Matsalolin Ido da Hanyoyin Magance Su Cikin Sauki

10/11/2025

Rai dangin goro ne, sai da ban ruwa.... Mu shakata da wannan

10/11/2025

Menene yanar ido (Cataract).
Yanar ido wato cataract cuta ce ta ido da ke haifar da gajimare a ruwan tabarau na ido wanda ke jawo kankantar gani, dishi-dishi, ko matsaloli wajen ganin abubuwa musamman da dare. Yana tasowa a hankali, yawanci yana da nasaba da tsufa ko wasu dalilai kamar rauni ko hasken radiation.
Hanyar kare kai daga yanar ido ta hada da amfani da tabarau masu kare ido daga rana, saka hula mai fadi, cin ganyayyaki da 'ya'yan itatuwa masu gina jiki, gujewa shan taba, da kula da lafiya gaba daya.

Idan cataract ya riga ya ci gaba, hanya mafi tasiri ita ce tiyata inda ake cire ruwan tabarau mai gajimare a maye gurbinsa da sabon na'ura mai kyau domin dawo da hangen nesa.
Menene Yanar Ido (Cataract).?
Cataract wani yanayi ne inda ruwan tabarau na ido ke rufe gajimare, wanda ke haifar da duhun gani da matsaloli wajen ganin abubuwa a hankali.Yana iya shafar ido daya ko duka biyu, kuma alamomin sun hada da ; ɓata launi, diahi-dishi, hangen abu, sai rabe su zama biyu, da matsala wajen gani da rana ko dare.
Cataract sanadi ne na manyan matsalolin makanta a duniya, musamman ga masu shekaru, mata, da wasu yankuna kamar Afirkan mu.
>Hanyoyin Kare Kai Daga
Yanar Ido;
1. Amfani da tabarau masu kare ido daga hasken ultraviolet na rana.
2. Sanya hula mai fadi don kariya daga hasken rana kai tsaye.
3. Kara cin ganyayyaki da 'ya'yan itace masu sinsadaran antioxidants.
4. Gujewa shan taba da rage shan abubuwan da ke dauke da caffeine sosai.
5. Gudanar da lafiyar jiki gaba daya, kamar rage ciwon suga da kuma kula da hawan jini.
6.Magani da Tiyatar Cataract. Idan yana da tsanani, tiyata ce hanyar magancewa inda suke cire ruwan tabarau mai gajimare (cataract) a ido. Ana amfani da hanyoyi kamar Phacoemulsification da Extracapsular Surgery.
A Phacoemulsification, ana karya gajimaren ruwan tabarau ta na'ura kafin cirewa, sannan a saka ruwan tabarau na wucin gadi.Wannan tiyata na da sauri kuma mai inganci wajen dawo da hangen nesa.
Wannan bayanin na iya taimakawa wajen fahimtar yanar ido da yadda za a kare kai da kuma magance matsalar idan ta taso. Mu hadu a rubutu na gaba.

10/11/2025

Ga wasu bayanai don ƙarawa kan mu kariya daga ciwon idanu walau ga yara ko manya:

1. Bi ƙa'idar 20-20-20
Kowane minti 20, ka duba wani abu mai nisa ƙafa 20 na tsawon dakikoki 20, domin ka hutar da idonka daga kallon kallon karatu, waya, TV, ko littafi.
2. Yin binciken ido akai-akai:
Ka yi wa idonka gwaji tare da ƙwararren likitan ido ko gun maiakachin ido da ka aminta da kwarewarsa a kai a kai don gano matsaloli tun wuri.
3. Sanya kayan kariya:
Ka yi amfani da tabarau ko kariya na ido idan za ka yi wani aikin da zai iya cutar da idon ka. Kamar saran kashi ga yanuwan mahauta, faskare, gyran gona, Walda da sauran su.
4. Ka kasance mai yawaita shan ruwa musamman da rana:
Sha ruwa mai yawa don kiyaye danshin idonka da kwanciyar hankali.
5. Yi hutu:
Ka yayewa idonka damuwa ta hanyar hutawa lokaci-lokaci, musamman lokacin da kake aiki da kwamfuta ko karatu.

6. Cin abinci mai gina ido da ƙara ƙarfin gani:
Ka ci abinci mai dauke da sinadarai kamar omega-3, lutein, da zeaxanthin, kamar ganye, kifi, da gyada, saboda taimaka wa lafiyar idon mu.
7. Yawaita wanke hannu kafin da bayan wani aiki ko chin abinci:
Hakika hakan ba karamin taimakawa yake ba. Don kuwa hannayen mu na zuwa ma banbanta wurare a lokutta da dama ba tare da mun ankara ba. Saboda haka tsaftar hannu na da matukar muhimmanci

10/11/2025

25/10/2025

Shin kuna da masaniya game da ciwon idon trakoma( trachoma)??.
Ya matukar addabar yara har da tsofaffi.
Hanyoyin Kariya Daga Ciwon Ido Na Gira ko Turakoma.

