https://www.facebook.com/107845544990732/

Cera-Care Pro Myanmar, Ahlone, Yangon (2025)

07/01/2025

ဆီးချိုရောဂါက ဘာကြောင့် အမျိုးသမီးတွေမှာ အဖြစ်များတာလဲ...
✅ လေ့လာတွေ့ရှိချက်များအရ ဆီးချိုသွေးချိုရောဂါဟာ အမျိုးသားများထက် အမျိုးသမီးတွေမှာ ပို၍ အဖြစ်များပါသည်။
◾️ ဒါ့အပြင် ဆီးချို၊ သွေးချိုရောဂါရှိသူ အမျိုးသမီးတွေဟာ ယင်းရောဂါရှိသော အမျိုးသားများထက် လေဖြတ်နိုင်ခြေ သုံးဆခန့် ပိုများနေတတ်ပါသေးသည်။
◾️ အကြောင်းမှာ အမျိုးသမီးများ၏ သွေးကြောဆိုင်ရာလုပ်ဆောင်ချက်များနှင့် သွေးရည်အပျစ်အကျဲ ပြောင်းလဲမှုစနစ်များဟာ အမျိုးသားများလောက် ကောင်းစွာ မလုပ်ဆောင်နိုင်ခြင်းကြောင့် ဖြစ်ပါသည်။
◾️ ဒါ့အပြင် အမျိုးသမီးများဟာ အမျိုးသားများထက် ကိုယ်အလေးချိန်လျော့ကျရန် ယေဘုယျအားဖြင့် ကျန်းမာရေးနှင့် ညီညွှတ်သော အစားအသောက်များကို ရွေးချယ်စားသောက်တတ်ကြသော်လည်း ကိုယ်လက်လှုပ်ရှားမှုအပိုင်းမှာတော့ လွန်စွာအားနည်းနေတာကို တွေ့ရပါသည်။
◾️ ဒါကြောင့် အမျိုးသမီးဖြစ်စေ၊ အမျိုးသားဖြစ်စေ ကိုယ်လက်လှုပ်ရှားမှုကို မှန်မှန်ပြုလုပ်သင့်ပြီး ကိုယ်အလေးချိန်မတက်အောင်လည်း ကျန်းမာရေးအသိ သတိတို့ဖြင့် မိမိကိုယ်ကို ထိန်းသိမ်းစောင့်ရှောက်သင့်ပါသည်။
❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️

28/12/2024

ခုရက်ပိုင်း ကွယ်လွန်သူတွေဟာ မနက်၃နာရီဝန်းကျင်မှာ ကွယ်လွန်ကြတာ တွေ့ရတယ်။

၃နာရီ မှ ၈နာရီ ကြားမှာရေသောက် အနဲဆုံးဖြစ်ပြီး
သွေးအပြစ်ဆုံးအချိန်မို့ နှလုံးတိုက်ခိုက်ခံရနိုင်ခြေပိုများတဲ့အချိန်ပါ။

အိပ်ရေးပျက်မှာစိုးလို့၊ညဖက်ရေမသောက်တဲ့ အကျိုးဆက်ပါ။

နှလုံးဆရာဝန်ကြီးတွေပြောပါတယ်။

နှလုံးအားနည်းလို့ နှလုံးရပ်သွားတာထင်ပါတယ် သွေးမပျစ်အောင် ရေကိုသတိရတိုင်း သောက်ပေးကြပါ

ညအိပ်ခါနီးမှာ ရေသောက်ရင် အိပ်ရေးပျက်မယ်။
ညသန်းခေါင်ကျော် အချိန်ကြီးမှာ ဆီးထသွားရမယ်။
ဒါကြောင့် အိပ်ခါနီးရင် ရေမသောက်ကြနှင့်
လူတိုင်း ဒီလိုပဲ ထင်ပြီး ဒီလိုပဲ ပြောဆိုလေ့ ရှိကြပါတယ်။

မမှန်ဘူးခင်ဗျား ။

နှလုံးနာတဲ့ ဝေဒနာ အဲ (Heart Attack) နှင့် ရေဆိုတာ
ဒွန်တွဲနေပါတယ်။

လူတွေ ညဘက်မှာ နေ့ဘက်အချိန်တွေထက် ဘာကြောင့် ဆီးပိုသွားတတ်သလဲ?။

နေ့ဘက်မှာ လူတွေက မတ်တပ်ရပ်နေကြတယ်။
ကမ္ဘာ့ဆွဲအား(gravity)ကြောင့် ခန္ဓာကိုယ်ထဲမှာ ရှိတဲ့
ရေတွေက ပေါင်နဲ့ခြေထောက်မှာ သွားစုနေတယ်။
ညဘက်ရောက်တော့ ဒီလိုမဟုတ်တော့ဘူး။ လှဲနေ
အိပ်နေကြတဲ့အတွက် ခန္ဓာကိုယ်က ဆန့်နေတယ်။

ခန္ဓာကိုယ်ထဲမှာရှိတဲ့ ရေတွေက ကျောက်ကပ် (Kidney)နှင့် တပြေးတည်း ရှိနေတယ်။ ဒီတော့ ခန္ဓာကိုယ် အောက်ပိုင်းမှာ ရှိတဲ့ ရေတွေကကျောက်ကပ်ထဲကို စီး၀င်ဖို့ ပိုလွယ်ကူသွားတာပေါ့ ခင်ဗျား။

ကျောက်ကပ်နှင့် ရေက ဘယ်လို ဆက်စပ်နေကြလဲ။
ခန္ဓာကိုယ်အထဲမှာ ရှိတဲ့ အဆိပ်တွေကို ဆီးအဖြစ်
ခန္ဓာကိုယ် အပြင်ကို ရောက်ရှိအောင် ပြုလုပ်ပေးတာပေါ့ ။

ရေပိုသောက်ပေးသင့်တဲ့အချိန်

မနက် အိပ်ရာနိုးနိုးချင်း ရေ(၂)ခွက် သောက်ပါ။ သင့်ခန္ဓာအတွင်းမှ ကလီစာတွေ ပိုပြီး အလုပ်လုပ်ကြ ပါလိမ့်မည်။
နံနက်စာ မစားခင် မိနစ်(၃၀)အလိုမှာ ရေ (၁)ခွက် သောက်ပါ။ အစာကြေ လွယ်တာကို ခံစားရပါမယ်။

ရေမချိုးခင် ရေ (၁)ခွက် သောက်ပါ။
သွေးတိုး (blood pressure) ကျစေပါလိမ့်မည်။
အိပ်ရာမ၀င်ခင် ရေ (၁)ခွက် သောက်ပါ။ လေဖြတ်ရောဂါနှင့် နှလုံးနာရောဂါမှ ကင်းဝေးပါလိမ့်မယ်။

အဲ ပြောရအုံးမယ်။

အိပ်ရာမ၀င်ခင် ရေ (၁)ခွက် သောက်ခြင်းဟာ အထက်ပါရောဂါ (၂)မျိုးမှသာ ကင်းဝေးစေတာ မဟုတ်ပါဘူး။ ညဘက် ခြေထောက် ကြွက်တက်တဲ့ ဒုက္ခ Leg Cramp မှလည်း ကင်းဝေးစေပါတယ်။

ဘာကြောင့်လဲ။
ညဘက် ခြေထောက်ကြွက်သားတွေ တင်းလာတယ်ဆိုတာ ရေငတ်လာကြတဲ့အတွက်ပါ။

ဒီအကြောင်းတွေကို အကျယ်
သိချင်လျှင် (၂၉.၇.၂၀၀၉) ခုနှစ်ထုတ် (The Journal of American College of Cardiology)မှာ ဖတ်ကြည့်ပါ။

နှလုံးနာတဲ့ရောဂါ heart attack ဆိုတာဟာ နေ့ဘက်မှာပဲ ဖြစ်လေ့ ပိုရှိပါတယ်။
နံနက် (၆)နာရီနှင့် မွန်းတည့်အချိန် အတွင်းမှာ ဖြစ်တတ်ပါတယ်။ ညဘက် မဖြစ်ဘူးလား။
အဖြစ် နည်းပါတယ်။

နှလုံးရောဂါသည်တွေကို လေဖြတ်မှာ စိုးရိမ်တဲ့အတွက် (baby asipirin) ဆေးပြားကို တနေ့(၁)ပြား သောက်ခိုင်းပါတယ်။

ညအိပ်ရာ မ၀င်ခင် သောက်ပါ။ ဘာကြောင့်လဲ နေ့ဘက်မှ ပိုပြီး ဆေးစွမ်းပြစေချင်တဲ့ အတွက်ပါ။ (baby aspirin)
တပြားဟာ (၂၄)နာရီ အာနိသင် ရှိပါတယ်။ လေဖြတ်နိုင်တဲ့ အခွင့်အလမ်း အများဆုံး က မနက် စောစောပိုင်း အချိန်တွေပါ။
(အက်စပလင်) ဆေးပြားတွေက အချိန်ကြာကြာ သိမ်းထားရင် ရှာလကာရည် (Vineger) အနံ့ထွက်လာလေ့ ရှိပါတယ်။

ဒီ(အက်စပလင်)ကို အသက်ကယ်ဆေးတမျိုးလို့လဲ
မှတ်ယူနိုင်ပါတယ်။ မှန်ပါတယ်။ လေဖြတ်ပြီး ဘ၀ပျက်ရမဲ့ ဒုက္ခကို ဒီဆေးပြားက ကယ်နိုင်တယ် မဟုတ်လား။

ဒါကြောင့် ဒီဆေးပြားကို မိမိ အိပ်ရာနှင့် မလှမ်းမကမ်းမှာ အမြဲ ဆောင်ထားသင့်ပါတယ်။

မိမိ လျှာအပေါ် တင်လိုက်တာနှင့် သွေးကြောထဲ အလွယ်တကူ ပျော်၀င်သွားနိုင်တဲ့ (အက်စပလင်)အမျိုးအစားကို ရှာဖွေပြီး သုံးသင့်ပါတယ်။

