20/09/2021
Listen to your body
ပြီးခဲ့တဲ့ ၃ ရက် က စိတ်မကောင်းစရာ
ဖြစ်ရပ်တစ်ခု ဖြစ်ပွားခဲ့ပါတယ်။
ခင်မင်ရင်းနှီးတဲ့ မိတ်ဆွေထဲကတစ်ယောက်
သူလေ့ကျင့်နေတဲ့ gym မှာ ပြေးစက်
Trade mill ပေါ်မှာ လေ့ကျင့်အပီးမှာ
မူးလဲသွားခဲ့ရာကနေ ဆေးရုံပို့ခဲ့ရပါတယ်
သတိပြန်လည်မလာတော့ဘဲ
ဆုံးပါးသွားခဲ့ရပါတယ်။
ကျန်းမာရေးအတွက် လေ့ကျင့်ရာကနေ
အသက်ပါ ဆုံးပါးခဲ့ရတာ နှမြောစရာ
ကောင်းလှပါတယ်။
ကျွန်တော်အမြဲတမ်းပြောခဲ့ပါတယ်
ကာဒီရိုလေ့ကျင့်ခန်းတွေဆိုတာ
အကျိုးကျေးဇူးနဲ့အတူ ပြင်းထန်တဲ့
အကျိုးသက်ရောက်မှုတွေ ယှဉ်တွဲနေပါတယ်။
ကာဒီရိုလေ့ကျင့်ခန်း ဆိုတာ
အဓိက က နှလုံး ကို အလုပ်ပေးတာပါ ။
ကိုယ်လေ့ကျင့်ခန်းစတော့မယ့်အချိန်မှာ
ကိုယ့်နှလုံးရဲ့အနေအထားကို
သတိပြုမိဖို့လိုပါတယ်။
တစ်ခါတုံးက ကျန်းမာရေးလေ့ကျင့်ခန်း
dvd ခွေရိုက်ခဲ့တုံးက model တွေက
ကိုယ့်အားကစားသမီးတွေပါ။
အဲဒီထဲကမှ သမီးတစ်ယောက်က ပြေးစက်
ပေါ်မှာပြေးတဲ့အခန်းသရုပ်ဆောင်ရပါတယ်။
စပြေးခါစအချိန်မှာဘဲ
သူ့နှလုံးခုန်နှုံးကိုကြည့်လိုက်တော့
တစ်မိနစ် ၁၂၀ ကျော်နေပါတယ်။
ဒါနဲ့ချက်ခြင်းရပ်ခိုင်းလိုက်တော့
ပျော့ခွေသွားပါတယ်။
မေးကြည့်လိုက်တော့
မနက်က ဝမ်းလျောထားလို့
အားပျော့နေတယ်တဲ့
ကျွန်တော်သာသတိမထားမိရင်
ဆိုးရွားသွားနိုင်ပါတယ်။
အုပ်စုလိုက် အကလေ့ကျင့်ခန်းတွေ
ကာဒီရိုလေ့ကျင့်ခန်းတွေမှာလည်း
သတိထားကြပါ။
ဝိတ်ကျအောင်ဆိုပီး အချိန်တိုအတွင်းမှာ
ပြင်းထန်တဲ့ လှုပ်ရှားမှုတွေထည့်သွင်းပီး
လေ့ကျင့်ခိုင်းကြတဲ့အခါ
လူတိုင်းရဲ့ကြံ့ခိုင်မှုဟာ
တစ်ယောက်နဲ့တစ်ယောက်မတူပါဘူး ။
ဒါကိုအုပ်စုလိုက်တစ်ပုံစံထဲ
လေ့ကျင့်ကြတဲ့အခါ အန္တရာယ်ရှိပါတယ် ။
အထူးကုဆရာဝန်တစ်ယောက်
အပြေးလေ့ကျင့်ရင်း ကျုံးဘေးမှာ
လဲသေသွားတာ
စက်ဘီးသမားတွေ စက်ဘီးနင်းရင်းနဲ့
လဲသေသွားတာ
ကာဒီရိုလေ့ကျင့်ခန်းရဲ့သာဓကတွေပါဘဲ။
ကာဒီရိုလေ့ကျင့်အပီး
ချွေးတွေရွှဲနေအောင်ထွက်
ဟောဟဲလိုက်အောင်မောသွားပီးတော့မှ
ကောင်းလိုက်တာ နေရတာပေါ့နေတာပဲ လို့
