https://www.facebook.com/103970557810045/

TheyogabawaJourney, 425 Baker Street, Denver, CO (2026)

02/24/2026

“Present, Not Perfect”

အချစ်ရေးတစ်ခုကို အပြည့်အဝရှိဖို့ Perfect ဖြစ်ဖို့မလိုပါဘူး
Present ဖြစ်ဖို့ပဲလိုပါတယ်။

Partner yoga လုပ်တဲ့အခါ
တစ်ယောက်က ဦးဆောင်ရင် တစ်ယောက်က အားပေးတတ်ရမယ်
တစ်ခါတစ်ရံ အတူတူ အသက်ရှူပဲ ရှူနေရုံနဲ့လည်း လုံလောက်ပါတယ်။

Relationship ဆိုတာ
အနိုင်ယူဖို့မဟုတ်ဘူး
နားထောင်ဖို့ပါ။

ကာကွယ်စရာမရှိဘဲ စိတ်ဖွင့်နားထောင်နိုင်ခြင်း
မသက်သာတဲ့အချိန်တွေမှာတောင် လက်မလွတ်ပဲ ရပ်နေခြင်း
ဒါတွေက တကယ့်ကြီးထွားမှုပါ။

Balance ကိုရှာတွေ့တာမဟုတ်ဘူး
အတူတူ လေ့ကျင့်ရင်း တည်ဆောက်သွားတာပါ။

Relationship က Yoga လိုပဲ
Awareness
Compassion
နဲ့ အတူတူကြီးထွားချင်တဲ့ စိတ်က အရေးကြီးဆုံးပါ 🤍

#မနက်ခင်းယောဂ

02/23/2026

ခန္ဓာကိုယ်က မပျော့ပျောင်းပဲ အကြောတွေတင်းနေတာ ဘာကြောင့်များပါလိမ့်🤔

🔸အထိုင်များတာ

🔸အသက်ရလာလို့ ခန္ဓာကိုယ်က ကော်လဂျင်သိပ်မထုတ်နိုင်တော့တာ

🔸ကိုယ် အားသန်တဲ့ဘက် ဥပမာ- ညာသန်ဆို ညာဘက်ကိုအသုံးများလို့ မသုံးတဲ့ဘက်က အကြောတွေတင်းနေတာ

🔸ထိခိုက်ဒဏ်ရာ ရထားတာ

ဒါတွေကြောင့် ခန္ဓာကိုယ်ပျော့ပျောင်းမှု (Flexibility) အားနည်းပြီး အကြောတင်းတာ၊ ညောင်းညာတာ၊ ကိုက်ခဲတာတွေ ဖြစ်လာနိုင်ပါတယ်။

ခန္ဓာကိုယ် ပြန်ပျော့ပျောင်းဖို့ အကောင်းဆုံးနည်းလမ်းတစ်ခုက ယောဂလေ့ကျင့်တာပါ။🧘🌱

ယောဂနည်းနဲ့ အကြောလျှော့ပေးတာ၊ အသက်ရှူသွင်းမှုကို အာရုံစိုက်ရင်း ကြွက်သားတွေကို relax ဖြစ်စေတာ၊ ကြွက်သား သန်မာဖို့လေ့ကျင့်ရင်း အကြောအချင်တွေလျော့စေတာကြောင့် Flexibility ကိုအားပေးပါတယ်
🥰

လေ့ကျင့်တဲ့အခါမှာလည်း Result သိသာဖို့

✅ တစ်ပတ်ကို သုံးလေးကြိမ်လောက် မှန်မှန် လေ့ကျင့်ပါ။

✅ အသက်ရှူသွင်း/ထုတ်ကို အာရုံထားပြီး စိတ်ကိုဖြေလျှော့ပါ။

✅ ဖြည်းဖြည်းမှန်မှန် လေ့ကျင့်ပါ။

✅ ခန္ဓာကိုယ်ကို ဖိအားမပေးပဲ နိုင်သလောက်ပဲ စိတ်ရှည်ရှည်လေ့ကျင့်ပါ။

*** ဒီ ( ၉ ) ကွက်ကို မှန်မှန် ဇွဲရှိရှိ (၃) လလောက် ဆက်လေ့ကျင့်ပေးကြည််ပါ၊ ရုံးက အပြန် / ဆိုင်က အပြန် ညှောင်းညာကိုက်ခဲသက်သာအောင် နေ့စဉ် မိနစ် (၂၀ ) လောက်ပေးကြည့်ပါ။

