https://www.facebook.com/1928177837429484/

YOGA MED, Ulaanbaatar (2025)

11/11/2025

Би бээр
Хүний зовлонг харж баясаж, дөрөөлж босохгүй
Хүүхдийн ирээдүйг харааж баллахгүй, хясаж хавчихгүй,
Амьтсын зулзагыг айлгаж элдэхгүй
Айлын үрсийг алаглаж ялгахгүй

Саадыг харж тайллыг бичдэг
Зовлонг таньж анхааруулж хэлдэг
Өөрөө мэдэхгүй зүйлсээ
Өрөөлд цэцэрхдэггүй

Өнөөдрийг хамгийн сайнаараа хичээж зурдаг
Маргаашийг хамгийн сайхнаараа ерөөж дууддаг
Амны билиг ашдын бэлэгт сүслэдэг
Аав ээж, нутаг усаа дээдлэн талархдаг

Өдөрт хүний муутай таарвал
Өөрөөсөө эрчим тасалж өгдөг
Шөнөд зүүдний муутай учирвал
Өөрөө бясалгаж учгийг тайлдаг

Өгсөндөө харамсдаггүй
Авсандаа талархдаг
Өгөхөө мэдэрдэг тул
Өр төлбөртөө шаналдаггүй

Мөнгөний төлөө үхэн хатан гүйдэггүй ч
Мөрөөрөө бас зүгээр суухгүй
Мэддэг чаддаг эрдмээ ашиглан
Мэддэггүй чаддаггүйд нь ажлын байр бэлддэг

Хүсэл мөрөөдлөө уландаа гишгэлгүй зүрхэндээ хадгалдаг
Зорилго тэмүүллээ зовлон болгочихгүй жаргаж төлөвлөдөг

Төлөвлөгөөгөө бусдын хөдөлмөрийг шулж гүйцээдэггүй үнэлж хэрэгжүүлдэг
Хэрэгжүүлснээ ганц биений тусад бус
Олны амжиргаа, амар амгаланд зарцуулдаг

Олз хайж орлого нэхэж амьдраагүй ээ
Олсноо нууж, өгснөө зарлаж бас амьдраагүй
Биежүүлсэн болгон маань бусдын дэм гэдгээ мэднэ
Хураасан бүгд маань хувь зохиол гэдгийг мэдэрнэ

Надад дургүй хүмүүн байх аваас
Түүнд би дургүйцдэггүй
Үйлийн үр ургасан байж болох
Учиргүй юм гэж нэгээхэн ч үгүй

Учирсан л бол учиг бий
Учиг тайлах гогцоо нь бий
Тайлж олох ухаан нь байвал
Төвөг цаашид үгүй болно

Үг үйлдэл зөрдөг орчлонд
Ухаараг хэмээн Тэнгэр Газар заяасан мэт
Өширхөл дайсагнал буцалдаг ертөнцөд
Байх л зүйл гэж Гал Ус заяасан мэт

Харах өнцөгт минь эерэг бас сөрөг бий
Гагцхүү би хүссэнээ хардаг
Явах зам минь гэрэлтэй бас сүүдэртэй
Алинг сонгохоо шийдэх эрх нь надад бий

Шантрах, шаналах үе байна
Тэмцэж давдаг, сөгдөж толгой гудайдаггүй
Өвдөж зовох үе ч бас байна
Эдгээх даалгавар ирлээ л гэж хүлээн авдаг

Би бээр
Тэнгэрийн нэрийг барьж өргөл барьц цуглуулахгүй
Тэнгэрт бга эцгийнхээ нэрийг сэвтээж дуудуулахгүй
Тамын нэрийг дурдаж бусдын айдсыг сэрээхгүй
Тансаг эдэнд шунаж алд биеэ зовоохгүй

Алдаа минь мэдлэг болж үлддэг
Амжилт маань талархал болж тараагддаг
Өөрийгөө гээлгүй, хүнээ байлгүй
Бусдын замыг засч, ашдын заяагаа гийгүүлнэ гэж санаж сэрж явдаг даа.

YOGA MED

11/11/2025

Өглөөний мэнд, баяр хүргэе та бидэнд ЭНЭ ӨДРИЙГ шагналд илгээжээ, өглөө бүр амьд бгадаа талархан, өдөр болуут ажилтай байгаадаа баясан, оройг хорвоод төрүүлж амьдрал үзүүлсэн эцэг эхдээ наминчлан, шөнийн нойрыг маргаашийн нар луу аялах өөртөө бэлэглээрэй.

