Reaping The Universe's Gifts Astrology

04/11/2025

အစက ၂ယောက်ရွေးဖို့ ရည်ရွယ်ထား‌ပေမယ့် comment အရေအတွက်လေးများလို့ random picker နဲ့ ၅ယောက်ထိရွေးပေးထားပါတယ်ခင်ဗျာ၊ adminလည်း သိပ်မအားလို့သာ..၊ လူများများဖတ်ပေးချင်ပါတယ်

ပံ့သကူရတဲ့သူလေးတွေ post ကိုတွေ့တဲ့အချိန် adminကို page chat boxကနေ လာဆက်သွယ်ပေးထားနိုင်ပါတယ်

နှစ်စကနေ အခုထိ give awayဖောက်ပေးခဲ့တာ ၃ခါရှိခဲ့ပါပြီ၊ နောင်လည်း အခါအခွင့်သင့်သလို ဖောက်ပေးပါဦးမယ်

04/11/2025

တန်ဆောင်တိုင်လပြည့်ညလေးမှာ adminလည်း birth chart reading လေးနှစ်ခု ပံ့သကူပစ်ပါမယ် 😁

Comment လေးမှာတစ်ခုခုမန့်သွားရင်ရပါပြီ၊ ည'၁၂ကျော်လောက် random comment picker နဲ့ နှစ်ယောက် ရွေးချယ်ပေးပါမယ်..

Edit: comment အရေအတွက်များခဲ့ရင် ပံ့သကူအရေအတွက်လေး ထပ်တိုးပေးပါမယ်ခင်ဗျာ

05/10/2025

Happy Thadingyut 🌕

မနက်ဖြန်လပြည့်နေ့မှာ ကုသိုလ်တရားများပွားများရင်း အေးချမ်းစွာဖြတ်သန်းနိုင်ကြပါစေ..

23/09/2025

Birth chart ဖတ်ရတာ ရှုပ်ထွေးတယ်၊ တစ်ချိန်တည်းမှာလည်း စိတ်ဝင်စားစရာကောင်းတယ်၊
လူတွေရဲ့ ကိုယ်ရည်ကိုယ်သွေးတွေဟာ တစ်ယောက်တည်းမှာ အရောင်အသွေးစုံစွာရှိတတ်တယ်၊
ဆန့်ကျင်ရှုပ်ထွေးတယ်၊ ကိုယ့်စိတ်နဲ့ကိုယ် ဝိရောဓိဖြစ်ရတဲ့ အခါတွေရှိတယ်။

ဥပမာ Aries တစ်ယောက်ဆိုကြပါစို့၊
ပင်ကို ရှုးရှုးဒိုင်းဒိုင်းသဘာဝရှိပေမယ့် birth chart မှာ mars က retrograde ဖြစ်နေတယ်ဆိုရင် ရှုပ်ထွေးသွားရော၊
ယေဘုယျ Aries တွေကို ဖော်ပြတတ်တဲ့ ရဲရင့်တက်ကြွတယ်၊ ပြတ်သားတယ်၊ လုပ်စရာရှိလုပ်တာပဲဆိုတဲ့ အချက်တွေဟာ မမှန်တော့ဘူးဖြစ်သွားတယ်၊
ချီတုံချတုံဖြစ်တတ်တဲ့ သူမျိုးဖြစ်သွားတယ်၊ တစ်ခုခုလုပ်ဖို့ သတိကြီးတတ်၊ မလုပ်ခင်သေချာစဉ်းစားနေတတ်တဲ့သူမျိုး ဖြစ်သွားတယ်၊
လုပ်ပြီဆိုရင်တော့လည်း ဇွဲကောင်းကောင်းလုပ်တတ်တယ်၊ ပုံမှန် Ariesလို စလုပ်ပြီး ရေရှည်ဆက်မလုပ်ချင်တဲ့ အားနည်းချက်နဲ့ ယှဥ်ရင်ကျတော့ ဇွဲကောင်းတဲ့ mars retrograde သမားတွေက သာသွားပြန်ရော၊
mars retrograde သမားတွေကလည်း တဖြည်းဖြည်းပြုပြင်ပြောင်းလဲပြီး ကိုယ့်ကိုကိုယ်ယုံကြည်မှုကို တည်ဆောက်ယူလို့ရပါတယ်၊
အဓိက'က ကိုယ့်အားနည်းချက်ကို ကိုယ်တိုင် နားလည်ဖို့ပါပဲ

ဆိုလိုရင်းကတော့ birth chartမှာ တစ်ခု သဘာဝကို တစ်ခု ဆန့်ကျင်‌နေတဲ့ အချက်တွေပါသလိုပဲ လူတွေရဲ့ သဘာဝကလည်း တစ်ယောက်တည်းမှာကို ရှုပ်ထွေးဆန့်ကျင်တတ်တာကို ပြောချင်တာဖြစ်ပါတယ်။

Venus နဲ့ Mercuryဟာ ရာသီခွင်စက်ဝန်းမှာ 'နေ'နဲ့ နီးတာကြောင့် Sun, Venus, Mercuryမှာ signတူတဲ့ သူတွေများတတ်ပါတယ်၊
ဒါ့ကြောင့် တချို့တွေဟာ sun sign က ဖော်ပြချက်တွေနဲ့ ကိုက်ညီတာကို သိသိသာသာခံစားရတတ်ပါတယ်။
တချို့ကျတော့လည်း sun sign က ဖော်ပြချက်တွေနဲ့ ကိုက်ညီတာကို သိသိသာသာမခံစားရတာမျိုး ရှိတတ်ပါတယ်။

sun sign က တကယ်တော့ ကိုယ်ရည်ကိုယ်သွေးထက် life purpose နဲ့ တည်ဆောက်ပျိုးထောင်ရမယ့်အရာတွေကို ဖော်ပြခြင်းမှာ ပိုအဓိကကျပါတယ်။
Astrology ယူဆချက်အရ sun sign ရဲ့သဘာဝဟာ အသက်အရွယ်တစ်ခု‌ရောက်လာ၊ ရင့်ကျက်လာတဲ့အချိန်မှာမှ ပိုသိသာလာတတ်၊ ဖွံ့ဖြိုးလာတတ်တာဖြစ်ပါတယ်။
google ဆောင်းပါးတစ်ခုမှာတော့ sun sign ရဲ့ ကိုယ်ရည်ကိုယ်သွေးဟာ အသက် ၂၀မှာ စတင်သိသာတယ်လို့ ဖော်ပြထားတာကို ဖတ်ဖူးပါတယ်။

တချို့ကိုယ်ရည်ကိုယ်‌သွေးတွေက အခြေအနေကိုလိုက်ပြီး သိသာတတ်ပြီး တခြားအခြေအနေမှာ တခြားကိုယ်ရည်ကိုယ်သွေးက ပိုပေါ်လွင်တတ်တယ်။

ဥပမာ၊ birth chart မှာ 8th house placement တွေပါတဲ့သူ‌တွေဆိုကြပါစို့၊
8th house placement တွေရဲ့ သဘာဝဟာ နေ့စဉ်ဘဝမှာ မသိသာတတ်ဘူး၊ အခက်အခဲအကျပ်အတည်းတွေကြားမှာ၊ ကြုံတောင့်ကြုံခဲ life crisisတွေမှာမှ ပေါ်လာတတ်တယ်၊
8th house ကို Scorpio က အုပ်စိုးပြီး 8th house ရဲ့ သဘာဝဟာ Scorpio ကဲ့သို့ နက်နဲပြင်းထန်ပါတယ်၊
darkဖြစ်တဲ့ဖက် ရောက်တယ်။
စွမ်းအားကြီးတဲ့ transformative energy ရှိတယ်၊
မီးလိုပဲ လောင်ကျွမ်းဓာတ်ပြုပြီး ပြောင်းလဲပေးနိုင်တဲ့ အစွမ်းရှိပါတယ်။
ကြုံတောင့်ကြုံခဲ အဖြစ်အပျက်တွေ၊ life crisis တွေမှာ ပေါ်လာတတ်တဲ့ 8th house energy ဟာ လူတစ်ယောက်ကို နက်နက်ရှိုင်းရှိုင်း ပြောင်းလဲစေတတ်ပါတယ်။
ဒီလိုအဖြစ်တွေဟာ ကြုံရခဲသလို တစ်ခါဆို တစ်ခါ ကြုံရသလောက် လူကို ပြောင်းလဲပေးသွားတတ်ပါတယ်။

ဒါနဲ့ပတ်သတ်ပြီး ဥပမာပြဖို့ ကိုယ်ပိုင်အတွေ့အကြုံကိုပဲ ပြောပြချင်ပါတယ်၊
Admin မှာက 11th house stelliumရှိပြီး Venus ရော၊ Jupiter ရောက 11th house မှာရှိပါတယ်၊
11th house က ကိုယ်စားပြုတဲ့အရာ‌တွေမှာ သူငယ်ချင်းအပေါင်းအသင်းဆိုတာပါတာကြောင့် Venus ရော၊ jupiter ရော 11th house မှာ ရှိနေတဲ့ admin က သူငယ်ချင်းဆက်ဆံရေးကို အလေးထားတတ်သလို သူငယ်ချင်းကံလည်း ကောင်းပါတယ်။
ကိုယ့်ကို တကယ်ခင်ပြီး သစ္စာရှိတဲ့၊ ကိုယ့်အပေါ် စိတ်ကောင်းရှိတဲ့ သူငယ်ချင်းအရင်းကြီးတွေကို ပိုင်ဆိုင်ရရှိခဲ့ပါတယ်၊
တစ်ဖက်မှာလည်း သစ္စာဖောက်တဲ့ သူငယ်ချင်းနဲ့ ကြုံရတတ်တဲ့ 8th house placement တစ်ခု admin ရဲ့ birth chart မှာ ပါပါတယ်၊
တစ်လျှောက်လုံး သူငယ်ချင်းကံကောင်းတယ်ဆိုတဲ့ ယုံကြည်ချက်နဲ့ နေလာခဲ့တဲ့ admin ဘဝမှာ သူငယ်ချင်းအရင်းကြီးလို့ စိတ်ထဲမှတ်ထားသူက သစ္စာဖောက်ခဲ့တာကို တစ်ကြိမ်တစ်ခါ ကြုံခဲ့ရပါတယ်၊
တစ်ကြိမ်တစ်ခါဆိုပေမယ့် တစ်ခါဆို ဆိုသလောက် မှတ်သွားစေတဲ့ အဖြစ်အပျက်ဖြစ်ခဲ့ပါတယ်
အဲ့ဒီအဖြစ်အပျက်က စိတ်ကို တော်တော်ပြောင်းသွားစေခဲ့ပါတယ်။

