https://www.facebook.com/103758026155997/

Shwe Poe Pharmacy, No 747B, Mahabandula Road, Nagyi Ward, Shwepyithar Township, Yangon (2026)

31/10/2023

သားသားမီးမီးလေးတွေလိုချင်တာလား 👶👶👶

1+1 ကို 3 ဖြစ်ချင်လား 💏💏💏

Zee Gold Strong (အမျိုးသားအားဆေး)
Zee Gold Women (အမျိုးသမီးအားဆေး)

ရွှေပိုးဆေးဆိုင်မှာမှာယူလို့ရပါတယ်ရှင်

#အမျိုးသားအားဆေး
#အမျိုးသမီးအားဆေး

09/10/2023

အရက်နာကျတဲ့ဝေဒနာ သက်သာအောင် ဘယ်လိုလုပ်မလဲ❔

ညက အပေါင်းအသင်းတွေနဲ့ ပျော်ရင်းပါးရင်း ကိုယ့်ရေချိန်ထက်ကျော်ပြီး မော့လိုက်မိလို့ နောက်နေ့မနက်နိုးလာတဲ့အခါ အရက်နာကျတဲ့ဝေဒနာကို ခံစားလာရပြီလေ 😩

အရက်နာကျတဲ့ခံစားချက်က အရမ်းကို ဆိုးလွန်းတာကြောင့် နောက်တစ်ခေါက် အရက်မသောက်တော့ဘူးလို့ ပြောတဲ့သူတွေလည်း ရှိပါတယ်။

အရက်နာကျတာက အရက်🍺မှာပါတဲ့ ဓာတုပစ္စည်း၊ အဆိပ်အတောက်တွေကြောင့်ဖြစ်ပြီး အရက်အများကြီးသောက်တဲ့အခါ အားအင်ကုန်ခမ်းခြင်းနဲ့အတူ ခေါင်းကိုက်တာ၊ မူးဝေတာ၊ ရေငတ်တာ၊ ပျို့အန်တာ၊ ဗိုက်အောင့်တာတွေ ခံစားရတာကို ပြောတာပါ။

ဒီလို အရက်နာကျတဲ့ဝေဒနာ သက်သာအောင် လုပ်ပေးရမဲ့အချက်တွေကို ဆက်ဆွေးနွေးပေးသွားပါမယ်။

✅ ရေများများသောက်ပေးပါ

အရက်နာကျခြင်းရဲ့လက္ခဏာတွေဖြစ်တဲ့ ခေါင်းကိုက်တာ၊ မူးဝေတာက ရေဓာတ်ခန်းခြောက်ခြင်းကြောင့်လည်း ဖြစ်နိုင်ပါတယ်။ ဒါကြောင့် ဆုံးရှုံးသွားတဲ့ ရေဓာတ်💧ကို ပြန်လည်ဖြည့်တင်းပေးဖို့ ရေများများသောက်ပေးသင့်ပါတယ်။ ရေအပြင် ရေဓာတ်ဖြည့်ပေးနိုင်တဲ့ ကြက်စွပ်ပြုတ်၊ သစ်သီးဖျော်ရည်၊ အုန်းရည်တွေကိုလည်း သောက်ပေးနိုင်ပါတယ်။

✅ အာဟာရပြည့်ဝတဲ့မနက်စာကို စားပေးပါ

အရက်နာကျတဲ့သူ တော်တော်များများ မနက်စာကို မစားဘဲနေကြတာ များပါတယ်။ ခေါင်းကိုက်တာ၊ ပျို့အန်တာတွေကြောင့် အစာစားရင် ပိုဆိုးသွားကြမယ်လို့ ထင်ကြပါတယ်။ တကယ်တော့ ဒီအချက်က မှားပါတယ်။

အာဟာရပြည့်ဝတဲ့ မနက်စာ 🥗 ကိုစားတာက ခန္ဓာကိုယ်အတွက် လိုအပ်တဲ့ အာဟာရဓာတ်ကို ဖြည့်တင်းနိုင်သလို ကိုယ်တွင်းအဆိပ်အတောက်ကိုလည်း ဖယ်ရှားပေးပြီး သွေးတွင်းသကြားဓာတ်ပမာဏကိုလည်း ထိန်းညှိပေးပါတယ်။ ဒါကြောင့် မနက်အိပ်ရာနိုးလာရင် အစာစားချင်စိတ်မရှိရင်တောင် အစာကြေလွယ်စေတဲ့ ငှက်ပျောသီး၊ ကြက်ဥ၊ ပေါင်မုန့်တစ်ခုခုကို စားပေးပါ။ အဆီများတဲ့အစားအစာ၊ အစာချေရခက်တဲ့အစားအစာကိုတော့ ရှောင်ကြဥ်ပေးပါ။

