သမားတော်

24/05/2024

⛈⛈ရာသီဥတုအပြောင်းအလဲ နှင့် မိုးရာသီတွင် ကြုံတွေ့ရနိုင်သည့် ရာသီတုပ်ကွေးရောဂါသည် တစ်ခါတစ်ရံတွင် ပြင်းထန်သည့် ရောဂါလက္ခဏာများ ခံစားရနိုင်ပြီး နောက်ဆက်တွဲဆိုးကျိုးများလဲ ရရှိနိုင်ပါသည်။

🛡🛡ကြိုတင်ကာကွယ်ခြင်းသည် ကုသခြင်းထက် ပိုမိုထိရောက်သည်ဆိုသော စကားအတိုင်း မိမိကျန်းမာရေး မထိခိုက်ရလေအောင် ရာသီတုပ်ကွေးကာကွယ်ဆေး ကို ထိုးခြင်းအားဖြင့် ကြိုတင်ကာကွယ်နိုင်ပါသည်။

သမားတော် ဆေးခန်းမှ ရာသီတုပ်ကွေးကာကွယ်ဆေးကို အိမ်အရောက် ဆရာဝန်များကိုယ်တိုင်မှ လိုက်လံထိုးနှံပေးနေပါပြီ။

ဆေးဖိုး + ဝန်ဆောင်ခ + ဆရာဝန်ခ = 39000ကျပ် သာ

ကျသင့်မည်ဖြစ်ပြီး အပိုဝန်ဆောင်မှုဖိုး

ဘာမှ ထပ်မံပေးဆောင်စရာ မလိုပါ။

🚨Company များ စက်ရုံအလုပ်ရုံမှ ဝန်ထမ်းများအတွက်လည်း အထူးနှူန်းထားများနဲ့ထိုးနှံပေးသွားမှာမို့ ကြိုတင်စာရင်းပေးသွင်းဖို့ လိုပါမယ်နော

095200347/09968155015 သို့ ဆက်သွယ်စုံစမ်းနိုင်ပါသည်

လူကြီးမင်းတို့ စိတ်ချမ်းသာမှုအတွက် “သမားတော်”

21/08/2022

လွန်စွာကူးစက်လွယ်သော "ခရမ်းချဉ်သီးတုပ်ကွေး"ဗိုင်းရပ်စ်အသစ် ပေါ်ပေါက်နေသဖြင့် ဆရာဝန်တို့က သတိပေး

COVID-19 ဗိုင်းရပ်စ်နှင့် မျောက်ကျောက်ဗိုင်းရပ်စ်တို့ပေါ်ပေါက်ပြီးနောက် ယခုအခါ ခရမ်းချဉ်သီးတုပ်ကွေး(Tomato flu)ဟု အမည်ပေးထားသည့် ဗိုင်းရပ်စ်အသစ်တစ်မျိုးပေါ်ပေါက်နေသဖြင့် သတိပြုကြရန် ဆရာဝန်များက သတိပေးလျှက်ရှိသည်။

အဆိုပါ ခရမ်းချဉ်သီးတုပ်ကွေးကူးစက်နေသည့် အသက် ၅ နှစ်အောက်ကလေးငယ် ၈၂ ဦး အိန္ဒိယနိုင်ငံတွင် ရှိနေပြီဖြစ်ကြောင်း မေလ ၆ ရက်နေ့ကတည်းက အတည်ပြုထားပြီးဖြစ်သည်ဟု Lancet Respiratory Medicine Journal တွင် ဖေါ်ပြထားသည့် သုတေသနစာတမ်းတစ်စောင်ကဆိုထားသည်။

ယင်းကလေးငယ် ၈၂ ဦးအပြင် အသက် ၁၀ နှစ်အထိရှိသော အခြား ကလေးငယ် ၂၆ ဦးတွင်လည်း ခရမ်းချဉ်သီးတုပ်ကွေးဖြစ်ပွားသည့် သံသယလက္ခဏာများတွေ့ရှိရသည်ဆို၏။

အရေပြားပေါ်တွင် ခရမ်းချဉ်သီးအရောင်ရှိသည့် အနီစက်ကလေးများပေါ်ပေါက်လာတတ်သည့်အတွက် ယင်းနှင့်လိုက်ဖက်ညီသည့် အမည်ပေးထားသော ထိုဗိုင်းရပ်စ်အသစ်သည် အဖျားတက်ခြင်းနှင့် အဆစ်အမြစ်နာကျင်ခြင်းတို့ကိုလည်းဖြစ်ပွားစေတတ်ကြောင်း ကနဦးသိရှိထားသည်။

အချို့ကူးစက်ခံရသူများတွင် အော့အန်ခြင်း၊ ဝမ်းပျက်ဝမ်းလျောခြင်းနှင့် ခန္ဓာကို နာကျင်ကိုက်ခဲခြင်းများဖြစ်ကြသလို၊ ခြေလက်များအသားရောင်ပြောင်းလဲသူလည်း အနည်းငယ်ရှိကြောင်းသိရသည်။

"လက်ရှိသိရသမျှ အချက်အလက်များအရ အစုလိုက်အပြုံလိုက် ကူးစက်ခြင်းမျိုး မရှိသလောက်ရှားပါးပြီး၊ အသက်အန္တရာယ်မရှိဟု ယူဆပါသည်။ သို့သော် COVID-19 ကပ်ရောဂါ၏ ကြောက်မက်ဖွယ်အတွေ့အကြုံများကြောင့် နောက်ဆက်တွဲဖြစ်ပွားမှုများအား ကြိုတင်ကာကွယ်ရန်အတွက် နိုးနိုးကြားကြား စီမံကွပ်ကဲရန် လိုအပ်ပါသည်"ဟု သုတေသီများက အကြံပြုထားသည်။

ယခုအချိန်အထိ ယင်းဗိုင်းရပ်စ်အသစ်ကို အိန္ဒိယနိုင်ငံ Kerala ပြည်နယ်၏ Kollam ခရိုင်၊ Aryankavu နှင့် Neduathur ဒေသတို့တွင်တွေ့ရှိထားသည်။