ဆိုလိုရင်းက Birth chart ကို ဖတ်ရတာ၊ လေ့လာရတာ ရှုပ်ထွေးသလို စိတ်ဝင်စားစရာလည်း ကောင်းတယ်ဆိုတာကို ပြောပြချင်တာ ဖြစ်ပါတယ်၊
Birth chart ရဲ့ ရှုပ်ထွေးဆန့်ကျင်တဲ့ သဘာဝတွေကို နားလည်ဖို့နဲ့ တချို့သဘာဝတွေဟာ အမြဲမသိသာတတ်ဘဲ သူ့အချိန်အခါနဲ့သူ အခါအခွင့်သင့်သလို ပေါ်တတ်မှန်း ဖော်ပြပေးချင်ဝာာဖြစ်ပါတယ်။

12th house placements တွေကလည်း နားလည်ရခက်ပါတယ်၊ သူက မသိစိတ်နဲ့ ဆက်နွယ်တဲ့ house၊ ထူးဆန်းအပြောကျယ်တဲ့ house၊ karmic house တစ်ခုဖြစ်တာကြောင့် အပြောခက်၊ နားလည်ရခက်တဲ့ house တစ်ခုဖြစ်ပါတယ်။

နောက်ထပ် birth chart ဖတ်ရတာကို ရှုပ်ထွေးစေတဲ့ အချက်တစ်ချက်က signတွေ placements တွေ ကိုယ်တိုင်မှာက higher expression နဲ့ lower expression ဆိုပြီး ရှိတာကြောင့်ဖြစ်ပါတယ်၊
နားလည်လွယ်အောင် ပြောရရင် sign တိုင်းမှာ အကောင်းအဆိုးရှိတယ်လို့ ပြောချင်တာဖြစ်ပါတယ်၊
ဥပမာ၊ water signဆိုတာနဲ့ စာနာစိတ်ကြီးတယ်၊ နူးညံ့ကြင်နာတတ်တယ်လို့ ပြောလို့မရဘဲ ကိုယ့်စိတ်အနာပဲ ကိုယ်သိတဲ့ တစ်ကိုယ်ကောင်းဆန်တဲ့သူတွေ၊ သူများခံစားချက်ကို မသိမသာခြယ်လှယ် manipulate လုပ်ချင်တဲ့သူတွေ၊ ပန်းနုသွေးတွေလည်း ဖြစ်တတ်ပါတယ်။

Birth chart ဖတ်ရတာကို ရှုပ်ထွေးစေသလို စိတ်ဝင်စားစရာကောင်းစေတဲ့ အချက်များစွာထဲက တချို့ကို ဖော်ပြပေးခဲ့တာဖြစ်ပါတယ်၊
လူတွေရဲ့ ကိုယ်ရည်ကိုယ်သွေးတွေက သမုဒ္ဓရာလို အသိခက်သလို birth chart ကလည်း ဒီအရာကို ထင်ဟပ်နေပြန်ပါတယ်။

06/09/2025

ဒါလေးဖတ်ကြည့်မိပြီး တခြားသူတွေအတွက်လည်း အကျိုးရှိမယ်ထင်လို့ မျှဝေပေးပါရစေ

Adminလည်း လုပ်ချင်တာတွေများနေပြီး ရက်ပေါင်းများစွာ ဘာမှရေရေရာရာပြီးမြောက်မသွားဘဲ ရှိနေတတ်ပါတယ်

အရာရာမြန်မြန်ဆန်ဆန်ဖြစ်ပျက်ပြောင်းလဲတတ်တဲ့ခေတ်၊ ဖုန်း၊ကွန်ပျူတာလို နည်းပညာတွေ လွှမ်းမိုးတဲ့ခေတ်၊ စိတ်အာရုံပျံ့လွင်စရာတွေများတတ်တဲ့ ခေတ်မှာ စိတ်ထဲမှာ လုပ်ချင်တာတွေများသလောက် တကယ်ဘာမှမပြီးမြောက်တတ်တဲ့ ပြဿနာဟာ လူတော်တော်များများ ရင်ဆိုင်ရတတ်တဲ့ ပြဿနာဖြစ်နေနိုင်တယ်လို့ ယူဆပါတယ်

ဆောင်းပါးလေးက အကျိုးရှိလို့ မျှဝေပေးလိုက်ပါတယ်

ကျွန်တော်ဘဝတစ်ခုလုံးကို သိသိသာသာပြောင်းလဲပစ်လိုက်တဲ့ "2 hour rule" အကြောင်း ပြောပြပါရစေ။ အရာအားလုံးဟာ အဝတ်လျှော်တာကနေ စခဲ့တာပါ။

အဲဒီနေ့က ကျွန်တော်ဟာ ခေါက်လက်စအဝတ်ပုံတွေ၊ မဆေးရသေးတဲ့ ပန်းကန်တွေကြား၊ mail ထဲက မဖြေရသေးတဲ့ အီးမေးလ်တွေနဲ့အတူ အားလုံးနောက်ကျကျန်ခဲ့ပြီဆိုတဲ့ စိတ်ဓာတ်ကျမှုတွေနဲ့အတူ ထိုင်နေခဲ့ပါတယ်။ ကျွန်တော် ပျင်းလို့မဟုတ်ပါဘူး၊ စိတ်ပင်ပန်းနေတာပါ။ အလုပ်တွေ အများကြီးကို တစ်ပြိုင်နက်တည်း လုပ်နေတာကြောင့် ဘယ်အရာမှ ပြီးဆုံးအောင် မလုပ်နိုင်ခဲ့ပါဘူး။

အဲဒီညမှာပဲ "ဘယ်လိုလုပ်ရင် အားလုံးပြန့်ကျဲနေတဲ့ စိတ်အခြေအနေကနေ လွတ်မြောက်နိုင်မလဲ" ဆိုပြီး google မှာ ရှာရင်း "2 hour rule" ကို ရှာတွေ့ခဲ့ပါတယ်။ "၂ နာရီပဲလား" ဆိုပြီး အံ့သြမှုများစွားနဲ့ စိတ်အားထက်သန်ပီးစမ်းကြည့်လိုက်ပါတယ်။

ခြောက်လကြာတဲ့အခါမှာတော့ ကျွန်တော်ရဲ့ မနက်ခင်းတွေဟာ အေးဆေးတည်ငြိမ်လာပြီး လုပ်စရာစာရင်းတွေကလည်း စီမံခန့်ခွဲရလွယ်ကူလာပါတယ်။ ကျွန်တော်ရဲ့ freelance ပရောဂျက်တွေကလည်း ပြီးမြောက်လာခဲ့ပြီး နှစ်ပေါင်းများစွာအတွင်း ပထမဆုံးအကြိမ်အဖြစ် နှစ်နှစ်ခြိုက်ခြိုက် အိပ်ပျော်လာပါတယ်။

"2-Hour Rule" ဆိုတာ ဘာလဲ။

"2 hour rule " ဆိုတာ နေ့စဉ် ၂ နာရီအချိန်ကို အာရုံစိုက်ပြီး အဓိပ္ပာယ်ရှိတဲ့၊ အရေးကြီးတဲ့၊ ဒါမှမဟုတ် တိုးတက်မှုကို ဖြစ်စေတဲ့ အလုပ်တစ်ခုအတွက် သီးသန့်ပေးဖို့ပါပဲ။ အဲဒီအလုပ်က ဝတ္ထုရေးတာ၊ ဘာသာစကားအသစ်တစ်ခု သင်ယူတာ၊ စီးပွားရေးလုပ်ငန်းတစ်ခု စတင်တာ၊ အိမ်သန့်ရှင်းရေးလုပ်တာ ဒါမှမဟုတ် သင်လုပ်ဖို့ စိတ်ကူးနေတဲ့ podcast တစ်ခုကို စတင်တာမျိုး ဖြစ်နိုင်ပါတယ်။

နှစ်နာရီပဲ။
အာရုံပျံ့လွင့်မှု မရှိစေရဘူး။
အလုပ်ပေါင်းစုံ တစ်ပြိုင်နက် မလုပ်ရဘူး။
နောင်တမရစေရဘူး။
ဒီအချက်တွေက သေးငယ်တယ်လို့ ထင်ရပေမဲ့ သင့်ဘဝကို အမှန်တကယ် ပြောင်းလဲပေးနိုင်ပါတယ်။

"၂ နာရီ စည်းမျဉ်း" က ကျွန်တော်ရဲ့ ဘဝကို ဘယ်လိုပြောင်းလဲစေခဲ့လဲ။

ဒီစည်းမျဉ်းကို ကျွန်တော် ပထမဆုံး စစမ်းတဲ့တစ်ပတ်မှာ နေ့စဉ်မနက်ခင်းစောစောစီးစီး ၂ နာရီ ကို အီးမေးလ်တွေ၊ social media တွေ မကြည့်ခင် ရှေ့ဆက်မလုပ်ဖြစ်တာကြာပြီဖြစ်တဲ့ freelance ပရောဂျက်တစ်ခုအတွက် သီးသန့်ပေးခဲ့ပါတယ်။ သုံးရက်မြောက်နေ့မှာပဲ အရင်နှစ်ပတ်လုံး လုပ်ခဲ့တာတွေထက် ပိုပြီးတော့ ပြီးမြောက်ခဲ့ပါတယ်။

