https://www.facebook.com/104475765614543/

Khin May Kha, Yangon (2025)

08/10/2025

SGLT2
( sodium-glucose cotransporter-2 )inhibitors

👉 SGLT2 inhibitors များသည် နောက်ပိုင်းတွင် ရောဂါတော်တော်များများအတွက် ကောင်းကျိုးရလာဒ်ဖြစ်စေသော အသုံးတည့်သော ဆေးဝါးများဖြစ်လာပြီး တွင်တွင်ကျယ်ကျယ်သုံးလာကြပါတယ်။

👉 ဒီနေ့ပြောပြမှာတော့ SGLT2 inhibitors ဆေးများကို ဆရာဝန်များက ညွှန်ကြားထားသကဲ့သို့ နည်းမှန်လမ်းမှန်နှင့်သောက်ရမှာဖြစ်ပြီး SGLT2 inhibitors များသောက်နေစဉ်အတွင်း သတိမူသင့်သော ဘေးထွက်ဆိုးကျိုးများမဖြစ်စေရန် ဆောင်ရန် ရှောင်ရန်လေးများကို သိစေရန်အတွက်ရည်ရွယ်ပါတယ်။

👉SGLT2 inhibitors များကတော့
Empagliflozin
Dapagliflozin
Canagliflozin
Ertugliflozin စတာတွေပဲဖြစ်ပါတယ်။

👉SGLT2 inhibitors တွေကို သူတခုတည်း monotherapy အနေနဲ့ပေးနိုင်သလို metformin တွင် ထပ်ပေါင်း၍ add on therapy အနေနဲ့လဲ ဆီးချိုထိန်းရန်ပေးကြပါတယ်။

👉SGLT2 inhibitors များသည် ဆီးချိုထိန်းရန်အတွက်သာမက နှလုံးနှင့်ဆက်နွယ်ရောဂါများ၊ ကျောက်ကပ်နှင့်ပတ်သက်သောရောဂါများတွင်လည်း ကောင်းမွန်သော အကျိုးရလာဒ်များကြောင့် ဆရာဝန်ကြီးများကိုယ်တိုင် တွင်တွင်ကျယ်ကျယ် သုံးနေကြပြီ ဖြစ်တဲ့အတွက် သတိမူသင့်သော common side effects လေးများကို ပြောပြပေးလိုက်ပါတယ်။

✨ဖြစ်တတ်သော side effects များကတော့
- ဆီးလမ်းကြောင်း ပိုးဝင်လွယ်ခြင်း
- မျိုးပွါးလမ်းကြောင်း မှိုပိုးဝင်လွယ်နိုင်ခြင်း
- ဆီးသွားများခြင်း
- ရေဓာတ်ဆုံးရှုံးခြင်း
- ခေါင်းမူးဝေခြင်း
- သွေးပေါင်ကျခြင်းတို့ ဖြစ်တတ်ပါတယ်။

👉ကျောက်ကပ်ရဲ့လုပ်ငန်းဆောင်တာ ကျဆင်းနေသောသူတွေနဲ့ ခဏခဏ ဆီးလိင်လမ်းကြောင်း ပိုးခဏ ခဏဝင်သူတွေမှာ မသုံးသင့်ပါဘူး။

👉ဒါကြောင့်မို့ ဒီဆေးသောက်နေတဲ့ အချိန်အတွင်း -ရေများများသောက်မယ်။ (ရေသောက်မို့ ကန့်သတ်ထားသူတွေက ဆရာဝန်ညွှန်ကြားချက်အတိုင်းသောက်ပါ။)
-ဆီးဝမ်းပုံမှန်ဖြစ်အောင်နေမယ်။ ဆီးအောင့်ထားခြင်း၊ ဝမ်းချုပ်ခြင်းမဖြစ်အောင် ဂရုစိုက်မယ်။
- မျိုးပွါးအဂါလမ်းကြောင်းတဝိုက် သန့်ရှင်းစွာထားမယ်
- ချည်သားဘောင်းဘီလေးတွေ ဝတ်ဆင်မယ်။
- အမျိုးသမီးများ လစဉ်သုံးပစ္စည်းများ အကြာကြီးမထားဘဲ ပုံမှန်လဲမယ်။
- တကိုယ်ရေ သန့်ရှင်းမှုကို ဂရုစိုက်ခြင်းဖြင့်
SGLT2 inhibitors များရဲ့ ဆောင်ရန် ရှောင်ရန်လေးများကို ပြောပြပေးလိုက်ပါတယ်နော် 👩‍💻✨

💜

***copy ကူးခြင်းခွင့်မပြုပါ***

***sharing လုပ်နိုင်ပါသည်***

18/06/2025

Diclofenac Potassium and Diclofenac Sodium အာနိသင်ဘာကွာတာလဲ 🧐🧐

✨Diclofenac ဆိုသည်မှာ နာတာ ရောင်ရမ်းတာတွေကို သက်သာအောင်ပြုလုပ်ပေးတဲ့ NSAID တမျိုးပဲဖြစ်ပါတယ်။ အခြားသော opioid analgesics တွေနှင့်တွဲဖက်၍လဲ ပြင်းထန်စွာနာကျင်ရောင်ရမ်းမှုများ လျော့ချပေးနိုင်ရန်အတွက်လဲ အသုံးပြုကြပါတယ်။

✨ဒီနေ့မှာတော့ Diclofenac ရဲ့အနောက်က sodium နဲ့ potassium စတဲ့ salt formလေးတွေ မတူညီတာကြောင့် ဆေးအာနိသင် သက်ရောက်မှု၊ ဆေးအာနိသင်ရရှိမှု၊ ဆေးရဲ့ဘေးထွက်ဆိုးကျိုးနှင့် ဘယ်လိုရောဂါမျိုးမှာ Diclofenac sodium နဲ့ Diclofenac potassium ဘယ်လိုရွေးချယ်ပေးကြလဲ သိနိုင်စေရန် ဗဟုသုတလေးမျှဝေပေးခြင်းဖြစ်ပါတယ်။

✨Diclofenac Potassium ✨

Diclofenac Potassium သည်

✨အစာအိမ်အူလမ်းကြောင်းမှ ဆေးစုပ်ယူမှုအား မြန်ဆန်ကောင်းမွန်တဲ့အတွက် ဆေးအာနိသင်ကို မြန်မြန်ရရှိနိုင်စေပါတယ်။

✨ဆေးသောက်ပြီး နာရီဝက်မှ တနာရီအတွင်း ဆေးအာနိသင်ရရှိနိုင်ပါတယ်။

✨လျင်မြန်စွာ နာကျင်မှုသက်သာရန်
လိုအပ်သောဝေဒနာတွေဖြစ်သည့်

✨ခေါင်းတခြမ်းကိုက်ခြင်း၊
✨အမျိုးသမီးများ ဓမ္မတာလာချိန်တွင် ခံစားရသော နာကျင်မှုသက်သာစေခြင်း၊
✨ သွားနာခြင်း စသည့်ဝေဒနာမျိုးတွင် သုံးလေ့ရှိပါတယ်။
✨နှလုံးသွေးကြောရောဂါနှင့်ပတ်သက်သောဝေဒနာ ခံစားနေရသူတွေမှာလဲ သုံးနိုင်ပါတယ်။

✨Diclofenac Sodium ✨

Diclofenac Sodium သည်

✨delayed-release formulationနှင့်ထုတ်လုပ်ထားသောကြောင့် ဆေးစုပ်ယူနိုင်မှုအားနှေးကွေးသောကြောင့် ဆေးသောက်ပြီး ၂နာရီမှ ၄နာရီအတွင်းမှသာ ဆေးအာနိသင်ကို ရရှိနိုင်ပါတယ်။

✨အရိုးနှင့်အဆစ်အမြစ် နာတာရှည်ရောင်ရမ်းနာကျင်မှု ခံစားနေရသောဝေဒနာမျိုးတွင် ပေးကြပါတယ်။