*** အသက်ရှူမှန်မှန်ရှူမှတ်ပြီး တကွက်ကို (၃၀) စက္ကန့်မှ ( ၁ ) မိနစ်ထိနေလို့ရပါတယ်။

*** ဘယ်/ ညှာ လေ့ကျင့်ပေးပါ။

#မနက်ခင်းယောဂ

02/22/2026

ယောဂ သို့မဟုတ် လေ့ကျင့်ခန်း မလုပ်ခင်စားမယ့် snack သည် လျင်မြန်စွာ အားအင်ပေးနိုင်ပြီး ဝမ်းမလေးဘဲ အလွယ်တကူ ကြေညက်နိုင်သော အစားအစာ ဖြစ်သင့်ပါတယ်။

🧘‍♀️ မရွေးချယ်ခင် သိထားသင့်သောအချက်များ

✔ အလွယ်တကူ ကြေညက်နိုင်ရမယ်
✔ သဘာဝ ကာဗိုဟိုက်ဒရိတ် (energy) ပါရမယ်
✔ အနည်းငယ် ပရိုတိန်း ပါရင် endurance ကောင်းစေတယ်
✔ အဆီများပြီး ဝမ်းလေးစေသောအစားအစာ မဖြစ်သင့်

⸻

⭐ ယောဂ / လေ့ကျင့်ခန်း မလုပ်ခင် အကောင်းဆုံး snacks

🍌 1. ငှက်ပျောသီး
• သဘာဝ ကာဗိုဟိုက်ဒရိတ် → အားအင်ပေး
• Potassium → ကြွက်သားကျစ်ခြင်း ကာကွယ်
👉 လေ့ကျင့်ခန်းမလုပ်ခင် 30–60 မိနစ်

🌴 2. (Dates) ၂–၃ လုံး
• သဘာဝ သကြား → လျင်မြန်သော energy
• Vinyasa, hot yoga, cardio မလုပ်ခင် သင့်တော်

🥜 3. Dates + သစ်သီးခြောက်/အခွံမာ nuts အနည်းငယ်
• ချက်ချင်း energy + ကြာရှည်ခံ fuel
• အချိန်ကြာလေ့ကျင့်ခန်းအတွက် ကောင်း

🥄 4. Greek yogurt + ပျားရည် အနည်းငယ်
• ပရိုတိန်း ပါ → ကြွက်သားအထောက်အကူ
• ဝမ်းမလေး

🍎 5. ပန်းသီး+ peanut butter
• energy balanced
• strength training မလုပ်ခင် ကောင်း

🥤 6. Smoothie သေးသေး

ပေါင်းဖျော်ပါ:
• ငှက်ပျောသီး
• နွါးနို့ / ဒီန်ချဉ် or almond milk
• chia seeds
→ ပေါ့ပါးပြီး အားအင်ပေး

⸻

⏰ စားသင့်တဲ့အချိန်
• 15–30 မိနစ်မတိုင်ခင် → dates ၁–၂ လုံး / ငှက်ပျောသီး အနည်းငယ်
• 30–60 မိနစ်မတိုင်ခင် → ငှက်ပျောသီး၊ yogurt၊ smoothie
• 1–2 နာရီမတိုင်ခင် → oatmeal သို့မဟုတ် toast + nut butter

⸻

❌ မလုပ်ခင် မစားသင့်တာများ

🚫 အစားအစာများများ
🚫 ဆီများသောအစားအစာ
🚫 ဖိုက်ဘာများလွန်းတာ
🚫 အစာပမာဏကြီးကြီး

#မနက်ခင်းယောဂ

02/21/2026

ဘဝဆိုတာ တခါတရံ ကိုယ့်မှာ ဝန်အလေးကြီး တင်ထားရသလို ခံစားရတတ်ပါတယ်။

အထူးသဖြင့် အရာအားလုံးကို တစ်ပြိုင်နက် ထမ်းထားဖို့ ကြိုးစားတဲ့အခါမှာပါ။

အရွယ်ရောက်လာခြင်းနဲ့
ဘဝရဲ့ အခန်းသစ်တွေထဲ ဝင်ရောက်သွားခြင်းဆိုတာ
ဖမ်းယူသင့်တာကို ဖမ်းယူပြီး
လွှတ်ချသင့်တာကို လွှတ်ချတတ်ခြင်း ကို သင်ယူရတာပါ။

