Yangon Healthcare Unit, Yangon (2025)

10/10/2022

World Mental Health Day
10th Oct 2022

30/08/2022

ယခုလို ခက်ခဲတဲ့အချိန်ကာလတွေမှာ လူတိုင်းဟာ စိတ်ဖိစီးမှုအနည်းနှင့်အများ ဖြစ်လေ့ရှိကြပါတယ်။ သိသာထင်ရှားတဲ့လက္ခဏာတွေကတော့ အိပ်ရခက်ခြင်း၊ လေးလံထိုင်းမှိုင်းခြင်း၊ ဝမ်းနည်းနေခြင်း၊ အာရုံစူးစိုက်ရန်ခက်ခဲခြင်း၊ အလွယ်တကူ စိတ်အ‌နှောင့်အယှက်ဖြစ်တတ်ခြင်း၊ မျှော်လင့်ချက်မဲ့နေခြင်း၊ မိမိကိုယ်ကိုယုံကြည်မှုမရှိတော့ခြင်း စတာတွေပဲဖြစ်ပါတယ်။ စိတ်ပိုင်းဆိုင်ရာကျန်းမာနေခြင်းဟာလည်း ခန္ဓာကိုယ်ကျန်းမာခြင်းနည်းတူ အရေးကြီးတာကြောင့် နေ့စဥ်ကြုံတွေ့နေရတဲ့အခက်အခဲတွေကြားမှာ မိမိရဲ့စိတ်ကျန်းမာရေးကို မေ့လျော့နေလို့မဖြစ်ပါဘူး။ ဒါကြောင့် စိတ်ဖိစီးမှုတွေကနေကျော်လွှားပြီး နေ့ရက်တွေကို အဆင်ပြေပြေဖြတ်သန်းနိုင်ဖို့ နည်းလမ်းအချို့ကို မျှဝေပေးချင်ပါတယ်။
နည်းလမ်းတွေကတော့ -
💌 အရာရာကိုအကောင်းမြင်စိတ်ထားပါ
💌 မျှော်လင့်ချက်ထားပါ
💌 ကျန်းမာရေးနှင့်ညီညွတ်သော အစားအစာကိုစားပြီး ကိုယ်လက်လေ့ကျင့်ခန်းလုပ်ပါ
💌 အွန်လိုင်းလူမှုကွန်ယက် အသုံးပြုမှုကို လျော့ပါ
💌 တရားထိုင်ပါ
💌 မိသားစု၊ မိတ်ဆွေ၊ သူငယ်ချင်းတို့ကို ခံစားချက်ဝေမျှပါ
နေ့စဥ်ဘဝမှာ စိတ်ဖိစီးမှုကင်းကင်းနှင့် ကျန်းမာပျော်ရွှင်စွာဖြတ်သန်းနိုင်ဖို့ ယခုပြောပြတဲ့အချက်လေးတွေက အထောက်အကူဖြစ်စေမှာပါ။ မိမိချစ်ခင်ရသူတွေအတွက်လည်း ဒီနည်းလမ်းကောင်းလေးတွေကို မျှဝေပေးဖို့ မမေ့နဲ့ဦးနော်။ 💌

31/05/2022

⚕️ရာသီတုပ်ကွေး ကာကွယ်ဆေး (Flu Vaccine) ⚕️

✅ June လအတွင်း ရာသီတုပ်ကွေးကာကွယ်ဆေး (Flu Vaccine) ထိုးလိုသူများအနေနဲ့
ဆေးများ instock ရှိတာမို့ စာရင်းပေးသွင်းကာ ရက်ချိန်းယူပြီး ထိုးနှံနိုင်ပါပြီ။ ✅

Registration Form: https://forms.gle/FsWEmnGCNQWJFan37 👈🏼

ယခုထိုးနှံပေးမယ့် ဝိချိုင်ဝေ့ဆေးရုံမှ ရာသီတုပ်ကွေးကာကွယ်ဆေး (Flu Vaccine) Vaxigrip Tetra ဟာ ကမ္ဘာ့ကျန်းမာရေးအဖွဲ့ (WHO) မှ ထိုးနှံဖို့ ထောက်ခံအကြုံပြုထားပါတယ်။ ထိုင်းနိုင်ငံ (ဝိချိုင်ဝေ့ဆေးရုံ) မှ တုပ်ကွေးကာကွယ်ဆေးသည် cold-chain အား အတိအကျလိုက်နာ၍ မြန်မာ FDA အသိအမှတ်ရရှိထားသော ဆေးဖြစ်ပါသည်။

တုပ်ကွေးကာကွယ်ဆေးဆိုတာ လူ့ခန္ဓာကိုယ်မှ ပြင်ပမှဝင်ရောက်လာသည့် တုပ်ကွေးဗိုင်းရပ်စ်ပိုးများအား ခုခံတိုက်ခိုက်ပေးသည့် ပဋိဇီဝပစ္စည်းများ ကိုယ်တွင်းမှထွက်ရှိနိုင်အောင် လှုံ့ဆော်ပေးသော ဆေးဖြစ်သည်။ အန္တရာယ်မပေးနိုင်တော့သည့် ဗိုင်းရပ်စ်ပိုးအသေ (Inactivated Killed Virus) ပမာဏဖြင့် ထုတ်လုပ်ထားသဖြင့် ကာကွယ်ဆေးထိုးခြင်းမှတဆင့် တုပ်ကွေးရောဂါလုံးဝမဖြစ်ပွားစေပါ။ H1N1ကဲ့သို့သော တုပ်ကွေးရောဂါဖြစ်စေသောဗိုင်းရပ်စ်ပိုးများသည် နှစ်စဥ်ပြောင်းလဲနေသောကြောင့် တစ်နှစ်တစ်ကြိမ် ကာကွယ်ဆေးထိုးနှံပေးရန် လိုအပ်ပါသည်။

