ဆေးဝါးအသုံးပြုနည်းလမ်းညွှန်, Yangon (2025)

21/06/2022

(အက်စီလိုင်းစစ်စတင်း)

ချွဲပျော်ဆေးတစ်မျိုးဖြစ်သည်။ စေးပျစ်နေသည့် ချွဲသလိပ်များကို အရည်ကျဲစေသည့် အာနိသင်ရှိသဖြင့် ချောင်းဆိုးပြီး ဟက်ထုတ်ရာတွင် လွယ်ကူစေသည်။

> အသုံး
လေပြွန်ရောင်ခြင်း၊ အဆုတ်ပွခြင်း၊ အဆုတ်ရောင်ခြင်းတို့တွင် တွေ့ရသော ချောင်းဆိုး၊ ရင်ကြပ် သက်သာစေရန် အသုံးပြုသည်။

> ဆေးညွှန်းနှင့် အသုံးပြုပုံ
စားဆေးဖြစ်သည်။ လူကြီးနှင့် အသက် ၇နှစ်နှင့်အထက် ကလေးများအတွက် 200mg တစ်နေ့ သုံးကြိမ်၊ အသက် ၂နှစ်နှင့် ၇နှစ်ကြား ကလေးများအတွက် 200mg တစ်နေ့ နှစ်ကြိမ်၊ အသက် ၂နှစ်အောက် ကလေးများအတွက် 100mg တစ်နေ့ နှစ်ကြိမ် သောက်နိုင်သည်။

> သတိပြုရန်
မည်သည့်ဆေးနှင့်မဆို ဆေးမတည့်ခြင်း ဖြစ်ဖူးသူများ သတိပြုသုံးစွဲရမည်။ ဤဆေးကြောင့် ပြင်းထန်သော ပန်းနာရင်ကြပ် ဖြစ်နိုင်သည်။

> ဆေးအပြစ်များ
ဆေးချိန်များများသောက်လျှင် ဝမ်းဗိုက်မအီမသာဖြစ်ခြင်း ပျို့ခြင်း၊ ဝမ်းလျှောခြင်း ဖြစ်နိုင်ပါသည်။ ထိုသို့ဖြစ်လျှင် ဆေးချိန်ကို လျှော့လိုက်ရုံ၊ ဆေးကိုလုံးဝရပ်လိုက်ရုံဖြင့် သက်သာပျောက်ကင်းပါသည်။ ဆေးနှင့်မတည့်သဖြင့် ပန်းနာရင်ကြပ်ဖြစ်ချင်း ဖြစ်နိုင်ပါသည်။

> ရှောင်ရန်
ပန်းနာရင်ကြပ်ရောဂါ ရာဇဝင်ရှိသူများ၊ ဤဆေးနှင့်မတည့်သူများ အသုံးမပြုရပါ။

> ဝယ်ယူရရှိနိုင်သော ဆေးအမည်အချို့
Acorama, Acetylcysteine, Actein, Muco Clean, Muclear, Mucoren, Mucotic, Mucotil, Musol, Respo Capsules.

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်
#ချွဲပျော်ဆေး

14/06/2022

(ဆယ်ခရိုမိုက်စီး ဘူလာဒိုင်း)

ပဋိဇီဝဆေးများ ကြာရှည်သုံးစွဲခြင်းဖြင့် အူသိမ်အတွင်းရှိ လူသားအကျိုးပြု ဘက်တီးရီးယားပိုးများ သေကြေပြီး အူတွင်း ဇီဝကမ္မဖြစ်စဥ်များ ပျက်စီး၍ ဝမ်းလျှောခြင်းကို ကာကွယ်ရန်၊ ကုသရန်အသုံးပြုသော ဇီဝပစ္စည်းဆေးဖြစ်သည်။

> အသုံး
ပဋိဇီဝကြောင့်ဖြစ်သော ဝမ်းလျှော၊ ဝမ်းပျက်ခြင်းကို ကုသရန်၊ ကာကွယ်ရန်။
ဝမ်းလျှော ဝမ်းပျက်ခြင်း အမျိုးမျိုးအတွက် သက်ကြီးရွယ်အိုများ၊ ကလေးငယ်များတွင်လဲ အသုံးပြု၍ရပါသည်။

> ဆေးညွှန်းနှင့် အသုံးပြုပုံ
တစ်ခါသောက်လျှင် 250mg ပါဝင်သော ဆေးတစ်ထုပ် (သို့) နှစ်ထုပ် တစ်နေ့လျှင် သုံးကြိမ်သောက်ရသည်။
ကလေးငယ်များအတွက် အစာနှင့် ရောကျွေးနိုင်သည်။ သို့မဟုတ် ရေနှင့်ဖျော်တိုက်နိုင်ပါသည်။

> သတိပြုရန်
ဝမ်းလျှော၍ ဆုံးရှုံးသွားသော အရည်ဓာတ်ကို ပြန်လည်ဖြည့်တင်းရန် ဓာတ်ဆားရည်လည်း သောက်သုံးရပါမည်။
ဤဆေးသည် မှိုသဘာဝရှိသောကြောင့် မှိုရောဂါကုဆေးများနှင့် ရော၍မသောက်ရပါ။
ဤဆေးကို ရေနွေးပူပူနှင့်လည်းကောင်း ရေခဲရေအေးနှင့်လည်းကောင်း မဖျော်ရပါ။ Alcohol ပါဝင်သော အရည်များနှင့်လည်း ရောမသောက်ရပါ။

