https://youtube.com/@amplenesszone?si=8o1TUPsuVKoCOAyw

လိုတရ Kundalini Awakening, Yangon (2026)

03/11/2025

ကျွန်မ၏ သံသရာကဆွေမျိုးများသို့ အသိပေးပန်ကြားလွှာ

🎇🎇🎇🎇🎇🎇🎇🎇🎇🎇🎇🎇

2024 June လကစလို့ အရင်ကခြေလှမ်းတွေကို ရပ်တန့်ပြီး ခြေလှမ်းသစ်တစ်ခုစဖြစ်ခဲ့ပါတယ်။ ပညာရေးလောက(၂၂)နှစ်ကျင်လည်ခဲ့ရာက မနောစွမ်းအားနှင့် စိတ်ညှို့အိပ်မွေ့ချကုထုံးပညာရှင်အဖြစ် ဘဝကိုအသစ်ကပြန်စဖြစ်ခဲ့တယ်။

🫴ဘာကြောင့်လမ်းသစ်တစ်ခုကို သက်လတ်ပိုင်းအရွယ်ရောက်နေသူ ကျွန်မကစတင်ခဲ့တာလဲ❓

အဖြေက အတိတ်ကဖြည့်ဆည်းခဲ့တဲ့ပါရမီအရ စိတ်ညှို့အိပ်မွေ့ချကုထုံးပညာရှင်အဖြစ် ရဲရဲရင့်ရင့်ပြတ်ပြတ်သားသား ခြေလှမ်းသစ်တစ်ခုအနေနှင့်စဖြစ်ပါတယ်။
သံသရာကကျွန်မရဲ့ဆွေမျိုးတွေရဲ့ ဘဝကို Hypnosis ပညာရပ်နှင့် အကျိုးပြုပေးဖို့ရည်ရွယ်ခဲ့တာပါ။

၂၀၂၄ စက်တင်ဘာလ (၁) ရက်နေ့မှာ လိုတရနှင်းဆီ ဆိုတဲ့အမည်ကိုစတင်အသုံးပြုဖြစ်ပါတယ်။

" လိုတရ "
🍀🍀🍀

ဆိုတဲ့အဓိပ္ပါယ်က ဘဝအတွက် လိုအပ်တဲ့အရာတွေ၊ လိုချင်တဲ့အရာတွေအားလုံး အချိန်မှန်နေရာမှန်အလိုလိုရောက်ရှိလာမယ်ဆိုတဲ့ အဓိပ္ပါယ်ပါပဲ။
ဒီအမည်အရ ကျွန်မကိုယ်တိုင်ရော ကျွန်မရဲ့သံသရာကဆွေမျိုးတွေကိုပါ လိုအပ်ချိန်မှာတောင့်တလိုက်တာနှင့် အရာရာပြည့်စုံလာစေဖို့ ရည်ရွယ်ပါတယ်။

လိုတရ ဆိုတာ လောကီရေးအရရော လောကုတ္တရာရေး အရပါ အချိန်မှန်လိုအပ်တာလိုချင်တာပြည့်စုံစေဖို့လို့အဓိပ္ပါယ်ယူပါတယ်။

၂၀၂၅ June လလောက်ကစလို့ ကျွန်မရဲ့ Soul က လက်ရှိသွားနေတဲ့ Trend (Kundalini မနောစွမ်းအားဖြင့် စိတ်ညှို့အိပ်မွေ့ချကုထုံးပေးခြင်း) ကိုရပ်တန့်လိုစိတ်ပေါ်လာပါတယ်။ အဲဒိအစားကျွန်မငယ်စဉ်ကတည်းက လိုချင်ခဲ့တဲ့ ကောင်းဆိုးနှစ်တန်လောကဓံမည်မျှကြုံသော်လည်း မတုန်လှုပ်တော့တဲ့ စိတ်ကိုရချင်လာပါတယ်။

ကံကောင်းစွာနှင့် အဓိဌာန်ခရီးတွေအဆင့်ဆင့်မှ တရားစခန်းဝင်ခြင်းသို့ အဆင့်ဆင့်ကူးပြောင်းဖြစ်တာက ၂၀၂၅ မေလ၊ဇူလိုင်လ၊အောက်တိုဘာလ မှာဖြစ်ပါတယ်။