အဲဒါက ဘာကိုဆိုလိုသလဲဆိုတော့
ဘယ်အရာတွေကို ထိန်းသိမ်းထားသင့်သလဲ
ဘယ်အရာတွေကို လွှတ်ချသင့်သလဲဆိုတာ သိလာခြင်းပါ။

အရာအားလုံးကို သင် မထမ်းထားနိုင်ပါဘူး။
မိမိထိန်းထားနိုင်တာကို ဆုံးဖြတ်ပြီး
ကျန်တာတွေကို လွှတ်ချလိုက်ပါ။

***ယောဂကျင့်စဉ်ထဲမှာလိုပဲ
မလိုအပ်တာကို ဖြေလျှော့တတ်ပြီး
ကျန်ရှိတာကို အသက်ရှူသွင်းထုတ်နဲ့ ထိန်းထားကာ
အသက်ရှူထုတ်တဲ့အခါ မလိုတော့တဲ့အရာတွေကို လေထဲသို့ လွှတ်ပေးလိုက်ပါတယ်။ 🧘‍♀️✨

#မနက်ခင်းယောဂ

02/20/2026

ပိုမိုရှိဖို့မဟုတ် — ရှိပြီးသားကို တန်ဖိုးထားပါ

ယောဂက ခန္ဓာကိုယ်ကိုလှုပ်ရှားခြင်းထက်
လက်ရှိကာလကို အပြည့်အဝ ခံစားနေထိုင်တတ်စေခြင်း ဖြစ်ပါတယ်။

မိမိအသက်ရှူသံကို သတိထားလေ့ကျင့်ရင်း
အတိတ်နဲ့ အနာဂတ်ထဲ မပျောက်ကွယ်တော့ဘဲ
လက်ရှိအခိုက်အတန့်မှာ နေတတ်လာပါတယ်။

ယောဂက ကျေနပ်တတ်မှု (Santosha) ကို သင်ပေးပါတယ် —
အရာများများရှိမှ မဟုတ်ဘဲ
ရှိပြီးသား အရာလေးတွေကို တန်ဖိုးထားတတ်ခြင်းပါ။

အမြဲ လောနေတတ်တဲ့ နေထိုင်မှုပုံစံကို နှေးစေတဲ့အတွက်
နေရောင်ရဲ့ နွေးထွေးမှူ၊ လေထဲက အေးမြမှုတိုင်းကို အသက်တစ်ခါ ရှုတိုင်းမှာပါ
အသက်ရှင်နေခြင်းရဲ့ အလှကို တွေ့မြင်လာပါတယ်။

✨ တကယ့် ယောဂလေ့ကျင့်မှုက
ယောဂဖျာပေါ်မှာမဟုတ်ပါ
နေ့စဉ်ဘဝထဲမှာပါ။

#မနက်ခင်းယောဂ

02/19/2026

ရုံးသမားတွေ၊ အထိုင်များသူတွေ ဒီယောဂ Flow
ဘာကြောင့်လေ့ကျင့်သင့်လဲ?

တစ်နေ့တာလုံး အလုပ်ထိုင်လုပ်ရတာ၊ ကွန်ပျူတာကြည့်ရတာ၊ deadline တွေ၊ စိတ်ဖိစီးမှုတွေ ပြီးနောက်…
သင့်ခန္ဓာကိုယ်က ပြန်လည်အနားရဖို့ လိုအပ်ပါတယ်။ 🌿

ညနေခင်း ယောဂ flow လေးတစ်ခုပြုလုပ်ခြင်းက
တင်းကျပ်မှုတွေကို လျှော့ချပေးပြီး စိတ်ကို တည်ငြိမ်စေကာ အိပ်စက်ခြင်းကို ကောင်းမွန်စေပါတယ်။

