Nicholas Briffa

22/04/2026

Ippermettuli ngħid kelmtejn dwar tip ta' niket jew luttu li ma nagħmlux funeral għalih. Niket li nara sikwit ix-xogħol. Uġigħ li jinħass f'mumenti partikolari… f'testijiet tat-tqala negattivi, f'kmamar vojta u f'konversazzjonijiet skomdi li n-nies ma jafux kif jagħmluhom. Huwa uġigħ li jinġarr fis-skiet, waqt li xorta trid tibqa' għaddej, titbissem, u tisma' lil min jgħidlek "irrilassa", "dik kollha ansjetà", "dik għax għandek għaxar kilos żejda", "kif ħallejtu daqshekk biex taħsbu għat-tfal?", "xi darba tiġi tajba" jew "issa jiġi dak il-mument".

Din il-ġimgħa nfakkru l-għarfien dwar l-infertilità.

Għal ħafna, it-triq lejn il-ġenitorjat mhix kif immaġinawha. Jesperjenzaw it-tama u l-qtigħ il-qalb fl-istess ħin… iġorruhom flimkien. Xi wħud qed jibku fis-skiet kull xahar li għax skoprew li ma nqabdux, oħrajn għaddew minn korrimenti tul il-vjaġġ tal-infertilità, oħrajn qed jippruvaw jifhmu infertilità li m'hemmx raġuni għaliha jew għaddejjin minn trattamenti li jħalluhom mingħajr saħħa. Hemm min jitbissem huwa u jġorr uġigħ moħbi, hemm min iħossu waħdu u mgħobbi, jew saħansitra jisma' kliem (bla empatija) li ħadd ma għandu jisma'… u xorta jibqa’ miexi.

Jekk tinsab f'dan il-mument ftakar… l-uġigħ tiegħek huwa reali, l-esperjenza tiegħek hija importanti u m'intix waħdek. Kun ġentili miegħek innifsek. Mhux kull tbatija tidher, u mhux kull tbatija tinstema'. Kultant l-aqwa ħaġa li nistgħu nagħtu lil ħaddieħor hija fehim mingħajr mistoqsijiet u appoġġ mingħajr pressjoni.

Kuraġġ mill-qalb ❤️

21/04/2026

Dalgħodu kien hemm raġel li ħareġ mid-dar għax-xogħol…u mhux se jirritorna lura. Sfortunatament, bħalu kien hemm oħrajn. Aħbarijiet bħal dawn joħolqu diqa fuq kulħadd.

Bħal l-imwiet li kellna f'dawn l-aħħar xhur, dak li jolqotni mhux biss x'ġara, imma kemm kollox probabbilment kien jidher normali qabel ma' dak li jkun ħareġ għax-xogħol. Ngħaġġlu, noħorġu b'ġenn sħiħ biex inlaħħqu mal-ħin bla ma nlissnu kelma jew nagħtu tgħanniqa għax ovvjament ilkoll naħsbu li dejjem se jkun hemm ħin ieħor.

Imma mhux dejjem ikun hemm, sfortunatament.

Qabel toħroġ mid-dar, ieqaf ftit. Mhux faċli, imma jekk kellek argument il-lejl ta' qabel, taffi t-ton tiegħek u rattab ftit qalbek. Tislima żgħira, mument sempliċi… ifissru ħafna aktar milli naħsbu.

Għax xi darba, bla ebda twissija, dik tista' tkun l-aħħar tislima.

Jurgen, strieħ fis-sliem 🙏 Sabar u faraġ lill-maħbubin li ħalla warajh.

21/04/2026

Għaddiet sena minn meta miet Papa Franġisku, u xorta waħda ħafna minna għandna nħossu li l-preżenza tiegħu għadha magħna. Speċjalment bħalissa, fiż-żminijiet ta' gwerer u kunflitti.

Imwieled f'Buenos Aires fl-1936, sar l-ewwel Papa mill-Amerika Latina, l-ewwel Papa Ġiżwita, u l-ewwel wieħed li għażel l-isem Franġisku. Mill-bidu nett kien ċar li kien se jmexxi b'mod differenti. Meta deher fuq il-gallarija tal-Bażilika ta' San Pietru fl-2013, qabel ma ta l-barka tiegħu, talab lin-nies jitolbu għalih. Dak il-mument kien simboliku u sinifikanti.