ပြောတဲ့သူတွေများပေမယ့်
ကိုယ့်နှလုံးခုန်နှုံးအခြေအနေကိုတော့
ဆန်းစစ်မိတဲ့သူ ၅ % တောင်
ရှိမယ်မထင်ပါဘူး။
ထပ်ပြောပါမယ် ကာဒီရိုလေ့ကျင့်ခန်းဆိုတာ
နှလုံးကြွက်သားလေ့ကျင့်ခန်းပါ။
မိမိရဲ့အများဆုံးနှလုံးခုန်နှုံး
maximum heart rate M H R ကိုသိထားပီး
အဲဒါထက်ကျော်လွန်မသွားအောင်
သတိပြုလေ့ကျင့်ရပါမယ်။
ပြေးစက်တွေတန်းစီထောင် လေ့ကျင့်ရေး
စက်ဘီးတွေတန်းစီထောင်ထားတဲ့
GYM တွေမှာ MHR ကိုမသိ THR ကိုမသိဘဲ
အလုအယက်ပြေး အလုအယက်နင်းနေကြတဲ့
သူတွေ စဉ်းစားမိတိုင်း စိုးရိမ်မိပါတယ် ။
GYM ဆိုတာ ကျန်းမာရေးအတွက်
ကိုယ်ခန္ဓာကိုလေ့ကျင့်ပေးတဲ့နေရာဖြစ်ပါတယ်
ဖျက်ဆီးပစ်တဲ့နေရာမဟုတ်ပါဘူး
ဝိတ်ကျအောင်ဆိုပီး
အချိန်ပိုင်းတစ်ခုအတွင်းမှာ
အကြိမ်ရေ ရာချီပီး ခုန်ခိုင်းတယ်ဆိုတာဟာလဲ
ကိုယ်ခန္ဓာကို လေ့ကျင့်တာမဟုတ်ပါဘူး
ဖျက်ဆီးတာပါ ။
ကျန်းမာရေးအတွက် အားကစား
လေ့ကျင့်တော့မယ်ဆိုရင် ပထမဆုံး
LISTEN TO YOUR BODY ဆိုတဲ့
စကားကိုသတိရပါ
မိမိရဲ့ကိုယ်ခန္ဓာအခြေအနေကိုသတိပြုပါ
သုံးသပ်ပါ နားထောင်ပါ ပီးမှလေ့ကျင့်ပါ
ဒါဆိုရင် အန္တရာယ်နဲပါလိမ္မယ်
လူတစ်ယောက်စီရဲ့ အများဆုံးနှလုံးခုန်နှုံး
MAXIMUM HEART RATE MHR နဲ့
လေ့ကျင့်ရေးနှလုံးခုန်နှုံး
TRAINING HEART RATE--THR ကို
ပြောပြပါမယ်
၂၂၀ ထဲကနေ မိမိရဲ့အသက်ကိုနှုတ်ပါ
အဲဒါမိမိအတွက် အများဆုံးနှလုံးခုန်နှုံး ပါဘဲ
အဲဒီထက်ကျော်လွန်သွားခဲ့ရင် အန္တရာယ်ရှိပါပီ
220_ AGE = MHR
လေ့ကျင့်ရေးနှလုံးခုန်နှုံးကတော့
လူအခြေအနေကြံ့ခိုင်မှုပေါ်လိုက်ပီး
မိမိ MHR ရဲ့ 50% ကနေ 90% အတွင်း
လေ့ကျင့်ပါ
ဒါကိုသိ ဒါကိုချင့်ချိန်ပီးမှ
ကာဒီရိုလေ့ကျင့်ကြပါ
ချွေးထွက်ရင်ပီးရော
မောရင်ပီးရောမလုပ်ကြပါနဲ့
LISTEN TO YOUR BODY
ကိုယ်ခန္ဓာကပြောတာနားထောင်ပါ
သုံးသပ်ပါ ချင့်ချိန်ပါ ပီးမှ လေ့ကျင့်ကြပါ
အားကစားလေ့ကျင့်ပီး
ကိုယ်ခန္ဓာကို ပြုစုပျိုးထောင်ရာရောက်ပါစေ
ဖျက်စီးရာမရောက်ပါစေနဲ့လို့ ဆန္ဒပြုပါတယ်