ဒီအချိန်မှာ ကျွန်မရဲ့ Soul ကရောလက်ရှိ အခြေအနေနှင့်အချိန်အခါကပါ ကျွန်မအလိုအပ်ဆုံးနှင့် အလိုချင်ဆုံးက လောကုတ္တရာတရားပါပဲ။

ဒါကြောင့် လက်ရှိလက်ခံထားတဲ့ စိတ်ညှို့အိပ်မွေ့ချနည်းနှင့် Kundalini ချိတ်ဆက်ခြင်း Package လေးတွေကို ပြီးဆုံးသည်အထိ အောင်မြင်စွာဆောင်ရွက်ပေးပါမယ်။ နောက်ထပ် Client အသစ်ထပ်မံလက်ခံဆောင်ရွက်ပေးဖြစ်မှာမဟုတ်တော့ပါဘူးရှင့်။

ဒါ့အပြင် သာမန်စိတ်ညှို့အိပ်မွေ့ချကုထုံးပေးခြင်း၊
စိတ်ညှို့အိပ်မွေ့ချနည်းဖြင့် အောက်လမ်းပယောဂအတိုက်အခိုက်ရှင်းခြင်းနှင့် အကာအကွယ်ထည့်သွင်းပေးခြင်း၊
သိုက်ဆက်အနွယ်ကိစ္စအဝဝ ညှိနှိုင်းပေးခြင်းများကို November လကုန်မှစ၍ ဆောင်ရွက်ပေးမည်မဟုတ်တော့ကြောင်း အသိပေးပါရစေရှင့်။

စိတ်ညှို့အိပ်မွေ့ချနည်းဆက်လက်ပြန့်ပွားရန်နှင့် ကျွန်မ၏အတွေ့အကြုံမှရရှိသော အကျိုးကျေးဇူးများကို မိတ်ဆွေများအတွက် အခြားနည်းလမ်းများဖြင့် လက်ဆင့်ကမ်းရန်အတွက် စီမံဆောင်ရွက်ပေးပါအုန်းမည်။

#လိုတရနှင်းဆီ

29/09/2025

Kundalini Package Online မှ ချိတ်ဆက်သုညီမလေး၏ အတွေ့အကြုံကို တင်ပြခြင်း

🍀🍀🍀🍀🍀🍀🍀🍀🍀🍀🍀🍀

မနေ့ညက US ကညီမငယ်လေးကို Kundalini Package အတွက် Hypnosis session ပေးဖြစ်ပါတယ်။ Package ထဲမှာ Hypnosis session (6) ကြိမ်ပါပါတယ်။ ဒီညီမလေးက သုံးကြိမ်မြောက် အိပ်မွေ့ချခြင်းဖြစ်ပါတယ်။

တတိယအကြိမ် Session ဆိုတာ မိမိတို့လာခဲ့တဲ့ သိဒ္ဓိအစွမ်းတွေပြည့်စုံခဲ့တဲ့ဘဝတစ်ခုက ဘုံတစ်ခုဆီကို နာမ်လွှင့်ပြီးပို့ဆောင်ပေးတဲ့ Session ပါပဲ။

ဒီဘဝမှာ မိမိမှာပါရမီပါတာမို့ Kundalini ကိုရာသက်ပန်ချိတ်ဆက်ရပါတော့မယ်။ ဒီအတွက် မိမိလာခဲ့ရာဘုံဘဝကထားရစ်ခဲ့ရတဲ့ သမထအစွမ်းတွေကို အိပ်မွေ့ချပေးပြီး နာမ်လွှင့်ခေါ်ဆောင်ကာ သူလာခဲ့တဲ့ဘုံကို ပြန်ဆက်သွယ်ပို့ပေးရပါတယ်။ တကယ်က သူ့ရဲ့ဘုံဘဝကပုဂ္ဂိုလ်တွေက လာရောက်ခေါ်ဆောင်ခြင်းသာဖြစ်ပါတယ်။ ကျွန်မကအိပ်မွေ့ချပေးရုံပါပဲ။