✅ အကိုက်အခဲပျောက်ဆေးကို သောက်ပေးပါ

ဆေးဆိုင်တွေမှာ အလွယ်တကူဝယ်လို့ရတဲ့ Ibuprofen နဲ့ Paracetamol (ပါရာစီတမော) အကိုက်အခဲပျောက်ဆေး 💊 တွေက အရက်နာကျတဲ့အခါ ခံစားရတဲ့ ခေါင်းကိုက်တာ၊ ကိုယ်လက်ကိုက်ခဲတာကို သက်သာစေပါတယ်။ ဆေးအညွှန်းမှာပါတဲ့ ပမာဏအတိုင်းသောက်သုံးပေးပါ။ အစာအိမ်ထိခိုက်နိုင်တဲ့အတွက် အစာစားပြီးမှ သောက်ပေးပါ။

နောက်ပြီး ဗီတာမင် B1၊ B6၊ B12 တွေကိုလည်း အရက်နာကျတဲ့လက္ခဏာသက်သာစေဖို့ သောက်သုံးပေးနိုင်ပါတယ်။

✅ ကောင်းစွာအနားယူပါ

အရက်နာကျတဲ့အချိန်မှာ ပြင်းထန်တဲ့ကိုယ်လက်လှုပ်ရှားမှုကို ရှောင်ကြဥ်ပြီး ကောင်းကောင်းအိပ်စက်အနားယူပေးပါနော်။

ဒီလိုအရက်နာကျတာတွေမဖြစ်အောင် အရက်သောက်တဲ့အခါ ဒီအချက်တွေကို လိုက်လုပ်ကြည့်ပေးပါ။ ဒါတွေကတော့

👉 ဗိုက်ပြည့်အောင်စားပြီးမှ အရက်သောက်ပါ။ ဗိုက်ဟောင်းလောင်းနဲ့ အရက်သောက်တာက ခန္ဓာကိုယ်က အရက်ကို မြန်မြန်စုပ်ယူလိုက်တဲ့အတွက် အရက်နာကျတာကို ပိုဆိုးစေပါတယ်။

👉 များများသောက်လေ အရက်နာကျတာ ပိုဆိုးလေဖြစ်တဲ့အတွက် ကိုယ်သောက်နိုင်တဲ့ Limit ကိုသာ သောက်ပေးပါ။

👉 အရက်က ရေဓာတ်ဆုံးရှုံးနိုင်တဲ့အတွက် အရက်ချည်းလှိမ့်သောက်နေတာမျိုးမလုပ်ဘဲ ရေလည်းသောက်ပေးပါ။

👉 ဆေးလိပ် 🚬 သောက်ရင် အရက်နာကျတာကို ပိုဆိုးစေတဲ့အတွက် အရက်သောက်နေချိန်မှာ ဆေးလိပ်သောက်တာကို ရှောင်ကြဥ်ပေးပါ။

Shwe Poe Pharmacy Page ကနေ ကျန်းမာရေးနဲ့ပတ်သက်ပြီး ဗဟုသုတရစရာတွေကို ဆက်လက်မျှဝေပေးသွားမှာမို့ Page ကို Like👍🏻 & Follow လုပ်ထားဖို့ မမေ့ပါနဲ့။

🏥 No 747 B၊ မဟာဗန္ဓုလလမ်း၊ ရွှေပြည်သာမြို့နယ် (အိမ်မဲကြီးမှတ်တိုင်)။
☎️ 09250379184

#ရွှေပိုးဆေးဆိုင်
#အရက်နာကျခြင်း

28/09/2023

သွေးကျဲဆေးနဲ့ပတ်သက်ပြီး သိထားသင့်သည်များ

ဒီနေ့မှာတော့ မြန်မာနိုင်ငံမှာ အသုံးများတဲ့ သွေးကျဲဆေးတွေအကြောင်းကို သိရှိနိုင်အောင် မျှဝေပေးချင်ပါတယ်။

သွေးကျဲဆေးတွေက နှလုံးသွေးကြောကျဥ်းရောဂါ🫀နဲ့ လေဖြတ်ရောဂါတွေမှာ အသုံးများပါတယ်။

မြန်မာနိုင်ငံမှာ အသုံးများတဲ့ သွေးကျဲဆေးအမျိုးအစား 2 မျိုးရှိပါတယ်။

🔸 Antiplatelet Drugs
ဒီအုပ်စုကတော့ Platelet လို့ခေါ်တဲ့ သွေးဥမွှားတွေ တစ်ခုနဲ့တစ်ခု ပူးကပ်ပြီး သွေးခဲတာမျိုးမဖြစ်အောင် တားဆီးပေးပါတယ်။ အသုံးများတဲ့ Antiplatelet ကတော့ Aspirin (အက်စပရင်) ပါ။ Aspirin ကို သွေးကျဲဆေး 💊 အနေနဲ့ အသုံးပြုနိုင်သလို အကိုက်အခဲပျောက်ဆေးအနေနဲ့လည်း သုံးနိုင်ပါတယ်။ ဆေးပမာဏကတော့ ရောဂါအခြေအနေပေါ်မူတည်ပြီး ကွာခြားသွားပါတယ်။ နောက်ထပ် Antiplatelet ဆေးတွေကတော့ Clopidogrel၊ Ticagrelor တွေဖြစ်ပါတယ်။

