18/11/2025
Dawna Column - Fundraising Team
" ဂြိုလ်ကုပ်ရှိရာ ဂြိုလ်ထောင်မလာ "
တဲ့ ၊ လူဆိုတာ တူရာစုတယ်ဆိုတဲ့ သဘောကိုရည်ညွှန်းရာ စကားပုံလေးပါပဲ...။
နေ့ကိုညစား လကိုနှစ်တွေဝါးလာတာ ကြာတော့
လိုအပ်ချက်တွေကပိုပြီးများလာတယ် ၊ ဘယ်လို
စိတ်ဓာတ်မျိုးလဲတော့ မသိဘူး ကျနော်တို့ဟာအ
လှူခံရမှာကိုရှက်တယ်...။
အာဏာသိမ်းပြီးစ တောခိုချိန်တည်းက ဘယ်နေ
ရာကိုရောက်ရောက် ကျနော်တို့ဟာ တပုံတည်း
တပေါက်တည်း အဖေမတူအမေကွဲမွေးထုတ်ခဲ့
တဲ့ ဆန်မရှိအစားကြီးအုပ်စုပေါ့..။
လွန်ခဲ့တဲ့နှစ်တွေက ကံအလှည့်အပြောင်းတခုမှာ
ကျနော်မြေပြင်က ကင်းကွာခဲ့တယ်....ဒါပေမယ့်
ကျနော့်ညီတွေလို့ယူဆထားတဲ့ လူငယ်အစုအဖွဲ့
တခုအတွက် ကျနော်နိုင်တာထက်ပိုရုန်းတယ်...။
ကျနော့်လုပ်နိုင်စွမ်းက ဘယ်လောက်ရှိမှာတဲ့လဲ
ဒီတော့ ဆင်ပါးစပ်နှမ်းပက်ရုံမျှပါပဲ ၊ တနေ့ တိုက်
ပွဲသံတွေကြားထဲက ကိုစိုင်းဖုန်းခေါ်လာခဲ့တယ်..။
" အကို MOD က သူတို့နည်းနည်းကြပ်နေလို့လစဥ်
ပေးနေကြရိက္ခာဖိုးကို သုံးလတခါမှပေါင်းပေးမယ်
တဲ့ ကျနော်တို့ငတ်တော့မယ်..."
အဲ့ဒီနေ့ကစလို့ အလှူခံတယ်ဆိုတဲ့စကားလုံးကို
ရဲရဲမသုံးပဲ ကျနော်တို့ကျောမွဲတွေပြည်သူ့ဆီက
အကူအညီစပြီး တောင်းခံခဲ့ပါတယ်...။
2023 ၊ 2024 နှစ်အစလောက်အထိ ကျနော့် wall
ပေါ်က ငွေစာရင်းရှင်းတမ်းတွေကို တချို့လူတွေ
သိကြပါလိမ့်မယ် ၊ အဲ့ဒီလိုနဲ့ တပ်ခွဲအနေနဲ့လောက်
ငှလာတဲ့အခါမှာ ပုံမှန်ကူပေးနေသူတွေရဲ့အားဖြင့်
ကျနော်တို့ လစဥ်ရန်ပုံငွေရှာတာကို ရပ်နားခဲ့ကြပါ
တယ်...။
ကံဆိုးကောင်တွေ သွားလေရာ မိုးကြိုးမုန်တိုင်း
နောက်ကပါတယ်လို့ ပြောရမလားပဲ ၊ စစ်ရေးလို
အပ်ချက်ကြောင့် 2023မှာ ရေးဘက်ကို ပြောင်း
ရွေ့ခဲ့ရတယ် ၊ မကြာပါဘူး သစ္စာမဲ့မှုတချို့တလေ
ကြောင့် တည်နေရာအတိအကျနဲ့ လေယာဥ်ဗုံးကြဲ
ခံခဲ့ရတယ်..။
အထိုင်မကျသေးခင်မှာ လန ၊ ခယ ကလွဲပြီးကျန်
တာ ဘာတခုမှမရခဲ့ပဲ ရဲဘော်တွေအားလုံးဟာထပ်
မံပြောင်းရွေ့ခဲ့ရပြန်ပါလေရော ၊ အဲ့ဒီလိုနဲ့ တိုက်ပွဲ
တွေကြားထဲမှာ ခြေသလုံးအိမ်တိုင်ဖြစ်နေတဲ့ ဒေါ
နစစ်ကြောင်းဟာ 2025 နှစ်စမှာပဲ စစ်ရေးလိုအပ်
ချက်အရ အထူးတိုင်းစစ်ဌာနရဲ့ လက်အောက်ခံ
တပ်ရင်းအဖြစ် ထပ်မံပြောင်းရွေ့ခဲ့ရပြန်တယ်...။
" အကိုရေ...ရဲဘော်တွေမှာ ယူနီဖောင်း ၊ကျည်ကာ
အပြည့်အစုံမရှိကြဘူး ကျနော်တို့ ကျည်ကာကမ်
ပိန်းလေး ကြိုးစားကြည့်ရအောင်.."
