Аз Тэса/Az Tesa төв

05/02/2026

Энэхүү дуу нь хар тамхи, мансууруулах бодисноос урьдчилан сэргийлж нийгэмийн хариуцлагын хүрээнд нэгдэж эрүүл байя, зөв байя, cool байя гэсэн үүднээс HIP HOP уран бүтээлчид зүрх сэтгэл нэгтэйгээр хамтарч хийсэн болно.

Enjoy the videos and music you love, upload original content, and share it all with friends, family, and the world on YouTube.

03/02/2026

Донтогч хүнийг хайрладаг, аврахыг хүсдэг хүмүүст хэлэх үнэн үг:

Донтолтын өвчин зөвхөн донтогч хүнийг л сүйтгэдэггүй —мөн тэднийг хайрладаг хүмүүсийг аажмаар шавхаж, сүйрүүлдэг.

1. Хэн ч түүнийг аварч чадахгүй.
Хэчнээн их хайр, тэвчээр, золиос гаргасан ч өөрөө аврагдахыг хүсэхгүй хүнийг чи аварч чадахгүй.

2. Тэр донтолтоо үргэлж нэгдүгээрт тавина.
Тэр чамд хэчнээн хайртай байсан ч бодис, зан үйл нь үргэлж илүү хүчтэй барьцтай байдаг.

3. Тэдний худал үг, биелүүлээгүй амлалт бол энэ өвчний мөчлөгийн л зөвхөн нэг хэсэг. Хэрэв үгээрээ донтолтыг эдгээдэг байсан бол тэр аль хэдийн өөрчлөгдөх байсан. Үг биш — үйлдэл л түүний өвчнийг бодитоор харуулдаг.

4. Түүнийг болиулахын тулд чи хэзээ ч "хангалттай” байж чадахгүй. Хайр донтолтыг эдгээдэггүй. Хэрэв тийм байсан бол тэр аль хэдийн болих байсан.

5. Түүний “ёроол” чиний дааж чадахаас ч доогуур байж магадгүй шүү. "Үүнээс дор ёроол гэж байхгүй" гэж боддог ч донтолтод хязгаар гэж байдаггүй. Тэгэхээр чи түүнтэй хамт хэр доош унахад бэлэн бэ гэдгээ өөрөөсөө асуугаарай!

6. Хийсэн үйлдлийнх нь үр дагавар донтолтоо зогсоохоос илүү өвдөлттэй болох үед л гагцхүү өөрчлөгдөнө. Хэн нэгэн байнга араас нь үйл лайг нь цэвэрлэж, асуудлыг нь өмнөөс нь шийдээд байвал түүнд зогсох шалтгаан байхгүй.

7. Чи түүнийг аврах гэж оролдох явцдаа харин өөрийгөө алдаж болно. Чиний аз жаргал, эрүүл мэнд, сэтгэлийн тэнцвэртэй байдал түүнээс түрүүлж нуран унаж магадгүй.

8. Гэмшил чамайг хавханд оруулна. "Хэрэв би хаяад явбал тэр улам дордвол яах вэ?” гэж ихэнхдээ боддог ч, харин үлдсэнээрээ чиний болон бусдын амьдрал ч улам дордохгүй гэж үү?

9. Өөрчлөгдөхгүй хүнийг хаях нь хайргүй гэсэн үг биш. Өөрийгөө хайрлаж, хэн нэгний донтолтын тамын тогоонд хамтдаа унахгүй гэсэн үг. Донтсон хүнийг хайрлана гэдэг аймшгийн зовлон. Харин тэр явцдаа өөрийгөө бүрэн алдах юм бол чиний хувьд жинхэнэ эмгэнэл болно.

Julianna Young

01/02/2026

Уур хилэнгийн талаар дахин пост оруулъя.
Уурын талаарх зарим чухал зөвлөмж

Олон хүн уурыг ухралт, өөрийгөө зохицуулж чадахгүй байдал, эсвэл бүрмөсөн арилгах ёстой зүйл мэтээр ойлгож ирсэн.

Гэтэл ихэнх тохиолдолд уур гэдэг нь бие аль хэдийн мэдэрч байсан зүйлийг ухамсар эцэст нь гүйцэж ирсний илрэл байдаг.

Амьд үлдэх горим үнэнтэй нүүр тулах мөчид уур гарч ирдэг бөгөөд мэдрэлийн систем ухаардаг (Жишээ нь):
- энэ зөв байгаагүй,
- би илүүг хүртэх ёстой байсан,
- аюултай орчинд дасан зохицохоос өөр аргагүй байсан гм.

Ийнхүү ил гарч ирсэнээр уурыг аюултай болгодоггүй, харин тодруулдаг. “Сонголтууд гэдэг нь үнэндээ далдлагдсан дасан зохицох механизм байж болдог” гэсэн санаа юм.

Энэ бол эдгэрлийн явцад хамгийн өвдөлттэй атлаа таныг зовлонгоос чөлөөлөгч ойлголтуудын нэг байж магадгүй.
Энд буруутгах тухай хэлээгүй бөгөөд өөрийн амьдралын зохиогч нь дахин өөрөө болох тухай юм.

Уур хилэн бол эдгэрлийн эсрэг зүйл огт биш.
Харин боловсруулаагүй уур, залгисан уур, дэлбэрдэг уур л асуудал болдог.

Харин мэдэрч, тэвчиж, удирдаж, нэгтгэж чадсан уур нь
хил хязгаар, нэр төр, өөрийгөө хүндлэх мэдрэмж болон хувирдаг.

Send a message to learn more

30/01/2026

Донтолтын хүчийг чи өөрийн нүдээр харж, нүүр тулж байж л үнэхээр ойлгодог.
Тэр чамайг хүчил шиг идэж, бүхэлд нь уусгаж байгааг харах хүртэл чи ухаарахгүй.

