Dr. Phonesithulwin

11/04/2026

#အစားစားရင်ဖုန်းမကြည့်နဲ့အစာမကြေ_ရင်ပြည့်ရင်ကယ်ဖြစ်တတ်တယ်



ရုပ်ရှင်ရုံမှာ ရုပ်ရှင်ကြည့်ရင်း ပေါက်ပေါက်စားတဲ့ နေကြာစေ့စားတဲ့ အကျင့်က အိမ်ကို ပါလာတာမျိုးပေါ့

ထမင်းစားနေရင်း
👉 ရုပ်ရှင်ကြည့်တာ
👉 ဖုန်းပွတ်ပြီး Social Media သုံးတာ
👉 Laptop တစ်လုံးနဲ့ အလုပ်လုပ်နေတာ စသဖြင့်ပေါ့
Multitasking - အချိန်ရှားပါးလာတော့ အလုပ်တွေအများကြီး တပြိုင်နက်ထဲ လုပ်လာကြရသလိုပေါ့ဗျာ

ကျန်းမာရေး ရှုထောင့်ကဆိုရင် လုံးဝမကောင်းတဲ့ အလေ့အကျင့်ပဲဖြစ်ပါတယ်

#ဖုန်းကြည့်ရင်းအစားစားတော့ဘာဖြစ်လဲ ❓

🥹 အစားကို အာရုံမရတဲ့အတွက် Over eating - အလွန်အကျွံစားခြင်း ဆိုတဲ့အလေ့အထ ရသွားတတ်လို့ - အဝလွန်တာတွေဖြစ်လာတတ်ပါသည်။

🥹 အစာစားတဲ့အခါမှာ Smell of food, Taste of food, Thoughts of food စသဖြင့် အနံ့ အရသာ အတွေး စတဲ့ အာရုံတွေပြည့်စုံပါမှ အစာချေရည်ထွက်တဲ့ဖြစ်စဉ် က ကောင်းစွာအလုပ်လုပ်လို့ - အစာမကြေတာ ၊ ရင်ပြည့်တာ ၊ လေပွတာ ၊ ဗိုက်အောင့်တာ စတဲ့ အစာအိမ်နှင့်အူလမ်းကြောင်းပြဿနာတွေ တက်လာပါတယ်

🥹 ပေါင်းသင်းဆက်ဆံရေးမှာ ထိခိုက်ပါတယ် - ထမင်းလက်ဆုံစားတုန်း ဖုန်းချည်းကြည့်နေခြင်းဟာ တပါးသူကို လစ်လျူရှုရာရောက်ပါတယ် (ဆက်ဆံရေးထိခိုက်ပါတယ်)

🥹 အိမ်သားက ကောင်းကောင်းစားစေချင်လို့ ပင်ပင်ပန်းပန်းချက်ပြုတ်ထားတာကို အရသာမသိ ဝါးပြီးမျိုချနေခြင်းက တပါးသူကို မလေးစားရာရောက်ပါတယ်။

🥹 ကလေးတွေအတွက် အတုခိုးစရာ အလေ့အကျင့်မှားကြီးဖြစ်ပါတယ် - လိုက်လုပ်ကြရင် အစာနင်တာ ၊ အစာသီးတာဖြစ်နိုင်လို့ အသက်အန္တရာယ်တောင်ရှိပါတယ်

အဲ့ဒါကြောင့်
✔️ အစားအသောက်ချက်ပြုတ်ပြင်ဆင်ပေးသူကိုလေးစားတဲ့အနေနဲ့ရော
✔️ မိမိကျန်းမာရေးအတွက်ရော
✔️ မိမိရင်သွေးငယ်များအတွက်ပါ
၁၅ မိနစ် - မိနစ် ၂၀ အချိန်လေးကို ဖုန်း အဝေးမှာထားပြီး အစားအစာမှာ သေချာအာရုံစိုက်ပြီး စားသင့်ပါကြောင်းဗျာ

(Photo Credit; CNET)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတ တိုးပွား လာပါလိမ့်မယ် 💕💕💕 )

10/04/2026

သင်္ကြန်ကာလ
လူကြီးမိဘများကို Medical Check up လုပ်ပေးပြီး 🙏 ဂါရဝပြုလိုသူများ နှင့်
ကိုယ်တိုင်ကိုယ်ကျ မိမိ၏ 🩷 ကျန်းမာရေးအခြေအနေကို ကြိုတင်စစ်ဆေးလိုသူများ အတွက်

👨‍⚕️ ဆရာဝန်နှင့်စမ်းသပ်စစ်ဆေးခြင်း
🧪 သွေးစစ်ဆေးခြင်း
🩻 ရင်ပတ်ဓာတ်မှန်ရိုက်ခြင်း
Ultrasound ရိုက်ခြင်း
ရရှိလာသောအဖြေများပေါ်မူတည်၍ 👩‍⚕️ ဆရာဝန်နှင့် တိုင်ပင်ဆွေးနွေးခြင်းအထိ ပါဝင်သော Medical Check up package ကို ၄၀ ရာခိုင်နှုန်းလျှော့စျေးဖြင့် စစ်ဆေးနိုင်ပြီး
My Medicine Application မှ booking တင်ပါ Cash back 20,000 ရရှိနိုင်တဲ့ အခွင့်အရေးမို့ မျှဝေလိုက်ပါရတယ်

40% Off အပြင် Cash Back ပြန်ရမယ့် Yangon City Win Hospital ရဲ့ အထူးပရိုမိုရှင်း 💕

ဧပြီလအတွင်း 𝐌𝐲-𝐌𝐞𝐝𝐢𝐜𝐢𝐧𝐞 ရဲ့ platform တွေကနေတစ်ဆင့် Yangon City Win Hospital ရဲ့ Medical Checkup Package ဝယ်ယူသူတွေအတွက် အရမ်းတန်တဲ့ Exclusive Cash Back အစီအစဉ်လေးတစ်ခုရှိပါတယ်။

ကျန်းမာရေးကိုပြီးပြည့်စုံစွာ စစ်ဆေးနိုင်မယ့် "𝗖𝗼𝗺𝗽𝗿𝗲𝗵𝗲𝗻𝘀𝗶𝘃𝗲 𝗠𝗲𝗱𝗶𝗰𝗮𝗹 𝗖𝗵𝗲𝗰𝗸𝘂𝗽 𝗣𝗮𝗰𝗸𝗮𝗴𝗲 (𝘗𝘳𝘦𝘮𝘪𝘶𝘮)" ကို မူလဈေးထက် 40% Off ရမယ့်အပြင် 𝐌𝐲-𝐌𝐞𝐝𝐢𝐜𝐢𝐧𝐞 ကနေတစ်ဆင့် ဝယ်ယူမယ်ဆိုရင် ငွေကျပ် ၂၀,၀၀၀ (𝟮𝟬,𝟬𝟬𝟬 𝗠𝗠𝗞) ကို Cash Back အနေနဲ့ ချက်ချင်းပြန်လည်ရရှိမှာဖြစ်ပါတယ်။

✅ 𝗖𝗼𝗺𝗽𝗿𝗲𝗵𝗲𝗻𝘀𝗶𝘃𝗲 𝗠𝗲𝗱𝗶𝗰𝗮𝗹 𝗖𝗵𝗲𝗰𝗸𝘂𝗽 𝗣𝗮𝗰𝗸𝗮𝗴𝗲 (𝘗𝘳𝘦𝘮𝘪𝘶𝘮) ကို 𝟒𝟎% 𝒐𝒇𝒇 ပြီးဈေးနှုန်း
• အမျိုးသားများအတွက် - ၄၁၅,၀၀၀ ကျပ် (𝗖𝗮𝘀𝗵 𝗕𝗮𝗰𝗸 𝟮𝟬,𝟬𝟬𝟬 𝗠𝗠𝗞)
• အမျိုးသမီးများအတွက် - ၄၁၅,၀၀၀ ကျပ် (𝗖𝗮𝘀𝗵 𝗕𝗮𝗰𝗸 𝟮𝟬,𝟬𝟬𝟬 𝗠𝗠𝗞)

ပထမဆုံး ဝယ်ယူသူအယောက် (၂၀) အတွက်သာ အရေအတွက်ကန့်သတ်ထားပြီးတော့ 𝐌𝐲-𝐌𝐞𝐝𝐢𝐜𝐢𝐧𝐞 မှတစ်ဆင့်ဝယ်ယူသူများအတွက်သာ ငွေကျပ် ၂၀,၀၀၀ (𝟮𝟬,𝟬𝟬𝟬 𝗠𝗠𝗞) Cash Back ရရှိမှာဖြစ်ပါတယ်။

🗓️ ပရိုမိုရှင်းကာလ - ယခု ဧပြီလကုန်အထိသာ

Premium အဆင့်ပက်ကေ့ချ်ကို ယုံကြည်စိတ်ချရတဲ့ဆေးရုံကြီးမှာပြုလုပ်ရင်း Cash Back ပါ ပြန်ရမယ့်အခွင့်အရေးဖြစ်လို့ လုံးဝလက်မလွတ်သင့်ဘူးနော် ⚠️

အသေးစိတ်စုံစမ်းမေးမြန်းရန်နှင့် Booking ကြိုတင်ရယူရန် 𝐌𝐲-𝐌𝐞𝐝𝐢𝐜𝐢𝐧𝐞 ရဲ့ page Messenger (သို့) ဖုန်းနံပါတ် 5588 (Extension -1) (သို့) 09779995588 သို့ ဆက်သွယ်စုံစမ်းမေးမြန်းနိုင်ပါတယ်။