🔸Anticoagulant Drugs
Anticoagulant ဆေးတွေကတော့ သွေးခဲခြင်းမဖြစ်အောင် တားဆီးပေးပါတယ်။ လူသိများတဲ့ Anticoagulant တွေကတော့ Warfarin၊ Heparin၊ Enoxaparin တွေဖြစ်ပါတယ်။ သွေးထွက်ခြင်း ဘေးထွက်ဆိုးကျိုးကို နည်းစေတဲ့ Anticoagulant တွေကတော့ Dabigatran၊ Apixaban တွေဖြစ်ပါတယ်။

သွေးကျဲဆေးတွေက သွေးခဲခြင်းမဖြစ်အောင်၊ ခဲပြီးသား သွေးခဲတွေ ပိုမကြီးလာအောင်သာ ကာကွယ်ပေးတာပါ။ ရှိပြီးသားသွေးခဲတွေကိုတော့ ပျော်အောင်မလုပ်နိုင်ပါဘူး။

သွေးကျဲဆေးတွေကို နှလုံးနဲ့သွေးကြောဆိုင်ရာရောဂါတွေ၊ နှလုံးခုန်စည်းချက်မမှန်တဲ့ရောဂါ၊ လေဖြတ်ရောဂါ၊ ခွဲစိတ်မှုလုပ်ပြီး သွေးခဲတာတွေမဖြစ်အောင်၊ နှလုံးအဆို့ရှင်လဲတဲ့အခြေအနေတွေမှာ အသုံးပြုပါတယ်။

သွေးကျဲဆေးတွေ သောက်သုံးနေရတဲ့သူတွေအနေနဲ့ တတ်ကျွမ်းနားလည်တဲ့ ဆရာဝန်👩🏻‍⚕️ရဲ့လမ်းညွှန်ချက်အတိုင်းသာ သောက်သုံးသင့်ပါတယ်။ ကိုယ့်သဘောနဲ့ကိုယ် ဆေးအတိုးအလျော့လုပ်တာမျိုး လုံးဝမလုပ်ပါနဲ့။

သွေးကျဲဆေးသောက်ရင် ဘယ်လိုဘေးထွက်ဆိုးကျိုးမျိုး ခံစားရနိုင်လဲ❔

သွေးကျဲဆေးသောက်ရင် အတွေ့အများဆုံး ဘေးထွက်ဆိုးကျိုးကတော့ သွေးထွက်🩸လွယ်တာပါပဲ။ သွေးကျဲဆေးသောက်ပြီး ရာသီသွေးပုံမှန်ထက်ဆင်းတာ၊ ဆီးထဲသွေးပါတာ၊ ဝမ်းထဲသွေးပါတာ၊ နှာခေါင်းသွေးလျှံတာ၊ သွားဖုံးသွေးယိုတာတို့ ခံစားရရင် ဆရာဝန်👩🏻‍⚕️ဆီ သွားရောက်ပြသပေးပါ။

အခြားဘေးထွက်ဆိုးကျိုးတွေကတော့ ဗိုက်အောင့်တာ၊ မူးဝေတာ၊ ကြွက်သားအားနည်းတာတွေလည်း ခံစားရနိုင်ပါတယ်။

သွေးကျဲဆေးတွေက အခုပြောမဲ့အရာတွေနဲ့ ဓာတ်ပြုပြီး သွေးကျဲဆေးရဲ့အာနိသင်ကို အနှောင့်အယှက်ဖြစ်စေပါတယ်။ ဒါတွေကတော့

🔺 ဗီတာမင် K
ဗီတာမင် K က Warfarin ရဲ့အာနိသင်ကို ကျဆင်းစေတဲ့အတွက် ဗီတာမင် K ပါတဲ့ ဂေါ်ဖီထုပ်၊ ပန်းဂေါ်ဖီစိမ်း၊ ကညွတ်တွေကို အများကြီး မစားသင့်ပါဘူး။

🔺 တိုင်းရင်းဆေး
သွေးကျဲဆေးသောက်နေတဲ့သူအနေနှင့် ကြက်သွန်ဖြူ၊ ဂျင်ဆင်း၊ နွယ်ချိုတွေပါတဲ့တိုင်းရင်းဆေးတွေကို သွေးကျဲဆေးနဲ့ တွဲဖက်မသောက်သင့်ပါဘူး။

🔺 ဆေးဝါး
အကိုက်အခဲပျောက်ဆေး၊ ပိုးသတ်ဆေးတွေကို သွေးကျဲဆေးတွေနဲ့ တွဲသောက်ရင် သွေးထွက်နိုင်ခြေများတဲ့အတွက် ဆရာဝန်နဲ့တိုင်ပင်ပြီးမှ သောက်သုံးသင့်ပါတယ်။

