19/11/2025
喺寒冷天氣下，人體消耗嘅能量會比平常多，但居住喺亞太區，即使冬天亦唔算好凍，加上現代生活物資豐裕，唔會缺乏保溫衣物，所以造成嘅影響相對唔大。但係為食嘅你同我，往往借住天氣轉冷嘅藉口嚟食嘢保暖，每逢降溫，就大飲大食，最終攝取嘅熱量超額，體重大增。
以下有幾點考慮到現實冬天生活嘅保暖方式同大家分享!
第1， 進食加熱食物，無論係一片麵包、一碟素菜、一隻雞蛋都可以喺進食前加熱，咁樣做嘅話，食物唔單止可以提供熱量，仲可以提供額外嘅熱能。
第2， 可以多飲暖水或溫熱飲品包括熱湯、熱茶、暖薑水等。
第3， 着足够嘅衣物，特別注意個別位置保溫包括頭、肩、頸、手或或者係經常暴露喺冷空氣嘅身體部份。
第4， 每餐進食合適量嘅碳水化合物能夠幫助身體持續産熱保暖。
第5， 控制生冷食物，减少凍飲、魚生、雪糕等生冷食物，避免俾腸胃同身體帶來額外嘅寒冷負擔。
第6， 保持舒適嘅濕度，可以令寒冷感覺減低，喺屋企可使用抽濕機，將室內濕度控制喺 40%-60%之間。
第7， 喺辦公室或屋企時，可以使用暖手寶、加熱坐墊、暖器等等，針對性補充熱能。
第8，減少靜態狀態，多走動、多活動或多運動。身體喺活動情況下血液循環較佳，咁就有更好嘅保暖同埋消耗熱量嘅效果。
#秋冬減肥保暖小貼示
#秋冬減肥
#保暖小貼示