Heart attack အဲ နှလုံးနာရောဂါ ဖြစ်တော့မယ် ဆိုတာနှင့် ကြိုတင်သတိပေးတဲ့ ရောဂါလက္ခဏာတွေ အများကြီး ရှိပါတယ်။

ဘယ်လက်မောင်းရင်းမှာ ကိုက်လာမယ်။

မေးစေ့အောက်မှာ မခံမရပ်နိုင်အောင် နာလာမယ်။ မူးမယ်။ ချွေးစေးတွေ ရုတ်တရက် ခန္ဓာကိုယ်မှာ ထွက်လာမယ်။အဲ ဒါပေမဲ့ တခါတရံ နှလုံးနာဝေဒနာ စဖြစ်နေပြီ ဖြစ်ပေမဲ့ ဒီလက္ခဏာတွေ မပေါ်တာလဲ ရှိတတ်ပါတယ်။နှလုံးရှိတဲ့ ရင်ဘတ်နေရာမှာတောင် မနာဘူး။မကိုက်ဘူးတဲ့။မှန်ပါတယ်။

အိပ်ပျော်နေတဲ့ ဝေဒနာသည် ၆၀% ရာခိုင်နှုန်းက နှလုံးနာဝေဒနာ စတင် ဖိစီးနေကြပေမဲ့ သူတို့ အိပ်ပျော်နေကြရာမှတောင် မနိုးဘူးတဲ့။

မြန်မာတွေ ပြောလေ့ရှိတဲ့ အိပ်ပျော်နေရင်းနှင့် အသက်ထွက်သွားတယ်ဗျာ ဆိုတာ ဒီလို သေတာမျိုးတွေပေါ့ ခင်ဗျား။

ဒါပေမဲ့ နိုးသွားကြတဲ့ လူတွေက များပါတယ်။
အဲ အိပ်ရာက နိုးနိုးချင်း ဘာလုပ်သင့်ပါသလဲ။
(အက်စပလင်) ဆေး (၂)ပြားကို ပါးစပ်ထဲ ပစ်ထည့်ပြီး ရေသောက်ချလိုက်ပေါ့ ခင်ဗျား။

အဲ ဒီမှာ ရေက အရေးကြီးလာပြီ။
ရေကို မိမိ အိပ်ရာဘေးတွင် အဆင့်သင့် မဆောင်ထားလျှင် ဒုက္ခမရောက်ပေဘူးလား။ ဒါကြောင့် လူတိုင်းဟာ မိမိတို့ အိပ်ရာဘေးရှိ စားပွဲပေါ်တွင် ရေပုလင်း အဲ ရေဗူးကို အမြဲ အဆင်သင့် ဆောင်ထားပြီး အိပ်သင့်ကြပါတယ်။

နောက် ဘာဆက်လုပ်သင့်ပါသလဲ။
အိပ်ရာပေါ်တွင် ဆက်ပြီး လှဲမနေသင့်ပါဘူး။
အိပ်ရာမှ ဖြည်းဖြည်း ထထိုင်ပြီး အနီးဆုံး ကုလားထိုင် တလုံးပေါ်မှာ သက်သက်သာသာ ငြိမ်ပြီး ထိုင်နေပါ။
အနီးပတ်၀န်းကျင်မှ လူတွေကို နှိုးပြီး အကူအညီ တောင်းပါ။ ဆေးရုံကို အမြန်ဆုံး ရောက်အောင် ပို့ခိုင်းပါ။
အင်္ဂလိပ်ဘာသာဖြင့် ရေးသားထားတဲ့ (Heart attack and water)ဆိုတဲ့ ဆောင်းပါးက ဒီလောက်ပါပဲ။
တိုတိုလေးပါ။

ဒါပေမဲ့ ဆောင်းပါးရှင်က ပြောထားပါတယ်။ ဒီဆောင်းပါးကို သင် လူ (၁၀)ယောက်ထံကို မျှဝေပို့ပေးပါ။ လူတယောက်ရဲ့ အသက်ကို သင်ကယ်ကောင်း ကယ်နိုင်ပါလိမ့်မယ်။
မှန်ပါတယ်။
ကျွန်တော်လည်း ဒီအတိုင်းပင် ယုံကြည်ပါတယ်။

စာရှုသူ ။
ဒီနေ့ ကမ္ဘာကြီးမှာ နှစ်စဉ် နှလုံးရောဂါဖြင့် သေသူ လူဦးရေ ဘယ်လောက် ရှိတယ်လို့ သင် ထင်ပါသလဲ။
(၂၀၁၇) ခုနှစ်မှာ (၁၇)ဒဿမ (၃)သန်း ရှိပါတယ်။
(၂၀၃၀)ခုနှစ်မှာ (၂၃)ဒဿမ (၆)သန်းအထိ တိုးလာနိုင်တယ်လို့ ခန့်မှန်းထားပါတယ်။

(၂၀၀၈)ခုနှစ်အတွင်း ကမ္ဘာပေါ်မှာ သေတဲ့လူ ၃၀ (သုံးဆယ်) ရာခိုင်နှုန်းက နှလုံးရောဂါဖြင့် သေကြပါတယ်။ ဒီသေတဲ့ လူတွေအထဲက (၈၀)ရာခိုင်နှုန်း ဦးရေက ဆင်းရဲတဲ့ တိုင်းပြည်က သေကြတဲ့ လူတွေပါ။

အမေရိကန်ပြည်ထောင်စု တခုထဲမှာ ဒီရောဂါဖြင့် သေတဲ့ဦးရေက ၈ (ရှစ်)သိန်းနီးပါး ရှိပါတယ်။
အမေရိကန်ပြည်ထောင်စုမှာ တရက်ကို နှလုံးရောဂါဖြင့် သေတဲ့ ပျှမ်းမျှ ဦးရေက ၂၁၅၀ (နှစ်ထောင့် တစ်ရာ့ငါးဆယ်) ရှိပါတယ်။
စက္ကန့် (၄၀)မှာ (၁)ယောက်နှုန်း သေနေကြတယ်ပေါ့ ခင်ဗျား။

(ကင်ဆာ) ရောဂါကို ဒီနေ့ လူတိုင်း အလွန်ကြောက်လန့်ကြပါတယ်။ အဲ ဒါပေမဲ့ ဒီကင်ဆာရောဂါ ကြောင့် ဒီနေ့ သေနေတဲ့ ဦးရေက နှလုံးရောဂါကြောင့် သေကြရတဲ့ ဦးရေလောက် မများပါဘူး။
အမေရိကန်ပြည်ထောင်စုမှာ နှလုံးနှင့် နွယ်တဲ့ ရောဂါတမျိုးမျိုးကို ခံစားနေကြတဲ့ လူဦးရေက ၈၅ ဒဿမ ၆သန်းကျော် ရှိပါတယ်။
မှန်ပါတယ်။

ဒါကြောင့်လည်း ဒီနှလုံးရောဂါသည်တွေအတွက် အသုံးပြုနေရတဲ့ ဆေးကုသစရိတ်က အမေရိကန် ဒေါ်လာ (ဗေလီယံ)ပေါင်း ၃၂၀ (သုံးရာ့နှစ်ဆယ်) ကျော် ရှိပါတယ်။

23/12/2024

နိုရိုဗိုင်းရပ်စ် (Norovirus) ဆိုတာ ဘာလဲ၊ ဘယ်လိုကူးစက်နိုင်လဲ၊ ဘယ်လောက်ဆိုးရွားနိုင်လဲ၊ ဘယ်လိုကာကွယ်နိုင်မလဲ၊ ပြီးတော့ ဘယ်လိုကုသနိုင်မလဲဆိုတာကို ကျွန်တော် အသေးစိတ် ပြောပြပါမယ်။

နိုရိုဗိုင်းရပ်စ်ဆိုတာ ဘာလဲ

နိုရိုဗိုင်းရပ်စ်ဆိုတာ လူတွေကို အစာအိမ်နဲ့ အူလမ်းကြောင်း ရောဂါတွေ ဖြစ်စေတဲ့ ဗိုင်းရပ်စ်တစ်မျိုးပါ။ အဲဒီရောဂါကို အများအားဖြင့် “အစာအဆိပ်သင့်ခြင်း” (food poisoning) လို့လည်း ခေါ်ကြပါတယ်။ ဒီဗိုင်းရပ်စ်ဟာ ကူးစက်မြန်ပြီး လူအများအပြားကို တစ်ပြိုင်နက်တည်း ရောဂါဖြစ်စေနိုင်တဲ့အထိ အန္တရာယ်ရှိပါတယ်။

ဘယ်လိုကူးစက်နိုင်လဲ

နိုရိုဗိုင်းရပ်စ်ဟာ အဓိကအားဖြင့် နည်းလမ်း (၃) ခုနဲ့ ကူးစက်နိုင်ပါတယ်။

ညစ်ညမ်းတဲ့ အစားအစာနဲ့ ရေ
ဗိုင်းရပ်စ်ပါဝင်တဲ့ အစားအစာ ဒါမှမဟုတ် ရေကို စားသောက်မိရင် ကူးစက်နိုင်ပါတယ်။ ဥပမာအားဖြင့်၊ ဗိုင်းရပ်စ်ရှိတဲ့သူတွေ ပြင်ဆင်ထားတဲ့ အစားအစာတွေ၊ မသန့်ရှင်းတဲ့ ရေ ဒါမှမဟုတ် မသန့်ရှင်းတဲ့ ပင်လယ်စာတွေကနေ ကူးစက်နိုင်ပါတယ်။

ထိတွေ့မှုမှတစ်ဆင့်
ဗိုင်းရပ်စ်ပိုးရှိတဲ့ မျက်နှာပြင် ဒါမှမဟုတ် အရာဝတ္ထုတွေကို ထိတွေ့ပြီးတဲ့နောက်မှာ မိမိရဲ့ ပါးစပ် ဒါမှမဟုတ် မျက်နှာကို ပြန်ကိုင်မိရင် ဗိုင်းရပ်စ်ကူးစက်နိုင်ပါတယ်။ ဥပမာ - တံခါးလက်ကိုင်၊ ဘတ်စ်ကားပေါ်က လက်ကိုင်တွေ၊ မစင်အညစ်အကြေးတွေ၊ အစားအစာပြင်ဆင်တဲ့နေရာတွေကို ထိကိုင်မိရာကနေ ကူးနိုင်ပါတယ်။