> ဆေးအပြစ်များ
အထွေအထူးမရှိပါ။

> ဝယ်ယူရရှိနိုင်သော ဆေးအမည်အချို့
Actiflor, Bioflor, Normagut, pri-bi, Zifam probiotic

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်

08/06/2022

(လိုပယ်ရာမိုက်)

အစာလမ်းကြောင်းတစ်လျှောက် အူရွေ့မှုလျော့နည်းစေသော ဆေးဖြစ်သည်။

> အသုံး
ဝမ်းလျှောခြင်းတွင် ဓာတ်ဆားရည်ဖြင့်ခန္ဓာကိုယ်အရည်ဓာတ် ပြန်ဖြည့်တင်းခြင်းနှင့် တွဲဖက် အသုံးပြုနိုင်သည်။
နာတာရှည် ဝမ်းပျက်ရောဂါအတွက် လူကြီးများတွင်သာ အသုံးပြုသည်။

> ဆေးညွှန်းနှင့် အသုံးပြုပုံ
ဝမ်းလျှောခြင်းအတွက် စစချင်း 2mg ဆေးပြား ၂ပြားသောက်၍ ဝမ်းတစ်ခါသွားပြီးတိုင်း ဆေးတစ်ပြားသောက်ရသည်။ တစ်နေ့လျှင် ဆေးရှစ်ပြားထက် ပိုမသောက်သင့်ပါ။
နာတာရှည် ဝမ်းပျက်ခြင်းအတွက် တစ်နေ့လျှင် 4mg မှ 8mg အကြိမ်ခွဲသောက်ရသည်။ အများဆုံး ရှစ်ပြားထက် မပိုရပါ။

> သတိပြုရန်
ကလေးငယ်များအတွက် မသုံးသင့်ပါ။ ပဋိဇီဝဆေးကြောင့်ဖြစ်သော ဝမ်းလျှော ဝမ်းပျက်ခြင်းတွင် မသုံးသင့်ဟုဆိုသည်။
ကြာရှည်သုံးလျှင် ဆေးယဥ်နိုင်သည်ကို သတိပြုရပါမည်။

> ဆေးအပြစ်များ
လေထိုး လေအောင့်ခြင်း၊ ဗိုက်ဖောင်းလာခြင်း၊ အင်ပျဥ်ထွက်ခြင်း တို့ဖြစ်နိုင်ပါသည်။ အူသိမ်ရွေ့လျားမှု လုံးဝမရှိသလောက်ဖြစ်သွားခြင်းလည်း တွေရနိုင်ပါသည်။

> ရှောင်ရန်
ကလေးငယ်များ၊ အူရွေ့လျားမှုကို မတားဆီးသင့်သောအခြေအနေများ ဥပမာ- ဝမ်းလျှောပြီး ဗိုက်ဖောင်းနေသူများ။

> ဝယ်ယူရရှိနိုင်သော ဆေးအမည်အချို့
Amerol, Colodium, Daiven, Denk, Diarim, Dicotil, Eldoper, Hawk Peramide, I.M.D, Imodium, Imotil, Loidium, Lopamid, Loperamide, Lopwell, Lormide

👇👇👇Oral Rehydration Salts
https://www.facebook.com/104497382058507/posts/163598416148403/

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်
#ဝမ်းပျက်ဝမ်းလျှောပျောက်ဆေး

08/06/2022

(ဓာတ်ဆား)

ကမ္ဘာပေါ်တွင် အဖြစ်များဆုံးရောဂါဖြစ်သည့် ဝမ်းလျှော ဝမ်းပျက်ရောဂါတွင် အရေးကြီးဆုံးအချက်မှာ ခန္ဓာကိုယ်ရေဓာတ်နှင့် သတ္တုဓာတ်များ ဆုံးရှုံးမှုဖြစ်သည်။ ၎င်းကို ကုစားရန်အတွက် ဓာတ်ဆားရည်ကိုအသုံးပြုရပါသည်။ ဓာတ်ဆားရည်တွင် ဆိုဒီယမ် ကလိုရိုက်၊ ပိုတက်ဆီယမ် ကလိုရိုက်၊ ဆိုဒီယမ် စစ်ထရိတ်နှင့် ဂလူးကို့စ်တို့ ပါဝင်ပါသည်။

> အသုံး
ဝမ်းလျှော ဝမ်းပျက်ရောဂါတွင် ရေနှင့် သတ္တုဓာတ်ဆုံးရှုံးမှုကို ပြန်လည်ဖြည့်တင်းရန် အသုံးပြုသည်။

> ဆေးညွှန်းနှင့် အသုံးပြုပုံ
ယေဘုယျအားဖြင့် ဓာတ်ဆားထုပ် တစ်ထုပ်ကို ရေကျက်အေး (သို့မဟုတ်) သောက်ရေသန့် ၁၀၀၀စီစီ (၁လီတာ)တွင် ဖျော်ပြီး ရရှိသောဖျော်ရည်ကို သောက်ရသည်။ ဝမ်းတစ်ခါသွားပြီးတိုင်း ၂၀၀-၄၀၀ စီစီခန့် သောက်ရပါမည်။ ရေဆာတိုင်း လွတ်လွတ်လပ်လပ် သောက်နိုင်ပါသည်။

> သတိပြုရန်
ခြေထောက်ဖောရောင်နေသူများ၊ ရေဖျဥ်းရှိသူများတွင် သတိထားရပါမည်။

> ဆေးအပြစ်များ
အထွေအထူး မရှိပါ။

> ဝယ်ယူရရှိနိုင်သော ဆေးအမည်အချို့
Hydrite, Oral Rehydration Salts, Oralit, ORS, OSRA, Paditral, Pharolit, Royal D.