✨နှလုံးသွေးကြောရောဂါနှင့်ပတ်သက်သောဝေဒနာ ခံစားနေရသူတွေမှာတော့သတိထားအသုံးပြုသင့်ပါတယ်။

•Diclofenac ကို
-Enteric-coated tablets
-Sustained-release tablets
-Topical gels
-Suppositories
-Injections ( IV/IM )
-Ophthalmic drops အစရှိတဲ့ ဆေးဝါးပုံစံအမျိုးမျိုးဖြင့်ရရှိနိုင်ပါတယ်။

✨✨✨နှလုံးသွေးကြောရောဂါနှင့်ပတ်သက်သောဝေဒနာ ခံစားနေရသူတွေ၊ သွေးတိုးရောဂါရှိသူတွေ၊ သွေးထဲမှာ potassium level မြင့်နေတဲ့သူတွေ၊ ဆေးနှင့်ဓာတ်မတဲ့သူတွေ၊ အသဲမကောင်းတဲ့သူတွေ၊ ကျောက်ကပ်မကောင်းတဲ့သူတွေမှာတော့ salt and water retention ကြောင့် အရည်စုတာ၊ ဖောရောင်တာတွေကြောင့် နောက်ဆက်တွဲဆိုးကျိုးများ ရှိနိုင်သဖြင့် အထက်ပါရောဂါအခံရှိသူတွေမှာသက်ဆိုင်ရာဆရာဝန်၊ ဆေးဝါးပညာရှင်တို့၏ ညွှန်ကြားချက်ဖြင့်သာ သောက်သုံးသင့်ပါကြောင်း သတိပြုမိရန်အတွက် ဗဟုသုတအနေဖြင့် မျှဝေပေးလိုက်ပါတယ်ရှင် 💁‍♀️

💜

***Copy ကူးယူခြင်းခွင့်မပြုပါ***
**Sharing ပြုလုပ်နိုင်ပါသည်**

06/06/2025

👉 လိပ်ခေါင်းလား 🙄? အူမကြီးကင်ဆာလား 🙄??

လူတိုင်းလိုလိုမှာ ထုတ်မပြောကြပေမဲ့ လိပ်ခေါင်းနဲ့ပတ်သက်လို့ ခံစားနေရတာလေးတွေ ရှိနေတတ်ပါတယ်။ ရောဂါပြင်းထန်လာလေ နေ့စဉ်လုပ်ဆောင်မှုတွေမှာပါ ထိခိုက်လာလေပဲ ဖြစ်ပါတယ်။

ယနေ့ခေတ်တွင် လူတိုင်းသည် အလုပ်အတွက်အချိန်နဲ့အမျှ လှုပ်ရှားရုန်းကန်နေကြရသောကြောင့် balanced diet ရရှိအောင်ပုံမှန်စားဖို့ မလွယ်ကူပါ။

ကြာရှည်စွာ အညောင်းထိုင်ခြင်း၊ မတ်တပ်ရပ်ခြင်း၊ ဝမ်းချုပ်ခြင်း၊ ဝမ်းညှစ်ခြင်း၊ အပူအစပ်စားလွန်းခြင်း၊ processed food( ready made) တွေစားလွန်းခြင်း၊ သင့်တော်သောပုံမှန် exercise မလုပ်ခြင်း၊ unhealthy diet၊ unhealthy lifestyle အစရှိသည့် အကြောင်းအရာတို့မှ တဆင့်ဖြစ်ပွါးလာရခြင်းဖြစ်ပါတယ်။

အူမကြီးကင်ဆာနှင့် လိပ်ခေါင်းရောဂါ တို့မှာ ရောဂါဖြစ်ပွါးပုံအခြေအနေလုံးဝမတူ ကွဲပြားခြားနားသော်လည်း ရောဂါလက္ခဏာပြပုံ တချို့အရာတွေမှာ ဆင်တူနေတတ်ပါတယ်။ ဒါကြောင့်မို့ ဒီ post လေးကို knowledge sharing အနေနဲ့မျှဝေလိုက်ပါတယ်။ လူအများသိချင်နေတဲ့ ရောဂါလက္ခဏာပြပုံလေးတွေကို လေ့လာကြရအောင်

လိပ်ခေါင်းရဲ့ရောဂါလက္ခဏာများကတော့

~ ဝမ်းသွားပြီးတိုင်း နီရဲသောသွေးပါခြင်း
~ ဝမ်းညှစ်လွန်း၍ စအိုကွဲခြင်း
~ စအိုတဝိုက် ယားယံခြင်း
~ ဝမ်းသွားလျှင် နာကျင်မှုခံစားရခြင်း
~ စအိုနားမှာ ရောင်ရမ်းသောအစိုင်အခဲဖြစ်လာခြင်း
~ ဝမ်းကျန်သလိုခံစားရခြင်း
~ ဝမ်းသွားပြီးတိုင်း အချွဲအကျိများထွက်ခြင်း စသည့်လက္ခဏာများခံစားရပါတယ်။

အူမကြီးကင်ဆာရဲ့ ရောဂါလက္ခဏာများကတော့ အူမကြီးအတွင်း ရောဂါဖြစ်ပွါးခံစားနေရသောအဆင့်ပေါ်မူတည်ပါတယ်။ဖြစ်လေ့များသော လက္ခဏာများအနေနဲ့

~ ဝမ်း အရောင့်ရင့် ( သို့ ) အမဲရောင် သွားခြင်း ( ဝမ်းတွင်သွေးပါခြင်းဖြစ်စဉ် )
~ ဝမ်းလျောလိုက် ဝမ်းချုပ်လိုက် ဖြစ်နေခြင်း
~ ဝမ်းသွားရတာမဝခြင်း၊ ဝမ်းကျန်သလို အမြဲခံစားနေရခြင်း
~ ဗိုက်နာဗိုက်အောင့်ခြင်း ခံစားရခြင်း
~ အားမရှိသလိုနုံးချိပြီး အမြဲလို ပင်ပန်းနွမ်းနယ်နေခြင်း
~ အစားအသောက်ပျက်ခြင်း
~ ကိုယ်အလေးချိန်ကျလာခြင်း
~ သံဓာတ်ချို့တဲ့ကာ သွေးအားနဲလက္ခဏာဖြစ်လာခြင်း တို့ကို ခံစားရပါတယ်။

အပေါ်မှာပြောပြခဲ့တံ့လက္ခဏာလေးတွေမှာ အမျိုးမျိုးသော အခြေအနေတွေကြောင့် ဖြစ်နိုင်ပြီး အူမကြီးကင်ဆာလား 🙄?? လိပ်ခေါင်းလား 🙄? သိရှိနိုင်ဖို့အတွက် အပေါ်မှာပြောခဲ့တဲ့လက္ခဏာလေးတွေက ဆက်တိုက်ခံစားနေရပြီဆိုလျှင် မိမိ မိသားစုဝင်များမှာ အူမကြီးကင်ဆာ မျိုးရိုးရှိခဲ့ဖူးသူဆိုလျှင်
Colonoscopy ( အူမကြီးအတွင်း camera ဖြင့် စစ်ဆေးခြင်း ) ဖြင့်သိနိုင်ပါတယ်။

လူတိုင်းအသက်၄၀ကျော်ဆိုလျှင် သတိထားစစ်ဆေးသင့်သည့် medical checkup တခုဖြစ်သောကြောင့် သတိပြုနိုင်ရန်နှင့် နေ့စဉ်သတိနှင့်ယှဉ်ကာ မိမိ lifestyle၊ diet ကိုလဲ သတိထားသင့်ကြောင်း ဗဟုသုတလေးမျှဝေပေးလိုက်ပါတယ်ရှင် 🧏‍♀️

https://www.drvivekmangla.com/blog/can-we-differentiate-between-symptoms-of-haemorrhoids-piles-and-colorectal-cancert

