12/03/2026
Сүүлийн жилүүдэд сошиал медиа болон зар сурталчилгаанд “тураах кофе”, кето дэглэм, алим‑тараг, оддын барьдаг “дэглэм” зэрэг олон арга ихээр гарч байна.
Гэвч эдгээр арга нь жин хасахад үнэхээр үр дүнтэй эсэх нь эрдэм шинжилгээний нотолгоонд дөнгөж судлагдаж байгаа юм.
1. Мацаг
Мацаг гэдэг нь хооллох цагийг хязгаарлах дэглэм бөгөөд калори багасгахад зарим хүмүүст тусалдаг гэж үздэг. Гэвч олон том судалгааны харуулснаар: Мацаг нь илчлэг багасгах хүмүүсийн жинг хасахад дэмжлэг үзүүлдэг ч ердийн калори хязгаарлах дэглэмтэй харьцуулахад илүү үр дүнтэй гэж батлагдаагүй. Судалгаанд өөх биш булчин, ус, эрдэс алдагддаг нь ажиглагдсан.
2. Кето дэглэм
Кето дэглэм нь нүүрс ус багатай, өөх тос,уураг ихтэй хооллолт юм. Олон судалгаанаас харахад: Богино хугацаанд (≈6 сар хүртэл) жин хасах нь зарим тохиолдолд хурдан мэт харагддаг. Гэвч урт хугацаанд илүү үр дүнтэй гэдэг нотолгоо дутмаг. Хэт удаан хэрэглэсэн тохиолдолд LDL (“муу”) холестерин нэмэгдэх, бөөрний үйл ажиллагаа буурах, зүрх судасны эрсдэл, шим тэжээлийн дутагдал, булчинг сулруулах эрсдэлтэй.
3. “Тураах кофе” болон бусад бүтээгдэхүүн
Одоогийн байдлаар шинжлэх ухааны баталгаатай clinical судалгаа байхгүй.Заримдаа бодисын солилцоог бага зэрэг идэвхжүүлж болох ч томоохон жингийн өөрчлөлтийг баталгаажуулах чадваргүй. Өдөрт хэдэн кг тураана гэх сурталчилгаа нь худал байх нь элбэг.
Эдгээр аргууд нь зарим хүмүүст түр зуурын нөлөөлөл үзүүлэх боломжтой ч шинжлэх ухааны нотолгоо нь хязгаарлагдмал.
Хамгийн үр дүнтэй, эрүүл арга нь: Илчлэг хянасан тэнцвэртэй хооллолт, Дасгал хөдөлгөөн, Мэргэжлийн хоол зүйчийн хяналт, Биеийн бүтэц хянах шинжилгээ
Шинжлэх ухаанд батлагдаагүй дэглэм, сурталчилгаанд бүү итгэ. Өөрийгөө эрүүлээр хохироохоо больж, бодит нотолгоотой аргаар турах нь хамгийн зөв сонголт юм.
Амьдралд “дасгал хийхгүй турах” гэдэг амархан, хурдан арга байдаггүй