ဒုတိယအပတ်မှာတော့ ကျွန်တော်ရဲ့ စိတ်ပူပန်မှုတွေ လျော့ကျလာခဲ့ပါတယ်။ ဘာလို့လဲဆိုတော့ ကျန်တဲ့အလုပ်တွေ အားလုံးက မပြီးပြတ်သေးရင်တောင်မှ ကျွန်တော်ဟာ နေ့စဉ်နဲ့အမျှ တိုးတက်လာနေတာကို သိလာလို့ပါပဲ။ အဲဒီနောက်ပိုင်းမှာ ကျွန်တော်ဟာ အချိန် ၂ နာရီကို -

စိတ်နဲ့ကိုယ်နဲ့ နေ့စဉ်အစီအစဉ် ရေးဆွဲဖို့

နှစ်ပေါင်းများစွာ စွန့်လွှတ်ထားခဲ့တဲ့ စာပေဖန်တီးမှုတွေ ပြန်လုပ်ဖို့

ကျန်းမာရေးနဲ့ညီညွတ်တဲ့ အစားအစာတွေ တစုတဝေးတည်း ချက်ပြုတ်ဖို့

ဒစ်ဂျစ်တယ် ဖိုင်တွေ ရှင်းလင်းဖို့ (ဥပမာ- inbox zero)

လမ်းလျှောက်ရင်း audiobook နားထောင်ဖို့ စတာတွေအတွက် စတင်အသုံးပြုခဲ့ပါတယ်။

ဒီလိုအသုံးပြုလာတဲ့အခါမှာ အလုပ်ရှုပ်နေတာမျိုးမဟုတ်ဘဲ ရည်ရွယ်ချက်ရှိရှိနဲ့၊ ပစ္စုပ္ပန်ကို အာရုံစိုက်ပြီး ငြိမ်းချမ်းတဲ့နည်းလမ်းနဲ့ စွမ်းအားရှိလာတယ် လို့ ခံစားလာရပါတယ်။

သင့်ရဲ့ဘဝမှာ "၂ နာရီ စည်းမျဉ်း" ကို ဘယ်လိုအသုံးပြုနိုင်လဲ။

အဆင့် ၁ - သင့်ရဲ့ အာရုံစိုက်မှုကဏ္ဍကို သတ်မှတ်ပါ သင့်ရဲ့ ဘဝ ဒါမှမဟုတ် ပန်းတိုင်တစ်ခုခုကို ရွေးပါ။ ကိုယ့်ကိုယ်ကို ဒီလိုမေးခွန်းတွေ မေးကြည့်ပါ-

"တစ်နေ့နေ့တော့ လုပ်မယ်" ဆိုတဲ့ စာရင်းမှာ ဘယ်အရာတွေက အချိန်ကြာကြာ ရှိနေခဲ့ပြီလဲ။

ဘယ်အရာအတွက်တော့ အချိန်မရှိဘူးလို့ အမြဲပြောနေခဲ့လဲ။

ဘယ်အရာက အနာဂတ်မှာ ကိုယ့်ကိုယ်ကို ကျေးဇူးတင်စေမှာလဲ။

အဆင့် ၂ - သင် အလုပ်လုပ်နိုင်ဆုံးအချိန်ကို ရွေးပါ သင့်ဦးနှောက်က အလန်းဆန်းဆုံးဖြစ်တဲ့ နေ့ရဲ့အချိန်ကို ရွေးပါ။ လူအများစုက မနက်ပိုင်းမှာ ဖြစ်နိုင်ပေမဲ့ သင့်အတွက် ညနေစာစားပြီးချိန် ဖြစ်နိုင်ပါတယ်။ အဲဒီ ၂ နာရီကို ဘယ်လိုမှ မပျက်ကွက်နိုင်တဲ့ ချိန်းဆိုမှုတစ်ခုလို သဘောထားပြီး ပြက္ခဒိန်မှာ မှတ်သားထားပါ။

အဆင့် ၃ - အာရုံပျံ့လွင့်စေမယ့် အရာတွေကို ဖယ်ရှားပါ ဖုန်းကို Silent လုပ်ထားပါ။ "Do Not Disturb" ကို ဖွင့်ထားပါ။ အာရုံပျံ့လွင့်တာတွေကို လျှော့ချနိုင်ဖို့ နားကြပ် ကို အသုံးပြုပါ။

အဆင့် ၄ - သီးသန့် အချိန်အဖြစ် သတ်မှတ်ပါ ဒီအချိန်ဟာ တခြားအလုပ်တွေ ပုံနေတဲ့အတွက် ရှင်းလင်းတဲ့အချိန် မဟုတ်ပါဘူး။ ဒါဟာ သင့်ရဲ့အချိန်၊ အရေးကြီးတဲ့အရာတစ်ခုကို တည်ဆောက်ဖို့၊ ဖန်တီးဖို့ ဒါမှမဟုတ် ပြန်လည်တည်ဆောက်ဖို့အတွက် အချိန်ဖြစ်ပါတယ်။ အရင်ဆုံး တစ်နေ့ကို တစ်နာရီနဲ့ စတင်နိုင်ပါတယ်။ အရေးအကြီးဆုံးက ပြီးပြည့်စုံမှုမဟုတ်ဘဲ အမြဲတမ်းလုပ်ဆောင်နေတဲ့ အလေ့အကျင့်ပါ။

"ဒါပေမဲ့ ကျွန်တော့်မှာ ၂ နာရီ အချိန်မရှိဘူး!" (ဟုတ်တယ်၊ သင့်မှာ ရှိပါတယ်)

ဒီလို အကြောင်းပြချက်တွေ အများကြီး ကြားဖူးပါတယ်။ တကယ်တမ်းကျတော့-

"အရမ်းအလုပ်များနေတယ်"- သင်ဟာ အလုပ်များနေတယ်ဆိုတာ မှန်ပါတယ်။ ဒါပေမဲ့ မက်ဆေ့ခ်ျတွေ စစ်တာ၊ ဖုန်းသုံးတာလိုမျိုး တန်ဖိုးနည်းတဲ့ အလုပ်တွေမှာ အချိန်ကုန်နေတတ်ပါတယ်။ ဒီ ၂ နာရီ စည်းမျဉ်းက သင့်ကို အဲဒီအလုပ်တွေကနေ ရည်ရွယ်ချက်ရှိရှိ လုပ်ဆောင်နိုင်အောင် ပြောင်းလဲပေးနိုင်ပါတယ်။ ၂-၃ ရက်လောက် သင့်ရဲ့အချိန်တွေကို မှတ်တမ်းတင်ကြည့်လိုက်ရင် အနည်းဆုံး ၂ နာရီလောက်က တန်ဖိုးမရှိတဲ့ အရာတွေအတွက် ကုန်ဆုံးနေတာကို တွေ့ရပါလိမ့်မယ်။

"အဲဒီလောက်ကြာကြာ အာရုံမစိုက်နိုင်ဘူး"- ဒါဆိုရင် မိနစ် ၃၀ နဲ့ စတင်လိုက်ပါ။ ပြီးရင် တဖြည်းဖြည်းတိုးသွားပါ။ အလေ့အကျင့်တစ်ခု တည်ဆောက်ဖို့အတွက် ဘုန်းကြီးတစ်ပါးလို စည်းကမ်းရှိဖို့ မလိုအပ်ပါဘူး။

"ကျွန်မရဲ့ အချိန်ဇယားက မမှန်ဘူး"- သင်ဟာ မနက်ခင်း စစချင်းအချိန်ကို ရွေးချယ်နိုင်ပါတယ်။ အကယ်၍ မဖြစ်နိုင်ဘူးဆိုရင် ညနေခင်း သို့မဟုတ် အားလပ်ရက်တွေလိုမျိုး အချိန်မှန် လုပ်ဆောင်နိုင်မယ့် အချိန်တွေကို ရှာကြည့်ပါ။

အနှစ်ချုပ်

"၂ နာရီ စည်းမျဉ်း" ဟာ ကျွန်တော်ရဲ့ ကမ္ဘာကြီးတစ်ခုလုံးကို ပြောင်းလဲပစ်ဖို့ မလုပ်ဆောင်ခဲ့ပါဘူး။ နေ့စဉ် ၂ နာရီကို ကျွန်တော်ကိုယ်ကျွန်တော် တည်ငြိမ်စွာ အာရုံစိုက်ဖို့ပဲ ဂရုစိုက်ခဲ့တာပါ။ အဲဒီလို သေးငယ်တဲ့ ပြောင်းလဲမှုတစ်ခုကပဲ အရာအားလုံးကို ပြောင်းလဲပစ်ခဲ့ပါတယ်။

ကျွန်တော် စာပြန်ကြည့်ဖြစ်ခဲ့တယ်။

ပိုပြီး ငြိမ်းချမ်းမှုကို ခံစားရပြီး စိတ်ပူပန်မှုတွေ လျော့နည်းလာခဲ့တယ်။

ကျွန်တော်ရဲ့ ပန်းတိုင်တွေဟာ စာရွက်ပေါ်ကနေ လက်တွေ့ဘဝဆီ ရောက်ရှိလာခဲ့ပါတယ်။

သင့်မှာ ခမ်းနားတဲ့ စနစ်တွေ၊ အစီအစဉ်ဆွဲတဲ့ စာအုပ်အသစ်တွေ ဒါမှမဟုတ် ၅ နှစ် စီမံကိန်းတွေ ရှိဖို့ မလိုအပ်ပါဘူး။ သင့်အတွက် တကယ်အရေးပါတဲ့အရာတွေကို မြှင့်တင်ဖို့အတွက် နေ့စဉ် ရည်ရွယ်ချက်ရှိရှိ အချိန် ၂ နာရီပဲ လိုအပ်ပါတယ်။