09/04/2026

#အားဆေးသောက်ရင်_အားရှိသွားတာလား
#ဘာအားဆေးသောက်ရမလဲ ❓

ကျွန်တော်တို့ ဆရာဝန်တွေ အမေးခံရဆုံးမေးခွန်းက #ဘာအားဆေးသောက်ရမလဲ ဆိုတာပါ။
အားဆေး ဆိုတာနဲ့ အားတွေရှိသွားတဲ့ဆေးလို့ မြင်တတ်ကြပါတယ်။
အားဆေးဆိုတာ Vitamins နဲ့ သတ္တုဓာတ် Minerals တွေပါဝင်တဲ့ဆေးပါ။
ကျွန်တော်တို့ ခန္ဓာကိုယ်ကြီး အသက်ရှင်ရပ်တည်ဖို့ ဇီဝဖြစ်စဉ်တွေအတွက် Oxygen နဲ့ အာဟာရတွေ အပြင် အဲ့ဒီဇီဝဖြစ်စဉ်တွေကို အကူညီပေးဖို့ Vitamins နဲ့ သတ္တုဓာတ် Minerals တွေလိုအပ်ပါတယ်
အဲ့ဒါအပြင်
- ရောဂါတွေကာကွယ်ဖို့
- အိုမင်းရင့်ရော်မှုတွေကာကွယ်ပြီး
- အသက်ရှည် နုပျိုလှပစေဖို့ကလည်း Vitamins နဲ့ သတ္တုဓာတ် Minerals တွေလိုအပ်လို့ #သက်စောင့်ဓာတ်တွေလို့လည်း ခေါ်ကြပါတယ်။
အဲ့လို အရေးကြီးတဲ့ သက်စောင့်ဓာတ်တွေကို ဆေးသောက်မှ ရတာလား ဘယ်လိုအစားအသောက်တွေက ရရှိနိုင်ပါသလဲ ❓ဆိုတာကို #အာဟာရအထူးပြုနှင့်အထွေထွေရောဂါကုဆရာဝန် Dr. Aye Myat Phyo Tin မှ ပြောကြားပေးထားပါတယ်

ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

08/04/2026

ကျွန်တော်တို့အနေနဲ့ ရာသီဥတုကပူလာပြီး မီးမမှန်တဲ့ အခါ Inverter type ပန်ကာလေးတွေ အားကိုးနေကြရပါတယ်

ရိုးရိုးပန်ကာထက် ရေခဲရည်/ရေ ထည့်သုံးလို့ရတဲ့ Air cooler မျိုးကြတော့ ရေမှုန့်လေးတွေထွက်တဲ့အတွက် ပိုပြီးအေးတဲ့ ခံစားချက်ကို ရကြပါတယ် ဒါပေမယ့် Air cooler ထဲ ထည့်တဲ့ ရေကို နေ့စဉ်လဲလှယ် မသုံးဖြစ်ကြရင်တော့ ကျန်းမာရေးအတွက် မကောင်းဘူး ဆိုတာလေးကို ဆောင်းပါးထဲမှာ အကျယ်ဖတ်ရှုနိုင်ကြပါတယ်

ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

#ရာသီဥတုနဲ့_မီးမမှန်တာကြောင့်_Air_Coolerတွေသုံးနေရပါတယ်
#ကျန်းမာရေးအပေါ်ဘယ်လိုက်သက်ရောက်မှုရှိလဲ_သိလိုပါတယ်


လက်ရှိ အခြေအနေအရကတော့ ဘာပဲ ပြောပြော သုံးနေကြရမှာပါပဲ
ပန်ကာ က ပတ်ဝန်းကျင်က လေကို ယူပြီးမှုတ်ပေးနေတာမို့ လေထွက်တာပဲရှိပြီး အေးမလာပါဘူး - လေပူတွေပဲ ထွက်တာပါ
အဲ့ဒါကြောင့် လေအပြင် ရေငွေ့ပါဖြန်းပေးတဲ့ Air cooler တွေ နည်းနည်းပိုအသုံးဝင်ပါတယ်
* လေ အပြင် ရေငွေ့တွေနဲ့ ပတ်ဝန်းကျင်ကို စိုထိုင်းဆ မြှင့်ပေးလို့ အပူတော့ နည်းနည်းသက်သာပါတယ်
(ဒါပေမယ့် Aircon လို မအေးပါဘူး ပတ်ဝန်းကျင် အပူချိန်ကို နည်းနည်းပဲ လျှော့ပေးနိုင်ပါတယ်)

ကျန်းမာရေးအတွက် ဘယ်လို သက်ရောက်မှုရှိသလဲဆိုတော့
- အပူသက်သာတော့ နေရတာ ကောင်းပါတယ်
- ချွေးထွက်နည်းစေတော့ ရေဓာတ်ဆုံးရှုံးမှုကို အထိုက်အလျောက်ကာကွယ်ပေးပါတယ်
- Aircon က ခြောက်သွေ့တဲ့လေအေးထွက်လို့ အသားအရေခြောက်သွေ့တတ်ပေမယ့် Air cooler က အဲ့လို မဖြစ်စေပါဘူး

ဒါပေမယ့်
🚨 Air cooler ထဲ ရေထည့်ရတဲ့ ကန်ကိုတော့ နေ့စဉ်သန့်ရှင်းရေးလုပ်ပြီး ရေလှယ်ဖို့ အထူးအရေးကြီးလှပါတယ်

ရေထဲမှာ Bacteria ပိုးများစွာ ပေါက်ပွါးနေတတ်ပါတယ် အဲ့ ပိုးမွှားတွေကို အမှုန်အမွှားလေးတွေအဖြစ် လေနဲ့ ရိုက်ထုတ်တဲ့အခါ လေ ထဲမှာ Bacteria တွေ အများကြီး ပျံ့နှံ့နေပါရော အဲ့လေကို ရှူမိတဲ့အခါ အသက်ရှူလမ်းကြောင်းဆိုင်ရာဝေဒနာတွေ ခံစားကြရပါတယ်
- နှာစေး နှာချေ နှာမွှန် နှာပိတ်
- နားယား နှာခေါင်းယား လည်ချောင်းယား
- လည်ချောင်းနာ ချောင်းဆိုး
- ဓာတ်မတည့် Allergy ခဏ ခဏ ရတတ်ပါတယ်
ကိုယ်ခံအားနည်းတဲ့
- ကလေးသူငယ်တွေ
- နာတာရှည် ရောဂါအခံရှိသူတွေ
- သက်ကြီးရွယ်အိုတွေကတော့
🚨 အဖျားကြီးခြင်း
🚨 အသက်ရှူကြပ် မောကြပ်ပြီး Oxygen ကျခြင်း
🚨 အဆုတ်ရောင်အဆုတ်ပွဖြစ်ပြီး အသက်အန္တရာယ်အထိဖြစ်တတ်ပါတယ်

အဲ့ဒါကြောင့် မသုံးမဖြစ်သုံးနေရတဲ့ Air cooler ရဲ့ သန့်ရှင်းရေး **အထူးသဖြင့် ထည့်တဲ့ရေရဲ့ သန့်ရှင်းရေးကို အထူးဂရုစိုက်ကြပါ
✅ ရေသန့်ထည့်တာအကောင်းဆုံးဖြစ်ပြီး
✅ ရေနေ့စဉ်လှယ်ပါ
✅ ရေကန်ကို နေ့စဉ်သန့်ရှင်းရေးလုပ်ပါ

**စိုထိုင်းဆ (Humidity) မြင့်လွန်းရင်လည်း ခန္ဓာကိုယ်ကချွေးပြန်ပေမယ့် ထွက်တဲ့ချွေးတွေက ခန္ဓာကိုယ်ကအပူကို စုပ်ဖို့ခက်တာကြောင့် ဒီရက်ပိုင်းကြုံနေရတဲ့ မိုးအုံ့ပြီး မိုးမရွာပဲ ပူနေတဲ့ရက်တွေမှာတော့ (လေထုထဲ စိုထိုင်းဆ ပိုတက်စေတဲ့ Air cooler အစား) ပန်ကာသုံးတာ ပိုပြီး အဆင်ပြေနိုင်ပါတယ်

ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

04/04/2026

#ညဘက်အိပ်ရင်အိပ်မက်ဆိုးတွေမက်ပြီးလန့်နိုးပါတယ်
#အိပ်မက်တွေကလဲလိုက်လို့ပြေးရတာနဲ့ရန်ဖြစ်လို့ထိုးကြတာနဲ့ဝမ်းနည်းပြီးငိုတာနဲ့
#နိုးရင်ရင်တုန်ပြီးအသက်ရှူကြပ်ပြီးမောပါတယ်ဆရာ
( #အိပ်မက်ဆိုး)
အိပ်မက်ဆိုးကတော့ ကျွန်တော်တို့ ဘဝမှာ တစ်ကြိမ်မဟုတ် တစ်ကြိမ်ကြုံဖူး/မက်ဖူးကြပါတယ်
တော်တော်ဆိုးဆိုးဝါးဝါးဖြစ်ပျက်ပြီး လန့်နိုးလာတဲ့အခါ
- ချွေးတွေရွှဲစိုနေပါတယ်
- ဒုန်း ဒုန်း ဒုန်း နဲ့ ရင်တုန်ပြီး
- အသက်ရှူတွေမြန်ကာ မောနေတတ်ပါတယ်
အဲ့နောက်မှာတော့ အိပ်မက်ဟာတကယ်မဟုတ်ဘူးဆိုပြီး စိတ်သက်သာရ ရသွားကာ စိတ်အေးသွားပြီး
အိပ်မက်ကို လုံးစေ့ပတ်စေ့ မမှတ်မိတော့ပါဘူး
ဒါကပုံမှန်ဖြစ်စဉ်ပါ။
တချို့မှာတော့ အိပ်မက်ပုံစံတူတစ်ခုကို ဆက်တိုက်မက်လေ့ရှိပါတယ် (စိတ်စွဲရာလို့ပဲပြောရပါမယ်)
- ကျွန်တော်ဆို အိပ်မက် မက်ရင် မြွေအမြဲပါ ပါတယ်
- တောထဲပဲရောက်ရောက် ၊ အိမ်မှာပဲ နေနေ မြွေတွေ တပုံတပင် အမြဲပါ တတ်ပါတယ်။

