Dr Phyoe - Trusted GP

21/03/2026

⚠️ “နားကပ်ကို ၆လတောင် မဖြုတ်ဘဲ ဝတ်ထားခဲ့တယ်…နောက်ဆုံးတော့ နားထဲဝင် ပျောက်သွားခဲ့တယ်”

ဆရာဝန်အနေနဲ့ မကြာသေးခင်က တွေ့ခဲ့ရတဲ့ လူနာတစ်ယောက်အကြောင်းကို မျှဝေပေးချင်ပါတယ်။

သူမက ရွှေနားကပ်ကို ၆ လလုံးလုံး မဖြုတ်ဘဲ ဝတ်ထားခဲ့ပါတယ်။
အစမှာတော့ ဘာမှ မဖြစ်သလိုပဲ…

ဒါပေမယ့် တဖြည်းဖြည်း…

နားကပ်ရဲ့ နောက်ပိတ် (back holding) က ချွန်ပြီးပါးနေတော့
နားရဲ့အသားထဲကို တဖြည်းဖြည်း ဖိဝင်သွားခဲ့ပါတယ်။

နောက်ဆုံးမှာတော့…

👉 နားကပ်နောက်ဘက်က အသားထဲ လုံးဝ ဝင်ပျောက်သွားပြီး
👉 အရေပြားကတောင် ဖုံးပိတ်သွားခဲ့ပါတယ်

အဲ့ဒါကြောင့်…
ခွဲစိတ်ပြီး ထုတ်ယူရတဲ့အထိ ဖြစ်သွားခဲ့ပါတယ်

⸻

❗ ဘာကြောင့် ဒီလိုဖြစ်ရတာလဲ?

လူအများစုက
“ရွှေနားကပ်ဆိုတော့ လုံခြုံတယ်၊ အမြဲဝတ်လို့ရတယ်” လို့ ထင်ကြပါတယ်။

ဒါပေမယ့် အဓိကပြဿနာက—
• အချိန်ကြာရှည် မဖြုတ်ဘဲ ဝတ်ထားခြင်း
• တင်းလွန်းတဲ့ နောက်ဘက် (back)၊ ပါးလွန်းတဲ့ ရွှေ
• ချွန်ထက်တဲ့ design
• သန့်ရှင်းမှုမရှိခြင်း

ဒီအရာတွေကြောင့်
အသားက နားကပ်ကို တဖြည်းဖြည်း ဖုံးပိတ်သွားနိုင်ပါတယ်

⸻

🚨 ဒီလက္ခဏာတွေရှိရင် မပျက်မကွက် သတိထားပါ
• နားမှာ နာကျင်မှု
• နီခြင်း၊ ဖောခြင်း
• အညစ်ထွက်ခြင်း၊ အနံ့မကောင်းခြင်း
• နားကပ်က တင်းလာသလို၊ ဝင်သွားသလို ခံစားရခြင်း

👉 ဒီလက္ခဏာတွေရှိရင် ချက်ချင်း ဖြုတ်ပြီး ဆရာဝန်ကို ပြပါ

⸻

✅ နားကပ်ဝတ်တဲ့အခါ သန့်ရှင်းလုံခြုံအောင် ဘယ်လိုလုပ်မလဲ?

✔ သင့်တော်တဲ့ material (medical grade, titanium, ≥14K gold) ကိုရွေးပါ
✔ နားကပ်နဲ့ နားကို ပုံမှန် သန့်ရှင်းပါ
✔ လအတော်ကြာ မဖြုတ်ဘဲ မဝတ်ပါနဲ့
✔ တင်းလွန်းတဲ့၊ ချွန်ထက်တဲ့ back မသုံးပါနဲ့၊
နောက်ပိတ်ကို ရွှေပါးပါးနဲ့ မခတ်ပါနဲ့
✔ အိပ်ချိန်မှာ (အထူးသဖြင့် ကြီးမားတဲ့နားကပ်) ဖြုတ်ပါ
✔ ကလေးများနားကို မကြာခဏ စစ်ဆေးပါ
✔ ပျက်စီးနေတဲ့ နားကပ်များကို ပြန်မသုံးပါနဲ့

⸻

💡 အရေးကြီးဆုံး အချက်

နားကပ်လေးတစ်ခုဆိုပေမယ့်
ဂရုမစိုက်မိရင် ခွဲစိတ်ရတဲ့အထိ ဖြစ်နိုင်ပါတယ်

⸻

👩‍⚕️ ဆရာဝန်အမြင်

ဒီလို case တွေကို
ကလေးတွေ၊ busy ဖြစ်တဲ့ လူကြီးတွေမှာ အထူးသဖြင့် တွေ့ရတတ်ပါတယ်။

ကာကွယ်ရတာ လွယ်ပါတယ်
သတိရှိရင် လုံလောက်ပါပြီ

⸻

“ရွှေနားကပ်တောင် ပုံမှန်သန့်ရှင်း၊ စစ်ဆေးဖို့လိုတယ်” ဆိုတာ
အခြားသူတွေလည်း သိနိုင်အောင်