"ကလေးငယ်တွင် ဗိုင်းရပ်စ်ကူးစက်မှုအဖြစ်များပြီး၊ အနီးကပ်ထိတွေ့မှုမှ ကူးစက်နိုင်သဖြင့် ယင်းအချက်ကို သတိပြုသင့်သည"ဟုလည်း Lancet Respiratory Medicine Journal မှ သုတေသနစာတမ်းတွင်ဆိုထားသည်။

"ဒါဟာ သေစေနိုင်တဲ့ ရောဂါမဟုတ်ပေမယ့် ကူးစက်တတ်ပြီး၊ လူလူချင်းလဲ ကူးစက်နိုင်ပေမယ့် ကူးစက်ပျံ့နှံ့ပုံအသေးစိပ်ကို လေ့လာနေဆဲပါ"ဟု အိန္ဒိယနိုင်ငံ Amrita ဆေးရုံ Internal Medicine ဌာနမှ လက်ထောက်ပါမောက္ခ ဒေါက်တာ Subhash Chandra ကပြောကြားသည်။

"ခရမ်းချဉ်သီးတုပ်ကွေးဖြစ်တဲ့သူဟာ ခန္ဓာကိုယ်ကို ရေဓာတ်ပြည့်ဝစေပြီး၊၊ တခြားအဖျားဗိုင်းရပ်စ်တွေကူးစက်တဲ့အခါ အကြံပြုထားသလိုပဲ ကောင်းကောင်းအနားယူဖို့လိုပါတယ်"ဟုလည်း သူကပြောသည်။

လက်ရှိတွင် ယင်းဗိုင်းရပ်စ်ကူးစက်ခံရသူများကို ၅ ရက်မှ ၇ ရက်အထိ သီးခြားခွဲ၍ နေထိုင်စေကြောင်းသိရသည်။

ယင်းတုပ်ကွေးအတွက် သီးသန့်ကုသရန် ဆေးဝါး လက်ရှိအချိန်အထိ မရှိသေးကြောင်းသိရသည်။

Ref: What is ‘tomato flu’? ‘Very contagious’ virus detected in kids, docs warn

Crd...Popular News Journal

25/07/2022

လက်ရှိဖြစ်နေတဲ့ ကိုဗစ်လှိုင်းမှာ သတိထားမိတာတွေ‌ကော ကိုယ်တိုင်ကြုံလိုက်ရတာတွေရော ပြောရမယ်ဆိုရင်တော့

အကူးမြန်တယ် ဖျားတယ် နှုံးတယ် လည်ပင်းနာ
အနံ့ပျောက် အရသာပျက်တယ် ဝမ်းသွားတယ်
တချို့မှာ နှာစေး ခေါင်းကိုယ်လက်ကိုက်ခဲတာ ဖြစ်ပါတယ်
#အဓိကအချက်က_ကလေးတွေမှာပါ_ဖြစ်တာပါ

အခုရက်ပိုင်း ပထမရက်အားနည်းချင်သလိုမျိုး ဖြစ်ပြီး
နောက်ရက် ဖျားတယ် လည်ပင်းနာတယ် အသံဝင်တယ် အစားမဝင်ဘူး ဝမ်းသွားတယ်ဆိုရင် ကိုဗစ်ပါ၊ သုံးလေးရက်မြောက်မှာ အနံ့ သို့ အရသာပျောက်သွားရင် စစ်ကြည့်စရာတောင် မလို‌တော့ပါဘူး(စစ်ကြည့်လည်း သိပ်မထူးတော့ပါ)

နောက်ရက်တွေမှာ ကျန်ခဲ့မည့် ပြဿနာက ချွဲပျစ်ပျစ်တွေ တစ်ပြီး လည်ပင်းနာပြီး ရင်ကြပ်ချောင်းဆိုးကျန်ခဲ့မှာပါ၊ တချို့မှာဆို မနက်အိပ်ယာထ ချွဲထွေးရင် သွေးစလေးတွေပါ ပါလာတတ်ပါတယ်၊ မကြောက်ပါနဲ့၊ ဆားရည်နွေးနွေးနဲ့သာ မနက် နေ့လည် ည လည်‌ချောင်း‌ကျင်းသေချာဆေးပေးဖို့ပါပဲ

Solmux Flemex လိုမျိုး ချွဲပျော်ဆေးလည်း တစ်ရက်သုံးကြိမ်လောက် ဝင်အောင်သောက်ပေးပါ၊ ချောင်းဆိုး တစ်ပတ်ကျော်လာလို့ ချွဲမပါတော့ရင်တော့ အဲဒါတွေရပ်ပြီး လည်ပင်းယားတာကို သက်သာစေမည့် Atussinလိုမျိုး ချောင်းဆိုးပျောက်ဆေး ပြောင်းရမှာပါ၊ ဒီအစဉ်အတိုင်း မသွား‌ရင် ချောင်းဆိုးက တော်ရုံနဲ့ မပျောက်နိုင်ပါဘူး၊ ချောင်းအရမ်းဆိုးတာနဲ့အတူ လည်ပင်းနာရင် ခေါင်းကိုက်ရင် ကိုယ်လက်တွေ မခံနိုင်အောင် နာကျင်ရင် အကိုက်ခဲပျောက်ဆေးထိုးတာထက် Ibuprofenလိုမျိုး NSAIDတစ်မျိုးမျိုး တစ်ရက်ကို သုံးကြိမ်လောက် အစာနဲ့အတူသောက်တာက ပိုမိုထိရောက်‌ပါတယ်