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်
#ဝမ်းပျက်ဝမ်းလျှောပျောက်ဆေး

03/06/2022

(မက်ဘင်ဒါဇော)

သန်ချဆေးတစ်မျိုးဖြစ်သည်။

> အသုံး
တုတ်ကောင်ချရန်အတွက် အကောင်းဆုံးဟုဆိုသည်။ သန်လုံးကောင်၊ သန်ပြားကောင်၊ ချိတ်သန်ကောင် တို့အတွက်လည်း အသုံးပြုနိုင်သည်။

> ဆေးညွှန်းနှင့် အသုံးပြုပုံ
သန်ကောင်အမျိုးမျိုးအတွက် ပုံမှန်ဆေးချိန်မှာ 100mg တစ်နေ့ နှစ်ကြိမ် သုံးရက်သောက်ရန်ဖြစ်သည်။ အသက် ၂နှစ်နှင့်အထက် ကလေးများနှင့် လူကြီးများဆေးချိန် အတူတူပင်ဖြစ်သည်။
500mg ကို တစ်ကြိမ်တည်းသောက်၍ရသည်ဟုလည်း ဆိုသည်။

> သတိပြုရန်
ကိုယ်ဝန်ဆောင်များ၊ နို့တိုက်မိခင်များအတွက် အန္တရာယ် ဖြစ် မဖြစ် မသိသေးပါ။

> ဆေးအပြစ်များ
ဝမ်းဗိုက်အောင့်ခြင်း၊ ဝမ်းလျှောခြင်း ဖြစ်နိုင်သော်လည်း ရှားပါပါသည်။ အဖုအပိမ့်ထွက်ခြင်း၊ ယားယံခြင်း၊ အင်ပျဥ်ထွက်ခြင်း၊ ယား၍ ရောင်ကိုင်းခြင်း စသော ဆေးမတည့်သော လက္ခဏာများ ပြနိုင်ပါသည်။

> ရှောင်ရန်
အသက် ၂နှစ်အောင်ကလေးများ၊ ကိုယ်ဝန်ဆောင်များ၊ နို့တိုက်မိခင်များ မသုံးသင့်ပါ။

> ဝယ်ယူရရှိနိုင်သော ဆေးအမည်အချို့
Benda 500, Ermox, Fuben 500, Fugacar, Geozole, Mebendazole, Mezol, Vermox.

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်
#သန်ချဆေးများ

17/01/2022

(အက်ဆစ်ဓာတ်ပြယ်ဆေးများ)

အက်ဆစ်ဓာတ်ပြယ်ဆေးများသည် အယ်လ်ကာလီဂုဏ်သတ္တိရှိသောကြောင့် အစာအိမ်အစာခြေရည်တွင် ပါဝင်သော ဟိုက်ဒြိုကလိုရစ်အက်ဆစ်ကို ဓာတ်ပြယ်စေသည့်အာနိသင်ကြာရှည်သည်။ အရည်က အခဲထက်ပို၍အာနိသင် ထက်မြက်သည် ။

အက်ဆစ်ဓာတ်ပြယ်ဆေးများမှာ အလူမီနီယမ်နှင့် မဂ္ဂနီစီယမ်ဒြပ်ပေါင်းများဖြစ်သည်။ အလူမီနီယမ်ဟိုက်ဒြောက်ဆိုက်၊ မဂ္ဂနီစီယမ်ကာဗွန်နိတ်၊ မဂ္ဂနီစီယမ်ဟိုက်ဒြောက်ဆိုက်နှင့် မဂ္ဂနီစီယမ်တြိုင်စီလီကိတ် စသည်တို့ဖြစ်သည်။

> အသုံး
အစာမကြေ ရင်ပြည့် ရင်ကယ်ဖြစ်ခြင်း။ အစာအိမ်မှ အစာခြေရည်များ အစာရေမျိုသို့ ပြန်ဆန်တတ်ပြီး အစာရေမျိုနာခြင်း။ ဤရောဂါမျိုးတွင် ရင်ပူခြင်း၊ လေချဉ်တက်ခြင်း၊ တစ်တစ်ရံ အစာမျိုရခက်ခဲခြင်း၊ အစာရေမျိုရောင်ခြင်း၊ အစာရည်မျိုတွင် အနာဖြစ်ခြင်း၊ အစာရေမျို ကျဉ်းမြောင်းခြင်းတို့ ဖြစ်နိုင်ပါသည်။ များသောအားဖြင့် ပန်းနာရင်ကျပ်ရောဂါနှင့် တွဲလျက်ဖြစ်တတ်သည်။

အစာအိမ်နာ၊ အူသိမ်ပိုင်းနာတို့တွင်လည်း အသုံးပြုနိုင်သည်။

> ဆေးညွှန်းနှင့် အသုံးပြုပုံ
အက်ဆစ်ဓာတ်ပြယ်ဆေးများကို တစ်ခုခြင်းအသုံးပြုသည် ကနည်းပြီး ဆေးနှစ်မျိုး သုံးမျိုး ရောစပ်ထားသည့် ဆေးများ ကိုသာ အသုံးပြုလေ့ရှိသည်။ အက်ဆစ်ဓာတ်ပြယ် ဆေးနှင့်လေဆေး ဆီမီသီကွန် ရောထားသည့်ဆေးများ၊ အစာလမ်းကြောင်းရွေ့လျားမှုကို လျော့ကျစေသည့်ဆေးနှင့်ရောစပ်ထားသည့်ဆေးများ ဈေးကွက်တွင်များစွာရှိသည်။