* အပြင်မှာ မြွေမချစ်တတ်ပေမယ့် မုန်းလည်းမမုန်း/ကြောက်လည်းမကြောက်ပါဘူး

တစုံတခုကို အချိန်ကြာကြာ စွဲစွဲမြဲမြဲ ဆက်တိုက်တွေ့လာရတဲ့အခါ အစွဲဖြစ်လာပါတယ်
ကျွန်တော့လို မြွေ အမက်များတဲ့ သူဆို မြွေသိုက်ကလာတာ ဘလာ ဘလာ ဘလာ ပေါ့
သိုက်ဆက်ဖြတ်ရမယ် ဘာညာနဲ့ (ညာရွှီးအကွက်တွေ လာပါလိမ့်မယ်)

ကျွန်တော်တို့ ဦးနှောက်က ကိုယ်ကြုံရသမျှကို အာရုံ (၅) ပါးလုံးကနေ (ကျွန်တော်တို့ သတိထားမိသည်ဖြစ်စေ သတိမထားမိသည်ဖြစ်စေ) #လိုက်မှတ်ပါတယ်
- လမ်းသွားရင်ကြုံသမျှ ၊ ကြားသမျှ
- ရုပ်ရှင်ကြည့်မိသမျှ
- Social Media သုံးရင်းကြည့်သမျှ၊ ကြားသမျှ အကုန်မှတ်ထားပါတယ်

အဲ့ဒီမှတ်ထားတာတွေကို သင့်တော်သလိုဇတ်လမ်းဆင်လိုက်တဲ့အခါ ထူးဆန်းတဲ့အိပ်မက်တွေ ဖြစ်လာပါတော့တယ်
ထူးဆန်းတာက အိပ်မက်တွေက မမှတ်မိတတ်ပါဘူး
ဒါပေမယ့် တချို့ထပ်ခါ ထပ်ခါ မက်တဲ့အခါမှာတော့ မှတ်မိလာတတ်ပါတယ်
မှတ်မိတော့ စိတ်ထဲစွဲ စိတ်ထဲစွဲတော့ ထပ်မက်ရာကနေ မသိရင်ပဲ အတိတ်ဟောင်းကအဆက်တွေ နဲ့တွေ့ရသလိုဖြစ်လာတတ်တာပါ

မကောင်းတဲ့ အိပ်မက်တွေ မမက်ဖို့က မကောင်းတဲ့အာရုံတွေကိုရှောင်ရမှာပါ

ရုပ်ရှင်ကြည့်တာမှာ (Horror movie )တွေ မကြည့်ပါနဲ့
Game ဆော့တာကလည်း ( ပစ်ခတ်တာတွေ ဆော့ရင် အာရုံမကောင်းတာပဲရတာပါ)
Facebook သုံးတာမှာ ( Social Media မှာကလည်း စိတ်မကောင်းစရာတွေချည်းပါ)

အဲ့ဒါကြောင့် အိပ်မက်ဆိုးမမက်လိုရင်
👉 စိတ်ဖိစီးမှုလျှော့ပါ
👉 Social Media အသုံးလျှော့ပါ
👉 ရုပ်ရှင်လည်း ပျော်စရာလေးတွေရွေးကြည့်ရင် အဆင်ပြေလာပါလိမ့်မယ်
(Photo Credit; Sleep Foundation)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

03/04/2026

အရသာပြင်း
(ချိုလွန်း ၊ ငန်လွန်း) တာတွေကို ကလေးလေးတွေကို မကျွေးရပါဘူး

ကော်ဖီ လက်ဖက်ရည် အချိုရည် Energy drink စတာတွေလည်း အကျင့်မလုပ်ရပါဘူး

ကလေးလေးတွေရဲ့ လျှာက အရသာခံဖုလေးတွေက အရသာ ပြင်းပြင်းကို စားသောက်ပြီးတဲ့အခါ နေ့စဉ်ကျွေးနေကြအစားအသောက်တွေကို အရသာမရတော့ပါဘူး

မိမိကလေးက သူများကလေးတွေလို မစားဘူး ပိန်ပိန်လာတယ်ဆိုတာဟာ အချိုရည်တိုက် ကော်ဖီတိုက် ကိုယ်စားသမျှ အလွယ်ကျွေးတတ်တဲ့ မိမိရဲ့တာဝန်ပါပဲ (ဦးလေး အဒေါ် အဘိုးအဘွားများက ကြည့်ရှုပေးနေလျှင်လည်း သေချာစွာမှာထားဖို့လိုအပ်ပါတယ်။

ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

#သားသား၃နှစ်ပဲရှိသေးတာ_ကလူကြီးလေးအတိုင်းပဲ_ကော်ဖီပဲသောက်တာ
#ဟုတ်တယ်_အိမ်ကသမီးကလည်း_ထမင်းကျွေးလို့မရဘူး_မာလာရှမ်းကောမှ_မာလာရှမ်းကောပဲ

#ကလေးသူငယ်များနှင့်အစားအစာ

ကလေးငယ်ငယ်လေးတွေ ကော်ဖီသောက်တယ်၊ အပူအစပ်အရသာပြင်းတဲ့ အစားတွေစားတယ်
တချို့ဆို Energy Drink နေ့တိုင်း မသောက်ရရင် အော်ဟစ်သောင်းကြမ်း ကြတယ်လေ
လမ်းမှာ အချိုရည်ဘူးကိုင်ပြီး လျှောက်သွားနေတဲ့ ကလေးလေး တွေလည်း မြင်ရတာ မဆန်းတော့ပါဘူး။

ကလေးလေးတွေ
- Coffee သောက်တတ်တာ
- Energy drink သောက်တတ်တာ
- အရသာပြင်းတဲ့ အစာတွေပဲ စားတော့ တာဟာ ဂုဏ်ယူစရာမဟုတ်ပါဘူး 😰😰😰

ကျွန်တော်တို့ရဲ့ လျှာမှာ အရသာကို သိရှိခံစားဖို့ Taste buds ခေါ်တဲ့ အရသာခံတဲ့အဖုလေးတွေရှိပါတယ်။
အဲ့ဒါလေးတွေကြောင့် ချို ချဉ် ငန် ဖန်/ခါး စပ် အစရှိတဲ့ အရသာတွေကို ခွဲခြားသိရှိခံစားလို့ရတာပါ။

ကလေးတွေ အချိုကြိုက်တယ်ဆိုတာ အချိုကိုသိရှိခံစားနိုင်တဲ့ Taste Buds လေးတွေ လူကြီးတွေထက် အများကြီးပါလို့ပါ။
အားလုံးသိကြတဲ့ အတိုင်း အချိုဓာတ်ဟာ လူကို
- စိတ်ချမ်းသာစေတယ်
- စိတ်ဖိစီးမှုလျှော့နည်းစေတယ်
- အာရုံစူးစိုက်မှု ပိုကောင်းစေတယ်လေ

အချိုဓာတ်လျော့နည်းနေရင် လူကနေမကောင်းဘူး၊ နုံးနေတယ်၊ စိတ်မပျော်ဘူး၊ စိတ်တိုတယ်လေ (အနီးနားမှာ Diet လုပ်နေတဲ့သူတွေ IF လုပ်နေတဲ့သူတွေ ကြည့်ပါလား အလကားနေရင်း စိတ်တိုနေကြတယ်မလား 😅)
ကိုရီးယားကားကြည့်လည်း သိကြမှာပေါ့ စိတ်တို/စိတ်ဖိစီးမှုများရင် (ဘဲပစ်သွားရင်) Chocolate စားကြတယ်လေ (အချိုစားတာပေါ့)
အချိုဓာတ်က ဘယ်လို effect ရှိလဲဆိုတာ ပျော်စရာသဘောလေးနဲ့ ပြတဲ့ (Yumi Cells ဆိုတဲ့ကားလေး အားရင်ကြည့်ကြည့်ပါလား 😁)

လမ်းတွေလည်းလွဲပြီး Movie လမ်းညွှန်ဖြစ်ကုန်ပါပြီ 😅

အပေါ်က အချက်တွေကြောင့် ကလေးတွေဟာ လူကြီးတွေထက် အချိုကြိုက်ကြတာပါ။
နောက်ထပ် သူတို့က ခါးတာကို လုံးဝ မကြိုက်ကြတဲ့ အတွက် ခါးတဲ့အစာတွေ (မချိုတဲ့ အစာ => ဟင်းသီးဟင်းရွက်တွေကို) မကြိုက်ကြတာပါ။
__________
အပေါ်မှာပြောခဲ့တာက ကလေးတွေဘာလို့ အချိုကြိုက်ပြီး အခါးကြောက်ရလဲ ဆိုတာပါ။