#ကလေးတွေမှာ_ဖြစ်တဲ့လက္ခဏာလေးတွေလည်း ဆွေးနွေးပါရစေ၊ 5နှစ်အောက်ကလေးတွေမှာ ပိုဖြစ် ပိုခံရပါတယ်၊ သူတို့လေးတွေမှာ ပထမတစ်ရက် နှစ်ရက် ချမ်းတုန်ပြီး ဖျားမှာပါ၊ ရာသီတုတ်ကွေးနဲ့ အရမ်းဆင်ပါတယ်၊ အဖျားအတွက် Paracetamol အရည်ကို 4နာရီခြားတစ်ကြိမ် အဖျားကျတဲ့အထိ တိုက်ရမှာ ဖြစ်သလို အဖျားကြီးရင် ရေဖတ်လည်း တိုက်ပေးဖို့ လိုအပ်ပါတယ်၊ Paraကြောင့် ထွက်လာတဲ့ ချွေးနဲ့ ကုန်ခမ်းသွားတဲ့ အားအင်တွေအတွက် ဓါတ်ဆားရည်ကို ဝင်ဝင် မဝင်ဝင် ရအောင်တိုက်ရမှာပါ၊ ဓါတ်ဆားမဝင်ရင် ကလေးက အိပ်ယာထဲ ပုံကျသွားမှာပါ၊ တော်တော်နဲ့ ပြန်မကောင်းနိုင်ပါဘူး၊ ‌တချို့ဆို Dehydrationအတွက် ဆလိုင်းတွေ ဘာတွေချိတ်ဖို့ထိ လိုလာတတ်ပါတယ်၊ ဂရုစိုက်ကြပါ

#ဖျားပြီးတာနဲ့နောက်ရက်_ဝမ်းစသွားမှာပါ၊ 2-3ရက်လောက်ထိသွားပါတယ်၊ ဒါလည်း ဓါတ်ဆားလိုတာပါပဲ၊ ကလေးရော လူကြီးပါ ချော့တိုက်ပါ၊ ဝမ်းစသွားပြီဆို နောက်ထပ်လိုတာက Probiotics၊ Bioflorလိုမျိုးတိုက်လိုရသလို တခြားဈေးသက်သာတဲ့ အမျိုးအစား အရည်တွေလည်းလာပါတယ်၊ တစ်ရက် ည မနက် နှစ်ကြိမ်ပါ၊ ဒါတွေဝင်တယ်ဆို ဝမ်းသွားတာ သက်သာလာမယ်၊ ပိုးသတ်ဆေးမလိုပါဘူး၊ ဆရာဝန်မပေးရင် ကြိုတင်မတိုက်ပါနဲ့၊ ဝမ်းသွား ပိုဆိုးလာတတ်ပါတယ်

ဝမ်းသွားတာ အပြီးမှာ အနံ့ အရသာ တစ်မျိုးမျိုး စပျောက်သွားရင်တော့ ဇာတ်သိမ်းပိုင်းကို ရောက်လာတော့မှာပါ၊ သက်ကြီးပိုင်းတွေမှာ အနံ့မပျောက်ပဲ အောက်စီဂျင်ကျလာတတ်တဲ့ ရက်ပိုင်းတွေ ဖြစ်လို့ ဝမ်းသွားအပြီး မောရင် အသက်ရှူမဝဘူးဆိုရင် အထူးဂရုစိုက်ပါ၊ SpO2 မကြာခဏတိုင်းကြည့်ပါ၊ အရမ်းမောလာတယ်ဆိုရင် ဆေးခန်းပြပါ

စဖြစ်ပြီး 6ရက်ကျော်လာရင် လို့ခေါ်တဲ့ ကိုယ်တွင်းက ကိုဗစ်ပိုးကုန်သွားပြီလားကိုတော့ PCR စစ်ကြည့်နိုင်သလို မစစ်နိုင်တဲ့လူတွေမှာ CRP levelကျသွားပြီလား ကြည့်နိုင်ပါတယ်၊ အလွယ်ဆုံးကတော့ Heart rate သို့ Pulse rateကို ကြည့်တာပါပဲ၊ ပိုးရှိနေတုန်းဆို 90-100-110 per minute လောက် အနည်းဆုံးရှိပါတယ်၊ 90အောက်ပြန်ကျသွားပြီး တစ်မိနစ်ကို 60-70-80 လောက်ပဲ ပုံမှန်ကို ပြန်ခုန်ပြီဆိုရင်တော့ ကိုယ်တွင်းတိုက်ပွဲတွေ ပြီးသွားပြီ၊ နောက်ရက်တွေမှာ ပြန်ကောင်းလာတော့မယ်လို့ သုံးသပ်နိုင်ပါတယ် (နှလုံးသွေးကြောရောဂါအခံရှိနေသူတွေက ခြွင်းချက်ပါ)

ရေးတာလည်း များသွားပါပြီ၊ အမေရိကန်က သမ္မတကြီးတောင် Covid Positive ဒီရက်ပိုင်းဖြစ်သွားတာဆိုတော့ ဒီလှိုင်းကလည်း အကုန်လုံးနီးပါးဆီကို လာမှာဖြစ်လို့ Sundayပိတ်ရက်မှာ ကျနော်ကိုယ်တိုင်ကော၊ ကလေးတွေမှာရော၊ ဆေးရုံOPDက လူနာတွေမှာပါ လက်ရှိတွေ့ကြုံရတာလေးတွေ ပြန်လည်ဝေမျှခြင်းပါ၊ ဓါတ်ဆား Vit C D Zinc တွေကို စဖြစ်ကတည်းက နေ့စဉ်သောက်နိုင်ရင် သက်သာတာ အရမ်းမြန်ပါတယ်၊ Vit C Dမရှိ မဝယ်နိုင်ရင် အချဉ်ဓါတ်ပါသည့် အသီးအနှံတွေ စားပြီး မနက်ပိုင်း ၁၀-၁၅မိနစ်ခန့် နေပူစာလှုံရင်လည်း အဆင်ပြေပါတယ်လို့ အကြုံပြုပါရစေ