💜

*** copy ကူးယူခြင့်ခွင့်မပြုပါရှင် ***
*** Sharing လုပ်နိုင်ပါတယ် ***

16/01/2025

ဆောင်းရာသီ အသားခြောက်ခြင်းနှင့် ဆောင်ရန် ရှောင်ရန်များ 🧏‍♀️

☃️ ဆောင်းလေအေးလာချိန်ဖြစ်ပြီမို့ အသားတွေလဲခြောက်ကပ်လာပါပြီ။ အသားတွေခြောက်လို့ ယားတဲ့အထိတောင် ဖြစ်နေပါပြီ။ ဆောင်းလေအေးအေးရာသီကို ကြိုက်ပေမဲ့ အသားအရည်ခြောက်သွေ့ပြီး ပက်ကြားအက်ကာ ယားယံတဲ့ဒုက္ခကလဲ မသေးပေ။ ဒါကြောင့်မို့ ဆောင်းတွင်းအသားခြောက်ခြင်းနှင့် ဆောင်ရန်ရှောင်ရန်တို့ကို မျှဝေပေးလိုက်ပါတယ်။

☃️အရေပြားရဲ့အပေါ်ယံလွှာကို ဆဲလ်သေများ၊ အဆီ တို့ဖြင့်ပါ၀င်ပေါင်းစပ်ထားပြီး ခန္ဓာကိုယ်ကို အစိုဓါတ်ထိန်းထားနိုင်ရန်နှင့် ခန္ဓာကိုယ်တွင်းသို့ အဆိပ်အတောက်များ မ၀င်ရောက်နိုင်ရန် ပြင်ပအကာအကွယ်လွှာတခုအနေနဲ့ ပြုလုပ်ပေးပါတယ်။ ထို့အပြင် အရေပြားမှာရှိတဲ့အစိုဓါတ်ဆိုသည်မှာလည်း အသက်အရွယ်၊ ကျားမမတူမှု၊ လူမျိုး၊ ပတ်၀န်းကျင်အခြေအနေတွေကြောင့် တဦးနဲ့တဦးမှာ မတူညီနိုင်ပေ။

☃️ဆောင်းရာသီတွင် စိုထိုင်းမှုနှင့် အပူချိန်ပြောင်းလဲလာမှု၊ ရာသီဥတုပြင်းထန်မှု၊ လေအေးကြမ်းတိုက်ခိုက်မှုတို့ကြောင့် အရေပြားရဲ့ သဘာ၀အစိုဓါတ်ထိန်းထားမှုတို့ဆုံးရှုံးကာ အရေပြားခြောက်သွေ့မှုဖြစ်လာပါတယ်။ လူတချို့ကမူ အသားရေခြောက်သွေ့ယုံမျှမက အရေပြားတွင် ပက်ကြားအက်ခြင်း၊ နီလာခြင်းနှင့် ယားယံခြင်းဖြစ်ပြီး အရေပြားများစူးကာကြမ်းရှလာကြပါတယ်။ အသားရည်နှင့် လေအေးအများဆုံးထိတွေ့သော မျက်နှာ၊ ပါး၊ နှာခေါင်းထိပ်တွေမှာ အဓိက အသားပတ်ကြပါတယ်။ တချို့ဆို အသားရည်အရမ်းခြောက်ကာ ကုတ်ဖဲ့ခြင်းကြောင့် အရေပြားတွင် အနာများ၊ သွေးများစို့ခြင်းများအထိ ဖြစ်လာတတ်ပါတယ်။ အရေပြားပြသာနာအခံရှိသူတို့တွင် အရေပြားဆိုင်ရာပြသာနာများ ပိုပြီးဆိုးရွာစွာခံစားရပါက ထိုအချိန်မျိုးတွင် သင့်တော်သောကုသမှုမျိုးကို ခံယူရပါမယ်။

☃ဆောင်းရာသီတွင်း ခြောက်သွေ့ပြီးပျက်စီးလာသော အသားအရည်အတွက် အကောင်းဆုံးကုသနည်းမှာ အစိုဓါတ်ပြန်လည်ဖြည့်ခြင်းပဲဖြစ်ပါတယ်။ ဒီလိုအချိန်မျိုးတွင် မျက်နှာပေါ်မှာ toner, serum, heavy make up တွေလိမ်းခြယ်ခြင်း မပြုပဲ moisturizer သုံးခြင်းကသာလျှင် အပေါ်ယံအရေပြားအလွှာကို ရေဓါတ်ပြန်လည်ဖြည့်တင်းနိုင်ပြီး အရေပြားမှ ရေဓါတ်ဆုံးရှုံးမှုကိုလဲ ကာကွယ်ပေးမှာဖြစ်ပါတယ်။

☃️ဆောင်းရာသီတွင် ရာသီဥတု အရမ်းအေးခဲလာပါက နူးညံ့သောနှုတ်ခမ်းသားလေးတွေပင် အသားပတ်ခြင်း၊ အဖတ်လန်ခြင်း၊ အက်ကွဲခြင်းများဖြစ်တတ်ပါတယ်။ နှုတ်ခမ်းအသားပတ်နေချိန်မှာ ခဲဓါတ်ပါ၀င်သော နှုတ်ခမ်းဆိုးဆေးရင့်ရင့်ကို မသုံးပဲ အဆီပါ၀င်သော နှုတ်ခမ်းဆိုးဆေးကိုသာ ရွေးချယ်သုံးသင့်ပါတယ်။

☃️ဆောင်းရာသီတွင် အသားခြောက်ခြင်းမဖြစ်ရန် Linoleic, linolenic, lauric acid ကဲ့သို့ အသားအရည်နူးညံ့ပျော့ပြောင်းစေသော moisturizerမျိုး၊ ceramides, hyaluronic acid, glycerin, sorbitol အစရှိသည့် အစိုဓါတ်ထိန်းပေးထားနိုင်သော moisturizerမျိုး၊ အခြားသော Bio oil, oleic oil, petroleum jelly, lanolin, silicone နှင့် mineral oil စသည့် လိမ်းဆေးမျိုးတို့ သုံးနိုင်ပါတယ်။ ထိုကဲ့သို့သော moistirizer တို့သည် ပတ်၀န်းကျင်ရာသီဥတု ဒဏ်ကြောင့် အရေပြားပျက်စီးခြင်းမဖြစ်အောင် အကာအကွယ်ပေးနိုင်ကြပါတယ်။ moisturizer များတွင်လည်း gel type ထက်စာလျှင် စေးကပ်ကာ အဆီဓါတ်ပါသော moisturizer မျိူးက သာ၍ပိုကောင်းပါတယ်။ Sensitiveဖြစ်သော အသားအရည်မျိုးတို့တွင် Aloe vera (ရှားစောင်းလက်ပတ်) တို့ကို ညအိပ်ရာ၀င်ခါနီးတွင် အသုံးပြုနိုင်ပါသည်။

☃️ဆောင်းရာသီတွင် အသားအရည်ခြောက်သွေ့ခြင်းဖြစ်စေနိုင်သော အောက်ပါ အကြောင်းအရင်းတို့ကိုရှောင်ကျဥ်ရပါမယ်။

-Antibacterial soap အပြင်းစားများသုံးခြင်း၊
-ရေနွေးပူပူဖြင့် ရေချိူးခြင်း၊
-ရေနွေးဖြင့် မျက်နှာသစ်ခြင်း၊
-ရေနွေးဖြင့်ခေါင်းလျှော်ခြင်း၊
-မကြာခန မျက်နှာသစ်ခြင်း၊ ခြေလက်ဆေးခြင်း၊
-ချမ်းမှာကြောက်၍ ရေပုံမှန်မချိုးခြင်း၊
-ရေသောက်နည်းခြင်း၊
-၀မ်းပုံမှန်မသွားခြင်း၊
-အစာချေဖျက်ရ ခက်ခဲသောအစာများစားခြင်း
တို့ကို ရှောင်ရှားရပါမယ်။