ဤဆေးများကို ရောဂါလက္ခဏာပြသည့် အချိန်တွင်သောက် လျှင် အကောင်းဆုံးဖြစ်သည်။ များသောအားဖြင့် အစာစား ချိန် တစ်ခုနှင့်တစ်ခုကြားတွင် ဖြစ်တတ်သည်။ ဥပမာ နေ့လည်စာစားပြီး၊ ညစာမစားရသေးသောအချိန် ညနေ သုံးနာရီ လေးနာရီခန့်၊ ညအိပ်ရာဝင်ချိန်တွင်လည်း ဖြစ်နိုင်သည် ။

တစ်နေ့လျှင် လေးကြိမ် သို့မဟုတ် ထို့ထက် ပို၍သောက် နိုင်သည်။ တစ်ခါတစ်ရံ တစ်နာရီ တစ်ကြိမ်အထိ သောက်ရရတတ်ပါသည်။ အစာအိမ်နာနှင့် အူသိမ်ဦးပိုင်းနာတို့အတွက် ဆေးရည် ၁၀စီစီ သို့မဟုတ် ဆေးပြား နှစ်ပြားတစ်နေ့ သုံးကြိမ် သို့မဟုတ် လေးကြိမ် သောက်ခြင်း ဖြင့်အနာကျက်ခြင်းကို မြန်ဆန်စေသည်ဟုဆိုသည်။

> သတိပြုရန်
အက်ဆစ်ဓာတ်ပြယ်ဆေးများကို အခြားဆေးများ နှင့်ရောမသာက်သင့်ပါ။ ယင်းဆေးများ အစာလမ်းကြောင်းမှ စုပ်ယူခြင်းကို လျော့စေသဖြင့်အာနိသင်အပြည့်အဝ မရရှိနိုင်တော့ပါ။ အထူးသဖြင့် ပဋိဇီဝဆေးများတွင် ပို၍သတိထား ရသည်။

အလူမီနီယမ်သက်သက်ပါဝင်သော ဆေးများသည် ဝမ်းချုပ် စေနိုင်သဖြင့် အသည်းရောဂါ များတွင်သတိပြု သုံးစွဲရမည်။ အသည်းရောဂါရှိသူများ ဝမ်းချုပ်လျှင်ရောဂါပိုဆိုးစေတတ်ပါသည်။ ကျောက်ကပ်ဝေဒနာရှင်များ အလူမီနီယမ် အက်ဆစ်ဓာတ်ပြယ်ဆေးများကို ဆေးချိန်လျှော့သောက်ရသည်။

> ဆေးအပြစ်များ
မဂ္ဂနီစီယမ်အက်ဆစ်ဓာတ်ပြယ်ဆေးများက ဝမ်းလျောစေပြီး အလူမီနီယမ်အက်ဆစ်ဓာတ်ပြယ်ဆေးများက ဝမ်းချုပ်စေသည်။ ထို့ကြောင့် ယင်းတို့ကိုရောစပ်ထုတ်လုပ်ခြင်းဖြင့် ဝမ်းလျော ဝမ်းချုပ်ခြင်းကို ကာကွယ်နိုင်သည်။ မဂ္ဂနီစီယမ်အက်ဆစ်ဓာတ်ပြယ်ဆေးများသည် ဓာတ်ပြယ်သောအခါကာဗွန်ဒိုင်အောက်ဆိုဒ် ဓာတ်ငွေ့ ထွက်သဖြင့် လေတတ်စေသည်။

မဂ္ဂနီစီယမ်တြိုင်ဆီလီကိတ်ကို တာရှည်သုံးလျှင် ကျောက်ကပ် တွင်ဆီလီကွန်ကျောက်တည် နိုင်ပါသည်။

> ရှောင်ရန်
သွေးဖော့စ်ဖိတ်နည်းခြင်း တွင်ရှောင်သင့်ပါသည်။

> ဝယ်ယူရရှိနိုင်သော ဆေးအမည်အချို့
Amacone, Antacil, Antanil, AxcelEviline Forte, BetGel, Cream of Magnesia, Digene, Disogel, Dr.Meyers, s Com-pound, Entacyd Plus, Filmacid, Geludrox, Gastracid, Gelfil, Gelmag, Gestid, Hydrosil, Konimag, Kremil-s, Magnomint, Maludroxm MarGel, M.O.M (Milk of Magnesia), Newlanta, Nugene, Nutrigel, Recler, Siloxogene, Tricaine Gel, Ulcegel, Voragas, Zellox II

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်

07/01/2022

(အိုမီပရာဇော)

