Travel with Kit (2025)

29/07/2025

အသက်အရွယ်တစ်ခုရောက်လာရင်

လူရိုသေ ရှင်ရိုသေဖြစ်အောင် နေတတ်ရတယ်

တိတ်ဆိတ်ခြင်းနဲ့ တရားရှိရတယ်

တရားအသိဥာဏ်ကို နှလုံးသွင်းတတ်ရတယ်

သူတပါး ဥစ္စာပစ္စည်းကို လိုချင်တက်မက်တဲ့

လောဘ ရမ္မက်ကို ပါယ်သတ်တတ်ရတယ်။

ငါစွဲ အတ္တတွေ လျော့တတ်ရတယ်

ကိုယ့်စကားလုံး ကိုယ့်အပြုအမူကြောင့်

ဘယ်သူမှ

အကုသိုလ် မဖြစ်အောင် နေတတ်မှ

လူ့ဘဝက အဓိပ္ပါယ်ရှိမှာ ။

17/07/2025

ပိုကောင်းတဲ့နေရာတွေက

ပိုပြီး လူနည်းတယ်
ပိုပြီး Respect ရှိကြတယ်
ပိုပြီး အသံတိုးကြတယ်
ပိုပြီး လှကြတယ်
ပိုပြီး Humble ဖြစ်ကြတယ်
ပိုပြီး လေ့လာသင်ယူကြတယ်
ပိုပြီး Focus ကောင်းကြတယ်
ပိုပြီး Attitude ကောင်းကြတယ်
ပိုပြီး ဝင်ငွေကောင်းကြတယ်

ပိုကောင်းတဲ့နေရာတွေကို ရောက်အောင်သွားပါ

အကြွေစေ့လိုအသံဆူလို့ လူသိရုံနဲ့ အလုပ်မဖြစ်တာတွေလောကမှာအများကြီး လူထင်ကြီးအောင်လုပ်ပြရှင်းပြနေမှ အမှန်တရားဖြစ်တာမဟုတ် လောကမှာ ပိုကောင်းတဲ့နေရာမှာရှိဖို့ ပတ်ဝန်းကျင်ကောင်းကိုကိုယ်တိုင်ရွေးရတယ်
လူရွေးပေါင်းတတ်ရတယ် နေရာအရွေးမှားရင် ဘယ်လောက်ဘဲကြိုးစားကြိုးစားဘယ်လောက်စေတနာထားထား ကျေးဇူးတင်မခံရဘူး အသိမှတ်ပြုမခံရဘူး အဲ့စကားကိုမှတ်ထားပီး

ပိုကောင်းတဲ့နေရာကိုရောက်အောင်သွားပါ ♥️

04/07/2025

🥰

22/06/2025

ကိုယ့်ကိုယ်ကိုလည်း တွေးမိပါတယ် ။
ဝမ်းနည်းစရာ ကိစ္စတွေ ကြုံလာတဲ့အခါ
ငါတော်တော်ကို အကြောတင်းသားပေါ့ ။

ဘယ်လိုတွေ ဒီလို တင်းသွားလဲမသိတော့ပါဘူး ။ အတင်းလုပ်ယူရင်း ဖြစ်သွားတယ်လို့ပဲထင်တာပါပဲ!

စိတ်ထားတတ်လိုက်တာဆိုတာမျိုး မဟုတ်ပေမယ့် တချို့ကိစ္စတွေကို လက်ခံပြီး အတင်း ကျော်ဖြတ်လိုက်ရတာများပါတယ် ။

✔️ ကိုယ်မတတ်နိုင်တာတွေ ဖြစ်လာတဲ့အခါ
✔️ ကိုယ်မထင်မှတ်ထားတာတွေ မရေတွက်နိုင်အောင် ဖြစ်လာတဲ့အခါ
✔️ မရိုးနိုင်တဲ့ အခက်ခဲမျိုးစုံတွေတွေ ကြုံတွေ့ဖန်များလာတဲ့အခါ

ရှောင်ထွက်လို့မရတော့ဘူးဆိုရင် ရင်ဆိုင်လိုက်ရတယ် ။ ခံစားနာကျင်နေရလည်းပဲ မဖြစ်မနေဒါကို ဖြေရှင်းရမှာပဲဆိုပြီး ရင်ဆိုင်ဖြေရှင်းပြီးရင် နာကျင်ရမယ့်အရာတွေကို ပြန်မတွေးမိတော့ဘူး ။

စိတ်မကောင်းစရာတွေကိုလည်း ကိုယ်တိုင်ပြန်အစဖေါ်ပြီး ငါကံဆိုးလိုက်တာလို့လည်း ဒရာမာခင်းပြီး မတွေးတော့ပဲ Skip ပစ်လိုက်ရသလို ....

လမ်းခွဲရမယ့်သူတွေကိုကြုံလာရင်လည်း လုပ်ရက်လိုက်တာဆိုတာတွေ မတွေးတော့ပဲ သူနဲ့မြန်မြန်ဝေးမှ အေးမှာဆိုပြီး ဖြတ်ချလိုက်ရတာပါပဲ ။

ကိုယ့်စိတ်ကိုယ်ကို အပိုင်းတွေ ဖြတ်ချပြီး ရှေ့မဆက်နိုင်ရင် ဒရာမာထဲပိတ်မိပြီး လောင်မြှိုက်ပြာကျရမှာပါပဲ ။

ဖြစ်ချင်တန်ဖြစ် ပျက်ချိန်တန်ပျက်ဆိုတဲ့ စကားကို အသက်ကြီးလာလေလေ ပိုလက်ခံလာလေလေပဲဆိုတော့ ဖြစ်လာချိန် ရင်ဆိုင် ၊ ပျက်စီးချိန်တန်ရင်လည်း ခက်ခံပြီး အကောင်းဆုံးဆက်လက် ရှင်သန်ရဦးမှာပါပဲ ။

—— မာရင်ရင်

18/06/2025

သူနဲ့ကိုယ် မကင်းနိုင်ရင်
မကောင်းကြောင်း ပေါက်ကရမပြောရဘူး။

မကောင်းဘူး ထင်ရင်လဲ
ကင်းအောင် နေရတယ်

တင်သမျှ post တွေတွေ့တယ်
Like တစ်ချက်၊ comment တစ်ခု မပေးဘူး

Social media မှာ စောင်းမြောင်းပြောလိုက်
အတင်းတွေပတ်တုတ်လိုက်

အကူညီလိုရင်ကျ လာတောင်းလိုက်
ပိုက်ဆံလိုက်ချေးလိုက် နဲ့က
အဆင်မပြေဘူး

ကိုယ်ကတော့ လူတစ်ယောက်အပေါ်
ပတ်သတ်မိပြီဆိုတာနဲ့ စိတ်ရှင်းရှင်းနဲ့
အတတ်နိုင်ဆုံးကောင်းပေးတယ်

သူတို့ လိုအပ်ချက်တွေ တောင်းတဲ့အကူအညီတွေကို
အတတ်နိုင်ဆုံးဖြည့်ပေးတယ်။

ကိုယ်စိတ်ကောင်းသိပ်ရှိတယ်လို့ မဆိုလိုပါနော်
ကိုယ့်မှာလဲ weak point တွေ အများကြီးပဲ

ဒါမယ့် ထပ်တလဲလဲ စိတ်နာအောင်လုပ်ရင်တော့
ကိုယ်တတ်နိုင်တာက တစ်ဘဝလုံးစာ
အဲ့လူကို ဥပေက္ခာပြုလိုက်တာပဲ

ဆေးလိမ်းလို့ရတဲ့ ဒဏ်ရာတွေထဲ
စိတ်နာတာတော့မပါဘူး မလား !

crd

14/04/2025

"ဗီဇ တွေကို မေတ္တာနဲ့ ပြင်ပေးလို့
မရကြောင်း လက်ခံလိုက်ပါပြီ " ဆိုတဲ့စာလေးဖတ်မိတော့
ဒါဟာ..... အမှန်တရားဆိုတာကို လက်ခံမိတယ်

လူ့လောကမှာ မေတ္တာတရား
ဘယ်လောက်ကြီးမားကြီးမား
စေတနာဘယ်လောက်ထားထား

အဲ့ဒီ့အရာအပေါ်မှာ တန်ဖိုးထားတတ်တဲ့သူ
လက်ခံနိုင်သူ၊နားလည်တဲ့သူဖြစ်နေမှ အဆင်ပြေမှာ

ဒီလိုမှမဟုတ်ရင် ရေနဲ့ဆီလိုပဲ
ရေကရေသပ်သပ်
ဆီကဆီသပ်သပ် တကွဲတပြားကြီးဖြစ်နေမှာ

မေ တ္တာ က မေ တ္တာ သပ်သပ်
ဗီဇက ဗီဇသပ်သပ်
ဘယ်လိုမှ ထပ်တူကျမနေရင်
မေတ္တာပေးသူသာ ခြေကုန်လက်ပန်းကျလာမယ်
မ-ကောင်းတဲ့ ဗီဇရှိသူက မေတ္တာပေးသူရဲ့စိတ်ကို
လက်ခံနိုင်မှာမဟုတ်ဘူး

ဒါ့ကြောင့် "ဗီဇ တွေကို မေတ္တာနဲ့ ပြင်ပေးလို့
မရကြောင်း လက်ခံလိုက်ပါပြီ " ဆိုတဲ့ စာဟာ
အမှန်တရားပါပဲ...

21/03/2025

အခုနောက်ပိုင်းမှာ ကိုယ်ဟာ ပူလောင်ရတာတွေ

မကြိုက်လို့ တတ်နိုင်သမျှ ရှောင်ပါတယ်…

အဲ့ဒီအထဲမှာမှ ကိုယ့်ကိုယ်ကို သင်ယူဖြစ်နေတဲ့အရာတွေထဲမှာမှ တစ်ခုက

ရုတ်သိမ်းခြင်း ပါပဲ…

အရင်ကဆို ငါ စေတနာထားရင်ပြီးတာပဲ…

တဖက်က ဘယ်လိုနေနေဆိုတာမျိုးရှိတယ်…

အခုနောက်ပိုင်းတော့ ပြောင်းလဲသွားတယ်

စေတနာထားတယ်….လိုတာထက် ပိုထားတယ်…
ဒါပေမဲ့ ပေးဖို့ မတန်တော့ဘူးလို့ထင်လာရင် ရုတ်သိမ်းလိုက်ပါတယ်…

မေတ္တာထားတယ်… ကိုယ့်အနားရောက်လာသူတွေကို
မေတ္တာတွေ လုံလုံခြုံခြုံပေးဖြစ်တယ်…
ဒါပေမဲ့ ပေးဖို့ မတန်တော့ဘူးလို့ ခံစားလာရရင် ရုတ်သိမ်းလိုက်တယ်…

လေးစားမှုတွေပေးထားတယ်…
မတန်တော့ဘူးလို့ထင်ရင် ရုတ်သိမ်းလိုက်ပါတယ်…

ပေါပေါပဲပဲတွေတစ်ခုမှ မပေးထားတာမို့

မတန်ဘူးလို့ခံစားလာရရင်

ပြန်ရုတ်သိမ်းခြင်းဖြင့် ကိုယ့်တန်ဖိုးကို

ကိုယ်စောင့်ရှောက်ပါတယ်….

ပေးဖို့ မတန်ရင် မပေးပါဘူး

ပေးမိပြီး မတန်ဘူးလို့ ခံစားလာရရင်လည်း

ပြန်ရုတ်သိမ်းပါတယ်….

စျေးမပေါလို့ပါ…

02/03/2025

ဘဝမှာ စိတ်အေးချမ်းချင်ရင် ဒီကိစ္စ (၃)မျိုးကို ရှောင်တဲ့ အဖွားက မှာဖူးတယ်။

(၁) စကားအရှုပ်
ဘယ်သူနဲ့မှ စကားကို ကျွံအောင်မပြောနဲ့၊ တချို့က တစ်စိပ်ကို တစ်အိတ်လုပ်တယ်။ သူများမကောင်းကြောင်းလည်း နားမထောင်နဲ့၊ မလွှဲသာလို့ကြုံလာရင်လည်း ခေါင်းထဲကထုတ် သိမ်းမထားနဲ့၊ ပြန်လည်း စဉ်းစားမနေနဲ့တဲ့။

(၂) လူအရှုပ်
ဘာမှန်းမသိ အတင်းကာရော သူ့ဟာသူလည်း လုံးလည်ချာလည်လိုက်နေသူတွေ၊ ပြဿနာမရှိရင်မနေနိုင်၊ ပြဿနာနဲ့ ကင်းကင်းမနေနိုင်သူတွေနဲ့ မပတ်သက်နဲ့။

(၃) ငွေအရှုပ်
ကိုယ်ကပေးနိုင်ရင် စိတ်ပြတ်ပြတ်နဲ့ပေး။ အကျိုးလိုလို့ ညောင်ရေမသွန်းနဲ့။ ဖက်စပ်အစုအစပ် မလုပ်နဲ့။ လူတွေရဲ့ ခင်မင်မှုမေတ္တာကိုဖျက်ဆီးတာ ငွေတဲ့။

ဒါတွေရှောင်ရင် ဘာရနိုင်လဲဆိုတော့ စိတ်အကြည်ဓာတ်ရပါလိမ့်မယ်။ ပြဿနာနည်းသော လူမှုဝန်းကျင်မှာ ရှင်သန်နိုင်ပါလိမ့်မယ်။

04/02/2025

ကိုယ့်ဘဝမှာ ပြိုင်ဆိုင်ဖို့စိတ်မဝင်စားဘူး။
အဲ့လောက်လဲ မတုံးအဘူး။
ကိုယ်စိတ်ဝင်စားတာ
ခေတ်၊ စနစ်နဲ့ စကေးပဲ။

ဘယ်ခေတ်မှာ
ဘယ်စနစ်ဖြစ်မလဲ။
ကိုယ့်မှာ ဘာစကေးရှိရမလဲ။

အရင်က လူမှုကွန်ယက်ခေတ်မှာ
လူမှုကွန်ယက်စကေး။
App ခေတ်မှာ
App က စီးပွါးရှာစကေး။
အခု အေအိုင်ခေတ်
အေအိုင်အသုံးချစကေး။

ခေါင်းထဲမှာ အရမ်းရှင်းတယ်။

ဘယ်သူ့ဘဝမှလဲ စိတ်မဝင်စားဘူး။
ကိုယ့်ဘဝပဲ ကိုယ်စိတ်ဝင်စားတယ်။

26/12/2024

🔹ကိုယ်ဟာ အလုပ်တစ်ခုခု လုပ်တိုင်းမှာ Plan A , B အမြဲ ထားတတ်တယ် ။

🔹မာယာများပြီး မတည်မြဲတဲ့ လောကကြီးမှာ ဘယ်အရာကိုမှ တစ်ခုထဲ တစ်နေရာထဲ တစ်စုံတစ်ဦးထဲကို မယုံကြည်ရဲတော့လို့ပဲ ။

🔹အကောင်းဆုံးကို ပြင်ဆင်ထားပေမယ့်
အဆိုးဆုံးတွေလဲ လက်ခံနိုင်အောင် ပြင်ဆင်ထားရတယ်။

🔹 အောင်မြင်မှုတစ်ခု အိပ်မက်တစ်ခုရဲ့ အနောက်မှာရူးခါနေအောင်ကြိုးစားခဲ့ရတဲ့အချိန်တွေရှိတယ် ❤️🍀

🔹အပေါ်ယံကြည့်ရင်တော့ ကံကောင်းတယ်ပေါ့။
ကံဆိုတာ အလုပ်ပဲလေနော်။
နာကျင်မှုတွေ မသေချာမှုတွေ သံသယတွေ အဆင်မပြေမှုတွေ ကြား အဆင်မပြေတာတွေကို သည်းခံပြီးအဆင်ပြေခဲ့ရတယ်။

ခက်ခဲလဲ ကြိုးစား
လွယ်ကူလဲကြိုးစား
စိတ်ညစ်လဲကြိုးစား
ပျော်လဲကြိုးစား
ကြိုးစားချင်လဲ ကြိုးစား
မကြိုးစားချငိလဲ ကြိုးစားဖို့က လောက ကြီးက သင်ပေးထားတဲ့ အကောင်းဆုံးသင်ခန်းစာပါပဲ ။

10/12/2024

အနည်းဆုံးတော့ အသက်ရှူချောင်စေတဲ့အသိုင်းအဝိုင်းတစ်ခုမှာ နေထိုင်ခွင့်ရတာဟာ ကျေးဇူးတင်စရာပါ

ကိုယ့်အသိုင်းအဝိုင်းကလူတွေက ကိုယ့်ကိုအမြဲပြောလေ့ရှိတဲ့စကားတစ်ခွန်းရှိတယ်။
“ပျော်ရာကို လုပ် “ဆိုတာပဲ။ ကိုယ်ကတစ်ခုခု လုပ်ရင်ကောင်းမလား လုပ်ရမလားမေးလိုက်ရင်
အဲ့ဒါလုပ်လိုက်ရင် ပျော်မှာလား ၊ ပျော်မယ်ဆို လုပ်
ဝါသနာပါရင်လုပ်သာလုပ် ၊ပျော်မှာသေချာရင် လုပ်လို့ပဲ အမြဲပြောတယ်။

တစ်ခုခုဆို တစ်နေရာရာကိုရောက်နေရင်လည်း
“ပျော်အောင်နေနော် “ပျော်ရွှင်မှုက အဓိကပဲ ဆိုတာကို
မမေ့သွားနဲ့တဲ့။ ကိုယ့်ရဲ့ရှင်သန်မှုကို သူတို့က ဘာနဲ့မှ လာပြီး ဘောင်မခတ်ထားဘူး ။
ဘာမလုပ်ရဘူး ဘယ်မသွားရဘူးတွေ
ဘာမှမတားမြစ်ဘူး

ကိုယ်ကလည်းအဲ့လူတွေစိတ်မပျက်ရလေအောင်အမြဲကြိုးစားနေထိုင်ခဲ့ပါတယ်။ တစ်ခါတလေ ကိုယ် လွဲလွဲချော်ချော်အမှားတွေလုပ်လာတဲ့အခါလည်း
“ကိစ္စမရှိဘူး ဘာမှမဖြစ်ဘူး”
“ဒါမျိုးကဖြစ်တတ်တယ်” “စိတ်ထဲမထားနေနဲ့တော့”
အဲ့စကားတွေနဲ့သာ နွေးနွေးထွေးထွေး နှစ်သိမ့်ပေးတယ်။

သူတို့ရဲ့ချစ်ခြင်းမေတ္တာက ချစ်စရာလေး
မိုးရေထဲမှာ ထိုင်နေရင် ထီးလာဆောင်းပေးတယ်
အဆင်ပြေနေရင် လက်ခုပ်တီးပေးတယ်
အဆင်မပြေရင် ဘာလိုအပ်လဲ မေးတယ် ။

အဝေးတစ်နေရာမှာ ပင်ပန်းနေပြီလို့ ငိုယိုပြီးလှမ်းပြောတုန်းက အကုန်ပစ်ချပြီး ပြန်လာခဲ့တော့လို့ ပြောတဲ့ လူတွေပေါ့။ မပြောပြချင်တဲ့ အကြောင်းအရာတွေကို မမေးတဲ့လူတွေ၊ ကိုယ်ဟာ ဝမ်းနည်းရင် ဘယ်လိုအပြုအမူကို လုပ်လဲဆိုတာသိတဲ့လူတွေ။

ချစ်ခြင်းမေတ္တာတွေနဲ့ကြီးပျင်းလားလို့လားပဲ
ဘဝမှာဘယ်တော့မှလည်း အဲ့လူတွေကိုစိတ်မပျက်စေရဘူးလို့အာမခံတယ်။ ကိုယ်ပျင်းရိပြီး စိတ်ဓါတ်ကျနေတဲ့အချိန်တွေဆိုလည်း ကိုယ်ပြန်ထလာမဲ့အချိန်ကို ယုံယုံကြည်ကြည်နဲ့ စောင့်နေပေးကြတယ်။

ဘယ်လောက်ပဲဝေးတဲ့နေရာကိုရောက်ရောက်
ဘာတွေပဲလုပ်နေနေပါ
ကိုယ်ကိုချစ်တဲ့သူတွေ ကိုယ့်ကိုမှာတဲ့စကားက
“ပျော်ဖို့ကအဓိကပဲ ၊ ပျော်တာကိုပဲလုပ်”တဲ့

ချစ်ခြင်းမေတ္တာတွေအတွက်ကျေးဇူးတင်ရပါတယ် 💛

27/11/2024

ပျော်ချင်ရင် စည်းကမ်းရှိ။
ပါးစပ်စည်းကမ်း၊
လေ့ကျင့်ခန်းစည်းကမ်း၊
စာဖတ်စည်းကမ်း၊
အလုပ်စည်းကမ်း၊
ငွေကြေးစီမံခန့်ခွဲမှုစည်းကမ်း။
ပျော်ချင်ရင် စည်းကမ်းရှိဖို့လိုတယ်။
စည်းကမ်းမရှိရင်
ဘဝမှာ ကိုယ်လိုချင်တဲ့
အိမ်မက်တွေ ပျောက်ကုန်မယ်။

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:30 - 17:00
Saturday	09:00 - 14:00

Travel with Kit

29/07/2025

17/07/2025

04/07/2025

22/06/2025

18/06/2025

14/04/2025

21/03/2025

02/03/2025

04/02/2025

26/12/2024

10/12/2024

27/11/2024

Address

Opening Hours

Telephone

Website

Alerts

Contact The Practice

Shortcuts

Share