☃️ ဆောင်းရာသီမှာ အရေပြားမခြောက်သွေ့အောင် ဆောင်ရမှာတော့

-ရေများများသောက်တာ
-vitamin E ပါ၀င်သောမျက်နှာသစ်ဆေးသုံးတာ
-Omega 3, Omega 6 ပါ၀င်တာတွေစားတာ
-moisturizer တွေသုံးတာ
-Humidifier( အစိုဓါတ်ထိန်းစက် ) သုံးတာ
-sunscreen လိမ်းတာ
-body lotion သုံးတာ
-ပန်းကန်ဆေး၊ အ၀တ်လျှော်လျှင် လက်အိတ်၀တ်တာ စသည့်တို့ကို ဆောင်ရွက်သင့်ပါတယ်။

💛နွေအချို၊ မိုးအခါး၊ ဆောင်းအချဥ်ဆိုသည့် ရှေးလူကြီးများ ဆိုစကားနှင့်အညီ အေးမြသောဆောင်းရာသီမှာ အချဥ်ဓါတ်စားပေးခြင်းဖြင့် ခန္ဓာကိုယ်ရဲ့ အစိုဓါတ်ကိုထိန်းညှိပေးယုံမျှမက ခုခံအားစနစ်ကိုပါ ကောင်းမွန်စေပါတယ်။ အသည်းနှင့်ဆီးအိမ်ကို ကျန်းမာစေသည့်အပြင် မိမိစားသောက်လိုက်သော အစားသောက်ထဲရှိသတ္တုဓါတ်များကို အလွယ်တကူစုပ်ယူနိုင်ပြီး ခန္ဓာကိုယ်တစ်ရှူးများကို သန့်စင်ပေးပါတယ်။ ထို့ကြောင့် သံပုရာသီး၊ ရှောက်သီး၊ သံပုရိုသီး၊ နာနတ်သီး၊ ပန်းသီး၊ မန်ကျည်းသီး၊ သစ်တော်သီး၊ ဒိန်ချဥ်၊ ဖရဲသီး၊ ဘယ်ရီသီး စသည့်တို့ကို စားသုံးသင့်ပါတယ်။

💚ခန္ဓာကိုယ်တွင်းအပူဓါတ်လျော့ချပေးနိုင်သော ဆောင်းရာသီဓါတ်စာများဖြစ်သော
-မုန်လာဥဖြူ၊ မုန်လာဥနီ၊ ခရမ်းချဥ်သီး၊ ဘူးသီး၊ ဂေါ်ရခါးသီး၊ စိမ်းစားဥ၊ သခွားသီး
တို့ကိုလဲစားပေးရပါမယ်။

🥚ဗီတာမင်နှင့် ပရိုတိန်းကြွယ်၀ရန်အတွက် ဗာဒံစေ့၊ သစ်ကြားသီးတို့ကို စားနိုင်ပါတယ် ။

🥛နို့သောက်ခြင်းကလဲ အသားအရည်ခြောက်တာကို သိသိသာသာသက်သာစေတဲ့အတွက် နေ့စဥ်နို့တခွက်သောက်ခြင်းဖြင့် ဆောင်းရာသီတွင်း အသားအရည်ခြောက်တာကို ကင်းဝေးစေနိုင်ပါတယ်။

🥬အစိမ်းရောင်ရှိသော ဟင်းသီးဟင်းရွက်လတ်လတ်ဆတ်ဆတ်တို့ကို စားခြင်းဖြင့်လည်း ဆောင်းရာသီတွင် အဖြစ်များသော ၀မ်းချုပ်ခြင်းကို ကာကွယ်ပေးနိုင်ပါတယ်။

🏃‍♂️ ဆောင်းရာသီတွင် နိစ္စဓူဝလှုပ်ရှားမှူတိုင်းကို ခပ်သွက်သွက်လုပ်၍ ချွေးထွက်အောင်နေထိုင်သင့်ပါတယ်။ ဆောင်းရာသီမှာ ချွေးထွက်ခြင်းက သွေးလေလည်ပတ်မှုကို ကောင်းမွန်စေပြီး အသားအရည်ကိုလဲ ထိန်းသိမ်းရာရောက်ပါတယ်။

💁‍♀️အချုပ်အားဖြင့်ဆောင်းရာသီအသားခြောက်ခြင်းသည် လူတိုင်းရှောင်လွဲမရ ကြုံတွေ့ရမည့် လက္ခဏာများဖြစ်သောကြောင့် ဆောင်းရာသီတွင်း ရှောင်ရန်၊ ဆောင်ရန် တို့ကို သတိမူကာ ကျန်းမာတဲ့အရေပြားလေးဖြစ်အောင် ထိန်းသိမ်းနိုင်ရန် ဤဆောင်းပါးလေးမှ တဆင့်ဗဟုသုတတို့ကို မျှဝေပေးလိုက်ပါတယ်။

💜

**Post ကို Copy ကူးယူခြင်းခွင့်မပြုပါရှင်***
**Sharing ပြုလုပ်နိုင်ပါသည်***

https://m.facebook.com/story.php?story_fbid=882675843225235&id=100044484822051&mibextid=9R9pXO

medicalnewstoday ;winter dry skin
Written by Amanda Barrell on January 29, 2021

10/01/2025

သတိနှင့်ယှဥ်ကာ ကျော်ဖြတ်ကြမည် HMPV 🦠

ဆောင်းအကုန်နွေဦးအ၀င်တွင် လူတိုင်းလိုလို
နှာစေးကြ ချောင်းဆိုးကြ ဖြစ်ကြသည်။
ကလေးငယ်များနှင့် သက်ကြီးရွယ်အို ဖိုးဖိုး၊ဖွားဖွားတို့ အတွက် ဒီလိုရာသီမျိုးတွင် ရေချိုးမှား၊ အအေးမိတာနှင့် အဖျားစ၀င်တော့သည်။ HMPV (Human metapneumovirus) 🦠သည်လဲပဲ ဒီရာသီတွင် ကျင်လည်နေသော အသက်ရှုလမ်းကြောင်းဆိုင်ရာရောဂါပိုး ဗိုင်းရပ်စ် တမျိုးပင်ဖြစ်သည်။ ကုသမှု၊ ကာကွယ်ဆေးမရှိသော်လည်း မည်သို့ကူးစက်နိုင်သည်နှင့် ရောဂါလက္ခဏာများ၊ ရောဂါပြန့်ပွားမှုနဲပါးအောင် ဂရုပြုရမည့် အောက်ပါအချက်တို့ကို မျှဝေပေးလိုက်ပါတယ်။

HMPV virus 🦠 သည် လူတစ်ယောက်မှတစ်ယောက်သို့ ချောင်းဆိုး နှာစေးရာမှတဆင့် ကူးစက်၀င်ရောက်နိုင်သည်။ရောဂါပိုးကပ်တွယ်နေသော မျက်နှာပြင်၊ မသန့်စင်သောလက်တို့မှတဆင့်လဲ
ကူးစက်၀င်ရောက်နိုင်သည်။

ရောဂါပိုးကူးစက်၀င်ရောက်ခြင်းခံရပါက
သာမန်အအေးမိဖျားနာလက္ခဏာများဖြစ်သော ချောင်းဆိုးခြင်း၊ ဖျားခြင်း၊ နှာပိတ်ခြင်း၊ အသက်ရှုမ၀ခြင်း၊ အသက်ရှုရခက်ခြင်း၊ လည်ချောင်းနာ၊ အရေပြားဓါတ်မတဲ့ခြင်း စသည့်လက္ခဏာများ ခံစားရလေ့ရှိပါတယ်။

ရောဂါစဖြစ်ပြီး ၂ရက်မှ ၅ရက်အတွင်း ရောဂါလက္ခဏာများ သက်သာပျောက်ကင်း လာတတ်ပါတယ်။ ကိုယ်ခံအားနဲနေပြီဖြစ်တဲ့ အသက်ကြီးတဲ့ဖိုးဖိုး၊ ဖွားဖွားတွေ၊ ကိုယ်ခံအားစနစ် အပြည့်အ၀မရှိသေးတဲ့ ၅နှစ်အောက် ကလေးငယ်လေးတွေမှာတော့ ရောဂါလက္ခဏာပြင်းထန်မှုတွေကို ပိုမိုခံစားရတတ်ပါတယ်။

