What are the opening hours?

Monday 08:00 - 19:30 Tuesday 08:00 - 19:30 Wednesday 08:00 - 19:30 Thursday 08:00 - 19:30 Friday 08:00 - 19:30 Saturday 08:00 - 19:30 Sunday 08:00 - 19:30

https://www.facebook.com/105646891994686/

Aung Zabu Clinic, Ba Yint Naung Street, Yangon (2025)

01/01/2023

2023 နှစ်သစ်မှာ မိဘပြည်သူအပေါင်း စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံကြပီး စီးပွါးဥစ္စာ ဒီရေ အလား တိုးတက် အောင်မြင် ပျော်ရွှင်နိုင်ကြပါစေလို့ အောင်ဇမ္ဗူမိသားစုမှ ဆုတောင်း မေတ္တာ ပို့သအပ်ပါတယ်ရှင့်

25/12/2022

ခရစ်စမတ်အချိန်ခါ အခါသမယဝယ် မိဘပြည်သူအပေါင်း ကိုယ်စိတ်နှစ်ဖြာ ကျန်းမာပျော်ရွှင်ကြပါစေလို့ အောင်ဇမ္ဗူမိသားစုမှ ဆုမွန်ကောင်းတောင်းအပ်ပါတယ်ရှင်….

05/12/2022

👂🙉
နားကိုက်ခြင်း၊ နားအူခြင်း၊ နားထဲရေဝင်ခြင်း
လည်ပင်း သိုင်းရွိုက်အကျိတ် ကြီးခြင်း တို့အတွက် နား၊ နှာခေါင်း ၊ လည်ချောင်း အထူးကုဆရာဝန်ကြီးမှ နေ့စဉ် မနက် ၉ နာရီ မှ ၁၁ နာရီအထိ ကြည့်ရှု ကုသပေးလျက်ရှိပါတယ်ရှင့်….

☎️ 09 440 444 912, 09 770 434 998
အမှတ် - ၄၂(အေ) ဘုရင့်နောင်လမ်းမကြီး၊ ရန်ကုန်သစ်ရပ်ကွက်၊ သင်္ဃန်းကျွန်းမြို့နယ်။

Photo Credit - Pinterest

07/11/2022

🎇🎇🎇

တန်ဆောင်မုန်းလပြည့် ( သာမညဖလအခါတော်နေ့ ) နေ့အခါသမယတွင် လူ၊ နတ်၊ ဗြဟ္မာ၊ ခုနစ်ရက်သားသမီးအပေါင်း စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံကြပြီးကောင်းကျိုးလိုရာဆန္ဒများ ပြည့်ဝကြပါစေကြောင်း အောင်ဇမ္ဗူအထွေထွေရောဂါကုဆေးခန်းမိသားစုမှ ဆုတောင်းမေတ္တာပို့သအပ်ပါသည်။
🙏🙏🙏🏻

သာမညဖလ၏ အဓိပ္ပါယ်
————————————-
ဘုရားရှင်သည် အဇာတသတ်မင်းအား တန်ဆောင်မုန်းလပြည့်နေ့တွင် သာမညဖလသုတ္တန်တရားကို ဟောကြားတော်မူသောကြောင့် တန်ဆောင်မုန်းလပြည့်နေ့ကို သာမညဖလအခါတော်နေ့အဖြစ် သတ်မှတ်ကျင်းပခဲ့ကြလေသည်။

သာမညဖလ ၏ အဓိပ္ပာယ်မှာ ရဟန်းပြုရခြင်း၏အကျိုး ဟု အဓိပ္ပာယ်ရသည်။ရဟန်းပြုခြင်း၏အကျိုးကို ဟောကြားသောနေ့ဖြစ်ခြင်းကြောင့် တန်ဆောင်မုန်းလပြည့်နေ့ကို သံဃာတော်များနေ့ဟု ခေါ်ဆိုလျှင်လည်း ရနိုင်သည်။

မြန်မာ့ရိုးရာ ဆယ့်နှစ်လရာသီပွဲတော်များ အနက် တန်ဆောင်မုန်းလတွင် ပြုလုပ်ကျင်းပလေ့ရှိသောပွဲတော်များသည်

- တန်ဆောင်တိုင် မီးထွန်းပွဲတော်၊
- ကထိန်သင်္ကန်း အလှူပွဲတော်၊
- မသိုးသင်္ကန်း ရက်လုပ်ပွဲတော်၊
- မဲဇလီဖူးသုပ် ဝေငှသောပွဲတော်၊
- ကျီးမနိုး ပွဲတော်၊
- သာမညဖလအခါတော်နေ့ ပွဲတော်များ
ဟူ၍ ခုနှစ်မျိုးခန့်ရှိသဖြင့် တန်ဆောင်မုန်းလသည် ရိုးရာပွဲတော် အများဆုံးလဟု ဆိုရပေတော့မည်။