အစာအိမ်နံရံဆဲလ်များ၏ ဟိုက်ဒြိုကလိုရစ်အက်ဆစ်ထုတ်လုပ်မှုကိုဟန့်တားသော ဆေးဖြစ်သည်။

> အသုံး
အစာအိမ်မှ အစာရေမျိုသို့ အစာခြေရည်ပြန်ဆန်တက် ရောဂါအတွက် ပထမဦးစားပေး ဆေးတစ်မျိုးဖြစ်သည်။ အစာရေမျို အစာအိမ်အူသိမ်ဦးပိုင်းမှန်ပြောင်းကြည့်ပြီးတွေ့ရှိရသည့် အစာခြေရည်လောင်သွားသော အနာဖြစ်နေသော ကျဉ်းနေသော အစာရေမျိုရောင်ရောဂါအတွက် ပြန် မဖြစ်အောင်ထိန်းထားရန် ကြာရှည်စွာအသုံးပြုလေ့ရှိသည်။

အစာအိမ်ရည်နာဖြစ်စေသော အူသိမ်ဦးပိုင်းအစာခြေရည်နာ တို့တွင်ကာလတိုအသုံးပြုသည်။

အစာခြေရည်နာဖြစ်စေသော ဟယ်လီကိုဘက်တာပိုင်လော် ရီ ဘက်တီးရီးယားအမြစ်ပြတ်ချေမှုန်းရန် ပဋိဇီဝဆေးများနှင့် တွဲဖက်အသုံးပြုသည်။

အင်အက်စ်အေအိုင်ဒီခေါ် စတီးရွိုက် မဟုတ်သောအရောင် လျော့ဆေးကြောင့်ဖြစ်သော အစာအိမ်နာနှင့် အူသိမ်ဦးပိုင်းမှာကာကွယ်ရန်နှင့် ကုသရန်အသုံးပြုနိုင်သည်။

ဇိုလင်ဂါအယ်လီဆင်လက္ခဏာစု ဟုခေါ်သော အစာခြေရည် အထွက်များ၍ဖြစ်သည့် ရှားပါးသောရောဂါတစ်မျိုးအတွက် သုံးနိုင်သည်ဟုဆိုပါသည် ။

> ဆေးညွှန်းနှင့် အသုံးပြုပုံ
စားဆေး ၂၀မီလီဂရမ် (20mg)တစ်နေ့တစ်ကြိမ် သို့မဟုတ်
နှစ်ကြိမ် အူသိမ်ဦးပိုင်းနာအတွက် လေးပတ်၊ အစာအိမ်နာ အတွက်ရှစ်ပတ် ပေးရသည်။ ပြန်မဖြစ်အောင် ၂၀မီလီဂရမ်(20mg) တစ်နေ့တစ်ကြိမ် ဆက်ပြီးသောက် နိုင်သည်။

အင်အက်စ်အေအိုင်ဒီကြောင့်ဖြစ်သော အစာအိမ်နာနှင့် အူ သိမ်ဦးပိုင်းနာအတွက် ၂၀မီလီဂရမ်(20mg) တစ်နေ့ တစ်ကြိမ် လေးပတ်၊ ရှင်းရှင်းမပျောက်သေးလျှင်နောက်ထပ် လေးပတ် သောက်ရပါမည်။ အင်အက်စ်အေအိုင်ဒီ ကိုဆက်သောက်ရန်လိုအပ်သည်ဆိုပါက ကာကွယ်ရန် ၂၀မီလီဂရမ် တစ်နေ့ တစ်ကြိမ် ဆက်သောက်နိုင်သည်။

ဟယ်လီကိုဘက်တာပိုင်လော်ရီ အမြစ်ပြတ်ချေမှုန်းရန် အိုမီ ပရာဇော ၂၀မီလီဂရမ် တစ်နေ့နှစ်ကြိမ်၊ အမောက်ဆီစလင် ၁ဂရမ် (1000mg) တစ်နေ့နှစ်ကြိမ်၊ ကလယ်ရီသရိုမိုင်စင် ၅၀၀ မီလီဂရမ် (500mg) တစ်နေ့နှစ်ကြိမ် တစ်ပတ် သို့မဟုတ် နှစ်ပတ် သောက်ရသည်။

အခြားတစ်နည်းမှာ အိုမီပရာဇော ၂၀မီလီဂရမ် (20mg)
တစ်နေ့နှစ်ကြိမ်၊ အမောက်ဆီစလင် ၅၀၀ မီလီဂရမ် (500mg) တစ်နေ့သုံးကြိမ်၊ မက်ထရိုနီဒါဇော ၄၀၀ မီလီ ဂရမ် (400mg) တစ်နေ့သုံးကြိမ် တစ်ပတ် သို့မဟုတ် နှစ်ပတ်သောက်ရသည်။

နောက်တစ်နည်းမှာ အိုမီပရာဇော ၂၀မီလီဂရမ် တစ်နေ့ နှစ်ကြိမ်၊ ကလယ်ရီသရိုမိုင်စင် ၅၀၀မီလီဂရမ် တစ်နေ့ နှစ်ကြိမ် ၊ မက်ထရိုနီဒါဇော ၄၀၀မီလီဂရမ် တစ်နေ့ နှစ်ကြိမ်တစ်ပတ် သို့မဟုတ် နှစ်ပတ်သောက်ရသည် ။

အစာအိမ်မှ အစာရည်မျိုသို့ အစာခြေရည် ပြန်ဆန်တက်ရောဂါအတွက် ၂၀ မီလီဂရမ် တစ်နေ့ တစ်ကြိမ်၊ လေးပတ်၊ ရှင်းရှင်းမပျောက်သေးလျှင် နောက်ထပ်လေးပတ် သို့မဟုတ် ရှစ်ပတ်သောက်ရပါသည်။