Għażel is-sempliċità. Għex b'mod umli, qrib in-nies, u mar fejn ħafna oħrajn jagħżlu li ma jmorrux. Ħasel saqajn il-priġunieri, resaq lejn l-immigranti f'Lampedusa, u tkellem b'mod miftuħ fuq suġġetti li ħafna jippreferu jevitaw, bħal divorzju, is-sesswalità u l-inklużjoni. L-enċiklika Laudato Si' fetħet diskussjoni usa' dwar l-ambjent, mhux biss fil-Knisja imma fis-soċjetà kollha.

Ma beżax jisfida sistemi, anke fi ħdan il-kurja Rumana u l-Knisja inġenerali, u għalhekk kien hemm min naturalment ammirah u oħrajn li opponewh. Imma dak li baqa' l-aktar huwa kif kien iġiegħlek tħossok. Bħallikieku ma kellekx bżonn tkun perfett biex tappartjeni.

Sena wara, dak li jibqa' mhuwiex biss dak li għamel, imma t-tip ta' raġel u mexxej li kien. Stil ta' tmexxija aktar uman u aktar qrib in-nies. Forsi għadna qed nippruvaw nifhmu u ngħixu aħna wkoll dak li pprova jgħaddilna.

Jistrieħ fis-sliem 🙏

20/04/2026

Ġejt mistieden mill-kumitat ta' Għajnsielem FC biex nhar is-Sibt li ġej nitkellmu dwar kif nistgħu ngħinu lil uliedna jibnu awto-stima aħjar. Il-laqgħa se ssir fil-każin tal-klabb. Niltaqgħu.

20/04/2026

Peppi Azzopardi's comments created a lot of discussion, but maybe we can look at this more simply.

Let me be clear, I am not a linguist or an expert in language science, and I stand to be corrected by my linguistic friends. I am speaking from what I see in my work and everyday life about a theme very close to heart. Also, although I prefer to write in Maltese, I am writing this in English so it can reach more people.

From a psychological point of view, growing up with two languages is a real advantage. The brain learns to switch between systems, which strengthens attention, flexibility, and problem solving. Children who use two languages often become better at focusing, adapting, and seeing things from different perspectives. It is like training the brain to be more agile. But language is not only about thinking. Maltese is often the language of home, of emotions, of how we first experience life. That is something very important.

At home, we speak to Ġwann and Ġużè in Maltese. That is our mother tongue. It is how they learn to express feelings, humour, metaphors, symbolism and connection. It gives them a sense of who they are.

At the same time, we have to be realistic. Many lessons at school are in English. YouTube and many apps/websites are predominantly in English. Children meet foreign kids and naturally switch to English. The world they are growing up in is already very English.

I also think about my own experience. I never formally studied or spoke Italian growing up. But at that time we only had Maltese and Italian TV. Because of this, I can say that I understood Italian roughly 50 per cent but couldn't communicate in Italian. Later, when I went to Italy to continue my specialised studies, everything was in Italian. People there don't switch to English (many Italians don't have an affinity for English). With some effort and support, I managed to grasp the language within a couple of months and, thankfully, I did very well. That experience stayed with me.

A friend of mine who lives in the Netherlands once told me that everything there, even monuments and menus, are written in Dutch and English. He works as an engineer and Dutch is the working professional language. And still, they are among the best English speakers in Europe. People learn English, but they do not replace their own language. Same can be said for many parts of Scandinavia.

Maybe we don't need to turn this into a competition. Maltese gives us identity. English helps us connect. Both matter. And when we keep both, we are not losing anything. We are giving our children more ways to think, to feel, and to find their place in the world. I encourage parents to speak to their children in Maltese and for the Gozitans to speak to their children in their dialect. It's a richness on many levels ❤️

19/04/2026

Ftit ilu kelli x-xorti li nżur lil xi ħadd li għandu kundizzjoni terminali. Magħkom xtaqitni naqsam elementi minn din l-esperjenza sempliċi imma speċjali, esperjenza li ħalliet fija impatt qawwi. Il-pożittività, l-umiltà u l-għerf li ħarġu mill-fomm u l-qalb ta' din il-persuna kienu kbar, bir-raġel biswitha jagħmel dak kollu possibli biex jaraha komda - imħabba konvinta, imħabba profonda. Tkellimna dwar li hemm ħafna modi biex inkunu kuraġġużi f'did-dinja. Kultant il-qlubija f'sitwazzjoni iebsa tinvolvi li tistabbilixxi ħajtek għal xi ħaġa akbar minnek innifsek, jew għal xi ħadd ieħor. Xi drabi tinvolvi l-għoti ta' dak kollu li qatt kont taf, biex titgħallem u tagħti tifsira ġdida lill-ħajja.