မြတ်စွာဘုရားရှင်က အဇာတသတ်မင်းအား တန်ဆောင်မုန်းလပြည့်နေ့တွင် သာမညဖလသုတ္တန်တရားကို ဟောကြားတော်မူသည်ကို
အကြောင်းပြု၍ တန်ဆောင်မုန်လပြည့်နေ့၌သာမညဖလအခါတော်နေ့ အထိမ်းအမှတ် ကျင်းပရခြင်း ဖြစ်ပါသည်။

(၁) သာမညဖလဆိုသည်မှာ ရဟန်းပြုရခြင်း၏အကျိုးဟု အဓိပ္ပါယ်ရပါသည်။

(၂) ရဟန်းပြုရခြင်း၏ အကျိုးကို ဟောကြားသောနေ့ဖြစ်၍ တန်ဆောင်မုန်းလပြည့်နေ့ကို သံဃာတော်များနေ့ဟု ခေါ်ဆိုနိုင်ပါသည်။

(၃) သာမညဖလသုတ်သည် ဒီဃနိကာယ် သီလက္ခန္ဓဝဂ္ဂ ပါဠိတော်၌ လာရှိပါသည်။

(၄) သာမညဖလသုတ်သည် ရဟန်းသံဃာတော်များအဖို့ ကြေးမုံမှန်ချပ်ကြီးသဖွယ် ဖြစ်၍ ကိုယ်ကျင့်သီလ ရှိသည် ၊မရှိသည်ကို ဤသုတ်ဖြင့် ထင်ဟပ်စေနိုင်ပါသည်။

(၅) သာမညဖလသုတ်သည် လူဒါယကာများအဖို့ ပြဒါးချိန်ကြီး သဖွယ်ဖြစ်၍ မိမိတို့ ကိုးကွယ်နေသော ဆရာသမားများ၏ ကျင့်ကြံမှု ဟုတ်မဟုတ်၊မှန်မမှန်ကို ဤသုတ္တန်ဖြင့် ချိန်ကိုက်ကြည့်နိုင်ပါသည်။

(၆) အဇာတသတ်မင်းသားသည် ဒေဝဒတ်ကို ဆရာတင်မိ၍ အပေါင်းမှားပြီး ဖခင်ဖြစ်သူ ဗိမ္ဗိသာရမင်းကြီးကို သတ်မိသောကြောင့်ကံကြီးထိုက်ပြီး အိပ်မပျော်သောဝေဒနာ စွဲကပ်ခဲ့ပါသည်။

(၇) ယင်းဝေဒနာကို ကုစားရင်း အမတ်များ၏အကြံပြုချက်အရ တိတ္ထိဆရာကြီး ၆-ယောက်ထံသွားရောက်ပြီး ရဟန်းပြုခြင်း၏အကျိုး
(သာမညဖလ)ကို စုံစမ်းမေးမြန်းရာ ကျေနပ်သောအဖြေကို မရရှိခဲ့ပါ။

(၈) နောက်ဆုံး သမားတော်ကြီးဇီဝက၏ အကြံပြုချက်အရ ရာဇဂြိုဟ်မြို့အနီး ဆရာဇီဝကလှူထားသောသရက်ဥယျာဉ်တော၌ သီတင်းသုံးလျက်ရှိသော မြတ်စွာဘုရားထံသို့ သွားရောက်ပြီး၊ လျှောက်ထားသောအခါမှ သူသိလိုသော ရဟန်းပြုခြင်း၏အကျိုး(သာမညဖလ)ကို သိရှိရပါတော့သည်။

(၉) အဇာတသတ်မင်းသည် သာမညဖလသုတ်တရားတော်ကို ကြားနာရသည့်အချိန်မှ စ၍ ဗုဒ္ဓသာသနာတော်ကို သက်ဝင်ယုံကြည်လာပြီး ပုထုဇဉ်များထဲမှ ရတနာသုံးပါးကို အကြည်ညိုဆုံးပုဂ္ဂိုလ်တစ်ဦး ဖြစ်လာပါသည်။

(၁၀) အဇာတသတ်မင်းသည် သာမညဖလသုတ်တရားတော်ကို ကြားနာရ၍ သူ၏အပြစ်ကို ကုစားခဲ့သောကြောင့် အပြစ်ကြီးလေးသော မဟာအဝီစိငရဲတွင် မကျတော့ဘဲ၊အပြစ်ဒဏ်ပေါ့သော လောဟကုမ္ဘီငရဲ၌သာ ကျရောက်ပြီး နောင်သောအခါ ဝိဇိတာဝီ မည်သော ပစ္စေကဗုဒ္ဓါဖြစ်၍ ကျွတ်တမ်းဝင်ရပါလိမ့်မည်။

(၁၁) အဇာတသတ်မင်းတရားသည်
-ပထမသင်္ဂါယနာတင် ဒါယကာအဖြစ်ခံယူခဲ့ခြင်း၊
-မြတ်စွာဘုရား၏ ဓာတ်တော်များကို စုဆောင်း
သိမ်းဆည်း၍ ဓာတ်တော်တိုက်ကြီး တည်ထားခဲ့ခြင်း၊
-ဗုဒ္ဓသာသနာနှစ်ကို အတိအကျသတ်မှတ်ခဲ့ခြင်း၊ သာသနာပြုလုပ်ငန်းကြီးသုံးရပ်ကို လုပ်ဆောင်သွားခဲ့သည်မှာ ဗုဒ္ဓဘာသာဝင်များအတွက်
ကျေးဇူးကြီးလှပါပေသည်။