ရောဂါရှိသူနဲ့ တိုက်ရိုက်ထိတွေ့မှု
ရောဂါဖြစ်ပွားနေတဲ့သူနဲ့ တိုက်ရိုက်ထိတွေ့မှုကနေလည်း ဗိုင်းရပ်စ် ကူးစက်နိုင်ပါတယ်။ ဥပမာ - ရောဂါဖြစ်နေသူကို ပြုစုစောင့်ရှောက်တဲ့အခါ သို့မဟုတ် သူတို့ရဲ့ အန်ဖတ် ဒါမှမဟုတ် မစင်တွေကို ထိတွေ့မိတဲ့အခါ ကူးစက်နိုင်ပါတယ်။

ဘယ်လောက်ဆိုးရွားနိုင်လဲ

နိုရိုဗိုင်းရပ်စ်ရဲ့ လက္ခဏာတွေကတော့ ရောဂါပိုးဝင်ပြီး (၁၂) နာရီကနေ (၄၈) နာရီအတွင်းမှာ စတင်ပေါ်လာတတ်ပါတယ်။ အဓိက လက္ခဏာတွေကတော့-

ပျို့အန်ခြင်း
ဗိုင်းရပ်စ်ပိုးဝင်ပြီးတာနဲ့ ပျို့အန်တာက အဖြစ်များဆုံးပါ။

ဝမ်းလျှောခြင်း
ဝမ်းအရည်တွေ မကြာခဏ သွားတာ ဖြစ်နိုင်ပါတယ်။

ဗိုက်အောင့်ခြင်း
ဗိုက်ထဲမှာ မအီမသာဖြစ်ပြီး နာကျင်နိုင်ပါတယ်။

ဖျားခြင်း
အဖျားအနည်းငယ်ရှိနိုင်ပါတယ်။

ခေါင်းကိုက်ခြင်းနဲ့ ကိုယ်လက်ကိုက်ခဲခြင်း
ခေါင်းကိုက်ပြီး ကိုယ်လက်တွေ မအီမသာ ဖြစ်နိုင်ပါတယ်။

များသောအားဖြင့် ဒီရောဂါဟာ ရက်အနည်းငယ်အတွင်း သက်သာသွားတတ်ပါတယ်။ ဒါပေမယ့် အားနည်းတဲ့သူတွေ၊ သက်ကြီးရွယ်အိုတွေနဲ့ ကလေးငယ်တွေမှာဆိုရင် ရေဓာတ်ခန်းခြောက်ပြီး ဆေးရုံတက်ရတဲ့အထိ ဖြစ်တတ်ပါတယ်။

ဘယ်လိုကာကွယ်နိုင်မလဲ

နိုရိုဗိုင်းရပ်စ်ကူးစက်မှုကို ကာကွယ်ဖို့အတွက် အရေးကြီးတဲ့ နည်းလမ်းတွေကတော့-

လက်ကို စနစ်တကျဆေးကြောပါ
အစာမစားခင်၊ အိမ်သာသုံးပြီးတိုင်း၊ ပြီးတော့ မျက်နှာကို မကိုင်ခင်မှာ လက်ကို ဆပ်ပြာနဲ့ ရေကိုသုံးပြီး အနည်းဆုံး စက္ကန့် (၂၀) ကြာအောင် ဆေးကြောပါ။

အစားအသောက်ကို ဂရုစိုက်ပါ
အစားအစာကို ကောင်းကောင်း ချက်ပြုတ်ပြီးမှ စားပါ။ အသီးအရွက်နဲ့ သစ်သီးဝလံတွေကို မစားခင်မှာ သေချာဆေးကြောပါ။ ရေကိုလည်း သန့်ရှင်းအောင်ထားပြီး သောက်သုံးပါ။

သန့်ရှင်းရေးလုပ်ပါ
အိမ်သာ၊ မီးဖိုချောင်စတဲ့နေရာတွေကို ပုံမှန်သန့်ရှင်းပေးပါ။ ပိုးသတ်ဆေးသုံးပြီး မျက်နှာပြင်တွေကို ပိုးသတ်ပေးပါ။

နေမကောင်းတဲ့အခါ အိမ်မှာပဲနားနေပါ
ဖျားနာနေချိန်မှာ အခြားသူတွေကို မကူးစက်အောင် အိမ်မှာပဲနားပြီး မလိုအပ်ဘဲ လူစုလူဝေးကို ရှောင်ကြဉ်ပါ။

ဘယ်လိုကုသနိုင်မလဲ

နိုရိုဗိုင်းရပ်စ်ကို တိကျတဲ့ ကုသဆေးမရှိပါဘူး။ များသောအားဖြင့် ရောဂါလက္ခဏာတွေ သက်သာဖို့ပဲ အဓိကထားပြီး ကုသကြပါတယ်။

ရေဓာတ်ဖြည့်တင်းပါ
ရေများများသောက်ပေးခြင်းဖြင့် ရေဓာတ်ဆုံးရှုံးမှုကို ကာကွယ်ပေးပါ။ အားကစားသမားတွေ သောက်တဲ့ အချိုရည် ဒါမှမဟုတ် ဓာတ်ဆားရည်တွေကို သောက်သုံးပါ။

အနားယူပါ
ကိုယ်ခန္ဓာက ဗိုင်းရပ်စ်ကို တိုက်ထုတ်နိုင်အောင် လုံလောက်တဲ့ အနားယူချိန်ကို ပေးပါ။

အစာကို ဆင်ခြင်ပါ
ဝမ်းပျက်ဝမ်းလျှောနေတဲ့အချိန်မှာ အဆီများတဲ့ အစာနဲ့ အစပ်များတဲ့ အစာတွေကို ရှောင်ပါ။

ဒီလို နိုရိုဗိုင်းရပ်စ်အကြောင်းနဲ့ ပတ်သက်လို့ ဗဟုသုတ ရရှိကြမယ်လို့ မျှော်လင့်ပါတယ်။ ကျွန်တော်တို့အားလုံး ကိုယ်ရောစိတ်ပါ ကျန်းမာကြပါစေ။

18/12/2024

မက်ဖော်မင်ကြောင့်ဖြစ်သော အသေးစား ဘေးထွက်ဆိုးကျိုးများ

💁ပထမဆုံးအနေနှင့် Metformin သည် ပျို့ခြင်း/အော့အန်ခြင်းကဲ့သို့သော သင့်အစာခြေစနစ်ကို အဓိကထိခိုက်စေသည့် အပျော့စားဘေးထွက်ဆိုးကျိုးများကို ဖြစ်စေနိုင်သည်။ lactic acidosis ကဲ့သို့သော ပြင်းထန်သော ဘေးထွက်ဆိုးကျိုးများမှာ ရှားပါးသော်လည်း ၎င်းတို့သည် ချက်ချင်း ဆေးကုသမှုခံယူရန် လိုအပ်ပါသည်။

💁Metformin သည် အမျိုးအစား 2 ဆီးချိုရောဂါကိုကုသရန်အသုံးပြုသောဆေးညွှန်းဆေးဖြစ်သည်။ ၎င်းသည် biguanides ဟုခေါ်သော ဆေးအမျိုးအစားတွင် ပါဝင်သည်။

💁အမျိုးအစား (၂) ဆီးချိုရောဂါရှိသူများတွင် သွေးတွင်းသကြားဓာတ် (ဂလူးကို့စ်) ပမာဏသည် ပုံမှန်ထက် မြင့်မားနေတတ်သည်။ Metformin သည် ဆီးချိုရောဂါကို ပျောက်အောင်မကုသနိုင်သော်လည်း သင့်သွေးတွင်းသကြားဓာတ်ပမာဏကို စိတ်ချရသောအတိုင်းအတာအထိ လျှော့ချပေးတဲ့ ဆေးတစ်မျိုးဖြစ်ပါသည်။

💁Metformin သည် အချို့သော ဘေးထွက်ဆိုးကျိုးများကို ဖြစ်စေသည်။

💁ဆီးချိုလူနာတွေအနေနှင့် Metformin ကို ပထမဦးစွာ စတင်သောက်သောအခါတွင် ၎င်းဆိုးကျိုးတို့သည် ဖြစ်ပေါ်လာနိုင်သော်လည်း များသောအားဖြင့် အချိန်ကြာလာသည်နှင့်အမျှ ပျောက်သွားတတ်သည်။

💁သို့သော် ထိုလက္ခဏာများ ပြင်းထန်ပါက သို့မဟုတ် သင့်အတွက် ပြဿနာဖြစ်စေပါက နီးစပ်ရာဆရာ၀န်နှင့် သေချာကုသမှုခံယူနိုင်သည်။

💁Metformin ၏ အဖြစ်အများဆုံး ဘေးထွက်ဆိုးကျိုးများမှာ-
-ရင်ပူခြင်း
-ဗိုက်နာ
-ပျို့ချင် သို့မဟုတ် အော့အန်ခြင်း
-ဖောရောင်ခြင်း
-ဓာတ်ငွေ့
-ဝမ်းလျှောခြင်း
-ဝမ်းချုပ်ခြင်း
-ကိုယ်အလေးချိန်ကျခြင်း
-ခေါင်းကိုက်ခြင်း
-ပျို့ခြင်း၊ အော့အန်ခြင်းနှင့် ဝမ်းလျှောခြင်းများသည် metformin ကို စတင်သောက်သုံးသောအခါတွင် လူများတွင် အဖြစ်အများဆုံး ဘေးထွက်ဆိုးကျိုးများဖြစ်သည်။

💁တချို့သောဆီးချိုလူနာများသည် ဆီးချိုပမာဏ အရမ်းမြင့်တက်နေလို့ မက်ဖော်မင် ပမာဏများတဲ့ ဆေးကို စတင်ပေးလိုက်ချိန်တွင် ၀မ်းပျက်၀မ်းလျှောခြင်းပြင်းထန်စွာခံစားရတတ်သည်။

💁ထို့ကြောင့်ဆရာဝန်အတော်အများက သင့်အား metformin ပမာဏနည်းသောပမာဏဖြင့် စတင်ပြီးနောက် ဖြည်းဖြည်းချင်းတိုးပြီးပေးခြင်းဖြစ်ပါတယ်။

Crd ; Original Uploder

15/12/2024

#ကင်ဆာကိုဝယ်စားနေကြသူများ

ညီး တို့ ကင် ဆာ ဝယ် စား နေ တာ ကိုး..
နေ ပူ ထဲ က ရေ သန့် ဘူး မ သောက် နဲ့..
ကင် ဆာ မုန့် ဟင်း ခါး ဟင်း ရည်...
ဖော့ ဘူး ခေါက် ဆွဲ ကျော် ပူ ပူလေး...
ပါ ဆယ် လ ဘက် ရည် ပူ ပူလေး...