ဒီလောက်ဆို သွေးကျဲဆေးအကြောင်းကို သေချာလေးသိရှိသွားကြမယ် ထင်ပါတယ်။

🏥 No 747 B၊ မဟာဗန္ဓုလလမ်း၊ ရွှေပြည်သာမြို့နယ် (အိမ်မဲကြီးမှတ်တိုင်)။
☎️ 09250379184

#ရွှေပိုးဆေးဆိုင်
#သွေးကျဲဆေး

23/09/2023

novomix pen ၅ ချောင်းရပါမယ်

၃၀၀၀၀ ကျပ်

18/09/2023

အကိုက်အခဲပျောက်ဆေးတွေအကြောင်း ပြောကြမယ်

ခေါင်းကိုက်လို့ပဲဖြစ်ဖြစ်၊ ကြွက်သားတွေနာကျင်ကိုက်ခဲလို့ပဲဖြစ်ဖြစ် ဆေးဆိုင်တွေကနေ အကိုက်အခဲပျောက်ဆေး 💊 တွေကို ဝယ်သောက်ကြတယ်ဟုတ်။

ဒီအကိုက်အခဲပျောက်ဆေးတွေမှာ ဘာတွေပါဝင်လဲ။ ဘယ်လိုနေရာတွေမှာ သုံးလို့ရလဲ။ ဘယ်လိုဘေးထွက်ဆိုးကျိုးရှိလဲဆိုတာ ဒီနေ့ Post ကနေ ပြောပြပေးသွားပါမယ်ရှင်။

ဆေးဆိုင်တွေမှာ အလွယ်တကူဝယ်လို့ရပြီး လူသုံးများတဲ့ အကိုက်အခဲပျောက်ဆေးတွေကတော့

◽Paracetamol (ပါရာစီတမော)
ပါရာစီတမောကတော့ လူတိုင်းသိကြတဲ့ဆေးပါ။ နာကျင်ကိုက်ခဲတာကို သက်သာစေတဲ့အပြင် အဖျား🤒 လည်းကျစေပါတယ်။

◽Nonsteroidal Anti-inflammatory Drugs (NSAIDs) စတီးရွိုက်မပါတဲ့အကိုက်အခဲပျောက်ဆေး

NSAIDs လို စတီးရွိုက်မပါတဲ့ အကိုက်အခဲပျောက်ဆေးတွေက ကိုက်ခဲတာကို သက်သာစေတဲ့အပြင် အရောင်လည်းကျစေပါတယ်။ အသုံးများတဲ့ NSAIDs ဆေးတွေကတော့ Ibuprofen၊ Diclofenac၊ Naproxen၊ Mefenamic Acid နဲ့ Aspirin တွေဖြစ်ပါတယ်။ Aspirin ကိုတော့ သွေးကျဲဆေးအနေနဲ့လည်း သုံးနိုင်ပါတယ်။

အကိုက်အခဲပျောက်ဆေးတွေက စနစ်တကျသုံးတတ်ရင် အလွန်အသုံးဝင်ပါတယ်။ အကိုက်အခဲပျောက်ဆေးတွေကို ခွဲစိတ်ပြီး နာကျင်ကိုက်ခဲတာ၊ ကြွက်သားနာကျင်ကိုက်ခဲတာ၊ ခေါင်းကိုက်တာ၊ ရာသီလာချိန်ကိုက်ခဲတာတွေကို သက်သာစေပါတယ်။

အကိုက်အခဲပျောက်ဆေးတွေဖြစ်တဲ့ NSAIDs တွေကို ဝယ်သောက်နိုင်ပေမဲ့ အောက်ကအချက်တစ်ချက်ချက်ရှိနေရင်တော့ ဆရာဝန်👩🏻‍⚕️ညွှန်ကြားမှသာ သောက်သုံးသင့်ပါတယ်။ ဒါတွေကတော့

◽အသက် 65 နှစ်အထက်လူကြီးတွေ
◽အသည်း၊ ကျောက်ကပ်မကောင်းသူတွေ
◽အစာအိမ်ရောဂါရှိသူတွေ
◽ကိုယ်ဝန်ဆောင်မိခင်နဲ့ နို့တိုက်မိခင်တွေက ဘေးထွက်ဆိုးကျိုးများတဲ့အတွက် ဆရာဝန်ညွှန်ကြားချက်ပါမှ သောက်သုံးပေးပါ။

အကိုက်အခဲပျောက်ဆေးတွေကို တစ်ခါတစ်လေမှသောက်သုံးတာကတော့ ဘေးကင်းပါတယ်။ ခဏခဏသောက်သုံးနေမယ်၊ နေ့တိုင်းစွဲသောက်နေမယ်၊ လိုတာထက်ပိုပြီး အများကြီးသောက်နေမယ်ဆိုရင် အခုပြောမဲ့ ဘေးထွက်ဆိုးကျိုးတွေကို ခံစားရနိုင်ပါတယ်။ ဒါတွေကတော့