(၁၂) ပိဋကတ်တော်များကို မပျက်စီးရအောင် သင်္ဂါယနာအဆက်ဆက်တင်၍ ယနေ့တိုင်အောင်ထိန်းသိမ်းထားနိုင်ခြင်းမှာ အဇာတသတ်မင်း၏ ကျေးဇူးဟု ဆိုထိုက်ပါပေသည်။

(၁၃) အဇာတသတ်မင်း စုဆောင်းထားသောဓာတ်တော် များကို ရှာဖွေ၍ သီရိဓမ္မာသောက မင်းကြီးက စေတီပေါင်း ရှစ်သောင်းလေးထောင်တည်ထား၍ သာသနာပြုခဲ့သောကြောင့် နှောင်းခေတ်ဗုဒ္ဓဘာသာဝင်တို့ ဖူးမြော်ခွင့် ရရှိနေကြခြင်း ဖြစ်ပါသည်။

(၁၄) ဗုဒ္ဓဘာသာဝင်တို့ သာသနာနှစ်ကို အတိအကျ သုံးစွဲခွင့်ရရှိနေသည်မှာ အဇာတသတ်မင်း၏ကျေးဇူး၊ သာမညဖလသုတ်၏ အကျိုးဆက်ဟု ဆိုထိုက်ပါသည်။

#တန်ဆောင်မုန်းလပြည့်

Ref: အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ မဟာသဒ္ဓမ္မဇောတိကဓဇ ဘဒ္ဒန္တပညာသာမိ(မာဂဓီ-သာစည်)
ဆရာတော်ဘုရားကြီး၏ အခါတော်နေ့များ- စာမျက်နှာ ၁၇၅ မှ #အသိသတိဓမ္မစာပေ

02/11/2022

♦️လူတွေရဲ့ အကြီးဆုံးကိုယ်ခန္ဓာအစိတ်အပိုင်းဟာ “အရေပြား” ဖြစ်ပါတယ်။ ဦးရေပြားကစပြီး မျက်နှာ၊ လည်ပင်းနဲ့ ခန္ဓာကိုယ်တစ်ခုလုံးကို အရေပြားနဲ့ ဖုံးအုပ်ထားတာ ဖြစ်ပါတယ်။ အရေပြားဟာ ခန္ဓာကိုယ်ရဲ့ အပေါ်ဆုံးအလွှာဖြစ်တာကြောင့် နေ့စဉ်နဲ့အမျှ ပြင်ပအရာမျိုးစုံနဲ့ ထိတွေ့နေရတဲ့အပြင် ခန္ဓာကိုယ်ကို ရာသီဥတုဒဏ်တွေ၊ ထိခိုက်မှုဒဏ်တွေကနေလည်း ကာကွယ်ပေးထားပါသေးတယ်။

♦️လူတော်တော်များများ ကြုံတွေ့ရတဲ့
✔️ဝက်ခြံပြဿနာ
✔️အရေပြား နေလောင် အကွက်များ
✔️ရေယုန်၊ရေကျောက်လိုမျိုး ဗိုင်းရပ်စ်ကတဆင့် ဖြစ်ပွားတတ်တဲ့ အရေပြားရောဂါများ
✔️ပွေး ၊ဝဲ၊ ညှင်း၊ နှင်းခူ ယားနာပြဿနာများ
✔️ကာလသားရောဂါ ပြဿနာများ
✔️ဆံပင်ဆေးဆိုးမိ၍ ဆိုးဆေးနဲ့ မတည့်ပဲ ဦးခေါင်းခွံယားနာများ
✔️ဓါတ်မတည့်လို့ အရေပြားယားယံရောါများ အစရှိသည်တို့ကို ကျွမ်းကျင်သော အရေပြားအထူးကုဆရာဝန်ကြီးများနှင့်တိုင်ပင်ဆွေးနွေးပြသသင့်ပါတယ်။

✅ ဒီလို ခန္ဓာကိုယ်အတွက် အရေးကြီးလှတဲ့ အရေပြားကို ဂရုတစိုက် ထိန်းသိမ်းနိုင်ဖို့အတွက် အောင်ဇမ္ဗူဆေးခန်းမှ အရေပြားအထူးကုဆရာဝန်ကြီးနှင့် ဆွေးနွေးပြသနိုင်ပါသည်ရှင့်..