သာမန်ဘဝအနေနှင့်ဖြတ်သန်းခဲ့သူ ညီမငယ်လေးဟာ သူလာခဲ့ရာဘူမိနက်သန်မြေ (အစွမ်းသတ္တိတန်ခိုးရှိသောဘုံ) ကပြန်လည်ပေးအပ်တဲ့ သူ့ရဲ့မူလအစွမ်းတွေကိုပြန်ရယူပါတယ်။ အိပ်မွေ့ကျနေစဉ်မြင်နိုင်စွမ်းမူလကတည်းကရှိပြီးသူလေးပါ။ သူမရဲ့ သိစိတ်နှင့်ရောမသိစိတ်နှင့်ပါ ပူးပေါင်းမှုအားကအလွန်ကောင်းပါတယ်။ ဒါကြောင့်လည်းထိရောက်မှုကတစ်ကြိမ်ဆိုတစ်ကြိမ်သိသာနေတာအမှန်ပါပဲ။

အိပ်မွေ့ကျနေစဉ်အတွင်းမှာသူသွားနေရတာ၊
သူ့ကိုသူလာရာဘုံဘဝ(ဘူမိနက်သန်မြေ) ကလာခေါ်ကြတာ၊
သူ့ဘုံကိုရောက်သွားတာ၊
သူ့ကိုကြိုဆိုကြတာ၊
သူပိုင်ခဲ့တဲ့ အသုံးအဆောင်အဆင်တန်ဆာတွေကို ပြန်ပေးအပ်တာခံရတာ၊
သူ့ရဲ့ဘူမိနက်သန်မြေကပုဂ္ဂိုလ်တွေကိုအသေးစိပ်ရောခပ်ဝါးဝါးပါမြင်နေရတာတွေက သာမန်လူတွေအဖို့ ပြောပြရင်ယုံလောက်စရာမရှိပါဘူး။

အိပ်မွေ့ချ Session အပြီးမှာ သူသိလိုက်ရတဲ့အချက်တွေက တကယ့်ကိုအံ့မခန်းများပြားလွန်းနေပါတယ်။ ပြန်နိုးထလာတိုင်းထူးခြားနေတဲ့သူမက အခုလည်းတကယ့်ကိုထူးခြားမှုတွေကအပြည့်ပါပဲ။
သူတွေ့မြင်ခဲ့ရတာတွေကို ကျွန်မက တဖက်ကနေပြောပြနေတာကိုသူကြားနေရပါတယ်တဲ့။ ဒါပေမယ့်သူသွားနေတာကကျွန်မဖက်ကအပြောထက်အမြဲစောနေပြီး ကျွန်မပြောနေတာတွေက သူဖြစ်ပြီးမှပြောနေတယ်။(အိပ်မွေ့ချပေးနေစဉ် Hypnotist - အိပ်မွေ့ချကုထုံးပညာရှင်က ဘေးမှပြောပေးနေသောစကားကိုဆိုလိုပါသည်။)
ကျွန်မအပြောနှင့်သူအိပ်မွေ့ကျနေစဉ်ကြုံနေရတာက (၉၅%)တထပ်တည်းဖြစ်နေပါတယ်တဲ့။

တကယ်ကသူသွားနေတာရောက်နေတာ၊လက်ခံနေတာ၊တွေ့နေတာအရာအားလုံးကိုကျွန်မဖက်ကမြင်နေရတာမို့မြင်တဲ့အတိုင်း တိုက်ရိုက်အိပ်မွေ့ချပေးနေစဉ်ပြောပြနေတာပါပဲ။ သူကတော့အရင်ခံစားမြင်တွေ့နေရတာပဲပေါ့။ သူဖြစ်နေသမျှကိုကျွန်မကမြင်ပြီးမှပြောရတာဆိုတော့ နဲနဲတော့စက္ကန့်ပိုင်းနောက်ကျနေတာအမှန်ပဲလို့ ရှင်းပြရပါတယ်။