ဒီလို ရာသီတုပ်ကွေးဖျားနာ အဖြစ်များတဲ့ ရာသီမျိုးမှာ ရာသီတုပ်ကွေးကာကွယ်ဆေးထိုးခြင်း၊ မိမိကိုယ်ကို ကိုယ်ခံအားကောင်းအောင်နေခြင်း၊ တကိုယ်ရည်သန့်ရှင်းမှုဂရုစိုက်ခြင်း၊ လူထူထပ်တဲ့နေရာလိုမျိုးတွေမှာ ပိုကူးစက်လွယ်နိုင်တဲ့အတွက် mask တပ်ခြင်း၊ တခုခုကိုင်တွယ်ပြီးတိုင်းလက်ဆေးကြခြင်း၊ အိမ်တွေ အဆောက်အဦးတွေမှာ လေ၀င်လေထွက်ကောင်းအောင် ထားခြင်းဖြင့် ရောဂါကူးစက်ပြန့်ပွားနှုန်းကို လျော့ချနိုင်မှာပဲဖြစ်ပါတယ်။

HMPV virus 🦠 ၀င်ရောက်ခြင်းခံရပါက အိမ်တွင်နေ၍နားခြင်း၊ ခန္ဓာကိုယ်အတွက်ရေဓါတ်ပြန်လည်ဖြည့်ခြင်း နှင့် OTC ဆေးဝါးများဖြစ်သော paracetamol, ibuprofen အစရှိသည့် ကိုက်ခဲဖျားနာ သက်သာစေသောဆေးများဖြင့် သက်သာပျောက်ကင်းနိုင်ပါသည်။ သို့ရာတွင် ရောဂါလက္ခဏာပြင်းထန်ပါက နောက်ဆက်တွဲရောဂါ၀င်ရောက်မှုများရှိနိုင်သဖြင့် ထိရောက်သော ဆေးကုသမှုခံယူရပါမယ်။

HMPV virus 🦠မှာ ပြင်းထန်မှုမရှိသော်လည်း မိမိကိုယ်ခံအားကျ၍ ရောဂါ၀င်ရောက်နေချိန်တွင် အိမ်တွင်အနားယူသင့်ပါသည်။ ကိုယ်ခံအားနဲနေသော လူနာများအားသွားရောက်ကြည့်ခြင်း၊ အသက်အရွယ်ကြီးသောသူများ၊ ကလေးသူငယ်များနှင့် နီးနီးကပ်ကပ်နေခြင်းမှ ရှောင်ကျဥ်၍ အခြားသူများသို့မပျံ့နှံ့အောင် နေထိုင်ခြင်းဖြင့် သတိနှင့်ယှဥ်ကာ HMPV virus🦠 ပြန့်ပွားကူးစက်မှုကို ကျော်ဖြတ်ကြပါစို့။

💜

Reference; WHO , CNN Health

03/07/2022

Special modifications:

CR/Chrono/CRT = Controlled Release
EC/EN = Enteric coated
LA = Long Acting
MR/Retard = Modified Release
SR/Dur/Dural = Substained Release
SA = Substained Action
XL = Extended Release

အပေါ်မှာဖော်ပြထားတဲ့ စာလုံးလေးတွေပါတဲ့ ဆေးတွေကို ချိုးသောက်ခြင်း၊ ဖွင့်သောက်ခြင်း၊ ဝါးစားခြင်းတွေ မလုပ်ရပါဘူးနော်🧏‍♀️

ချိုးသောက်ခြင်း၊ ဝါးစားခြင်းဖြင့် ဆေးရဲ့ အာနိသင်ပြောင်းလဲနိုင်ပြီး မလိုလားအပ်တဲ့ ဘေးထွက်ဆိုးကျိုးတွေလဲ ရနိုင်ပါတယ်🧏‍♀️

အရသာအရမ်းခါးသက်သော တချို့ဆေးတွေဆိုရင် အပေါ်ကနေ sugar coating (သို့) film coating တလွှာအုပ်ထားပေးတာမျိုးလဲရှိပါတယ်။ မိမိက မသိဘဲ ချိုးသောက် ဝါးစားမိပါက မနှစ်မြို့စရာ အရသာမျိုးနဲ့ တွေ့သွားနိုင်ပါတယ်နော်။

💜

23/06/2022

Tendovit tablet 🟤

ဒီဆေးလေးမှာတော့

Chondriotin Sulfate 200 mg
Collagen Peptide Type 1 40 mg
Sodium Hyaluronate 30 mg
Vitamin C 12.5 mg
တို့ဖြင့်ပါ၀င်ပေါင်းစပ်ထားပြီး

အရိုးကျီးပေါင်းတက်ခြင်း၊ လေးဖက်နာ၊ အရိုးအဆစ် ရောင်ရမ်းခြင်း၊ အရိုးကျိုးခြင်း၊ အဆစ်ခိုင်ခြင်း၊ အရွတ်ထိခိုက် ရောင်ရမ်းခြင်းတို့ နှင့် အရိုးအဆစ်များ ကျန်းမာနေစေရန်အတွက် လိုအပ်သော အာဟာရဓါတ်များ ဖြည့်စည်းပေးပါတယ်။

👉Tendovit tablet သည်

🍂အရိုးအဆစ်များ နာကျင်မှု၊ ရောင်ရမ်းမှုတို့ကို သက်သာရန် နှင့် အရိုးအဆစ်တွင်း ချောဆီအရည်များဆုံးရှုံးမှုတို့ကို လျော့နဲစေခြင်း၊

🍂အရိုး အရွတ် တွယ်ဆက်တစ်ရှူးတွေအတွက် လိုအပ်သောဓါတ်တို့ကို ဖြည့်စည်းပေးခြင်း၊

🍂တစ်ရှူးများအတွင်း ကျုံ့နိုင်ဆန့်နိုင်အားကိုလဲ သင့်တင့်အောင် ထိန်းထားပေးခြင်းတို့ကို ပြုလုပ်ပေးပါတယ်။

ပါ၀င်ပေါင်းစပ်ထားသည့်

🍂Collagen peptide type 1 သည် လူ့ခန္ဓာကိုယ်တွင်အများဆုံးတွေ့ရပြီး တွယ်ဆက်တစ်ရှူးတွေတည်ဆောက်ရန်အတွက် ကူညီပေးပါတယ်။

🍂Sodium Hyaluronate ကတော့ အရိုးအဆစ်တွေကြားရှိချောဆီရည်၊ အရေပြားအောက် အဆီတစ်ရှူးတို့တွင် တွေ့ရပြီး တစ်ရှူးများတောင့်တင်းခိုင်မာစေပြီး၊ ဖောရောင်တာ၊ နာတာ သက်သာစေပါတယ်။

🍂Chondroitin Sulfate ကတော့ အရိုးအဆစ်တွေကိုတွယ်ဆက်ထားတဲ့ အရိုးနုလေးတွေမှာ တွေ့ရပြီး အရိုးနုထဲကို ရေဓါတ်ပိုမိုရောက်ရှိစေခြင်းဖြင့် အရိုးနုလေးတွေရဲ့ရုန်းပြန်အား(ကျုံ့ဆန့်အား) ပိုမိုကောင်းမွန်စေပါတယ်။ဒါ့အပြင် အရိုးနုလေးတွေ ပျက်ဆီးမှုကိုလဲ နှေးစေပါတယ်။

🍂Vitamin C ကတော့ အရွတ်တွေကြီးထွားဖို့၊ ပျက်စီးသွားတဲ့အရွတ်တွေကို ပြန်လည်ပြုပြင်ဖို့ နဲ့ အရွတ်လေးတွေ ကျန်းမာနေစေဖို့အတွက်လုပ်ဆောင်ပေးတဲ့အပြင် ခန္ဓာကိုယ်အတွက် လိုအပ်သောအာဟာရဓါတ်တွေကို စုပ်ယူနိုင်ရန်အတွက်လဲ လုပ်ဆောင်ပေးပါတယ်။