06/11/2025

Бид уг нь хязгааргүй боломж дунд амьдардаг. Гэтэл Зовлонтой багагүй учирна. Тэдгээр зовлонгоо бид өөрсдөө л дуудсан байдаг.

Зовлон бол бидний шунал тээсэн зорилго, биеийн амрыг харсан залхуурал, мэдлэггүйгээ мэддэггүй байдал дээр дөрөөлж үүсээд үсэрхийлж, үржиж байдаг сөрөг энергийн бөөгнөрөл юм. Энэ нь бөөгнөрч овоорсоор буглаж зангилаа үүсгэвэл өвчин болно.

Зовлонгийн үрийг бид өөрсдөө л суулгасан байдаг. Тэр үрийг үндсээр нь сугалж дахин үржүүлэхгүй байх боломж зөвхөн бидний гарт байсаар байсан. Байсаар ч байх болно. Үүний тулд бяцхан шуналт зорилгоо хаях хэрэгтэй. Хувиа хичээсэн биеэ оторлосон зангаасаа салах хэрэгтэй. Мэдэхгүй байж мэдэмхийрч зөрүүдэлдэгээ больчих хэрэгтэй. Ингэвээс зовлон өөрөө таныг тойрч сүүлдээ бүр таныг танихаа ч больно. Ингээд л амар амгалан тантай нөхөрлөж эхлэнэ.

Үүний тулд аль болох учирлаж, тунгааж, өнгөрүүлж, бууж өгч, хаяж сурах нь чухал.

Нэгэн жишээ дурдъя. Шуналаа хүсэл хэмээн хаацайлагч нэгэн шинэ загварын гар утас нэлээд өндөр үнээр зээл тавьж авчээ. Тэр хүнд тэр үнэтэй утасны хэрэгцээ шаардлага юу байв?

Түүнд зүгээр л бусдаас илүү харагдах гсн бяцхан шунал байсан бн. Түүнээс биш тэр утас нь амин чухал хэрэгцээ, амжиргаа залгуулах хэрэгсэл биш байв.

Түүний олон шуналын үйлийн үр хуримтлагдсаар хүнд өвчин ирэхийн цаг тулсанд сайн өвөг дээдсийнхээ буянаар золиг гаргаад хүнд өвчнөөс хэлтрүүлэхэд шунал тээсэн дэнчинг өргөж, үйлийн үрийг нь бусадтай хуваалцуулах тохироо хийжээ.

Хэн нь хүний зовлонг хуваалцахыг хүсэх билээ. Өмнөх насны өглөгийн үйлээр нэгэн хулгайч утсыг авч одож тэрхүү зовлонг хуваалцав. Ингээд хүндээр ирэх өвчин хөнгөн тусаад өнгөрөв. Гэтэл утсаа алдсан нөхөр алдсандаа харуусал дуудаж, зээлийн өртэй үлдсэндээ шаналал дуудав. Өвчин хөнгөн туссандаа үл баярлав. Өвөг дээдсээ дурссан ч үгүй, мэдэрсэн ч үгүй. Гагцхүү дахин шинэ утастай болохыг хүсэв.

Дахин өмнөхтэйгөө мөн ижлээр зээлээр авч зовлонгийн үр нэгийг суулгав. Зовлонгийн үр нь амьдралд нь дутуу гачууг нэмж дуудав. 1 биш 2 зээлтэй, өртэй болов. Дахиад шинэ загвар гарсан ч яаж ийж байгаад л авна гсн шунал нь түүний дотор оршсоор л... Энэ тоолонд өвөг дээдсийн сайн үйлээр оршсон буян барагдах нь жам. Зовлонгийн үр торнисоор улам их өр төлбөрийг дуудна. Өр тавиад л иднэ ууна, өмсөнө зүүнэ. Сайхан машин зээлээр ч хамахгүй авч унаж онгирмоор санагдана. Нэг л мэдэхэд тарьсан үрийнхээ ачаар өрийн боол болсон бн.