ကလေးလေးတွေ မွေးစ မှာ မိခင်နို့ပဲ သောက်ကြပါတယ်။ နို့ဘူးပါရောတိုက်တဲ့ကလေးတွေကြတော့
မိခင်နို့ထက်ပိုချိုတဲ့ နို့ဘူးကိုပိုပြီး ကြိုက်သွားတတ်ကြပါတယ်။
နို့ဘူးကိုပိုကြိုက်သွားတဲ့ နောက်တစ်ချက်က အားမစိုက်ရတာပါ နို့ဘူးမှာအပေါက်ပါတော့ နို့ရည်တွေက ပါးစပ်ထဲဝေါခနဲ ဝင်ပါတယ် (မိခင်နို့ကြတော့ စို့ရတာကိုး)

အဲ့ဒီကနေ ကြီးလာတဲ့အခါ ဘာအရသာမှမရှိတဲ့ အာဟာရအမှုန့်တွေရေဖျော်ကျွေးကြတယ်လေ
အစပိုင်းတော့ စားကြတာပဲမလား 😅 (အာဟာရပြည့်ပေမယ့် အရသာသိပ်မရှိတာတွေလေ)

နောက်တစ်နှစ်ဝန်းကျင်ရောက်လာတဲ့ အခါ ထမင်းစကျွေးပါတယ်။
အဲ့ဒီအချိန်ဟာ အရေးကြီးပါတယ်
တစ်သက်လုံးစားသွားရမယ့် ကျွန်တော်တို့ရဲ့ ရိုးရာစားစရာ (ထမင်း နဲ့ ဟင်း) ကို သေသေချာချာ ကျွေးရမှာပါ။

အရှေ့တိုင်းသားတွေက ထမင်းနဲ့ဟင်း စားကြပြီး
အနောက်တိုင်းသားတွေက ပေါင်မုန့် နို့ နဲ့ အသား အဓိက စားကြတာဟာ အဲ့ဒီ တစ်နှစ်ဝန်းကျင်မှာ ဂရုတစိုက်နဲ့ ကျွေးပေးခဲ့ကြလို့ပါ။

ကျွန်တော်တို့ နိုင်ငံမှာတော့ ကလေးကို ထမင်း ဟင်း ကျွေးရမယ့် အချိန်မှာ ပေါင်မုန့်လည်း ကျွေးတာပဲ ကော်ဖီလည်း တိုက်လိုက်တာပဲ အချိုရည်လည်းတိုက်လိုက်တာပဲ

အဲ့ဒါလုံးဝ မကောင်းပါဘူး

"ကလေးကတောင်းတာကိုး" ကလေးကတော့ လူကြီးဘာစားစား လိုက်တောင်းစားမှာပါပဲ သူက အကုန်လုံးကို အရသာခံကြည့်ချင်နေတာကိုး

ကလေးရဲ့ နုနယ်တဲ့ အရသာခံဖုလေးတွေဟာ အရသာပြင်းတဲ့ အရည် အစားအစာတွေ စားပြီးသောက်ပြီးတဲ့ အခါမှာ သာမန် ထမင်းဟင်းကို ခံတွင်းမတွေ့တော့ပါဘူး

ဒီ အကောင်လေးက ထမင်းတော့ မစားဘူး ဒီအရည်တွေပဲသောက်နေတာပဲ ဆိုပြီး ကလေးကို ဆူပူဆဲဆိုသံ ကြားရရင် အဲ့ဒီလူကြီးတွေကပဲ ကလေးကိုဖျက်ဆီးလိုက်ကြတာပါ။

အချိုကြိုက်တဲ့ ကလေးတွေကို အချိုရည်တွေတိုက်လိုက်တဲ့ အခါ ဗိုက်မဆာတော့ပါဘူး ၊ ဒါပေမယ့် ဆာတဲ့အခါမှာလည်း အချိုရည်ပဲတောင်းသောက်တော့တာပါ
👉 အချိုတွေကို ကလေးတောင်းသလောက်မတိုက် မကျွေးတဲ့အခါ #ကလေးဟာပိန်ညှောင်လေး ဖြစ်နေရတာပေါ့
👉 အချိုတွေကို ကလေးတောင်းသလောက်လိုက်ကျွေးကြတော့ ငယ်ငယ်ရွယ်ရွယ် နဲ့ အဝလွန်တဲ့ကလေးလေးဖြစ်ရာကနေ ဆီးချို၊ သွေးတိုးရောဂါ စောစီးစွာခံစားရစေပါတယ်

သူများကလေးတွေ တောင့်တောင့်တင်းတင်းကျန်းကျန်းမာမာ ရှိပြီး ပြေးလွှားဆော့ကစားနေတဲ့အချိန် ၊ ကိုယ်ကလေးက ပိန်ညှောင်ညှောင်သွားကျိုးလေးနဲ့ အအေးဗူးလက်ထဲကမချတဲ့ တရားခံဟာ #မိမိကိုယ်တိုင်ပါ (အဲ့ဒီအချိန်ရောက်မှ ကလေးကိုရိုက်နှက်ပြီး ပြုပြင်မယ်ဆိုတာ မလွယ်တော့ပါဘူး)
___________
Coffee ပါ

Coffee မှာပါတဲ့ Caffine ဓာတ်ဟာ

ဦးနှောက်ကိုလန်းနေအောင်လုပ်ပါတယ်၊ နှလုံးခုန်မြန်စေပါတယ်၊ ဆီးသွားများစေပါတယ်
👉 ကလေးတွေကို Coffee တိုက်ခြင်းဖြင့်

- ကလေးတွေ ဂနာမငြိမ်၊ ထိန်းမရတာ
- ညတွေကောင်းကောင်း အိပ်မပျော်တာ
- နှလုံးခုန်စည်းချက်မမှန်တာ ရင်တုန်တာတွေဖြစ်စေပါတယ်
- သွေးပေါင်တက်စေပါတယ်
- ဆီးသွားများတဲ့အတွက် ရေလုံလောက်အောင်ပြန်မသောက်ရင် ရေဓာတ်ခမ်းခြောက်မှုဖြစ်စေပါတယ်
- ကော်ဖီအရသာပြင်းပြင်း ကြိုက်သွားတဲ့အခါ တခြားအစာ ကျွေးမရတော့ပြန်ပါဘူး

တချို့နိုင်ငံတွေမှာ ၁၂ နှစ်အောက် Coffee မတိုက်ရဆိုတာရှိဖူးသလို၊ တစ်နေ့ ဘယ်လောက်ပဲ သောက်ရမယ်ဆိုတာတွေရှိပါတယ်။
ကျွန်တော်တို့ မြန်မာလူမျိုးတွေအတွက်ကတော့ သုတေသန မရှိသလို သတိပေးတားမြစ်ချက်တွေ မရှိပါဘူး။
လူကြီး မိဘတွေက စာတွေများများဖတ်ပြီး မိမိတို့သားသမီး မြေးငယ်လေးတွေ
👉 ခန္ဓာကိုယ်ဖွံ့ဖြိုး ဉာဏ်ရည်တိုးဖို့ ကြိုးစားပေးသင့်ကြောင်းပါဗျာ

(Photo Credit;TimeNow)
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

01/04/2026

ရင်သွေးရတနာလေးတွေကို အန္တရာယ်ကင်းကင်းနဲ့ စိတ်
အေးချမ်းသာစွာမီးဖွားရဖို့ မိသားစုဝင်တိုင်းရဲ့ စိတ်ဆန္ဒပါ

ကလေးမီးဖွားတယ်ဆိုတာ ပျော်စရာကိစ္စပေမယ့်ကြပ်တည်းတဲ့ ခေတ်ကြီးမှာ ငွေကုန်ကြေးကျများသွားနိုင်တာကလည်း ကျွန်တော်တို့စိတ်ထဲ ရှိနေတဲ့ အရာပါ

မိမိ တတ်နိုင်တဲ့ ပမာဏဟုတ်မဟုတ်ချင့်ချိန်နိုင်အောင် Yangon City Win ဆေးရုံသစ်ကြီးမှ သားဖွားမီးယပ်အထူးကုဆရာဝန်ကြီးများနှင့် ပူးပေါင်းပြီး မိဘလောင်းများရဲ့ အပျော်တွေကို တဖက်တလမ်းက ဖြည့်ဆည်းပေးနေပါပြီ

မိသားစုဓာတ်ပုံ နဲ့ ကလေးလေးဓာတ်ပုံကိုလည်း မေတ္တာလက်ဆောင်ရိုက်ပေးနေပါတယ်

01/04/2026

#အစာအိမ်ရောင်ရောဂါ
#အစာအိမ်ပိုး


Helicobacter pylori => Bacteria အမျိုးအစားပါ။

Hydrochloric Acid (သတ္ထုတွေကိုတောင်လောင်မြိုက်စေတဲ့ Acid) အဲ့ဒီ Acid ထဲမှာတောင် အသက်ရှင်နိုင်ပြီး လူကို ဒုက္ခပေးတဲ့ ပိုး ပါ။

ကမ္ဘာ့လူဦးရေ ရဲ့ (၅၀%) မှာ ရှိနိုင်တယ်လို့ ဆိုတဲ့ အတွက် (၂) ဦးမှာ တစ်ဦး ရှိနေနိုင်ပါတယ်။
ဒါပေမယ့် ပိုး ရှိနေသူရဲ့ (၉၀%) က ဘာလက္ခဏာမှ မပြပါဘူး။