✨ အလုပ်ပြီးနောက် ယောဂကျင့်ခြင်းရဲ့ အကျိုးကျေးဇူးများ

• အချိန်ကြာ အလုပ်ထိုင်လုပ်ခြင်းကြောင့် ဖြစ်တဲ့လည်ပင်း၊ ပခုံး၊ ကျော နာကျင်မှု လျော့နည်းစေပါတယ်
• တင်ပါးနှင့် ခြေထောက်ကြောတင်းတာကို လျော့စေပါတယ်
• စိတ်ဖိစီးမှုနဲ့ ပင်ပန်းမှု လျော့ကျစေပါတယ်
• သွေးလည်ပတ်မှုကို တိုးတက်စေပါတယ်
• အိပ်စက်မှုကို နက်ရှိုင်းစေပြီး အနားရစေပါတယ်
• အာရုံကြောစနစ်ကို တည်ငြိမ်တဲ့ အခြေအနေသို့ ပြန်လည်ရောက်ရှိစေပါတယ်

နေ့စဉ် ၃၀–၄၅ မိနစ် လောက် ပြုလုပ်ရုံနဲ့တောင်
စိတ်ဖိစီးမှုမှ အနားယူမှုသို့ ပြောင်းလဲနိုင်ပါတယ်။

ယောဂဖျာကို ဖြန့်ပြီး အသက်ရှုပါ…
တစ်နေ့တာရဲ့ ပင်ပန်းမှုများကို လွှတ်ချလိုက်ပါ။ 🧘‍♀️
*** အသက်ရှူဖြည်းဖြည်းမှန်မှန်ရှူမှတ်ပါ။
*** တစ်ကွက်မှာ ဝင်လေ၊ ထွက်လေကို (၅)ကြိမ်ရှူမှတ်ပါ။

#ညနေခင်းယောဂ #စိတ်ဖိစီးမှုလျော့ #ကျန်းမာရေးကောင်းမွန်ရေး 🧘‍♀️

02/18/2026

စိတ်၏ချမ်းသာခြင်းနဲ့ပြည့်စုံဖို့ ကျွန်မနဲ့အတူယောဂလေ့ကျင့်ပြီးတိုင်း အသက်ရူလေ့ကျင့်ခန်း
တရားထိုင် / meditation ( 5 to 10 ) မိနစ် စလုပ်ကြည့်ဖို့ ဖိတ်ခေါ်ပါရစေ🌳

ကျွန်မတို့တတွေဟာ အလွန်သေးငယ်တဲ့စိတ်ခံစားချက်လေးတွေကိုတောင် ထိန်းချုပ်ဖို့ခက်ခဲတတ်ကြပါတယ်။ လမ်းမှာကားပိတ်ပြီး အချိန်မီမရောက်ရင်စိတ်တိုတာ၊ ချိန်းထားတဲ့သူက နောက်ကျနေရင် စိတ်မရှည်တာ၊ ထစ်ကနဲဆို ဒေါသထွက်မိတာတွေကအစ မထိန်းချုပ်နိုင်ကြပါဘူး။

ဒီလို မကောင်းတဲ့ခံစားချက်တွေစုပုံလာတဲ့အခါ ကြာလာတော့ စိတ်ထဲမှာအစိုင်အခဲတွေဖြစ်လာတယ်၊ မွန်းကျပ်လာတယ်၊ နေရတာမပျော်တော့ဘူး၊ ငြိမ်းချမ်းမှုနဲ့ဝေးကွာလာရပါတယ်။