"၂ နာရီ စည်းမျဉ်း" ကို စမ်းကြည့်ဖို့ အဆင်သင့်ဖြစ်ပြီလား။

ပန်းတိုင်တစ်ခုကို ရွေးပါ။

မနက်ဖြန်မှာ ၂ နာရီကို သီးသန့်ထားပါ။

အာရုံပျံ့လွင့်မှုတွေကို ဖယ်ရှားပါ။

စတင်ပါ။

ပြီးရင် ဘယ်လိုခံစားရလဲဆိုတာ ပြန်လာပြီး ပြောပြပါဦး။ တကယ်အရေးပါတဲ့ ဘဝပြောင်းလဲမှုတွေဟာ အမြဲတမ်း ကြီးကျယ်ခမ်းနားတဲ့ အခိုက်အတန့်တွေနဲ့ စတင်တာ မဟုတ်ပါဘူး။ တစ်ခါတလေမှာတော့ တိတ်ဆိတ်တဲ့ ၂ နာရီနဲ့ပဲ စတင်တတ်ပါတယ်။

ဟုတ်ကဲ့ပါ။မိမိရဲ့ skill တွေကို update လုပ်ပီး နာမည်ကြီး courseတွေကိုအများကြီးလေ့လာနိုင်မဲ့ coursera premium အကောင့်တွေကို

မူရင်းစျေး 399$( 27 သိန်းကျော်)ကို အထူး ပရိုမိုးရှင်းစျေး 8သောင်း ကျပ်တည်းနဲ့ ရရှိနိုင်ပါတယ် ရှင့်

စိတ်ဝင်စားရင် အောက်ဖော်ပြပါ link မှာ အသေးစိတ် လေ့လာနိုင်ပါတယ်ရှင့်

https://www.facebook.com/share/p/1AD37QpvVj/

30/08/2025

စပ်မိစပ်ရာ ဘာညာကွိကွလေးပါ..
Zodiac gp တစ်ခုရဲ့ commentမှာ Ta**usကမျက်နှာများတယ်ဆိုပြီး တွေ့လိုက်လို့

တကယ်တော့ သဘောတရားအားဖြင့် Ta**us Signက မျက်နှာမများပါဘူး။ အချစ်ရေးအတွက်ဆို moon signတွေ၊ venus signတွေကလည်း အရေးကြီးပါတယ်။ sun sign ကိုကြည့်ပြီး moon signကို မှန်းလို့မရပေမယ့်
Ta**us (sun sign) တွေအတွက် Venus sign က Pisces, Aries, Ta**us, Gemini, Cancer ငါးမျိုးထဲက တစ်မျိုးဖြစ်တတ်ပါတယ်။ ရာသီခွင်စက်ဝန်းမှာ နေနဲ့‌သောကြာဂြိုလ်ဟာ အမြဲလိုလိုနီးနီးကပ်ကပ်ရှိတတ်ပြီး အများဆုံး signနှစ်ခုစာပဲ ကွာဝေးတတ်တဲ့ အတွက်ကြောင့်ဖြစ်ပါတယ်။

အဲ့ထဲမှာတော့ Sun Ta**us, Venus Geminiက သဘာဝအားဖြင့် မျက်နှာများနိုင်ခြေအများဆုံးဖြစ်ပါတယ်။

Ta**usပဲ သက်သက်ကတော့ သဘာဝအားဖြင့်သစ္စာရှိတဲ့ signဖြစ်ပါတယ်။ modality အရ fixed signတစ်ခုဖြစ်တဲ့အလျောက် ပြောင်းလွယ်ပြင်လွယ်မရှိတတ်ပါဘူး။ စွဲမိစွဲရာကို ကြာရှည်စွဲမြဲတတ်တဲ့သူတွေ၊ အစွဲအလမ်းကြီးတဲ့သူတွေ ဖြစ်တတ်ကြပါတယ်။

29/08/2025

The connection to 12th house dominant charts

ပထမဆောင်းပါးမှာ ဖော်ပြခဲ့တဲ့Dopamine Trapက birth chart မှာ 12th house လွှမ်းမိုးတဲ့သူတွေအပေါ် ဘယ်လိုသက်ရောက်တတ်သလဲဆိုတာကို ဆက်လက်ဖော်ပြပေးပါမယ်။

12th house dominant သမားမှန်းဘယ်လိုသိနိုင်မလဲဆိုရင် ကိုယ့်ရဲ့ birth chart မှာ -

Chart ruler က 12th house မှာရှိနေတာ၊

ဂြိုလ်တွေသုံးလေးခု 12th house မှာရှိနေတာ စတဲ့အချက်တွေကို ကြည့်ခြင်းအားဖြင့်သိနိုင်ပါတယ်။

12th house ကို ရာသီခွင် pisces က ပိုင်စိုးပြီး pisces ကို Modern astrology မှာ Neptune ဂြိုလ်က အုပ်စိုးပါတယ်။

12th house ဟာ astrology မှာ နောက်ဆုံး house တစ်ခုဖြစ်ပြီး အဆုံးသတ်တွေနဲဲ့ သာမန်မဟုတ်တဲ့ ထူးဆန်းတဲ့အရာတွေ၊ သဘာဝလွန်အရာတွေကို ကိုယ်စားပြုပါတယ်။ 12th house ရဲ့ မျက်နှာချင်းဆိုင် house ဖြစ်တဲ့ 6th house ကတော့ နေ့စဥ်လုပ်ငန်းဆောင်တာစတဲ့ သာမန်နေ့စဥ်အရာတွေကို ကိုယ်စားပြုပါတယ်။

6th house strong သမားတွေဟာ ယေဘုယျအားဖြင့် နေ့စဥ်ဝတ္တရားတွေကို အလေးအနက်ထားတတ်ပြီး စည်းစနစ်ကြီးတတ်သလောက် တစ်ဖက်မှာတော့ 12th house သမားတွေဟာ နေ့စဥ်သာမန်အရာတွေကို ငြီးငွေ့လွယ်တတ်ပြီး လက်တွေ့ဘဝ reality ကနေ စိတ်ထွက်ပေါက်ရှာတတ်ကြတဲ့သူတွေဖြစ်တတ်ပါတယ်။ အထူးသဖြင့် natal birth chart မှာ Neptune က retrograde ဖြစ်နေတဲ့အခါတွေ၊ 6th house မှာ pluto, chiron သို့ lilith စတဲ့ ကိုင်တွယ်ရခက်တဲ့ သူတွေရှိနေတဲ့အခါ ပိုသိသာနိုင်ပါတယ်။

ဒါ့အပြင် 12th houseက မသိစိတ်နဲ့ hidden pattern တွေ၊ ထင်ယောင်ထင်မှားဖြစ်တတ်ခြင်းတို့နဲ့လည်း ဆက်နွယ်နေပါတယ်။ hidden pattern တွေဆိုတာ ကိုယ့်ကိုကိုယ်သတိမထားမိဘဲ လုပ်နေမိတတ်တဲ့ အကျင့်တွေကိို ဆိုလိုတာဖြစ်ပါတယ်။ အရက်စွဲ၊ဆေးစွဲ၊ ဂိမ်းစွဲစတဲ့ စွဲလမ်းစေတတ်တဲ့ အကျင့်တွေ၊ လက််တွေ့ဘဝကနေလွတ်မြောက်ဖို့ရာ စိတ်ကူးယဥ်ပြီးနေနေတတ်တဲ့ အကျင့်တွေ၊ ကိုယ့်ကိုကိုယ် သတိမထားမိဘဲ ပြုလုပ်နေမိတတ်တဲ့ ကိုယ့်ရဲ့ တိုးတက်မှုကို ပျက်စီးစေတဲ့ အကျင့်တွေစတဲ့အရာတွေနဲ့ 12th house က ဆက်နွယ်နေပါတယ်။

ကိိုယ်လိုက်စားနေမိတဲ့ dopamine trap အကျင့်တွေဟာ ကိုယ့်ကို စိတ်ကျေနပ်စေသလို ထင်ယောင်ထင်မှားဖြစ်စေပေမယ့် တကယ့်တကယ်တော့ လက်တွေ့ဘဝကနေ စိတ်ကိုပျံ့လွင့်သွားစေတဲ့ စိတ်ထွက်ပေါက်သက်သက်သာဖြစ်ပါတယ်။

Astrology သဘောတရားအရ 6th house ဟာ ရန်သူတွေကိုလည်း ကိုယ်စားပြုပါတယ်။ 12th house ကတော့ hidden enemies ခေါ်တဲ့ လျှို့ဝှက်တဲ့ရန်သူတွေကို ကိုယ်စားပြုပါတယ်။ တစ်ခါတလေမှာ ကိုယ်တိုင်ရဲ့ အကျင့်တွေက ကိုယ့်ရဲ့ hidden enemies တွေဖြစ်နေတတ်ပါတယ်။ Dopamine Trap ကလည်း အလားတူပါပဲ။ ခဏတာတော့ စိတ်ထွက်ပေါက်ဖြစ်ပေမယ့် ရေရှည်မှာ ကိုယ့်ကို မသိမသာနဲ့ တဖြည်းဖြည်း ဖျက်စီးသွားတဲ့ လျှို့ဝှက်တဲ့ရန်သူတစ်မျိုးဖြစ်ပါတယ်။

ဒီအချက်တွေကြောင့် dopamine trap ဟာ 12th house သမားတွေအတွက် ချက်ချင်းလက်ငင်းစိတ်ဖြေရာတွေများတဲ့ မျက်မှောက်ခေတ်မှာ အန္တရာယ်ထောင်ချောက်တစ်ခုဖြစ်ပါတယ်။

လက်တွေ့ဘဝကနေ စိတ်ထွက်ပေါက်ရှာတတ်တဲ့ အကျင့်ဟာ 12th house သမားတွေရဲ့ သဘာဝဖြစ်ပါတယ်။ စိတ်ကူးယဥ်တတ်တဲ့အကျင့်ဟာလည်း 12th house သမားတွေအတွက် သဘာဝလက်ဆောင်တစ်ခုဖြစ်ပါတယ်။ ဒီအချက်တွေဟာ 12th house သမားတွေကို ဖန်တီးနိုင်စွမ်းနဲ့ အနုပညာအရည်အသွေးတွေရှိစေပါတယ်။