💉အဓိကအားဖြင့် အောက်ပါ အချက်၃ချက်နဲ့ ကိုယ်တိုင်စစ်ဆေးပြီး ထိုးနှံလို့ရပါတယ်။ 💉

1️⃣ ပထမအချက်က ကမ္ဘာ့နေရာပေါ်မူတည်ပြီး outbreak ဖြစ်တဲ့တုပ်ကွေးပိုးမျိုးစိတ် ကွဲပါတယ်။ အဲ့အမျိုးအစားပေါ်မူတည်ပြီး တုပ်ကွေးကာကွယ်ဆေးက တံဆိပ်အမျိုးမျိုးထုတ်ပါတယ်။ ဥပမာပေးရရင် ဥရောပမှာထိုးတဲ့ဆေးနဲ့ အာရှမှာထိုးတဲ့ဆေး၊ အထဲကကာကွယ်ပေးနိုင်တဲ့ပိုးမျိုးစိတ်မတူနိုင်ပါဘူး။ နှစ်စဥ်နှစ်တိုင်း ပညာရှင်တွေက ပိုးတွေရဲ့trendကို လေ့လာမှုပြုလုပ်ပြီး ဒီနှစ်ကတော့ဖြင့် ဘယ်ဒေသမှာ ဘယ်ပိုးတွေဖြစ်ပွားနိုင်တယ်ခန့်မှန်းပေးပြီးမှ ထုတ်လုပ်ကြရတာပါ။ မိမိထိုးမယ့်ဆေးက မိမိနေထိုင်မယ့်နေရာဒေသအလိုက် အံကိုက်ဖြစ်ဖို့ အရေးကြီးပါတယ်။(ချွင်းချက်အနေနဲ့ မိမိက တစ်ကမ္ဘာလုံးပတ်ပြီး ခရီးသွားနေတဲ့သူဆိုရင်တော့ နှစ်မျိုးလုံးထိုးနိုင်ပါတယ်😅 ) ဒီနေရာမှာတစ်ခုသတိထားရမှာက အနောက်နိုင်ငံတွေမှာ တုပ်ကွေးရာသီက အာရှထက်စောပါတယ်၊ သူတို့ဆီမှာရာသီပြီးလို့ ပိုနေတဲ့ဆေးတွေက အာရှကိုစျေးပေါပေါနဲ့ လွင့်လာတတ်ပါတယ်၊ တုပ်ကွေးကာကွယ်ဆေး စောစောထိုးလို့ရမယ်ဆိုတိုင်းလဲ သေချာကြည့်ပြီးမှထိုးသင့်ပါတယ်။ မှတ်ရခက်ရင်တော့ မြန်မာFDAရပြီးသားဆေးက မြန်မာမှာနေသူတွေအတွက် ထိုးလို့ရပါတယ်။

2️⃣ ဒုတိယအချက်အနေနဲ့က တုပ်ကွေးကာကွယ်ဆေးမှာ cold-chainက အသက်ပါ။ Cold-chain က ပြောရလွယ်သလောက် လက်တွေ့မှာ 2°C-8°C အတွင်း အတိအကျထိန်းထားဖို့ ခက်ခဲပါတယ်၊ အထူးသဖြင့် မြန်မာနိုင်ငံလိုပူပြင်းပြီး မီးမမှန်တဲ့အခြေအနေတွေမှာ ဆေးအာနိသင်အပြည့်အဝရစေဖို့ တော်တော်သတိထားရပါတယ်၊ ဆေးထုတ်လုပ်တဲ့ production plant ကနေ ထိုးမယ့်သူဆီရောက်ဖို့ ကြားထဲသယ်ယူပို့ဆောင်တဲ့ အဆင့်ဆင့်မှာ cold-chain မဖြစ်မနေလိုပါတယ်၊ အကောင်းဆုံးက လေယာဥ်နဲ့သယ်တာပါ၊ အဲ့အတွက်လည်း ကုန်ကျစရိတ်ပိုနိုင်ပါတယ်။ ဆေးရဲ့သဘောသဘာဝက အရမ်းအေးလွန်းပြီးခဲပြီးသွားရင် ပြန်အရည်ပျော်ပေမယ့် အာနိသင်ပျက်ပါတယ်၊ အရမ်းပူရင်လဲ ပျက်ပါတယ်၊ ဒီ့အတွက်ကြောင့်ပဲ ဆေးရဲ့သယ်ယူပို့ဆောင်ရာလမ်းတလျောက် အပူချိန်တွေကို record ထားရှိပြီး စနစ်တကျသယ်ရတာပါ။ ရေခဲပုံးထဲကို ရေခဲထည့်ပြီးသယ်တာက နာရီပိုင်းပဲအဆင်ပြေပါလိမ့်မယ်။

3️⃣ နောက်ဆုံး အချက်အနေနဲ့ ဆေးထိုးတော့မယ်ဆိုရင် ကျန်းမာရေးဝန်ထမ်းက စမ်းသပ်စစ်ဆေးမေးမြန်းရပါတယ်၊ ဆေးထိုးပြီးဖြစ်ပေါ်လာမယ့် နောက်ဆက်တွဲ Side Effectတွေကို ကြိုတင်ကာကွယ်ဖို့ပါ၊ အကြမ်းဖျင်းကတော့ ရောဂါအခံမရှိရင် လူတော်တော်များများထိုးလို့ရပါတယ်၊ လူအယောက်တစ်ထောင်မှာမှ တစ်ယောက်လောက်သာ ဆေးမတည့်ခြင်းအခြေအနေ ဖြစ်ပေါ်တတ်ပါတယ်။ အသေးစိတ်ကိုတော့အောက်က 1st comment မှာ ဖတ်နိုင်ပါတယ်။

🤷‍♂️ နိဂုံးချုပ်အနေနဲ့ ပြောရမယ်ဆိုရင်တော့ အထက်ပါအချက်တွေနဲ့ ချိန်ဆပြီး အာနိသင်အပြည့် ဆေးထိုးနိုင်ပါတယ်။

Flu Vaccine
💉တလုံးကို ၃၅,၀၀၀ ကျပ် ကျသင့်မှာ ဖြစ်ပြီး
💉၁၀ယောက်နဲ့အထပ်ဆို ၃၂,၀၀၀ ကျပ် ကျသင့်မှာဖြစ်ပါတယ်။

အသေးစိတ်ကို YHU FB page ကနေတဆင့်ကျွမ်းကျင်ဆရာဝန်များနဲ့မေးနိုင်သလို Telegram Link: https://t.me/healthcareunit ကနေလည်းမေးနိုင်ပါတယ်။

Teleconsultation သည်းသန့်လိုချင်သူများအတွက်လည်း ၁၅မိနစ်ကို ၁၅,၀၀၀ ကျပ်ဖြင့် ရနိုင်ပါတယ်။

26/05/2022

⚕ Monkeypox ခေါ် မျောက်ကျောက်ရောဂါအတွက် သိသင့်တဲ့ အဓိကအချက် (၉) ချက် ⚕

1️⃣ ကျောက်ကြီးရောဂါ (Smallpox) အတွက် ထိုးခဲ့ကြတဲ့ ကျောက်ရောဂါ ကာကွယ်ဆေးဟာ အခု Monkeypox ရောဂါကိုလည်း ကာကွယ်နိုင်တယ်လို ဆိုပါတယ်။ (၁၉၈၀ ခုနှစ်မှာ ကျောက်ရောဂါကို ကမ္ဘာပေါ်ကနေ အမြစ်ဖြတ်နှိမ်နင်းနိုင်ပြီလိုကြေငြာခဲ့ပါတယ်။ အဲ့ဒီမတိုင်မီတုန်းကဆို ကျောက်ရောဂါကာကွယ်ဆေးတွေ ထိုးခဲ့ကြရပါတယ်။ အိမ်မှာ အကြမ်းအားဖြင့် အသက် ၄၀ အထက် လူကြီးတွေရှိရင် သူတိုလက်မောင်းမှာ ကျောက်ရောဂါကာကွယ်ဆေး ထိုးထားတဲ့ အမာရွတ် အဝိုင်းကြီးတွေကို မြင်နိုင်ပါတယ်။) ယခုအခါ Monkeypox ရောဂါအတွက် ကာကွယ်ဆေးသစ်များကို ဖော်စပ်ထားပြီးဖြစ်သလို အဲ့ဒီထဲက တစ်မျိုးဖြစ်တဲ့ JYNNEOS® ဟာ Monkeypox ကိုကာကွယ်ရေးအတွက် သုံးနိုင်ကြောင်း အတည်ပြုချက်ရရှိပြီး ဖြစ်ပါတယ်။ အဲ့ဒီ ကာကွယ်ဆေးကို အားပျော့ချည့်နဲ့သွားအောင် လုပ်ထားတဲ့ Vaccinia virus (Ankara strain) ကနေထုတ်ထားတာဖြစ်ပြီး ထိုးမယ်ဆို နှစ်ကြိမ်ထိုးရမယ်လို ဆိုပါတယ်။ JYNNEOS® ကာကွယ်ဆေးကို ဒိန်းမတ်နိုင်ငံရှိ Bavarian Nordic ကုမ္ပဏီက ထုတ်လုပ်ပါတယ်။