📌 ဒီ post ကို share လုပ်ခြင်းဖြင့်ကူညီနိုင်ပါတယ်

15/03/2026

အိပ်မပျော်တဲ့ ရောဂါကို sleep therapist နည်းအတိုင်းကုနည်း၊
သေချာလိုက်နာရင် အိပ်မပျော်တဲ့ရောဂါ အမြစ်ပြတ်နိုင်ပါတယ်
#ကျန်းမာရေး
#အိပ်မပျော်ရောဂါ

12/03/2026

အိပ်မပျော်တဲ့ရောဂါ chronic insomnia
#ကျန်းမာရေး

07/03/2026

ဒီနေ့ International Women’s Day အထိမ်းအမှတ်အဖြစ် AIA Insurance မှာ အမျိုးသမီးကျန်းမာရေးအကြောင်း Health Talk မျှဝေခွင့်ရခဲ့တာကို အရမ်း ဂုဏ်ယူဝမ်းသာပြီး အထူးအခွင့်အရေးတစ်ခုလို ခံစားရပါတယ်။ 🌸

အမျိုးသမီးတစ်ယောက်အနေနဲ့ရော ဆရာဝန်တစ်ယောက်အနေနဲ့ရော ဒီလိုနေ့မျိုးမှာ အမျိုးသမီးကျန်းမာရေးကို advocate လုပ်ခွင့်ရတာဟာ အရမ်းအဓိပ္ပါယ်ရှိပါတယ်။

ဒီ session အတွင်းမှာ
👩‍⚕️ အမျိုးသမီးတို့ရဲ့ life stages တစ်လျှောက် ဖြစ်လာနိုင်တဲ့ ကျန်းမာရေးပြောင်းလဲမှုများ
🌿 Menopause နှင့် ဆက်စပ်သောအရာများ
🩺 အများဆုံးတွေ့ရတဲ့ gynaecological problems (မီးယပ်ရောဂါများ)
🎗️ အမျိုးသမီးများတွင် အရေးကြီးတဲ့ female cancers နှင့် screening အရေးပါမှု

တို့ကို မျှဝေပြောပြနိုင်ခဲ့ပါတယ်။

အထူးသဖြင့် session အပြီးမှာ အမျိုးသမီးများနဲ့ ပွင့်ပွင့်လင်းလင်း ဆွေးနွေးပြောဆိုခွင့်ရတာက ကျွန်မအတွက် အရမ်းအဓိပ္ပါယ်ရှိတဲ့အချိန်ဖြစ်ခဲ့ပါတယ်။
အမျိုးသမီးတစ်ယောက်အနေနဲ့ အတွင်းထဲမှာ ထားထားတဲ့ စိုးရိမ်မှုတွေ၊ မေးချင်ပေမယ့် မမေးရဲတဲ့ အကြောင်းအရာတွေကို မျှဝေပြောပြလာကြတာကို ကြားရတဲ့အခါ ကျွန်မအတွက် အရမ်းတန်ဖိုးရှိပါတယ်။

ကျန်းမာရေးဆိုတာက ဆေးဝါးတစ်ခုတည်းနဲ့ မပြည့်စုံပါဘူး။
မှန်ကန်တဲ့ lifestyle, awareness နဲ့ prevention တွေကလည်း အရေးကြီးပါတယ်။
ဒါကြောင့် daily lifestyle advice လေးတွေကိုလည်း မျှဝေပေးနိုင်ခဲ့တဲ့ အတွက် အရမ်း satisfying ဖြစ်ခဲ့ပါတယ်။

ဒီလို meaningful conversation တွေက အမျိုးသမီးတွေကို ကိုယ့်ကျန်းမာရေးကို ပိုပြီး ဂရုစိုက်လာအောင် အားပေးနိုင်မယ်လို့ မျှော်လင့်ပါတယ်။

ဒီအခွင့်အရေးကို ပေးခဲ့တဲ့ AIA Insurance ကိုလည်း အထူးကျေးဇူးတင်ပါတယ်။
တက်ရောက်ပြီး စိတ်ဝင်စားစွာ နားထောင်ပေးခဲ့ကြတဲ့ အမျိုးသမီးများအားလုံးကိုလည်း ကျေးဇူးအများကြီးတင်ပါတယ်။

ဒီလိုနေ့မျိုးမှာ အမျိုးသမီးတစ်ယောက်ချင်းစီကို ကျန်းမာရေး၊ အားမာန်နှင့် မိမိကိုယ်ကို ဂရုစိုက်နိုင်မှုများစွာဖြင့် ပြည့်စုံနေကြပါစေလို့ ဆုတောင်းပေးလိုက်ပါတယ်။ 💜

Healthy women create healthy families and stronger communities.