♦️အရွတ်များ ကျန်းမာသန်စွမ်းစေရန် အတွက်
-ပရိုတင်းကြွယ်၀သော အစားအစာများ
-အမျှင်ဓါတ်ကြွယ်၀သော အစားအစာများ
-Vitamin C ကြွယ်၀သော အစားအစာများ
-Omega 3, Vitamin D နှင့် Calcium ကြွယ်၀သောအစားအစာများကို စားသုံးပေးသင့်ပါသည်။

♦️အရွတ်များနာကျင် ရောင်ရမ်းနေချိန်အတွင်း ပြင်းထန်သော လှုပ်ရှားမှု၊ လေ့ကျင့်ခန်းပြုမှု တို့ကိုရှောင်ရှား၍ အနားပေးသင့်ပါသည်။

♦️ဆေးကို တခါသောက်(၁)လုံး ဖြင့် တနေ့ ၂ကြိမ် မှ ၃ကြိမ် (သို့) သက်ဆိုင်ရာဆရာ၀န်ညွှန်ကြားသည့်အတိုင်း သောက်သုံးနိုင်ပါသည်။

**Post ကို copy ကူးယူခြင်းမပြုပဲ
Sharing လုပ်နိုင်ပါသည်***

💜

22/06/2022

Duloxetine Hydrochloride 💊

✅Duloxetine သည် serotonin-norepinephrine reuptake inhibitor ဖြစ်ပြီး စိတ်ဓါတ်ကျမှုတွေ၊ အာရုံကြောတွေမှာ နာတာရှည်ထုံကျင်နာမှုတွေကို သက်သာစေပါတယ်။

✅Duloxetine capsule သည် အဓိကအားဖြင့် စိတ်ဖိစီးမှု၊ စိုးရိမ်ပူပန်ကြောင့်ကျမှု၊ စိတ်ဓါတ်ကျမှု၊ စိတ်သောကဖြစ်မှုတွေကို လျော့ကျစေကာ စိတ်အခြေအနေပိုလို့ နေလို့ကောင်းလာမှု၊ အိပ်စက်မှု၊ အစာစားချင်စိတ်ဖြစ်လာမှု၊ ခန္ဓာကိုယ်တွင်း စွမ်းအင်ထုတ်လုပ်မှုတွေမှာ တိုးတက်ကောင်းမွန်လာမှုတွေကို ဖြစ်စေပါတယ်။ ကင်ဆာရောဂါသမားတွေမှာ ပေးလေ့ရှိပါတယ်။

ဒါ့အပြင် ဒီဆေးကို

💊ဆီးချိုကြောင့် ခြေလက်အာရုံကြောတွေ ထုံတာ ကျင်တာ နာတာ သက်သာစေရန်၊

💊စိတ်ပိုင်းဆိုင်ရာ ခန္ဓာကိုယ်ပိုင်းဆိုင်ရာ ဖိစီးမှုတွေကြောင့် စိတ်ရောကိုယ်ပါပင်ပန်းနွမ်းနယ်တာ သက်သာစေရန်၊

💊တချို့သောဆေးဝါးကုသမှုကြောင့် ခန္ဓာကိုယ်တလျှောက်လုံးမှာ ထုံနာကျင်မှုခံစားရတာတွေ လျော့ကျစေရန်၊

💊အရိုး၊ အဆစ်အမြစ်၊ ကြွက်သားအကြောမျှင်၊ အရွတ်၊ ကြွက်သားတွေတလျှောက် နာကျင်မှုခံစားရတာတွေ သက်သာစေရန်၊

💊ချောင်းဆိုးနေချိန်၊ နှာချေနေချိန်၊ ရယ်နေချိန်၊ ကိုယ်လက်လှုပ်ရှားမှုတခုခုပြုလုပ်နေစဥ်အတွင်း ရုတ်တရက်ဆီးထွက်ကျတတ်တာတွေ လျော့ကျစေရန် အတွက်လဲအသုံးပြုကြပါတယ်။

♦️ကိုယ်၀န်ဆောင်တွေ၊ နို့တိုက်မိခင်တွေ နှင့် ကလေးလူရွယ်တွေ၊ အသဲ နှင့် ကျောက်ကပ် မကောင်းသူတွေ မသုံးသင့်ပါဘူး။

♦️Antiplatelet drugs (eg. Clopidogrel) , NSAIDs (eg.Ibuprofen) , Blood thinners (eg.Warfarin) စသည့်ဆေးတွေနှင့် တွဲသောက်ပါက သွေးကြောလေးတွေပေါက်ထွက်ကာ သွေးယိုစိမ့်ခြင်းဖြစ်စေနိုင်ပါသည်။

♦️Monoamine oxidase inhibitors(MAOIs) တွေဖြစ်တဲ့ isocarboxazid , linezolid , metaxalone , methylene blue , moclobemide , phenelzine, procarbazine , rasagiline , safinamide , selegiline , tranylcypromine တွေနှင့် တွဲသုံးပါက သေနိုင်လောက်သည့် ဆေးဝါးဓါတ်ပြုမှုတွေ ရှိသောကြောင့် အထူးသတိထားသင့်ပါသည်။အတူတွဲမသုံးရပါ။ ရက်အနည်းငယ်ခြားပြီးမှ သုံးစွဲရပါမည်။

👉side effects အနေနဲ့ ပါးစပ်ခြောက်တာ၊ အိပ်မပျော်တာ၊ ခေါင်းကိုက်တာ၊ မူးဝေတာ၊ အမြင်ဝေဝါးတာ၊ ၀မ်းပျက်၀မ်းလျှော ၀မ်းချုပ်တာ၊ မူးဝေပျို့အန်ချင်တာတွေဖြစ်တတ်ပါစေ။

👉Duloxetine သည် ဆရာ၀န် ညွှန်ကြားချက်ဖြင့်သာ သောက်သုံးရမည့်ဆေး ဖြစ်ပါတယ်။ ရောဂါသက်သာသွားပေမဲ့ ဆေးကိုမိမိသဘောဖြင့်မိမိ ဆေးရပ်ခြင်းမျိုးမပြုရပါ။ သက်ဆိုင်ရာဆရာ၀န်ညွှန်ကြားချက်ဖြင့်သာ ဆေးပမာကို လျော့လျော့သွားရမှာဖြစ်ပါတယ်။

♦️Doluxetine ကို 20mg , 30mg , 60mg စသည်ဖြင့် တွေ့ရပါတယ်။ ဆေးကို မိမိအသက်အရွယ်အလိုက် ဆရာ၀န်ညွှန်ကြားသည့်ဆေးပမာဏအတိုင်း အစာနှင့်သော်လည်းကောင်း၊ အစာမရှိချိန်သော်လည်းကောင်း သောက်သုံးနိုင်ပါသည်။

♦️ဆေးသောက်လျှင် မူးဝေတတ်သူများကတော့ အစာနှင့်တွဲသောက်နိုင်ပါတယ်။ ဆေးဝါးအာနိသင် ကောင်းစွာရရှိနိုင်ရန် ဆေးကို အချိန်မှန်လေး သောက်ရပါမည်။

**Post ကို copy ကူးယူခြင်းမပြုပဲ
Sharing လုပ်နိုင်ပါသည်***

💜

15/06/2022

Gentalene C Cream 🧸

🖊Gentalene C Cream မှာ betamethasone , gentamycin နှင့် clotrimazole တို့ပါ၀င်ပေါင်းစပ်ထားပြီး အရေပြားတွင်ဖြစ်သော နီရဲခြင်း၊ ရောင်ရမ်းခြင်း၊ ယားနာခြင်းတို့ကို သက်သာစေပါသည်။