For more information
☎️ 09 440 444 912, 09 770 434 998
🏣 အမှတ် -၄၂ (အေ) ၊ ဘုရင့်နောင်လမ်း၊ ရန်ကုန်သစ်ရပ်ကွက်၊ သင်္ဃန်းကျွန်းမြို့နယ်၊ ရန်ကုန်မြို့။

#ရန်ကုန်သစ် #သုဝဏ္ဏ #သင်္ဃန်းကျွန်း

28/10/2022

♦️Depression (စိတ်ကျရောဂါ) ရတာဟာ ရှက်စရာမဟုတ်ပါ။
စီးပွါးရေး ၊ လူမှုရေး စသဖြင့် အခက်အခဲ မျိုးစုံနှင့် ရင်ဆိုင်ဖြေရှင်းနေရသူတွေအဖို့ စိတ်ဓါတ်ကျခြင်း၊ ဖြေရှင်းစရာနည်းလမ်းတွေ ရှာမတွေ့တော့ခြင်းတွေ ဖြစ်လေ့ရှိပါတယ်။

♦️တခါတရံ မိိမိကိုယ်ကို စ်ိတ်ဓါတ်ကျလို့ ကျမှန်းမသိပဲ ဖြစ်နေတတ်ပါတယ်။ ပြဿနာ အခက်အခဲတွေကို တစ်ယောက်တည်း ရင်ဆိုင်ဖြေရှင်းရင်းက ကိုယ်ဖြေရှင်းနိုင်စွမ်းထက်ကျော်လွန်လာတဲ့အခါ စိတ်ဓါတ်ကျခြင်း၊ ကိုယ့်ကိုကိုယ် အသုံးမကျဘူးဆိုပီး အတွေးများဝင်လာခြင်း၊ ရှေ့ဆက်ဖို့ လမ်းစ ရှာ မရဖြစ်ခြင်းတွေ ဖြစ်လာတတ်ပါတယ်။

♦️စိတ်ဓါတ်ကျတာ သိပ်ဆိုးရွားလာတဲ့အခါ ခဏခဏဦးတည်လာတာက suicidal tendency (ကိုယ့်ကိုကိုယ် အဆုံးစီရင်မှု )ပါပဲ။ဒီလောကကနေ ကိုယ်ပျောက်ကွယ်သွားဖို့ဆန္ဒရှိတယ်။သေခြင်းကလွဲပြီး ဒါဟာမဖြစ်နိုင်တော့ သေခြင်းကိုပဲရွေးကြတယ်။သေရမှာကြောက်တာထက် ရှင်ရမှာပိုကြောက်လာတယ်။

♦️စိတ်ဓါတ်ကျ နေတဲ့လူဟာ ငါ စိတ်ဓါတ်ကျ ၊ စိတ်ကျရောဂါရနေပါတယ်လို့ ဖွင့်ပြောဖို့အင်မတန်ခက်ခဲတတ်ပါတယ်။သူ့မှာ နဂိုကတည်းက မိမိကိုယ်ကို အသုံးမကျဘူးဟု ထင်နေခြင်း၊ ရှေ့ဆက်ဖို့ မျှော်လင့်ချက်တွေ မရှိတော့ခြင်းတွေ ရှိနေတတ်ပါတယ်။
ဒါကို တိုက်ထုတ်ဖို့သူ့မှာအကြိမ်ကြိမ်လဲပြိုလိုက် အောင်မြင်မလိုရှိလိုက် ထပ်လဲကျလိုက်နဲ့တစ်ယောက်တည်း တိတ်တဆိတ်တိုက်ပွဲဝင်နေရတတ်တာမျိုးဖြစ်ပါတယ်။

✅မိမိကိုယ်ကို စိတ်ဓါတ်ကျနေပီလို့ စတင်သတိထားမိချိန်ကစလို့ အတတ်နိုင်ဆုံး ကိုယ့်ရဲ့ စိတ်တွေကို ကြိုးစားထိန်းချုပ်ကြည့်ပါ။
✅အရင်းနှီးဆုံးသူတွေကို ဖွင့်ဟ တိုင်ပင်ပါ။
✅ပြောဆို ဆွေးနွေးပါ။
✅လိုအပ်လျှင် လိုအပ်သော ဆေးဝါး အကူအညီ ရယူဖို့ စိတ်ကျန်းမာရေး ဆရာဝန်ကြီး များနှင့် တိုင်ပင်ဆွေးနွေးပါ။

💜💜အခက်အခဲကနေ လွတ်မြောက်ဖို့အတွက် ရုန်းထွက်နိုင်ဖို့အတွက် Counseling section များရယူဆွေးနွေးပြီး စိတ်ကူးအကြံဥာဏ်အသစ်များ၊ လိုအပ်သော ဆေးဝါးများရယူပြီး စိတ်သစ်လူသစ်ဖြစ်အောင် ကြိုးစားအားထုတ်သင့်ပါတယ်။

⛑️အောင်ဇမ္ဗူအထွေအထွေရောဂါကုဆေးခန်းမှ စိတ်ကျန်းမာရေးဆရာဝန်ကြီးဖြင့် မိမိ တွေ့ကြုံနေရတဲ့ စိတ်ဖိစီးမှုများကို ပြောဆိုတိုင်ပင်ဆွေးနွေးနိုင်ပါသည်။