Эсрэг нэгэн жишээ:
Олон хүүхэдтэй айлын том хүүтэй ярилцаж бсан тэмдэглэлээс оруулав. Ар гэр нь мөнгөний боломж тааруугаас болоод сургуульд сурч чадсангүй. Гсн ч тэр гэр бүлдээ гомдож шаналал дуудсангүй, сайхан дүү нартай болгож өгсөн ижий аавдаа талархан тэдэндээ дэм болохоор шийдэж, дүү нараа өөр шигээ сурах боломжгүй байдалд оруулахгүй гэж зорин ажил хийв. Мэргэжил боловсролгүй, бага залуу учир ажил олоход бэрх байсан ч нэгэн мужаан цехэд туслах ажилтнаар оров. Цалин тааруу ч тэр голсонгүй. Би эндээс мөнгөнийхөө оронд зөндөө юм сурч байгаа гэж баясна. Аав ээжээсээ автобусны мөнгө авах биш өгч байгаадаа баясна. Ийн ажлаа солилгүй явсаар үйлдвэрт хийж болох бүхий л ажлыг гололгүй, шантралгүй хийсээр аль хэдийн нарийн мэргэжлийн мужаан болсон байв. 12 жилийн дараа 30 насныхаа босгон дээр өөрийн нэрийн тавилгын үйлдвэрээ нээснээр одоо тэр өндөр орлоготой захирал болсон бн. Тэрээр ярихдаа би захирал болохоосоо өмнө бага цалинтай ажилчин байхдаа бүх дүү нараа төлбөрийг нь төлж их сургуульд сургаж төгсгөсөн. Аав ээж 2 маань цалин тэтгэврээ өөрсөддөө болон гэр бүлийнхээ хоолонд л зориулдаг байлаа. Манай аав ээж нэг их шуналгүй хүмүүс болохоор өр зээл тавьж утас ч авж үзээгүй ээ. Нокиагаа барьсаар байсныг би нэг үнэтэй биш ухаалаг утас авч өгч сольсон байдаг юм. Одоо хэр нь тэрийгээ хүзүүнээсээ зүүсээр л яваа гэж инээмсэглэн ярих нь цаанаа нэг амар амгалан.

- Дүү нар нь ахдаа талархаж явдаг байх, одоо тэд юу хийцгээдэг вэ? Гэхэд:

- "1 дүү маань нягтлан болсон. Манай үйлдвэрийн санхүүг оюутан байхаасаа л хөтөлсөн юм. Нэг нь гадаадад гарсан. Тэндээ хар борог, янз бүрийн л ажил хийж үзэж бга гсн. Би тэрнийг нь миний дүү гадаадад мэргэжил дээшлүүлж байгаа гэж боддог. Барлаг хийж бн гэж ер боддоггүй. Бага нь ТМС төгсөөд одоо өөрөө засварын газарт ажиллаж бга. Мундаг техникийн инженер гарах байх гэж итгэдэг. Би өөрөө дахиж сурахыг бодоогүй ээ. Анхнаасаа сураагүй болохоор ер нь суръя гэж боддоггүй. Харин сургуульд сурсан мундаг толгойтой нөхдүүдээ авч ажиллуулна л гэж бодож байгаа" гээд цайлганаар инээмсэглэсэн юм.

Ямар ч ҮР торних нь тодорхой тул сайн үр л торниулаарай, нөхөд минь🙏

YOGA MED

06/11/2025

Хэв авдаггүй шингэн хэт шулуун, нарийн ширхэгтэй үстэй. 10 сар уйгагүй арчлаад, өтгөн бүдүүн ширхэгтэй болгоод авлаа. Болдог л юм байна. Гол нь цаашдаа ч бас өтгөрнө, ургана… рекламны шампунь тос зэрэгт бүү итгэ 👌
Маш их судалсны эцэст дараах 3 тосны холимог үсийг өтгөрүүлж, шинэ үс ургуулдаг үйлчилгээтэй болохыг мэдээд өөрөө захиалж аваад хэрэглэсэн байгаа шүү.

1. Batana oil, Rosemary oil, Castor oil - чанартай органик байх хэрэгтэй. /Castor oil 50ml, Batana oil - 25ml, Rosemary oil 20 дусал орчим/ Хооронд нь холиод 7 хоногт 1-2 удаа түрхээд халуун малгай өмсөөд 30-40 минут. Малгай Байхгүй бол 1-2 цаг эсвэл хонуулаад угааэ болно.