2️⃣ Monkeypox ရောဂါဟာ သူ့နာမည်အတိုင်းပဲ မျောက်ကျောက် ဗိုင်းရပ်စ် (Monkeypox virus) ကြောင့်ဖြစ်ရတာပါ။ အဲ့ဒီ Monkeypox Virus ဟာ Orthopoxvirus မျိုးစုအဖွဲဝင်ဖြစ်ပြီး Poxviridae မျိုးရင်းတွင် ပါဝင်ပါတယ်။

3️⃣ Monkeypox ရောဂါဟာ အများအားဖြင့် သူ့ဟာသူ ပျောက်ကင်းသွားတတ်တဲ့ ရောဂါဖြစ်ပါတယ်။ ရောဂါလက္ခဏာတွေက ၂ ပတ်ကနေ ၄ ပတ်အထိ ကြာတတ်ပါတယ်။ သိုသော် အချိုသောသူများမှာ ပြင်းထန်တတ်လို မပေါ့ဆသင့်ပါ။ မကြာသေးမီက ရရှိထားသော အချက်အလက်များအရ ရောဂါဖြစ်ပွားသူတွေမှာ သေဆုံးမှုနှုန်းဟာ ၃-၆ ရာခိုင်နှုန်းခန့် ရှိတာကို တွေ့ရပါတယ်။

4️⃣ Monkeypox ရောဂါဟာ လူတွေဆီကို အနီးကပ်ထိတွေ့ခြင်းကနေ ကူးစက်လာတာပါ။ ရောဂါဖြစ်နေတဲ့လူနာ/ ရောဂါဖြစ်နေတဲ့ တိရစ္ဆာန်နဲ့ ထိတွေ့တာ နှင့် ရောဂါပိုးရှိနေတဲ့ အရာဝတ္ထုတွေနဲ့ ထိတွေ့တာတွေကို ဆိုလိုပါတယ်။

5️⃣ Monkeypox ရောဂါဟာ လူတစ်ယောက်ကနေ အခြားလူတစ်ယောက်ကို ကူးစက်တဲ့ နေရာမှာတော့ မျောက်ကျောက်ရောဂါ အရည်ကြည်ဖုတွေ/အနာတွေကို ထိမိတာ၊ ခန္ဓာကိုယ်ကထွက်တဲ့ အရည်တွေကို ကိုင်တွယ်မိတာတွေအပြင်၊ ချောင်းဆိုး/နှာချေကထွက်တဲ့ အရည်စက်ကလေးတွေနဲ့ ပိုးမွားတွေ ပေကျံနေတဲ့ အိပ်ရာခင်းကဲ့သိုသော အရာဝတ္ထုတွေကတစ်ဆင့် ကူးစက်နိုင်ပါတယ်။

6️⃣ Monkeypox ရောဂါဟာ တိရစ္ဆာန်ကတစ်ဆင့် ကူးစက်တဲ့ ဗိုင်းရပ်စ်ရောဂါ (Viral zoonotic disease) တစ်ခုဖြစ်ပြီး အာဖရိကတိုက် အလယ်ပိုင်းနှင့် အနောက်ပိုင်းရှိ အပူပိုင်း မိုးသစ်တောဒေသတွေမှာ အဓိကအားဖြင့် ဖြစ်ပွားလေ့ရှိပါတယ်။ တစ်ခါတစ်ရံမှသာ အဲ့ဒီဒေသတွေကနေ အခြားအရပ်ဒေသတွေကို ပျံ့နှံရောက်ရှိသွားတတ်ပါတယ်။

7️⃣ ကျောက်ကြီးရောဂါ (Smallpox) ကိုကုသရာမှာ အသုံးပြုခဲ့တဲ့ Tecovirimat ခေါ် ဗိုင်းရပ်စ်ပိုးဟန့်တားဆေးတစ်ခုကို ယခုဖြစ်ပွားနေတဲ့ Monkeypox ရောဂါကုသရာမှာ အသုံးပြုနိုင်တယ်လို ဆိုပါတယ်။ သုံးဖိုလည်း လိုင်စင်ရထားပြီး ဖြစ်ပါတယ်။

8️⃣ Monkeypox ရောဂါရဲ့ လက္ခဏာများဟာ ၁၉၈၀ ခုနှစ်ကတည်းက အမြစ်ပြတ်နှိမ်နင်းလိုက်ပြီဖြစ်တဲ့ ကျောက်ရောဂါ (Smallpox) ရဲ့လက္ခဏာများနဲ့ ဆင်တူပါတယ်။ သူတို ဗိုင်းရပ်စ် နှစ်မျိုးစလုံးက Orthopoxvirus မျိုးစုတွေပဲ ဖြစ်ကြပါတယ်။ ကံကောင်းတာက Monkeypox ရောဂါက ကျောက်ရောဂါထက် ကူးစက်မှုနှုန်းရော၊ ပြင်းထန်မှုပါ လျော့နည်းပါတယ်။

9️⃣ Monkeypox ရောဂါဖြစ်ပြီဆိုရင် ဖျားတာ၊ အရည်ကြည်ဖု/အဖုအပိမ့် အနီကွက်ထွက်တာနဲ့ ပြန်ရည်ကျိတ်တွေကြီးလာတဲ့ လက္ခဏာတွေ တွေ့ရများပါတယ်။ အဲ့ဒီကနေမှတစ်ဆင့် လက္ခဏာပြင်းထန်သူတွေမှာ နောက်ဆက်တွဲ ရှုပ်ထွေးမှုအမျိုးမျိုး ဖြစ်စေနိုင်တာမို မပေါ့ဆဘဲ စနစ်တကျ ကာကွယ်ကုသသင့်ပါတယ်။

ဒေါက်တာခင်မောင်လွင် (FAME)
25.5.2022

Reference
-------------
WHO Fact sheet – Monkeypox https://www.who.int/news-room/fact-sheets/detail/monkeypox
JYNNEOS Smallpox (Monkeypox) vaccine https://www.precisionvaccinations.com/vaccines/jynneos-smallpox-monkeypox-vaccine