For more information
☎️ 09 440 444 912, 09 770 434 998
🏣 အမှတ် -၄၂ (အေ) ၊ ဘုရင့်နောင်လမ်း၊ ရန်ကုန်သစ်ရပ်ကွက်၊ သင်္ဃန်းကျွန်းမြို့နယ်၊ ရန်ကုန်မြို့။

#ရန်ကုန်သစ် #သုဝဏ္ဏ #သင်္ဃန်းကျွန်း

23/10/2022

Counseling & Psychiatrist

☑️လူတိုင်းကျန်းမာဖို့ ဆိုတာ ခန္ဓာကိုယ်ပဲ ကျန်းမာနေလို့မရသလို စိတ်ကျန်းမာဖို့လဲ လိုအပ်ပါတယ်။နေ့စဉ် စားဝတ်နေရေးအတွက် ရုန်းကန်လှုပ်ရှားနေရတဲ့ဘဝမှာ စိတ်ကျန်းမာရေးသည်လဲ အရေးကြီးပါတယ်။

☑️စိတ်မကျန်းမာဖြစ်လာတဲ့အခါ၊ စိတ်ဖိစိမှုများလာတဲ့အခါ ခန္ဓာကိုယ်ပါ အလိုလျောက် အားနည်းလာပီး နေ့စဉ်လူမှုဘဝ ထိခိုက်လာနိုင်ပါတယ်။ညဘက် အိပ်မပျော်ခြင်း၊အမြဲ စိုးရိမ်ကြောင့်ကျမှုဖြစ်နေခြင်းတွေက စိတ်ကျန်းမာရေးကို ဖြည်းဖြည်းခြင်းထိခိုက်လာနိုင်ပါတယ်။

☑️ဒါကြောင့် ကိုယ့်စိတ်မကျန်းမာတဲ့အခါ စိတ်ရောကိုယ်ပါ ခဏတာ အနားပေးခြင်းဖြင့် အတွေးသစ် စိတ်ကူးအသစ်တွေကိုပြန်လည်ပုံဖော်ယူပြီး ရှေ့ဆက်ဖို့ ကြိုးစားအားထုတ်ရပါမယ်။

☑️တခါတရံ မိမိကိုယ်ကို ပြန်လည်တည်ဆောက်ဖို့ ခက်ခဲနေသူတွေအဖို့ စိတ်ကျန်းမာရေး ဆရာဝန်ကြီးများနှင့် တွေ့ဆုံ ဆွေးနွေးခြင်းဖြင့် စိတ်သစ်လူသစ်ဖြစ်အောင်၊ စ်ိတ်ကူးအကြံဥာဏ်အသစ်များ ရရှိအောင်ပြုလုပ်နိုင်ပါတယ်။လိုအပ်တဲ့ အကြံ ဥာဏ်များရယူခြင်း၊ လိုအပ်သော ဆေးဝါးများ ကူညီသုံးစွဲခြင်းဖြင့် စိတ်ကျန်းမာရေးကို ဂရုစိုက်သင့်ပါတယ်။

⛑️အောင်ဇမ္ဗူအထွေအထွေရောဂါကုဆေးခန်းမှ စိတ်ကျန်းမာရေးဆရာဝန်ကြီးဖြင့် မိမိ တွေ့ကြုံနေရတဲ့ စိတ်ဖိစီးမှုများကို ပြောဆိုတိုင်ပင်ဆွေးနွေးနိုင်ပါသည်။

‼️မူးယစ်ဆေးစွဲခြင်း၊ အရက်ဖြတ်ခြင်း တို့အတွက်လဲ စိတ်ကျန်းမာရေးဆရာဝန်ကြီးနှင့် တိုင်ပင်ဆွေးနွေးနိုင်ပါသည်။

For more information
☎️ 09 440 444 912, 09 770 434 998

🏣 အမှတ် -၄၂ (အေ) ၊ ဘုရင့်နောင်လမ်း၊ ရန်ကုန်သစ်ရပ်ကွက်၊ သင်္ဃန်းကျွန်းမြို့နယ်၊ ရန်ကုန်မြို့။

#ရန်ကုန်သစ် #သုဝဏ္ဏ #သင်္ဃန်းကျွန်း

09/10/2022

🤰ကိုယ်ဝန်ဆောင်မေမေတို့အတွက်🤰

♥️ကိုယ်ဝန်ဆောင်မိခင်လောင်းများ အခြေခံသွေးစစ်ဆေးခြင်း၊ ဆီးစစ်ဆေးခြင်း နှင့် အယ်လ်ထရာဆောင်း(USG) ရိုက်ခြင်းတို့ကို အောင်ဇမ္ဗူအထွေထွေရောဂါကုဆေးခန်းတွင် ချိုသာသောစျေးနှုန်းဖြင့် Basci AN Care Package ဝန်ဆောင်မှုကို ရယူနိုင်ပါသည်။

