01/04/2026
🤰😥 Сүүлийн үеийн судалгаагаар ээжүүд, ялангуяа ажил эрхэлдэг эхчүүдийн кортизол (стрессийн даавар) хамгийн өндөр түвшинд хүрдэг нь тогтоогджээ. Зөвхөн ээж байх нь өөрөө бүтэн цагийн 2.5-аас 3 ажлыг зэрэг хийж буйтай тэнцэхүйц ачаалал юм.
Яагаад ийм өндөр стресстэй байдаг вэ?
• Өөртөө гаргах цаг бараг байхгүй.
• Орчны нөлөө: Цэвэрлэгээ, дуу чимээ, байнгын хөдөлгөөн зэрэг нь хүний кортизолын түвшнийг жам ёсоороо нэмэгдүүлдэг.
Ажил эрхэлдэг ээжүүдийн хувьд:
Тэд олон төрлийн үүргийг зэрэг гүйцэтгэхээс гадна, сэтгэл зүйн гүндээ үргэлж "ээжийн гэм буруутай мэдрэмж"-тэй тэмцэж байдаг. Энэ нь кортизолын түвшнийг улам бүр өсгөдөг байна.
Гэртээ байдаг эсвэл ажил хийдэг эхчүүдийн хэн нь ч бай, үнэн хэрэгтээ амарч, өөрийгөө цэнэглэж чаддаггүй. Үүнээс болоод тэдний бие махбод дахь кортизолын түвшин хэзээ ч буурдаггүй бөгөөд эмэгтэй хүн байнгын "тэмцэх эсвэл зугтах" гэсэн түгшүүртэй төлөвт гацдаг байна. Тэгвэл таны кортизолын түвшинг бууруулж, тэрхүү "тэмцэх эсвэл зугтах" төлөвөөс гарахад туслах 3 энгийн бөгөөд шинжлэх ухааны үндэслэлтэй алхмыг зөвлөе:
1. "Бичил амралт" (Micro-rest) – 5-хан минут
Хүүхэд унтах эсвэл хэн нэгэн саад болохгүй байгаа тэр богинохон агшинд
• Гүнзгий амьсгал: Хамраараа 4 тоолоод амьсгал авч, 8 тоолоод амаараа зөөлөн гаргаарай. Энэ нь тархинд "аюулгүй байна" гэсэн дохио өгч, кортизолыг шууд бууруулдаг.
• Мэдрэхүйгээ ажиллуул: Хүйтэн усаар гараа угаах эсвэл дуртай үнэртэй лаагаа үнэрлэх. Энэ нь таныг "одоо цагт" авчирдаг.
2. "Ээжийн гэм буруу"-тай тэмцэх
Таныг амрах үед "Би залхуурч байна" эсвэл "Би муу ээж байна" гэх бодол орж ирвэл үүнийг дараах өгүүлбэрээр солиорой:
"Би амарч байгаа нь хүүхдүүддээ эрүүл, тэвчээртэй ээж байхын тулд хийж буй хамгийн чухал ажил юм."
3. "Хийх ажлын жагсаалт"-ыг цөөлөх
Өнөөдөр заавал хийх ёстой 3-хан зүйлийг сонгоод, бусдыг нь "дараа" гэх жагсаалт руу шилжүүл. Гэр бага зэрэг замбараагүй байх нь таны сэтгэл зүйн эрүүл мэндээс илүү чухал биш юм.