စိတ်ချမ်းသာခြင်းကိုပြန်ရရှိဖို့ ကျွန်မကိုယ်တိုင်လက်တွေ့ရှာဖွေမိသွားတာက "ယောဂလေ့ကျင့်ပြီးတိုင်း တရားထိုင်ခြင်း ပါပဲ။ ယောဂဟာ ခန္ဓာကိုယ်ပျော့ပြောင်းစေပြီး အာရုံစုစိုက်အားပိုကောင်းပြီး တရားထိုင်ခြင်းက စိတ်ကိုကုစားဖို့နဲ့ ငြိမ်းအေးရာဆီလမ်းညွှန်ပေးနိုင်တဲ့ လေ့ကျင့်မှုတစ်ခုပါ။
✅ စိတ်ထိခိုက်လွယ်သူတွေ
✅စိတ်မရှည်တတ်သူတွေ၊ စိတ်တိုလွယ်သူတွေ
✅ တွေးပူတတ်သူတွေ၊ တွေဝေတတ်သူတွေ
✅ စိုးရိမ်သောကရောက်နေသူတွေ
✅ စိတ်ပင်ပန်းနေတာကို သိသိသာသာခံစားနေသူတွေအားလုံးကို ကျွန်မနဲ့အတူ ယောဂလေ့ကျင့်ပြီး တတရားထိုင်ကြည့်ဖို့ဖိတ်ခေါ်ပါတယ်။

စိတ်၏ချမ်းသာခြင်းဆိုတဲ့ပန်းတိုင်ကိုရောက်အောင် ကျွန်မတို့အတူတကွ သွားကြည့်ကြစို့နော်။ ❇️

#မနက်ခင်းယောဂ

02/17/2026

💪🧘‍♀️ အသက် ၄၀ ကျော်လာရင်… Gym လား Yoga လား?
စွမ်းအား + ကြံ့ခိုင်မှုလိုသလား? 🏋️‍♀️
စိတ်တည်ငြိမ်မှု + ခန္ဓာကိုယ်ချိန်ညှိမှုလိုသလား? 🧘‍♀️

အသက် ၄၀ ကျော်လာရင် ရေရှည်ကျန်းမာရေးအတွက် ခန္ဓာကိုယ်လှုပ်ရှားမှု တစ်ခုခုလုပ်ရမယ်၊ အရေးကြီးတာက consistent လုပ်နေရတာပါ။

💪🧘‍♀️ အသက် ၄၀ ကျော်ပြီးရင် — Yoga & Gym နှစ်မျိုးလုံးအရေးကြီးပါတယ်

🧘‍♀️ Yoga အားသာချက်
• Flexibility & Mobility တိုးတက်စေပြီး ကိုယ်လှုပ်ရှားမှု ပိုမိုလွယ်ကူစေသည်
• အဆစ်များကို ချောမွေ့စေပြီး နာကျင်မှု လျော့နည်းစေသည်
• စိတ်ဖိစီးမှု လျော့နည်းစေပြီး စိတ်တည်ငြိမ်မှု ပေးသည်
• ကိုယ်နှင့်စိတ် ချိန်ညှိမှုကောင်းမွန်စေသည်

💪 Gym အားသာချက်
• Strength တိုးတက်စေပြီး ကြံ့ခိုင်မှုမြင့်တက်စေသည်
• Muscle build-up ဖြစ်စေပြီး ခန္ဓာကိုယ်ပုံသဏ္ဍာန် ကောင်းမွန်စေသည်
• အရိုးသန်မာမှုကို ထောက်ပံ့ပေးသည် (အသက်တိုးလာချိန်တွင် အရေးကြီး)
• (metabolism) မြင့်တက်စေပြီး အလေးချိန်ထိန်းသိမ်းရန် ကူညီသည်

💡 အကြံပေးချက်
Yoga သည် လှုပ်ရှားမှုချောမွေ့စေပြီး စိတ်တည်ငြိမ်မှု ပေးသည်။
Gym သည် ကြံ့ခိုင်မှုနှင့် muscle strength တိုးစေသည်။

👉 အရေးကြီးဆုံးက — တစ်ခုခုရွေးပြီး consistent လုပ်ခြင်း
👉 အကောင်းဆုံးက — နှစ်မျိုးလုံး ပေါင်းစပ်လေ့ကျင့်ခြင်း

ကျန်းမာရေးကောင်းချင်ရင် လှုပ်ရှားမှုကို နေ့စဉ်အလေ့အကျင့်တစ်ခု ဖြစ်အောင်လုပ်ပါ။

#မနက်ခင်းယောဂ

02/16/2026

အမျိိုးသမီးအတွက် ဟော်မုန်းညှိနှိုင်းမှုအတွက် အရေးကြီးသော အာဟာရများ

🥚 1️⃣ ပရိုတင်း (Protein)