ဇိုလင်ဂါ၊ အယ်လီဆင်လက္ခဏာစု အတွက် ၆၀မီလီဂရမ် တစ်နေ့တစ်ကြိမ် စပေးသည်။ ထို့နောက် ၂၀-၁၂၀ မီလီဂရမ် အတွင်းဆေးကိုချိန်ဆ ပေးရသည်။ တစ်နေ့အတွက် ၈၀ မီလီဂရမ် နှင့်အထက်ပေးရန် လိုအပ်လျှင် နှစ်ကြိမ် ခွဲပေးသင့်သည်။

အစာခြေအက်ဆစ် အထွက်များ၍ဖြစ်သော ရင်ပြည့် ရင် ကယ်ခြင်းအတွက် ၁၀-၂၀ မီလီဂရမ် တစ်နေ့ တစ်ကြိမ် ၂-၄ ပတ် ရောဂါသက်သာသည်အထိ သောက်နိုင်သည်။

ထိုးဆေးလည်းရှိသည်။ အစာခြေရည်နာကြောင့် အစာလမ်းကြောင်း သွေးယိုထွက်ခြင်း၊ သုံးလေ့ရှိသည်။ ၄၀မီလီ ဂရမ် တစ်နေ့ ၁-၃ကြိမ် အကြောဆေးအဖြစ်ထိုးရသည်။

> သတိပြုရန်
ဆေးကို ဝါးမစားရပါ။ ရေဖြင့်မျိုချရပါမည်။ အသည်းရောဂါ ပြင်းပြင်းထန်ထန် ခံစားနေရသူများ တစ်နေ့ ၂၀မီလီဂရမ် ထက်ပိုမသောက်သင့်ပါဟုဆိုသည်။

ကိုယ်ဝန်ဆောင်များ၊ နို့တိုက်မိခင်များအတွက် စိတ်ချရသည် ဟူသော အာမခံချက်မရှိပါ။ ကလေးငယ်များအတွက် ဆေးရုံပေါ်တွင်သာ သတိထားသုံးသင့်သည်။

နာတာရှည်အစာခြေရည်နာများကို ကင်ဆာမဟုတ်ကြောင်း သေချာအောင် အစာအိမ်မှန်ပြောင်း ကြည့်ခြင်း၊ အသားစယူခြင်းတို့ ပြုလုပ်သင့်ပါသည်။
သို့မဟုတ်ပါက ဤဆေးဖြင့် ရောဂါလက္ခဏာများကို ဖုံးကွယ်ထားသလိုဖြစ်ပြီး ကင်ဆာမှန်းသိသည့်အချိန်တွင် ကုသရန် အလွန်နောက်ကျသွားတတ်ပါသည်။

> ဆေးအပြစ်များ
ပျို့ ခြင်း၊ အန်ခြင်း၊ ဗိုက်နာခြင်း၊ ရင်ကယ်ခြင်း၊ ဝမ်းလျှောခြင်း သို့မဟုတ် ဝမ်းချုပ်ခြင်းတို့ဖြစ်တတ်ပါသည်။ ခေါင်းကိုက်ခြင်း၊ ခေါင်းမူးခြင်း၊ အာခြောက်ခြင်း၊ အိပ်ငိုက် ခြင်း၊ အိပ်မပျော်ခြင်း၊ မျက်စိပြာခြင်း၊ ယားယံခြင်း၊ အဖု အ ပိမ့်ထွက်ခြင်းတို့ ဖြစ်နိုင်ပါသည်။
ခြေလက်ထုံကျဉ်ခြင်း၊ ဆံပင်ကျွတ်ခြင်း၊ ယောကျ်ားများ နို့စူ လာခြင်းတို့လည်း ဖြစ်နိုင်ပါသည်။

> ရှောင်ရန်
ကိုယ်ဝန်ဆောင်များ၊ နို့တိုက်မိခင်များ ရှောင်သင့်ပါသည်။

> ဝယ်ယူရရှိနိုင်သော ဆေးအမည်အချို့
Apdiz, Cezol, Gizol, Locid, Lomac, Lomit, Losec, Ocid, Omac-20, Omax, Omecelo, Omecil-20, Omedin, Omepo, Omepraz, Omeprazole, Omepren, Omeprez, Omeprol, Omeroz, Ometab, Omez, Omezol, Omezole, Omicap, Omizac, Omzol, Potoloc, Pylobact (တီနီဒါဇော၊ ကလယ်ရီသရိုမိုင်စင်တို့နှင့် တွဲ၍), Seclo, Sumicef, Zep, Zerocid, Zfcid, Zolcer, Zosec, Omedom (With Domperidone), Omeper (With Domperidone).

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်

18/12/2021

(ဆီတီရီဇင်း)

အာနိသင်ရှည်ကြာသော အိပ်ပျော်ခြင်းဘေးထွက်ဆိုးကျိုး မရှိဟုဆိုသော ဟစ်တမင်းတုံ့ပြန်ဆေးတစ်မျိုး ဖြစ်သည်။

> အသုံး
နှာစေးခြင်း၊ ချောင်းဆိုးရင်ကျပ်ခြင်း၊ ယားယံခြင်း၊ အဖု အပိမ့် ထွက်ခြင်း၊ အင်ပျဉ်ထွက်ခြင်း စသည့်ဓာတ်မတည့်၍ဖြစ်သော လက္ခဏာများ သက်သာပျောက်ကင်းအောင် အသုံးပြုနိုင်သည်။