သဘာဝအားဖြင့် 12th house သမားတွေဟာ နူးညံ့ထိခိုက်လွယ်တဲ့ စိတ်သဘာဝရှိပြီး လက်တွေ့ဘဝကို ဖြတ်သန်းတဲ့အခါ စိတ်ပင်ပန်းလွယ်တတ်တာကြောင့် စိတ်ထွက်ပေါက်ရှာတတ်ကြတာဖြစ်ပါတယ်။ တစ်ယောက်တည်း ကိုယ်ပိုင်ကမ္ဘာလေးမှာ ဖြတ်သန်းနေရတာကို သဘောကျတတ်ကြပါတယ်။

ဒါပေမယ့် စိတ်ထွက်ပေါက်ရှာတဲ့အခါမှာတော့ dopamine trap အကျင့်တွေလို လွယ်လွယ်ကူကူစိိတ်ထွက်ပေါက်ရစေပေမယ့် စွဲလမ်းစေပြီး ရေရှည်မှာ ကိုယ့်ကိုဖျက်စီးတဲ့အရာတွေအစား 12th house ရဲ့ မွန်မြတ်တဲ့ လမ်းကြောင်းတွေဖြစ်တဲ့ အနုပညာလိုက်စားခြင်း၊ spiritualကိုလိုက်စားကျင့်ကြံခြင်း၊ တရားမှတ်ခြင်း၊ စိတ်ကူးနိုင်စွမ်းကို အကျိုးရှိရှိအသုံးချခြင်း အစရှိသဖြင့် ပိုပြီးအကျိုးရှိတဲ့ စိတ်ထွက်ပေါက်တွေကို လိုက်စားသင့်ပါတယ်။

12th houseသမားတွေဟာ အသိသတိိရှိမယ်ဆိုရင် ကိုယ့်ရဲ့ လက်တွေ့ဘဝက လွတ်မြောက်လိုတဲ့ ဆန္ဒကို 12th house ရဲ့ ပိုပြီးမွန်မြတ်တဲ့ လမ်းကြောင်းတွေဖြစ်တဲ့ အပေါ်မှာ ဖော်ပြခဲ့တဲ့ spiritual ကျင့်စဥ်တွေ ကျင့်သုံးခြင်း၊ တရားထိုင်ခြင်း၊ အနုပညာလိုက်စားခြင်းတို့အပြင် တခြားသူတွေအကျိုးကို တစ်နည်းနည်းသယ်ပိုးပေးခြင်း၊ ရံဖန်ရံခါ ငြိမ်းအေးစွာ တစ်‌ယောက်တည်းအချိန်ကုန်ဆုံးပေးခြင်းတို့ဖြင့် ဖြည့်ဆည်းနိုင်မှာဖြစ်ပါတယ်။

12th house သမားတွေဟာ လက်တွေ့ဘဝအပူတွေကနေ ရုန်းထွက်ပြီး လောကကြီးရဲ့ ပိုပြီးလျှို့ဝှက်နက်နဲတဲ့ အမှန်တရားတွေကို ရှာဖွေရမယ့်သူတွေ၊ အများအကျိုးကို အနုပညာဖန်တီးမှုဖြင့်ဖြစ်စေ၊ spiritual ပိုင်းဆိုင်ရာ ဝန်ဆောင်မှုတစ်မျိုးမျိုးဖြင့် ဖြစ်စေ သယ်ပိုးရမယ့်သူတွေဖြစ်ပါတယ်။ လက်တွေ့ဘဝက ရုန်းထွက်လိုတဲ့ ပင်ကိုသဘာဝကို 12th house ရဲ့ မှန်ကန်တဲ့လမ်းကြောင်းမှာ အသုံးချပေးတတ်ဖို့ သတိရှိရမှာဖြစ်ပါတယ်။

12th house ရဲ့ ပင်ကိုသဘာဝတွေကြောင့်ကို 12th house သမားတွေဟာ dopamine trap ရဲ့ အန္တရာယ်ကို တခြားသူတွေထက် သတိထားဖို့လိုပါတယ်။ 12th house ရဲ့ energy ကို ဥပမာပြရရင် လောကကြီးကို အရွဲ့တိုက်နေတဲ့ အရက်သမားပန်းချီဆရာတစ်ယောက်ကို မြင်ယောင်ကြည့်နိုင်ပါတယ်။ အနုပညာမှာလည်း တော်ပေမယ့် အရက်စွဲနေပြီး အများအမြင်မှာ ကိုယ့်ကိုကိုယ်ဖျက်စီးနေတဲ့သူမျိုးဖြစ်နေနိုင်ပါတယ်။ တကယ်တော့ သူဟာ လက်တွေ့ဘဝအပူတွေကို မုန်းတာကြောင့် လောကကြီးကို အရွဲ့တိုက်နေသလိုဖြစ်နေပေမယ့် သူ့ရဲ့ အနုပညာကလည်း လူတွေရဲ့ စိတ်နှလုံးကို လွှမ်းမိုးထိခိုက်စေနိုင်တဲ့အစွမ်းရှိနေဆဲ ဖြစ်ပါတယ်။

20/08/2025

Dopamine Trap

Dopamine ကို happy hormones လို ယူဆကြတာတော့ သိပ်လက်မခံချင်ဘူး။ dopamine က တစ်ခုခုကို စိတ်လှုပ်တရှား မျှော်လင့်တဲ့အချိန်၊ chase လုပ်တဲ့အချိန်မှာ ထွက်လာတဲ့ brain chemicalတစ်ခုဖြစ်ပြီး ရေရှည်ရလဒ်တွေထက် ချက်ချင်းရတဲ့ ရလဒ်တွေ၊ စိတ်လှုပ်ရှားမှုတွေကို လိုက်တဲ့အချိန်မှာ ထွက်လာတဲ့ chemicalတစ်ခုပါပဲ။
ဥပမာ၊ 5 vs 5 လိုmobile games တွေကစားတဲ့အခါ
Rank တက်တာ၊
visual လှတာ၊
အချိန်တိုအတွင်း ရရှိနိုင်တဲ့ result၊
နိုင်မှာကို မျှော်လင့်ပြီး ကစားတာ စတဲ့ အမျိုးမျိုးသော အချက်တွေကြောင့် dopamine တွေ အများကြီး ထွက်ပါတယ်။

ဒါပေမယ့် dopamine ဟာ တကယ့် happy hormonesတွေဖြစ်တဲ့ serotonin တို့၊ endorphins တို့လို နှစ်သိမ့်ကြည်နူးပျော်ရွှင်မှုကို မပေးစွမ်းနိုင်ပါဘူး။ စိတ်လှုပ်ရှားစွာနဲ့ မျှော်လင့်နေဆဲ အချိန်၊ တစ်ခုခုကို chase လုပ်နေတဲ့ အချိန်မှာ တစ်ဟုန်တိုးတက်လာပြီး ခဏချင်းပြန်ပျောက်သွားကာ ခြောက်ကပ်ကပ်ခံစားချက်ကိုပဲ ပေးတတ်ပါတယ်။

ဥပမာ၊ gameတစ်ပွဲပြီးသွားရင် ဂိမ်းဆော့နေတုန်း ဆောင့်တက်လာတဲ့ doparmine တွေဟာ ချက်ချင်းဆိုသလို ပျောက်သွားပါတယ်။ ဒါပေမယ့် ဦးနှောက်က အဲ့လို dopamine ဆောင့်တက်တဲ့ အတွေ့အကြုံကို ထပ်လိုချင်လာတဲ့အတွက် စိတ်ထဲမှာ တကယ့်တကယ် ပျော်ရွှင် ကျေနပ်နေတာမျိုး မဟုတ်ပေမယ့်လည်း ဂိမ်းတွေ တစ်ပွဲပြီး တစ်ပွဲ ဆော့မိသွားတတ်ပါတယ်။

Dopamine ဟာ လူတွေ စိတ်ထွက်ပေါက်လို့ ခေါ်ကြတဲ့ အရာတွေနဲ့ ဆက်နွယ်နေတတ်ပါတယ်။
ဥပမာ၊ မူးယစ်ဆေးဝါးသုံးစွဲတာတွေ၊
အချိုတွေ၊ junk food တွေအများကြီးစားတာ၊
shopping ထွက် လျှောက်ဝယ်တာ၊
sexကို စွဲလမ်းတာ၊
Binge watching လို့ခေါ်တဲ့ ရုပ်ရှင်တွေ တစ်ခုပြီးတစ်ခု တစ်ထိုင်တည်းကြည့်တာ၊
social media တွေမှာ တောက်လျှောက် တစ်ခုပြီး တစ်ခု ကြည့်‌နေမိတာ၊
ယုတ်စွအဆုံး စိတ်ကူးယဉ်‌တာတွေ၊
အချစ်ရေးမှာ ပူလိုက်အေးလိုက်၊ လိုက်ရင် ပြေးလိုက်၊ ပြေးရင်လိုက်လိုက်ကို သာယာမိတာတွေ၊ ရည်းစားအပျော်တွဲတာတွေကအစ ပါပါတယ်။

အဲ့ဒီစိတ်ထွက်ပေါက်တွေဟာ စွဲလမ်းစေတတ်တာကလည်း အပေါ်ကပြောခဲ့တဲ့ ဦးနှောက်က dapamineတွေ‌ဆောင့်တက်တဲ့ အတွေ့အကြုံကို ထပ်ထပ်လိုချင်နေတဲ့ သဘောကြောင့်ဖြစ်ပါတယ်။

Dopamine 'Trap' ထောင်ချောက်လို့ သုံးနှုန်းရတဲ့ အကြောင်းအရင်းက ဒီအရာတွေကို သတိလက်လွတ်စွဲလမ်းလာရင်း ကြာလာတော့ ဦးနှောက်ရဲ့ dopamine baseline level ကျလာပါတယ်။ သဘောက စောစောကလို ချက်ချင်းလက်ငင်းရလဒ်တွေ၊ စိတ်လှုပ်ရှားမှုတွေ ပေးနိုင်တဲ့ အရာတွေနဲ့စာရင် ပုံမှန်ဘဝဟာ နှေးကွေးခြောက်ကပ်နေသလို၊ နေရထိုင်ရတာ စိတ်မပါလက်မပါဖြစ်လာတတ်ပါတယ်။