ဟော်မုန်းထုတ်လုပ်မှုနှင့် ကြွက်သားထိန်းသိမ်းမှုကို ကူညီသည်။

စားသင့်သောအစားအစာ
✔️ ဥ
✔️ ငါး
✔️ ကြက်သား
✔️ တိုဖူး၊ ပဲမျိုးစုံ

👉 မနက်စာတွင် ပရိုတင်းပါဝင်စေခြင်းက စွမ်းအင်တည်ငြိမ်စေသည်။

⸻

🥑 2️⃣ ကျန်းမာသောအဆီ (Healthy fats)

Estrogen နှင့် progesterone ထုတ်လုပ်မှုကို ထောက်ပံ့သည်။

စားသင့်သောအစားအစာ
✔️ ထောပတ်သီး
✔️ အယ်လ်မွန်၊ သစ်ကြားသီး
✔️ chia seeds / flax seeds
✔️ သံလွင်ဆီ (olive oil)

⸻

🥦 3️⃣ အမျှင်ဓာတ် (Fiber)

အပို estrogen များကို ဖယ်ရှားရန် ကူညီသည်။

စားသင့်သောအစားအစာ
✔️ အစိမ်းရောင် ဟင်းသီးဟင်းရွက်များ
✔️ ဘရိုကိုလီ ပန်းဂေါ်ဖီစိမ်း၊ ပန်းဂေါ်ဖီ
✔️ ပဲမျိုးစုံ
✔️ whole grains

⸻

🐟 4️⃣ Omega-3

ရောင်ရမ်းမှုလျော့စေပြီး စိတ်တည်ငြိမ်မှုကို ကူညီသည်။

✔️ ဆယ်လ်မွန်ငါး
✔️ sardines
✔️ walnuts
✔️ flax seeds

⸻

🍓 5️⃣ Antioxidants

အိုမင်းရင့်ရော်မှုကို နှေးကွေးစေပြီး ဆဲလ်ကျန်းမာရေးကို ကူညီသည်။

✔️ ဘယ်ရီသီးများ
✔️ မုန်လာဥနီ
✔️ လက်ဖက်စိမ်း
✔️ သစ်သီးများ

⸻

❌ ဟော်မုန်း မညီမျှမှု ဖြစ်စေနိုင်သော အစားအစာများ

🚫 သကြားများသော အစားအစာ
🚫 အလွန် ပြုပြင်ထားသော အစားအစာများ
🚫 ကော်ဖီ အသောက်များခြင်း
🚫 အရက်
🚫 မကောင်းတဲ့အဆီပါသော အသင့်စားအစားအစာများ

🌼 နောက်ထပ် အရေးကြီးသော အချက်များ

✔️ အိပ်ရေးဝဝအိပ်ပါ
✔️ ယောဂနှင့် လေ့ကျင့်ခန်း လုပ်ပါ
✔️ စိတ်ဖိစီးမှု လျော့ချပါ
✔️ နေရောင်ခြည် ရယူပါ

#မနက်ခင်းယောဂ

02/15/2026

အမေရိကန်မှာ အငြိမ်းစားယူပြီးသူတွေကို ကြည့်ပြီး
အသက်ကြီးလာတာဟာ ဘဝပြီးဆုံးခြင်း မဟုတ်ဘဲ
ပိုလွတ်လပ်စွာ နေထိုင်နိုင်တဲ့ အချိန် ဖြစ်တယ်ဆိုတာ သင်ယူခဲ့ပါတယ်။

သူတို့ဟာ လှုပ်ရှားနေကြတယ်၊ သဘာဝကို ခံစားတတ်ကြတယ်၊
ကိုယ့်ကျန်းမာရေးနဲ့ စိတ်အေးချမ်းမှုကို ဦးစားပေးကြတယ်။

ယောဂသဘောတရားအရ —
🧘‍♀️ ကိုယ်ကို စောင့်ရှောက်ခြင်းဟာ ကိုယ့်ကို ချစ်ခြင်းပါ
🧘‍♀️ လက်ရှိအချိန်ကို အသိရှိစွာ နေထိုင်ခြင်းဟာ ဉာဏ်ပညာပါ
🧘‍♀️ အသက်အရွယ် မဟုတ်ဘဲ စိတ်အနေအထားက ဘဝကို ဆုံးဖြတ်ပါတယ်