> ဆေးညွှန်းနှင့် အသုံးပြုပုံ
၁၀မီလီဂရမ်(10mg) တစ်နေ့ တစ်ကြိမ် သောက်လျှင်များသောအားဖြင့် လုံလောက်သည်။ လိုအပ်လျှင် ၁၀ မီလီဂရမ် တစ်နေ့ နှစ်ကြိမ်အထိ သောက်နိုင်သည်။

> သတိပြုရန်
အိပ်ငိုက်ခြင်းမရှိဟု ဆိုသော်လည်း လုံးဝအိပ်မငိုက်ဟု မဆို နိုင်ပါ။ သို့ဖြစ်၍ ယာဉ်မောင်းသူများ၊ စက်ယန္တရားကြီးများ မောင်းနှင်အလုပ်လုပ်ရသူများ သတိပြုသုံးစွဲသင့်ပါသည်။ ကလေးနှင့် သက်ကြီးရွယ်အိုများသည် ဆေးအပြစ်များကို ပိုမိုခံစားရနိုင်သောကြောင့် သတိပြုသုံး ရပါသည်။ အရက်သောက်ထားသူများ သတိဖြင့်သုံးရပါသည်။ ကျောက်ကပ် မကောင်းသူများ ဆေးချိန်လျှော့သုံးရပါသည်။

> ဆေးအပြစ်များ
ခေါင်းမူးခြင်း၊ ခေါင်းကိုက်ခြင်း၊ အာခြောက်ခြင်း၊ ဝမ်းဗိုက် မအီမသာဖြစ်ခြင်း၊ စိတ်တိုခြင်းတို့ဖြစ်နိုင်ပါသည်။

> ရှောင်ရန်
ဤဆေးနှင့် မတည့်သူများ၊ နို့တိုက်မိခင်များ မသုံးရပါ။ ကိုယ်ဝန်ဆောင်များ အလွန်လိုအပ်မှသာ သုံးသင့်သည်။ နှစ် နှစ်အောက် ကလေးငယ်များ မသုံးသင့်ပါ။

> ဝယ်ယူရရှိနိုင်သော ဆေးအမည်အချို့
Acitrin, Alatrol, Allercet, Atrzin, Atrol,
Certizin, Cetihes, Cetiriz, Cetizin, Cetzine,
Cetrine, Cetrisyn, Cetriz, Cetrisav, Cetrizet, Cetzy, Cezine, CZ-3, Ekon-DT, Gorzine, Itrat,
Lergi, Nosemin, Rhinil, Rhizin, Set-10, Terizin,
Trizin, Trizyn, Zemat, Zymed, Zyncet,
Zyrtec.

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေ ကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်

10/12/2021

(ဗီတာမင် စီ)

ရေတွင်ပျော်ဝင်သော ဗီတာမင်တစ်မျိုးဖြစ်သည်။ တွယ်ဆက်တစ်ရှူးများကြံ့ခိုင်မှုနှင့် ဆဲလ်နံရံများတည်ဆောက်မှု အတွက် အရေးပါသည်။ ဓာတ်တိုးဆန့်ကျင်ဂုဏ်သတ္တိလည်း ရှိသည်ဟုဆိုသည်။ ၎င်းဗီတာမင်ချို့တဲ့လျှင် စကာဗီဟုခေါ်သောရောဂါဖြစ်နိုင်သည်။ သွားဖုံးများရောင်ပြီး သွေးထွက် ခြင်း၊ အရေပြားပေါ်တွင် အနီစက်များပေါ် ခြင်း၊ အနာမကျက်ခြင်း၊ အရေပြားအောက်သွေးယိုထွက်ခြင်းတို့ဖြစ်တတ် ပါသည်။ မျက်မှောက်ခေတ်တွင် ၎င်းရောဂါမှာ မရှိသ လောက်ရှားပါးပါသည် ။

လူတစ်ယောက်အတွက် တစ်နေ့တာဗီတာမင် စီ လိုအပ်ချက် မှာ ၃၀မီလီဂရမ် (30mg) ဖြစ်သည်။ ၎င်းကြွယ်ဝသော အစားအစာများမှာ သံပရာ၊ လိမ္မော်၊ ရှောက်သီး၊ ကျွဲကော သီး ၊ ဆီးဖြူသီးနှင့် ဟင်းသီးဟင်းရွက်များဖြစ်သည်။

> အသုံး
စကာဗီရောဂါ ကုသရန်နှင့် ကာကွယ်ရန် အသုံးပြုသည်။ဗီတာမင် စီ သည် နှာစေး၊ ချောင်းဆိုး၊ အအေးမိခြင်းကို ကာကွယ်နိုင်သည်။ အနာကျက်မြန်စေသည့်ဟူသော အယူအဆ ဖြင့် အသုံးပြုကြသော်လည်း ၎င်းအယူအဆ မှန်ကန်ကြောင်းသက်သေ အထောက်အထား ခိုင်ခိုင် လုံလုံ မပြနိုင်
သေးပါ။

> ဆေးညွှန်းနှင့် အသုံးပြုပုံ
ဗီတာမင် စီ မချို့တဲ့အောင် တစ်နေ့လျှင် ၂၅-၇၅ မီလီဂရမ် (25-75 mg) သောက်ရသည် ။
စကာဗီရောဂါကုသရန် တစ်နေ့လျှင်အနည်းဆုံး ၂၅၀မီလီ ဂရမ် (250mg)ကို အကြိမ်ခွဲပေးနိုင်သည်။

> သတိပြုရန်
ဆေးချိန်များများ ရက်ကြာကြာ သောက်လျှင်ကျောက်ကပ် ထိခိုက်နိုင်သည် ဟုဆိုသည်။

> ဆေးအပြစ်များ
ထူးထူးထွေထွေ မရှိပါ။ ဆေးချိန်များများ သောက်လျှင် ကျောက်ကပ်တွင် ကျောက်တည်နိုင်သည်ဟု ဆိုပါသည်။

> ဝယ်ယူရရှိနိုင်သော ဆေးအမည်အချို့
Appeton Vitamin C, Cece, Ceelin, Cevit,
Chewies Vitamin C, CMyvita C, C-Vion, Nat C,
Orange C 500 mg, Sunlife Vitamin C,
Vita C, Vitacee, Vitamedine C, Vitamex C.

