23/03/2025
✅️УРИАЛГА✅️
Би эмч хүн, миний ээж эмч, миний хүүхдүүд бас эмч нар. БИД ЭМЧ БОЛСОНДОО ХАМАРСМААРГҮЙ байна.
Хүний амь аврах донорын асуудлыг хэн нэгэн хүн эсвэл ямар нэгэн алба ганцаараа гүйцэлдүүлэх БОЛОМЖГҮЙ, тиймээс энэ асуудлыг аливаа улс оронд шууд төрийн зохицуулалтын дор, маш сайн боловсруулсан хуулиар хэрэгжүүлдэг юм байна. Төр засаг яаралтай хуулиа дахин ШИНЭЧЛЭН найруулна гэдэгт итгэж байна.
❗️Харин шаагилдаад шуугилдаад байгаа бид юу хийж ЧАДАХ вэ? Монгол улсад 1 жилд осол аваар, тархины харвалт, зүрхний шигдээс зэргээс 4000 орчим хүн нас бардаг гэж эмч нарын мэдээллээс сонслоо. Энэ манай улсын цөөхөн хүн амд маш их тоо.
Өндөр хөгжилтэй улс оронд донор болж байгаа тохиолдлын 90% нь кадавр донор буюу дээрх тохиолдлоос гардаг бол монголд 90% нь амьд донор буюу гэр бүл ах дүү хамаатан садангийн туслалцаан дор явдаг бна. ДЭМБайгууллага бидэнд юу ЗӨВЛӨДӨГ вэ? Кадавр донороос авч байхыг дахин дахин сануулдаг. ГЭВЧ...
Өнөөдөр бид нэг нэгнээ шүүмжилж суухын оронд яагаад өөрсдөө донорт бүртгүүлж болохгүй гэж? Бидэнд хэн нэгэнд амь бэлэглэх буянт үйл хийх боломж байна. Ингээд миний бие хэрхэн донорын жагсаалтанд БҮРТГҮҮЛСНЭЭ хүргэе.
✅️Та e-mongolia руугаа ороод 1 минут зарцуулахад болно. Гэхдээ та цусны бүлэг болон резус фактораа мэдэж байх хэрэгтэй ингэхийн тулд та хамгийн ойр лабораторт очоод (хувийн лабораторт бол 5.000-10.000 үнэтэй байдаг юм бна) хурууны өндөгний ганц дусал цус өгөхөд хангалттай.
✅️ За ингээд e-mongolia руу ороод бүртгүүлсэн скриншотоо оруулая.
#уриалга
Нийгэмд муу муухай юм их байдаг ч, сайн зүйл сайхан хүмүүс түүнээсээ илүү их байдагт миний бие бат итгэдэг!
ЗӨВ ЗҮЙЛИЙГ УРИАЛАН ДУУДАЯ, САЙН САЙХАН РУУ ХАМТДАА АЛХАЯ!