ပိုး ရှိသူ ဦးရေ ရဲ့ (၁၀%) လောက်ပဲ လက္ခဏာပြကြတာ ဆိုတော့ သင်္ချာကျွမ်းကြမှာပေါ့။
=> ကမ္ဘာ့လူဦးရေ ရဲ့ (၅%) က လက္ခဏာပြတယ်ပေါ့
ဘာတွေဖြစ်လဲ (အစာအိမ်ရောင်တဲ့ လက္ခဏာတွေပါပဲ)
- ပျို့/အန်
- ဗိုက်အောင့်
- ရင်ပူ
- လေပွ၊ လေချဉ်တတ်
- ဝမ်းပျက်
- မနက်စောစော နိုးတာနဲ့ အရမ်းဆာမယ်
- အစာအိမ်ထဲအစာမရှိရင်နာမယ်၊ စားလိုက်ရင်လဲနာမယ်
- ခံတွင်းနံ့ နံမယ်

အဲ့ဒီ #ပိုး 🦠 က ဘယ်လိုဒုက္ခပေးတာလဲ

အစာအိမ်ထဲမှာ နေတာဆိုတော့ Acid ဒဏ်ခံနိုင်အောင်
- အစာအိမ်နံရံထဲ ဖောက်ဝင်ပြီိးနေပါတယ် (အစာအိမ်အနာဖြစ်တာပေါ့)
- Acid ကို ခံနိုင်အောင် Urease ဆိုတဲ့ ဓာတ်သူ့မှာပါပါတယ်၊ အဲ့ကနေ Ammonia ဆိုတဲ့ လူကို အဆိပ်သင့်စေတဲ့ ဓာတ်ထွက်လာပြီး အစာအိမ်နံရံကို ပျက်စီးစေပါတယ်

👉👉👉

အဲ့ဒီ #ပိုး 🦠 ရှိမရှိဘယ်လို သိမှာလဲ ???

- အစာနှင့်အူလမ်းကြောင်းအထူးကုဆရာဝန်က လိုအပ်လို့ မှန်ပြောင်းကြည့်ရင်းနဲ့ စမ်းသပ်လို့ဖြစ်စေ
- Urea breath test လို့ခေါ်တဲ့ ဆေးသောက်ပြီး ပူဖောင်းထဲကို လေမှုတ်ထည့်၊ အဲ့ဒီလေထဲက ဓာတ်ပစ္စည်း ကို စစ်တဲ့နည်းနဲ့ဖြစ်စေ
- ဝမ်း စစ်ပြီး ဖြစ်စေ သိနိုင်ပါတယ်

👉👉👉

အဲ့ဒီ #ပိုး 🦠 ရှိနေတယ် + အစာအိမ်ရောင်တဲ့လက္ခဏာ တွေရှိတယ်

အစာနှင့်အူလမ်းကြောင်းအထူးကုဆရာဝန် က H. pylori eradication ဆိုတဲ့ ဆေး ပေးပါလိမ့်မယ်။

Triple therapy လို့ခေါ်ပါတယ်။

Proton pump inhibitor (အစာအိမ်ဆေး)
(+)
ပိုးသတ်ဆေး (၂) မျိုး ကို (၁၄ ရက်သောက်ရပါတယ်)

ပိုးသတ်ဆေးက (၂) မျိုးတောင် သောက်ရတဲ့ အတွက်
- လူနုံးတာ
- ပျို့တာ၊ အန်တာ
- မအီမသာဖြစ်တာ
- အခန့်မသင့်ရင် ဝမ်းပျက်တာ တွေရှိတတ်ပါတယ်
ဒါပေမယ့် ပိုး ရှိနေတာ #ကျိန်းသေတဲ့အတွက်ရော
#ဆေးယဉ်ပါးမှုဖြစ်မှာ စိုးရတာရောကြောင့်

သောက်မယ်ဆိုရင် #ရက်ပြည့်အောင်သောက်ပါ

*****သိထားဖို့လိုတာက*****

H pylori eradication ဆိုတာ ပိုး 🦠 သတ်တာပါ။

ပိုး 🦠 က အစာအိမ်ကို ဒုက္ခထပ်မပေးနိုင်အောင် သတ်လိုက်တာပါ။

ဆေး (၂) ပတ်သောက်ပြီး။

#အစာအိမ်ရောဂါ ပျောက်မသွားပါဘူး*****

ပိုး 🦠 ဒုက္ခပေးခဲ့တဲ့ အနာက ကျန်ခဲ့ပါသေးတယ်။

#အစားသေသေချာချာဆက်ပြီးရှောင်ရပါမယ်။
#အစာအိမ်ဆေးဆက်ပြီးသောက်ရပါမယ်။

အစာနှင့်အူလမ်းကြောင်းအထူးကုဆရာဝန်နဲ့ ပြပြီးပြီ မှန်ပြောင်းကြည့်ပြီးပြီ ဆေး (၂) ပတ်သောက်ပြီးပြီ ဆိုတာနဲ့ မပြီးပါဘူး။

အနာကျက်ဖို့ အနာပျောက်ဖို့ နောက် (၂) လလောက် အစားကို သေသေချာချာ ဂရုစိုက်ရပါမယ်။

👉👉👉

ပိုး ကြောင့် အစာအိမ်ရောင်တဲ့ အကြောင်း၊ ဆေးသောက်ပြီးလည်း ဘာလို့ မသက်သာတာလဲ ဆိုတာရော နည်းနည်း သိကြပြီထင်ပါတယ်။

အစာအိမ်ရောင်စေတဲ့ တခြားအကြောင်းတွေက Post ရေးထားပြီးသားရှိပါတယ်။

( #အစာအိမ်ရောဂါနှင့်ဆောင်ရန်_ရှောင်ရန်များ)
https://www.facebook.com/104993831383029/posts/111818434033902/

(Original Post 👉
https://www.facebook.com/104993831383029/posts/245290090686735/?mibextid=cr9u03)

ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

30/03/2026

#ကူညီခြင်းဆိုတာ_တာဝန်တစ်ခုလား ❓
#ကျေးဇူးရှိမှ_ကျေးစွပ်သည်

လောကမှာ အသက်ရှင်ရပ်တည် ရတော့ လူဖြစ်ရတဲ့ ဒုက္ခဆိုတဲ့ အတိုင်း
- အခက်အခဲ
- အကြပ်အတည်း
- အတားအဆီး
- အနှောက်အယှက် တွေက ကြုံကို ကြုံတွေ့ကြပါတယ်
လူ ဆိုတာက Social Animal ဆိုတဲ့အတိုင်း အသိုင်းအဝန်း နဲ့ နေကြတာမို့ အခက်အခဲကြပ်တည်း ကြရင် နီးစပ်ရာက ဝိုင်းဝန်းဖြေရှင်းပေးတတ်ကြပါတယ်
* နှုတ်၏ဆောင်မခြင်း
* ကိုယ်၏ဆောင်မခြင်းပေါ့

ဆိုတော့ကာ
1. လူတိုင်း လူတိုင်း ကို ကူညီပေးဖို့က လုပ်ကိုလုပ်ရမယ့် တာဝန်ကြီးတစ်ခုလား ❓
2. ကိုယ့် အခက်အခဲဖြစ်ရင် ကိုယ့် ပတ်ဝန်းကျင်က အကူအညီပေးရမှာလား ❓
3. ပတ်ဝန်းကျင်က ကူမပေးရင် သူတို့ကို စိတ်ဆိုး သင့်လား ❓
4. ကိုယ့်တုန်းက ကူပေးထားတာ သူတို့အလှည့်ကျတော့ မသိသလိုနေကြတယ် ၊ ကူညီမှုကို အကြွေးလိုပြန်ယူ သင့်လား ❓
_________
လူတိုင်း လူတိုင်းမှာ ကိုယ်ပိုင်အတွေးအမြင်တွေ ရှိကြမှာပါ။ ကျွန်တော့ အတွက်ကတော့

1. လူတိုင်း လူတိုင်း ကို ကူညီပေးဖို့က လုပ်ကိုလုပ်ရမယ့် တာဝန်ကြီးတစ်ခုလား ❓

လူတိုင်းမှာ ကိုယ့်ဘဝ နဲ့ ကိုယ် ၊ ကိုယ့် အခက်အခဲ နဲ့ ကိုယ် ရှိကြတာချည်းပါ။
- ပိုက်ဆံချမ်းသာလို့
- အလုပ်အကိုင်အဆင်ပြေလို့
- မိသားစုဘဝသာယာလို့ ဆိုပေမယ့် ကိုယ် မသိနိုင်တဲ့ အခက်ခဲတွေ အများကြီးရှိနိုင်ပါတယ်။
👉 သူတပါးကို ကူညီတယ် ဆိုတာ ဘာသာရေးအရကြည့်ရင် ကုသိုလ်ရတဲ့အလုပ်မို့ လုပ်သင့်တဲ့ အလုပ်ပါ
👉 ကိုယ် တတ်နိုင်သလောက် ကူပေးပါတယ်
👉 ကူညီပေးနိုင်ဖို့လည်း ကြိုးစားနေပါတယ်
ဒါပေမယ့်
👉 *အချိန်တိုင်း *အခေါက်တိုင်း *အခြေနေတိုင်း လူတိုင်းကို ကူကို ကူရမယ် ဆိုတာ ကို လက်မခံပါဘူး
* ကိုယ်မတတ်နိုင်တာကို ငြင်းဆန်ဖို့ အားနာ မနေပါဘူး

