15/10/2025
သူတို့ဖြစ်ချင်တာလေးတွေ၊ လုပ်ချင်တာလေးတွေ ရှိပေမယ့် ထုတ်မပြောဘဲ နေတတ်ကြတဲ့ ကလေးတွေကို တွေ့ဖူးကြလား။ ဘာကြောင့် သူတို့တွေ ဒီလိုလုပ်ကြတာလဲ။ 💭
အဖြေကတော့ အခြေအနေအမျိုးမျိုးကြောင့် ဖြစ်နိုင်ပါတယ်။ သူတို့ရဲ့စကားကို လူကြီးတွေက အလေးမထားတာ၊ နားမထောင်တာမျိုး ကြုံခဲ့ရတာ၊ သူတို့ကြောင့် လူကြီးတွေကို စိတ်အနှောင့်အယှက်ပေးမိမှာ စိုးရိမ်တာ၊ ပင်ကိုဗီဇအရ ပွင့်လင်းမှု အားနည်းတာ ဒါမှမဟုတ် ဝမ်းနည်းဖွယ်ရာ ဖြစ်ရပ်တွေ တွေ့ကြုံခဲ့ရတာ စတဲ့ အကြောင်းအမျိုးမျိုးကြောင့် ထုတ်မပြောကြတာ ဖြစ်နိုင်ပါတယ်။ 🤐
ဒါဆိုရင် ဒီလို ကလေးတွေကို ဘယ်လို ကူညီပေးရမလဲဆိုရင်... 👇
✅ သူတို့အတွက် လုံခြုံစိတ်ချရတဲ့ နေရာတစ်ခု ဖန်တီးပေးပါ။
✅ သူတို့ဘာကြောင့် ထုတ်မပြောကြတာလဲဆိုတဲ့ အဖြေကို အတူရှာဖွေပါ။
✅ စကားနဲ့မဟုတ်ဘဲ ရင်ဖွင့်လို့ရတဲ့ နည်းလမ်းလေးတွေ (သီချင်းဆို၊ ပုံဆွဲ၊ စာရေး) ရှိတယ်ဆိုတာ သင်ပေးပါ။
✅ သူတို့ရဲ့ ခံစားချက်အားလုံးကို တန်ဖိုးထားပြီး အမြဲနားထောင်ပေးမယ့်သူအဖြစ် ယုံကြည်မှုကို တည်ဆောက်ပါ။
✅ သူတို့ စကားပြောတဲ့အခါ ဝေဖန်ပြစ်တင်ခြင်းမရှိဘဲ ဂရုတစိုက် နားထောင်ပေးပြီး နားလည်ကြောင်း ပြသပါ။
✅ မိဘတွေ၊ ပြုစုစောင့်ရှောက်ပေးနေသူတွေ ကိုယ်တိုင်ကလည်း မိမိရဲ့ ဝမ်းနည်းမှု၊ ပျော်ရွှင်မှု စတဲ့ ခံစားချက်တွေအားလုံးကို ကလေးတွေက်ို ပွင့်ပွင့်လင်းလင်း ပြောပြခြင်းဖြင့် စံနမူနာပြပါ။
✅ခံစားချက်တွေဆိုတာ ပုံမှန်ဖြစ်ကြောင်းနဲ့ ထုတ်ဖော်ပြောဆိုခွင့်ရှိတယ်ဆိုတာ သူတို့နားလည်လာအောင် ကူညီပေးပါ။
✅ လိုအပ်လာပါက စိတ်ကျန်းမာရေးဆိုင်ရာ ပညာရှင်တွေနဲ့ ချိတ်ဆက်ပြီး အကူအညီ ရယူပေးပါ။
သူတို့လေးတွေ အားကိုးရတဲ့၊ ယုံကြည်ရတဲ့သူတစ်ယောက်အဖြစ် အမြဲရှိနေပေးကြရအောင်နော်… 💖
#ရှိနေမယ်
#ကလေးစိတ်ကျန်းမာရေး