စာလုပ်တာ၊ ပန်းတိုင်တစ်ခုခုအတွက် အလုပ်ကြိုးစားတာတို့လို ရလဒ် ပိုပြီးနှေးကွေးတဲ့ အရာတွေမှာ သိပ်ပြီး စိတ်မရှည်နိုင်တော့တာ၊ သည်းခံမကြိုးစားနိုင်တော့တာတွေ ဖြစ်လာတတ်ပါတယ်။ အာရုံကောင်းကောင်းမစိုက်နိုင်တော့တာ၊ စိတ်လိုက်မာန်ပါ ဆုံးဖြတ်ချက်ချမိတာတို့လို လက္ခဏာ‌တွေ ကြုံလာရတတ်ပါတယ်။ သိပ်စိတ်လှုပ်ရှားစရာမကောင်းတဲ့ စာဖတ်တာတို့လို ကိုယ့်ရဲ့ နဂိုရိုးရှင်းတဲ့ ဝါသနာလေးတွေမှာလည်း စိတ်မပါတော့တာမျိုး ဖြစ်လာစေပါတယ်။

ကြာလာတာနဲ့အမျှ ကိုယ့်ရဲ့ ပိုပြီးလေးနက်တဲ့ ရည်ရွယ်ချက်တွေ၊ ဘဝပန်းတိုင်တွေ၊ ခံယူချက်တွေ၊ ကိုယ့်ရဲ့ တန်ဖိုးတွေနဲ့ အဆက်ပြတ်လာပြီး ကိုယ့်ကိုကိုယ်ပါပျောက်ဆုံးသွားနိုင်ပါတယ်။ ဘဝကို စိတ်ကျေနပ်မှုမရှိတော့တာ၊ စိတ်ဓာတ်ကျတာတို့လို ဆိုးဝါးတဲ့ အခြေအနေအထိ ရောက်သွားတတ်ပါတယ်။

ဒီသဘောတရားတွေကြောင့် ဒီလိုစိတ်ထွက်ပေါက်တွေကို စွဲလမ်းအကျင့်ပါတဲ့ အဆင့်မရောက်အောင် သတိထားနိုင်ဖို့က အရေးကြီးပါတယ်။ ဦးနှောက်က ရေရှည်မှာ အမှန်တကယ်စိတ်ကျေနပ်ပျော်ရွှင်ရမှုထက် ရေတိုစိတ်လှုပ်ရှားမှုတွေကို မက်လာရင် အန္တရာယ်များပါတယ်။

ဘယ်လိုမကောင်းတဲ့ အလေ့အကျင့်ကိုမဆို ပြန်ပြီးတည့်မတ်နိုင်ဖို့အတွက် အရင်ဆုံး ကိုယ့်မှာ ဒီလိုဖြစ်နေတယ်ဆိုတယ်ဆိုတာကို သတိပြုမိခြင်းက အရေးကြီးပါတယ်။ သတိပြုမိခြင်းဟာ အလိုအလျောက် သတိလက်လွတ်လုပ်မိနေခြင်းကို လျော့နည်းသွားစေပါတယ်။

ပြီးရင်တော့ ကိုယ်လုပ်မိနေတဲ့ dopamine ဆောင့်တက်စေတဲ့ အရာတွေအစား ပိုပြီး healthy ဖြစ်ပြီး စိတ်မလှုပ်ရှားနိုင်စေပေမယ့် တကယ်ပျော်ရွှင်‌ကျေနပ်မှုပေးတဲ့ အရာလေးတွေနဲ့ အစားထိုးလုပ်ဆောင်တတ်ဖို့ လိုပါတယ်။ လမ်းလျှောက်တာ၊ တရားထိုင်တာ၊ ချစ်ခင်ရသူတွေနဲ့ အဓိပ္ပာယ်ရှိတဲ့စကားဝိုင်းတွေ ပြောတာ၊ စာအုပ်ဖတ်တာ၊ တစ်ခုခုဖန်တီးပြုလုပ်တာတွေနဲ့ အစားထိုးနိုင်ပါတယ်။

Technology အသုံးပြုမှုကိုလည်း ရိုးရှင်းစစ်မှန်တဲ့ ပျော်ရွှင်မှုတွေကနေ အဆက်ပြတ်သွားစေတဲ့အထိ မဖြစ်စေဖို့ သတိထားဖို့လိုပါတယ်။ phone notiလေး off ထားပြီး အချိန်တစ်ခုကို ရိုးရှင်းတဲ့အရာတွေနဲ့ အေးဆေးကုန်ဆုံးတာမျိုးလုပ်ပေးသင့်ပါတယ်။ phone notiတွေဟာလည်း ကိုယ့်အတွက် ဘယ်လိုစိတ်လှုပ်ရှားစရာတွေ ရှိနေမလဲဆိုတဲ့ ခန့်မှန်းချက်မျိုးဖြစ်စေတာကြောင့် dopamine trigger တစ်ခုပဲဖြစ်ပါတယ်။ ဘာလုပ်လုပ်သိပ်အာရုံမစိုက်နိုင်ဘဲ ဖုန်းကိုပဲ စစ်မိနေတဲ့ အကျင့်မျိုး ဖြစ်လာတတ်ပါတယ်။

အိပ်ချိန်ဂရုစိုက်တာ၊ အစားအသောက်စနစ်ကျတာတို့၊ လေ့ကျင့်ခန်းလုပ်တာတို့လို အခြေခံကျတဲ့ အရာတွေကို ဂရုစိုက်ခြင်းကလည်း dopamine level ကို ထိန်းညှိပေးနိုင်ပါတယ်။

Energy channeling လုပ်တတ်ဖို့လည်း လိုအပ်ပါတယ်။ ကိုယ့်ရဲ့ ဒီရေတိုရလဒ်တွေမှာ ထက်သန်နေတဲ့ စိတ်ကို ချက်ချင်းစိတ်ထွက်ပေါက်ပေးလိုက်ဖို့ထက် အလုပ်ပြီးမြောက်စေဖို့ ဦးတည်ပေးလိုက်တာမျိုး၊ တစ်ခုခုဖန်တီးတဲ့ဖက်ကို ဦးတည်ပေးလိုက်တာမျိုးတွေ လုပ်နိုင်ပါတယ်။

ဒီဆောင်းပါးကို နှစ်ပိုဒ်ခွဲရေးမှာပါ။ ခုအပိုင်းမှာတော့ ပထမပိုင်း Dopamine Trapဆိုတာကို ဖော်ပြပေးခဲ့တာဖြစ်ပါတယ်။ နောက်တစ်ပိုင်းမှာ astrology နဲ့ ဆက်စပ်ပြီး ဖော်ပြပေးမှာပါ။ ဒီ dopamine 'ထောင်ချောက်' နဲ့ birth chart မှာ 12th house လွှမ်းမိုးတဲ့သူတွေ ဘယ်လိုဆက်စပ်လဲဆိုတာကို ဖော်ပြ‌ပေးမှာဖြစ်ပါတယ်။

Adminက ငယ်ငယ်ကတည်းက ကိုယ့်ကိုကိုယ်အကြောင်း၊ လူတွေရဲ့ သဘောသဘာဝတွေအကြောင်း လေ့လာရတာနှစ်သက်တဲ့သူမလို့ astrology ကိုလည်း စိတ်သဘာဝကို ဆန်းစစ်တဲ့ပညာရပ်အနေနဲ့ လေ့လာဖြစ်ပြီး ခုလိုမျိုးတွေ ချိတ်ဆက်ဖော်ပြရတာ တော်တော်လေး စိတ်ဝင်စားမိပါတယ်။ Adminရဲ့စာလေးတွေကို စိတ်ဝင်တစားဖတ်ပေးကြတဲ့ သူတွေကိုလည်း ကျေးဇူးတင်ပါတယ်။

08/08/2025

Lion Gate Portal ( 8/8)
July 26 - August 12

"Excellent time for manifestations and meditation"

Lion Gate Portal ဟာ physical Sun နဲ့ spiritual sun ' Sirius' တို့ တစ်တန်းတည်းဖြစ်ချိန်မှာ ဖြစ်​ပေါ်ပါတယ်။ Lion Gate Portal ကာလဟာ July 26 က​နေ August 12 အထိဖြစ်ပြီး အထွဋ်အထိပ်ကာလဟာ 8လ 8ရက် ဖြစ်ပါတယ်။ Number 8 ဟာ Numerology အရလည်း အလွန်အား​ကောင်းတဲ့ Numberဖြစ်ပါတယ်။ ကံ​ကောင်းမှုနဲ့ အဆုံးမရှိခြင်းကို ကိုယ်စားပြုတဲ့ number ဖြစ်ပါတယ်။

Sirius ဟာ ညအချိန်​ကောင်းကင်မှာ အလင်းလက်ဆုံးကြယ်ဖြစ်ပြီး သူ့ကို Spiritual Sun လို့ တင်စားကြပါတယ်။ နေကလည်း Leo မှာ ​ရောက်ရှိ​နေချိန်ဖြစ်ပါတယ်။ ​နေဟာ Leoရဲ့ ruling planet ဖြစ်တာ​​ကြောင့် Sun in Leo ကာလဟာ ​နေ ရဲ့ အား​ကောင်းချိန်လည်းဖြစ်ပါတယ်။

Astrology အရ Sirius ဟာ ပိုပြီး မြင့်မားလာတဲ့ spiritual ​စေ့​ဆော်မှု​တွေနဲ့ soul တစ်ခုရဲ့ တစ်ဆင့်တက်လာ​တဲ့ karmic journey ကို ရည်ညွှန်းပါတယ်။ ဆိုလိုတာက Sirius ဟာ spiritually growth ဖြစ်လာ​တော့မှာကို ရည်ညွှန်း​တဲ့ ကြယ်ဖြစ်ပါတယ်။ ​​နေကကျ​တော့ လူတစ်​​ယောက်ရဲ့ ပင်ကိုလက္ခဏာ၊ ရည်ရွယ်ချက်၊ အတ္တ၊ လူတစ်​ယောက်အတွက်အလားအလာအရှိဆုံးဖြစ်မယ့်အရာ​တွေကို ရည်ညွှန်းပါတယ်။