Kundalini ချိတ်ဆက်မှုအတွေ့အကြုံတွေက တစ်ဦးနှင့်တစ်ဦးမတူသလို ရရှိတဲ့အကျိုးကျေးဇူးကလည်း Client ရဲ့အပြည့်အဝယုံကြည်စွာပူးပေါင်းနိုင်မှု အနည်းအများအပေါ်လိုက်ပြီး မတူပြန်ပါဘူး။ ဒီညမလေးကတော့ လိုင်းပေါ်ကသိပြီး လာရောက်ချိတ်ဆက်လာသူလေးပါ။ Spiritual နှင့်ပတ်သက်လို့ သိဖူး၊လေ့လာဖူး၊သင်ယူဖူးတာမျိုးကလည်း မရှိပါဘူး။ ဒါပေမယ့် ဘာမှကြိုတင်မသိလေတော့ ဘာမှကြိုတွေးတာတွေ၊ သံသယတွေများတာတွေဘာတစ်ခုမှမရှိတော့ဘူးပေါ့။ ဒါကလည်းတမျိုးကောင်းနေတာပါပဲ။ ဒီနေရာမှာ Spiritualကိုသိပြီးသူတွေကတွေးစရာတွေရှိတယ်မကောင်းဘူးလို့ဆိုလိုခြင်းမဟုတ်ပါ။စိတ်ရှင်းပြီးအပြည့်အဝပူးပေါင်းနိုင်ရင်ရပါပြီ။

အချိန်တိုတိုအတွင်း စိတ်အဆင့်ဆင့်သန့်ရှင်းမြင့်တက်သွားတာက သာမန်လူတွေအတွက် ဘယ်လိုမှယုံစရာမရှိဘူးပေါ့။ ကျွန်မအတွက်ကတော့သိပ်အဆန်းတကြယ်မဟုတ်ပါဘူး။ ဒါကကျွန်မဖန်တီးထားတဲ့နည်းလည်းမဟုတ်ဘူး။ ကျွန်မကချိတ်ပေးနေတာလည်းမဟုတ်ဘူး။ Kundalini ချိတ်ဆက်ဖို့ရောက်ရှိလာကြသူ ပါရမီရှင်တွေနှင့်သက်ဆိုင်တဲ့ အဆင့်မြင့်ပုဂ္ဂိုလ်များ၊ Kundalini Package ရဲ့မူလပိုင်ရှင်များ၊ ကျွန်မနှင့်အတူ ပါရမီဖြည့်ဆောင်ရွက်နေကြသူ ဆရာသခင်များက ကြွရောက်ချိတ်ဆက်ပေးကြခြင်းသာဖြစ်ပါတယ်။

ဒီ Package ကိုပြင်ဆင်ကတည်းက ပါရမီရှိသူ၊ Kundalini စွမ်းအားနှင့်ထိုက်တန်သူ၊ ချိတ်ဆက်ရန်အချိန်ကျသူ ကျွန်မရဲ့သံသရာကဆွေမျိုးတွေအတွက်ကို ကျွန်မရဲ့ဉာဏ်စွမ်းအားရှိသမျှ အကောင်းဆုံး Package တစ်ခု၊ အခြားသော Kundalini ဖွင့်ပေးကြတဲ့နည်းတွေနှင့်မတူဘဲ သီးသန့်ကွဲထွက်နေရအောင် ပြင်ဆင်ဆောင်ရွက်ခဲ့ပါတယ်။ အချိန်နှင့်အမျှလည်း ပြင်ဆင်ဖြည့်ဆည်းနေပါတယ်။

ကာယကံရှင်တွေကို ကျွန်မကယုံခိုင်းလို့ ယုံကြည်ကြရတဲ့နည်းတွေမဟုတ်ဘဲ ကာယကံရှင်တွေကိုယ်တိုင် သိမြင်ခံစားပြီးပြောင်းလဲမှုများစွာနှင့် စိတ်အဆင့်ဆင့်မြင့်တက်တာကို သိမြင်ရတဲ့ Package တစ်ခုပါ။ လူလောကက ကျွန်မကအိပ်မွေ့ချနည်းကိုသုံးပြီး နာမ်လောကကဆရာသခင်များက ကူညီဆောင်ရွက်နေသောအစီအစဉ်တစ်ခုသာဖြစ်ပါတယ်။