📍အစာမကြေတာ၊ ဗိုက်အောင့်တာ၊ ဝမ်းပျက်တာ၊ ပျို့အန်တာ
📍အစာအိမ်သွေးယိုတာ၊ အစာအိမ်အနာဖြစ်တာ
📍မူးဝေတာ
📍ဓာတ်မတည့်တာ
📍အသည်း၊ နှလုံး၊ ကျောက်ကပ် ထိခိုက်တာတွေ ခံစားရနိုင်ပါတယ်။

ခြုံပြောရမယ်ဆိုရင် အကိုက်အခဲပျောက်ဆေးတွေက သုံးတတ်ရင် ကောင်းကျိုးများပြီး အလွန်အကျွံသောက်သုံးနေတာမျိုးဆိုရင်တော့ အရမ်းကို အန္တရာယ်များတဲ့ ဆေးဝါးပါ။ ဒါကြောင့် ဆိုးကျိုးမဖြစ်အောင် အကိုက်အခဲပျောက်ဆေးတွေကို စနစ်တကျနဲ့ ချင့်ချိန်သောက်ပေးဖို့ အရေးကြီးပါတယ်။

🏥 No 747 B၊ မဟာဗန္ဓုလလမ်း၊ ရွှေပြည်သာမြို့နယ် (အိမ်မဲကြီးမှတ်တိုင်)။
☎️ 09250379184

#ရွှေပိုးဆေးဆိုင်
#အကိုက်အခဲပျောက်ဆေး

07/09/2023

ကလေးကျန်းမာရေး

07/09/2023

သားသားမီးမီးလေးတွေကို ဘာအားဆေးတိုက်ရမလဲ စဥ်းစားရခက်နေပြီလား❔

ကိုယ်ရဲ့ကလေးတွေကို ကျန်းမာသန်စွမ်းပြီး ဥာဏ်ရည်ဖွံ့ဖြိုးစေချင်တာက မေမေတို့အားလုံးပဲမလား 💁🏻‍♀️

ဒီလိုဖြစ်ဖို့ ကလေးတွေကို အာဟာရပြည့်ဝတဲ့အစားအစာတွေ ကျွေးကြတယ်။ ဖြည့်စွက်အားဆေးတွေကို တိုက်ကြတယ်ဟုတ်⁉️

အားဆေးကလည်း ကလေးတစ်ယောက်နဲ့ တစ်ယောက် လိုအပ်ချက်တွေ မတူညီတဲ့အတွက် အချို့ကလေးက ဒီအားဆေးနဲ့ အဆင်ပြေတယ်ဆိုပေမဲ့ ကိုယ့်ကလေးနဲ့ အဆင်မပြေတာလည်း ရှိနိုင်ပါတယ်။

ဒါကြောင့် ကလေးကို ဘယ်လိုအားဆေးရွေးချယ်တိုက်ရမလဲ မသိသေးတဲ့မေမေတို့အတွက် အခု Post ကနေ ရှင်းပြပေးသွားပါမယ်နော် 🤗

◽ကလေးက အစာသိပ်မစားဘူး။ အစာဂျီးများတယ်ဆိုရင် အစာစားချင်စိတ်ကို လှုံ့ဆော်ပေးတဲ့ Lysine ပါသော အားဆေးတွေကို ရွေးချယ်တိုက်ပေးပါ မေမေတို့ရေ။ ဒါအပြင် Lysine ဓာတ်က ကလေးရဲ့ ခန္ဓာကိုယ်ကြီးထွားဖွံ့ဖြိုးမှုကိုလည်း ထောက်ပံ့ပေးပါတယ်။

◽ကိုယ့်ရဲ့ကလေးက အခြားကလေးတွေနဲ့ယှဥ်ရင် ပုပြီးညက်နေလို့ မေမေတို့ အားမလိုအားမရဖြစ်နေပါသလား။ ဒါဆိုရင်တော့ အရိုးအဆစ်🦴တွေကို ကြံ့ခိုင်သန်မာစေပြီး အရပ်ရှည်စေမဲ့ ဗီတာမင် D နဲ့ ကယ်လဆီယမ်ပါတဲ့ အားဆေးက အသင့်တော်ဆုံးပါ။ ဒါတွေက ကလေးရဲ့ ကိုယ်ခံအားစနစ်ကိုကောင်းစေပြီး နေမကောင်းမဖြစ်အောင်လည်း ကာကွယ်ပေးပါတယ်။

◽ဥာဏ်ရည်ထက်မြက်ပြီး စာတော်တဲ့ကလေးတွေဖြစ်ဖို့အတွက် ဦးနှောက် 🧠 ဖွံ့ဖြိုးမှုကိုအားပေးကာ မှတ်ဥာဏ်၊ တီထွင်ဖန်တီးနိုင်စွမ်းကို မြှင့်တင်ပေးတဲ့ အိုမီဂါ 3 ပါတဲ့ အားဆေးကို တိုက်ပေးနိုင်ပါတယ်။