အားလုံးကျန်းမာကြပါစေ အဆင်ပြေကြပါစေ ဆုတောင်းရင်း

Dr. © July 2022

P.S. ကလေးတွေမှာ ဖျားရင် မပေါ့ဆပါနဲ့၊ ကိုဗစ်ဖြစ်နိုင်သလို အခြားစိုးရိမ်ရတဲ့ သွေးလွန်တုပ်ကွေးလိုမျိုးလည်း ဖြစ်နိုင်တာမလို့ အဖျားမကျဘူး၊ အရမ်းအားပြတ်သလို ဖြစ်လာရင် နီးစပ်ရာ ဆရာဝန်တိုင်ပင်ပါ၊ ဆေးရုံဆေးခန်း အချိန်မီသွားပါ

စာမူစာရင်းအတိုင်း လွတ်လပ်စွာ ကူးယူဖော်ပြနိုင်ပါသည်။
#စာသားအပိုတွေထည့်သွင်းပြီးကူးယူဖော်ပြခြင်း ခွင့်မပြုပါ

18/04/2022

⛈⛈ရာသီဥတုအပြောင်းအလဲ နှင့် မိုးရာသီတွင် ကြုံတွေ့ရနိုင်သည့် ရာသီတုပ်ကွေးရောဂါသည် တစ်ခါတစ်ရံတွင် ပြင်းထန်သည့် ရောဂါလက္ခဏာများ ခံစားရနိုင်ပြီး နောက်ဆက်တွဲဆိုးကျိုးများလဲ ရရှိနိုင်ပါသည်။

🛡🛡ကြိုတင်ကာကွယ်ခြင်းသည် ကုသခြင်းထက် ပိုမိုထိရောက်သည်ဆိုသော စကားအတိုင်း မိမိကျန်းမာရေး မထိခိုက်ရလေအောင် ရာသီတုပ်ကွေးကာကွယ်ဆေး ကို ထိုးခြင်းအားဖြင့် ကြိုတင်ကာကွယ်နိုင်ပါသည်။

သမားတော် ဆေးခန်းမှ ရာသီတုပ်ကွေးကာကွယ်ဆေးကို အိမ်အရောက် ဆရာဝန်များကိုယ်တိုင်မှ လိုက်လံထိုးနှံပေးနေပါပြီ။

ဆေးဖိုး + ဝန်ဆောင်ခ + ဆရာဝန်ခ = 30000 ကျပ် သာ ကျသင့်မည်ဖြစ်ပြီး အပိုဝန်ဆောင်မှုဖိုး ဘာမှ ထပ်မံပေးဆောင်စရာ မလိုပါ။

✅ Cold Chain စိတ်ချရပြီး MM Reg ဖြစ်သော Vaxigrip Tetra ကို ထိုးပေးတာ ဖြစ်ပါတယ်။

လူကြီးမင်းတို့ စိတ်ချမ်းသာမှုအတွက် “သမားတော်”

18/02/2022

❇️မိသားစုတိုင်း ကျန်းမာရေးအတွက် သမားတော်❇️

ကိုဗစ်ကူးစက်မှုများပြားနေသည့်အချိန်တွင် မိမိတို့အိမ်မှ လူကြီးမိဘများ ဆေးရုံဆေးခန်းသွားပြလျှင် ပိုးကူးစက်နိုင်မှု များသည့်အတွက် စဉ်းစားရကြပ်နေပါက သမားတော် ကိုသာ ဆက်သွယ်လိုက်ပါ။

✅ကိုဗစ် Positive လူနာများအတွက်လဲ အထူးချိုသာသည့် စျေးနှုန်းဖြင့် သမားတော်မှ ဆရာဝန်များက အိမ်အရောက် ကျန်းမာရေးစောင့်ရှောက်မှုများ၊ ကုသပေးမှုများကို စိတ်ကျေနပ်မှုရစေသည့်အထိ အိမ်အရောက်လာရောက်ကုသပေးနေပါသည်။

☎️အိမ်အရောက်ကုသမှုခံယူထားသည့် လူနာများမှ အချိန်မရွေး ကျန်းမာရေးကိစ္စများကိုလဲ တိုင်ပင်မေးမြန်းဆွေးနွေးနိုင်ပါသည်။

ဆက်သွယ်စုံစမ်းမေးမြန်းလိုပါက -
Hotline - 09975697187, 09968155015

11/02/2022

ဦးနှောက်သွေးကြောပိတ်ပြီး ၄.၅ နာရီအတွင်း ဆေးမကုသနိုင်ပါက အသက်ရှင်နိုင်ခွင့်ရှိပါသလား ... ???

လေဖြတ်ခြင်းရောဂါဖြစ်ရခြင်းမှာ ဦးနှောက်သွေးကြောအတွင်းသို့ သွေးမရောက်ခြင်းကြောင့်ဖြစ်ပါသည်။လေဖြတ်ခြင်းကြောင့် သွေးကြောပိတ်ခြင်း၊ကွဲခြင်းများဖြစ်ပြီး အချိန်မှီမကုသပါက လူနာသည်မသန်မစွမ်းဖြစ်ခြင်း သို့မဟုတ် သေဆုံးခြင်းများဖြစ်တတ်ပါသည်။လေဖြတ်ခြင်းလက္ခဏာမှာ ပါးစောင်းခြင်း၊နှုတ်ခမ်းရွဲ့ခြင်း၊သွားရည်ယိုခြင်း၊စကားမပီခြင်း၊အသံမထွက်ခြင်း၊နှုတ်ခမ်းထုံကျင်ခြင်း၊ခြေလက်အားလျော့ခြင်း၊အရာဝတ္ထုများမမနိုင်ခြင်းစသည်တို့ကို ၇၀ရာခိုင်နှုန်းမှ ၈၀ရာခိုင်နှုန်းထိတွေ့ရတတ်သည်။