2. Batana oil -оо 3-4 дусал, rosemary oil-оо 1-2 дуслыг гарын өндгөн дээр авч өдөр тутамдаа хуйхандаа болон үсний үзүүртээ түрхэнэ. Тослогтохгүй шингээд, үс цахилгаанжихгүй гоё болдог байгаа.
Үсний үзүүр гялалзаж өнгө нь сэргэнэ бас өтгөрнө.

3. Дотроосоо Food grade deatomaceous earth усанд найруулж уусан. Ер нь бол цахиур л гэсэн үг. Food grade deatomaceous earth -н талаар мэдээлэл хайвал маш их мэдээлэл байгаа. Бүдүүн Гэдэс цэвэрлэнэ, хоргүйжүүлж детокс хийнэ, үс хумс арьсанд бест.

Дээрх бүгдийг өөрөө Америкаас захиалж авсан.
Захиалга авахгүй ээ бас зараагүй ээ.
Үнэхээр үр дүнтэй байсан учраас хуваалцлаа. Би чинь бүр налмайсан шингэн хугарамтгай, хуурай, нарийн ширхэгтэй үстэй байсан. Сайн харвал зарим үс бүр тод хар бүдүүн болсон байсан. Үсний өөрийн төрөлх өнгө бас сэргэдэг юм байна лээ шүү. 1-3 жил хэрэглээд бүүр өтгөн хар үстэй болвол бас пост оруулна аа☺️
Хэд хоногоос тосоо найруулж байгаа reel бичлэг оруулахыг бодъё оо.

05/11/2025

Өглөөний мэнд. Азтай, хүчтэй залуус аа. Хорвоо таныг цэнгэг агаараар дайлж байна. Нар танд энерги бэлэглэхээр ирж байна. Амьдрал танд аль хэдийн хүч өгсөн байна💏

05/11/2025

Баруун тархины дасгал нь хүн бүрийн дотоод чадварыг хөгжүүлэх, сэтгэл зүйн чадамжийг сайжруулах, зорилгодоо хүрэхэд туслах зорилготой. Энэ дасгал нь сэтгэл зүйг бясалгалтай холбосон бөгөөд бусад төрлийн ур чадвар, оюун ухаан, сайн сайхан амьдралыг бий болгоход тусална.

1-р хичээл: Нүдээ аниад 100-1 хүртэл удаанаар 3удаа тоол.

Сайхан зүүд зүүдлээрэй.

04/11/2025

УНШИХ БҮРТЭЭ ТА УЛАМ ГЭРЭЛТЭХ БОЛНО
~ “ #Багш аа, би маш олон ном уншсан... Гэхдээ тэднийхээ ихэнхийг мартчихсан байна. Тэгэхээр унших шаардлага байна уу?” хэмээн нэгэн сониуч шавь асуужээ.

#Багш нь дуугарсангүй. Зүгээр л нам гүмхэн түүн рүү харан инээмсэглэн суулаа.

#Хэд хоногийн дараа тэд голын хөвөөнд хамт сууж байхдаа гэнэт өвгөн багш:
~ “Би цангаж байна. Тэнд байгаа хуучин шүүлтүүрээр жаахан ус авчраач” хэмээжээ.

#Шавь нь гайхсан харцаар багшийгаа ширтэв.
“Нүх сүв дүүрэн тэр шүүлтүүрт ус тогтоно гэж үү? Яавч боломжгүй зүйл шүү дээ...” гэж бодсон ч маргалдсангүй.

#Тэр шүүлтүүрийг авч, ус хутгах гэж оролдов.
Нэг удаа... хоёр удаа... дахин дахин...
Энд тэнд, өөр өөр газраас ус хутгах гэж хичээж, бүр нүхнүүдийг хуруугаараа таглахыг ч оролдов. Гэвч юу ч болсонгүй, ганц ч дуслыг авч чадсангүй.

#Эцэст нь ядарч сульдан, бухимдан шүүлтүүрийг багшийн хөлд тавив.
~ “Уучлаарай, би чадсангүй. Энэ чинь бүтэхгүй юм байна" гэж ундууцан хэлэв.

#Багш нь намуухан инээмсэглээд:
~ “Чи бүтэлгүйтээгүй ээ. Хар даа, тэр шүүлтүүрийг... “ гэв.