ငယ်စဥ် မန္တလေးမှာ အမေကမိသားစုအတွက် ကိုင်းတန်းစျေးထဲက မပြား ခိုတောင်မုန့်တီဆိုင်ကနေ မုန့်တီဝယ်လာရင် ပိတ်ဆွယ်ဟင်းချို ကို မန္တလေးနားလက်ကျန် အောင်ပင်လယ် ရန်ကင်းတောင်အစပ်က ပိန်းရွက်တွေနဲ့ထည့် နှီးတုတ်ပေးလိုက်တာ....

ခုတော့ လူနာကို မမျိုးကို မုန့်ဟင်းခါးဝယ်ရင် ဟင်းရည် ပလတ်စတစ် အိတ်နဲ့မထည့်နဲ့ ပလတ်စတစ်အိတ်နဲ့ ဟင်းရည်ပူပူတွေ့ထိတော့ ညီးကိုအသေသတ်မဲ့ အလွန်ပြင်းထန်တဲ့ 🔪 ပလတ် စတစ်ဆိုက်ဇာ 🔪အဆိပ်ဓတ် တွေ ထွက်လာတယ်နော် အကိုနိူးရင်စားဖို့ဆိုပြီး အိတ်ကိုချိတ်တောင်ထားသေး ဟော သူ့ယောက်ျားနိူးလာတော့အားရပါးရ ဆိုက်ဇာဓါတ်အပြည့်ပါနေတဲ့ မုန်ဟင်းခါးဟင်း ရည် နဲ့လွေးပါတော့တယ် ...

များများမကြာဘူး ၂ နှစ်လောက် ဗိုက်
အလယ် အောင့် တော့လာပြရော အစာအိမ်ဆေး ထိုး စားဆေး ပေးတော့ ပျောက်သွားပါတယ် ၃ခါလောက်ဆိုတော့ အာထရာဆောင်း ရိုက်ခိုင်းတယ် အောက်အစာအိမ်နံရံထူအမ်းနေပြီ ကဲ အစာအိမ် စကုတ်ပီ မှန်ပြောင်းကြည့်ရတော့ ထင်တဲ့အတိုင်း အစာအိမ်ကင်ဆာ
ငွေကြေးမပြည့်စုံလို့ပြည့်သူ့ဆေးရုံတက်ခွဲ ကီမိုသွင်း ဓါတ်ရောင်ခြည်နဲ့ကု အရိုးပေါ်အရေတင် နဲ့ပြန်ဆင်းလာ ရွှေတိုငွေစလည်းကုန်ပြီ ချေးငွေတွေလည်းမဆပ်နိူင် နောက်ဆုံးတော့လည်းsecondariesပြန့်နှံ့နေတဲ့ကင်ဆာကြောင့် ငယ်ငယ်ရွယ် ပန်းတပွင့် ကြွေသွားပါပြီ အော်..
မမျိုးကတော့အကြွေးပင်လယ်ထဲနှာခေါင်းလေးပေါ်ရုံသာရှိနေပါတော့တယ်

အစာအိမ်ကင်ဆာမှန်းကျနော်နဲ့ အထူးကုရှာလို့သိတော့အမြန်ခွဲကုခိုင်းပေမဲ့ အပြင်မြန်မာကင်ဆာအထူးကု ဆြာ... ဆိုသူက
အပျောက် ၂၀သိန်းနဲ့ ကုတာလည်းမရတော့ တနေရာက ၅ရက်စာ ဆေးတစ်ဖုံ တစ်သိန်းခွဲနဲ့ ၇ ဖုံလောက်ဘုန်းကြီးတစ်ပါး ဆီမှာအားပေးလိုက်ပါတယ် ပြုတ်ပြုတ်ပြုန်းကုန်မှ ဆေးရုံသွားတာလေ ...

အဖေ မန္တလေးမှာ နန်းရှေ့ အဝိန်ခေါက်ဆွဲဆိုင်ကနေ ခေါက်ဆွဲကျော်ကို အင်ဖက်နဲ့ထုတ်လာတာ သစ်ရွက်စိမ်းစိမ်း
ယနံ့ မွှေးမွှေးလေးနဲ့ စားကြတာလေ ခုတော့ ချိုင့်သုံးရမှာမပျင်းနဲ့ မရှက်နဲ့ ၊ ဘယ်လိုပညာပေးပေးမရတဲ့ ကိုတူးတို့စုံတွဲ ရုံးကပြန်လာတော့ ချက်ဖို့အချိန်မရတော့ ခေါက်ဆွဲကြာဇံကြော်တို့ ဖော့ဘူးနဲ့ထည့် ဝယ်လာလေ့ရှိတယ် ကျော်သူက ဒယ်အိုးပူပူထဲကကျော်ပြီးတာနဲ့ ဖော့ဘူးထဲတန်းထည့်တာ ဖော့ဘူး နဲ့ ဆီပူနဲ့တွေ့တော့ မျက်စေ့နဲ့မမြင်ရတဲ့ ဖော့ဘူးကအလွန်အဆိပ်ပြင်းတဲ့ Styrene စတိုင်းရင်းဓါတ်တွေထွက်လာပါရော သေပြီဆရာရေဆိုသလိုကိုယ်ထဲ များများစုလာတဲ့ စတိုင်ရင်းဓတ်တွေဟာ အစာအိမ် အူမကြီး စအိုအထက် ကျောက်ကပ် အသည်းရသလို လှိုက်စားသလို စယောင်စေပြီး ကင်ဆာလှလှကြီးဖြစ်တော့တာ ခင်ယုမေခုဖြစ်တာ အူမကြီးကင်ဆာ အာထရာဆောင်ရိုက်ခိုင်းတော့ Ca colon အတိ အကျ မိဘတွေကတောင့်တင်းလို့ အပြင်ဆေးရုံတက်ခွဲ မစင်အိတ် ဗိုက်ဖောက်အပြင်ထုတ်တားတာ သိန်း ၇၀ ကုန်သွားတာ ယုံမလား ဓါတ်ကင် ကီမို ဝင်ရင်နောက်တစ်ဆင့်ပဲ ခေါက်ဆွဲကျော်ဖော့ဘူးပူပူကျက်ကျက်ကြီး စားပေါ်တင်လို့ ဆေးကုတင်ဘေးချဆေးကုတာ...

ကုမ္ပဏီကားမောင်းတဲ့ ဂျင်မီဟာ နေပူပူဆိုတော့ရေအမြဲငတ်တာကိုး တွေ့ရာဆိုင်မှာရေသန့်ဘူးဝယ်သောက်တာ ဆင်ခြေ ဖုံးအသွားများတော့ ရေသန့်ဘူးတွေဆိုင်ပြင်ထုတ်ထားတဲဲ့ နေရောင်ခြည်နဲ့အမြဲထိတွေ့တာတကြောင်း ရေဘူးကို အမြဲပူနေတဲ့ ကား ဒက်ရှ့်ဘုတ်ပေါ်တင် နေပူထဲ ထားတော့ ပလတ်စတစ်က ကင်ဆာမျိုးစုံဖြစ်စေတဲ့ Dioxin ဓါတ်ကရေထဲပျော်ဝင်သွားပြီး သောက်မိသူကို ဒုက္ခအကြီး အကျယ်ပေးတော့တာကိုး ဂျင်မီ ဆီးသွားရခက် ဆီးအောင်းနေ ဆီးပိုးဝင်ဖျား ဆီးထဲသွေးပါ ရောက်တဲ့နေရာဆေးခန်းကစုံနေပြီ ခပ်များများကဆီးကျောက်တဲ့ ကျနော်ဆီရောက်တော့ အာထရာဆောင်းအပြင် KUB ပါရိုက်ခိုင်းတော့ Ca bladder တဲ့ သက်တမ်းသိတ်မရှည်လိုက်ပါဘူး မျက်မမြင် အမေကြီးကို ကျနော် လူအိုရုံပို့ပေးလိုက်ရပါတယ်

ရေခဲသေတ္တာထဲထည့်အအေးခံထားလည်း အအေးမှာအဆိပ်ပြင်းကင်ဆာဓါတ် Dioxin ဓတ်ကလည်းပျော်ဝင်နှိင်သကိုး ဝန်ခံရရင် အရိပ်ထဲကရေဘူးအေးအေးတော့ ကျနော်လည်း မရှောင်နိုင်ပါဘူး အဖြူဘူးတွေကပိုအဆိပ်ထုတ်တယ် အပြာဘူးရွေးသောက်ရပါတယ်
ရေသန့်ဘူးလိုက်ပို့တဲ့ကားတွေ လှည်းတွေပေါ် မှာရေဘူးတွေ အကာအအုပ်လုံးဝ မအုပ်ဘူး စင်္ကာပူ မလေး ထိုင်း မှာဆို အရေးယူတယ် ဒီမှာတော့....

မှတ်မိသေးရဲ့ဟိုတုန်းက ရထားနဲ့သွားရင် ရေအိုးလေးတွေနဲ့ ရေသည်လေးတွေ ညစ်ပတ်မပတ်ကြည့်သောက် မန္တလေးတောင် ရန်ကင်းတောင် မမဥတောင်အိမ်ကနဲ့သွားရင် ဒန်ရေဘူးရှည်ကြီး နဲ့သွားတာ ရေကုန်ရင် နီးရာဘုန်းကြီးကျောင်း သီလရှင် ကျောင်းတွေမှာ ဝင်ဖြည့်တာ သွားအမှတ်ရသေး...

