15/02/2026
#အရေးပေါ်တားဆေး_EmergencyPill
ဒီအချိန်ဆိုဒါပဲမျှဝေဖြစ်ပါတယ်
နောက် ၂-၃ လ လောက်ဆို ပြူးပြာပြာတွေနဲ့ ဆေးရုံ/ဆေးခန်းရောက်လာတတ်ကြလွန်းလို့
ဆန္ဒ ကို သိက္ခာနဲ့ထိန်း ဆိုတဲ့ စကားရှိပေမယ့် အခွင့်အရေးတွေပေးလာခဲ့တဲ့အခါ ဆန္ဒကို ထိန်းဖို့ရာ ခက်တတ်ကြပါတယ် အဲ့ဒါကြောင့် ဆန္ဒကို အစိဉာဏ်ပညာနဲ့ ထိန်းကြဖို့
သေသေချာချာ လေ့လာမှတ်သားကြပါ
ပြောစကား/ကြားစကားများကို နားမယောင်ပဲ တတ်သိသူများကို မေးမြန်းကြပါ
မေးမြန်းကြပါဆိုတာမှာ ဖြစ်ပျက်ပြီးမှ ဘယ်လိုလုပ်ငြမလဲ ဆိုတာထက် မဖြစ်ခင်ကြိုတင်ကာကွယ်ရေးနည်းလမ်းတွေ မှတ်သားလိုက်နာကြပါ
ခန္ဓာကိုယ်ရဲ့လိုအပ်ချက်ကို ဖြည့်ဆည်းဖို့ အချစ်ကိုကြားခံ အသုံးမချပါနဲ့ ချစ်တယ်ဆိုတာရဲ့နောက်မှာ တာဝန်ယူမှု တာဝန်ခံမှု ဆိုတာ ပါကိုပါရပါတယ်
FWB - Friend with benefits တွေ များနေတဲ့ ခေတ်အခါမှာ ကိုယ်တစ်ယောက်တည်း ဖိုးစွံ ဖြစ်နေတယ်လို့ မထင်ကြပါနဲ့ ရောဂါတွေက အများကြီးမို့ အထူးသတိပြုကြစေလိုပါတယ်
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ
Dr. ဘုန်းစည်သူလွင်
#အရေးပေါ်_ပဋိသန္ဓေတားခြင်း
အသုံးတွင်ကျယ်လာတဲ့ Emergency pills လို့ခေါ်တဲ့
(အရေးပေါ် ပဋိသန္ဓေတားဆေး)
တချို့ အသုံးအနှုန်းတွေ ရိုင်းခဲ့ရင် ကြိုပြီး တောင်းပန်ပါတယ် 🙏🙏🙏
( 18 plus တွေ ပြောတယ်ဆိုလည်း Phone ပေးကိုင် ထားတဲ့ ကလေးတွေက p**n site တွေ သူတို့ဟာသူတို့ ကြည့်တတ်နေကြပါပြီ)
Pre-marietal S*x အိမ်ထောင်မကျခင် အတူနေကြတာက အနောက်နိုင်ငံတွေမှာ မထူးတော့တာ ကြာခဲ့ပါပြီ၊ Globalisation ဖြစ်လာတဲ့ အခါ ကျွန်တော်တို့ မြန်မာနိုင်ငံမှာလည်း အဲ့ဒီအလေ့အထ ကူးစက်လာခဲ့ပါတယ်။
အနောက်နိုင်ငံတွေမှာ
- S*x Education ကို ကျောင်းမှာလည်းသင်သလို ၊
- အဖေက သားကို သင်ပေးပြီး၊
- အမေက သမီးကို သင်ပေးကြပါတယ်။
ကျွန်တော်တို့ဆီမှာက #ယဉ်ကျေးမှုအရ၊ #ဘာသာရေးအရကျောင်းစာထဲထည့်သင်ရင် ကန့်ကွက်ကြသလို၊ မောင်နဲ့ညီမ သားအမိကြား မသင့်တော်ဘူး ဆိုပြီး မိဘက သားသမီးကို သင်ပေးခဲပါတယ်