Үүнийг ажиглахад аймшигтай атлаа гайхалтай.
Чиний бүх амьдралыг аажмаар, бүрэн дүүрэн зэврүүлж, доройтуулж байгааг нь харах —
хачин байдлаар хүнийг ховсдох мэт алмайруулдаг.

Донтолтын өвчнийхөө өмнө бүрэн бууж өгч, хүчин мөхөсдсөнөө хүлээн зөвшөөрөхөөс нааш та эрүүлжиж чадахгүй.

27/01/2026

Өсвөр наснаасаа энэ эмийг хэрэглэж бие махбодь сэтгэцийн эрүүл мэндээ хохироож байгаа хүүхдүүддээ эцэг эхчүүд анхаарал тавиач!

https://www.facebook.com/share/v/1G7dmAA8za/?mibextid=wwXIfr

26/01/2026

Өнөөдөр манайхаар үйлчлүүлсэн 1 хүн 1 жил, 2 дахь нь 6 сар, 3 дахь нь 3 сар цэвэр байгаа амжилтаа торт пиццагаар тэмдэглэж, чипнүүдээ авлаа. Залуустаа баяр хүргэе

21/01/2026

Болоогүй л байндаа😮‍💨 бодис бол симптом.
Сэтгэлзүй, зан авир, триггер, хэвээрээ байвал дахилт заавал ирнэ.
“Би өөрөө болчихлоо, надад дахиж асуудал байхгүй” гэж бодох эдгээр нь дахилтын хамгийн аюултай дохио юм⛔️. Бодисоо больсон ч сэтгэл зүйн байдал чинь хэвээрээ бол чи эдгэрээгүй. Үүнийг Dry Drunk гэдэг.
Dry Drunk - Бодис хэрэглэхээ больсон ч донтолтын суурь сэтгэлзүйн асуудлаа шийдээгүй хүн.
Өөрийгөө эдгэрсэн, дахилтад өртөхгүй гэж эндүүрдэг, мөн өдөөгч хүчин зүйлсээ (triggers) танихгүй, дахилтаас урьдчилан сэргийлэх стратеги хэрэгжүүлдэггүй учир энэ нь эрсдэлтэй нөхцөлд хүргэдэг.

Дахилт бодисоос эхэлдэггүй СЭТГЭЛЗҮЙН ТӨЛӨВЛӨЛТГҮЙ байдал-аас эхэлдэг үүнийг л та бүхэн сайн ойлгох хэрэгтэй шүү!!

20/01/2026

Эмчлүүлж буй залууст өөрсдөө ч ойлгохооргүй уур хилэн олонтой тохиолдоно. Энэ бол Хана эхэлж буй нэгэн дохио. Иймд зөвлөмж болгож доорхи зөвөлгөөг оруулав.

Эдгэрэх үйл явц чамайг уурлуулна.
Хэрэв одоогоор тийм мэдрэмж төрөөгүй бол, чи магадгүй хангалттай гүн рүү орж чадаагүй гэсэн үг.
Бусад хүмүүсийн эмх замбараагүй байдал, чиний тэнэг сонголтууд амьдралыг чинь хэчнээн ихээр хэлбэржүүлснийг ухаарах үед тэр уур аажмаар хуримтлагддаг.

Чиний зан чанарын хэчнээн их хэсэг нь эмх замбараагүй орчинд амьд үлдэхийн үр дүн байсныг, чиний хийсэн сонголтуудын хэд нь жинхэнэ сонголт биш, харин шийдвэр мэт харагдсан дасан зохицох механизм байсныг ойлгох мөчид тэр уур тодорч ирдэг.

Эцэст нь чи үүнийг бүрэн харж, бүрэн мэдрэхэд тийм ч сайхан санагдахгүй. Гэхдээ чи нүүр тулах шаардлагатай.

Учир нь уур бол тодорхой байдал юм.
Уур бол бодит цаг хугацаанд тогтож буй хил хязгаар юм.
Уур бол мэдрэлийн системийн “Би одоохондоо аюулгүй биш байна” гэж хэлэх дуу хоолой.

Түүнийг мэдрэхийг өөртөө зөвшөөр.
Энэ бол эдгэрлийн төгсгөл биш.
Заримдаа — эхлэл нь байдаг.

15/01/2026

Хэт хүчтэй сэтгэл хөдлөлд автах, шөнө нойр хүрэхгүй сэрүүн хэвтэх мөч хүн бүрт тохиолддог ийм үед биеэ тайвшруулах энгийн боловч үр дүнтэй аргууд бий. TIPP skills

07/01/2026

Радикал хүлээн зөвшөөрөлт нь DBT (Dialectical Behavior Therapy)-ийн үндсэн ур чадваруудын нэг юм. Энэ нь өөрчилж чадахгүй бодит байдлыг эсэргүүцэхээ зогсоож, байгаа чигээр нь ухамсартайгаар хүлээн зөвшөөрөх чадвар юм.

Бодит байдлыг “ингэх ёсгүй байсан” гэж эсэргүүцэх үед тархи survival mode-д ордог. Харин хүлээн зөвшөөрөх үед prefrontal cortex идэвхжиж, логикоор бодож илүү оновчтой шийдвэр гаргадаг. Өөрөөр хэлбэл, хүлээн зөвшөөрөх нь бууж өгөх биш, харин бодит байдлыг эрүүл ухаанаар харах боломжийг олгодог.

01/01/2026

Өнөөдөр шинэ оны эхний өдөр 1 үйлчлүүлэгч маань 30 хоногийнхоо чипийг авч баяраа амтат хоолоор тэмдэглэлээ