မချိုနွယ်ဦး ရင်သားအကျိတ်လာပြန်ရော နိူ့သီးခေါင်း ni**le ဟာ အထဲက လှန်ဆွဲချသလိုကျုံခွက်ဝင်နေပြီအကျိတ်
ဟာ မာနေတယ် ရွေ့ကစားယူလို့မရဘူး အရေပြားနဲ့ကပ်နေသလို ဂျိုင်းမှာလည်းသားငံရည်ကျိတ်တွေယောင်နေတယ် ဟာ ဒါ အန္တရာယ်ပြု malignancy ရင်သားကင်ဆာပဲ သိပ်စမ်းစရာတောင်မလို ပုဂ္ဂလိကဆေးရုံမှာစုံစမ်းပြကြည့်တော့ ၆၀- ၇၀ ကြားကုန်နိုင်တယ်လို့သူတို့စုံစမ်းကြည့်တော့သိရတယ် ဒါကြောင့် မတတ်နိုင်လို့ပြည့်သူ့ဆေးရုံမှာ ခွဲဖို့အကြံပြုပါတယ် ခွဲပါတယ် တစ်ဝက်ကျော်သက်သာပေမဲ့ အိမ်ဂရံလေးတော့ ၂၀ % တိုးနဲ့ပေါင်နှံထားရပါတယ်...

သူတို့ တွေကိုပြောတယ်အလုပ်ကပြန်လာရင် ညစာအတွက် ဟင်းမျိုးစုံပူပူတွေကို ပလတ်စတစ်အိတ်တွေနဲ့ထည့်ဝယ်လာကြတာ ဆိုက်ဇာ ဓါတ်တွေဟင်းမှာပျော်ဝင်ပြီး ကြာတော့ဒုက္ခပေးချလိုက်ပါတယ် ရင်သားကင်ဆာပေါ့ ဓါတ်ကင် ကီမိုစရိတ်မပါသေးရှာဖူး နောက် သီးစုံပဲဟင်းပူပူကျက်ကျက်ကိုပလတ်စတစ်အိတ်နဲ့ထည့်ဝယ်တာလည်းကျနော်ပြောရတာအမော မရ ကျနော်ဘဲစည်းရုံးရေးညံ့နေလို့နေမှာပါ...

နောက်ရင်သားအကျိတ် စမ်းကိုင်ကြည့်
mammogram ရိုက်ကြည့် တော့အဲဒီ lump ဟာ benign ဖြစ်နေလို့ အိမ်ဆေးခန်းမှာခွဲပေးတော့ သိန်းအနည်းငယ်
အပြင်မှာ ၁၀ လောက်...

ခက်တော့ခက်နေပြီ မန္တလေးမှာကလေးဘဝ က ပလတ်စတစ်လည်းမပေါ်သေး ကင်ဆာလည်းမကြားမိ ဟော ဆေးကျောင်းတက်တော့ အတော်ကြားရပြီ ဆေးရုံမှာလုပ်တော့ ပိုလို့မြင် ခွဲစိတ်နေရပြီ ခု များသထက်များလာနေပြီ အတက်ကြမ်းနေ၏...

ဟာ တို့လည်းပလတ်စတစ် အိတ်တွေထုပ်ပိုးဝယ်နေတာ ဘာမှမဖြစ်ပါဘူးကွာ ဟုတ်ကဲ့ ကင်ဆာအပါ ရောဂါတခုဖြစ်ဖို့က မျိုးရိုးဗီဇ gene ကလည်းအရေးကြီး၏ လွယ်လွယ်ပြောရရင် gene ဆိုတာ အသီးသေးသေးလေးတွေကပ်နေတဲ့ ကြိုးအမျှင်တွေလိုတွန့်ခေါက်နေတာ gene ပါ ဥပမာ gene က a b c d e f g အသီးသီးလေးတွေ နဂိုအစီအစဥ် ကပ်နေတုံးကဘာမှမဖြစ် အဲ ကပြောင်းတိကပြောင်းဆံကပ်နေတဲ့အသီးအဆက်လေးတွေရဲ့သားသမီးတွေမှာ carcinogens ခေါ်တဲ့ ကင်ဆာဖြစ်စေတတ်တဲ့ ဆိုက်ဇာတို့ styrene တို့ဆေးလိပ်ငွေ့ကပါတာတွေ အစားအစာမှာပါတဲ့ ဆိုးဆေး ကြာရှည်ခံဆေး အရောင်လှဆေးတွေကြောင့် မျိုးရိုးဗီဇ နဂိုပါတဲ့ အသီးဆက်ထုံးတွေမှာ ဂျိုးဆိးနားရွက်ပဲ့ x တို့ z တို့ဝင်ကပ်ပူးတွဲလာရင် ကင်ဆာဖြစ်ပြီလေ....

ဖြစ်နိုင်တာတွေသိပါစေ...
သိသမျှလိုက်နာနှိင်ပါစေ...
ဘေးကင်းကြပါစေ...

မေတ္တာဖြင့်ပြန်လည်မျှဝေပါသည်။

11/12/2024

ဘယ်ဆန်အမျိုးအစားချက်ချက် ရေစိမ်ကြပါရှင်
ဆန်ကို မချက်မီ ရေစိမ်ထားသင့်သည့် အကြောင်းများ

“တစ်ည”ရေစိမ်ထားနိုင်မယ်ဆိုရင် Arsenic ပမာဏဟာ ၈၀% ခန့် လျော့ကျသွားပါသတဲ့။
တစ်ည မစိမ်နိုင်ရင်လည်း ၃-၄ နာရီပေါ့။

Arsenic ဟာ heavy metal စာရင်းထဲမှာ ပါနေပါတယ်။
“Heavy metal refers to any metallic chemical element that has a relatively high density and is toxic or poisonous at low concentrations”

Arsenic ၏ ဘေးရန်
Arsenic အဆိပ်သင့်ရင် နှလုံးရောဂါ/ဆီးချို/ကင်ဆာရောဂါ များနဲ့ ဆက်နွယ်နေပါတယ်တဲ့။ ကလေးတွေရဲ့ပုံမှန် သိမြင်မှု ဖွံ့ဖြိုး တိုးတက်ရေးကိုလဲ နှောင့်နှေးစေတတ်ပါတယ်တဲ့။(cognitive development)
(WHO )

Arsenic ဟာ ဘယ်လိုကြောင့် ဆန်ထဲမှာ ရောက်နေရတာပါလဲ?
ဆန်စပါး စိုက်ပျိုးတဲ့အခါ စပါးပင်တွေဟာ အခြားအပင်တွေထက် Arsenicကို ပိုပြီး စုတ်ယူတတ်ပါတယ်တဲ့။
မြေကြီးထဲက ဖြစ်စေ/စပါးပင်တွေကို ပေးတဲ့ရေထဲက ဖြစ်စေ/
အချို့သော ဓာတ်မြေဩဇာထဲက ဖြစ်စေ/ ပိုးသတ်ဆေး ပေါင်းသတ်ဆေး စသည်ဖြင့်ကနေ ဖြစ်စေ စပါးထဲကို ရောက်ပါသတဲ့။

ဆန်ကို မချက်ခင် ဆေးပြီးတဲ့အခါ ရေစိမ်သင့်တဲ့ အဓိက အကြောင်း ဖြစ်ပါတယ်။ လုပ်နေကျဆိုရင် ကျင့်သား ရသွားပါလိမ့်မယ်။

အခြားအကြောင်းတွေကတော့ ထမင်းချက်ဖို့ ကြာချိန်ဟာ လည်း လျော့သွားပါတယ်။ ဆန်အစေ့တွေဟာ ရေနဲ့ဝလာပြီး ပျော့ပြောင်းလာပါတယ်။

Sushi rice / Basmati rice from California, Pakistan, and India
ဟာ Arsenic နည်းပါသတဲ့။
According to Consumer Report

မြန်မာပြည်မှာလည်း “ဒေသအလိုက်” Arsenic level အနည်းအများ ကွာခြားမှု ရှိနိုင်ပါတယ်။

ကိုယ်လုပ်ရမဲ့ တာဝန်ကတော့ ဆန်ကို ရေဆေးပြီးတဲ့အခါ ရေစိမ်ဖို့ပါ။
ရေစိမ်ထားတဲ့ဆန်ဟာ ချက်ရင်လဲ ပိုလှတယ်/ နူးနူးညံ့ညံ့လဲ ရှိတယ်။
Heavy metal Arsenic လျော့နည်းမယ်ဆိုတော့လဲ လုပ်သင့်လုပ်ထိုက်တာ လုပ်ရမှာပါပဲ။

အစစ အရာရာမှာ ဗဟုသုတနဲ့ပြည့်စုံနေတာ ကိုယ်အတွက် သာမက မိသားစု အတွက်ပါ အလွန်ကောင်းပါတယ်နော်။

ာမကြီးဒေါက်တာခင်နွယ်ဝင်း

07/12/2024

သွေးပျစ်လာရင် ခန္ဓာကပေးတဲ့ မက်ဆေ့ ၄မျိုးကတော့_

၁။ မနက်ထလာရင် ခေါင်းမူးတယ်၊ အားမရှိဖြစ်တယ်။ မနက်စာစားပြီးမှ တဖြည်းဖြည်း နိုးကြားလာပြီး ညနက်လေ လန်းဆန်းလေ ဖြစ်လာတယ်။

၂။ နေ့လည်စာစားပြီးရင် အရမ်းအိပ်ချင်တယ်၊ မအိပ်လို့ မရတာမျိုး။

၃။ ဆောင့်ကြောင့်ထိုင်ချလိုက်တာနဲ့ မွန်းကြပ်ပြီး အသက်ရှူလို့မကောင်းတာ၊ ခန္ဓာကိုယ် ဝဖြိုးတာ။