#Шавь доош харвал хуучин, тоостой, харласан шүүлтүүр нь гялалзтал цэвэрхэн болсон байлаа. Ус тогтож үлдсэнгүй, гэхдээ дахин дахин хутгаснаар шүүлтүүрийг угааж, гялтгануулжээ.

#Багш нь зөөлөн дуугаар хэлэв:
~ “Ном унших гэдэг ийм л зүйл. Уншсан бүхнээ санах албагүй. Мэдлэг чинь ус шиг урсаж оддог мэт санагдавч, тэр хооронд оюун санаа чинь сэргэж байдаг. Сэтгэл чинь ариусдаг, бодол чинь сэлбэгддэг. Тэр ус шиг үгс дотроос чинь шинэ амьсгал төрүүлдэг.
Чи анзаарахгүй байж болох ч, унших зуурт чи өөрөө дотроосоо өөрчлөгдөж байдаг юм”

#Ном уншихын жинхэнэ утга нь мэдлэгээр дүүрэхэд бус, харин сэтгэлээ угааж, оюунаа ариусгахад оршдог билээ.

03/11/2025

Таны эерэг бодол бүрд таны буяны саванд мянган төгрөг нэмэгддэг. Сөрөг бодол бүрт мянган төгрөг хасагддаг гвл та өрөнд орохоор бна уу? Саятан болохоор бна уу?

03/11/2025

Тураах бэлдмэл ууж үзсэн, үр дүнг нь гадарладаг, дахиад ууж үзмээр байгаа хүн байна уу? Ус уухгүй явсаар бгаад бараг тэмээний бөх шиг дагтаршсан шар өөхтэй болсон бол бүүүүүүр сайн бн😉

Би ер нь үр дүнг нь үзээгүй зүйлсээ бусдад хэлдэггүй. Сонссон байлаа ч биеэр туршаагүй бол сонирхуулж ярьдаг ч үгүй. Гэтэл сүүлийн үед зав ихдээд бгаадаа ч тэр үү, шар арвидаад байгаадаа ч тэр үү ТУРААХ БҮТЭЭГДЭХҮҮНИЙГ яг тураадаг юм болов уу үгүй юм болов уу гэсэн адын бодол төрөөд болдоггүй😈

Ямартаа ч нэг бүтээгдэхүүн сонгож авлаа. 195.000 гэнээ. Чухам эрүүлээр, хоол сойхгүй, бохирдол цэвэрлэх замаар тураана гэнээ.
Өөр дээрээ турших гэсэн олигтой өөх байдаггүй ээ. Ухвал ч ганц хоёр килограмм өөх гарах л байх😜 Ер нь бол тураад байх нэг их илүүдээ гарсан юм байхгүй😇 Иогийн ач буян. Ганц, хоёрхон кг-ыг бол 3өдөр дасгал хийгээд л хаячихна л даа.

Гэхдээ энэ бэлдмэлийг ууж туршиж үзмээр байна. 60ш-тэй юм бн. Надад 10ш л хангалттай гэж бодож бн. Илүүг нь зүгээр авч уугаад үр дүнгээ хэлэх илүүдэл өөхөө үнэгүй хэрэглүүлэх хүн бна уу???

ЧАТт ХҮЛЭЭЖ авахгүй.

03/11/2025

СЭТГЭЛ татам ӨӨРИЙГӨӨ олоорой:
Өөртөө итгэлтэй бардам байдал нь байгалиас бүх хүнд заяасан сэтгэл татам чанар юм. Гсн ч, амьдралын нөхцөлт харилцаануудаас болоод бардам байдал өөртөө итгэх итгэлээ ихэнх хүмүүс сарниулсан бдг.

Хамгийн гоё нь эдгээр алдсан итгэлээ хэн нэгнээс олж авч болдог. Магад та ч тэр хүн нь байж болно. Үүний тулд та өөрөө өөртөө итгэлтэй байж бусдад үлгэрлээд үз. Энэ үед таны 6 болон 4р хүрд идэвхжинэ. 6р хүрд идэвхжсэнээр таны эргэлзээ арилж таны 5-р хүрдийг нээнэ. 5р хүрд бол амжилтын хүрд шүү дээ. Харин 4-р хүрд идэвхжвэл 3-р хүрдийг татна. Энэ нь мөнгөний хүрд. Ингээд л таны суурь хүрд хэвэндээ орж амьдрал тэгширнэ.