♥️Package အတွက် စုစုပေါင်း 78500ကျပ်သာ ကုန်ကျမည်ဖြစ်ပြီး ပါဝင်သောအမျိုးအစားများမှာ

- CP (auto) with blood film
- Infection screening (B,C,R,VDRL) (ရောဂါပိုးလေးမျိုး စစ်ဆေးခြင်း)
- Blood group & Rh (သွေးအုပ်စု အမျိုးအစား စစ်ဆေးခြင်း)
- RBS (ဆီးချို စစ်ဆေးခြင်း)
- Urine RE (ဆီးစစ်ဆေးခြင်း)
- USG (အယ်လ်ထရာဆောင်း နှစ်ကြိမ် ရိုက်ပေးခြင်း)
- BMI တွက်ပေးခြင်းနှင့် သွေးပေါင်ချိန်တိုင်းတာပေးခြင်း
- ဆရာဝန်နှင့် အခမဲ့ တစ်ကြိမ် တိုင်ပင်ဆွေးနွေးခြင်း တို့ဖြစ်ပါတယ်ရှင်။

For More Information
☎️09 440 444 912, 09 770 434 998

🏣အမှတ် ၄၂-အေ၊ ဘုရင့်နောင်လမ်း ၊ ရန်ကုန်သစ်ရပ်ကွက် ၊ သင်္ဃန်းကျွန်းမြို့နယ်။

#ကိုယ်ဝန်ဆောင် #ကိုယ်ဝန်ဆောင်မိခင်
#သားဖွားမီးယပ်

09/10/2022

🎇 ဝါလကင်းလွတ် သီတင်းကျွတ် 🎇

ယနေ့မြန်မာသက္ကရာဇ် (၁၃၈၄)ခုနှစ်သီတင်းကျွတ်လပြည့်(အဘိဓမ္မာနေ့) သည် ဗုဒ္ဓဘာသာဝင်တို့၏ အထွတ်အမြတ်ထားရာ နေ့ထူးနေ့မြတ်ဖြစ်ပါသည်။

သီတင်းကျွတ်အချိန်အခါသမယမှ စ၍ မိဘပြည်သူအပေါင်း ကိုယ်စိတ်နှစ်ဖြာ ကျန်းမာစွာဖြင့် စီးပွားလာဘ်လာဘများပေါများကာ ရောဂါဘယကင်းဝေး၍ စိတ်၏ချမ်းသာခြင်း ကိုယ်၏ ကျန်းမာ ခြင်းနှင့်ပြည့်စုံကြပါစေလို့ အောင်ဇမ္ဗူ အထွေထွေရောဂါကုဆေးခန်း မိသားစုမှ ဆုမွန်ကောင်းတောင်းပေးလိုက်ပါတယ်ရှင့်..

🎆🎆🎆

17/09/2022

#နားမှိုစွဲခြင်း

အခုလို စိုထိုင်းစ များတဲ့ ရာသီဥတုမှာ နားမှိုစွဲခြင်း ရောဂါဟာ ဖြစ်ပွါးနှုန်းများလေ့ရှိပါတယ်။

🔷နားမှိုစွဲခြင်းဆိုတာ ဘာလဲ ?
🦻နားထဲတွင် မှိုပိုးပေါက်ရာမှ ဖြစ်ပေါ်လာတဲ့ ရောဂါဖြစ်ပါတယ်။

🔷နားမှိုစွဲရင် ဘယ်လိုတွေ ခံစားရမလဲ ?
👂အရင်ဆုံး နားယား နားကိုက် နားအူခြင်း များ ခံစားရလာရမယ်
👂နားထဲကနေ ဖြူဖြူ သို့မဟုတ် မဲမဲ အရည်တွေ မကြာခဏထွက်လာ တတ်ပီး နားအတွင်းကိုကြည့်လိုက်ရင် အဖြူအဖတ်များ တွေ့ရတတ်ပါတယ်။
👂နားအုံ ခြင်း၊ နားပိတ်ခြင်းများ သိသိသာသာ ခံစား လာရမယ်။

🔺နားမှိုစွဲခြင်းဖြစ်လာပါက

👉ဆရာဝန်ညွှန်ကြားသည့် နားဆေးရည်ထည့်ရန်၊သောက်ဆေးသောက်ရန် လိုအပ်ပါတယ်။

👉လိုအပ်ပါက နားအတွင်း၊ နားအထဲကို မှန်ဘီလူးဖြင့်ကြည့်၍ စက်နှင့် စုပ်ကာ သန့်ရှင်းရေးလုပ်ရန်လိုအပ်ပါတယ်။

🚩နားမှိုစွဲခြင်းကို ဘယ်လို ကာကွယ်ကြမလဲ ?