၄၊ အမြင်အာရုံ ရုတ်တရက် ဝေဝါးတာ၊ ချက်ချင်း
ကောင်းကောင်းမမြင်ရတာ။
ခန္ဓာက သွေးပျစ်ကြောင်း အချက်ပြလာပြီဆိုရင်
အမြန်ကုစားကြပါ။

သွေးပျစ်တာကို သက်သာစေဖို့ နည်းလမ်း၅မျိုးကတော့_

၁။ ရေများများသောက်ပါ။

၂။ ကိုလက်စထရောကို တားဆီးနိုင်တဲ့ ဟင်းသီးဟင်းရွက်တွေဟာ ရေဓာတ် အများကြီးပါတဲ့အပြင် ကြွယ်ဝတဲ့ ဗီတာမင်စီနဲ့ ဖိုက်ဘာအမျှင်ဓာတ်တွေပါပါတယ်၊ ဒါကြောင့် ဟင်းသီးဟင်းရွက်၊ ပြောင်းဖူး၊ အသီးအနှံ အစေ့အဆံ အစုံစားပါ။

၃။ ဝမ်းတွင်းကလီစာများ လျှော့စားပါ ။

၄။ ကိုယ်လက်လှုပ်ရှား လေ့ကျင့်ခန်းလုပ်ပါ။

၅။ အရက်နဲ့ ဆေးလိပ်ကို ဖြတ်ပါ။

သွေးပျစ်ရင် ရေများများသောက်ဖို့ "ပထမ" ဆိုတော့
ရေ နဲ့ ပတ်သက်တာကို နည်းနည်းထပ်ပြီး မျှဝေပါမယ်။

ဒါကြောင့် သွေးပျစ်တာမဖြစ်အောင် သွေးတွင်း အောက်စီဂျင်များအောင် ရေများများသောက်ပါ။ အထူးသဖြင့် ရေနွေးများများသောက်ပါ။ ရေနွေးက အဆီတှကျေို ခြေဖျက်နိုင်တယ်၊ အစာကြေတယ်၊ သွေးလည်ပတ်မှုကို ကောင်းမွန်စေတယ်။

ရေသောက်ခြင်းရဲ့ အကျိုးအာနိသင် ( ၈ )မျိုးကတော့_

၁။ အဆိပ်အတောက်တွေကို သန့်စင်စေတယ်။
၂။ အရေပြားကို သန့်ရှင်း ကျန်းမာစေတယ်။
၃။ ကြွက်သားကို သန်မာစေတယ်။
၄။ ဇီဝကမ္မဖြစ်စဉ်ကို ကောင်းမွန်စေတယ်။
၅။ စွမ်းအင် တိုးပွားစေတယ်။
၆။ ဝိတ်ကျစေတယ်။
၇။ ခေါင်းကိုက်တာကို သက်သာစေတယ်။
၈။ မှတ်သားနိုင်တဲ့စွမ်းရည်ကို တိုးပွားစေတယ်။

- ရေခဲရေကို ရှောင်ပါ။
- ရိုးရိုးရေကို များများသောက်ပါ။
- ရေနွေးကို များများသောက်ပါ။

- ရိုးရိုးရေနွေးဖြူအပြင်၊ ရေနွေးကို လက်ဖက်ခြောက် ခတ်သောက်တာ၊
- ပျားရည်နဲ့ သံပရာ ညှစ်သောက်တာကလည်း ကျန်းမာရေးအတွက် ကောင်းမွန်စေပါတယ်။

သွေးကျဲစေသော သဘာဝနည်းလမ်းများ
========================

အဲဒီသွေးခဲခြင်းမဖြစ်အောင်နည်းလမ်းရှာကြဖို့လိုပါတယ်။

သွေးမခဲအောင်ဆိုပြီး သွေးကျဲဆေးတွေသောက်ကြရတယ်။ ဒါကြောင့် သွေးကျဲဆေးဈေးတွေမိုးပေါ် ရောက်သွားတယ်။ လူအများမေးကြတာက သဘာဝနည်းနဲ့ သွေးကျဲအောင် လုပ်လို့မရဘူးလားတဲ့။

ရပါတယ်။သဘာဝနည်းနဲ့ သွေးကျဲအောင် လုပ်တဲ့
နည်းကို အခုပြောပြပါမယ်။

၁။ သွေးကျဲဆေးလိုပဲ သဘာဝမှာ သွေးကျဲအောင် လုပ်
ပေးနိုင် တာကတော့ကြက်သွန်ဖြူဖြစ်ပါတယ်။ ကြက်သွန်ဖြူဟာ ဓါတုသွေးကျဲဆေးထက် အများကြီးပိုကောင်းပါတယ်။

ပြီးတော့ ကမ္ဘာ့ကပ်ရောဂါတစ်ခုဖြစ်တဲ့ ပုလိပ်ရောဂါကိုလည်း ကြက်သွန်ဖြူနဲ့ပဲ အနိုင်ယူခဲ့ကြတာဖြစ်တယ်။ ထမင်းစားရင် ကြက်သွန်ဖြူ သုံးလေးတက်လောက် စားပေးသင့်တယ်။

၂။ သဘာဝမှာ သွေးမခဲအောင်လုပ်ပေးနိုင်တာရှိပါသေးတယ်။ အဲဒါကတော့ နနွင်း ဖြစ်ပါတယ်။ နနွင်းက ဆီနဲ့ဖျော်သောက် မှ အူတွေကနေ စုပ်ယူနိုင်တာဖြစ်တယ်။ အခုလိုအခါမှာ ဇွန်းသေးနဲ့ မနက်တစ်ဇွန်း၊ ညနေတစ်ဇွန်း သောက်သင့် တယ်။

၃။ နောက်တစ်ခုကတော့ သံလွင်ဆီဖြစ်တယ်။ ဆံချည်မျှင်သွေးကြောလေးတွေ အတွင်းထဲအထိ ရှင်းလင်းပေးနိုင်တာ ကမ္ဘာပေါ်မှာသံလွင်ဆီတစ်မျိုးပဲရှိတယ်။

နနွင်းဖျော်သောက်ရာမှာ သံလွင်ဆီနဲ့ပဲ ဖျော်သောက်ကြပေါ့။သွေးခဲတဲ့သူတွေရဲ့သွေးဟာ ပျစ်နေလေ့ရှိတယ်။ သွေးခဲရခြင်းက သွေးပျစ်နေလို့ပါ။

၄။ သွေးပျစ်ရတာက ရေသောက်နည်းလို့။ ရေများများသောက်မှ သွေးက ကျဲလာမှာဖြစ်တယ်။ဘဒါကြောင့် တစ်နေ့ကို ရေ ၄ လီတာလောက် သောက်ရမယ်။ ရေခပ်နွေးနွေး သောက်တာ အကောင်းဆုံးပဲ။

၅။ သွေးပျစ်တဲ့သူတွေဟာ အချဉ်ကြောက်ကြသူတွေများတယ်။ အချဉ်ဓါတ်စားပေးရင် သွေးကျဲတယ်။ ဒါကြောင့်သံပရာရည် ချဉ်ချဉ်လေးသောက်ပေးဖို့ကောင်းတယ်။

၆။ အနောက်နိုင်ငံကတွေကတော့ သွေးကျဲဖို့ ကီဝီသီးတွေ စားလေ့ရှိပါတယ်။ အခု မြန်မာပြည်မှာတော့ ကင်ပွန်းချဉ် ဟင်းချိုသောက်ပြီး အဆင်ပြေနေကြပါတယ်။

၇။ သွေးထဲမှာရောနေတဲ့ အရည်ကြည်တစ်မျိုးရှိပါတယ်။အဲဒါကို သွေးသည်းခြေလို့ ခေါ်ပါတယ်။ သွေးသည်းခြေ နည်းနေရင် လည်းသွေးကပျစ်တတ်တယ်။

သွေးသည်းခြေဓါတ် အားကောင်းဖို့အတွက်ကတော့ အခါးကြွယ်ဝတဲ့ကြောင်ရှာ၊ခွေးတောက်၊ငရုတ်ခါး၊ဆင်တုံးမနွယ်၊ရဲယို၊ဒန့်ဒလွန်တွေစားပေးသင့်တယ်။ အခါးစားမှလည်း ဝါယောအားကောင်းပြီး သွေးလည်ပတ်မှု မှန်မှာဖြစ်တယ်။

၈။ အထိုင်များအအိပ်များရင် သွေးလေးပြီး သွေးခဲတတ်
တယ်။ ဒါကြောင့်လမ်းလျှောက်ပေးရမယ်။
လမ်းလျှောက်လို့ခြေသလုံးကြွက်သားတွေညှစ်တော့မှ‌ သွေးက နှလုံးကို တွန်းအားနဲ့ ရောက်တာဖြစ်တယ်။‌ ခြေသလုံး၂ခုဟာ ဒုတိယနှလုံးတွေ ဖြစ်တယ်။ ခပ်ဖြေးဖြေးလျှောက်ပေါ့။ သွေးခဲတာခြေထောက် ပိုင်းမှာ အဖြစ်များတယ်။ ခဲတဲ့သွေးဖတ်က ပင်မသွေးကြော ထဲမှာ ပါလာပြီး နှလုံး၊ ဦးနှောက်တွေမှာ သွားပိတ်တာ များပါတယ်။

04/12/2024

🚨 ဆီးချိုရောဂါ ဆိုတာ ယနေ့ခေတ်ရဲ့ လူမှုအဖွဲ့အစည်းကြားမှာ ဖြစ်ပွါးနှုန်းမြင့်မားတဲ့ ရောဂါအမျိုးအစားတစ်ခုပဲ ဖြစ်ပါတယ်။

🚨 ဆီးချိုရောဂါဟာဆိုရင် သွေးထဲမှာရှိ တဲ့ သကြားဓာတ် ပမာဏများလာတာ၊ သွေးထဲမှာရှိတဲ့ သကြားဓာတ်ပမာဏကို ဟန်ချက်ညီအောင် ထိန်းမထားနိုင်တာတွေကြောင့် ဖြစ်ပေါ်လာရတဲ့ ရောဂါဖြစ်ပြီး ဆီးချိုရောဂါရဲ့ ရောဂါလက္ခဏာတွေထဲက အဓိကလက္ခဏာတစ်ခုကတော့ ဆီးသွားများခြင်း ၊ ရေဆာရေငတ်ခြင်းပဲ ဖြစ်ပါတယ်။