ထိရောက်မှုအနည်းအများက လာရောက်ချိတ်ဆက်သူ Client များရဲ့လက်ခံတဲ့‌အပေါ်တော့ မူတည်ပါတယ်။ ခွက်လွတ်နှင့်လာလေလေ အပြည့်အဝထည့်ပေးနိုင်လေလေပါပဲ။

စာဖတ်ပြီးဂျင့းထည့်တယ်လို့စွပ်စွဲနေသူတေကိုတွေ့ရပါတယ်။ သူတို့အတွက်ကစာဖတ်ပြီးမှသိကြရသူတွေမို့ဒီလိုပဲ တွေးမြင်ခံစားသုံးသပ်ဝေဖန်နေကြတာမဆန်းပါဘူး။ ကိုယ့် Level နှင့်ကိုယ့်အသိကဒီလောက်ပဲရှိကြတာမို့လေ။ သူတို့အတွေးသူတို့အမြင်ကသူတို့ရမယ့် level ပါပဲ။ သေချာတာတစ်ခုက မိမိရဲ့စိတ်အတိုင်း အခြားသူတွေကို ထင်မြင်သုံးသပ်တတ်ပါတယ်။

ကျွန်မရဲ့ Kundalini Package က တကယ့်ပါရမီရှင်ထိုက်တန်တဲ့သူတွေမှ ရရှိကြမယ့် Package ကြီးတစ်ခုပါ။ ချိတ်ဆက်ကြတဲ့အပြည့်အဝပူးပေါင်းသူတိုင်း တကယ်လက်တွေ့မျက်မြင်သိနေကြတာကိုမျှဝေပေးလိုက်ပါတယ်။

ကျွန်မကိုယ်တိုင်လည်းသူများအပြောနှင့်မျက်စိမှိတ်ယုံသူမဟုတ်သလို ကျွန်မထံရောက်ရှိလာသူများကိုလည်း ကျွန်မအပြောတွေကို လက်တွေ့သာဓကမပါဘဲ ယုံကြည်ပေးဖို့ဘယ်အခါမှတောင်းဆိုလေ့မရှိပါဘူးရှင့်။

#လိုတရနှင်းဆီ

မနောစွမ်းအားနှင့် စိတ်ပြောင်းလဲမြင့်တက်စေရန်အနီးကပ်ကူညီပေးသူ

်းစေတမန်

05/09/2025

ဒီနေ့မှာ အလွန်ဝမ်းသာစရာ Kundalini ချိတ်ဆက်ပြီးသူသမီးငယ်တစ်ဦးဆီက ဖုန်းဆက်ပြီး Report လက်ခံရရှိလိုက်ပါတယ်။

သမီးငယ်လေးကကျွန်မထံ Kundalini ချိတ်ဆက်ထားတာ (၆)လနီးပါးရှိခဲ့ပါပြီ။သူအခု Spiritual နှင့်ပတ်သက်သောသင်တန်းတစ်ခုကိုတက်နေကြောင်းပြောလာပါတယ်။ Higher Beings တွေ (ဆရာသခင်တွေ) နှင့်ချိတ်ဆက်ပြောပြပေးသောသင်းတန်းလို့သိရပါတယ်။ Kundalini ကိုချိတ်ဆက်ရာမှာ အိပ်မွေ့ချနည်းနှင့်ချိတ်ဆက်နိုင်ကြောင်း postတင်ပေးတဲ့ page ကသင်တန်းပါပဲ။

ဒီသင်တန်းမှာ ကျွန်မထံ Kundalini ချိတ်ထားသူသမီးငယ်ကို Spiritual power နှင့်ပတ်သက်လို့ အသိအမှတ်ပြုကြကြောင်း၊
သူတို့ရဲ့ Higher Beings များကသိနေကြောင်းပြောပြလာပါတယ်။

သူချိတ်တာက (၆)လပဲရှိသေးတာပါ။ ရတဲ့စွမ်းအားကလဲ ဆက်လက်တိုးတက်နေမှာပါ။ ခုမှ (၆)လမို့အရမ်းထူးခြားစွာသိသာတဲ့အဆင့်အထိမရောက်သေးသော်လည်း တကယ်ထူးခြားတာကိုတော့ချိတ်ပြီးကတည်းကသိနေပြီးဖြစ်ပါတယ်။