06/03/2026

ကလေးငယ်တွေဖျားရင် ဘယ်အချိန် စိုးရိမ်ရလဲ???
မိဘတိုင်းသိထားသင့်သော
#ကလေး ကျန်းမာရေး
#ကျန်းမာရေးဗဟုသုတ

24/02/2026

ဘာ့ကြောင့် ရင်တုန်တတ်သလဲ?
ဘယ်လို သက်သာအောင်လုပ်ရမလဲ?
ဘယ်လိုဆို စိုးရိမ်ရလဲ?

Why do palpitations occur?
How to manage it?
When does it become dangerous?

#နှလုံးကျန်းမာရေး

Dr Phyoe - Trusted GP

22/02/2026

ဒီနေ့ Yoma Marathon 2026 အပြေးပြိုင်ပွဲမှာ station ၁ ခုက Medical Lead 👩‍⚕️အနေနဲ့ ကျွန်မပါဝင်ကူညီခွင့်ရခဲ့ပါတယ်

ကျွန်မခံစားမိတာ ၁ ခုကတော့ ကျွန်မတို့လို မိသားစုဆရာဝန်တွေက ရောဂါကုဖို့ ၁ ခုထဲအတွက် ဆရာဝန်အလုပ်ကို ရွေးချယ်ခဲ့တာမဟုတ်ပါဘူး၊
ဒီလိုအချိန်တွေမှာ လူတွေဘေးက​နေ ရပ်တည်ပေးပြီး ကျန်းမာရေးစောင့်လျှောက်မှုပေးဖို့လည်း ဖြစ်ပါတယ်။

ဒီ မာရသွန်အပြေးပြိုင်ပွဲမှာ ပါဝင်ခဲ့ကြတဲ့ လူထောင်ချီကို ကြည့်ပြီး ကျွန်မတွေးမိတာလေး ၂ ခုရှိတယ်
1. အားကစားရှုထောင့်
မာရသွန်ပြေးတယ် ဆိုတာ တကယ်တမ်းမလွယ်ပါဘူး၊ သေချာပြင်ဆင်ထားဖို့လိုသလို စိတ်ဓာတ်ခိုင်မာဖို့လည်း လိုပါတယ်၊ အသက်အရွယ်မရွေး ပြေးနေကြတာကို မြင်ရတာက အင်မတန်အားတက်စေပါတယ်
-တချို့က အနိုင်ရဖို့ပြေးတယ်
-တချို့က ကျန်းမာဖို့ပြေးတယ်
-တချို့က သူတို့ကိုယ် သူတို့ပြောင်းလဲဖို့ပြေးတယ်
ဘာကြောင့်ဘဲ ပြေးပြေး သူတို့အားသွန်ခွန်စိုက်ပြေးနေကြတာကို မျက်မြင်ကိုယ်တွေ့ အားပေးနိုင်ခဲ့ပါတယ်။

နေ့စဉ် ဆရာဝန်တယောက်အနေနဲ့ နေမကောင်းတဲ့ လူနာတွေဘဲ ကြည့်ရှုပေးနေရပြီး
ဒီနေ့တော့ ကျွန်မက လူတွေရဲ့ ကျန်းမာရေးကောင်းမှု၊ ခွန်အားရှိမှု၊ ပျော်ရွင်မှုတို့ကို အထင်းသား မြင်ခဲ့ရပါတယ်။

၂)ကျန်းမာရေးရှုထောင့်

ကျန်းမာရေးရှုထောင့်ဘက်က ကြည့်ရင်လည်း လေ့ကျင့်ခန်းလုပ်တာက အင်မတန်အကျိုးရှိပါတယ်
-သွေးတိုးရောဂါနှင့် နှလုံးကျန်းမာရေး အတွက်
-စိတ်ကျန်းမာရေးအတွက်
- ကိုယ့်ကိုယ်ကို ယုံကြည်မှုရှိစေဖို့အတွက်
လူတိုင်း၊ လူတိုင်း လေ့ကျင့်ခန်းလုပ်သင့်ပါတယ်။

Today was not just about running.
It was about community.
It was about health awareness.
It was about resilience.