Ciwon ido na tirakoma na ɗaya daga cikin cututtukan da har yanzu yake addabar yara musamman a kauyukanmu da sansanonin ‘yan gudun hijira inda aka fi fama da rashin ruwa a irin wannan lokaci na bazara. Idan ba a dauki mataki da wurin ba har makanta yakan kawo a yara. Don haka yau za a tabo mazauna kauyuka ne, inda har yanzu ake fama da wannan matsala. A da a kasar Nijar aka fi ganin matsalar amma yanzu a can ta yi sauki sosai saboda fadakarwa da hobbasan hukumominsu.

Wannan ciwo kamar sauran ciwon idanu yake, yana sa kwantsa da kaikayi da jan ido, amma shi har makanta zai iya jawo wa. kwayoyin cuta na Chlamydia ke kawo shi, kuma sai an yi da gaske suke tafiya domin zai yi kamar ya tafi amma bayan ‘yan watanni ya dawo. Idan aka gan shi a idon yara da dama a sansani ko a kauyen to kusan a iya cewa annobarsa ake, don haka dole sauran iyaye su kiyaye yaransu daga kamuwa. Shi wannan ciwo ban da farin nan na cikon ido har gashin ido yake cinye wa idan ba a dauki mataki ba.
Hanyoyin Kariyar kuwa su ne:
1. Duk yaron da aka gani da ciwon ido mai kwantsa da kaikayi a yi maza a kai shi likita ya duba shi don kada matsalar ta jawo lahani.
2. Hana yara wadanda ba su kamu ba wasa da masu ciwon idon.
3. Wanke wa yara fuska da ido a kowace safiya da ruwa mai tsabta koda ba a samu na yi musu wanka ba kan kare yara.
4. Tsabtar muhalli ta hanyar yawan shara, wanke kwanukan abinci, kiyayewa da tsabtace wuraren ba-haya, duka domin kada kuda ya samu wurin zama, domin kuda zai iya kwaso kwayar cutar a kan idon mai ciwon ya sa wa yaro lafiyayye.
5. Akwai kwayoyin magani na warkarwa idan an je wurin shan magani cikin lokaci, akwai ma na riga-kafi na sauran yara wadanda ma ba su kamu ba, amma s**a shiga hadarin kamuwa. Hukumar Lafiya ta Duniya ta ba da ka’idojin yadda za a ba yara wadanda ba su kamu ba wadannan magunguna da zarar an ga yara na fama da irin wannan matsala a kauyuka ko sansanonin gudun hijira.
6. Ci-gaba da gina rijiyoyin burtsatse a kowane lungu da sako na kauyuka.
7. Idan matsalar ta yi kamari aka samu cinyewar gashin ido, abin sai an kai ga babban asibiti domin a ceci idon ta hanyar tiyata.
Idan da tambaya mu hadu a comment.

12/10/2025

Ga wasu hanyoyi da za a iya kare lafiyar idanu:

1. Cin abinci mai kyau: Kula da cin kayan lambu da ganye kamar alayyahu, salad, karras, dankali, da jan yaji domin samun sinadarin vitamin A wanda ke taimaka wa ido​.

2. Daina shan sigari: Shan sigari na iya cutar da ido ta yadda yake lalata tantanin halittun ido da haifar da cututtuka irin su cataract da macular degeneration​.

3. Kare idanu daga hasken rana: Yin amfani da tabarau mai kare hasken rana (sunglasses) domin hana haske mai yawa shiga ido kai tsaye, wanda zai iya jawo matsala ga idanu​.

4. Bada isashen hutu ga idanu: Lokacin amfani da na'urorin da ke fitar da gilashi mai haske kamar kwamfuta ko waya, a yi amfani da dokar 20-20-20, wato bayan kowane minti 20 a duba wani abu mai nisan sawu 20 na tsawon daƙiƙa 20 domin rage gajiya ga ido​.

5. Tsaftar hannaye: Tabbatarda tsaftar hannaye kafin taɓa idanu domin kare kai daga kamuwa da cuta ta hanyar hannaye​.

6. Kula da matsin lamba na jini: Hawan jini na iya haifar da matsalolin gani, don haka kula da shi yana taimakawa wajen kare idanu daga wasu cututtuka​.

7. Gwajin idanu akai-akai:
Yin gwajin idanu lokaci-lokaci musamman ga yara da masu shekaru fiye da 40 domin gano matsaloli da wuri kafin su kara tsananta​.

Wadannan hanyoyi ne da suke taimaka wa kowa ya kare lafiyar idanunsa daga cututtuka da matsalolin gani​.