ဆိုပြီးပထမဆုံးအကြိမ်ကမ်ပိန်းလေး စမိကြတယ်
ပေါ့ ၊ ဒုက္ခဟာအဖော်အပေါင်းနဲ့ လာတယ်ဆိုတဲ့ စ
ကားဟာ ဒေါနတပ်ရင်းအတွက်များ ရည်ရွယ်ခဲ့သ
လားမသိ ၊ ကမ်ပိန်းလေးလုပ်စ ရက်ပိုင်းအတွင်းမှာ
ပဲ မလိုလားအပ်တဲ့ ပြဿနာတချို့ကြောင့် ရပ်နား
လိုက်ရတယ်..။
ကမ်ပိန်းကိုတော့ ရပ်လိုက်လို့ရပေမယ့် ရပ်တန့်လို့
မရနိုင်တာက တနေ့တခြားရိရွဲလာတဲ့ ယူနီဖောင်း
တွေ ၊ တဂျစ်ဂျစ်မြည်လာတဲ့ ဆက်သွယ်ရေးစက်
တွေက အသံတွေ ၊ စားဖိုကချက်ကြီးရဲ့ ဆန်အိတ်
ခါသံတွေပါပဲ...။
ညတွေရဲ့အကြောင်းမှာလည်း ရဲဘော်တွေအား
လုံး နေကောင်းစေဖို့ ဆုတောင်းတွေ ပါတာပေါ့
မတောင်းလို့လည်းမရဘူးလေ ၊ အရေးပေါ် ဆေး
ဝါးဆေးလို့လည်း တပ်ရင်းဆေးခန်းမှာက ပါရာစီ
တမော့နဲ့ဟန်နီးပလပ်လောက်ပဲ ရှိတော့တယ်..။
ဒီတော့ အချိန်တခုရပ်တန့်အပြီးမှာ တပ်ရင်းရဲ့လို
အပ်ချက်တွေကို မဖြစ်မနေဖြည့်ဆည်းဖို့ ကျနော်
တို့ကမ်ပိန်းလေးတခုကို စတင်ရပါတော့တယ်..။
" Victory Spear - ဒေါနအင်အား "
ဆိုတဲ့ ကျပ်သိန်းနှစ်ထောင် ကမ်ပိန်းလေးပါ...။
ပြည်သူတွေကိုအားနာမိပါတယ်..ဒါပေမယ့်လည်း
ကျနော်တို့တွေဟာ တော်လှန်ကျောင်းတက်နေရတဲ့
နိုင်ငံတော်ကျောင်းသားတွေ ဖြစ်နေတဲ့အတွက် လို
အပ်သမျှ ကျောင်းလခ ၊ စာရွက်စာတန်းကြေးတွေ
ကို ပြည်သူဆိုတဲ့အိမ်က မိဘတွေဆီကို လက်ဖြန့်
အကူအညီတောင်းရုံကလွဲပြီး ဘာမှမတတ်နိုင်ခဲ့ပါ
ဘူး ...။
ကျောင်းပေါင်းစုံမှာတက်နေကြတဲ့အတွက် ကျောင်း
သားများတဲ့မိဘတွေရဲ့အဖြစ်ကိုလည်း စာနာမိပေ
မယ့်လည်း....သို့သော်လည်းပေါ့လေ...
အများကြီးမမျှော်လင့်ရဲပေမယ့် မဝံ့မရဲတော့ပြော
ပြမိခဲ့ပါတယ် ၊ ကမ်ပိန်းသတ်မှတ်ကာလ တလတိ
တိပြည့်သွားပေမယ့် မျှော်မှန်းရဲ့ငါးပုံတပုံ ( 20 %)
သာ ကျနော်တို့ထံ ပျံသန်းရောက်ရှိလာခဲ့ပါတယ်..။
ဒီအတွက် ရင်နာနာနဲ့ကြိုးစားလို့ရတာက နောက်
ထပ်တလ ထပ်တိုးရုံကလွဲပြီး အခြားမရှိခဲ့ပါဘူး
ကျနော့်စာလေးကို ဖတ်ပြီးစိတ်အနှောင့်အယှက်
ဖြစ်သွားကြရင်လည်း ခွင့်လွှတ်ပေးကြပါဗျာ...။
ဒါက ကျောမွဲတွေ မပြောရဲလို့ရေးတဲ့စာလေးပါ..။
#ဝေးလ်