🙅နားထဲရေမဝင်အောင် အထူးဂရုစိုက်ရပါမယ်။

🙅နားထဲ ဆီ၊ရေ၊ဆေးရည်များ မလိုအပ်ပဲ ဆရာဝန်ညွှန်ကြားချက်မပါပဲ မထည့်သင့်ပါ။

🙅နားကို မသန့်ရှင်းသော ပစ္စည်းများ ၊လက်နှင့် နှိုက်ခြင်းများ အထူးရှောင်ရှားရပါတယ်။

☀️☀️☀️နားမှိုစွဲခြင်းဟာ ရေရှည်မှာ နားအကြားအာရုံကို ထိခိုက်လာစေနိုင်တဲ့အတွက် အထူးဂရုပြုရန် လိုအပ်ပါတယ်။

အောင်ဇမ္ဗူအထွေအထွေရောဂါကု ဆေးခန်းတွင် နားမှိုစွဲရောဂါအား ကျွမ်းကျင်သော နား၊ နှာခေါင်း၊ လည်ချောင်း အထူးကု ဆရာဝန်များ နှင့် ဆွေးနွေးပြသ၊ ကုသ နိုင်ပါသည်။

အမှတ် ၄၂-အေ၊ ဘုရင့်နောင်လမ်း ၊ ရန်ကုန်သစ်ရပ်ကွက် ၊ သင်္ဃန်းကျွန်းမြို့နယ်။

☎️09 440 444 912, 09 770 434 998

#နားမှိုစွဲခြင်း
#နားနှာခေါင်းလည်ချောင်း

14/09/2022

‼️တကျော့ပြန် ကိုဗစ် အထူးသတိ

ခု မြန်မာပြည်မှာ စဖြစ်နေပြီဖြစ်တဲ့
ကိုဗစ် BA.5 ရဲ့ လက္ခဏာတွေ လေ့လာမိသလောက်..
လူနာဟာ....

🦠ရင်ခေါင်းရောင် ခြင်း
- အပူနာဖြစ်၍
- ညပိုင်းမှာ ဗိုက်အောင့်ဗိုက်ရစ်ဖြစ်ပြီး ဝမ်းစသွားပါ့မယ်။

🦠လည်ပင်းစနာလာတယ်၊ ရင်ခေါင်းထဲမှာ တစ်ဆို့ကြီး ဖြစ်နေမယ်၊ အဓိက ချွဲတွေစပိတ်လာမယ်၊
- အဲဒီအချိန် တချို့မှာ အသက်ရှူကြပ်တဲ့ လက္ခဏာတွေ စပြလာမယ်၊ SpO2 တိုင်းပြီး အောက်စီဂျင် သွေးတွင်းပမာဏကို စောင့်ကြည့်နေရမယ်၊
- ထိုင်းမှိုင်းနေမယ်၊ အစာမဝင်တော့ဘူး၊ ညဖက်တွေ အိပ်မပျော်တော့ဘူး၊ လည်ပင်းထဲ နေလို့မကောင်းတော့ဘူးတွေ စဖြစ်လာပါမယ်

🦠ငယ်ထိပ်ခဲ လာပြီး ဦးဏှောက်အမြှေးပါးရောင်ခြင်း
- နှာခေါင်းထဲ အနံ့အာရုံ၊ ပါးစပ်ထဲက အရသာတွေ ပျောက်သွားမယ်၊
- ခါးသက်သက်နဲ့ အစပ်အရသာတွေလောက်ပဲ အီလည်လည်ရမယ်၊
- အစာလုံးဝမစားချင်ဘူး၊ မစားရင်လည်း အားပြတ်မယ်၊ ကြိတ်မှိတ်ပြီးစားရသလို အအေးမမိအောင်လည်း နေရတယ်၊
- ညပိုင်းမှာ နှာခေါင်းထဲ မီးခိုး‌နံ့ကြီးပဲ ကျန်ခဲ့မယ်၊ ဆား‌ရည်နဲ့ နှာခေါင်းတွင်းကို ဆေးပေးရမယ်

🦠ဦးခေါင်းနှာဗ်ကြောများ ရောင်ခြင်း
- ချမ်းစိမ့်ပြီး ကိုယ်လက်တွေ မအီမသာစဖြစ်မယ်၊ ခေါင်းတွေ အုံလာမယ်၊ သိသိသာသာကြီးအားနည်းလာမယ်
- တစ်ဝက်လောက်က စဖျားမယ်၊ ချမ်းတုန်နေမယ်၊
- အများစုက မခံနိုင်လောက်အောင် ခေါင်းစကိုက်မယ်၊ ကိုယ်တွေလက်တွေ ရိုက်ထားသလိုနာမယ်၊

🦠ဂုတ်ဆက် ခဲခြင်း
- နှာစစီးလာမယ်၊ နှာရည်ယိုမယ်၊ နှာခေါင်းပိတ်မယ်၊
- ခေါင်းပြင်းထန်စွာကိုက်တာနဲ့ ရင်ဘတ်ထဲ နေမသိထိုင်မသာဖြစ်တာနဲ့ တွဲမယ်၊

🦠လက်ပြင်ရောင်ခြင်း
- တချို့လူတွေမှာ chest painလို့ ခေါ်တဲ့ ရင်ဘတ်အောင့်တာပါဖြစ်မယ်၊
- ချွဲတွေ ပိုပျစ်ပြီး အရောင်ပြောင်းလာမယ်၊ ညဖက်တွေမှာ ချွေးတွေနစ်နေအောင် ထွက်တတ်တယ်၊
- အဆုတ်ကို အအေးထပ်မမိအောင် သတိထားရပါမယ်။