2. ကိုယ့် အခက်အခဲဖြစ်ရင် ကိုယ့် ပတ်ဝန်းကျင်က အကူအညီပေးရမှာလား ❓
3. ပတ်ဝန်းကျင်က ကူမပေးရင် သူတို့ကို စိတ်ဆိုး သင့်လား ❓
ကိုယ့်မှာ အခက်အခဲကြုံနေရသလို လူတိုင်းမှာ အခက်အခဲ ရှိတဲ့အတွက် သူတို့ မကူပေးနိုင်တာ သဘာဝပါပဲ - ကိုယ့်ကို ကူညီပေးရမယ်ဆိုတဲ့ တာဝန်ဘယ်သူ့မှာမှ မရှိပါဘူး
အကူညီလည်းသွားတောင်းသေးတယ် မပေးလို့ စိတ်ဆိုးရင် ကိုယ့်အလွန်ပဲလို့ မြင်ပါတယ်
တခြားသူကြတော့ လုပ်ပေးပြီး ငါ့ကြတော့ မလုပ်ပေးဘူး
- အဲ့လို ဆိုလည်း သူများချစ်အောင် မနေတတ်တဲ့မိမိကိုယ်ကိုယ် ပြင်ရမှာပါ

4. ကိုယ့်တုန်းက ကူပေးထားတာ သူတို့အလှည့်ကျတော့ မသိသလိုနေကြတယ် ၊ ကူညီမှုကို အကြွေးလိုပြန်ယူ သင့်လား ❓
ကျွန်တော်တို့ ပြောလေ့ရှိတယ်မလား “ကျေးဇူးရှိမှ ကျေးစွပ်တယ်” ဆိုတာ
ကူညီပေးတယ်ဆိုတာ ပရဟိတ လုပ်တာပါ ။ ပိုက်ဆံချေးတာမှ မဟုတ်တာ ပြန်ဆပ်ဖို့ မမျှော်လင့်သင့်ပါဘူး
“နင့်တုန်းကလေ ငါ ၅၀၀၀ ဖိုး မုန့်ကျွေးထားတာ အခုအချိန်နဲ့ဆို ၃-၄ သောင်းတန်နေပြီ ငါ့ကို Hot pot ပြန်ကျွေး” အဲ့လို ကျေးဇူးကို အတိုးနဲ့ ပြန်ဆပ်ခိုင်းတာလည်း မဟုတ်သေးပါဘူး

ငါကူပေးလိုက်တယ် ဆိုရင် #ဘာမှ_ပြန်မမျှော်လင့်သင့်တော့ပါဘူး

ပြန်လိုချင်ရင် တခါတည်း မှာထားလိုက်ပေါ့ “ငါလုပ်ပေးထားတာ ငါ့အလှည့်ကြရင်လည်းပြန်လုပ်ပေးရမယ်” လို့။

ကျွန်တော့အမြင်ကတော့
1. ကူညီတယ်ဆိုတာ တာဝန်မဟုတ်ပါဘူး (မိမိ စိတ်ဆန္ဒအတိုင်းပါပဲ)
2. မလုပ်ပေးနိုင်တာကို ငြင်းဆန်ဖို့ အားမနာပါနဲ့
3. ကိုယ့်ကို ကူပေးဖို့လည်း ဘယ်သူ့မှာမှ တာဝန်မရှိပါဘူး (သူ လုပ်ပေးချင်တဲ့သူ/သူလုပ်ပေးနိုင်တာဆို လုပ်ပေးမှာပေါ့)
4. ကိုယ်ကူညီပေးထားတယ် ဆိုရင် ဘာမှ ပြန်မျှော်လင့်မနေပါနဲ့

စိတ်၏အေးချမ်းခြင်းမှသည်ကိုယ်၏ကျန်းမာခြင်းဆီသို့
Dr. ဘုန်းစည်သူလွင်

(စိတ်ခွန်အားပေးစာစုများ တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် စိတ်ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

29/03/2026

သွေးပေါင်တက်နေလို့ အိမ်ကအမေသောက်တဲ့ဆေးသောက်ထားတယ်
ချိန်ကြည့်တာ ၁၅၀ ကျော်လို့ ဆေးနောက်တစ်ခါထပ်
သောက်ထားတယ်
ဒန်ပေါက်စားလိုက်လို့ ဆေးကြိုသောက်ထားလိုက်တယ် ဆိုတာမျိုးတွေ မကြာခဏကြားရတတ်ပါတယ်

သွေးကျဆေးပေးရတဲ့အခါ သွေးပေါင်ချိန်စက်ပေါ်က နံပါတ်တစ်ခုတည်းကြည့်ပြီး ဆေးပေးကြတာမဟုတ်ပါဘူး
- အသက်အရွယ် ၊ လူမျိုး
- ကိုယ်အလေးချိန်၊ အလုပ်အကိုင်
- အတူယှဉ်တွဲနေသောနာတာရှည်ရောဂါ
- သွေးတိုးအဆင့်
- ခန္ဓာကိုယ်တွင်းအင်္ဂါများထိခိုက်နေမှု စတာတွေပေါ်မူတည်ပါတယ်
- ဆေးပုံမှန်သောက်ဖို့အရေးကြီးတဲ့အတွက် ကျွန်တော်တို့နိုင်ငံမှာဆို လူနာရဲ့ ဝင်ငွေပေါ်ကိုလည်း ချိန်တွက်ပေးရပါတယ်

ရောဂါတစ်ခုက မဖြစ်အောင်အောင်ကြိုတင်ကာကွယ်ကြတာအကောင်းဆုံးပါ

ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

#သွေးတိုးရှိနေတာကြာပါပြီ
#ဆေးတနေ့တစ်လုံးနေ့တိုင်းသောက်ပေမယ့်_နည်းနည်းလေးအစားမှားတာနဲ့သွေးထတိုးပါတယ်
#ဆေးပြောင်းသောက်ရမလားဒါမှမဟုတ်ဆေးပိုသောက်သင့်လား ❓


(သွေးတိုးရောဂါနှင့်မိမိဖာသာဆေးသောက်ခြင်း)

စာအရှည်ကြီးမဖတ်ချင်သူတွေအတွက် လိုရင်းပဲပြောရရင်
***သွေးတိုးရောဂါ ရှိရင် #ဆရာဝန်ပြသပြီး_ကုသမှုခံယူရပါတယ်
မတည့်တာတွေက စားပြီး ဆေးသောက်ရမှာမဟုတ်ပါဘူး #လုံးဝ_ရှောင်ရမှာပါ။
_______________________________________
အကြောင်းရင်းက ဘာလို့လဲသိချင်ရင်တော့ ဆက်ဖတ်ကြည့်ပါဗျာ 😃😃😃

သွေးတိုး ဆီးချို အဝလွန်တာတွေဖြစ်ရတဲ့ အကြောင်းရင်းက
- အဆီ ၊ အငန် ၊ အချို အစားများတာ
- ကိုယ်လက်လှုပ်ရှားမှုမရှိတာ
- ကိုယ်အလေးချိန်များတာ
- အိပ်ချိန် စားချိန် မမှန်တာတွေ
- အရက် ဆေးလိပ်သောက်တာ
- စိတ်ဖိစီးမှု များတာ စတဲ့ အနေအထိုင်အစားအသောက် ပုံစံမမှန်မှုကြောင့် အဖြစ်များပါတယ်
🍜 မုန့်ဟင်းခါး အုန်းနို့ခေါက်ဆွဲစားရင် သွေးတက်တတ်တယ် - အဲ့နေ့ #ဆေးပိုသောက်ရမလား ❓
မြင်သာအောင်ပြောရရင်
- လက်ကို တူနဲ့ ထုရင် နာလို့ အကိုက်ခဲပျောက်ဆေး သောက်ရမလား 🤔
- တူ နဲ့ မထုပဲနေရမလား 🧐 ဆိုသလိုပေါ့
မတည့်တာက မစားပဲရှောင်ရမှာပါ။

သွေးတိုးရောဂါက ပြောပြီးခဲ့သလို “အနေအထိုင်အစားအသောက်ပုံစံ မမှန်မှုကြောင့်” အဖြစ်များ တယ် ၊ မျိုးရိုးလိုက်တယ် ဆိုပေမယ့်
အသက်ငယ်ငယ် နဲ့ သွေးတိုးဖြစ်တဲ့ လူတွေကို “Young Hypertension “ လို့ခေါ်ပါတယ်
တချို့မှာ Secondary Hypertension - အကြောင်းရင်းတစ်ခုခုကြောင့် (တခြားရောဂါတစ်ခုခု ကြောင့် သွေးပေါင်တက်နေတာဖြစ်တတ်လို့ - ဆရာဝန်နဲ့ သေသေချာချာ ပြသပြီး)
👉 ရောဂါအခံကို ရှာဖွေကုသရပါမယ်