သူတို့နှစ်​ခုပေါင်းစုံချိန်မှာ လူ​တစ်​ယောက်ရဲ့ သူအမှန်တကယ်သွားရမယ့်လမ်း​ကြောင်း၊ သူ့အတွက် spiritual growth အဖြစ်နိုင်ဆုံး လမ်း​ကြောင်းကို ပြသ​ပေးတတ်ပါတယ်။ Lion Gate portal ကာလဟာ ထိ​ရောက်တဲ့ messages ​တွေကို ​ရရှိနိုင်တဲ့ ကာလဖြစ်ပါတယ်။ message ​တွေကို ပုံစံအမျိုးမျိုးနဲ့ ရရှိနိုင်ပါတယ်။

ရုတ်တရက် ​စေ့​ဆော်မှု​တွေ၊ သတိပြုမိတာ​တွေကို ခံစားရတာ၊ ​မ​မျှော်လင့်ထားတဲ့ အ​တွေ့အကြုံအသစ်​တွေ၊ လူသစ်​တွေ၊ အခွင့်အလမ်း​တွေနဲ့ ဆုံ​တွေ့ရတာ၊ အိပ်မက်မက်တာ၊ အလိုလိုခံစားသိ​နေတာ၊ universe က signs ​တွေကို ရရှိတာ ( ဥပမာ၊ angel number ​တွေကို ​တွေ့ရတာမျိုး)၊ spiritual ကျင့်စဥ်​​တွေကျင့်ခြင်းနဲ့ တချို့​သော အ​တွေ့အကြုံ​တွေက​နေတဆင့် energetic activations ဖြစ်တာမျိုး​တွေ ပါဝင်ပါတယ်။

ဒီကာလဟာ သတိ အသိ၊ သတိပြုဆင်ခြင်မိတတ်ခြင်းတို့ကို မြှင့်တင်​ပေးတတ်ပြီး စိတ်ပိုင်းဆိုင်ရာ အသိတရားများ တိုးတက်​ပြောင်းလဲခြင်း ဖြစ်စဥ်ကို အ​ထောက်အကူပြု​ပေးပါတယ်။ spiritual growth ကို မြှင့်တင်​ပေးတဲ့ ကာလဖြစ်ပါတယ်။

Healing ၊ manifestation နဲ့ spiritually အရ နက်နဲတဲ့ သ​ဘော​ပေါက်နားလည်ခြင်းများအတွက် အခွင့်အလမ်းမြင့်မားတဲ့ အချိန်ဖြစ်ပါတယ်။

Lion Gate Portal ရဲ့ energy ကို ထိ​​ရောက်စွာ အသုံးချဖို့ရန် ဒီကာလအတွင်း မ​မျှော်လင့်ဘဲ ကြုံ​တွေ့ရတဲ့ အ​တွေ့အကြုံသစ်၊ လူသစ်နဲ့ အခွင့်အလမ်းသစ်​တွေကို ကိုယ့်ကို ပိုပြီး​ကောင်းတဲ့အရာ​တွေဆီ ဦး​ဆောင်လမ်းပြသွားမယ့် ကြုံ​တွေ့မှု​တွေအဖြစ် ယူဆသင့်ပါတယ်။

Manifestation ​တွေလုပ်သင့်ပါတယ်။ Manifest လုပ်ရာမှာ ကိုယ်ဖြစ်ချင်တဲ့ ဆန္ဒ၊ ကိုယ်လိုချင်တဲ့အ​နေအထားကို ရှင်းရှင်းလင်းလင်းသိ​အောင် ကြိုးစားတာ သို့ ရှင်းလင်းတဲ့ ရည်ရွယ်ချက်​တွေထားရှိတာ၊ ကိုယ်လိုချင်တဲ့ ရလဒ်ကို ရှင်းလင်းစွာစိတ်ကူးပုံ​ဖော်တာ၊ ကိုယ် manifest ​နေ attract ​နေတဲ့အရာ​တွေအတွက် ​ကျေးဇူးတရားထားရှိတာ ( မရရှိမပိုင်ဆိုင်​သေး​ပေမယ့် ရရှိပိုင်ဆိုင်ပြီးသားအရာ​တွေအတွက် ​ကျေးဇူးတင်သကဲ့သို့ ​ကျေးဇူးတင်တာ)၊ ဒီအကျိုးရလဒ်​တွေဟာ ကိုယ်နဲ့ အမှန်တကယ်ထိုက်တန်ပါတယ်လို့ စိတ်ထဲက ယုံကြည်ချက်ထားတာမျိုး​တွေ လိုအပ်ပါတယ်။ စိတ်ကို​ဖြေ​လျှော့ထားပြီး ကိုယ်လိုချင်ဖြစ်ချင်တဲ့ ဆန္ဒ​တွေအ​ပေါ် ပူ​လောင်တဲ့ အစွဲအလမ်း​တွေမထားရှိဘဲ Universe ဟာ ကိုယ်အမှန်တကယ် လိုအပ်တဲ့အရာကို ​​ပေးမှာပဲဆိုတဲ့ ယုံကြည်မှုမျိုးထားဖို့လိုပါတယ်။

ကိုယ်ဘယ်လိုလူမျိုးဖြစ်လာချင်လဲ၊ ဘယ်လိုအရာ​တွေကို ​ပြောင်းလဲချင်လဲဆိုတာ​လေး​တွေ ရှင်းရှင်းလင်းလင်းသတ်မှတ်ကြည့်သင့်ပါတယ်။ ကိုယ့်ရဲ့ ​ပြောင်းလဲမှု​ကို ဘယ်အရာ​တွေက အဟန့်အတားဖြစ်​စေတာလဲ၊ ဘယ်လိုချည်​နှောင်မှု​တွေရှိ​နေလဲ၊ ကိုယ့်အ​နေနဲ့ ဘယ်လိုအ​လေ့အကျင့်​တွေကို ​ပြောင်းလဲနိုင်မလဲဆိုတာ​တွေ သတ်မှတ်ကြည့်ပြီး ဒီကာလမှာ စပြီး​ပြောင်းလဲသင့်ပါတယ်။

Lion Gate Portal ကာလမှာ တစ်ရက်ချင်းစီ gratitude list ​လေး​တွေ​ရေး​ပေးသင့်ပါတယ်။ အထူးသဖြင့် 8 လ 8 ရက်ကို Gratitude list ​ရေးခြင်းနဲ့ စတင်သင့်ပါတယ်။ Gratitude list ​ရေးခြင်းဟာ Manifestation ကို ပိုပြီးထိ​ရောက်​စေပါတယ်။

Manifestation အပြင် တရားထိုင်တာ၊ ​ယောဂကျင့်တာတို့လို စိတ်ကိုရှင်းလင်း​အေးချမ်း​စေတဲ့ အရာ​လေး​တွေလုပ်သင့်ပါတယ်။ ဒီလိုလုပ်ခြင်းက ကိုယ့်ရဲ့ awareness ကို ပိုမြှင့်တင်​ပေးပြီး message ​တွေ ရရှိ​နိုင်ခြင်းကို ပိုပြီးမြှင့်တင်​ပေးတတ်ပါတယ်။ သတိထားမိတဲ့ ထူးခြားချက်​လေး​တွေကို မှတ်စု​ရေးထားတာမျိုးလုပ်နိုင်ပါတယ်။

Admin ဆို တခြားအချိန်​တွေမှာ ခဏခဏ​တွေ့ရ​လေ့မရှိတတ်တဲ့ Angel Number တစ်ခုကို ဒီကာလမှာ မကြာမကြာ​တွေ့​နေရတာကို သတိထားမိပါတယ်။

12/06/2025

Vicious Guilt Cycle 💤

လုပ်စရာရှိတာကို မလုပ်ဖြစ်ဘဲ အချိန်ဆွဲနေမိတယ်၊
ဝန်လေးနေလို့ မလုပ်ဖြစ်ဘဲ အချိန်ကုန်သွားတယ်၊
အပြစ်ရှိနေသလို စိတ်နဲ့ လေးလံလာတယ်၊
ဒါပေမယ့် လုပ်စရာရှိတာလုပ်ဖို့ကိုလည်း ပိုပြီးတုံ့ဆိုင်းလာတယ်၊
ဒါဟာ သံသရာတစ်မျိုးပါ..🧎‍♂️

▪︎ နေ့စဥ်ဘဝမှာ လူတွေအပြစ်ရှိစိတ်နဲ့ လွန်ဆွဲရတဲ့ အချိန်တွေပေါ့။

နေ့စဥ်ဘဝမှာအပြင် ဘဝအတွက် အရေးကြီးတဲ့ အရာတွေနဲ့ ပတ်သတ်ရင်လည်း လုပ်စရာရှိတာ မလုပ်ဘဲ ရှောင်လွှဲမိတယ်၊
အပြစ်ရှိစိတ်၊ အားမလိုအားမရစိတ်ဖြစ်တယ်၊
ပိုပြီးတုံ့ဆိုင်းလာတယ်..🧎‍♂️

▪︎ ဒီလိုအချိန်ဆွဲတာတွေ၊ လုပ်စရာရှိတာကို ရှောင်လွှဲနေမိတာတွေက ပျင်းလို့၊ ကြိုးစားချင်စိတ်မရှိလို့ မဟုတ်ဘဲ အဲ့ဒါနဲ့ ဆန့်ကျင်ဖက်အကြောင်းရင်းတွေကြောင့် ဖြစ်ပါတယ်

■ ဒီလိုဖြစ်ရတဲ့ နောက်ကွယ်က အကြောင်းအရင်းတွေထဲမှာ -
▪︎ကျရှုံးမှာ ကြောက်တဲ့စ်ိတ်တွေ၊
▪︎သေချာမလုပ်နိုင်မှာ၊ ကောင်းကောင်းမွန်မွန််မလုပ်နိုင်မှာ စိုးတာတွေ၊
▪︎အကောင်းဆုံးရလဒ်မဖြစ်မှာ ကြောက်တာတွေ အဓိကအားဖြင့် ပါပါတယ်။