🖊ဆေးထဲတွင်ပါ၀င်ပေါင်းစပ်ထားသော Betamethasone မှာ synthetic corticosteroid ဖြစ်ပြီး လတ်တလောခံစားနေရတဲ့ ဝေဒနာတွေကို သက်သာစေပါတယ်။

🖊Gentamycin မှာ wide spectrum antibiotic (ပိုးသတ်ဆေး) ဖြစ်ပါတယ်။

🖊Clotrimazole ကတော့ synthetic antifungal (မှိုပိုးသတ်ဆေး) ဖြစ်ပါတယ်။

✴Gentalene C ကို

👉ခြေချောင်းကြားတွေမှာ မှိုကြောင့်ဖြစ်တဲ့ အရေပြားနီရဲယားယံတာ၊

👉ခန္ဓာကိုယ်ရဲ့ ပူနွေးစွတ်ထိုင်းနေတဲ့နေရာတွေမှာ မှိုကြောင့်နီရဲယားယံပြီး အနီရောင် အဖုအပိမ့်တွေထွက်လာတာ၊

👉ပွေးရောဂါ၊

👉မှက်ခရုရောဂါနှင့်

👉ဘက်တီးရီးယားကြောင့် ရောင်ရမ်းယားယံတာတွေ မှာ အသုံးပြုနိုင်ပါတယ်။

✴Gentalene C ကို အသက် ၁၇နှစ် နှင့် အထက်မှ လူကြီးများအတွက်သာ အသုံးပြုရပါမယ်။ ကလေးငယ်များနှင့် မွေးကင်းစကလေးငယ်တွေမှာ သုံးစွဲရန်မသင့်ပါဘူး။

✴ဆေးကို ရောဂါခံစားရသောနေရာပေါ်သို့ တနေ့လျှင် ၂ကြိမ် ပါးပါးလေးလိမ်းနိုင်ပါသည်။

✴Steroid ဆေးတွေဖြစ်သောကြောင့် သက်ဆိုင်ရာဆရာ၀န်ညွှန်ကြားချက်ဖြင့် သုံးစွဲရမည့်ကာလအပိုင်းအခြားကို လိမ်းနိုင်ပါသည်။

✴ဆေးထဲတွင်ပါ၀င်ပေါင်းစပ်ထားသော ပစ္စည်းများနှင့်ဓါတ်မတဲ့သူများ မသုံးစွဲသင့်ပါ🧏‍♀️

✴ပါးမှာနီရဲရောင်ရမ်းတာ၊ ၀က်ခြံ၊ ပါးစပ်တဝိုက် နှင့် မျိုးပွားလိင်အဂါတဝိုက် နီရဲယားယံတာ၊ ရေယုန်နှင့် ရေကျောက်ရောဂါ၊ ခြေထောက်မှာ သွေးခဲပိတ်ဆို့မှုကြောင့် ရောင်ရမ်းပြီးအနာဖြစ်တာ၊ diaperကြောင့်အပူလောင်ကာ အနာဖြစ်တာတွေမှာ သုံးလို့မသင့်ပါဘူးရှင်🧏‍♀️

✴ဆရာ၀န်ညွှန်ကြားချက်ဖြင့်သာသုံးစွဲမှာဖြစ်ပြီး ညွှန်ကြားသည့်ကာလထက်ကျော်လွန်ကာ ကြာရှည်စွဲသုံးရန်မသင့်ပါဘူး။

✴ခန္ဓာကိုယ်ပြင်ပ အပေါ်ယံအရေပြားအတွက် အသုံးပြုရန်ဖြစ်ပြီး မျက်စိ၊ ပါးစပ်၊ မိန်းမကိုယ်ထဲမ၀င်အောင် သတိထားသင့်ပါတယ်။

✴အခြားသော steroid ပါသောဆေးတွေနှင့် တွဲသုံးလိုပါက ဆရာ၀န်နှင့်တိုင်ပင်ပြီးမှ သုံးစွဲသင့်ပါတယ်။

✴ဆေးလိမ်းထားသောနေရာအား ပတ်တီးစည်းခြင်း၊ တခုခုဖြင့် အုပ်ထား၊ ဖုံးထားခြင်းမပြုသင့်ပါ။

**Post ကို copy ကူးယူခြင်းမပြုပဲ
Sharing လုပ်နိုင်ပါသည်***

💜

14/06/2022

ဒီနေ့ Candid powder , cream , gel & vaginal tablet အကြောင်းကို ဖော်ပြပေးထားပါတယ်။ လေ့လာနိုင်ပါတယ်နော် 💁‍♀️

💥Candid သည် clotrimazole အဓိကပါ၀င်သော မှိုပိုးသတ်ဆေးအမျိုးအစားဖြစ်ပြီး မှိုကြောင့်ဖြစ်တဲ့ အရေပြားရောဂါများ အတွက်အသုံးပြုနိုင်ပါတယ်။

💥powder type , cream type , gel type , vaginal tablet ပုံစံအမျိုးမျိုးဖြင့်တွေ့ရပြီး

✅ဦးရေပြားတွင်ဖြစ်သော မှိုရောဂါ
✅အမျိုးသားများ၏ ပါးသိုင်းမွှေး၊ မုတ်ဆိတ်မွှေး၊ နှုတ်ခမ်းမွှေးထွက်သော နေရာများတွင်ဖြစ်သော မှိုရောဂါ
✅ခြေသည်း၊ လက်သည်းအောက်ရှိအရေပြားတွင် ဖြစ်သော မှိုရောဂါ
✅ပေါင်ခြံတွင်ဖြစ်သော မှိုရောဂါ
✅ခြေဖဝါး၊ ခြေချောင်းကြားတွင်ဖြစ်သော မှိုရောဂါ
✅ပွေး၊ ညှင်း
✅အရေပြားနှစ်ခုထိ၍ ပွတ်တိုက်မှုရှိသောနေရာများတွင်ဖြစ်သော မှိုရောဂါ
✅မိန်းမကိုယ်တွင်ဖြစ်သော မှိုရောဂါ
✅အမျိုးသားများ လိင်တံထိပ်တွင်ဖြစ်သော မှိုရောဂါ
✅ကလေး (သို့) လူကြီးများတွင် အသုံးပြုသော သေးခံကြောင့်ဖြစ်သော မှိုရောဂါတွေ အတွက်အသုံးပြုနိုင်ပါတယ်။

🔸️ရောဂါဖြစ်နေသောနေရာကို သန့်ရှင်းခြောက်သွေ့အောင်ထားပြီး candid powder ကို တနေ့ ၂ကြိမ်ထိသော်လည်းကောင်း၊ cream နှင့် gel ကို တနေ့လျှင် ၂ကြိမ် မှ ၃ကြိမ် ထိလည်းကောင်း ပါးပါးလေးပွတ်လိမ်းနိုင်ပါသည်။ ဆေးလိမ်းသော လက်ကိုလဲ သန့်ရှင်းခြောက်သွေ့အောင် ထားပြီးမှ ဆေးလိမ်းသင့်ပါသည်။

🔸️ vaginal tablet ကို မိန်းမကိုယ်မှာဖြစ်တဲ့ မှိုကြောင့်ခံစားရတဲ့ ရောဂါတွေဖြစ်တဲ့ မိန်းမကိုယ်တ၀ိုက်အနီကွက် ဖြစ်ပြီး ရောင်ရမ်းယားတာ၊ အဖြူဆင်းတာ တွေအတွက်သုံးနိုင်ပါတယ်။

🔸️vaginal tabet အသုံးပြုနည်းမှာ ဆေးတောင့်ကို မိန်းမကိုယ်ထဲ ထဲ့ရမှာဖြစ်ပြီး တညလျှင် (၁)တောင့်ဖြင့် (၆) ည ဆက်တိုက်ထဲ့ပေးမှာဖြစ်ပါတယ်။ ဆေးထဲ့ပြီး ချက်ခြင်းမထပဲ နာရီ၀က်၊ တနာရီလောက် ခနလှဲနေရမှာဖြစ်ပါတယ်။ မိန်းမကိုယ်ထဲရောက်လျှင် ဆေးသည် သူ့ဟာသူပျော်၀င်သွားမှာဖြစ်ပါတယ်။