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေကင်းဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်

29/11/2021

(ပါရာစီတမော)

မြန်မာနိုင်ငံတွင် အသုံးအများဆုံး ဆေးတစ်မျိုးဖြစ်သည်။ အက်စ်ပရင်ကဲ့သို့ပင် အကိုက်အခဲသက်သာစေပြီး အဖျားကျစေသောအာနိသင်ရှိသည်။ အာနိသင်လည်း ထက်မြက်သည်။ အရောင်လျော့စေသော အာနိသင်မရှိဟုဆိုသည်။ အက်စ်ပရင်ထက် သာသည်မှာ အစာအိမ်ကိုထိခိုက်စေခြင်း အလွန်နည်းပါးခြင်းဖြစ်သည်။ အအေးမိ၊ နှာစေး၊ ချောင်းဆိုး၊ တုပ်ကွေးရောဂါဆေးတိုင်းလိုလိုတွင် ပါဝင်သည်။

> အသုံး
ခေါင်းကိုက်ခြင်း၊ ကိုယ်လက်ကိုက်ခဲခြင်း၊ အရိုးအဆစ်နာခြင်း၊ မီးယက်ပေါ် စဉ် ကိုက်ခဲခြင်းနှင့် ဖျားနာခြင်းတို့တွင် အသုံးပြုလေ့ရှိသည်။

> ဆေးညွှန်းနှင့် အသုံးပြုပုံ
စားဆေး၊ စအိုထဲထည့်သော ဆေးတောင့်အပြင် ထိုးဆေးလည်း ရှိသည်ဟုဆိုသည်။ စားဆေး 500mg မှ 1000mg တစ်နေ့လေးကြိမ်သောက်နိုင်သည်။ ကလေးများအတွက် ကိုယ်အလေးချိန် တစ်ကီလိုလျှင် 10mgနှုန်း တစ်နေ့လေးကြိမ် ပေးနိုင်သည်။

> သတိပြုရန်
အသည်းကို ထိခိုက်စေနိုင်သဖြင့် အသည်းရောဂါရှင်များတွင် ဆေးချိန်များများ မပေးသင့်ပါ။ အရက်စွဲနေသူများ
သတိထားသုံးသင့်ပါသည်။

> ဆေးအပြစ်များ
ဆေးအပြစ်ပြောပလောက်အောင်မရှိပါ။ အဖုအပိန့်ထွက်ခြင်း၊ သွေးရောဂါဖြစ်ခြင်းတို့ တွေ့ရနိုင်ပါသည်။ ဆေးလွန်လျှင် အသည်းပျက်စီးနိုင်ပါသည်။

> ရှောင်ရန်
အစာလမ်းကြောင်းမှ သွေးယိုထွက်ခြင်း လက်တလော
ဖြစ်ဖူးသူများ ရှောင်သင့်ပါသည်။

> ဝယ်ယူရရှိနိုင်သော ဆေးအမည်အချို့
Ace, Actodis, Beramol, Biogesic, Calpol, Coritab, Datalgon, Dhamol, Ef ra-lgan,
Exidol, Fast, FFA, Febridol, Feveret,
Gracephen, Kamolas, LenSen, Lotemp Drops,
Masapara, MinigripP, Nasa, Napa, Nerupol,
Newemol, Norgesic, P-125, Pacemol, Paracap, Paracemol, Para Denk, Parafil, Para G, Para-FDEK, Paramid, Parmol, Pritamol,
Prprexine, Prumicol, Pyracon, Panadok, Paracetamol, Parafil, Pyrigesic, Sara, Setamole, Servigesic, Spictol, Tylenol,
Unimol, Xebramol, Zerogin-P, Slocool (With
Chlorphenamine), Ipamol, (With Ibuprofen) Alaxan, Brucet, Brustan, Emflam Plus, Ibucomb.

#မှတ်ချက်
ဖော်ပြပါအချက်အလက်များသည် လိုအပ်ချက်များရှိနိုင်ပါသည်။ ဆေးဝါးများကို အသုံးပြုရာတွင် ဆရာဝန်၏ ညွှန်ကြားချက်ဖြင့်သာ အသုံးပြုသင့်ပါသည်။ အားလုံး ရောဂါဘယတွေဝေးကြပြီး ကျန်းမာကြပါစေ။

#ဆေးဝါးအသုံပြုနည်းလမ်းညွှန်

ဆေးဝါးအသုံးပြုနည်းလမ်းညွှန်

21/06/2022

14/06/2022

08/06/2022

08/06/2022

03/06/2022

17/01/2022

07/01/2022

18/12/2021

10/12/2021

29/11/2021

Address

Website

Alerts

Shortcuts

Share