အချိန်သည်သာ အဓိက အရေးကြီးဆုံးဖြစ်ပါသည်။

လူနာလက္ခဏာစတွေ့ချိန်မှစပြီး ၃နာရီမှ၄နာရီချိန်တွင်းစစ်ဆေးပေးခြင်းသည် အန္တရာယ်အကင်းဆုံးအချိန်ပင်ဖြစ်သည်။ဒီထက်အချိန်လွန်ပြီး ကုသမှုမခံယူပါက ဦးနှောက်တစ်ရှူးများသေဆုံးပြီး အချိန်မီမကုသနိုင်ပဲ ကောင်းကျိုးထက် ဆိုးကျိုးပိုများနိုင်ပါသည်။

အချိန်လေးနာရီခွဲထက်ကြာမြင့်ပြီး ဆေးရုံကိုရောက်ရှိလာပါက Intravenous Thromboticနည်းဖြင့် မကုသနိုင်သော်လည်း လူနာအခြေအနေကိုကြည့်ပြီးသင့်တော်သောကုသနည်းကိုရွေးခြယ်ပြီး တခြားသောနည်းလမ်းဖြင့်ကုသနိုင်ပါသည်။

ဆေးရုံသို့‌ ရောက်ရောက်ခြင်းပထမဆုံးချိန်တွင် ဆရာဝန်သည် လူနာ၏သွေးကြောများကို CT scan နှင့် MRT ဖတ်ခြင်း သို့မဟုတ် သွေးကြောများကို အရောင်‌သွင်းကြည့်ခြင်းဖြင့် ရောဂါပြင်းထန်မှုအခြေ‌အနေကို မှန်ကန်စွာအကဲဖြတ်ပြီးမှ နောက်တစ်ဆင့်ကုသနည်းကို ရွေးခြယ်မှာဖြစ်ပါသည်။

သွေးကြောပိတ်ပြီး ဦး‌နှောက်ထစ်ရှူးများ မသေဆုံးသေးသောလူနာများအတွက် ပိတ်နေသောသွေးကြောများပြန်ဖွင့်ရန် တခြားသောနည်းလမ်းများဖြင့်လည်းကုသနိုင်ပါသည်။ဥပမာအားဖြင့် ပိတ်နေသောသွေးကြောထဲသို့ ‌သွေးခဲများအရည်‌ပျော်အောင် ဆေးသွင်းခြင်း သို့မဟုတ် သေးငယ်သောပြွန်ကြိုးဖြင့်သွေးကြောထဲသို့ ထိုးသွင်းပြီး သွေးခဲများကိုစုပ်ထုတ်ခြင်းဖြင့် ကုသနိုင်ပါသည်။သို့သော်ဆံချည်မျှင်မျှသေးငယ်သောသွေးကြောများပိတ်လျှင် စုပ်ထုတ်သောကိရိယာများထည့်သွင်းမရသည့်အတွက် သွေးမရောက်သောနေရာတဝိုက်ဆဲလ်များ အသေခံရန်သာဖြစ်ပါသည်။ဒါကြောင့် သွေးကြောများထပ်မံပိတ်ဆို့ခြင်းမရှိစေရန် Antiplatelet သွေးကြဲဆေးနဲ့ သွေးမခဲအောင်ကာကွယ်သော Anticoagulant ဆေးများဖြင့်ကုသရပါမည်။သွေးကြောမျှင်များပိတ်ဆို့ခြင်းသည် သွေး‌ကြောမကြီး ပိတ်ဆို့ခြင်းထက် အန္တရာယ်မမြင့်မားပါ။

သွေးကြောဖွင့်ကုသနည်းကိုများသောအားဖြင့် ပေါင်ခြံဧရိယာမှဆေးထိုးအပ်ထိုးသွင်းသောကြောင့် ဆေးထိုးအပ်ဖြင့်ကုသရန်တားမြစ်ထားသောလူနာများ၊သာမာန်ထက်သွေးထွက်လွန်တတ်သောလူနာများ သို့မဟုတ် ကူးစက်မှုအနာကြောင့် ဆေးထိုးရန်မသင့်သောလူနာများသည် အကြောတွင်း သွေးခဲများအရည်ပျော်အောင်ဆေးသွင်းသောနည်းဖြင့်ကုသရမည်ဖြစ်ပါသည်။

လေဖြတ်ရောဂါနှင့်နှင့်အတူ တွေ့ရတတ်သောတခြားရောဂါများ

လေဖြတ်ခြင်းကြောင့် ဖြစ်ပေါ်လာသောရောဂါများသည် တိုက်ရိုက်သော်လည်းကောင်း ၊သွယ်ဝိုက်သော်လည်းကောင်း တွေ့ရတတ်သည်။တိုက်ရိုက်တွေ့ရသောရောဂါမှာဦးနှောက်အစိတ်အပိုင်းအတွင်းသွေးရောက်ရှိမှုပေါ်မူတည်ပြီး ခြေလက်အားမရှိခြင်း၊ မထနိုင်ခြင်းစသည်တို့ကြောင့် အိပ်ယာနာဖြစ်ခြင်း သို့မဟုတ် အစာမြိုရခက်ခဲခြင်း၊အသက်ရှူခက်ခြင်းကြောင့်အဆုတ်ကိုရောဂါပိုးကူးစက်နိုင်ခြင်း တို့ပဲဖြစ်ပါသည်။

လူအများသတိမထားမိသော နောက်ဆက်တွဲဆိုးကျိုးတစ်ခုမှာ အတိတ်မေ့ခြင်း‌ရောဂါပင်ဖြစ်ပါသည်။ဦးနှောက်သွေးကြောပိတ်ခြင်းကြောင့် အတိတ်မေ့ရောဂါဖြစ်ရခြင်းကိုလူအများမသိရှိသည်မှာ အမှန်ပင်ဖြစ်ပါသည်။အယ်လ်ဇိုင်းမားရောဂါသည်လည်းဒုတိယအများဆုံး မကြာခဏတွေ့ရတတ်သောရောဂါပင်ဖြစ်ပါသည်။