မိသားစုတန်ဖိုးတွေကို ထိန်းသိမ်းထားရင်း
ကိုယ့်ကျန်းမာရေး၊ ပျော်ရွှင်မှု၊ စိတ်တည်ငြိမ်မှုကို ဦးစားပေးနိုင်ရင်
ဘဝဟာ ပိုပြီး သက်သာပျော်ရွှင်လာပါတယ် 🌿
✨✨✨ US ရောက်မှာ အသက် ၄၀ ဆိုတာ အရမ်းငယ်သေးတယ်လို့ ခံစားရတယ် 🤩🤩

#မနက်ခင်းယောဂ

02/14/2026

အမျိုးသမီးဟော်မုန်းညီမျှမှုအတွက် ယောဂ 🌸

ယောဂလေ့ကျင့်ခြင်းသည် Thyroid, adrenal နှင့် reproductive hormones များကို သဘာဝအတိုင်း ညီမျှဖို့ ကူညီပေးပြီး စိတ်ဖိစီးမှု လျော့ချပေးကာ ခန္ဓာကိုယ်ရဲ့ ဟော်မုန်းစနစ်ကို တည်ငြိမ်စေပါသည်။

လည်ချောင်းဖွင့်ပေးသော poses များ၊ ရင်ဘတ်ဖွင့်လှစ်သော လှုပ်ရှားမှုများနှင့် အသက်ရှူလေ့ကျင့်မှုတို့က —
✨ အရွယ်မရွေး ဟော်မုန်းမျှတမှုကို ကူညီပေးသည်
✨ စိတ်ဖိစီးမှုနှင့် ပင်ပန်းနွမ်းနယ်မှု လျော့ချပေးသည်
✨ လစဉ်စက်ဝန်း မညီမညာ ဖြစ်မှုများကို ထိန်းညှိကူညီနိုင်သည်
✨ အိပ်စက်မှုနှင့် စိတ်အေးချမ်းမှု တိုးတက်စေသည်

မိန်းမတို့၏ ခန္ဓာကိုယ်သည် တိုက်ခိုက်ရန် မလိုအပ်ပါ — ညှိနှိုင်းမှုနှင့် ပံ့ပိုးမှုသာ လိုအပ်ပါသည်။

✨ နူးညံ့စွာ လှုပ်ရှားပါ
✨ အသက်ရှူကို သတိထားရှူပါ
✨ ကိုယ့်ခန္ဓာကိုယ်ကို ချစ်ခင်ဂရုစိုက်ပါ
✨တစ်ကွက်ကို ၃၀ စက္ကန့် မှ ၁ မိနစ်ထိလေ့ကျင့်နိုင်ပါတယ်.. အကွက်ကို နေ့တိုင်း ပြန်လည်လေ့ကျင့်ပါ.. ၃ လလောက်အချိန်ပေးကြည့်ပါ။

အတွင်းထဲမှာ မျှတသောအခါ အပြင်ပန်းမှာလည်းတည်ငြိမ်လာပါတယ်

#မနက်ခင်းယောဂ

02/14/2026

Valentine’s Day ဆိုတာ
တစ်ယောက်ယောက်က ကိုယ့်ကိုချစ်ပေးတာအကြောင်း မဟုတ်ပါဘူး။
ကိုယ်ကိုယ်တိုင် ကိုယ်ရှိနေသလိုအတိုင်း လက်ခံပြီး ချစ်တတ်လာဖို့ သင်ယူရတဲ့နေ့လေးပါ။ 💗

Valentine’s Day is not about being loved by someone else.
It is about learning to love yourself exactly as you are.

#မနက်ခင်းယောဂ

TheyogabawaJourney

02/24/2026

02/23/2026

02/22/2026

02/21/2026

02/20/2026

02/19/2026

02/18/2026

02/17/2026

02/16/2026

02/15/2026

02/14/2026

02/14/2026

Address

Telephone

Website

Alerts

Contact The Practice

Shortcuts

Share