03/04/2022

⚕️ထိုင်းနိုင်ငံတွင် Omicron မူကွဲ 'XE' တွေ့ရှိ ⚕️

ကမ္ဘာ့ကျန်းမာရေးအဖွဲ (WHO) က Omicron မျိုးစပ်မှုအသစ် XE အကြောင်း သတိပေးပြီးနောက် BA.1 နဲ့ BA.2 ကို ပေါင်းစပ်ထားတဲ့ အိုမီခရွန် XE ကို ဆေးဘက်ဆိုင်ရာမျိုးရိုးဗီဇဆိုင်ရာစင်တာ Ramathibodi ဆေးရုံမှ ဧပြီလ ၂ရက်နေ့က လူနာတစ်ဦးထံမှ ယူထားသော swab နာမူနာ၏ မျိုးရိုးဗီဇ စီစစ်မှုဖြင့် တွေ့ရှိခဲ့တာ ဖြစ်ပါတယ်။

ဒီ XE မျိုးကွဲဟာ BA.1 နှင့် BA.2 မျိုးကွဲများ၏ မျိုးတူမျိုးစပ် တွေ့ရှိမှုဖြစ်ပြီး XE recombinant သည် Deltacron မျိုးကွဲမဟုတ်ကြောင်း၊ WHO မှ XE သည် ကိုရိုနာဗိုင်းရပ်အသစ်၏ ပြင်းထန်မှုအား စုံစမ်းစစ်ဆေးနေဆဲဖြစ်သော်လည်း ကူးစက်နိုင်ဆုံး အမျိုးအစား ဖြစ်နိုင်ကြောင်း အင်္ဂါနေ့တွင် သတိပေးခဲ့သည်။

WHO မှ အချက်အလက်များကို ကိုးကား၍ Massarray Genotyping မှတစ်ဆင့် အတည်မပြုရသေးသော အခြားဖြစ်ရပ်တစ်ခုကို တွေ့ရှိပြီးနောက် Delta နှင့် Omicron မျိုးကွဲဖြစ်သော Deltacron သည် လျင်မြန်စွာ (သိုမဟုတ်) ပြင်းထန်သော လက္ခဏာများ မဖြစ်ပေါ်ကြောင်း စင်တာက ပြောကြားခဲ့သည်။

Omicron XE ကို ယခုနှစ် ဇန်နဝါရီလ ၁၉ ရက်နေ့က ဗြိတိန်မှာ ပထမဆုံးစတင်တွေ့ရှိခဲ့ပြီး လူပေါင်း ၆၀၀ ကျော်မှာ ကူးစက်ခဲ့ပါတယ်။ UK Health Services Agency (UKHSA) မှ အစီရင်ခံစာများကို ကိုးကား၍ Omicron XE သည် BA.2 ထက် 10% ပိုကူးစက်နိုင်ပြီး မူလ Omicron (B.1.1.529) ထက် 43% ပိုကူးစက်နိုင်သည်ဟု စင်တာမှ ပြောကြားခဲ့သည်။
Omicron XE ၏ ကူးစက်ပျံ့ပွားမှုကို စောင့်ကြည့်ရဦးမည်ဟု စင်တာမှထပ်မံ ပြောကြားခဲ့သည်။

Phylogenetic Assignment of Named Global Outbreak Lineages (Pangolin) အရ Delta နှင့် BA.1 ၏ recombinant နှစ်ခုမှာ XD နှင့် XF ဖြစ်ပြီး အခြား BA.1 နှင့် BA.2 ၏ recombinant ခြောက်ခုမှာ XE၊ XG၊ XH၊ XJ၊ XK နှင့် XL တိုဖြစ်ပါတယ်။

Source: Bangkok Post https://www.bangkokpost.com/thailand/general/2289302/latest-omicron-variant-xe-arrives
Telegram: https://t.me/healthcareunit

13/03/2022

😃🥰 ပျော်ရွှင်စေတဲ့ဟော်မုန်းများ 😃🥰

ဘဝမှာအောင်မြင်ချင်တယ်ဆိုရင် စိတ်ပျော်ရွှင်မှုကအရေးပါပါတယ်။

စိတ်ပျော်ရွှင်တဲ့အခါမှာ အရာရာကိုအကောင်းမြင်လာပြီး ဘဝကပျော်စရာဖြစ်လာတယ်။ နေ့စဉ်ဘဝအဆင်ပြေဖိုနဲ့ အလုပ်မှာ အောင်မြင်ဖိုဆိုရင် ပျော်ရွှင်နေဖိုလိုအပ်ပါတယ်။
ဒါပေမယ့် လူဘဝဆိုတာကလည်း နေ့စဉ်နဲ့အမျှအခက်အခဲတွေ၊ ပြဿနာတွေကြုံတွေ့ရတဲ့အတွက် စိတ်ညစ်စရာတွေပေါ်လာပြီး ပျော်ရွှင်စရာတွေပျောက်ဆုံးလာပါတယ်။

ပြင်ပအကြောင်းအရာတွေကြောင့်ဖြစ်လာတဲ့ ပြဿနာတွေပေါ်မလာအောင်တော့ ကာကွယ်လို့မရပါဘူး။
ဒါပေမယ့် ကျွန်တော်တို့ရဲ့ပျော်ရွှင်မှုတွေ ပျောက်ကွယ်မသွားအောင်တော့ထိန်းချုပ်လို့ရပါတယ်။

တကယ်တော့ ပျော်ရွှင်မှုကို ဝေးဝေးလံလံမှာ လိုက်ရှာနေစရာမလိုပါဘူး။
ကျွန်တော်တို့ရဲ့ခန္ဓာကိုယ်ထဲမှာ သဘာဝအလျောက်ရှိတဲ့ ပျော်ရွှင်မှုကိုဖြစ်ပေါ်စေတဲ့ ဟော်မုန်းတွေရှိပါတယ်။ Endorphin၊ Serotonin၊ Dopamine နဲ့ Oxytocin တိုဟာ ပျော်ရွှင်မှုကို ဖြစ်ပေါ်စေဖို့ အလုပ်လုပ်တဲ့ဟော်မုန်းတွေပဲဖြစ်ပါတယ်။

(၁) Endorphin

Endorphin ဟော်မုန်းဆိုတာ နာကျင်မှုတွေကို သက်သာပျောက်ကင်းစေဖို့ ခန္ဓာကိုယ်က သဘာဝအတိုင်းထုတ်ပေးတဲ့ ဟော်မုန်းတစ်မျိုးဖြစ်ပါတယ်။
Endorphin ဟော်မုန်းကို -
1. ချောကလက်စားတာ၊
2. လေ့ကျင့်ခန်းလုပ်တာ၊
3. သင်းပျံ့တဲ့မွှေးရနံ့ရှုရှိက်တာ၊
4. ဟာသရုပ်ရှင်တွေကြည့်တဲ့အခါတွေမှာ ခန္ဓာကိုယ်ကထုတ်လုပ်ပေးပါတယ်။

Endorphin ဟော်မုန်းပမာဏကို အမြန်ဆုံးတက်လာစေချင်ရင်တော့ လမ်းသွက်သွက်လျှောက်တာ၊ ငါးမိနစ်လောက်ကြိုးခုန်တာ၊ ယောဂလေ့ကျင့်တာမျိုး တွေလုပ်နိုင်ပါတယ်။ တကယ်လို ကိုယ်က စိတ်ဓာတ်ကျနေရင် လေ့ကျင့်ခန်းလုပ်ပြီး ချောကလက်တစ်တောင့်လောက်စားလိုက်တာက Endorphins ဟော်မုန်းပမာဏမြင့်တက်စေပြီး စိတ်ရွှင်လန်းတက်ကြွလာစေမှာပဲဖြစ်ပါတယ်။