လေဖြတ်ခြင်းရောဂါအန္တရာယ်ကိုလျှော့ချခြင်း

သွေးကြောပိတ်ရခြင်း၏ အဓိကအကြောင်းရင်းမှာ ပထမအချက်အားဖြင့် လူအများ‌ ရှောင်လွဲ၍မရသော အသက်အရွယ်ကြီးရင့်လာခြင်းပင် ဖြစ်ပါသည်။လူတိုင်းအသက်အရွယ်ကြီးလာတာနှင့်အမျှ သွေးကြောများတဖြည်းဖြည်းကျဉ်းပြီး ပိတ်ဆို့တတ်ပါသည်။ဒုတိယအကြောင်းရင်းမှာ မျိုးရိုးလိုက်ခြင်းကြောင့်ဖြစ်ပါသည်။တချို့သောမိသားစုများတွင် မိဘများသွေးကြောပိတ်ရောဂါဖြစ်ပါက မျိုးရိုးလိုက်ခြင်းကြောင့် သားသမီးများတွင်လဲဖြစ်တတ်ပါသည်။မျိုးရိုးလိုက်တတ်ခြင်းပြသနာကိုမဖြေရှင်း‌နိုင်သော်လည်း ကာကွယ်နိုင်ပါသည်။သွေးပေါင်ချိန်နှင့် အဆီမတက်အောင်ထိန်းသိမ်းခြင်း၊သွေးတွင်းသကြားဓာတ်ပုံမှန်ဖြစ်အောင်ထိန်းသိမ်းခြင်း၊အဆီအငံနှင့်အချိုဓာတ်လွန်ကဲသောအစားအစာများကိုရှောင်ကြဉ်ခြင်း၊ဆေးလိပ်အရက်ရှောင်ကြဉ်ခြင်း၊လေ့ကျင့်ခန်းပုံမှန်လုပ်ခြင်းနှင့်ခန္ဓာကိုယ်ကျန်းမာအောင်နေခြင်း ၊ နှစ်စဉ်ပုံမှန်ဆေးစစ်ခြင်းဖြင့် လေဖြတ်ခြင်းအန္တရာယ်ကိုကာကွယ်လျှော့ချနိုင်ပါမည်။

09/02/2022

❇️ဂရုစိုက်ဖို့ မေ့နေတတ်ကြတဲ့အထဲမှာ မျက်ဝန်းလေးတွေလဲပါပါတယ် ❇️

နည်းပညာတွေတိုးတက်လာတာနဲ့အမျှ နေ့စဉ် လူနေမှုဘဝမှာ မရှိမဖြစ်အရေးပါလာတာကတော့ ဖုန်းနဲ့ ကွန်ပြူတာများပဲ ဖြစ်ပါတယ်။ကျွန်ုပ်တို့ရဲ့ မျက်လုံးဟာဆိုရင် အိပ်စက်အနားယူတဲ့အချိန်ကလွဲပြီး ကျန်တဲ့အချိန်တော်တော်များများမှာဆိုရင် အလုပ်လုပ်ရဆုံး ခန္ဓာကိုယ်အစိတ်အပိုင်းတစ်ခုပဲ ဖြစ်ပါတယ်။အလုပ်အများဆုံးလုပ်ရတဲ့အတွက် အချိန်ကြာလာတာနဲ့အမျှ မနိုင်ဝန်ခိုင်းသလိုဖြစ်လာတဲ့အခါ မျက်ရိုးကိုက်ခြင်း၊ဇာတ်ကြောတတ်ခြင်း၊ခေါင်းကိုက်ခြင်း စတဲ့ ကျန်းမာရေးပြဿနာများဖြစ်စေလာနိုင်ပြီး ဂရုမစိုက်မိပါက ပိုမိုဆိုးရွားတဲ့ အကျိုးဆက်တွေ ဖြစ်ပွါးစေနိုင်ပါတယ်။

ဆိုးရွားတဲ့ မျက်လုံးပြဿနာများမဖြစ်စေဖို့ နေ့စဉ်ဆောင်ရွက်သင့်တဲ့ နည်းလမ်းအချို့ကို ဝေမျှပေးချင်ပါတယ်။

✅1. မျက်တောင်ခပ်ပါ
အံ့ဩစရာကောင်းလောက်အောင်ပဲ လူတွေဟာ ဖုန်းနဲ့ ကွန်ပြူတာတို့အသုံးပြုတဲ့အချိန်မှာ မျက်တောင်ခပ်တာဟာ ပုံမှန်ထက်နည်းသွားပါတယ်။အဲ့ဒီအခါမှာ မျက်လုံးဟာ ခြောက်သွေ့လာတတ်ပြီး ပိုမိုဒဏ်ခံစေရနိုင်ပါတယ်။မျက်လုံးခြောက်သွေ့မှုမှ ပိုမိုကာကွယ်ရန် မျက်ရည်တုအရည်များကိုလဲ ခပ်ပေးနိုင်ပါတယ်။ဒါကြောင့်မို့ ဒီစာလေးဖတ်ရင်းနဲ့ မျက်တောင်ခပ်တာလေးကို ပိုမိုသတိထားအကျင့်လုပ်ရင်း မျက်လုံးလေးကို ဂရုစိုက်ကြမယ်နော်...

✅2. အနားပေးပါ ဖြေလျှော့ပါ
ကွန်ပြူတာနဲ့ ဖုန်းတို့မှထွက်သော အလင်းများကို တောက်လျှောက်မပြတ်ကြည့်ရှူနေခြင်းဟာလဲ မျက်လုံးကို ပင်ပန်းစေပါတယ်။အဲ့ဒါကြောင့် 20-20-20 နည်းလေးကို အသုံးပြုစေချင်ပါတယ်။ 20-20-20 နည်းဟာ ဘာလဲဆိုတော့ မိနစ် ၂၀ တိုင်း မိမိနဲ့ ပေ ၂၀ ဝေးတဲ့နေရာကို စက္ကန့် ၂၀ လောက် ငေးစိုက်ကြည့်ပါ။အဲ့လိုအဝေးကို ကြည့်လို့မရတဲ့အခါ သစ်ပင်စိမ်းစိမ်းများကို ကြည့်ပေးပါနော်....