◽ကလေးက သူ့အသက်အရွယ်လောက် မထွားဘူးဖြစ်နေပါက ခန္ဓာကိုယ်ကြီးထွားဖွံ့ဖြိုးမှုအတွက် လိုအပ်တဲ့ ဗီတာမင် A၊ ဗီတာမင် B အုပ်စု၊ ဗီတာမင် C၊ ဗီတာမင် D၊ ကယ်လဆီယမ်၊ သံဓာတ်တွေပါတဲ့ အားဆေးတွေကို ရွေးချယ်တိုက်ပေးပါ။

◽ခဏခဏနေမကောင်းဖျားနာတတ်တဲ့ကလေးတွေဆို ကိုယ်ခံအားစနစ်💪🏻ကို အားကောင်းစေပြီး ရောဂါပိုးတွေကို တိုက်ထုတ်ပေးနိုင်တဲ့ ဗီတာမင် C နဲ့ ဇင့်ဓာတ် ပါဝင်သော ဖြည့်စွက်အားဆေးကို တိုက်ကျွေးပေးလို့ရပါတယ်။

👉🏻 အသက် 6 လအောက် ကလေးတွေဆို မိခင်နို့🤱🏻ကနေ အာဟာရဓာတ်တွေကို ပြည့်ပြည့်ဝဝရတဲ့အတွက် အားဆေးကို သက်သက်ချည်း တိုက်နေစရာမလိုပါဘူး။ ပေါင်မပြည့်လမစေ့ဘဲ မွေးတဲ့ကလေးတွေ၊ အခံရောဂါရှိတဲ့ကလေးတွေပဲ အားဆေးတိုက်ပေးဖို့ လိုပါတယ်။

အသက် 6 လကျော်လာရင် ကလေးရဲ့အခြေအနေပေါ်မူတည်ပြီး အပေါ်ကပြောသွားတဲ့ အားဆေးအမျိုးအစားတွေကို ရွေးချယ်တိုက်ပေးနိုင်ပါတယ် မေမေတို့ရေ 🥰

အားဆေးတွေမှာ ဗီတာမင်၊ သတ္တုဓာတ်တွေက တစ်မျိုးတည်းမဟုတ်ဘဲ အများကြီးပါဝင်တဲ့အတွက် ကလေးကို အားဆေး သုံးလေးမျိုး တိုက်ကျွေးစရာမလိုပါဘူး။ ဒီလိုလုပ်တာက ကလေးကို ကောင်းစေသာမဟုတ်ဘဲ ဘေးဥပါဒ်ဖြစ်စေတာပါ။ ဒါကြောင့် ကိုယ့်ကလေးနဲ့ သင့်တော်တဲ့ အားဆေးတစ်မျိုး၊ အများဆုံးနှစ်မျိုးလောက်ကိုသာ တိုက်ကျွေးပေးပါနော်။

သားသားမီးမီးလေးတွေအတွက် ဖြည့်စွက်အားဆေး💊 မျိုးစုံကို ကျွန်မတို့ ရွှေပိုးဆေးဆိုင်မှာ ရွေးချယ်မှာယူနိုင်ပါတယ်ရှင် 🤗

🏥 No 747 B၊ မဟာဗန္ဓုလလမ်း၊ ရွှေပြည်သာမြို့နယ် (အိမ်မဲကြီးမှတ်တိုင်)။
☎️ 09250379184

#ရွှေပိုးဆေးဆိုင်
#ကလေးအားဆေး

05/09/2023

စားရင်းနဲ့ပိန်ကြမယ် 😀😀😀

ဒီမှာသဘာဝအဆီကျဖြည့်စွက်စာ Calo Burn ရှိနေပြီနော်

ဆေးတစ်လုံးကို ခြောက်ရာပဲကျမှာနော်❤❤❤

စိတ်ဝင်စားရင်

CB (or) 09250379184 ကိုဆက်သွယ်လိုက်ပါနော် 👯

03/09/2023

page လေးဖွင့်ပြီးရောင်းတာတစ်လမပြည့်သေးပေမယ့်နေ့တိုင်းရောင်းနေရပါတယ်။ဝယ်ယူအားပေးသူ customer တစ်ယောက်ချင်းစီကိုအထူးကျေးဇူးတင်ရှိပါတယ်ရှင် ❤❤❤

01/09/2023

✨️ ဓမ္မတာလာစဥ် နာကျင်ကိုက်ခဲတာကို သက်သာစေဖို့ ✨️

တစ်လတစ်ခါ ရာသီလာတိုင်း နာကျင်ကိုက်ခဲတဲ့ဝေဒနာကြောင့် စိတ်ရှုပ်နေရတဲ့ လေဒီလေးတွေရှိလား‼️

ဒါဆိုရင်တော့ ဒီလိုနာကျင်ကိုက်ခဲတာတွေ သက်သာစေဖို့ နည်းလမ်းတွေကို ပြောပြပေးသွားမှာမို့ လိုက်လုပ်ကြည့်ပေးပါနော်။