🔸️ဘေးထွက်ဆိုးကျိုးအနေနဲ့ကတော့ မိန်းမကိုယ်မှာ နီတာ၊ စူးတာ၊ ယားတာ၊ ပူတာ၊ အရေပြားခြောက်သွေ့တာတွေဖြစ်တတ်ပါတယ်။

🔸️Gel type, cream type တွေကိုတော့ ကိုယ်၀န်ဆောင်တွေမှာပါ အသုံးပြုနိုင်ပါသည်။

🔸️ရံဖန်ရံခါ ဆေးလိမ်းပြီးသောအခါတွင် အရေပြားယားယံခြင်း ဖြစ်စေတတ်သော်လဲ ဆေးဆက်လိမ်းပါက တဖြေးဖြေးနှင့် ပျောက်ကင်းသွားပါလိမ့်မယ်။

🔸️မှိုရောဂါလက္ခဏာအားလုံး ပျောက်ကင်းစေရန်နှင့် ပြန်လည်ဖြစ်ပွားမှုကို ကာကွယ်ရန် ဆေးကို ရောဂါပျောက်ကင်းပြီးသည့်တိုင်အောင် နှစ်ပတ်မှလေးပတ်အထိ ဆက်လက်အသုံးပြုသင့်ပါသည်။

📍ဆေးနှင့်ဓါတ်မတဲ့သော လက္ခဏာများဖြစ်ပေါ်လာပါက ဆက်၍အသုံးမပြုသင့်ပါရှင်🧏‍♀️

**Post ကို copy ကူးယူခြင်းမပြုပဲ
Sharing လုပ်နိုင်ပါသည်***

💜

08/06/2022

Max Mag + B6 tablet 🦋

✅Max Mag + B6 tablet လေးမှာ
Magnesium 100mg &
Vitamin B6 5mg ပါ၀င်ပြီး
ခန္ဓာကိုယ်ရဲ့ဇီ၀ကမ္မလုပ်ငန်းဆောင်တာတွေ၊ ကြွက်သားကျန်းမာရေး နှင့် အိပ်စက်မှုကောင်းမွန်စေရန်အတွက် ကူညီပေးပါတယ်။ Magnesium ကို Vitamin B6 နှင့်ပေါင်းစပ်ထားသောကြောင့် စိတ်ဖိစီးမှုကိုပိုမိုလျော့ချပေးနိုင်ပါတယ်။

✅Magnesium ကတော့ ကြွက်သား၊ အာရုံကြော၊ အရိုး၊ နှလုံးတွေရဲ့ လုပ်ဆောင်မှုတွေကိုပုံမှန်ရရှိစေပြီး ကြွက်သားတောင့်တင်းတာ၊ ကြွက်တက်တာ၊ အာရုံကြောတွေ ထုံတာ၊ ကျင်တာ၊ နာတာတွေကို သက်သာစေပါတယ်။ ခန္ဓာကိုယ်ပိုင်းဆိုင်ရာ၊ စိတ်ပိုင်းဆိုင်ရာ ပင်ပန်းနွမ်းနယ်မှုတွေကို သက်သာစေပါတယ်။

✅Vitamin B6 ကတော့ စိတ်ဓါတ်ကျတာ၊ စိတ်ဖိစီးတာတွေကို သက်သာစေပါတယ်။ ဦးနှောက်ကျန်းမာရေးကောင်းမွန်စေပြီး Alzheimer ရောဂါဖြစ်နိုင်နှုန်းကိုလဲလျော့ချပေးပါတယ်။ သွေးအာနဲရောဂါကို ကုသရန်၊ ကာကွယ်ရန်အတွက်လဲပေးကြသလို၊ ကိုယ်၀န်ဆောင်ချိန်ကာလအတွင်း မူးဝေတာကိုလဲသက်သာစေနိုင်ပါတယ်။ အမျိုးသမီးတွေမှာ ရာသီစက်၀န်းမလာခင် ခံစားရသောလက္ခဏာတွေကိုလဲ သက်သာစေနိုင်ပါတယ်။

🔸️ကိုယ်၀န်ဆောင်မိခင်တွေ၊ နို့တိုက်မိခင်တွေ နှင့် ဆေးထဲတွင်ပါ၀င်သောပစ္စည်းတွေနှင့် ဓါတ်မတဲ့သူတွေ မသုံးစွဲသင့်ပါ🧏‍♀️

🔸️ဆေးကို တခါသောက် (၁) လုံးဖြင့် တနေ့ ၂ကြိမ်ထိ ရေများများဖြင့် သက်ဆိုင်ရာ ဆရာ၀န်ညွှန်ကြားသည့်အတိုင်းသုံးစွဲနိုင်ပါသည်။

**Post ကို copy ကူးယူခြင်းမပြုပဲ
Sharing လုပ်နိုင်ပါသည်***

💜

08/06/2022

Zi Mag tablet 🦋

✅ဒီဆေးလေးမှာတော့
Magnesium aspartate dihydrate ပါဝင်ပြီး သွေးထဲမှာ Magnesium လျော့နဲတာ ကုသရန် နှင့် လျော့နဲတာမဖြစ်အောင်ကာကွယ်ရန် ပေးတဲ့ သတ္တုဖြည့်စွက်အားဆေးဖြစ်ပါတယ်။

✅Magnesium ဓါတ်သည် ကြွက်သားနဲ့အာရုံကြောတွေ၊ ဆဲလ်တွေ၊ အရိုးနဲ့နှလုံးတို့ရဲ့ ပုံမှန်လုပ်ငန်းဆောင်တာတွေအတွက် လိုအပ်သောသတ္တုဓါတ်ဖြစ်ပြီး ကြွက်သားတွေတောင့်တင်းတာ၊ ကြွက်တက်တာ၊ အာရုံကြောတွေ ထုံတာ၊ နာတာ၊ ကျင်တာ၊ စိတ်ဖိစီးတာ၊ စိတ်ပူပန်တာတွေ လျော့ချပေးနိုင်ပြီး နှလုံးခုန်နှုန်း၊ သွေးပေါင်ချိန်ကိုလဲထိန်းညှိပေးပါတယ်။

✅Zi Mag tablet သည် စိတ်ပိုင်းဆိုင်ရာ၊ ခန္ဓာကိုယ်ပိုင်းဆိုင်ရာ ပင်ပန်းနွမ်းနယ်ပြီး အားအင်ကုန်ခမ်းဖြစ်မှုတွေကို သက်သာစေပါတယ်။

✅ဆေးကို တခါသောက်( ၁ )လုံးဖြင့် တနေ့လျှင် တကြိမ်မှသုံးကြိမ်ထိ အစာနှင့်တွဲ၍ ဆရာ၀န်ညွှန်ကြားသည့် ဆေးပမာဏ အတိုင်းသောက်သုံးနိုင်ပါသည်။

📍️ဆေးကို လိုအပ်တဲ့ပမာဏထက်ပိုလျှံစွာသောက်သုံးမိပါက ၀မ်းပျက်၀မ်းလျောဖြစ်တာ၊ မူးဝေ ပျို့အန်တာတွေဖြစ်တတ်ပါတယ်။

📍ဆီးချိုဆေး၊ နှလုံးနှင့်ပတ်သက်သောဆေးဝါး၊ ပိုးသတ်ဆေးသောက်သုံးနေသူတွေမှာ သုံးစွဲရန်မသင့်ပါဘူးရှင်🧏‍♀️

**Post ကို copy ကူးယူခြင်းမပြုပဲ
Sharing လုပ်နိုင်ပါသည်***

💜

Khin May Kha

08/10/2025

18/06/2025

06/06/2025

16/01/2025

10/01/2025

03/07/2022

23/06/2022

22/06/2022

15/06/2022

14/06/2022

08/06/2022

08/06/2022

Address

Website

Alerts

Contact The Practice

Shortcuts

Share

Category