အားဆေးတွေ
Paracetamol လို အကိုက်ခဲပျောက်ဆေးတွေ
နှာစေး၊ ချောင်းဆိုးပျောက်ဆေး စတာတွေက မိမိသဘောနဲ့ ဆေးဆိုင်က အလွယ်တကူ ဝယ်သောက်လို့ ရပေမယ့်
*****
* သွေးပေါင်ကျဆေး
* ဆီးချိုကျဆေး
* ပိုးသတ်ဆေး စတာတွေ ကို မိမိ စိတ်ထင်သလို အလွယ်တကူ ဝယ်သောက်တာမျိုး
အရပ်အပြောနဲ့ ဆိုင်တွေ က ဝယ်သောက်တာမျိုးက ရေတိုမှာ ကုန်ကျစားရိတ်သက်သာတယ် ဆိုပေမယ့်
- ကျောက်ကပ်ပျက်တာ
- နှလုံးထိခိုက်တာ
- တကယ်ရောဂါကြီးဖြစ်ရင် ပိုးသတ်ဆေးမတိုးတော့တာ တွေဖြစ်တတ်လို့ မလုပ်သင့်ပါဘူးဗျာ
သွေးတိုးရောဂါမှာ
သွေးပေါင်ချိန်လိုက်ပြီး စက်မှာပေါ်လာတဲ့ နံပါတ်အရ
👉 ဒီလောက်ဆို Calcium Channel Blocker တိုက်မယ်
👉 ဒီလောက်ဆို ACEI တိုက်မယ်
👉 နည်းနည်းများရင် ၂-၃ မျိုး ပေါင်းထားတဲ့ဆေး တိုက်မယ်ဆိုတာ လုံးဝ လုံးဝ #မဟုတ်ပါဘူး
*****
- Hypertension grading (သွေးပေါင်ဘယ်လောက်တောင်တက်နေပြီလဲ)
Target organ Damage လို့ခေါ်တဲ့ သွေးတိုးကြောင့်ခန္ဓာကိုယ်အစိတ်အပိုင်းတွေပျက်စီးနေပြီလား
* နှလုံးကြီးနေပြီလား ❓
* ကျောက်ကပ်ထိနေပြီလား❓
* မျက်လုံးထဲက အမြင်လွှာ (Retina) ထိခိုက်နေပြီလား❓
* လေဖြတ်/လေဖြန်းဖူးလား ❓
- Hypertension with Diabetes ( သွေးတိုး ဆီးချိုပေါင်းဖြစ်နေတာလား)❓
- Hypertension with IHD (သွေးတိုး နှလုံးသွေးကြောကျဉ်းရောဂါပေါင်းဖြစ်နေတာလား)❓
- Hypertension with stroke (လေဖြတ်သွားပြီလား)❓
- Hypertension with renal failure (သွေးတိုးကြောင့် ကျောက်ကပ်ပါပျက်သွားပြီလား)❓
စသဖြင့် သွေးတိုးနဲ့ တခြားရောဂါတစ်ခုနဲ့တွဲတဲ့အခါ
သွေးတိုး နဲ့ တခြားရောဂါ နှစ်ခုတွဲတဲ့အခါ ဆိုတဲ့ အခြေအနေတွေ အများကြီးရှိပါတယ် အများကြီးစဉ်းစားရပါတယ်
အဲ့ဒါကြောင့် သွေးတိုးရှိတာခြင်းတူပေမယ့် သောက်ရတဲ့ဆေးတွေ #မတူကြတာပါ
Risk factors ဆိုတာတွေလည်း ကြည့်ရပါတယ်ဗျ
* အသက်အရွယ် ၊ ယောက်ျား/မိန်းမ
* မိဘမျိုးရိုး
* Metabolic syndrome လိုမျိုး
- အဝလွန်တယ်
- Waist circumference ကြီးတယ် (ဗိုက်ရွှဲ ခါးတုတ်တယ်)
- သွေးတွင်းအဆီများတယ် (အသည်းအဆီဖုံးရောဂါရှိတယ်)
- အကြိုဆီးချို (Impair glucose tolerance)
- 10 years CVD risk ဆိုတာတွေလည်းတွက်ရပါတယ် (ဆေးကုရတာက ရှုပ်ထွေးလှပါတယ်)
သွေးတိုးတာနဲ့ဒါသောက်ဆိုတာမျိုး က စပ်ဆေးရောင်းတဲ့သူပဲလုပ်နိုင်တာပါဗျာ။
သွေးတိုးရောဂါမဖြစ်ချင်ဘူး/ဖြစ်နေပြီထပ်မဆိုးချင်ဘူးဆိုရင်
* Lifestyle modification အစားအသောက်အနေအထိုင်ဆင်ခြင်ရပါမယ်ဗျာ (မှာနေကြအရာတွေပါပဲ)
*****
- အဝ လွန်နေရင် ကိုယ်အလေးချိန်ကို ကျန်းမာသော နည်းလမ်းတွေသုံးပြီး လျှော့ပါ
(https://www.facebook.com/104993831383029/posts/108040834411662/)
- အရက်မသောက်ပါနှင့်
- ဆေးလိပ်သောက်တာဟာ ကင်ဆာတိုင်းကိုဖြစ်စေလို့ ရှောင်ရပါမယ်။
- ဆီးချိုရောဂါ၊ Metabolic syndrome ၊ အဝလွန်ခြင်း ၊ Obstructive sleep apnoea ၊ သွေးတွင်းအဆီများခြင်း (Dyslipidaemia) စတဲ့ရောဂါတွေကိုလည်း သေသေချာချာ ကြပ်ကြပ်မတ်မတ် ကုသမှုခံယူရပါမယ်
အဓိက ကတော့ #အစားအသောက်ပေါ့
- ကဆီဓာတ် (Carbohydrate) လျှော့စားရမှာပါ (ထမင်းအဓိက စားတတ်တဲ့/ကြိုက်တဲ့ ကျွန်တော်တို့အတွက် မလွယ်ဘူးဆိုပေမယ့် လျှော့စားရပါမယ်)
- သွေးတွင်း Glucose ရုတ်တရက်တက်ပြီး Insulin ကမောက်ကမ ဖြစ်စေနိုင်တဲ့ အချိုမုန့်တွေနဲ့ အချိုရည်ကတော့ လုံးဝကို ရှောင်ရမှာပါ
- အချိုကြိုက်တာကို ဘယ်လိုလုပ်ရမလဲ အချိုမုန့်တွေနဲ့ အချိုရည် ကော ရှောင်ရရင် 😀 အသီးတွေစားပါ (အသားအရေလည်းကောင်း အဆိပ်အတောက်တွေလည်းစင်တာပေါ့)
- ဟင်းသီးဟင်းရွက် အများကြီးစားပါ (ကျွန်တော်တို့ နိုင်ငံအတွက်ကတော့ သေသေချာချာဆေးပြီးမှ စားကြပါ) ကျန်းမာချင်လို့ ဟင်းသီးဟင်းရွက် စားကာမှ ပိုသတ်ဆေးမိပြီး ကြွသွားမှာစိုးလို့ပါ (လူယုတ်မာ is everywhere 😅)
- အသားက ကဆီဓာတ်လောက်မဆိုးပေမယ့် ဝက်သားစားတဲ့လူထက် ငါးစားတဲ့ သူက အများကြီးပိုပြီး ကျန်းမာတာပေါ့ (ပင်လယ်စာ စားပေးပါ) ပင်လယ်စာဆိုလို့ ငါးပိ၊ငါးခြောက်တွေ အများကြီးစားရင်တော့ သွေးတိုးရောဂါရပါလိမ့်မယ်
- အဆီကတော့ ပဲဆီ သုံးတာအကောင်းဆုံးပေါ့ (သံလွင်ဆီက ပိုကောင်းတယ် ဆိုပေမယ့် သူ့စျေးကဝယ်မှ မစားနိုင်တာ 😅) ကိုယ့်ဝင်ငွေအရ စားအုံးဆီပဲစားနိုင်တယ် ဆိုလဲ နည်းနည်းပဲသုံးပေါ့ (တစ်ခါသုံးပြီးသားဆီတော့ လုံးဝ ပြန်မသုံးကြပါနဲ့ Trans fat တွေက တော်တော်ကြောက်ဖို့ကောင်းလို့ပါ)
- Intermittent fasting ဆိုတဲ့ နည်းလမ်းကတော့ လုပ်နိုင်ရင် ကောင်းတယ် ဆိုတဲ့ သုတေသနတွေ အများကြီးရှိပါတယ် ၊ တကယ်လည်း ကိုယ်အလေးချိန်ကျသလို (Insulin resistance ကျသွား တဲ့အတွက်)ကျန်းမာရေးအတွက်လည်း ကောင်းပါတယ်
(ဒါပေမယ့် ရေရှည်လုပ်နိုင်မလုပ်နိုင်ဆိုတာရယ်၊ လုပ်ငန်းခွင်မှာ ဗိုက်ဆာနေပြီး အဆင်မပြေဖြစ်နေမှာရယ်ကို ချိန်ကြပါ )
- Keto diet ကတော့ ကျွန်တော် (ကျွန်တော့ Opinion ပါ) အားမပေးပါဘူး ( ခေတ်အရမ်းစားနေပေမယ့် Diet တစ်ခုမှာ Carbohydrate လျှော့တာမှန်ပေမယ့် အဆီ Potion များများစားခိုင်းတာ မဖြစ်သင့်ပါဘူး)
- အကောင်းဆုံးကတော့ ကောက်ရိုးမီး မဟုတ်ပဲ လေ့ကျင့်ခန်းပုံမှန်လုပ်ပါ (ဒူးနာလို့ ဟိုနားနာလို့ဒီနားနာလို့ ဘာမှမလုပ်ဖြစ်ဘူးဆိုတဲ့ သူတွေလည်း မနာတဲ့နေရာတွေကို လေ့ကျင့်ခန်းလုပ်ပေါ့)
- Workout ထဲမှာ မလုပ်ရမယ့် Workout ကတော့ ပါးစပ် Workout ပါပဲ 😁 (တခြားဘယ်နေရာမှ မလှုပ်ရှားပဲ မိုးလင်းမိုးချုပ် ပါးစပ်ပဲလှုပ်နေတာလေ တကျွတ်ကျွတ်နဲ့စားနေတာပေါ့)
- အတင်းပြောရင်တောင် Mood ဝင်လာလို့ မျက်နှာမဲ့ရွဲ့ပြီး ကိုယ်ဟန်လက်ဟန်တွေပါလာရင် လေ့ကျင့်ခန်းလုပ်သလိုဖြစ်သေးတယ်လေ (စတာနော်)
- စိတ်ဖိစီးမှုလျှော့ (သူများကို အကောင်းမြင်ရမှာ 😀၊ သံသယစိတ် လျှော့၊ ဣဿာမစ္ဆရိယ လျှော့ရမှာပေါ့)