✅3. အလင်းစူးအားလျှော့သုံးပါ
ဖန်သားပြင်အလင်းစူးစူးများကို ရေရှည်ကြည့်ရှူခြင်းကလဲ မျက်လုံးကိုလိုတာထက် ပိုမိုပင်ပန်းနွမ်းနယ်စေနိုင်ပါတယ်။ဒါကြောင့်မို့ ဖြစ်နိုင်ရင် ဖန်သားပြင်ကထွက်တဲ့ အလင်းအားကို လျှော့ချပေးပါ။ပိုမိုအဆင်ပြေစေရင် အခန်းတွင်း မီးရောင်အလင်းများကိုလဲ မှိန်ထားလိုက်ပါ။အဲ့လိုလျှော့ချဖို့ အခက်အခဲရှိပါက ဖန်သားပြင်များတွင် အလင်းစူးအားလျှော့ပေးသည့် anti-glare cover မျိုးတပ်ဆင်ထားပါနော်...

✅4. တစ်တန်းထဲ ဖြစ်ပါစေ
မိမိအသုံးပြုနေတဲ့ ကွန်ပြူတာ ဒါမှမဟုတ် ဖုန်းမျက်နှာပြင်တို့ဟာ မိမိမျက်လုံးနဲ့ ရေပြင်ညီအနေအထားမျိုး ထားပေးရပါမယ်။မျက်လုံးအရမ်းမော့ကြည့်နေရခြင်း သို့မဟုတ် အရမ်းခေါင်းငုံ့ပြီးကြည့်ရှူနေခြင်းတို့ဟာဆိုရင် မိမိမျက်လုံးများ ဒဏ်ဖြစ်စေရုံမက လည်ပင်းက အရိုးနေရာများကို ပိုမိုဝန်ပိစေတဲ့အတွက် ကျီးပေါင်းရောဂါနှင့် တခြားအရိုးအဆစ်ဆိုင်ရာရောဂါများကိုပါ ဖြစ်စေနိုင်ပါတယ်နော်...

✅5. မျက်မှန်ပါဝါ မှန်ကန်စွာတပ်ပါ
နောက်ဆုံး မျက်စိအရမ်းအသုံးပြုရလို့ အမြင်အာရုံတွေ ဝါးလာပြီဆိုရင်တော့ မျက်စိပါဝါစစ်ကြည့်ဖို့လိုပါမယ်။ မျက်စိပါဝါစစ်ပြီး မျက်မှန်ရွေးချယ်တဲ့အခါမှာလဲ မိမိနဲ့သင့်တော်မယ့် မျက်မှန်ပုံစံဖြစ်ဖို့နဲ့ မျက်မှန်ပါဝါကလဲ မှန်ကန်နေဖို့လိုပါမယ်။မျက်မှန်မတပ်ချင်သောသူများအနေနဲ့ မျက်ကပ်မှန်ကိုရွေးချယ်နိုင်သော်လည်း အခန့်မသင့်ပါက မျက်စိကိုရောဂါပိုးများဝင်စေနိုင်တဲ့အတွက် ဆရာဝန်ရဲ့ ညွှန်ကြားချက်အတိုင်း လိုက်နာဆောင်ရွက်စေလိုပါတယ်နော် ....

💡💡💡ကဲ ... ဒီတော့ အပန်းမကြီးလှတဲ့နည်းလမ်းလေးတွေနဲ့ မိမိတို့ရဲ့ မျက်လုံးလေးကို ကြင်နာမှုပေးလိုက်ကြရအောင်နော်

08/02/2022

ယခုဆိုရင် ရောဂါပိုးကူးစက်မှု များပြားလာနိုင်သည့်အတွက် ကူးစက်ခံရခြင်းမှ ကင်းဝေးစေနိုင်ရန် ပြုမှုဆောင်ရွက်သင့်သည်များကို သမားတော် မှ တင်ပြအပ်ပါသည်။

မိဘပြည်သူအားလုံး ကပ်ရောဂါဘေးမှ ကင်းဝေးနိုင်ကြပါစေ။

07/02/2022

အမျိုးသမီးများတွင် အသက်အရွယ်ကြီးလာသောအခါ ဖြစ်ပွါးနိုင်ခြေရှိသော ရောဂါများအား ဂရုပြုကာကွယ်နိုင်ရန် 💁‍♀️👩‍🦳👵🏻👩‍🦱

သွေးတိုးရောဂါ

ပုံမှန်သွေးပေါင်ချိန်သည် အပေါ်သွေး 120-129 နှင့် အောက်သွေး 80-84 ဝန်းကျင်ရှိပါသည်။ပုံမှန်ထက်များနေပါက သွေးတိုးရှိသည်ဟု သတ်မှတ်နိုင်ပြီး အသက်အရွယ်ကြီးသူတွေမှာ အဖြစ်များတတ်ပါသည်။သွေးတိုးရောဂါသည် သတိထားရမဲ့ရောဂါဖြစ်ပြီး နှလုံးရောဂါနှင့် လေဖြတ်ခြင်းများကို ဖြစ်စေတတ်ပါသည်။
အဝလွန်ခြင်း၊မျိုးရိုးလိုက်ခြင်း၊ကျောက်ကပ်ရောဂါ၊အရက်နှင့် ဆေးလိပ်သောက်သုံးခြင်း၊ကိုယ်လက်လှုပ်ရှားမှုမရှိခြင်းတို့ကြောင့် သွေးတိုးရောဂါဖြစ်စေနိုင်ပါသည်။

ဆီးချိုရောဂါ

အသက်အရွယ်မရွေးဖြစ်ပွါးနိုင်ပေမဲ့ အသက်ကြီးသူတွေမှာ ပိုအဖြစ်များတတ်ပါသည်။ အဝလွန်ခြင်း၊ပန်ကရိယရောဂါနှင့် မျိုးရိုးလိုက်ခြင်းတို့ကြောင့် ဆီးချိုရောဂါဖြစ်စေနိုင်ပါသည်။
ဆီးသွားများခြင်း၊ ရေမကြာခဏဆာခြင်း၊နုံးချိခြင်းနှင့် အကြောင်းပြချက်မရှိပိန်သွားပါက ဆီးချိုစစ်သင့်ပါသည်။