နောက်တစ်နှစ်ကျော်ခန့်သာကြာပါလျင် Kundalini ချိတ်ဆက်ထားသူများရဲ့အစွမ်းက အံ့မခန်းပင်ဖြစ်ပါလိမ့်ဦးမယ်။ ရင်မှာပျော်ရွှင်ရပါတယ်။
မသိစိတ်ရဲ့စွမ်းအားအဆများစွာကြီးမားတိုးတက်အုန်းမှာပါပဲ။

#လိုတရနှင်းဆီ

20/08/2025

ကျွန်မထံ Kundalini awakening by Hypnosis package ကိုရယူကြသူများတွင် ရရှိသော အကျိုးကျေးဇူးများ၊
ရရှိသော Kundalini စွမ်းအင်များ တစ်ဦးနှင့်တစ်ဦးကွဲပြားကြပါသည်။မတူညီကြပါ။

စွမ်းအင်တိုးတက်မှုနှုန်းများကလည်း တစ်ဦးနှင့်တစ်ဦးမတူညီပါ။

ကျွန်မက ဘယ်အရာကခုလိုကွဲပြားစေတာလဲဆိုတာကို အမြဲသုံးသပ်နေမိပါတယ်။ ချိတ်ဆက်ပြီးသူတိုင်းကို အစဉ်ပြန်လေ့လာနေတတ်ပါတယ်။

တစ်ဦးစီ၏ပါရမီကြောင့် ရရှိသောစွမ်းအားမတူကြသည်ကိုတော့ သဘောပေါက်မိပါတယ်။သို့သော် ထိုအထဲမှာမှ ခံယူကြသောစိတ်ထားပေါ်မူတည်ပြီးကွာခြားသွားသည်ကိုယနေ့ တိတိကျကျသိလိုက်ရပါတယ်။

ယနေ့ 6th session (ခြောက်ကြိမ်မြောက်အိပ်မွေ့ချပြီး Kundalini ချိတ်ဆက်ခြင်း) ယူသူညီမငယ်လေးက ကျွန်မထံ ရောက်ရှိလာသူ လာရောက်ချိတ်ဆက်ကြသူများထဲမှ စွမ်းအားရသင့်သလောက်မရကြသူ၊
တိုးတက်မှုနှုန်းနည်းပါးသူ၊
အစရှိသော အောင်မြင်သော် ည်း ရရှိသင့်သည့်စွမ်းအင်ပမာဏကိုအပြည့်အဝမရကြသူများ၏ အခံစိတ်ကို အသေးစိပ်မြင်ကြောင်းပြောလာပါတယ်။

ညမငယ်လေး၏ တွေ့ရှိချက်မှာ ယခင်ချိတ်ဆက်ပြီးသူများအတွက် feedback ကောင်းဖြစ်သလို
နောင်တွင်ချိတ်ဆက်လာကြမည့်သူများအတွက် လွန်စွာအကျိုးများသည်မို့ YouTube တွင်တင်ပေးထားပါသည်။

YouTube link 👇👇👇

https://youtu.be/rBXAomBwl-w?si=CRELQWHz6XwRMlFx

20/08/2025

လွန်စွာတန်ဖိုးကြီးသော ယနေ့တွေ့ရှိချက်

Kundalini ချိတ်ဆက်ရန်ကျွန်မထံရောက်ရှိလာသူတိုင်း အကျိုးကျေးဇူး
အပြည့်အဝရရှိရန် သတိပြုဖွယ်အချက်အလက်များကို တွေ့ရှိရခြင်း။

Kundalini ချိတ်ဆက်လာသူညမငယ်လေးတစ်ဦးမှ အိပ်မွေ့ကျနေစဉ်တွေ့ရှိချက်အသစ်များကို Package ယူပြီးသူများအတွက်သာမက၊
ဆက်လက်ရယူမည့်သူများအတွက်ပါ အကျိုးများစေရန် တင်ပြပေးထားပါတယ်။

YouTube link 👇👇👇

လိုတရ Kundalini Awakening

03/11/2025

29/09/2025

05/09/2025

20/08/2025

20/08/2025

Address

Website

Alerts

Shortcuts

Share

Category