🚨 သွေးတွင်းသကြားဓာတ် များလာတဲ့အခါမှာ ကျောက်ကပ်ကနေ အပိုသကြားဓာတ်ကို ဆီးအနေနဲ့ စွန့်ထုတ်ပေးရပါတယ်။ ဒီဖြစ်စဉ်ကြောင့် မကြာခဏ ဆီးသွားများကာ ရေဓာတ်ခန်းခြောက်မှုကို ခံစားရစေပြီး ရေပိုဆာလာစေပါတယ်။

💦 ဒါကြောင့် မကြာခဏ ရေဆာတတ်တဲ့ ဆီးချိုဝေဒနာရှင်များအနေနဲ့ အောက်ပါအချက်လေးကို ဂရုစိုက်ပြီး လုပ်ဆောင်ကြည့်ပါလို့ အကြံပြုတိုက်တွန်းပါရစေရှင်. . .✨

✅ နေ့စဉ်ပုံမှန်လိုအပ်တဲ့ ရေဓာတ်ပြည့်ဝနေစေဖို့ ရေများများသောက်ပေးပါ။
✅ မကြာခဏ ရေသောက်ပေးပါ။
✅ သကြားဓာတ် ပါဝင်မှုမြင့်တဲ့ အချိုရည်များ၊ သကြားဓာတ်ပမာဏ ပါဝင်မှုများတဲ့ အစားအစာများကို ရှောင်ရှားပါ။
✅ ဆရာဝန်ညွှန်ကြားမှုအတိုင်း ဆေးဝါး နဲ့ အာဟာရစနစ်ကို စနစ်တကျ လိုက်နာဆောင်ရွက်ပါ။

🚨 ဆီးချိုရောဂါရှိသူများအနေနဲ့ ရေဆာရေငတ်ခြင်းကို အရေးထားကာ သွေးတွင်း သကြားဓာတ်ကို ထိန်းချုပ်နိုင်ဖို့ အထူးပဲ အရေးကြီးပါတယ်ရှင်။ ဒါကြောင့် ဆီးချိုဝေဒနာရှင်များ " ရေများများသောက်ပေးဖို့ " မမေ့ပါနဲ့နော်. . . 🚨

🍀 ဆီးချိုရောဂါဟာဆိုရင် နေ့စဉ်လူမှုဘဝရဲ့ စားသောက်နေထိုင်မှုပုံစံကို ကောင်းမွန်စွာ စီမံနိုင်ပါက ရောဂါကို ထိန်းချုပ်နိုင်ပြီး ကျန်းမာရေးကို ပြန်လည်ထိန်းသိမ်းနိုင်မှာ အသေအချာပါပဲရှင်. . . 🍀✨

30/11/2024

#ဆီးချိုရှိသူတွေအတွက်ငှက်ပျောသီးစားနည်း

ဆီးချိုရောဂါရှိသူတွေက အာဟာရမျှတစေရန်အလို့ငှာ ငှက်ပျောသီးကို သင့်တင့်ရုံစားလို့ရပါတယ်။ ငှက်ပျောသီးမှာ အမျှင်ဓာတ်နဲ့ ကျန်းမာရေးနဲ့ညီညွတ်တဲ့ ကစီဓာတ်တွေ ပါဝင်တာမို့ ဆီးချိုရောဂါရှိသူတွေအတွက် ကျန်းမာရေးနဲ့ ညီညွတ်တဲ့ သရေစာဖြစ်ပါတယ်။

သို့သော် ငှက်ပျောသီးတွင် သကြားဓာတ်နဲ့ ကာဗိုဟိုက်ဒရိတ်ဓာတ်များ မြင့်မားတာမို့ ၎င်းတို့ကို သင့်တင့်ရုံစားရန်နဲ့ အောက်ပါအကြံပြုချက်များကို လိုက်နာရန် အရေးကြီးပါတယ်။

🧑‍⚕️သေးတာ‌ရွေးစားပါ

ငှက်ပျောသီးသေးသေးလေးတွေက သွေးတွင်းသကြားဓာတ်ပမာဏအပေါ် သက်ရောက်မှုနည်းပါတယ်။

🧑‍⚕️အမှည့်နည်းတာစားပါ

အမှည့်နည်းသော ငှက်ပျောသီးများတွင် သကြားအနည်းငယ်ပဲပါဝင်ပါတယ်။

🧑‍⚕️ကျန်းမာရေးနှင့် ညီညွတ်သော အစေ့အဆံတွေ သို့မဟုတ် ဒိန်ချဉ်နဲ့တွဲစားပါ

ငှက်ပျောသီးကို အခွံမာသီးအမျိုးမျိုး၊ ဒိန်ချဉ်၊ နေကြာစေ့၊ သို့မဟုတ် မြေပဲထောပတ်ဖြင့် တွဲစားခြင်းက အစာခြေဖျက်ခြင်းနှင့် သကြားဓာတ်စုပ်ယူမှုကို နှေးကွေးစေနိုင်ပါတယ်။

🧑‍⚕️တစ်နေကုန် အသီးအနှံများ စားသုံးခြင်း

တစ်နေ့တာလုံး ဆီးချိုရောဂါအတွက် သင့်တော်တဲ့ အသီးအနှံများ စားသုံးခြင်းဟာ သွေးတွင်းသကြားဓာတ် ပမာဏကို တည်ငြိမ်အောင် ထိန်းပေးနိုင်ပါတယ်။

🩺ငှက်ပျောသီးမှာလည်း အမျိုးအစား ၂ ဆီးချိုရောဂါကို မဖြစ်အောင် ကာကွယ်ပေးနိုင်တဲ့ antioxidants တွေ ပါဝင်တယ်လို့ဆိုပါတယ်။
သို့သော် ဒါကိုအတည်ပြုဖို့ နောက်ထပ်သုတေသနတွေလုပ်ဖို့ လိုအပ်ပါ‌သေးတယ်။

(မှတ်ချက်။ ။ သွေးတွင်းသကြားဓာတ် မထိန်းချုပ်နိုင်သေးသူတွေ၊ သွေးတွင်းသကြားဓာတ် အတက်အကျ များနေသူတွေကတော့ ငှက်ပျောသီးမစားတာ ပိုကောင်းပါတယ်)

26/11/2024

#သွေးတိုးရောဂါရှိတဲ့ဘယ်လိုလူတွေကသွေးကျဆေးပုံမှန်သောက်ရပါမလဲ?

#သွေးတိုးရောဂါနဲ့သွေးကျဆေးပုံ‌မှန်မသောက်ခြင်းပြဿနာ

#သွေးတိုးရောဂါရှိတာနဲ့သွေးကျဆေးတစ်သက်လုံးသောက်ရမှာပါလား?

သင့်ရဲ့သွေးပေါင်ချိန်က 140/90 mmHg အထက်မှာမကြာခဏရောက်နေပြီဆိုရင် သင့်ကိုကုသပေးတဲ့ဆရာဝန်ကသွေးကျ‌ဆေး ညွှန်ပေးလေ့ရှိပါတယ်။

လူနာအများစုကတော့ သွေးကျဆေးကို ၁၀ရက် တန်သည်၊ တစ်လတန်သည်သောက်သုံးပြီးတော့ မိမိဘာသာ အိမ်မှာသွေးပေါင်ချိန်ကြည့်ပြီးတော့ကောင်းနေပါက ဆေးဆက်မသောက်ဘဲရပ်လေ့ရှိပါတယ်။

ဒီနေ့ဆရာပြောပြပေးမှာကတော့ဘယ်သူတွေကသွေးကျဆေး ကိုတသက်လုံးစွဲသောက်ရမလဲဆိုတဲ့အကြောင်းပဲဖြစ်ပါတယ်။

သွေးပေါင်ချိန်တစ်ခါတစ်လေတက်တာကိုသွေးတိုးတာလို့မသတ်မှတ်သေးပေမယ့် သွေးပေါင်ချိန်က မကြာခဏတက်နေပြီဆိုရင်တော့ သွေးတိုးရောဂါလို့သတ်မှတ်လေ့ရှိပါတယ်။

သင့်ရဲ့သွေးပေါင်ချိန်ကအနည်းငယ်ပဲတက်တယ်၊ ရောဂါအခံလည်းမရှိဘူး၊ ပြီးတော့ နှလုံး၊ ကျောက်ကပ်၊ ဦးနှောက် ထိခိုက်တာတွေမရှိသေးဘူးဆိုရင်တော့သွေးတိုးရောဂါကို လူနေမှုပုံစံပြောင်းလဲပြီးကုသလို့ရပါသေးတယ်။

သွေးတိုးရောဂါရှိသူတွေမှာ ရောဂါအခံမရှိဘူးဆိုရင် သွေးပေါင်ချိန်မှာကို 140/90 mmHg အောက်မှာထိန်းထားရမှာဖြစ်ပြီး ရောဂါအခံရှိသူတွေကတော့ 130/80 mmHg အောက်မှာ ထိန်းထားရမှာပဲဖြစ်ပါတယ်။

ဒီလိုထိန်းမထားနိုင်ဘူးဆိုရင်တော့ နှလုံး၊ ဦးနှောက်နဲ့ ကျောက်ကပ်ဆိုင်ရာ နောက်ဆက်တွဲဝေဒနာတွေကိုခံစားရမှာပဲဖြစ်ပါတယ်။

❤️ဘယ်သူတွေကသွေးကျ‌ဆေး ကိုနေ့စဉ်ပုံမှန်တစ်သက်လုံးစွဲသောက်ရမှာပါလဲ?