နှလုံးသွေးကြောကျဉ်းရောဂါ

နှလုံးသွေးကြောကျဉ်းသွားပါက နှလုံးကြွက်သားများဆီ သွေးပမာဏလုံလောက်စွာ မရရှိနိုင်သောကြောင့် နှလုံးကြွက်သားများ ပုပ်သွားနိုင်ပါသည်။
ဆေးလိပ်သောက်ခြင်း၊စိတ်ဖိစီးမှုများခြင်း၊သွေးတိုးရောဂါတို့ကြောင့် နှလုံးသွေးကြောကျဉ်းစေနိုင်ပြီး ရင်ဘတ်အောင့်ခြင်း၊ချွေးစေးထွက်ကာ မူးဝေပြီး အသက်ရှူမဝဖြစ်ပါက အရေးပေါ်ကုသမှူခံယူရန် လိုအပ်ပါသည်။

မှတ်ဉာဏ်ယိုယွင်း သတိမေ့တတ်ခြင်း

အသက်အရွယ်ကြီးလာတာနဲ့အမျှ သတိမေ့တတ်လာကြပါသည်။ မိမိပြောခဲ့ လုပ်ခဲ့သမျှကို မမှတ်မိခြင်း၊ ထပ်တလဲလဲ လုပ်မိခြင်း၊ စိတ်အပြောင်းအလဲမြန်ခြင်း၊အိပ်မပျော်ခြင်းနှင့် အာရုံထွေပြားခြင်းတို့ ဖြစ်နေပါက ဆရာဝန်နှင့် တိုင်ပင်သင့်ပါသည်။

ဒူးနာခြင်း

အသက် ၄၀ နှင့်အထက် အမျိုးသမီးများတွင် ဖြစ်လေ့ရှိပြီး အဝလွန်ခြင်း၊ ဒူးခေါင်းအသုံးပြုမှုများခြင်း၊လေးဘက်နာရောဂါရှိခြင်းနှင့် မျိုးရိုးလိုက်ခြင်းတို့ကြောင့် ဖြစ်ပွါးနိုင်ပါသည်။

အရိုးပွခြင်း

ဓမ္မတာပြီးဆုံးသွားသော အမျိုးသမီးများတွင် ဟော်မုန်းလျော့နည်းသွားသောကြောင့် အရိုးပါးအရိုးပွရောဂါဖြစ်စေနိုင်ပါသည်။ အရိုးကျိုးနိုင်သောကြောင့် မပေါ့ဆပဲ ဂရုပြုလှုပ်ရှားသွားလာကာ ဆရာဝန်နှင့် တိုင်ပင်ဆွေးနွေးသင့်ပါသည်။

သားအိမ်အလုံးတည်ခြင်း

အသက် ၄၀ နှင့် ၅၀ အမျိုးသမီးများတွင် တွေ့ရတတ်ပြီး ဓမ္မတာပြီးဆုံးပါက သားအိမ်အလုံးသည် အလိုလိုသေးငယ်သွားတတ်ပါသည်။ သားအိမ်အလုံးကြောင့် ဓမ္မတာများခြင်း၊ခါးနာခါးကိုက်ခြင်း၊ဆီးသွားများခြင်း၊ဝမ်းချုပ်ခြင်းတို့ ဖြစ်တတ်ပါသည်။

ကင်ဆာရောဂါ

ကင်ဆာရောဂါသည် သေဆုံးနှုန်းများနိုင်သောကြောင့် သတိပြုကာကွယ်သင့်ပါသည်။ အမျိုးသမီးများ ဂရုပြုရမဲ့ ကင်ဆာရောဂါများမှာ ရင်သားကင်ဆာ၊သားအိမ်ခေါင်းကင်ဆာ၊အူမကြီးကင်ဆာ၊အဆုတ်ကင်ဆာ၊သားဥအိမ်ကင်ဆာတို့ ဖြစ်ပါသည်။ အချိန်မှီသိရှိပါက ကုသမှု ထိရောက်နိုင်ပါသည်။

06/02/2022

ယခုလို ကာလတွင် လည်ချောင်းနာပါက အိိမ်တွင်ပြုလုပ်နိုင်မည့် လွယ်ကူရိုးရှင်းသော အစားအစာများကို စားသုံးခြင်းအားဖြင့် လည်ချောင်းနာခြင်းကို အထိုက်အလျောက် သက်သာပျောက်ကင်းစေနိုင်ပါသည်။

မိမိတို့အိမ်တွင် နေထိုင်ပြီး အပြင်မထွက်လိုပဲ ကျန်းမာရေးစောင့်ရှောက်မှု ရယူလိုပါက သမားတော် ကို သတိရလိုက်ပါ။

06/02/2022

Covid စတုတ္ထလှိုင်းမှာ Booster Dose ထိုးလိုသော မိဘပြည်သူများအတွက် အသက်သာဆုံး နှုန်းထားဖြင့် သမားတော်မှ အိမ်တိုင်ရာရောက် လာရောက်ထိုးနှံပေးနေပါပြီ။

ကာကွယ်ဆေးထိုးခြင်းအပြင် လူစုလူဝေးရှောင်ရှားပြီး လက်ကို ပုံမှန်ဆေးကြောကာ နှာခေါင်းစည်း Mask များ သေချာဝတ်ဆင်ကြပါရန် မိဘပြည်သူများကို ကျန်းမာရေးအသိပေးပါရစေ။

မိဘပြည်သူများရဲ့ ကျန်းမာရေးစောင့်ရှောက်မှုအတွက် စိတ်ချမ်းသာမှုအပြည့်အဝပေးမဲ့ သမားတော်။