ရာသီလာတဲ့အခါ ဝမ်းဗိုက်အောက်ပိုင်း ဆီးစပ်နေရာက နာကျင်ကိုက်ခဲတာ၊ ခါးနာတာတွေက မိန်းမကိုယ်ကနေ ရာသီသွေးဆင်းစေဖို့ သားအိမ်ကြွက်သားတွေ ကျုံ့လိုက်တဲ့အတွက်ကြောင့် ဖြစ်ရတာပါ။ ရာသီလာတဲ့အချိန်မှာ ပရိုစတာဂလန်ဒင်ဟော်မုန်းထွက်လာပြီး သားအိမ်ကြွက်သားကို ကျုံ့သွားစေကာ နာကျင်ကိုက်ခဲမှုဝေဒနာ ခံစားရတာပါ။

ဆိုးဝါးလွန်းတဲ့ နာကျင်ကိုက်ခဲမှုကို သက်သာစေဖို့အတွက် အခုပြောမဲ့အချက်လေးတွေကို လိုက်နာပေးပါ။ ဒါတွေကတော့

🔰 အစားအသောက်
ရာသီလာစဥ် နာကျင်ကိုက်ခဲမှုကို သက်သာစေဖို့ အမျှင်ဓာတ်၊ ဗီတာမင်၊ သတ္တုဓာတ်တွေ ကြွယ်ဝတဲ့ သင်္ဘောသီး၊ ဖရုံစေ့၊ ပန်းဂေါ်ဖီစိမ်းလို အစိမ်းရောင်အသီးအရွက်တွေ၊ ငါးတွေကို စားပေးပါ။ ကယ်လဆီယမ်ကြွယ်ဝတဲ့ နို့နဲ့နို့ထွက်ပစ္စည်းတွေကလည်း ဓမ္မလာစဥ် နာကျင်ကိုက်ခဲမှုကို လျော့ပါးစေပါတယ်။

ပြီးတော့ ဓမ္မတာလာတဲ့အခါ ရေ💧များမျာသောက်ပေးဖို့လည်း မမေ့ပါနဲ့။ ရေဓာတ်ပြည့်ဝတာက ရာသီလာတဲ့အခါ ဖြစ်တတ်တဲ့ လေပွတာကို သက်သာစေတဲ့အပြင် သွေးစီးဆင်းမှုတွေ ပိုကောင်းပြီး ကိုက်ခဲမှုတွေကိုလည်း သက်သာစေပါတယ်။ ရေနွေးကြမ်းတွေကိုလည်း သောက်ပေးနိုင်ပါတယ်။

ရာသီလာတဲ့အခါ လေပွပြီး ဗိုက်နာစေတဲ့ အဆီများတဲ့အစားအစာ၊ ဆားပါဝင်မှုများတဲ့အစားအစာ၊အရက်၊ ကော်ဖီ၊ အားဖြည့်အချိုရည်တွေကို ရှောင်စား 🚫 ပေးသင့်ပါတယ်။

🔰 ကိုယ်လက်လေ့ကျင့်ခန်း
ရာသီလာချိန်မှာ ကိုယ်လက်လေ့ကျင့်ခန်း မလုပ်ရဘူးဆိုတာက မှားတယ်လို့ ပြောရပါမယ်။ ကိုယ်လက်လေ့ကျင့်ခန်း လုပ်တဲ့အခါ ခန္ဓာကိုယ်ကနေ အင်ဒေါ်ဖင်းဟော်မုန်းထွက်လာပြီး နာကျင်ကိုက်ခဲမှုကို သက်သာစေသလို စိတ်ခံစားမှုကိုလည်း ကောင်းစေပါတယ်။

ဒါကြောင့် ရာသီလာတဲ့အခါ နာကျင်ကိုက်ခဲမှုကို သက်သာစေဖို့ ပေါ့ပေါ့ပါးပါးကိုယ်လက်လှုပ်ရှားမှုတွေဖြစ်တဲ့ လမ်းလျှောက်တာ🚶🏻‍♂️၊ ယောဂကျင့်တာ၊ အကြောလျှော့တာ၊ ရေကူးတာ 🏊🏻‍♀️ တို့ကို ပြုလုပ်ပေးပါ။

🔰 ရေနွေးအိတ်ကပ်ပေးတာ
ရေနွေးအိတ်ကပ်ပေးတာက ကြွက်သားတွေကို ပြေလျော့ပြီး နာကျင်ကိုက်ခဲမှုဝေဒနာကို လျော့ပါးသက်သာစေပါတယ်။ ပြီးတော့ ရေနွေးနဲ့ရေချိုးပေးတာမျိုးလည်း လုပ်လို့ရပါတယ်။

🔰 ဝမ်းဗိုက်ကို နှိပ်နယ်ပေးတာ
ဝမ်းဗိုက်ကို လက်ချောင်းထိပ်လေးတွေနဲ့ ဖြည်းဖြည်းချင်းနှိပ်နယ်ပေးတာက သားအိမ်ဆီသွေးစီးဆင်းမှုတွေ ပိုကောင်းပြီး နာကျင်ကိုက်ခဲမှုကို လျော့နည်းသက်သာစေပါတယ်။

