဲ့။ သရေပင်မသုံးပါနဲ့။
🔸ဆံပင်ကို မကလိပါနဲ့။ အရောင်ဆိုးတာ။ ကောက်တာ ဖြောင့်တာ လုပ်ချင်ရင် ခဏအောင့်ထားပါ။
🔸ဆံပင်အဖျားလေးတွေ တိပေးပါ။ အဖျားတအားရှုပ်ရင်လည်း ဆံပင်ကျွတ်တတ်ပါတယ်။
ခေါင်းလျှော်တဲ့အခါမှာ
🧖♀️ခေါင်းကို ၂ ရက်-၃ရက် တစ်ကြိမ်လျှော်ပေးပါ။ ခေါင်းမလျှော်တာကြာရင် ဦးရေပြားအဆီပြန်တတ်ပြီး ခဏခဏလျှော်ပြန်ရင်လည်း ဦးရေပြားခြောက်ကာ အကျွတ်များတတ်ပါတယ်။
🥒ခေါင်းမလျှော်ခင် ရှားစောင်းလက်ပတ်ကို ဦးရေပြားလိမ်းပေးပြီးမှ လျှော်ပါ။
🧅ကြက်သွန်နီကို ချေပြီး ထွက်လာတဲ့အရည်ကို ဦးရေပြားမှာ လိမ်းပေးပါ။ ၁၅ မိနစ်လောက်နှပ်ထားပြီးမှ ရေဆေးချကာ ခေါင်းလျှော်ပါ။ ကြက်သွန်နီက သွေးလည်ပတ်မှုကောင်းစေတယ်။ ဆံပင်သန်စေပါတယ်။
🍵Green Tea ရေနွေးကြမ်းကို ဦးရေပြာမှာ ပွတ်လိမ်းပေးရင်လည်း ဆံပင်အကျွတ်သက်သာတယ်လို့ သိရပါတယ်။ ကော်ဖီခွက်တစ်ခွက်ထဲ Green Tea လက်ဘက်ခြောက်နှစ်ထုပ်ထည့်ကာ နှပ်ထားပါ။ အအေးခံပြီး ဦးရေပြားမှာလိမ်းပါ။ တစ်နာရီလောက်ထားပြီးမှ ခေါင်းလျှော်ပါ။
🧴ခေါင်းလျှော်ရည်သုံးတဲ့အခါ ဓာတုပစ္စည်းပါတာ မသုံးနဲ့။ သဘာဝပစ္စည်းတွေနဲ့ ဖော်စပ်ထားတာပဲ သုံးပါ။
💆🏻♀️ခေါင်းလျှော်ရင် ဦးရေပြားကို နှိပ်ပေးပါ။
❌ရေစိုနေတဲ့ဆံပင်ကို မဖြီးပါနဲ့။ သဘက်နဲ့ ခပ်ကြမ်းကြမ်းမသုတ်ပါနဲ့။ တတ်နိုင်ရင် Dryer နဲ့ မမှုတ်ပါနဲ့။ သဘာဝအတိုင်း အခြောက်ခံပါ။
ဒါဆိုရင်တော့ ဆံပင်အကျွတ်သက်သာလာပါလိမ့်မယ်။
အားလုံးပဲ ဆံပင်အကျွတ်သက်သာပြီး အမြန်ပြန်အုံထူလာပါစေ..
ချစ်ခင်လျှက်
ဒေါက်တာနုမြတ်သိင်္ဂီဦး