Та заавал баян байх албагүй, өндөр боловсролтой ч байх албагүй зүгээр л хүүхэд насны төрөлх зангаа л сэргээхэд болно. Хүүхдийн зан ямар ч тохиолдолд хүмүүсийн хайрыг татдаг.

YOGA MED

02/11/2025

Өөртөө хүсч буй хамгийн сайхан ерөөлөө та бүхэндээ өргөе🙏🙏🙏

Бусдыг энэрэх сэтгэл дүүрэн байг
Бусдыг зовоох зовлон бүү болог
Бусдад өгөх сэтгэл дүүрэн байг
Бусдад тээр болох садаа бүү байг
Буян нь арвин цуглаг
Бузар нь бага байг
Ханийн тэнгэртэй
Харсан тэнгэрүүдтэй
Элэг бүтэн,
Эрүүл энх
Элбэг дүүрэн жаргаланг дуудъя.

3:46

YOGA MED

02/11/2025

Цэцэрлэгт 5 нас хүртлээ ээжийгээ дагаад явж л байвал боллоо гэж боддог байсан санагдаж бн.

Бага ангид 6-10нас хүртлээ гадаа тоглож л байвал сайхан гэж боддог байж.

Дунд ангид 11-15 нас хүртлээ онц л авч байвал болоод байгаам шиг санагддаг байв.

Ахлах ангид 16-18 хүртлээ Их сургуульд ороод эндээс явчих л юм бол болчих юм шиг байв.

Оюутан байхад 19-22 насанд сургуулиа төгсчих л юм бол жаргах гээд бга юм шиг бодогддог байж.

22-26 насанд ажил хийгээд амьдрал үзээд ирүүтээ хүнтэй суух л дутуу юм бн гэж их л том бодно.

27-30 насанд хүнтэй суугаад амьдраад үзүүтээ үе үе салчих л юм бол сайхан болчих гээд байгаагаа мэдэрнэ. Залхана. Зарим нь сална.

30-35 насанд цалин хүрэлцэхгүй мэт санагдаж хувиараа бизнес эрхлээд үзмээр санагдана.

36-40 насанд хөрөнгө мөнгө ахиухан хураагаад өтөл насандаа жаргана гэж бодно.

40-45 насанд өргүй л бол баян гэдгийг ухаарч эхлэнэ.

45-50 насанд өвчингүй бол жаргал гэдгийг яс махандаа тултал ойлгоно.

50+ насанд сиймхий ч гсн гэртэй, сэгсгэр, халзан ч хамаагүй ханьтай байхыг хүснэ.

60+ насанд аав ээжийгээ улам их ойлгон, дурсан, хайрлана. Сайхан дурсамжаараа хооллон жаргал гэдгийг танина. Ялгана, салгана.

Ихэнх хүмүүс хамаг залуу, эрч хүчтэй насан дээрээ ээж аавыгаа, эгч дүүсээ хойш тавиад ингэчих л юм бол гоё тэгчих л юм бол сайхан гэж бодсоор бодолдоо живдэг. Бодлынхаа араас гүйсээр цаг хугацааг аньдаг. Энэ нь эндүүрэл байдаг гэдгийг ертөнцийн хамгийн залуу 25дахь элемэнт болох цаг хугацаа хэлж өгч ах эгч нарын дурсамж ярианаас баталгааждаг.

Ингээд бодохоор эцсийн бүлэгт үнэтэй байранд амьдарч, үнэтэй машин унаснаас илүү хайртай хүмүүстэйгээ хэрэгтэй үед нь дэргэд нь байсан үеүүд минь бахархалтай, жаргалтай дурсамж өгдөг юм бн. Хүн ерөөсөө л сэтгэлийн амьтан, мөнгөний амьтан биш.

YOGA MED

YOGA MED

11/11/2025

11/11/2025

06/11/2025

06/11/2025

05/11/2025

05/11/2025

04/11/2025

03/11/2025

03/11/2025

03/11/2025

02/11/2025

02/11/2025

Address

Website

Alerts

Shortcuts

Share

АЗ ЖАРГАЛЫН ҮРИЙГ ИОГ ТАРИНА