▪︎ ကျရှုံးလို့၊ မအောင်မြင်လို့ ဖြစ်လာနိုင်တဲ့ နာကျင်မှုတွေ၊ စိတ်ပျက်ရမှုတွေကနေ ကိုယ့်ကိုကိုယ် ကာကွယ်ချင်တဲ့ ကိုယ်တိုင်ရဲ့ မသိစိတ်ကြောင့်လည်း ဒီလို အချိန်ဆွဲတာတို့၊ ရှောင်လွှဲနေမိတာတို့ ဖြစ်တတ်ကြပါတယ်။

▪︎ ကိုယ်ရွေးချယ်ပြီး အားစိုက်လုပ်ကိုင်မယ့် အရာကလည်း ထင်သလောက် ရလဒ်မရှိမှာ၊ ရွေးချယ်မှုမှားမှာကြောက်တာကြောင့် ဒီအရာပေါ်မှာ အားမစိုက်ရဲတာမျိုးလို ပိုသိမ်မွေ့တဲ့ အကြောင်းအရင်းတွေကြောင့်လည်း ဖြစ်နိုင်ပါတယ်

▪︎ ကျရှုံးနိုင်ချေရှိတဲ့အရာ၊ ကိုယ့်ကို စိတ်ပျက်နာကျင်ရအောင် လုပ်နိုင်တဲ့အရာမှာ အစတည်းက အားမထုတ်ခြင်းဖြင့် ကိုယ့်ကိုကိုယ် ကာကွယ်ချင်တဲ့ မသိစိတ်လွှမ်းမိုးမှုမျိုး လူတွေမှာ ရှိပါတယ်

■ အချိန်ဆွဲတတ်တဲ့လူတွေ၊ တစ်ခုခုကို အားစိုက်ထုတ်ဖို့ ရှောင်လွှဲနေတတ်တဲ့ လူတွေဟာ တကယ်တော့ (perfectionist ဆန်တဲ့သူ) တစ်ခုခုလုပ်ရင် ပြီးပြည့်စုံဖို့ အမြဲမှန်းတဲ့သူတွေ၊ ကိုယ့်ကိုကိုယ်ဖိအားပေးတတ်တဲ့ သူတွေ၊ ကိုယ့်ကိုကိုယ် အပြစ်တင်တာများတဲ့ သူမျိုးတွေ ဖြစ်တတ်ကြပါတယ်။

▪︎ ကိုယ့်ကိုကိုယ် ပြီးပြည့်စုံနေဖို့ မှန်းလွန်းတာကြောင့် လုပ်ရမှာ ဝန်လေးပြီး အချိန်ဆွဲတယ်။ တစ်ခါ အဲ့ဒီအတွက် အပြစ်ရှိစိတ်ဖြစ်ပြီး အပြစ်ရှိစိတ်က ကိုယ့်ကို ပိုပြီး တုံ့ဆိုင်းလာစေတယ်။

▪︎ သေချာမလုပ်နိုင်ရင် ရင်ဆိုင်ရမယ့် စိတ်ပျက်မှုကို ကြောက်တယ်။ တစ်ခုခုရွေးချယ်လုပ်ကိုင်ရင် မအောင်မြင်မှာ ကြောက်တယ်။ စစ်မရောက်ခင် မြားကုန်၊ မလုပ်ခင်က လက်လျှော့လိုက်တယ်။

▪︎ ပထမတစ်ခေါက်က သေချာမလုပ်နိုင်ခဲ့တဲ့အရာကို နောက်တစ်ခေါက်ပြန်မကြိုးစားချင်ဘူး။
ပြန်လုပ်ဖို့ တွေးရုံနဲ့ ပထမတစ်ခေါက်က သေချာမလုပ်နိုင်ခဲ့တဲ့ စိတ်ပျက်မှုနဲ့ အပြစ်ရှိစိတ်က ကိုယ့်ကို တွန့်ဆုတ်စေတယ်။

¤ ဒါတွေဟာ Vicious Guilt Cycle ရဲ့ သဘောဖြစ်ပါတယ်။

■ ဖြစ်ရတဲ့အကြောင်းရင်းကို နားလည်ပြီဆိုရင် ဒီလိုတွေ ကြုံရတိုင်း သတိကပ်မိဖို့ လိုပါတယ်။

▪︎ အပြစ်ရှိစိတ်ကို တုံ့ပြန်တဲ့ ပုံစံပြောင်းဖ်ို့ လိုပါတယ်။

▪︎ အပြစ်ရှိစိတ်ဟာ ကိုယ့်ကို ပိုလေးလံစေပြီး paralyse ဖြစ်စေ၊ မလှုပ်မယှက်ချင် ဖြစ်စေပါတယ်။

အပြစ်ရှိစိတ်နဲ့ ရင်ထဲကျပ်နေပေမယ့် အိပ်ယာထဲကနေ၊ ခုံရှည်ပေါ်ကနေ လှဲပြီး ဖုန်းကို ပွတ်နေရာက မထလာနိုင်၊ လုပ်စရာရှိတာမလုပ်နိုင်တဲ့ သဘောမျိုးပါပဲ။

■ လူသားတွေဟာ စက်ရုပ်တွေမဟုတ်ဘဲ လှပစွာ မပြီးပြည့်စုံတတ်တဲ့ အမျိုးတွေဖြစ်ပါတယ်။

▪︎ စိတ်ခံစားချက်တွေရှိတယ်၊ ကြောက်စိတ်တွေရှိတယ်၊ ပျော်ရွှင်တက်ကြွတဲ့ အချိန်တွေရှိတယ်၊ ဝမ်းနည်းအားငယ်တဲ့၊ အားလျော့တဲ့ အချိန်တွေရှိပေမယ့်..

■ ကိုယ်ဟာ ကိုယ်ထင်ထားတာထက် ပိိုပြီးကောင်းကောင်းလုပ်နေတယ်ဆိုတာ ကိုယ့်ကိုကိုယ်မြင်တတ်ဖို့ အရေးကြီးပါတယ်။

🫂 ကိုယ်ဟာ အပြစ်ရှိစိတ်ထဲမှာ ပိတ်မိနေလေ့ရှိတတ်တယ်ဆိုရင် ဒီလို စိန်ခေါ်မှုမျိုး လုပ်ကြည့်ဖို့ အကြံပေးပါရစေ..

▪︎ ဒီနေ့ကစပြီး ၁ရက်လုံး၊ သို့မဟုတ် တစ်ပတ်၊ သို့မဟုတ် တစ်လ စသဖြင့် ကိုယ်နှစ်သက်ရာ အချိန်သတ်မှတ်ပြီး အရင်က အချိန်ဆွဲခဲ့တာတွေ၊ သေချာမလုပ်နိုင်ခဲ့တာတွေအတွက် အပြစ်ရှိစိတ်မခံစားဘဲ၊ နောင်တရစိတ်နဲ့ ပြန််မတွေးပဲ နေကြည့်ပါ။

▪︎ ကိုယ့်အမှားကြောင့် မဟုတ်ပေမယ့် သေချာမဖြစ်ခဲ့တဲ့အရာတွေ၊ မတော်တဆ လွဲချော်မှုအသေးအမွှားလေးတွေကြောင့်လည်း နောင်တရစိတ်တွေ၊ နှမြောတမ်းတစိတ်တွေမဖြစ်စေဘဲ နေကြည့်ပါ။

▪︎ နေ့စဥ်ဘဝမှာ မပြီးပြည့်စုံတဲ့အတိုင်းပဲ လုပ်ကိုင်နေထိုင်ပြီး၊ ကိုယ်မှန်းသလောက် ကိုယ်သေချာမလုပ်နိုင်လည်း အပြစ်ရှိစိတ်မဖြစ်ဘဲ လုပ်စရာရှိတာလုပ်ပြီး နေကြည့်ပါ။

▪︎ ပျင်းမိသလို ဖြစ်သွားလည်း အပြစ်ရှိစိတ်မဖြစ်ဘဲ သတိရရင် ကိုယ်လုပ်စရာရှိတာကို ထလုပ်လိုက်ပါ

ဒီလိုပုံစံမျိုးနဲ့ အချိန်တစ်ခု သတ်မှတ်ပြီး နေကြည့်စေချင်ပါတယ်။ ကိုယ့်ကိုကိုယ် challenge လုပ်ကြည့်ပါ။

▪︎ အဲ့ဒီအချိန်တစ်ခုမှာ ဘာတွေပြောင်းသွားလဲ၊ တိုးတက်သွားလဲ၊ ဘာတွေကောင်းလာလဲကြည့်ကြည့်ပါ။

လက်တွေ့မြင်ရတဲ့ ရလဒ်က ကိုယ့်ကို ပိုသေချာစေမှာဖြစ်ပါတယ်။

▪︎ ဒါဟာ အပြစ်ရှိစိတ်အပေါ် ကိုယ်ပုံမှန်တုံ့ပြန်နေကျ ပုံစံကို ပြောင်းလဲတုံ့ပြန်တတ်ဖို့ အကျင့်တစ်ခု အသစ်ပျိုးထောင်တဲ့ သဘောဖြစ်ပါတယ်။ နည်းပညာအသုံးအနှုန်းနဲ့ဆို reprogramming လုပ်တဲ့ သဘောဖြစ်ပါတယ်။

▪︎ ခေါက်ရိုးကျိုးလာတဲ့ တုံ့ပြန်ပုံကို ပြင်ရတာဖြစ်တဲ့ အတွက်၊ အကျင့်အသစ်တစ်ခု အစားထိုးရတာဖြစ်ရတဲ့ အတွက် 》 အလိုအလျောက်တုံ့ပြန်ပုံဖြစ်လာတဲ့အထိ အားစိုက်ပြီး အလေ့အကျင့်လုပ်သွားဖို့လည်း လိုပါတယ်။
ဒါကတော့ ပထမ challenge လုပ်တဲ့အချိန်အတွင်း ကိုယ်လက်တွေ့မြင်ရတဲ့ ပြောင်းလဲမှုကြောင့် အကျင့်အဖြစ် ပျိုးထောင်ချင်လာတဲ့အခါ သိရမယ့် အချက်ဖြစ်ပါတယ်။