🦠🦠အာရုံကြောတော်တော်များများ အကုန်နီးပါးကို ဖျက်ဆီး ပစ်လိုက်တာပါပဲ... Omicron အစနဲ့ BA.2ထက် သုံးလေးဆပိုထိတယ်၊ အဓိကအ‌နေနဲ့ တစ်ယောက်ကနေ တစ်ယောက်ကူးစက်တာ အရမ်းမြန်တယ်၊ အခုစကားလေးငါးခွန်းပြောလိုက်၊ ချက်ချင်းကူးသွားနိုင်ပြီး နောက်ရက် လက္ခဏာ စပြတော့တာပဲ၊ ပြဿနာက ကလေးတွေကိုပါ ကူးစက်ပြီး ကိုဗစ်လက္ခဏာတွေ ခံစားရတာပါပဲ။

အထက်ပါလက္ခဏာများထဲမှ တခုခု စတင်ခံစားနေရပါက အနီးစပ်ဆုံး ဆေးရုံ၊ဆေးခန်း တခုခုတွင်ပြသပီး စောလျင်စွာ ကုသမှု ခံယူသင့်ပါသည်။
အိမ်သုံးဆေးဝါးများအနေဖြင့်
- ကိုယ်ပူကျဆေး (Paracetamol)
- နှာရည်ယိုခြင်းအတွက် (Cetrine) များဆောင်ထားနိုင်ပါသည်။

Photo Google

⛑️💊အောင်ဇမ္ဗူ အထွေထွေရောဂါကုဆေးခန်းမှ ဆေးရုံ၊ ဆေးခန်း မလာနိုင်၊ မသွားနိုင်သော လူနာများ အား အိမ်တိုင်ရာရောက် Home Care Service လိုက်လံကြည့်ရှူပေးပါသည်။
လိုအပ်သော သွေးစစ်ဆေးခြင်းများ၊ ECG ဆွဲပေးခြင်း များဆောင်ရွက်ပေးလျက်ရှိပါသည်။
အမှတ် ၄၂-အေ၊ ဘုရင့်နောင်လမ်း ၊ ရန်ကုန်သစ်ရပ်ကွက် ၊ သင်္ဃန်းကျွန်းမြို့နယ်။

☎️09 440 444 912, 09 770 434 998

#ကိုဗစ်19

02/08/2022

အောင်ဇမ္ဗူ အထွေထွေရောဂါကု ဆေးခန်းတွင် အသေးစားခွဲစိတ်ခြင်း ဝန်ဆောင်မှုများကို ရယူနိုင်ပါပြီရှင်…

- အဆီကျိတ်များ ခွဲပေးခြင်း
- အသားပိုများ ခွဲပေးခြင်း
- ရင်သား အလုံး အကျိတ်ခွဲခြင်း နှင့် အသားစ ယူစစ်ဆေးပေးခြင်း
- သားအိမ်အတွင်း အသားစယူ စစ်ဆေးခြင်း
- ပြည်တည်နာများခွဲပေးခြင်း
- ယောကျာ်းကလေးလေးများ၊ အမျိုးသားများ လိင်တံ အရေပြားထိပ် ဖြတ်ပေးခြင်း
- ထိခိုက် ဒဏ်ရာ ၊ ပြတ်ရှ ဒဏ်ရာအမျိုးမျိုးအား ချုပ်ပေးခြင်းတို့ကို သင့်တင့်မျှတသော နှုန်းထားများဖြင့် ဆောင်ရွက်ပေးလျက်ရှိပါသည်။

👨‍⚕️ကျွမ်းကျင်သော အထူးကုဆရာဝန်ကြီးများမှ အသေးစားခွဲစိတ်ခြင်း၊ အသားစယူ စစ်ဆေးခြင်းများကို သန့်ရှင်း သပ်ရပ် ပိုးမွှားကင်းစင်သော အသေးစားခွဲစိတ်ခန်းအတွင်း ဆောင်ရွက်ပေးလျက်ရှိပါသည်။

အမှတ် ၄၂-အေ၊ ဘုရင့်နောင်လမ်း ၊ ရန်ကုန်သစ်ရပ်ကွက် ၊ သင်္ဃန်းကျွန်းမြို့နယ်။

☎️09 440 444 912, 09 770 434 998

Aung Zabu Clinic

01/01/2023

25/12/2022

05/12/2022

07/11/2022

02/11/2022

28/10/2022

23/10/2022

09/10/2022

09/10/2022

17/09/2022

14/09/2022

02/08/2022

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 19:30
Tuesday	08:00 - 19:30
Wednesday	08:00 - 19:30
Thursday	08:00 - 19:30
Friday	08:00 - 19:30
Saturday	08:00 - 19:30
Sunday	08:00 - 19:30