(၂) Serotonin

Serotonin က ကျွန်တော်တို့ရဲ့စိတ်ခံစားချက်တွေပေါ်သက်ရောက်မှုရှိတဲ့ဟော်မုန်းတစ်မျိုးဖြစ်ပြီး Neurotransmitter လည်းဖြစ်ပါတယ်။ Serotonin ဟော်မုန်းက ကျွန်တော်တို့ရဲ့ အစာစားချင်ဖြစ်ပေါ်တဲ့နေရာမှာ၊ မှတ်ဉာဏ်နဲ့လေ့လာသင်ယူခြင်း၊ အိပ်စက်ခြင်းတို့အပေါ်သက်ရောက်မှုရှိပါတယ်။

ဒါ့အပြင် စိတ်ဓာတ်ကျတာနဲ့စိုးရိမ်စိတ်ဖြစ်ပေါ်တာတွေ ခံစားလာရတာက Serotonin ဟော်မုန်းပမာဏကျဆင်းလာလို့ ဖြစ်ပါတယ်။ ဒါ့ကြောင့် စိတ်ရွှင်လန်းစေဖို့ဆိုရင် Serotonin ဟော်မုန်းပမာဏမြင့်ဖိုလိုပါတယ်။ Serotonin ဟော်မုန်းမြှင့်ဖို့ဆိုရင်-
1. တရားထိုင်ခြင်း
2. နေရောင်ခြည်နဲ့ထိတွေ့ခြင်း
3. သဘာဝတရားနဲ့ထိတွေ့ခြင်း
4. လေ့ကျင့်ခန်းပြုလုပ်ခြင်း တို့ကိုပြုလုပ်နိုင်ပါတယ်။

(၃) Oxytocin

Oxytocin ကိုတော့ အချစ်ဟော်မုန်း (love hormone) လို့လူသိများကြပါတယ်။ အချစ်ဟော်မုန်းဆိုတဲ့နာမည်အတိုင်းပဲ-
1. အိမ်မွှေးတိရစ္ဆာန်လေးတွေနဲ့ကစားခြင်း(ခွေး၊ကြောင်)
2. ကလေးနဲ့ကစားခြင်း၊
3. မိသားစုဝင်တွေကိုဖက်ခြင်း၊
4. လက်ကိုဆုပ်ကိုင်ထားခြင်း၊
5. ချီးကျူးစကားပြောကြားခြင်း တို့ကနေ Oxytocin ဟော်မုန်းကိုရရှိနိုင်ပါတယ်။

မိခင်တွေ ကလေးမီးဖွားရာက နာကျင်မှုတွေဟာ ကလေးကိုနိုချိုတိုက်ကျွေးလိုက်တဲ့အချိန်မှာ ပျောက်သွားတာဟာ Oxytocin ဟော်မုန်းတွေထွက်လာလို့ပဲဖြစ်ပါတယ်။ ဒီဟော်မုန်းဟာ တစ်ယောက်နဲ့တစ်ယောက်ယုံကြည်မှုရှိလာဖို့၊ ချစ်ခြင်းမေတ္တာရှိလာဖို့ကိုလည်း ကူညီပေးနိုင်ပါတယ်။

(၄) Dopamine

Dopamine ဟော်မုန်းက ကျွန်တော်တိုရဲ့မှတ်ဉာဏ်၊ အာရုံစူးစိုက်ခြင်းနဲ့ ခန္ဓာကိုယ်တွင်းအင်္ဂါတွေ ကောင်းစွာလည်ပတ်နိုင်ဖို့ ကူညီပေးပါတယ်။ Dopamine ဟော်မုန်းဟာ စိတ်ကျေနပ်မှုခံစားရတာမျိုး၊ ကိုယ့်ကိုကိုယ်ဆုချ(reward) တဲ့အခါမျိုးမှာ ထွက်လာတဲ့ဟော်မုန်းပါ။
ဥပမာ- Game ဆော့ပြီး အနိုင်ရတဲ့အခါမှာ စိတ်ကျေနပ်ပြီး ထပ်ခါတလဲလဲဆော့မိနေမျိုးဖြစ်တာက Dopamine ဟော်မုန်းကြောင့်ဖြစ်ပါတယ်။ ဒါ့ကြောင့်လည်း Dopamine ဟော်မုန်းထုတ်ပေးနိုင်တဲ့အရာတွေက စွဲလမ်းစေတယ်လို့
ပြောကြတာဖြစ်ပါတယ်။

Dopamine ဟော်မုန်းက စိတ်ပျော်ရွှင်မှုနဲ့အများကြီးဆက်စပ်နေပါတယ်။ တကယ်လို့ ကိုယ်က အာရုံစူးစိုက်ရတာ၊ လေ့လာသင်ယူတာနဲ့ အလုပ်လုပ်တဲ့နေရာတွေမှာ အခက်အခဲတွေကြုံတွေ့နေရရင် Dopamine ဟော်မုန်းကို မြှင်တင်ပြီး ဖြေရှင်းနိုင်ပါတယ်။
Dopamine ဟော်မုန်းကို ထုတ်ပေးနိုင်တဲ့နည်းလမ်းတွေကတော့-
1. အစားအသောက်စားခြင်း၊
2. အလုပ်တစ်ခုကိုပြီးမြောက်အောင်ဆောင်ရွက်ခြင်း၊
(‌ဥပမာ-အခန်းသန့်ရှင်းရေးလုပ်တာ)
3. အောင်မြင်မှုသေးသေးလေးတွေကအစအလေးထားခြင်း တွေပဲဖြစ်ပါတယ်။

ကိုယ့်ရဲ့ Best Version ကို ဖန်တီးလိုက်ပါ။

Credit- Dr. Thuta

06/03/2022

⛔️ နိုင်ငံ တော်တော်များများမှာ Omicron ရဲ့ ဗီဇပြောင်းမျိုးကွဲဖြစ်တဲ့ BA 2 ရဲ့ ကူးစက်မှုနှုန်း မြင့်တက်လာပါပြီ ⛔️

Omicron ထက်အဆပေါင်းများစွာ ကူးစက်လွယ်တဲ့ BA 2 Virus ကို ခံစားရပြီဆိုရင် ရောဂါလက္ခဏာ ပိုမိုပြင်းထန်နိုင်ပြီး Delta ကဲ့သို အဆုတ်လေပြွန်ကို တိုက်ရိုက်သက်ရောက်တာဖြစ်လို့ ယောင်ရမ်းပျက်စီးစေနိုင်ပါတယ်။