မိသားစု ဆရာဝန်တယောက်အနေနဲ့ ကျွန်မ ယုံကြည်မိတာကတော့
ကျန်းမာစွာ နေထိုင်ခြင်း ( healthy lifestyle) က ဆေးကုသခြင်းကဲ့သို့ဘဲ အရေးကြီးပါတယ်။

ဒီကနေ့ Yoma Group ရဲ့ဒီ လှုပ်ရှားမှုလေးထဲ ပါဝင်ခွင့်ရခဲ့လို့ ဝမ်းသာမိပါတယ်။

Proud to serve. Proud to support. Proud to witness the power of sport. 💙

Dr Phyoe - trusted GP

#ရန်ကုန်ရိုးမမာရသွန်

Yoma Marathon 2026

18/02/2026

WHO ကသတိပေးနေတဲ့ Nipah virus 🦠 #ဗဟုသုတ

18/02/2026

ခုတလောအပြောများနေတဲ့ Acute Lymphoblastic Leukemia ကလေးသွေးကင်ဆာအကြောင်း

Acute= ဖြစ်တာမြန်၊ပွါးတာမြန်
Lymphoblastic Leukemia= သွေးဖြူဥ ကင်ဆာ

ALL က ကလေးတွေမှာ အဖြစ်အများဆုံးကင်ဆာဖြစ်တယ်၊၊

ကလေး 1 သန်း (1 million)မှာ အယောက် 30 လောက်က ALL သွေးကင်ဆာဖြစ်နိုင်ခြေရှိတယ်။

👩‍⚕️သေချာကုရင် ပျောက်နိုင်ခြေများတယ်။

ဒီ ALL ဘဲ လူကြီးမှာဖြစ်ရင်တော့ သိပ်ကုရမလွယ်ပါဘူး။

🤒လက္ခဏာတွေကတော့

1. ရက်ရှည်ဖျားမယ်

2. သွားဖုံးသွေးယိုမယ်

3. ကိုယ်လက်တွေမှာ အညိုကွက်ပေါ်မယ်

4.သွေးအားနည်းပြီး ကလေးက မစားနိုင်၊ မဆော့နိုင် စတာတွေဖြစ်ပေါ်နိုင်ပါတယ်။

ဆေးခန်းပြလို့ ဆရာဝန်က သံသယရှိရင် သွေးစစ်၊ ရိုးတွင်းခြင်ဆီ စစ် စတာတွေလုပ်မယ်

ကုသနည်းများကတော့

1)ကင်ဆာဆေး (Chemo) သွင်း

2)ဓာတ်ကင်

3)ရိုးတွင်းခြင်ဆီအစားထိုး တာတွေ လုပ်လို့ရပါတယ်။

ဆေးစကုတဲ့ ပထမ ၂လ-၃လ အရမ်းခံရတတ်တယ်။
ကြိုးစားပြီးကုသမှုခံယူသင့်ပါတယ်။

ကုသမှုကြာချိန် ၂-၄ နှစ် ထိကြာနိုင်ပါတယ်။

ကုထုံးအသစ်တွေလည်း ခုထိရှာဖွေလေ့လာနေဆဲ ဖြစ်ပါတယ်။

ကလေးတွေမှာ ဆေးကုသမှု ပြီးဆုံးရင်
ပျောက်နိုင်ခြေ ၈၀% မှ ၈၅% လောက်ထိရှိပါတယ်။

ဒါပေမဲ့ ရောဂါလုံးဝပျောက်ဖို့ဆိုရင်တော့
ALL အမျိုးအစားနဲ့ ကလေးအသက်ပေါ်မှာတော့ မူတည်ပါသေးတယ်။

အသက် ၁နှစ်- ၁၀ နှစ်အတွင်း ကလေးဆို ပျောက်နိုင်တဲ့ အလားအလာပိုများပါတယ်။

ရောဂါပျောက်သွားပြီး ပြန်ဖြစ်နိုင်ချေ relapse rate)ကလည်း 20% ရှိပါသေးတယ်။

ပြန်ဖြစ်ပြီဆိုရင်တော့ ပြန်ကောင်းနိုင်ခြေက ၅၀% လောက်ဘဲကျန်ပါတော့တယ်။

စာဖတ်မိတ်ဆွေ၊မိဘတွေအတွက် up to date data တွေကို ကိုးကားပြီး မျှဝေပေးလိုက်ပါတယ်၊၊

#သွေးကင်ဆာ

#ကလေးကျန်းမာ

#ကျန်းမာရေး

Dr Phyoe
Stay healthy! 🩺Stay informed! 💁‍♀️

14/02/2026

What is Migraine? Whom does migraine affect? How it is treated? How it is prevented?
music ://audiolibrary.com.co/flask/bag-of-rubber-bands

14/02/2026

Hello everyone! 👋
I’m a Family Medicine Specialist practicing evidence-based medicine and providing comprehensive care for all age groups.

Follow my page for trusted health information and practical medical tips.

11/02/2026