🧑‍⚕️အစားအသောက်၊အနေအထိုင် မဆင်ခြင်နိုင်သူတွေ

🩺ဒီလိုလူတွေကတော့ သွေးတိုးရောဂါရှိပြီဆိုတာနဲ့ တစ်သက်တာလုံး နေ့စဉ်ပုံမှန်ဆေးစွဲသောက်ရမှာပဲဖြစ်ပါတယ်။

🧑‍⚕️နှလုံးနဲ့သွေးကြောဆိုင်ရာအန္တရာယ်ရှိသူတွေ

🩺ဆီးချိုရောဂါ၊ နှလုံးသွေး‌ေကြာကျဥ်းရောဂါနဲ့အခြားကျန်းမာရေးအခြေအနေတွေကြောင့် နှလုံးတိုက်ခိုက်ခံရခြင်း သို့မဟုတ် လေဖြတ်နိုင်ခြင်းဖြစ်ဖူးတဲ့ လူနာတွေမှာသွေးပေါင်ချိန်ပုံမှန်ဖြစ်နေသည့်တိုင်အောင် သွေးကျဆေး ‌ပုံမှန်သောက်ဖို့လိုအပ်ပါတယ်။

🧑‍⚕️သွေးတိုးရောဂါကြောင့် ကိုယ်တွင်းအင်္ဂါပျက်စီးနေသူများ

🩺သွေးတိုးရောဂါကြောင့် နှလုံး၊ ကျောက်ကပ်၊ ဦးနှောက် စတဲ့ ကိုယ်တွင်းအင်္ဂါအစိတ်အပိုင်းများကိုထိခိုက်မှုရှိထားသူတွေကလည်းသွေးကျဆေး ပုံမှန်သောက်ဖို့လိုအပ်ပါတယ်။

❤️ဆေးဝါးများအပြင်လူနေမှုပုံစံပြောင်းလဲခြင်းကလည်းသွေးတိုးရောဂါကိုကုသရာမှာအကောင်းဆုံးနဲ့အရေးကြီးဆုံးကုသမှုနည်းလမ်းတစ်ခုဖြစ်ပါတယ်။

🧑‍⚕️အစားအသောက်ဆင်ခြင်ခြင်း

🩺အငန်ဓာတ်စားသုံးမှုကိုလျော့ချခြင်း၊ ဆေးလိပ်ဖြတ်ခြင်း၊ အရက်သောက်သုံးခြင်းကိုလျှော့ချခြင်း၊ အဆီဓာတ်ပါဝင်မှုများသော အစားအစာများကိုလျှော့ချခြင်း၊ ဟင်းသီးဟင်းရွက်များကို ပိုမိုစားသောက်ခြင်း၊ ဆိုဒီယမ်ပါဝင်မှုများသော အစားအစာများကိုလျှော့ချခြင်း၊ တာရှည်ခံဆေးပါဝင်မှုများသော အစားအစာများကိုလျှော့ချခြင်း စတာတွေပဲဖြစ်ပါတယ်။

🧑‍⚕️ကိုယ်လက်လှုပ်ရှားမှုပုံမှန်ပြုလုပ်ခြင်း

🩺လမ်းလျှောက်ခြင်း၊ ရေကူးခြင်း၊ စက်ဘီးစီးခြင်း၊ အေရိုးဗစ်ကစားခြင်း စတဲ့ ကိုယ်လက်လှုပ်ရှားမှုတွေကိုတစ်ရက်လျှင် အနည်းဆုံး မိနစ် (၃၀) မှ တစ်နာရီနေ့စဉ်ပုံမှန်ပြုလုပ်ပေးရပါမယ်။

သွေးတိုးရောဂါရှိသူတွေမှာတစ်ဦးချင်းစီအလိုက် သီးခြားအခြေအနေတွေ ရှိနေနိုင်တာဖြစ်လို့ အသေးစိတ်အကြံပြုချက်များကို မိမိတို့ကိုကုသမှုပေးနေတဲ့ ဆရာဝန်နဲ့ပုံမှန်ပြသပြီး လမ်းညွှန်ချက်ရယူဖို့အရေးကြီးပါတယ်။

ရည်ရွယ်ချက်ကတော့ သွေးပေါင်ချိန်ကိုသတ်မှတ်ထားတဲ့ပမာဏမှာ ထိန်းချုပ်ထားနိုင်ဖို့ဖြစ်ပြီး နောက်ဆက်တွဲဝေဒနာတွေမခံစားရအောင် ကာကွယ်ဖို့ပဲဖြစ်ပါတယ်။

24/11/2024

ဗိုက်တာမင်-ဒီ ချို့တဲ့ခြင်းကြောင့်ဖြစ်လာနိုင်သည့် ဘေးအန္တရာယ်များ

ဗိုက်တာမင်ဒီက အဆီမှာပျော်ဝင်တဲ့ ဗိုက်တာမင်ဖြစ်ပြီး အရိုးနဲ့သွားများ ကျန်းမာကြံ့ခိုင်စေရန် အရေးကြီးတဲ့ ကယ်လ်စီယမ်နဲ့ ဖော့စ်ဖရပ်စ်တို့ ခန္ဓာကိုယ်မှ စုပ်ယူနိုင်အောင် ကူညီပေးပါတယ်။

ခန္ဓာကိုယ်မှာ ဗိုက်တာမင်ဒီ ချို့တဲ့ရင်တော့ ကျန်းမာရေးပြဿနာများ ဖြစ်လာနိုင်ပါတယ်။

(၁) ကိုယ်ခံအားစနစ်အားနည်းခြင်း

ဗိုက်တာမင်ဒီ ချို့တဲ့ရင် ကိုယ်ခံအားစနစ် အားနည်းသွားကာ ရောဂါကူးစက်မှုများ ဝင်ရောက်လာနိုင်ပါတယ်။

နေရောင်ဟာ ဗိုက်တာမင်ဒီပါဝင်တဲ့ ရင်းမြစ်တစ်ခုဖြစ်သလို အဆီပါသောငါးများ၊ နို့ထွက်ပစ္စည်းများမှာ ဗိုက်တာမင်ဒီ ကြွယ်ဝစွာ ပါဝင်ပြီး ဖြည့်စွက်များလည်း စားသုံးနိုင်ပါတယ်။

(၂) အရိုးဆုံးရှုံးခြင်းနှင့် အရိုးပွခြင်း

ဗိုက်တာမင်ဒီက ကယ်လ်စီယမ် စုပ်ယူမှုကို အားကောင်းစေကာ အရိုးကြီးထွားခြင်းကို အားပေးပြီး အရိုးဆုံးရှုံးမှုမှ ကာကွယ်ပေးတာကြောင့် ဗိုက်တာမင်ဒီချို့တဲ့ရင် အရိုးအားနည်းပြီး အရိုးပွရောဂါ ဖြစ်လာနိုင်ပါတယ်။

(၃) ရာသီလိုက်နေမကောင်းဖြစ်ခြင်း

ဗိုက်တာမင်ဒီ နည်းပါးပါက ရာသီအကူးအပြောင်းမှာ စိတ်ဓာတ်ကျခြင်းမျိုး လက္ခဏာများ ဖြစ်တတ်ပြီး အပြင်ဘက်မှာ နေရောင်ထိတွေ့ခြင်းဖြင့် သက်သာစေနိုင်ပါတယ်။

(၄) နှလုံးသွေးကြောရောဂါများ ဖြစ်နိုင်ချေများခြင်း

ဗိုက်တာမင်ဒီ ချို့တဲ့ရင် နှလုံးသွေးကြောဆိုင်ရာ ရောဂါများ အပါအဝင် သွေးတိုးရောဂါ၊ နှလုံးရောဂါ၊ လေဖြတ်ခြင်းတို့ ဖြစ်နိုင်ချေ များစေပြီး ပုံမှန်လှုပ်ရှားလေ့ကျင့်ခန်း ပြုလုပ်ခြင်း၊ ညီညွတ်မျှတစွာ စားသောက်ခြင်း၊ စိတ်ဖိစီးမှုလျှော့ချခြင်းတို့ဖြင့် ကျန်းမာစွာ နေထိုင်နိုင်မှာ ဖြစ်ပါတယ်။

(၅) ဦးနှောက်သိရှိမှုစွမ်းရည်လျော့ကျခြင်းနှင့် စိတ်မူမမှန်ခြင်း

မှတ်ဉာဏ်ဆိုင်ရာ ပြဿနာများ၊ အသိဉာဏ်စွမ်းရည် လျော့ကျခြင်း၊ စိတ်ဓာတ်ကျခြင်း ပူပန်သောကရောက်ခြင်းလိုမျိုး စိတ်မူမမှန်ခြင်းများ ခံစားရနိုင်ကာ အစားအသောက်၊ လေ့ကျင့်ခန်းတို့ဖြင့် ထိန်းသိမ်းနိုင်ပါတယ်။

(၆) ရင်ကြပ်ဝေဒနာပိုမိုဆိုးရွားစေခြင်း

ဗိုက်တာမင်ဒီက ရောင်ရမ်းခြင်းကို လျော့ကျစေတာကြောင့် ချို့တဲ့တဲ့အခါ ရင်ကြပ်လက္ခဏာများ ပိုမိုဆိုးရွားစေပြီး ရင်ကြပ်ခြင်းခံစားရမှု ပိုမိုဖြစ်ပေါ်နိုင်ပါတယ်။

(၇) ကိုယ်ခံအားနည်းသောရောဂါများ ဖြစ်နိုင်ချေများခြင်း

ဗိုက်တာမင်ဒီ ချို့တဲ့တဲ့အခါ လေးဘက်နာ၊ ဆီးချိုရောဂါတို့လို ကိုယ်ခံအားနည်းခြင်းနဲ့ သက်ဆိုင်တဲ့ ရောဂါများ ဖြစ်လာနိုင်ပါတယ်။

ရောဂါဖြစ်နိုင်ချေ များတဲ့သူတွေအနေဖြင့် ကျန်းမာရေးပညာရှင်နဲ့ တိုင်ပင်ဆွေးနွေးကာ လိုအပ်တဲ့ ဖြည့်စွက်စာများ သုံးစွဲရန်လည်း အရေးကြီးပါတယ်။

Cera-Care Pro Myanmar

07/01/2025

28/12/2024

23/12/2024

18/12/2024

15/12/2024

11/12/2024

07/12/2024

04/12/2024

30/11/2024

26/11/2024

24/11/2024

Address

Telephone

Website

Alerts

Shortcuts

Share

Category