Għal din il-persuna permezz tal-kundizzjoni tagħha qegħda tgawdi iżjed lil familja tagħha, qegħda titrasferixxi enerġija pożittiva fuq ħaddieħor u permezz tat-tifsira li tat lit-tbatijiet tagħha kienet opportunità ta' tagħlim għalija u ħafna oħrajn. Kif kien qal Victor Frankl "those who have a 'WHY' to live, can bear with almost any 'HOW' ".

Selmitli billi bit-tħaddina affabbli minkejja li debboli, berkitni.

GRAZZI MINN QALBNA.

19/04/2026

L-attività ta' djalogu "Faith on the Rocks", organizzata mill-KDŻG, flimkien mas-Sinjura Renee Laivieri u mas-Sinjur Peppi Azzopardi se ssir nhar il-ġimgħa li ġej u mhux nhar is-Sibt. Ħadt żball fil-kitba. Skużawni.

Ħerqan biex inkunu flimkien, nieklu, nitkellmu u nitgħallmu minn xulxin. Tinsewx tibbukkjaw.

Grazzi KDĠZ tal-istedina.

18/04/2026

Jekk trid tifhem il-karattru ta' persuna, innota kif tittratta lil dawk li m'għandhiex bżonn jew li m'għandha xejn x'takkwista minnhom....

18/04/2026

Ħerqan biex nhar il-Ġimgħa, ġewwa Għawdex, flimkien ma' żewġ kollegi mill-aktar rispettati, niftħu djalogu fuq temi mill-aktar reali. Ejjew!

17/04/2026

In my clinical work, I realize that many couples think that strong relationships need big gestures or money. They don't.

The happiest couples focus on simple things that cost nothing. They laugh together, try small new experiences, talk openly, make time for each other, and give each other space when needed. Nothing complicated. Just real connection built in everyday moments.

It is not about doing more. It is about being present and intentional.

Love grows in these small, repeated moments. Not in pressure. Not in perfection. But in choosing each other in the ordinary parts of life, again and again.

17/04/2026

Inizjattiva mill-aqwa. Servizz professjonali ta' psikoterapija b'xejn mill-Parroċċa ta' San Bastjan.

Il-Parroċċa tfakkar fis-servizz b'xejn li qed toffri li fost oħrajn jiffoka fuq l-għoti ta' gwida u assistenza biex jiġu solvuti kwistjonijiet personali, il-benesseri u l-kura personali, problemi ta’ relazzjoni u komunikazzjoni, trattament f’kunflitti emozzjonali u li tħossok aħjar b'mod ġenerali dwarek innifsek.

Inħeġġuk biex int min int, tagħmel x'tagħmel u qiegħed fejn qiegħed...tiddejjaqx tfittex l-għajnuna. Ħu ħsieb aħjar lilek innifsek.

16/04/2026

Ilbieraħ temmejna t-tieni seminar, li għalaq vjaġġ fuq sentejn ta' CPD fl-iskola Sależjana ta' St Patricks, b'fokus fuq is-sesswalità, it-trawma u l-adoloxxenti.

Dawn mhumiex l-iktar suġġetti faċli biex nitkellmu dwarhom, imma huma fost l-aktar importanti. It-trawma mhux dejjem hija xi ħaġa tal-passat. Ħafna drabi tħalli impatt fuq kif iż-żgħażagħ jaraw lilhom infushom, kif iħossuhom f'ġisimhom, kif jibnu r-relazzjonijiet u kif jifhmu u jgħixu s-sesswalità tagħhom.

Tul dawn is-seminars, li laqatni l-aktar kienet l-mentalità miftuħa tal-edukaturi. Laqtuni l-mistoqsijiet sinċieri, ir-riflessjonijiet u r-rieda li jiffaċċjaw suġġetti li kultant jistgħu jġibu skumdità. Nemmen li hemmhekk iseħħ it-tagħlim veru.

Għax l-iskola mhix biss post ta' tagħlim akkademiku. Hija wkoll spazju fejn iż-żgħażagħ iġorru magħhom esperjenzi li mhux dejjem jidhru. U kultant, adult wieħed li jkun attent, infurmat u emozzjonalment preżenti jagħmel differenza kbira.

Grazzi lis-Surmast Fr Jeremy Vella SDB u lill-amministraturi tal-iskola tal-fiduċja u l-akkoljenza 🙏

Ninsab grat li kont parti minn dan il-vjaġġ.