အခုလက်ရှိမှာဆိုရင် ဟောင်ကောင် နဲ့ ထိုင်ဝမ်မှာ အပြင်းအထန်ဖြစ်ပေါ်နေပြီး အနောက်နိုင်ငံတော်တော်များများကိုလည်း ကူးစက်ပျံ့နှံနေပြီဖြစ်ပါတယ်။
အရင်ရက်သတ္တပတ်တုန်းကဆိုရင် နိုင်ငံပေါင်း ၁၀ နိုင်ငံမှာ ကူးစက်မှုနှုန်း ၂၁ ရာခိုင်နှုန်းအထိ ရှိခဲ့ပါတယ်။ ကမ္ဘာ့ကျန်းမာရေးအဖွဲအစည်း (W. H. O) ရဲ့ ထုတ်ပြန်ချက်အရ အိန္ဒိယ၊ တရုတ်၊ ဘင်္ဂလားဒေ့ရှ် နဲ့ နီပေါတိုမှာလည်း စ,တင်ဖြစ်ပေါ်နေပြီဆိုတာ သိထားရပါတယ်

ဒါပေမယ့် Omicron BA 2 မှာဆိုရင် အရင်က Covid တိုလို စမ်းသပ်လို့ မရနိုင်ဘဲ ရောဂါလက္ခဏာတွေပြသမှသာ သိရှိနိုင်တာဖြစ်လို့ သတိထားကာကွယ်စေချင်ပါတယ်။

🚫 ဗဇပြောင်းမျိုးကွဲ BA 2 က ပုံမှန်ထက်လည်း အကူးမြန်သလို ခန္ဓာကိုယ်ထဲမှာ Syncytia ပိုးတွေ မျိုးပွားနိုင်တာဖြစ်လို့ ကူးစက်ခံရတာနဲ့အမျှ အဆုတ်ကို ထိခိုက်လာနိုင်ပြီး လေပြွန်ပျက်စီးခြင်းနဲ့ သွေးကြောမျှင်ပိတ်ဆိုခြင်း စတာတွေ ဖြစ်စေလာနိုင်ပါတယ်။

ဒီကပ်ရောဂါဆိုးကြီးနဲ့ ပတ်သက်ပြီး လူတိုင်းသိချင်နေကြတဲ့ အချက် (၂) ချက်ရှိပါသေးတယ်။

✅ BA 2 ရဲ့ ဖြစ်ပွားမှုနှုန်းက Omicron ထက် အရှိန်မြင့်နိုင်လား?
✅ အရင် Covid တုန်းကကဲ့သို ရောဂါပြင်းထန်သူတွေကို ဆေးရုံမှာထားရမလား? ဆိုတဲ့မေးခွန်းတွေပါ။

ဒါပေမယ့် ဒီမေးခွန်းနဲ့ပတ်သက်ပြီး ဆေးပညာရှင်တွေမှာ တိကျတဲ့အဖြေ မရှိသေးပါဘူး ❎

📌 ဒန်းမတ်သိပ္ပံပညာရှင်တစ်ယောက်ရဲ့ အဆိုအရဆိုရင် ဒီ BA 2 ရောဂါပိုးဟာ ယခင် Omicron ဖြစ်ဖူးတဲ့သူတွေဆီကိုလည်း ပြန်လည်ကူးစက်နိုင်ပြီး ပိုမိုပြင်းထန်ကြောင်း အတည်ပြုပြောဆိုခဲ့ပါတယ်။

📌 BA 2 ရဲ့ ကူးစက်နိုင်စွမ်းက အရင်က Covid Shield ကို အကြိမ်ရေအပြည့်ထိုးထားတဲ့သူတွေအပါအဝင် Covid ဖြစ်ဖူးတဲ့သူတွေကိုပါ ပြန်လည်ကူးစက်နိုင်ပါတယ်။ အကယ်၍ ဒီလိုလက္ခဏာလေးတွေပြရင် သတိထားနေထိုင်ဖို့ ဆေးပညာရှင်တွေက သတိပေးထားပါတယ်။

⚠️ ပြီးခဲ့တဲ့ တစ်ပတ် နှစ်ပတ်အတွင်းမှာ လည်ချောင်းနာပြီး နှာစေးခြင်းဖြစ်ခဲ့ပြီး ဒီရက်ပိုင်းမှာ အရင် Covid ဖြစ်ခါနီးတုန်းကလို လက္ခဏာတွေ ပြန်ပြလာရင် သတိထားနေထိုင်ဖို့လိုအပ်ပါတယ်။

🚫 ဥပမာ အနံ့ပျောက်ခြင်း ၊ လည်းချောင်းနာခြင်း ၊ ကိုက်ခဲခြင်း

ဒါ့ကြောင့် Test Kit စစ်ဆေးလို့ မရတာဖြစ်လို့ Positive ဖြစ်မှန်းမသိနိုင်လို အရင် Covid ကလိုမျိုး လက္ခဏာတွေ ပြန်လည်ပြသလာပြီဆိုရင် သတိရှိထားကြဖို့ လိုအပ်ပါတယ်နော်။

Ref: CNBC Website
Link: https://tinyurl.com/cuhm83u8

12/02/2022

⚕️ ရေ၏အကျိုးရှိပုံနှင့် ဆီးအရောင် ၈ မျိုးကို ကြည့်ပြီး ကျန်းမာရေးအား ခန့်မှန်းခြင်း ⚕️

သင့်ခန္ဓာကိုယ်ရှိ ဆဲလ်များ၊ တစ်သျှူးများနှင့် အင်္ဂါအစိတ်အပိုင်းတိုင်းသည် ကောင်းမွန်စွာအလုပ်လုပ်နိုင်ရန် ရေလိုအပ်ပါသည်။

- ဆီးသွားခြင်း၊ ချွေးထွက်ခြင်း နှင့် ဝမ်းသွားခြင်းများမှတဆင့် စွန့်ပစ်ပစ္စည်းများကို ဖယ်ရှားပေးပါသည်။
- သင့်အပူချိန်ကို ပုံမှန်အတိုင်းထားပါ။
- ကူရှင်အဆစ်များ (အရွတ်ကဲ့သိုသောအရာများ)၊ ထိခိုက်လွယ်သော တစ်ရှူးများကို ကာကွယ်ပေးသည်။

ရေဓာတ်အားနည်းမှု၊ စားသုံတဲ့ အစားအစာ (ဆိုးဆေးပါ)နှင့်ဆေးဝါး၊ မျိုးရိုးဗီဇရောဂါအပါအဝင် အခြား ဖြစ်နိုင်ချေရှိများကြောင့် ဆီးလမ်းကြောင်း ပိုးဝင်ခြင်း နှင့် ကျောက်ကပ်ရောဂါမဖြစ်ပေါ်ရအောင် တနေ့တာအနေနဲ့ ရေကို လုံလုံလောက်လောက် သောက်သုံးကြဖို့ တိုက်တွန်းလိုက်ပါတယ်။

တစ်နေ့တာအနေနဲ့ ရေဘယ်နှခွက် သောက်သင့်သလဲ?
တစ်နေ့တာအနေနဲ့ ရေ ၈ခွက် သောက်သုံးခြင်းဟာ အသင့်တော်ဆုံးဖြစ်ပါတယ်။

အမျိုးသားများအနေနဲ့ တနေ့တာပျမ်းမျှ 15 ခွက်ခွဲ (3.7 လီတာ)၊
အမျိုးသမီးများအနေနဲ့ တနေ့တာပျမ်းမျှ 11 ခွက်ခွဲ (2.7 လီတာ) နဲ့ ညီမျှတဲ့ ရေအပါအဝင် အခြားအစားအစာများနှင့် သစ်သီးများကို စားသုံးပေးကြဖို့ တိုက်တွန်းပါတယ်။

11/02/2022

အဝေဖန်ခံရရင် ဘယ်လိုရင်ဆိုင်ကြမလဲ?