***အရေးကြီးတာက
- သွေးပေါင်မှန်မှန်ချိိန်ရပါမယ်
အဲ့တော့မှ
- ဆေးသောက်နေတာ Control ရလား/မရလား
- ဆေးညှိဖို့လို/မလို သိနိုင်မှာပါ
(Photo credit; Healio )
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

28/03/2026

#ခန္ဓာကိုယ်ကပူကျွတ်နေတာပဲ
#ချွေးလည်းမထွက်တော့ဘူး
#အသက်ရှူတွေမြန်_သွေးပေါင်တွေကျပြီး_သတိလစ်သွားတယ်

#ရာသီဥတုပူပြင်းလာတာနဲ့အမျှ
သက်ကြီးရွယ်အိုများအတွက် အိမ်တွင်းမှာတောင် သင့်တင့်မျှတသော အပူချိန် မဖန်တီးနိုင်ကြသောအခါ
#အတွေ့အရမ်းများလာပါတယ်


( #အပူလေသင်တုန်းဖြတ်ခြင်း)

Stroke လို့ခေါ်ကြလို့ လေဖြတ်တာလို (ကိုယ်တစ်ခြမ်းသေသွားတာ၊မျက်နှာရွဲ့သွားတာမျိုးဖြစ်ပြီး နာတာရှည်ရောဂါသည်အနေနဲ့ နေသွားရတာ) မဟုတ်ပါဘူး ဖြစ်ပြီဆိုရင် အရေးပေါ်ချက်ချင်းကုသမှုမခံယူလျှင် သေသွားနိုင်တာပါ

- ကိုယ်ခန္ဓာအပူချိန် ၁၀၄ Drgree Fahrenheit ကျော်ပူနေပြီး
- အသက်ရှူတွေမြန်၊ နှလုံးခုန်တွေမြန်၊ သွေးပေါင်တွေထိုးကျပြီး
- ကယောင်ကတမ်းတွေဖြစ်၊ သတိလစ်ရာကနေ၊ အသက်ဆုံးတဲ့အထိဖြစ်ရတာပါ။

ရာသီဥတုပူလွန်းအားကြီးလို့အဖြစ်များလာရတာပါ။
👉 ရာသီဥတုကပူ
👉 ရင်ထဲကအပူတွေကများ
👉 နေပူကြီးထဲတန်းတွေစည်
👉 ဆီး သွားရမှာစိုးပြီး ရေကမသောက်

အကြောင်းရင်းတွေစုပြီး အသက်ပါပေးရတတ်ပါတယ်။

လူကနုံးချိ၊ ပင်ပန်းနွမ်းနယ်နေပြီး၊ အာခေါင်တွေခြောက်၊ ခေါင်းတွေကိုက်ပြီး၊ ကြွက်တွေတက် ဆီးနည်းသွားတဲ့
Heat Stroke လောက်မဆိုးသေးတဲ့
- Heat cramp
- Heat Exhausation
စတာတွေတော့ အခုခံစားနေကြရလောက်ပါတယ်။

ခံစားနေကြရတယ် ဆိုရင်တော့ သတိကြီးကြီးထားကြပါ 👉 Heat Stroke ဖြစ်လာနိုင်ပါတယ်

👉👉👉
#ဘာလို့ဖြစ်ရတာလဲ ⁉️

ကျွန်တော်တို့ သွေးနွေးသတ္တဝါ (Warm blooded Animal) တွေက ခန္ဓာကိုယ်အပူချိန်တသတ်မှတ်တည်းဖြစ်ဖို့
အပူထုတ်လုပ်ခြင်း (Heat Gain) နှင့် အပူဆုံးရှုံးခြင်း (Heat Loss) က မျှချေမှာရှိရပါတယ်။

အပူထုတ်လုပ်ခြင်း (Heat Gain)
- ဇီဝဖြစ်စဉ်တွေကနေ ဘေးထွက်အနေနဲ့ အပူစွမ်းအင်ကိုရပါတယ်
- ကြွက်သားတွေလှုပ်ရှားခြင်း ကနေလည်း အပူရသလို
- ပတ်ဝန်းကျင်က ကနေလည်း ရရှိပါတယ်

အပူဆုံးရှုံးခြင်း (Heat Loss)
- ရေငွေ့ပြန်ခြင်း၊ ချွေးထွက်ခြင်း (အရေပြားမှစွန့်ထုတ်ခြင်း)
- အသက်ရှူထုတ်ခြင်း
- ဆီး၊ ဝမ်းစွန့်ခြင်း အစရှိသည်တို့က နေ့ စွန့်ထုတ်ပါတယ်

အဲ့ဒီ 😰 အပူထုတ်လုပ်ခြင်း (Heat Gain) နှင့် အပူဆုံးရှုံးခြင်း (Heat Loss) က မျှချေမှာ မရှိတော့လျှင်

ဖျားနာခြင်းကစလို့၊ Heat Cramp, Heat exhaustation မှ Heat Stroke အထိဖြစ်ပါတယ်။

ဖြစ်မှကုသရတာက ခက်ခဲပါတယ်
- ပန်ကာလေ/လေအေးပေးစက်တွေနဲ့ အေးနေအောင်လုပ်ရပါတယ်
- ရေပတ်တွေရွှဲရွှဲစိုအောင်တိုက်ရပြီး
- ရေဓာတ်တွေသွေးကြောမှအမြန်ပြန်သွင်းရပါတယ်

အဲ့ဒါကြောင့် မဖြစ်ရအောင်ပဲ #ကြိုတင်ကာကွယ် ကြရပါမယ်

- အပူရှောင်ပါ (အရိပ်ရသော၊ အေးမြသောနေရာများတွင်သာနေပါ)
- ရေများများသောက်ပါ (ရေကိုပုလင်းဖြင့် မှတ်မှတ်သားသား ဒီနေ့ (၃) ပုလင်းသောက်မယ် ဆိုပြီးသောက်ပါ၊ ရေဆာမှ၊အာခေါင်ခြောက်မှ မသောက်ပါနှင့်)
- ပြင်းထန်သောကိုယ်လက်လှုပ်ရှားမှုရှောင်ပါ (လက်လုပ်လက်စား အလုပ်သမားများအနေနဲ့မရှောင်လွှဲနိုင်သော်လည်း 👉 နေ့လည်ပိုင်း Gym သွားပြီး ပြင်းထန်သောလှုပ်ရှားမှုများ မလုပ်ကြပါနဲ့)

မရှောင်လွှဲနိုင်လို့အပြင်ထွက်ရလျှင်

- အင်္ကျီပွပွချောင်ချောင် ချည်ထည်များသာဝတ်ပါ၊
- အနက်ရောင်မဝတ်ပါနှင့် (ဝတ်ရဲကြမည်လည်း မထင်ပါ 😅)
- ထီးဆောင်းပါ
- အရိပ်ရသောနေရာများမှသာသွားပါ
- ရေများများပို၍သောက်ပါ (လမ်းတွင်ဆီးသွားချင်မည်ကိုမစိုးရိမ်ကြပါနှင့် ရေမသောက်ကဆီးမသွားနိုင်ပဲ ကျောက်ကပ်ပျက်တတ်ပါတယ်)
- လှုပ်ရှားမှုနည်းအောင်တတ်နိုင်သမျှ နေပါ

နေ့အချိန် အကာမရှိသောနေရာတွင်အလုပ်လုပ်ရသောလုပ်သားများအနေဖြင့်

- အင်္ကျီပွပွချောင်ချောင် ချည်ထည်များသာဝတ်ပါ၊
- အနက်ရောင်မဝတ်ပါနှင့်
- ရေအများကြီးသောက်ပါ (ဓာတ်ဆားရည်သောက်ပါ)
- အဆိုင်းခွဲပြီး နားချိန်ယူ၍အလုပ်လုပ်ပါ (အလုပ်ကြီးကြပ်သူများမှ သေသေချာချာစီစဉ်ပေးပါ) နားချိန်တွင် အရိပ်ကောင်းကောင်းရ၍အေးမြသောနေရာတွင်နားပါ
- ဆေးလိပ်မသောက်ပါနှင့်၊ အရက်မသောက်ပါနှင့်

👉👉👉
​😢 အရေပြားကြီးပူလောင်နေပြီး ချွေးမထွက်တော့လျှင်
😢 အာခေါင်တွေခြောက်ပြီး တံထွေးမထွက်တော့လျှင်
😢 မလှုပ်ရှားချင် နွမ်းနယ် နုံးချိကြွက်တက်လာလျှင်
😢 ခေါင်းအရမ်းကိုက်၊ မျက်စိပြာ သတိလစ်ချင်သလိုဖြစ်လာလျှင်
😢 အသက်ရှူကြပ်ပြီး မောလာလျှင်

ရေများများသောက်ပြီး နီးစပ်ရာ ဘေးမှလူများကိုအကူညီတောင်းပြီး နီးစပ်ရာဆေးရုံ၊ ဆေးခန်းသို့ အမြန်သွားကြပါ။

(Original post; May,2021 👉 https://www.facebook.com/104993831383029/posts/247223740493370/?d=n)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )