Peace of Mind I онлайн сэтгэл зүйн зөвлөгөөний өрөө

17/04/2024

Та сэтгэл зүйн гэмтэл (траума) авсандаа өөрийгөө буруутгадаг уу?

• Эмпати (бусдын сэтгэл хөдлөл, мэдрэмжийг ойлгох чадвар) багатай орчинд байгаа хүмүүс сэтгэл зүйн үл хайхралт, хүчирхийллийг даван туулахын тулд өөрийгөө буруутгадаг
• Өөрийгөө засч залруулах нь цаашид хүчирхийллээс сэргийлж чадна гэдэгт итгэдэг учраас тэд өөрийгөө буруутгадаг.
• Гүн гүнзгийгээр өөрийгөө буруутгах нь өөрийгөө үнэлэх үнэлэмж багатай, харилцаандаа хэт их хариуцлага хүлээхэд хүргэдэг.
• Сэтгэлийн шархаа эдгээх эхлэл нь өөрийгөө буруутгахгүй байхаас эхэлнэ.

20/03/2022

11/03/2022

04/03/2022

Инээмсэглэлийн нууц
Хүн уншиж бичиж сурдагтай адилхан зөв инээмсэглэлд суралцах ёстой гэж эелдэг байдал, инээдийн институтын захирал Есихидо Кадокова хэлжээ. Е.Кадакова өөрийн анхны туршилтаа эмэгтэйчүүдийн даашинзны дэлгүүрт хийж, нүүрэндээ инээмсэглэл илэрхийлсэн худалдагчийн бараа нь нүүрэндээ инээмсэглэл илэрхийлж чадаагүй худалдагчаас 30% илүү зарагдаж байгааг тогтоожээ. Тэр үед тэрээр эерэг эелдэг байна гэдэг нь мэргэжил гэдгийг ойлгосон байна. Тэрээр өөрийн оюутнууддаа зөв инээмсэглэх дадлага хийхийг зөвлөн, хүн нилээн бухимдаж уурлахад 30 булчин чангардаг бол, харин ялдам инээмсэглэхэд түүнээc ч бага булчинд ачаалал ирдэг болохыг тогтоожээ. Америкийн социологчдын баталснаар эмэгтэйчүүдийн 60% нь зөв инээж чаддаггүй гэж үзжээ. Үүнтэй холбоотой Нью-Йорк хотод 200$ төлбөртэй зөв, сэтгэл татам инээх чадварт сургах институт нээгджээ
Эх сурвалж: Дэлгэрмаа Д. (2021). Ялгаварт сэтгэл судлал.

01/03/2022

24/02/2022

19/02/2022

25/01/2022

Уйтгар гуниг, гашуудал нь хүний амьдралд тохиолдох хэвийн бөгөөд түр зуурын хариу үйлдэл юм.
Харин сэтгэл гутрал гэдэг нь ердийн уйтгар гуниг, өдөр тутамд тохиолддог зовлон бэрхшээлээс илүү түвэгтэй сэтгэлийн байдлыг хэлнэ.
#сэтгэлзүйнзөвлөмж
#онлайнзөвлөгөө
#Сэтгэлзүйнболовсрол

25/01/2022

25/01/2022

Эдгээр хүүхдүүд айлын ганц хүүхдээс ч илүү бусдын анхаарал, халамж дор өсдөг. Тэд хэзээ ч энэ байр сууринаасаа буудаггүй цорын ганц хүүхэд юм.

Зарим тохиолдолд айлын бага хүүхэд дорд байдлын мэдрэмжтэй байдаг нь ах, эгч болон гэр бүлийн бусад гишүүд түүнд агуу мэт санагддагтай нь холбоотой.

Бага хүүхдүүд ер бусын, өвөрмөц, мөн дутуугийн гэсэн мэдрэмжүүдийг мэдэрч, өөрөөс нь ах хүмүүс түүнээс илүү мэт мэдрэгддэг.

#сэтгэлзүйнболовсрол
#онлайнзөвлөгөө
#төрөлтийнэрэмбэ
#багахүүхэд

25/01/2022

Гурав дахь хүүхэд төрөх үед хоёр дахь хүүхэд дунд хүүхэд болж, анхаарлаас бүрэн гарсан мэт сэтгэгдэлтэй үлдэх тохиолдол бий.

Юу ч хийхгүй атлаа эцэг эхийн анхаарлыг бүрэн татах бага дүү болон үргэлж гэр бүлийн төв болсон том ах, эгч нартаа дургүйцэн тэднийг өөрийнх нь эсрэг зогсох нэг тал гэж харж эхэлнэ. Ингэснээр бүгд түүний эсрэг буй мэт сэтгэл мэдрэмж тээнэ.

Энэ төрөлтийн эрэмбэ нь дунд хүүхдийг ганцаараа зүтгэгч, өөрийгөө өрөвдөгч, хамгаалагч нэгэн болгоно. Хэрэв эцэг эх энэ хүүхдэд анхаарлыг жигд хүргэж, итгэлийн суурийг нь хангалттай тавьж өгөхгүй бол тэрээр үргэлж бусдыг сэжиглэсэн, шүүмжлэлд мэдрэмтгий, түргэн ууртай, асуудалд өртөмтгий нэгэн болно.

#Сэтгэлзүйнболовсрол
#сэтгэлзүйнзөвлөгөө
#онлайнзөвлөгөө

25/01/2022

Айлын том хүүхэд эцэг эхийн хайр халамжийг ганцаараа эдлэх үе тохиож байсан бол хоёр дахь хүүхэд анхаарлыг анхнаасаа ах, эгчтэйгээ хуваалцах болдог. Энэ утгаараа ах, эгч нь тэдний өрсөлдөгч эсвэл баатар байдаг ажээ. Тэрээр хэзээ ч дуусахгүй, мөнхийн мэт өрсөлдөөн дунд амьдрах аж.

Байнгын өрсөлдөөн буюу эцэг эхийнхээ хайрыг амжилтаараа татахыг хичээх хүсэл нь хоёр дахь хүүхдийг амжилтад хүрэхэд түлхэц болно. Чухамдаа хоёр дахь хүүхдийн амьдралд ах эгчийн нөлөө эцэг эхээс нь дутахааргүй хүчтэй.

Зарим тохиолдолд дүүтэй болсныхоо дараа айлын том хүүхэд би л хамгийн тэргүүн, мундаг нь байх хэрэгтэй гэх тэмүүллээр урагшилж, амжилтад хүрдэг бол дүү нь ах эгчийнхээ далбаан дор амьдарч, өөрийгөө өрсөлдөж чадахгүй чадахгүй хэмээн бууж өгөх амьдралын хэв маягтай болох эрсдэлтэй.

Айлын хоёр хүүхэд хоорондоо өөр байдаг нь тэдний дунд үүссэн өрсөлдөөнтэй холбоотой аж.


#онлайнзөвлөгөө
#Сэтгэлзүйнболовсрол
#сэтгэлзүйнзөвлөгөө