လူတွေက တစ်ယောက်ထဲမနေတတ်ကြတဲ့ သူတွေမို့ သူငယ်ချင်းမိတ်ဆွေ၊ မိသားစုတွေနဲ့ နေ့စဉ် ဆက်ဆံရပါတယ်။
လူအမျိူးမျိူး၊ စိတ်အထွေထွေမို့ တစ်ယောက်နဲ့ တစ်ယောက် စကားပြောတဲ့အခါ ဝေဖန်မိတာမျိူးလဲ ရှိနိုင်ပါတယ်။
ရည်ရွယ်ပြီး ဝေဖန်တာဘဲဖြစ်ဖြစ်၊ မရည်ရွယ်ဘဲ ဝေဖန်တာဖြစ်ဖြစ် ကိုယ်မနှစ်သက်တဲ့ စကားကို ကြားရရင် စိတ်ထဲမှာ ခံစားရတတ်ပါတယ်။
တစ်ချိူ့တွေကတော့ အဝေဖန်ခံရလဲ ဘာမှမဖြစ်ပေမယ့် တစ်ချိူ့ကတော့ သူပြောလိုက်တဲ့ စကားကို ခဏခဏ ပြန်တွေးပြီး ကိုယ့်ရဲ့ ယုံကြည်မှူကို ထိခိုက်စေတာမျိူးပါ။

ဥပမာ - ကိုယ်သဘောကျတဲ့ အင်္ကျီလေးဝယ်လာမယ်၊ ကိုယ်နဲ့ လိုက်မယ်လို့ ထင်လို့ ပျော်နေတယ်၊ ဒါပေမယ့် သူငယ်ချင်းက နင်နဲ့ အဲ့ဒါနဲ့ မလိုက်ဘူးလို့ ပြောလိုက်တဲ့ အခါ တစ်ကယ်မလိုက်ဘူးလားလို့ ကိုယ့်ကိုကိုယ် သံသယဖြစ်ပြီး ကိုယ့်ကိုကိုယ် ယုံကြည်မှူ လျော့ကျသွားတာမျိူးပါ။

ဒီလို အဝေဖန်ခံရတဲ့အခါ

⚡️ကိုယ့်ရဲ့ ရှိရင်းစွဲယုံကြည်မှုလေး လျော့နည်းသွားမယ်
⚡️ဝေဖန်တဲ့သူကို ရှောင်ချင်လာမယ်
⚡️တခြားသူတွေရဲ့ အမြင်ကို ပိုဂရုစိုက်မိလာမယ်
ဒီလိုမျိူးလေးတွေ ဖြစ်တတ်ပါတယ်။

ဘယ်လိုရင်ဆိုင်ကြမလဲ?

☀️မိမိရဲ့ ယုံကြည်မှူကို ပြန်လည်တည်ဆောက်ဖို့ ကိုယ့်ကိုကိုယ် ပြန်လည်မေးကြည့်ပါ။
ကိုယ့်အမြင်ထက် သူများတွေ အမြင်က တကယ်ပိုအရေးကြီးသလားဆိုတာ ပြန်လည်ဆန်းစစ်ပါ။
☀️ကိုယ့်ရဲ့ ထူးခြားမှုကို ကိုယ်အသိအမှတ်ပြုပါ။ ကိုယ့်ရဲ့ ပင်ကိုယ်အကျင့်၊ ပုံစံအမှန်၊ အတွေးအခေါ်ကို ဘယ်သူမှ အသိအမှတ်မပြုရင်တောင် ကိုယ့်ကိုကိုယ် အသိအမှတ်ပြုပေးပါ။
☀️စိတ်ဓာတ်ကျစေမယ့်အတွေးတွေကို လျှော့ချပါ။ တခြားသူပြောတဲ့စကားကို ထပ်တလဲလဲတွေးနေမိရင် ဒါသူတစ်ယောက်ထဲရဲ့ အမြင်ဆိုတာ မမေ့ပါနဲ့။ သူအမြင်က မှန်ပြီး ကိုယ့်အမြင်မှားနေတယ်လို့ တွေးပြီး စိတ်ဓာတ်ကျနေမယ့်အတွေးတွေကို လျှော့ချပေးပါ။
☀️ကိုယ့်ကိုကိုယ်ယုံကြည်မှု တည်ဆောက်တဲ့အခါ စိတ်ရှည်ပေးပါ။
☀️အရမ်းကြီး ဖိအားမပေးဘဲ ကိုယ့်ရဲ့ တန်ဖိုးရဲ့ မူလပုံစံကို လက်ခံပေးတဲ့ပတ်ဝန်းကျင်မှာလဲ နေနိုင်ဖို့ ကြိုးစားပါ။

❤️ မိမိကိုယ်ကိုယုံကြည်မှု ရှိနိုင်ကြပါစေ။ ❤️

shorturl.at/LSTZ8

09/02/2022

ဒီ program ကို အမျိုးသားညီညွတ် ရေးအစိုးရ၊ ကျန်းမာ ရေးဝန်ကြီးဌာန၏လမ်းညွှန်မှုဖြင့် သူနာပြုဆရာ၊ဆရာမများက ဦး ဆောင်သင်ကြား ပေး နေခဲ့ရာ ယခုအခါ Batch-3 ကို ဖွင့်လှစ် တော့မယ်လို သိရပါတယ်

📚📖 သင်ခန်းစာများ

- စေတနာ့ဝန်ထမ်း ကျန်းမာရေးစောင့်ရှောက်သူတစ်ဦး၏ တာဝန်ဝတ္တရားများနှင့် အ ခြေခံကျင့်ဝတ်များ
- အခြေခံအာဟာရပညာများနှင့် ဆေးဝါးပညာများ
- အ ခြေခံသူနာပြုစုမှုပညာများ
- ထိခိုက်ဒဏ်ရာရ သောလူနာများအား အ ရေး ပေါ်ပြုစုကုသမှုများ
- Covid-19 ရောဂါအပါအဝင် ရောဂါပိုးများအား ထိန်းချုပ်ကာကွယ်ခြင်းနှင့် ပြုစုခြင်းအသိပညာများ

သင်တန်းပြီးဆုံးသွားသောအခါ ၊ သင်တန်းမှ ရရှိသော အသိပညာနှင့်ဗဟုသုတများကို ၊ မိမိတို မိသားစု၊သူငယ်ချင်းနှင့် မိတ်ဆွေများအား ပြည်လည်ဝေမျှခြင်း၊ မိမိတို့ တတ်အားသလောက် စေတနာ့ဝန်ထမ်း ကျန်းမာရေးစောင့်ရှောက်မှုလုပ်ငန်းများတွင် ပါဝင်ကူညီခြင်းများ, လုပ်ဆောင်နိုင်ပေးနိုင်မည့် အကျိုး ကျေးဇူးကို ရရှိပါမည်။
သိုဖြစ်ပါ၍ "ပြည်သူမှ ပြည်သူသို့ ကူညီနိုင်ရန်" စိတ်ပါဝင်စားသူများအ နေဖြင့် Volunteer Health Care Assistant training page messenger မှာ register link ကို ရယူနိုင်ပါသည်။

https://www.facebook.com/vhca.moh.nug.mm/

08/02/2022

Omicron Day 1 (အဆိုးဆုံးနေ့)