အဲ့တော့ ဘယ်ကတတ်လာကြလဲဆိုတော့ အချင်းချင်း တီးတိုးပြောကြတဲ့အတွေ့အကြုံတွေ၊ Online က ပေါက်ကရရေးထားတဲ့ စာတွေကနေ
#တလွဲ ***အတွေ့အကြုံတွေပဲရကြပါတယ်။
👉👉👉
လူငယ်ဘာဝ ချစ်ကြိုက်ကြပြီး ရင်
- သွေးသားဆန္ဒအရရော၊
- ပတ်ဝန်းကျင်က ပင့်မြှောက်ပေးလို့ရော
Pre-marietal S*x က အရမ်းကိုများနေပါပြီ
ကိစ္စပြီးသွားတဲ့ အခါကြမှ ခေါင်းထဲကို ဝင်လာကြတာက #ကိုယ်ဝန်ရှိသွားခဲ့ရင် ဆိုတာကြီးပါ။
အဲ့တော့ မိဘတွေလည်း မပြောရဲဆိုတော့ ၊ အတွေ့အကြုံရှိဘူးတဲ့ သူငယ်ချင်း၊အကို တွေကို ချဉ်းကပ်ကြပါတယ်။
အဲ့ဒီကနေ Emergency Pills (Emergency contraceptive pill) တွေသောက်ကြပါတယ်။
(Emergency contraceptive pill) ဆိုတာ ဘာဆေးလဲ ⁉️
လူတွေ ဖန်တီးထားတဲ့ အမျိုးသမီး Hormone ပါ (Levonorgestrel)
=> သားဥကြွေတာကို နောက်ဆုတ်ပေးလိုက်ခြင်းဖြင့် ကလေးမရအောင် ကာကွယ်ပေးပါတယ်
(ဆိုလိုတာက အခုအကြိမ်ကနေ ကလေးမရအောင် တားဆီးပေးတာပါ ၊ ဖြစ်တည်ပြီးသားကလေးကို မရှိတော့အောင် (abortion) မလုပ်နိုင်သလို နောက်အကြိမ်တွေ အတွက်လဲ အကျိုးမသက်ရောက်ပါဘူး)
👉👉👉
ဘာတွေဖြစ်နိုင်လဲ ဆေးသောက်ရင်။
Hormone High Dose ဖြစ်တဲ့ အတွက်
- ခေါင်းကိုက်တတ်ပါတယ်
- ဗိုက်နာတတ်ပါတယ်
- ပျို့၊ အန်နိုင်ပါတယ် (ဆေးသောက်ပြီး ၂ နာရီ အတွင်းအန်ပါက ဆေးထပ်သောက်ရန် လိုမလို ဆရာဝန်ပြသရန်လိုပါတယ်)
👉👉👉
အရေးကြီးတာပြောချင်ပါတယ် နာမည်ကိုက Emergency Pill ပါ။ (မလွဲသာမရှောင်သာ လို့အတူနေမိတဲ့ အခါ သောက်ဖို့ပါ)
- အတူနေပြီးတိုင်း သောက်ရတဲ့ ဆေးမဟုတ်ပါဘူး
- တစ်လ ကို တစ်ကြိမ်ထက်ပို မသုံးရပါဘူး
- အတူနေတဲ့ အကြိမ်များရင် ပုံမှန် ပဋိသန္ဓေတားဆေးတွေ သောက်ရပါမယ်
Emergency Pill မှာ levonorgestrel (progesterone ) က 1.5 mg (1500 microgram) ပါပါတယ်။
တစ်လသောက်တဲ့ ဆေးကဒ် ကိုယ်ဝန်တားဆေးမှာ Desogestrel (progesterone) က 0.075 mg (75 microgram ) ပဲပါပါတယ်။
အဆ (၂၀) ကွာပါတယ်၊ ဆေးတစ်ကြိမ်သောက်ခြင်းဟာ သူများ ဆေးတစ်ကဒ်လုံး တစ်ခါထဲ သောက်သလိုဖြစ်တဲ့ အတွက် ဆေးပမာဏ အရမ်းများကြောင်းယှဉ်ပြတာပါ။
👉👉👉
ခဏခဏ သုံးရင်ဘာဖြစ်လဲ !!!