🔰 အကိုက်အခဲပျောက်ဆေး
အပေါ်ကပြောသွားတဲ့နည်းလမ်းတွေနဲ့ နာကျင်ကိုက်ခဲမှုက မသက်သာဘူးဆိုရင် အကိုက်အခဲပျောက်ဆေး 💊 တွေကို သောက်ကြည့်လို့ရပါတယ်။ ပါရာစီတမောဆေးတွေ၊ နာကျင်ကိုက်ခဲမှုကို ဖြစ်စေတဲ့ ပရိုစတာဂလန်ဒင်ကိုပိတ်တဲ့ NSAID ဆေးတွေဖြစ်တဲ့ Ibuprofen ၊ Diclofenac၊ Naproxen၊ Mefenamic Acid စတဲ့ ကိုယ်အဆင်ပြေတာတစ်ခုခု ဝယ်သောက်နိုင်ပါတယ်။ Mefenamic Acid 500 mg ကို တစ်နေ့ 1 ကြိမ် ပြီးရင် 250 mg ကို 6 နာရီခြားပြီး လိုအပ်သလို သောက်နိုင်ပါတယ်။ Ibuprofen 200 mg ကို တစ်နေ့ 3 ကြိမ် သောက်နိုင်ပါတယ်။

ဒီဆေးတွေက အကိုက်အခဲပျောက်ဆေးတွေဖြစ်တဲ့အတွက် အစာအိမ်ကိုမထိခိုက်အောင် အစာစားပြီးသောက်တာတို့၊ အစာအိမ်အခံရောဂါရှိရင် အစာအိမ်ဆေးနဲ့ တွဲသောက်တာတို့ကို မဖြစ်မနေ လုပ်ပေးရပါမယ်။

အချို့သုတေသနမှာ ဗီတာမင် E ပါတဲ့ဆေးတွေက ဓမ္မတာလာစဥ် နာကျင်ကိုက်ခဲမှုကို သက်သာစေတာကို တွေ့ရှိထားတဲ့အတွက် သောက်သုံးကြည့်လို့ရပါတယ်။

ဒါဆို ဒီနည်းလမ်းတွေနဲ့ ဓမ္မတာလာစဥ် နာကျင်ကိုက်ခဲမှုဝေဒနာကို ဖြေရှင်းလိုက်ပါတော့ လေဒီတို့ရေ။

🏥 No 747 B၊ မဟာဗန္ဓုလလမ်း၊ ရွှေပြည်သာမြို့နယ် (အိမ်မဲကြီးမှတ်တိုင်)။
☎️ 09250379184

#ရွှေပိုးဆေးဆိုင်

31/08/2023

🌷🌷မေတ္တာ စက်ဝန်း မေတ္တာ ရပ်ဝန်း 🌷🌷

မေတ္တာအခါတော်နေ့မှ ၁၁ ရက် ပြုလုပ်ရန်။

လိုအပ်သော ပစ္စည်း -
၁-ဖယောင်းတိုင် ၁၁ တိုင်
၂-ရေ ၁၁ ခွက်
၃-ကြိုက်နှစ်သက်ရာ ပန်း ၁၁ ပွင့်
၄-ဖန်ခွက်အကြီး ၁ လုံး
၅-မေတ္တာ ပို့လိုသူ နှင့် ဆုတောင်းစကားရေးရန်
စာရွက်
၆-မေတ္တာသုတ် မရလျှင်ကြည့်ရွတ်ရန် ဘုရား
စာအုပ်

ဆီမီး ရေချမ်း ပန်းတို့အား မြတ်စွာဘုရားအား ကပ်လှူ ပြီးနောက် မေတ္တာသုတ်တော် ကို ၅ ခေါက် ရွတ်ဖတ်ပူဇော်ပါ။
၁၁ ရက် ပြုလုပ်ပါ။ မိမိ အဆင်ပြေသည့် အချိန်တွင် ပြုလုပ်နိုင်ပါသည်။

စကားချပ် ့ ့ ့

မနောမယTVတွင် တွေ့သည်ကို အတိုချုံး ရေးသားပေးပါသည်။

crd to Ko Thiha Soe ( Ko Thi)

28/08/2023

ဖြည့်စွက်စာတွေ

နို့မှုန့်တွေ

အားဆေးတွေ

ထပ်ရောက်ထားပါတယ်။

ကျမတို့အသက်သာဆုံးဖြစ်အောင်ရှာဝယ်ပေးထားလို့စျေးနှုန်းမှန်ကန်စေရပါမယ်။

လိုအပ်တာရှိရင် CB သို့မဟုတ် ဖုန်း 09456849446 သို့စုံစမ်းမေးမြန်းနိုင်ပါတယ်။

#ဖြည့်စွက်စာ
#အားဆေး

Shwe Poe Pharmacy

31/10/2023

09/10/2023

28/09/2023

23/09/2023

18/09/2023

07/09/2023

07/09/2023

05/09/2023

03/09/2023

01/09/2023

31/08/2023

28/08/2023

Address

Website

Alerts

Shortcuts

Share

Category