ညဘက်ကြီးထပြီးချမ်းတုန်တတ်တယ် အဖျားကြီးတယ် အရိုးထဲထိ လှိုက်စိမ့်ပြီးချမ်းတယ် တခါမှမဖြစ်ဖူးဘူး. ဘယ်လိုချမ်းတာကြီးမှန်းကိုမသိ တုန်တက်နေတာ
ခါးအောက်ပိုင်းတပြင်လုံး အရမ်းကို ကိုက်တာ တကိုယ်လုံးလည်း အထိမခံနိုင်အောင် နာကျင်ကိုက်ခဲပေမယ့် ခါးနေရာဝန်းကျင် အဆိုးဆုံးဖြစ်ပါတယ် ခေါင်းကလည်း ထုံနေအောင်ကိုက်ပါတယ် ပါရာစီတမော သောက်တုန်းခဏပဲအဖျားကျပြီး တနေကုန်အဖျားပြန် ပြန်တက်ပါတယ် တနေကုန်နုံးပြီး တနေကုန်နီးပါး အိပ်တာပါ လည်ချောင်းမနာ၊ ချောင်းမဆိုး၊ နှာမမွှန်လို့ ရိုးရိုးဖျားလို့ပဲ ထင်ခဲ့ပေမယ့် နှာခေါင်းနှိုက်လိုက်တော့ positive ပါ

Omicron Day 2

အိပ်ယာနိုးနိုးချင်း သတိထားလိုက်မိတာက မဖျားတော့၊ မချမ်းနေတော့တာပဲ ချွေးတွေရွှဲပြီး နိုးလာတာ ခေါင်းလည်း တအားကြီးမကိုက်နေတော့ဘူး၊ ခန္ဓာကိုယ်က နာကျင်ကိုက်ခဲတာတွေပါ ဗြုန်းဆိုပျောက်သွားလို့ ပျော်နေရာက
တံတွေးမျိုချလိုက်မိတာမှာ စဂွမ်းပါတယ် လည်ချောင်းထဲမှာ မီးဖုတ်ထားတဲ့ သံချွန်နဲ့စိုက်ထားသလိုကို ပူပြီးနာနေတာပါတနေကုန် အစားကိုမနည်းမျိုချရပါတယ်အနံ့အရသာ မပျက်ပါဘူး…နာလွန်းလို့ မျိုချဖို့ခက်တာပါပဲ
အိပ်ချင်ချက်ကတော့ ရှယ်ပါပဲ…. Day 2 လည်း တနေကုန်အိပ်ပါ နိုးလာတာနဲ့ ဝေဒနာတခုခုနဲ့နိုးလာတာကတော့ တရားနဲ့ဖြေပေါ့လေ

Omicron Day 3

အိပ်ယာနိုးလာတာနဲ့ ရင်ဘတ်ထဲကနေလည်ချောင်းထဲထိ ပူပြီးနာတာပါပဲ ရိုးရိုးလည်ချောင်းနာတာထက် အများကြီးခံရတာဆိုးပါတယ်
ဆရာဝန်ပေးတဲ့ဆေးသောက်မှ နေသာသွားပါတယ် မဟုတ်ရင် လည်ချောင်းမှာ ဆူးလုံးအကြီးကြီး တစ်နေသလိုပါ လည်ချောင်းအရမ်းယားပြီး ချောင်းစဆိုးပါတယ်
မရပ်မနားတော့မဟုတ်ပေမယ့် လည်ချောင်းတွေပြန်နာလာတဲ့ထိ ဆိုးတာမို့ လည်ပင်းနာတာက အခြေနေပို ပိုဆိုးလာပါတယ်
နှာခေါင်း တဖက်ပိတ် တဖက်ပွင့်ဖြစ်ပါတယ်
နှာခေါင်းပိတ်တော့ အသက်ရှုကျပ်သလိုဖြစ်ပေမယ့် oxygen မကျပါ
လုံးဝ မဖျားတော့သလို ကိုယ်လက်ကိုက်ခဲတာ ဘာညာ လုံးဝမရှိတော့ပါ ထုံးစံအတိုင်းပဲ နုံးပြီးအိပ်ချင်ပါတယ်

Omicron Day 4

လည်ချောင်းက ပိုဆိုးလာပါတယ်
(ထွက်ခတ်ခတ်နေတာ ဖြစ်မယ်ထင်ပါတယ်)
နိုးလာချိန်မှာ တကယ့်ကို လည်ပင်းမှာ ဆူးလုံးကြီးတစ်လုံးလာတစ်နေသလို၊ သံချွန်နဲ့စိုက်ထိုးခံထားရသလိုပါ
နောက် မနေ့က ချောင်းဆိုးထားတဲ့အရှိန်ကြောင့် ထင်ရ….အာသီးယောင်နေတဲ့နေရာကြီးအပြင် လည်ပင်းတစ်ခုလုံး စပ်ဖျင်းဖျင်းနဲ့ အရမ်းနေရထိုင်ရဒုက္ခဖြစ်….
ဒီနေ့လည်း လည်ချောင်းထဲမှာအရမ်းယားပြီး ချောင်းဆိုးပါတယ်
ဒီနေ့တော့ မနေ့ကလောက် အစားအများကြီး သိပ်မစားနိုင်ပါ (စားတာတော့စားတယ်…. မနေ့ကလောက် အများကြီးမစားနိုင်)
တော်တော်ကြီး လည်ပင်းက ဒုက္ခပေးနေတာမို့
လူက ဆေးရှိန်ကြောင့်လား၊ ပိုးကြောင့်လားမသိ….လှုပ်လှုပ်ဆို မောပါတယ်၊ မူးချင်ပါတယ် နားတွေထဲလည်း အူပြီးထုံနေပါတယ်
လူမမာကြီးလို ပစ်လဲသွားတာမျိုးတော့ မဟုတ်ပေမယ့် ချောင်းဆိုး လည်ပင်းနာက ပုံမှန်ထက် အဆများစွာဆိုးဝါးတာပါ

Credit-မူရင်းရေးသားသူ

08/02/2022

အမျိုးသားညီညွတ်ရေးအစိုးရမှ (၇-၂-၂၀၂၂) က ထုတ်ပြန်ထားသော

"COVID-19 မျိုးရိုးဗီဇသစ် အိုမိုင်ခရွန် (Omicron) နှင့်ပတ်သက်၍ ပြည်သူလူထုကို အသိပေးနှိုးဆော်ခြင်း"

Yangon Healthcare Unit

10/10/2022

30/08/2022

31/05/2022

26/05/2022

03/04/2022

13/03/2022

06/03/2022

12/02/2022

11/02/2022

09/02/2022

08/02/2022

08/02/2022

Address

Telephone

Website

Alerts

Shortcuts

Share

Category