သွေးသားတွေပြောင်းလဲလာမှာပေါ့
ဆေးပမာဏအများကြီး (တစ်လစာပမာဏကို) ခဏခဏ သုံးတဲ့ အတွက် ရင်သားအကျိတ်တွေ၊ သားအိမ်၊ မျိုးဥအိမ် ပြဿနာတွေ ကြုံလာရနိုင်ပါတယ်။
အရေးပေါ် တစ်လ တစ်ကြိမ်လောက်က ပြဿနာ မရှိပေမယ့် (ကျွန်တော် စိတ်မကောင်းကြီးစွာ ကြားနေရတာက တစ်ခါနေတိုင်း တစ်ခါသောက်တယ်)
တစ်လ ဘယ်နကြိမ်တွေ့ကြလဲ တော့ မသိပါဘူး (ခဏခဏ) တွေ့ဖြစ်ကြရင်။
👉👉👉
ဒီနေ့ပေးတဲ့ Knowledge ကတော့
👌 Emergency pill ဆိုတာ မလွဲသာမရှောင်သာအရေးပေါ်ကိစ္စမှာပဲ သုံးရပါတယ်
👌 တစ်လ တစ်ကြိမ်လောက်ပဲ သုံးသင့်ပါတယ်
👌 အတူနေပြီးတိုင်းသောက်ရတဲ့ဆေးမဟုတ်ပါဘူး
👌 ခဏခဏ တွေ့ဖြစ်တယ်ဆိုရင် တခြားနည်းလမ်းတွေ ရှိပါတယ်။ (ဘာမှမသုံးကြရင်တော့ တွေ့ရမယ့် ဒုက္ခက သတ်သတ်ရှိပါတယ်)
ကျွန်တော်စာကို
- အမျိုးသမီး ကဖတ်မိရင်လည်း ကောင်လေးကို သေချာရှင်းပြပါ
- အမျိုးသားက ဖတ်မိရင်လည်း ကောင်မလေး ရဲ့ကျန်းမာရေးကို အလေးထားပါ
___________
(Family Planning) => သားဆက်ခြားကျန်းမာရေး Contraceptation လို့ခေါ်ပါတယ်။
#သားဆက်ခြားကျန်းမာရေး ရဲ့ ***အရေးကြီးတဲ့ အချက်က
၁။ မိဘများ #အဆင်သင့်မဖြစ်သေးတဲ့ အချိန်မှာ ရတနာအရိုင်းတုံးလေးတွေ မဖြစ်တည်လာရေးနဲ့
၂။ မိဘများ #အဆင်သင့်ဖြစ်တဲ့ အချိန်မှာ ရတနာအရိုင်းတုံးလေးတွေ အလွယ်တကူ ရရှိလာရေး
၃။ မလိုလားအပ်တဲ့ ကိုယ်ဝန်ဆောင် မှုခင်းဖြစ်ပေါ်မလာရေး
၄။ မိခင် နှင့် ကလေး သေနှုန်းလျှော့ချနိုင်ရေး တို့ဖြစ်ပါတယ်
👉👉👉
အဲ့ဒီ အချက်တွေအားလုံးက ဆက်စပ်နေပါတယ်။
Contraceptive measure တွေကို စနစ်တကျ မသုံးတဲ့ အတွက်
- Unwanted pregnancy တွေဖြစ်လာတယ်
- Criminal abortion တွေ လုပ်ကြတယ်
- မိခင်နဲ့ ကလေး သေဆုံးနှုန်းတတ်လာတယ်
- တကယ်လိုချင်တဲ့ အချိန်ရောက်တော့ ဆေးတွေတလွဲ သုံးလာတဲ့ အတွက် ကလေးမရနိုင်ကြတော့ပါဘူး
အဲ့လိုတွေ မဖြစ်စေချင်လို့
နီးစပ်ရာတွေမှ တဆင့် လူထုထဲ အသိပညာရစေဖို့ တင်ပြလိုက်ပါတယ်။
#ပန်းကလေးများ_အချိန်တန်မှပွင့်စေချင်ပြီး
#ပွင့်သောပန်းတိုင်းလန်းစေချင်ပါတယ်
ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်
#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။
